ဒုတိယကမ္ဘာစစ်အတွင်း ဂျာမန်ရေငုပ်သင်္ဘောတစ်စင်း စစ်ကြောင်းထွက်တဲ့အချိန်မှာ စစ်သတင်းထောက် ဗိုလ်လေးတစ်ယောက် လိုက်ပါလာပါတယ်။ သူ့တာဝန်က သင်္ဘောပေါ်မှာ ကြုံရသမျှကို မှတ်တမ်းတင်ပြီး အစီရင်ခံစာတင်ဖို့ပါ။ အဲဒီခရီးမှာ ကပ္ပတိန်ရဲ့ အုပ်ချုပ်ပုံ၊ တိုက်ပွဲအတွင်း အမိန့်ပေးညွှန်ကြားပုံတွေအပြင် ကျဉ်းကျပ်တဲ့ ရေငုပ်သင်္ဘောထဲ နေထိုင်စားသောက်ကြရတဲ့ သင်္ဘောသားတွေရဲ့ဘဝကိုပါ တွေ့လာရတယ်။ ရန်သူ့ထောက်ပို့ယာဉ်တန်းကို တွေ့တဲ့အခါ လိုက်လံတိုက်ခိုက်ကြရသလို ပြန်လည်တိုက်ခိုက်ခံရရင်လည်း လွတ်အောင် ဆုတ်ခွာကြရပါတယ်။ ဟိုက်ဒရိုဖုန်းနဲ့ ပတ်ဝန်းကျင်က အသံတွေကို နားထောင်ပြီး ရန်သူဘယ်နေရာမှာရှိမလဲ အကဲခတ်ရတဲ့အချိန်တွေမှာတော့ သင်္ဘောတစ်စင်းလုံး တိတ်ဆိတ်နေကြရတယ်။ ပင်လယ်ပြင်မှာ တခြားသင်္ဘောတွေကို လိုက်လံတိုက်ခိုက်နေသူတွေ ဖြစ်ပေမယ့် သူတို့ကိုယ်တိုင်လည်း အသက်အန္တရာယ်ကြီးတဲ့ အခြေအနေတွေထဲမှာ ရှင်သန်ဖို့ ကြိုးစားနေကြရတာပါ။ ၁၉၈၁ ခုနှစ်ထွက် ဒီစစ်ရုပ်ရှင်က ရေငုပ်သင်္ဘောတိုက်ပွဲတွေနဲ့အတူ သင်္ဘောသားတွေရဲ့ နေ့စဉ်ဘဝ၊ အခက်အခဲနဲ့ သေရေးရှင်ရေး ရုန်းကန်ရပုံတွေကို ဂျာမန်ဘက်ကနေ ပြထားပါတယ်။
ဇာတ်ကားကြည့်ရန်