Marlene Forte ပါဝင်သော ဇာတ်ကားများ

Touch Me (2026) IMDb Rating (5.7) / Rotten Tomatoes (86%) ဒါရိုက်တာ Addison Heimann ရိုက်ကူးထားတဲ့ Touch Me ဇာတ်ကားဟာ ၂၀၂၅ ခုနှစ်မှာ ထွက်ရှိခဲ့တဲ့ Horror, Comedy နဲ့ Sci-Fi အရသာတွေ ပေါင်းစပ်ထားတဲ့ ထူးထူးခြားခြား ကားလေးတစ်ကားပါ။ ဒီကားထဲမှာ နာမည်ကြီး သရုပ်ဆောင်တွေဖြစ်တဲ့ Olivia Taylor Dudley, Jordan Gavaris နဲ့ Lou Taylor Pucci တို့က အဓိက ပါဝင်သရုပ်ဆောင်ထားကြပါတယ်။ ဇာတ်လမ်းအကျဉ်း အလုပ်အကိုင်ရေရေရာရာမရှိဘဲ တစ်နေ့တစ်နေ့ သောက်စားပြီး အချိန်ဖြုန်းနေကြတဲ့ သူငယ်ချင်းနှစ်ယောက်ဖြစ်တဲ့ ဂျိုဝီ နဲ့ ခရိတ် တို့ရဲ့ ဘဝထဲကို ထူးဆန်းတဲ့ ဂြိုဟ်သားတစ်ယောက် ရောက်လာတဲ့အခါ ဇာတ်လမ်းစပါတော့တယ်။တစ်နေ့မှာ ဂျိုဝီ ဟာ သူ့ကိုယ်သူ ဂြိုဟ်သားပါလို့ ပြောတဲ့ ဘရိုင်ယန် နဲ့ သွားပတ်သက်မိရာကနေ ပြဿနာစတာပါပဲ။ ဘရိုင်ယန် က ကြည့်လိုက်ရင် ရုပ်ဖြောင့်ဖြောင့်နဲ့ ဆွဲဆောင်မှုရှိတဲ့ ယောကျ်ားတစ်ယောက်ပုံစံမျိုးပါ။ ဒါပေမဲ့ သူ့ရဲ့ အထိအတွေ့က မူးယစ်ဆေးဝါးတစ်မျိုးလိုပဲ အလွန်စွဲလမ်းစရာကောင်းနေပါတယ်။ ဂျိုဝီ က ဒီဂြိုဟ်သားဟာ အန္တရာယ်များမှန်း သိနေပေမယ့်လည်း ရှောင်မထွက်နိုင်ဘဲ ဆက်ပြီး စွဲလမ်းနေခဲ့ပါတယ်။ မကြာခင်မှာပဲ သူ့သူငယ်ချင်း ခရိတ် ပါ ဒီအထိအတွေ့ကို စွဲလမ်းလာပါတော့တယ်။ဒီကားဟာ ဂြိုဟ်သားတစ်ယောက်ရဲ့ အထိအတွေ့ကို မူးယစ်ဆေးလို စွဲလမ်းသွားကြတဲ့ သူငယ်ချင်းနှစ်ယောက်ရဲ့ အကြောင်းကို ရယ်စရာ၊ လန့်စရာ၊ ထူးဆန်းတဲ့ အဖြစ်အပျက်တွေနဲ့ ပေါင်းစပ်ပြီး တင်ဆက်ထားတာပါ။ ဒါ့အပြင် ကိုယ့်ကိုယ်ကိုယ် အရင်ကထက် ပိုကောင်းအောင် ဘယ်လိုတည်ဆောက်မလဲ၊ အတိတ်က စိတ်ဒဏ်ရာတွေကို ဘယ်လိုကျော်ဖြတ်မလဲ ဆိုတဲ့ Message မျိုးကိုလည်း ပေါ့ပေါ့ပါးပါးနဲ့ ထည့်သွင်းပြသသွားပါတယ်။ထူးထူးဆန်းဆန်းနဲ့ သမားရိုးကျမဟုတ်တဲ့ ဇာတ်လမ်းမျိုးတွေကိုမှ သဘောကျတဲ့ သူတွေဆိုရင်တော့ ဒီကားလေးကို လက်မလွတ်သင့်ပါဘူး။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (1.6 GB) / (960 MB) Quality…. WEB-Rip 1080p HEVC / 720p Format…. mkv/mp4 Genre…. Comedy,Horror,Science Fiction Duration…. 01:39:43 Subtitle…. Myanmar Subtitle (Hardsub)

Aristotle and Dante Discover the secrets of the Universe ဆိုတဲ့ရုပ်ရှင်ကတော့ ၂၀၂၂ ခုနှစ်ကထွက်ရှိခဲ့တဲ့ဆယ်ကျော်သက် LGBT အချစ်ဇာတ်လမ်းတစ်ခုဖြစ်ပါတယ်။ ၂၀၁၂ ခုနှစ်ကအလားတူ နာမည်နဲ့ပဲနာမည်ကျော်ခဲ့တဲ့ဝတ္တုကို ဒါရိုက်တာ Aitch Alberto က ရိုက်ကူးပေးထားပြီး Max Pelayo နဲ့ Reese Gonzales တို့က အဓိကပါဝင်သရုပ်ဆောင်ပေးထားပါတယ်။ BL ပရိသတ်တွေအတွက် အချစ်ဇာတ်လမ်းချိုချိုလေးတစ်ပုဒ်အဖြစ် ချီးကျူးမှုရရှိထားတဲ့ ရုပ်ရှင်လည်းဖြစ်ပါတယ်။ ဇာတ်လမ်းအကျဉ်း အချိန်ကာလအားဖြင့် ၁၉၈၇ ခုနှစ်နောက်ခံ မက္ကဆီကိုနိုင်ငံ အယ်လ်ပါဆိုမြို့က ဆယ်ကျော်သက်ကောင်လေးအာရီဟာ နွေရာသီတစ်ခုမှာ သမားရိုးကျမဟုတ်တဲ့ အမေရိကန်နွယ်ဖွားဒန်တီဆိုတဲ့ ကောင်လေးနဲ့ တွေ့ဆုံရာကနေစတင်ခဲ့ပါတယ်။ မတူညီမှုတွေ အများကြီးရှိတဲ့ကြားကပဲ အာရီနဲ့ဒန်တီဟာ အချိန်တိုအတွင်း အချစ်ဆုံးသူငယ်ချင်းတွေဖြစ်လာခဲ့ပါတယ်။ ကားတိုက်ခံရတော့မယ့် ဒန်တီကို အာရီက အသက်နဲ့ရင်းကယ်တင်ခဲ့ပြီးတဲ့နောက် ဒန်တီဟာ ဖခင်ရဲ့အလုပ်ကြောင့် ချီကာဂိုမှာ တစ်နှစ်ပြောင်းရွှေ့နေထိုင်ခဲ့ရပါတယ်။ အနေဝေးနေတဲ့သူငယ်ချင်းနှစ်ယောက်ကြားမှာ စာတွေအဆက် အသွယ်ရှိနေခဲ့ပြီး တစ်နှစ်နေလို့ ဒန်တီပြန်လာချိန်မှာတော့ သူငယ်ချင်းသံယောဇဉ်တွေက အရောင်ပြောင်းနေခဲ့ပါပြီ။ ဒန်တီက အာရီအပေါ်ထားတဲ့သူ့ရင်တွင်းခံစားချက်တွေကိုထုတ်ပြောလိုက်ပြီးတဲ့နောက် အာရီကဘယ်လိုဆုံးဖြတ်မယ်ဆိုတာ ဆက်လက်စောင့်ကြည့်ရမှာပဲဖြစ်ပါတယ်။ File size…1.44GB / 662MB Quality…WEB-DL 1080p 5.1CH / 720p Format…mp4 Duration….1h 38m Genre ….. Drama Subtitle….Myanmar Subtitle (Hard Sub) Encoder….Min Wai Translated by JULY

၁၁ နှစ်အရွယ် ဆမ်ရဲ့ မိဘတွေ အသတ်ခံလိုက်ရပြီးနောက် လူသတ်သမားတွေက ဆမ်ကိုပါ သတ်ဖို့ အသည်းအသန် လိုက်ရှာနေကြပါတယ်။ ဒီအချိန်မှာ အိမ်နီးချင်းဖြစ်တဲ့ အဖော်အချွတ်အကမယ် ဂျစ်ပစီက ကောင်လေးကို ကယ်တင်ဖို့ ဝင်ပါလာပြီး သူကိုယ်တိုင်လည်း အသက်လုပြေးရင်း ဆမ်ကို ကာကွယ်ပေးရတော့တယ်။ လူသတ်သမားတွေက ဆမ်ကို ဘာကြောင့် ဒီလောက်လိုက်ရှာနေကြတာလဲ။ ဂျစ်ပစီကရော ကောင်လေးကို ဘယ်လိုကယ်တင်ပြီး သူတို့နှစ်ယောက် လွတ်အောင် ပြေးနိုင်ကြမလဲ။ ဒီသည်းထိတ်ရင်ဖိုဇာတ်ကားမှာ Game of Thrones ထဲက Lena Headey နဲ့ ကလေးသရုပ်ဆောင် Dean Scott တို့ ပါဝင်ထားပါတယ်။

ဝယ်လ်ဟာ ချစ်သူကောင်လေး လုခ်နဲ့အတူ သာယာပျော်ရွှင်တဲ့ဘဝမှာ နေထိုင်နေပါတယ်။ ဒါပေမယ့် သူ့ငယ်ဘဝမှာတော့ စိတ်ဒဏ်ရာရစရာ အဖြစ်တစ်ခု ရှိခဲ့တယ်။ စိတ်ကျန်းမာရေးပြဿနာရှိတဲ့ သူ့အမေက သူ့ကို သတ်ဖို့ ကြိုးစားခဲ့ဖူးတာပါ။ တစ်နေ့ အမေဆီက စာတွေ ရလာပြီးနောက် ဝယ်လ်ရဲ့ ငယ်ဘဝစိတ်ဒဏ်ရာတွေ ပြန်ပေါ်လာပါတယ်။ ပျော်ရွှင်နေတဲ့ လက်ရှိဘဝထဲ အတိတ်ကအကြောင်းတွေ ပြန်ဝင်လာချိန်မှာ ဝယ်လ် ဒီစိတ်ဒဏ်ရာတွေကနေ လွတ်မြောက်နိုင်ပါ့မလား၊ လုခ်ကရော သူကြုံနေရတာတွေကို နားလည်ပေးနိုင်ပါ့မလားဆိုတာ ဆက်ပြထားတဲ့ ထိတ်လန့်သည်းဖို ဒရာမာဇာတ်ကားပါ။

Vampire movie ကိုမှ မှုန်မှုန်ထိုင်းထိုင်းရှေးဆန်တဲ့ပုံစံမျိုးမဟုတ်ပဲ ခေတ်ဆန်တဲ့ဇာတ်အိမ်နဲ့ သွေးစုပ်ဖုတ်ကောင် အလန်းစားတွေပါတဲ့ကားပဲဖြစ်ပါတယ်...သွေးစုပ်ဖုတ်ကောင်တွေဟာ ယနေ့ခေတ်ကြီးအထိ လျှို့ဝှက်သိုသိပ်စွာနေထိုင်နေပြီး သူတို့ကိုလိုက်ရှာပြီးသတ်နေတဲ့ သွေးစုပ်ဖုတ်ကောင်မုဆိုးအဖွဲ့အစည်းတွေလည်းရှိနေပါတယ် .... Benny ဆိုတဲ့ကောင်လေးကတော့ ကျောင်းသားတစ်ယောက်ဖြစ်ပြီး အားလပ်ချိန်မှာ အချိန်ပိုင်းကားအငှါးမောင်းရင်းနဲ့ အပိုဝင်ငွေလေးရှာနေတဲ့သူပေါ့... တစ်နေ့တော့ ခပ်လန်းလန်း ကောင်မလေး (၂) ယောက်က သူ့ကို တစ်ညကားမောင်းဖို့ ငှါးလိုက်ပါတယ်... အလန်းစား(၂)ပွေဆိုတော့ ပျော်ရွှင်မြူးတူးစွာ ဝန်ဆောင်မှုတွေပေးခဲ့တာပေါ့... သို့ပေမဲ့ သူပို့တဲ့ အလန်း(၂)ပွေဟာ သွေးစုပ်ဖုတ်ကောင်အကြမ်းစားမတွေဖြစ်နေတဲ့အပြင် အဲ့ဒီညမှာပဲ အလွန်တရာရက်စက်တဲ့ သွေးစုပ်ဖုတ်ကောင်မုဆိုးအဖွဲ့အစည်းရဲ့လိုက်လံသတ်ဖြတ်ခြင်းခံရတဲ့အခါ.... ဘာတွေဆက်ဖြစ်မလဲဆိုတာကိုတော့.... မမ Megan Fox ကြီးလည်း ပွဲဝင်ကြမ်းထားလေရဲ့.... File Size :(0.99GB) and (380 MB) Quality : WEB-DL.NF.1080P, 720p Format…mp4 Duration…01:47:00 Genre : Action ,Crime , Drama Subtitle : Myanmar Subtitle (Hard Sub) Translated by May Myat Thu & Hnin Kit Encoded by Phyo Pyae

စောင့်​မျှော်​နေကြတဲ့ Jake Gyllenhaalရဲ့ Crime, Thrillerကားသစ် ရပါပြီ၊ ဒီကားက​​တော့ 2018 တုန်းက ထွက်ခဲ့တဲ့ ဒိန်းမတ်ရုပ်ရှင် The Guilty ကို Remake ပြန်ရိုက်ထားတာပါ သူ့နာမည်က ဂျိုး​ဘေလာ၊ LAရဲတပ်ဖွဲ့ရဲ့ အရာရှိတစ်ဦးဖြစ်​ပေမယ့် အတိတ်ကအ​ကြောင်းတစ်ခု​ကြောင့် ၉၁၁- အ​ရေး​ပေါ်ဌာနကို ရာထူးချခံထားရသူ အ​ရေး​ပေါ်ဌာနတို့ရဲ့ ထုံးစံအတိုင်း ကားပိတ်တာ၊ ​ကြောင်သစ်ပင်​ပေါ်တက်တာကအစ သဘာဝ​ဘေးအန္တရာယ်အဆုံး ဖုန်းတဂွမ်ဂွမ်ဆက်လာတာကို ပြန်​ဖြေပေးရတဲ့​နေရာဆို​​တော့ ဂျိုးတစ်​ယောက် ​သိပ်နေသားမကျလှ၊ ရဲအရာရှိဘဝကလာတာမလို့ ​ပေါင်းသင်းဆက်ဆံ​​ရေးကလည်းညံ့​တော့ အ​တော်ဘုကလန့်ကျ​နေတာ​ပေါ့၊ ဒီကြားထဲ အိမ်​ထောင်​ရေးကလည်း အဆင်မ​ပြေ​တော့ တစ်ပူ​ပေါ်နှစ်ပူဆင့် ဖြစ်​နေတာ​ပေါ့ တစ်ရက် LAမှာ မီးအကြီးအကျယ်​လောင်မှု​ကြောင့် အ​ရေး​ပေါ်ဌာနတစ်ခုလုံး ဗျာများ​နေချိန် ဂျိုးဆီကို ဖုန်းတစ်​ကောလ်ဝင်လာတယ်၊ ဖုန်းဆက်လာသူအမည်က အမ်မလီလိုက်တန်၊ ဂျိုးဖုန်းကိုင်ကိုင်ချင်းပဲ သူ့ကို Sweetyဆိုပြီး စ​ခေါ်​​​တော့ လူဂွစာကြီးဂျိုး ​ထောင်းခနဲ​ဒေါသထွက်သွားပြီ၊ ဌာနတစ်ခုလုံးအလုပ်များ​နေချိန် မျက်နှာ​ပြောင်ပြီး ဖုန်းဆက်တာပဲ​​ပေါ့ ဒါ​​ပေမယ့်အဲ့ဒီအမျိုးသမီးရဲ့အသံက တုန်​နေတယ်၊ ငိုသံပါ​နေတယ်၊ ​ကြောက်လန့်​နေတယ်၊ ​ နောက်​ပြောင်ပြီး​ခေါ်တဲ့ဖုန်းမဟုတ်ဘူး။ ဂျိုးလည်းစဉ်းစားရပြီ၊ သူ့ကိုဘာလို့ Sweetyလို့​ခေါ်ရတာလဲ? ဘာလို့ ဖုန်း​​ပြောတဲ့အသံက ထူးဆန်း​နေတာလဲ? စသဖြင့် ​မေးခွန်း​တွေ​မေး၊ စကား​တွေ​ပြောရင်း ကိစ္စကသူထင်ထားသလို ရိုးရှင်းမ​နေမှန်းသိသွားတဲ့အခါ.... အမ်မလီလိုက်တန်ဆိုတဲ့ အမျိုးသမီးက ဘယ်သူလဲ? သူအခုကြုံ​နေရတဲ့ကိစ္စက ဘာလဲ? ဂျိုးရဲ့အတိတ်ကအ​ကြောင်းက​ရော ဘာဖြစ်​နေမလဲ? ပတ်သက်ဆက်နွယ်မှု​တွေ​ရော ရှိနေတာလား စသဖြင့် ပ​ဟေဠိ​ပေါင်းများစွာထွက်​​ပေါ်လာပါတယ် ရိုက်ကူးထားတဲ့ပုံစံက Jake Gyllenhaalတစ်ဦးတည်း အသား​ပေးထားပြီး ကျန်သရုပ်​ဆောင်​တွေက များ​သောအားဖြင့် အသံပဲပါဝင်​ပေမယ့် Jakeရဲ့ ပိုင်နိုင်တဲ့သရုပ်​​ဆောင်မှု​ကြောင့် ဇာတ်ရှိန်အနှိမ့်အမြင့် တစ်ခုလုံးကို ဇာတ်လမ်းစတာနဲ့ ​တောက်​လျှောက်ဆွဲ​​ခေါ်သွားနိုင်မှာပါ။ ကြည့်​နေရင်းနဲ့ကို အထဲကဇာတ်​ကောင် ဂျိုး​ဘေလာနဲ့အတူ ကိုယ်တိုင် ရင်ခုန်မွန်းကြပ်လာတဲ့ ခံစားချက်မျိုးရမှာပါ၊ ​ မူရင်းဇာတ်​ကားနဲ့ ဘာ​တွေကွာ​သလဲ၊ ဘယ်ကားကပို​ကောင်းသလဲဆိုတာကိုတော့ မူခင်း သည်းထိပ်ရင်ဖိုဇာတ်လမ်းကြိုက်သူတိုင်း ကြည့်ပြီးမှ ဆုံးဖြတ်ကြည့်လိုက်ကြပါ အညွှန်းကိုတော့ JimX က ရေးသားထားပြီးတော့ ဘာသာပြန်ထားတာကတော့ JimX နဲ့ Pyi Ti Nyein တို့ပဲ ဖြစ်ပါတယ်။ Quality….720p File size… 1GB Format…mp4 Duration….1h 30min Subtitle….Myanmar Subtitle (Hardsub) Translator ..... JimX and Pyi Ti Nyein Encoder ..... August

The Way Back(2020) IMDb....7.1,,,,,,Rotten....83% ဒီကားမှာ ဘန်အဲဖလက်ကို ဘတ်စကတ်ဘောနည်းပြကြီးဂျက်ကန်နင်ဟန် အဖြစ်တွေ့မြင်ရမှာပါ .....ဂျက်ဟာ လူမှုရေးပြဿနာပေါင်းစုံကြောင့် စိတ်ထောင်းလို့ကိုယ်ကျေပြီး ကြုံရာကျပန်းအလုပ်တွေလုပ်နေတဲ့ မျှော်လင့်ချက်ကင်းမဲ့တဲ့ လူသားတစ်ယောက်ပါ ..... မိန်းမနဲ့လဲအဆင်မပြေ မိသားစုပေါ်လဲနားမလည်ပေးနိုင်တဲ့ဂျက်တစ်ယောက် ပင်ပင်ပန်းပန်းအလုပ်တွေလုပ်ပြီး မနက်ဆိုလဲဘီယာလေးနဲ့ အလုပ်ချိန်မှာလည်း ဘီယာလေးတမြမြနဲ့ အလုပ်သိမ်းပြန်တော့ ဘားလေးဒိုးပြီး တချိန်လုံး စိတ်ဒဏ် ရာတွေကိုအရက်နဲ့ကုစားနေရတဲ့ လူတစ်ယောက်ပါ ..... ဘာအလုပ်မှမယ်မယ်ရရတစ်ထိုင်တည်းမလုပ်ပဲ အရက်ချည်းသောက်နေတဲ့ ဂျက်ဆီ တစ်ချိန်ကသူအောင်ပန်းဆင်ခဲ့တဲ့ ဘတ်စကတ်ဘောလောက ကလူတစ်ယောက်နည်းပြလုပ်ဖို့ ကမ်းလှမ်းလာပါတော့တယ် ..... သူ့ဆီကမ်းလှမ်းတဲ့သူက Church ကျောင်းကဘုန်းတော်ကြီးဒဗိုင်းပါ .... ခရစ်ယန်ဘာသာရေးဘတ်စကတ်ဘောအဖွဲ့ ကို စိတ်ဒဏ် ရာရပြီးအရက်နဲ့လက်မပြတ်တဲ့ဂျက်ကိုမှ ဘယ်လိုနားလည်မှု ၊ ဘယ်လိုယုံကြည်ကိုးစားမှုတွေနဲ့ ဘစ်ရှော့ဟေးဆိုတဲ့အညတရဘတ်စကတ်ဘောအသင်းကို နည်းပြဖို့ ငှါးတယ်မသိပါဘူး... သူ့အပေါ်ယုံကြည်တဲ့သူတွေကို တစ်ချိန်ကရှိခဲ့ဖူးတဲ့အရည်အချင်းတွေနဲ့ ထိပ်ဆုံးထိပြန်ပို့နိုင်မလား.....မူးရူးပေတေနေတဲ့ ဘဝကနေရုန်းထွက်ပြီး အားလုံးကို အံအားသင့်အောင်ပြန်လည်စွမ်းဆောင်နိုင်မလားဆိုတာကိုတော့.... IMDb မှာ 7.1 Rotten Tomatoes မှာ 83% နဲ့လတ်လတ်ဆတ်ဆတ်ကြီး မင်းသားကလဲ Ben Affleck ဆိုတော့အထူးညွှန်းစရာလိုမယ်မထင်တော့ပါဘူး File Size : (0.99 GB) and (345 MB) Quality : WEB-DL 720p Format…mp4 Duration…01:48:00 Genre : Sport , Drama Subtitle : Myanmar Subtitle (Hard Sub) Translated by Hein That Naing Encoded by Phyo Pyae

IMDb Rating (8.0) / Rotten Tomatoes (97%) ဒီဇာတ်ကားက Rating တွေ ကြမ်းသလို နာမည်ကြီးသရုပ်ဆောင်တွေ တော်တော်များများပါဝင်ထားတယ်။ ဂျိမ်းစ်ဘွန်းမင်းသားကြီး Daniel Craig, ကပ္ပတိန်အမေရိက Chris Evans, No Time to Die နဲ့ Knock Knock ဇာတ်ကားတို့မှာ ပရိတ်သတ်အာရုံကို အပြည့်အဝဖမ်းစားခဲ့တဲ့ မင်းသမီး Ana de Armas, 13 Reason Why ရဲ့ Katherine Langford တို့အပြင် တခြားနာမည်ကြီးတွေလဲပါသေးတယ်။ မင်းသမီး Ana de Armas ရဲ့ ရှယ်သရုပ်ဆောင်ချက်တွေကို မြင်တွေ့ရမှာဖြစ်ပြီး Daniel Craig က သူ့ရဲ့သရုပ်ဆောင်ချက်တွေကို ကြိုက်လို့ No Time to Die ဂျိမ်းစ်ဘွန်းဇာတ်ကားမှာ ဒီမင်းသမီးကို ထည့်ရိုက်ခိုင်းခဲ့တယ် ဆိုကြတယ်....ပါဝင်သရုပ်ဆောင်ရတဲ့အချိန် အတိုလေးဆိုပေမယ့် သူ့ရဲ့ဖမ်းစားမှုကို အားလုံးခံခဲ့ကြရတယ်မလား...ခုကားမှာလဲ သူကပဲ ဇာတ်ကို စလည်ဆုံး ဆွဲခေါ်သွားပါဦးမယ်။ စုံထောက်ကားကောင်းကောင်းငတ်နေသူတွေအတွက်ဆို ဒီကားက ရှယ်ပေါ့ဗျာ။ဇာတ်လမ်းကတော့ ၂ ပင် ၃ ပင်လိမ်အောင်ကို လှည့်တာပါ။ တကယ်ကောင်းပါတယ်။နာမည်ကြီးတွေစုပြုံပါဝင်ပေမယ့် ဒီတစ်ခါတော့ ဆရာများ သားသေ မဖြစ်တော့ပါဘူး။ ဇာတ်လမ်းအကျဉ်းပဲ ပြောပြမယ်နော်။ အများကြီးပြောလို့မရဘူး။ ဟာလန်သရွန်ဘီဆိုတဲ့ နာမည်ကြီး လျို့ဝှက်သည်းဖို စာရေးဆရာကြီးရဲ့ ၈၅ နှစ်မြောက် မွေးနေ့မှာ သူ့ သားသမီးတွေ မြေးတွေနဲ့ သမက် ချွေးမတွေ လာစုစည်းပြီး ပါတီလုပ်ကြတယ်။ အကုန်လုံးကလည်း အဘိုးကြီးနဲ့ ပြဿနာ ကိုယ်စီပေါ့။ နောက်နေ့မနက်မှာ ဟာလန်ကြီးက သေနေပါလေရော။ လည်ပင်းကို လှီးပြီး ကိုယ့်ကိုယ်ကို သတ်သေသွားတာပါ။ သတ်သေမှုပါဆိုမှ ဘယ်သူက  အလုပ်အပ်လိုက်မှန်းမသိဘဲ နာမည်ကျော် အလွတ်စုံထောက်ကြီးက ရောက်ချလာရော။ ပြီးတော့ မထင်ထားတာတွေ ဆက်တိုက်ဖြစ်ပြီး ဇာတ်သိမ်းအထိ မထတမ်း ကြည့်မိသွားပါလိမ့်မယ်။ ဒီလောက်ဆို ဘယ်လိုကားလဲ  မှန်းမိမှာပါ။ ရုံးပိတ်ရက်မှာ အပမ်းပြေကြပါစေ။ File size…(4.3 GB) /(1.2 GB)/(1 GB) Quality….BluRay 4K HEVC/1080p HEVC/ 720p Format…mkv/mp4 Duration….02:10:12 Subtitle….Myanmar Subtitle (Hardsub) Encoder….MML , Nyeinsaeya Aung Translated by Little Neo

Paranormal Activity လို ရုပ်ရှင်ကားကောင်းမျိုးကို ကြည့်ဖူးတယ်ဆိုရင်တော့ သင့်အတွက် ဒီရုပ်ရှင်ကားက သဘောပေါက်လွယ်မယ့် ရုပ်ရှင်ကားမျိုး ဖြစ်မှာပါ... ဇတ်လမ်းပုံစံကတော့ Horror Movies တစ်ချို့ကို သရော်ထားတဲ့ ဟာသ ရုပ်ရှင်ကား ဖြစ်ပါတယ် ဇတ်လမ်း ဇတ်ကွက် နှင့် စကားပြောခန်းများမှာ အများအားဖြင့် ညစ်ညမ်း အသုံးအနှုန်းများ ပါတဲ့အတွက် ကလေး သူငယ်များ နှင့် မိသားစု များ အတူ ကြည့်ရှုရန် မသင့်တော်ပါ ဟားတိုက် ရယ်ချင်ရင်တော့ သင့်အတွက် ရွေးချယ်မှုကောင်းတစ်ခုဖြစ်မယ်လို့ ပြောပါရစေ...] Thit San Khant

Star Trek (2009) IMDb - 7.9/10 Rotten - 94% Won 1 Oscar. Another 24 wins & 93 nominations နှစ်ပေါင်းများစွာတိုင်အောင် ပရိသတ်တွေကို စွဲဆောင်ခဲ့တဲ့ "Star Trek" စီးရီးရဲ့ မူလ ဇာတ်လမ်းကို အသစ်တစ်ဖန် အသက်သွင်းလိုက်တဲ့ ဒီ ၂၀၀၉ ခုနှစ် ရုပ်ရှင်ဟာ သိပ္ပံစိတ်ကူးယဉ် ရုပ်ရှင်လောကမှာ မှတ်တိုင်တစ်ခု ဖြစ်ခဲ့ပါတယ်။ အနာဂတ်ရဲ့ အကြီးကျယ်ဆုံး သူရဲကောင်း နှစ်ဦးဖြစ်တဲ့ ဂျိမ်းစ် တီ. ကာ့ခ် နဲ့ စပေ့ါခ် တို့ရဲ့ ငယ်ဘဝနဲ့ စတင်တွေ့ဆုံမှုတွေကို ပိုင်နိုင်စွာ ပုံဖော်ထားတာဟာ ဒီဇာတ်ကားရဲ့ အနှစ်သာရပါပဲ။ ဂျိမ်းစ် တီ. ကာ့ခ်ဟာ စည်းကမ်းမလိုက်နာတတ်တဲ့ ရဲစွမ်းသတ္တိရှိသူ လူငယ်တစ်ဦးဖြစ်ပြီး၊ စပေ့ါခ်ကတော့ စိတ်ခံစားမှုတွေကို ထိန်းချုပ်ကာ အမြဲတမ်း ဆင်ခြင်တုံတရားနဲ့ ဆုံးဖြတ်တတ်တဲ့ ဗာလ်ကန် လူမျိုးတစ်ပိုင်း၊ လူသားတစ်ပိုင်း သိပ္ပံပညာရှင်တစ်ဦး ဖြစ်ပါတယ်။ ဒီလို စရိုက်ချင်း ကွာခြားလွန်းလှတဲ့ လူငယ်နှစ်ဦးဟာ ကြယ်တာရာ ပျံသန်းရေး အဖွဲ့ စတားဖလီးလ် ရဲ့ သင်တန်းကျောင်းမှာ စတင် ဆုံစည်းခဲ့ကြပြီး မကြာခင်မှာပဲ ဂန္တဝင် အာကာသယာဉ် ယူအက်စ်အက်စ် အင်တာပရိုက်စ် ပေါ်မှာ အတူတကွ တာဝန်ထမ်းဆောင်ရမယ့် အဖွဲ့သားတွေ ဖြစ်လာပါတော့တယ်။ သူတို့ရဲ့ ပထမဆုံး မစ်ရှင်ဟာ ရိုးရှင်းတဲ့ အာကာသ ခရီးစဉ်တစ်ခု မဟုတ်ဘဲ၊ စကြဝဠာ တစ်ခုလုံးရဲ့ အနာဂတ်ကို ခြိမ်းခြောက်နေတဲ့ အန္တရာယ်ကြီးတစ်ခု ဖြစ်ပါတယ်။ အချိန် ခရီးသွားလာမှုကြောင့် အတိတ်ကို ရောက်ရှိလာတဲ့ နီရို လို့ခေါ်တဲ့ ရိုမြူလန် လူမျိုး ဗီလိန်ဟာ သူ့ရဲ့ လက်စားချေလိုစိတ်နဲ့ စကြဝဠာကို ဖျက်ဆီးဖို့ ကြိုးစားနေပါတယ်။ ကာ့ခ်၊ စပေ့ါခ်နဲ့ အင်တာပရိုက်စ် အဖွဲ့သားအားလုံးဟာ အန္တရာယ်၊ သစ္စာဖောက်မှု၊ မထင်မှတ်ထားတဲ့ အလှည့်အပြောင်းတွေနဲ့ ပြည့်နှက်နေတဲ့ စွန့်စားခန်းကို ရင်ဆိုင်ရင်း သူတို့ရဲ့ စစ်မှန်တဲ့ ခေါင်းဆောင်မှု စွမ်းရည်တွေကို ထုတ်ဖော်ပြသရမှာ ကို စိတ်ဝင်စားဖွယ်ကြည့်ရှုရမှာဖြစ်ပါတယ်။ File Size : 2.38 GB, 938 MB Quality : Blu-Ray 1080p, 720p Running Time : 2hr 7min Format : Mp4 Genre :Action, Adventure, Sci-Fi Subtitle : Myanmar Subtitle (Hard Sub)