Mark Rowe ပါဝင်သော ဇာတ်ကားများ

The Hill (2023) ~ IMDb - 6.7/10, RT - 44%, Meta - 48% ~ Professional Baseball Player Rickey Hill ရဲ့ ဘဝအကြောင်း ဖြစ်ရပ်မှန်ကို ဇာတ်အိမ်တည်ပြီး ရိုက်ကူးထားတဲ့ အတ္ထုပ္ပတ္တိ ရုပ်ရှင်အမျိုးအစားဖြစ်ပါတယ်။ တက္ကဆက်ပြည်ရဲ့ မြို့ငယ်လေးမှာ မွေးခဲ့တဲ့ ရစ်ကီဟေးလ်ဆိုတဲ့ ကလေးဟာ မွေးရာပါ ခြေထောက်တွေ မသန်မစွမ်းဖြစ်နေပြီး အသက်ကိုးနှစ်အရွယ်ထိ ‌လမ်းလျှောက်ဖို့တင်ကို Brace တွေတပ်ပြီး နေခဲ့ရပါတယ်။ ရစ်ကီရဲ့အဖေက သင်းအုပ်ဆရာဖြစ်ပြီး သူ့အလုပ်ကို မိသားစုထက်အရင် ‌အလေးပေးရှေ့တန်းတင်ခဲ့သူပါ။ ရစ်ကီရဲ့ မထင်မှတ်စရာ သူ့အိပ်မက်က တစ်နေ့မှာ ပရော်ဖက်ရှင်နယ်ဘေ့စ်ဘောကစားသမား ဖြစ်လာပြီး Major League ပွဲမှာ ကစားရဖို့ပါတဲ့။ ရစ်ကီရဲ့အဖေ ဂျိမ်းစ်က သူ့သားရဲ့အခြေအနေကြောင့်ရော သူလို သင်းအုပ်ဆရာဖြစ်စေချင်တာကြောင့်ပါ ရစ်ကီကို ဘေ့စ်ဘောကစားခွင့်မပြုခဲ့ပါဘူး။ ရစ်ကီရဲ့ အစ်ကိုနဲ့အစ်မကတော့ သူတို့အငယ်လေးရဲ့အိပ်မက်ကို ငယ်ငယ်တည်းက အားပေးခဲ့ပါတယ်။ ဂျိမ်းစ်ရဲ့ တရားဟောအလုပ်ကလည်း မိသားစုကို ကျွေးမွေးဖို့‌တောင် အနိုင်နိုင်ပါ။ ဒါကိုကံဆိုးမသွားရာ မိုးလိုက်လို့ရွာပြီး သူ့ကို မကြည်တဲ့မြို့သားတွေ မောင်းထုတ်တာခံရပါတယ်။ ဒီလိုနဲ့ တခြားမြို့လေးကို ပြောင်းသွားရပြီး ခက်ခက်ခဲခဲ ရပ်တည်ရပါတယ်။ ရစ်ကီရဲ့ အားထုတ်မှုကြောင့် အထက်တန်းအရွယ်ဘေ့စ်ဘောရိုက်တဲ့နေရာမှာ အတော်ဆုံးဖြစ်လာပေမဲ့ ခွင့်မပြုတဲ့ ဖခင်ရဲ့အတ္တကိုလည်း ရင်ဆိုင်ရပါတယ်။ ဂျိမ်းစ်ကလည်း ရစ်ကီကစားတာကို လုံးဝလာမကြည့်ပါဘူး။ ဒီလိုနဲ့ ငယ်ငယ်တည်းက မသန်မစွမ်းဖြစ်ခဲ့တဲ့ ရစ်ကီကို ဘုရားသခင်က နောက်တစ်မျိုးစမ်းသပ်ပြန်ပါတယ်။ အဲဒါကတော့ ပရိုအားကစားသမားဖြစ်လာဖို့ အစမ်းကစားပွဲကြီးမတိုင်ခင်မှာ ရစ်ကီက ကျောရိုးဆုတ်ယုတ်ပျက်စီးတဲ့ရောဂါကြီးရှိနေတာ သိလိုက်ရပါတယ်။ တိုတိုပြောရရင် သူ့ကျောရိုးက အသက်နဲ့မလိုက်အောင် အသက် ၆၀အရွယ် ဖြစ်နေတာပါ။ ဒီအတွက် ခွဲစိတ်ခတွေ အလွန်အမင်းကုန်ကျမှာမို့ ရန်ပုံငွေတွေရှာပြီး ကြိုးစားကုသခဲ့ပါတယ်။ ဂျိမ်းစ်နဲ့လည်း အချေအတင်ဖြစ်ရတာပေါ့။ ဒီလို ဘဝတစ်လျှောက်လုံး ကြုံတွေ့ခဲ့ရတဲ့ စိန်ခေါ်မှုတွေအခက်အခဲတွေကို ကျော်ဖြတ်လို့ ဖခင်ရဲ့ အားပေးမှုကို နောက်ဆုံးမှာ ရယူနိုင်ခဲ့ပြီး ပရော်ဖက်ရှင်နယ် ဘေ့စ်ဘောကစားသမားဖြစ်လာတဲ့ ရစ်ကီဟေးလ်ရဲ့ ဇာတ်လမ်းကို စိတ်ဓာတ်ခွန်အားတက်ကြွဖွယ် စီးမျော ခံစားရမှာပါ။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 1.7GB, 810MB Quality - 1080p, 720p IMDb Rating - 6.7/10 Format - mp4 Duration - 2H 6Min Genre - Biography, Drama, Sport Subtitle - Myanmar Subtitle (Hardsub) Translated by Shune Lai KK Encoded by Y

ဒက်ဟာ အစ်ကို၊ ဇနီးနဲ့ သမီးနှစ်ယောက်ရှိပြီး မိသားစုနဲ့အတူ ပျော်ပျော်ရွှင်ရွှင် နေထိုင်လာသူပါ။ သူတို့မိသားစုက ခရစ်ယာန်ဘာသာဝင်တွေဖြစ်ပြီး ဘုရားသခင်ကို ယုံကြည်ကြတယ်။ ဒက်က လေယာဉ်မောင်းတာကို ဝါသနာပါလို့ မိတ်ဆွေ၊ အစ်ကိုတို့နဲ့အတူ လေ့ကျင့်ဖူးပေမယ့် အဆင်မပြေတာကြောင့် လက်လျှော့ထားခဲ့ပါတယ်။ တစ်နေ့မှာတော့ တစ်ဦးတည်းသောအစ်ကို ရုတ်တရက် နှလုံးဖောက်ပြီး ဆုံးသွားတယ်။ ဒီဆုံးရှုံးမှုကို မခံစားနိုင်တဲ့ ဒက်ဟာ ဘုရားသခင်အပေါ် ယုံကြည်မှုပါ ပျောက်ပြီး သံသယဝင်လာပါတယ်။ နာရေးပြီးလို့ မွေးရပ်ကနေ အိမ်ပြန်ကြတဲ့အခါ မိတ်ဆွေလေယာဉ်မှူး ဂျိုးက သီးသန့်လေယာဉ်ငယ်နဲ့ လိုက်ပို့ပေးဖို့ စီစဉ်ထားတယ်။ ဒါပေမယ့် ထွက်ခွာပြီး သိပ်မကြာခင်မှာပဲ ဂျိုးဟာ လေယာဉ်မောင်းနေရင်း ရုတ်တရက် သေဆုံးသွားပါတယ်။ ဒက်လည်း ရွေးစရာမရှိတော့ဘဲ ဇနီးနဲ့အတူ လေယာဉ်မှူးခန်းမှာ ဝင်ထိုင်ပြီး လေယာဉ်ကို ထိန်းဖို့ ကြိုးစားရတော့တယ်။ ဘေးကင်းကင်း ဆင်းသက်နိုင်ဖို့ လေဆိပ်တာဝန်ရှိသူတွေကို ဆက်သွယ်ပြီး အကူအညီတောင်းရပါတယ်။ တာဝန်ရှိသူတွေက အခန့်မသင့်လို့ ပျက်ကျခဲ့ရင်တောင် ထိခိုက်မှုအနည်းဆုံးဖြစ်ဖို့ သမုဒ္ဒရာထဲ ပျက်ကျနိုင်မယ့်ဘက်ကို ညွှန်ပေးထားကြတယ်။ ဒက်ကလည်း မိသားစုကို ကာကွယ်ဖို့ အစွမ်းကုန် ကြိုးစားမောင်းနှင်နေပါတယ်။ ယုံကြည်မှုအကြောင်းကို ဖြစ်ရပ်မှန်အခြေခံထားတဲ့ ဒီဇာတ်ကားမှာ လေယာဉ်ဆင်းသက်နိုင်ဖို့ ဒက်နဲ့ တာဝန်ရှိသူတွေ ကြိုးစားနေရပုံကို အဓိက ပြထားတယ်။ လမ်းတစ်လျှောက် ဘယ်လိုအခက်အခဲတွေ ထပ်ကြုံရမလဲ၊ ဘယ်သူတွေ ကူညီပေးကြမလဲ၊ သူတို့ယုံကြည်တဲ့ ဘုရားသခင်ကရော စောင်မပါ့မလား၊ မိသားစုတစ်စုလုံး မြေပြင်ပေါ် ဘေးကင်းကင်း ပြန်ရောက်နိုင်ပါ့မလား။

အက်ဒ် နဲ့ လော်ရိန်း ဝါရန်လင်မယားရဲ့ သဘာဝလွန်အမှုတွေထဲက အဆိုးဆုံးအမှုတစ်ခုကို ဖြစ်ရပ်မှန်အပေါ်အခြေခံပြီး ရိုက်ကူးတင်ဆက်ထားတဲ့ ကွန်ဂျူးရင်း ၄ ကားမြောက် လာပါပြီ။ နိုင်ငံကျော် အာနီ ဂျွန်ဆန်ရဲ့လူသတ်မှုပဲ ဖြစ်ပါတယ်။ ဓားနဲ့ ၂၂ ချက်တိတိထိုးသတ်ခဲ့တဲ့ အာနီဟာ နတ်ဆိုးပူးကပ်ပြီး လုပ်ခဲ့မိတာဖြစ်ကြောင်း တရားရုံးမှာထွက်ဆိုလာပါတယ်။ ဒီလို လူသတ်မှုမျိုးဟာ ထောင်ဒဏ် အနှစ် ၂၀ လောက်ကနေ သေဒဏ်အထိ ချနိုင်လောက်အောင် ပြင်းထန်တဲ့အပြင် နတ်ဆိုးပူးကပ်မှုဆိုတာ တရားရုံးမှာ သက်သေပြဖို့လည်း မလွယ်ခဲ့ပါဘူး။ ဒီရုပ်ရှင်မှာတော့ ဝါရန်လင်မယားဟာ ဘယ်လို နတ်ဆိုးတွေနဲ့ ဘယ်လို သဘာဝလွန်အဖြစ်အျပက်တွေကို ထပ်ပြီးစုံစမ်းရဦးမလဲဆိုတာ ကြည့်လိုက်ကြရအောင် Translator:- Mr.Anderson Encoder: August File Size: 1.33 GB and 2.5GB Quality: 720p nd 1080p Subtitle: Myanmar (Hardsub) Duration: 1h 52min

Genre – Drama, Romance IMDB – 7.4/10 တစ်နေရာရာမှာ စစ်ပွဲတွေဖြစ်ရင် အဲ့ဒီ့စစ်ရဲ့အကျိုးဆက်ကို ခံစားရတာက အဲ့ဒီတစ်နေရာတည်းမဟုတ်ပါဘူး။ ကမ္ဘာဟာရွာကြီးလိုဖြစ်လာတဲ့အလျောက် နိုင်ငံတစ်နိုင်ငံရဲ့ ပြည်တွင်းစစ်ဟာ တခြားနိုင်ငံတွေကိုပါ မတူညီတဲ့ပုံသဏ္ဍာန်တွေနဲ့ အနည်းနဲ့အများတော့ ရိုက်ခတ်စေမြဲဖြစ်ပါတယ်။ ဒီလိုပါပဲ ၂၀၁၁ လောက်ကတည်းကနေ အခုထက်တိုင်ဆို ၁၃နှစ်ကျော်ကြာ ဖြစ်ပွားနေဆဲဖြစ်တဲ့ ဆီးရီးယားပြည်တွင်းစစ်ကြောင့် တိုင်းပြည်စွန့်ခွာသူတွေအများကြီးရှိခဲ့ပါတယ်။ ဒီလိုတိုင်းပြည်စွန့်ခွာသူတွေဟာ တခြားနိုင်ငံတွေမှာ ရွှေ့ပြောင်းနေထိုင်သူတွေအဖြစ် သွားရောက်နေထိုင်ကြရပြီး အများစုဟာ ခက်ခက်ခဲခဲ ရုန်းကန်ကြရပါတယ်။ ဒါမျိုးဟာ သိပ်စိမ်းလှတဲ့အခြေအနေလည်း မဟုတ်တဲ့အလျောက် ရှည်ရှည်ဝေးဝေးမပြောတော့ပါဘူး။ ဇာတ်လမ်းဘက်ကို သွားရမယ်ဆိုရင်တော့ အပေါ်က ဆီးရီးယားဒုက္ခသည်တွေထဲက အများစုဟာ တဆင့်ခံ တထောက်နားရာနေရာအဖြစ် ဂရိနိုင်ငံထဲကိုခိုဝင်ကြပါတယ်။ ဂရိနိုင်ငံလို့ပြောရင် လူတွေက.. ရှေးခေတ်ဒဏ္ဍာရီတွေ.. အိုလံပစ်ပြိုင်ဂိမ်းကို ပြေးသတိရမှာပါ။ တချို့လည်း သိမှာပေမယ့် အများစု မေ့နေကြမှာက ‘ဒီမိုကရေစီ မွေးဖွားရာနေရာ’ ဆိုတာပါပဲ။ ဒီလို သမိုင်းကြီးတဲ့ ဂရိနိုင်ငံမှာ ရွှေ့ပြောင်းနေထိုင်သူတွေရဲ့ ဒဏ်ကို စ,ခံလာရပါတော့တယ်။ အပြန်အလှန်ပါပဲ ရွှေ့ပြောင်းနေထိုင်သူ ဒုက္ခသည်တွေဟာလည်း ဖက်ဆစ်ဆန်လာတဲ့ တချို့သောဂရိနိုင်ငံသားတွေရဲ့ တိုက်ခိုက်မှုတွေကို ခံလာရတာပါပဲ။ နိုင်ငံတစ်နိုင်ငံဟာ ဒုက္ခသည်တွေကို လက်ခံထားပြီဆိုရင် လက်ခံထားရုံနဲ့မပြီးပါဘူး၊ စီးပွားရေးအပေါ်မှာလည်း အများကြီး ရိုက်ခတ်မှုရှိပါတယ်။ ဥရောပနိုင်ငံချင်းအတူတူဆိုပေမယ့် ရွှေ့ပြောင်းတွေရဲ့ဒဏ်ကို အဲ့လောက်မခံရသေးတဲ့ မြောက်ပိုင်းဥရောပနိုင်ငံကြီးတွေက ဒါကို သဘောမပေါက်တဲ့အလျောက် ဥရောပသမဂ္ဂရဲ့ ဂရိနိုင်ငံအပေါ် စီးပွားရေးမူဝါဒတွေဟာလည်း နိုင်ငံကို ပိုလို့ ကျဉ်းထဲကျပ်ထဲရောက်စေပါတယ်။ ဒီလိုအခြေအနေမှာ ရွှေ့ပြောင်းနေထိုင်သူတွေကို အသေအလဲမုန်းတဲ့ ဖက်ဆစ်ဝါဒီဖခင်တစ်ဦးရယ် .. အကျပ်အတည်းတွေကြောင့် မိသားစုမှာလည်း မပျော်ရွှင်နိုင်တော့တဲ့ အိမ်ထောင်ရှင်မတစ်ဦးရယ်... နိုင်ငံရဲ့ လူမှုစီးပွားချွတ်ခြုံကျမှုတွေကို တိုက်ရိုက်ခံစားနေရတဲ့ ကုမ္ပဏီဝန်ထမ်းတစ်ဦးရယ်.... … သူ့ကို ကယ်တင်ခဲ့တဲ့ ဆီးရီးယားဒုက္ခသည် ပန်းချီကျောင်းသားကောင်လေးကိုမှ ချစ်မိသွားတဲ့ နိုငံရေးမေဂျာလေ့လာနေတဲ့ ကျောင်းသူလေးတစ်ဦးရယ်.. မတူညီတဲ့ မျိုးဆက်တစ်ခုချင်းစီရဲ့ ရုန်းကန်မှုတွေကို ရုပ်ရှင်တစ်ကားထဲမှာတွေ့မြင်ရမှာပါ။ ဒီလိုတွေပြောနေလို့ ဒီကားက ခပ်လေးလေးနိုင်ငံရေးကားကြီးမဟုတ်ပါဘူး။ အရွယ်အပိုင်းအခြားမရွေးတဲ့ အချစ်ကို လက်တွေ့ကျကျချဉ်းကပ်ပြီး ရှေးခေတ်ဂရိဒဏ္ဍာရီတွေနဲ့ နှိုင်းယှဉ်လို့ ပြသသွားပါတယ်။ ဒဏ္ဍာရီတွေကို စိတ်ဝင်စားရင် လေ့လာဖို့အခွင့်အရေးပါ တစ်ချက်ခုတ် နှစ်ချက်ပြတ်ရသွားနိုင်ပါတယ်။ ဒီ Worlds Apart ရုပ်ရှင်ဟာ ဂရိနိုင်ငံမှာ ၂၀၁၅ ခုနှစ်တုန်းက ရုံဝင်ငွေအများဆုံး ရုပ်ရှင်အဖြစ် မှတ်တမ်းဝင်ခဲ့ပြီး ဒေါ်လာ ၄.၈ သန်း ရှိခဲ့ပါသလို ၂၀၁၅-၂၀၁၆ ရာသီအတွက် ဂရိရဲ့ နံပါတ် ၁ ရုပ်ရှင်အဖြစ် တည်ရှိခဲ့ပါသေးတယ်။ မျိုးဆက် ၃ခု အသီးသီးဆီက ဂရိလူမျိုးတစ်ယောက်ဆီနဲ့ နိုင်ငံခြားသားတစ်ယောက်ဆီကြားက မတူညီတဲ့ မေတ္တာတွေဟာ ဇုနတ်ဘုရားက ပေးသနားတဲ့ ‘’ဒုတိယ အခွင့်အရေး’’ရဖို့ ထိုက်တန်သလားဆိုတာတော့ ကိုယ်တိုင်ပဲ ကြည့်ရှုလိုက်ကြပါဦးနော့်။ အညွှန်းရေးသူကတော့ Z ဖြစ်ပါတယ်။ File size…    1.6 GB /  751 MB Quality… BluRay 1080p / 720p Format… mp4 Duration…. 1h 53m Genre ..... Drama/Romance Subtitle…. Myanmar Subtitle (Hard Sub) Encoder…. Hein Tayza Translated by Z