Matías Recalt ပါဝင်သော ဇာတ်ကားများ

Season 1 အပိုင်း ( ၁ မှ ၆ ) အထိ စ / ဆုံး နိုင်ငံခြားစာရေးဆရာတွေထဲမှာ Harlan Coben က နာမည်တော်တော်ကြီးပြီး သူ့စာအုပ်တွေ ၀တ္ထုတွေကို နာမည်ကြီးရုပ်ရှင်တွေပြန်ရိုက်ထားတာတွေအများကြီးရှိပါတယ်။ ဒါပေမယ့် အမေရိကန်တို့ ယူကေတို့ကပဲယူရိုက်ကြတာများပြီး အခုတင်ဆက်ပေးမဲ့ Series လေးကတော့ သူ့၀တ္ထုကို အာဂျန်တီးနားက ပထမဆုံးအနေနဲ့ Series တစ်ခုဖြစ်အောင် ပြန်လည်ယူရိုက်ထားတာဖြစ်ပါတယ်။ အမျိုးအစားက မှုခင်းသည်းထိပ်ရင်ဖိုဖြစ်တဲ့အတွက် စုံထောက် ကားတွေကြည့်ရတာကြိုက်တဲ့ စုံထောက်လောင်းတွေအတွက် သဘောတွေ့စေမဲ့ Series တစ်ခုဖြစ်ပါတယ်။ နာမည်ကတော့ Caught လို့တစ်လုံးတည်းပေးထားပြီး လက်ရှိ IMDb Rating ကလည်း 6.3 အထိရရှိထားလို့ ကြည့်ရှုသူတွေအကြိုက်တွေ့ကြတယ်ဆိုတာကတော့ ငြင်းလို့မရပါဘူး။ ဒီဇာတ်လမ်းရဲ့အဓိကဇာတ်ကောင်ကတော့ အမ်မာဂရိုင်းလို့ခေါ်တဲ့ ဒစ်ဂျစ်တယ်မီဒီယာရဲ့ ဂျာနယ်လစ်တစ်ယောက်ဖြစ်ပြီး သူက Caught လို့ခေါ်တဲ့ ရာဇဝတ်မှုတွေ မတရားမှုတွေကိုမိအောင် ဖမ်းပြီးဖော်ထုတ်တဲ့ အစီအစဉ်နဲ့နာမည်ကြီးနေတာဖြစ်ပါတယ်။ သူက အဲ့လိုမတရားမှုတွေမြင်လာပြီဆို မတွေ့တွေ့အောင် ဖော်ထုတ်တတ်တဲ့လူတစ်ယောက်ဖြစ်နေတဲ့အတွက် သူ့ကို အားပေးတဲ့လူတွေရှိသလို မုန်းနေတဲ့လူတွေကလည်းရှိနေ ပါတော့တယ်။ ဒီ Series ထဲမှာတော့ အမ်မာ့အတွက်အဓိကစုံစမ်းရမဲ့အမှုက အွန်လိုင်းဂိမ်းတစ်ခုကနေ ကလေးတွေကိုဖြားယောင်းသွေး ဆောင်နေတဲ့ ကလေးအကြမ်းဖက်သူတစ်ယောက်ကိုဖော်ထုတ် ရမှာပဲဖြစ်ပါတယ်။အမ်မာလည်း သူ့ထုံးစံအတိုင်း သူ့ရဲ့ဂျာနယ် လစ်ပညာတွေကိုအကုန်ထုတ်သုံးရင်းနဲ့ စုံစမ်းခဲ့ရာမှာ တရားခံ တစ်ယောက်ကိုတွေ့ခဲ့ရပေမဲ့ အဲ့ဒီတရားခံက တကယ့်တရားခံ အစစ်သေချာရဲ့လားဆိုတာကို တရားခံကိုလွယ်လွယ်နဲ့ပြထားပြီး နောက်ဆက်တွဲအဖြစ်မှန်တွေကိုမှ ပိုစိတ်ဝင်စားစရာကောင်းအောင် ရိုက်ကူးထားတဲ့အတွက် တခြားစုံထောက်ကားတွေနဲ့ တစ်မူကွဲထွက်နေတဲ့ Series ကောင်းလေးတစ်ခုပဲဖြစ်ပါတယ်။ File Size –( 1.12 GB )  /( 581 MB ) Quality –WEB-DL  1080p HEVC   / 720p Episodes -  6 Eps Duration -  44 min Subtitle – Myanmar Hardsub Format – mkv /mp4 Genre :  Crime , Drama , Thriller Translator – Saw Lay & Ye Thiha Htet Encoder –  Min Wai

Society of the Snow (2023) ~ IMDb - 8/10, Rotten Tomatoes - 90% ~ Society of the Snow ဟာ လာမယ့်အော်စကာမှာ Best International Feature Film ဆုအတွက် စပိန်ကိုယ်စားပြုရုပ်ရှင်ဖြစ်သလို Shortlist ၁၅ကားထဲလည်း ဝင်ထားတယ်။ ဒါရိုက်တာကတော့ A Monster Calls, Jurassic World: Fallen Kingdom နဲ့ The Impossible တို့ရဲ့ ဒါရိုက်တာ J. A. Bayona ဖြစ်တယ်။ The Lord of the Rings: The Rings of Power ရဲ့ ပထမဆုံး၂ပိုင်းကိုလည်း သူပဲရိုက်ထားတာ။ ကားတော့ သိပ်မရှိပေမဲ့ ရိုက်ထားသလောက်တော့‌ ကောင်းတယ်လို့ပြောရမယ့် ဒါရိုက်တာပဲ။ Society of the Snow ကိုတော့ သူ့ရဲ့အကောင်းဆုံးလက်ရာလို့ ဆိုကြတယ်။ Society of the Snow ရဲ့ ဇာတ်က အမှန်ဆိုမဆန်းတော့ဘူး။ ဥရုဂွေးကနေ ချီလီကိုသွားတဲ့ လေယာဉ် အန်းဒိဇ်တောင်ကြားမှာပျက်ကျပြီး နှင်းတွေကြား အစာရေစာမရှိဘဲ ရှင်ကျန်ဖို့ကြိုးစားခဲ့တဲ့သူတွေအကြောင်းပေါ့။ မဆန်းဆို ဒီဖြစ်ရပ်က တော်တော်ဟိုးလေးတကြော်ဖြစ်ခဲ့သလို စာအုပ်တွေထွက်တာလည်း ၁၆အုပ်လောက်ရှိသလို ရုပ်ရှင်တွေလည်း တော်တော်ထွက်ခဲ့ဖူးတယ်။ စတီဖင်ကင်းရဲ့ The Shining အပြင် Rick and Morty မှာတောင် ထည့်ပြောသွားဖူးတယ်။ နောက် Yellowjackets ဆိုတဲ့ နာမည်ကြီးစီးရီးတစ်ခုရဲ့ မူလဘူတကလည်း ဒီဖြစ်ရပ်ပဲ။ ဒီရုပ်ရှင်ရဲ့ ဒါရိုက်တာကိုယ်တိုင်လည်း ၂၀၁၂တုန်းက The Impossible ရိုက်ဖို့ လေ့လာကတည်းက ဒီရုပ်ရှင်ဖြစ်လာမယ့်စာအုပ်ကို ဖတ်ပြီး မူပိုင်ခွင့်ဝယ်ထားခဲ့တာ။ သေချာအချိန်ယူခဲ့သလို သေချာလည်းလေ့လာခဲ့တယ်။ ဒီဖြစ်ရပ်ကို ရိုက်ခဲ့သမျှကားတွေထဲ ဒီကားက ဝေဖန်ရေးသမားတွေရဲ့ မျက်နှာသာအရဆုံးလို့ ဆိုရမယ်။ ဒီလေယာဉ်ပျက်ကျတဲ့ဖြစ်ရပ်ရဲ့ အထူးခြားဆုံးအချက်က လူသားစားခဲ့ကြတဲ့ အချက်ပဲ။ နှင်းတောထဲ အချိန်တစ်ခုထိ ရိက္ခာမရှိ နေလာရင်း ဘာမှမရှိတော့တဲ့အချိန် သူတို့ရွေးချယ်မှုက သေသွားတဲ့လူတွေကို စားဖို့ဖြစ်လာခဲ့တဲ့နောက် ဒီဖြစ်ရပ်ကို အဲဒီအချက်ကပဲ ပိုထူးခြားသွားစေခဲ့တယ်။ ဒီဖြစ်ရပ်ကနေ ရှင်ကျန်တဲ့သူ၁၆ယောက်ရှိတယ်။ ဒီထဲက ၁၅ယောက်နဲ့ ဒါရိုက်တာက စကားပြောခွင့်ရခဲ့သလို သူတို့ကိုရုံမတင်ခင် ကြိုလည်းပြခဲ့တယ်။ ဒီဖြစ်ရပ်အပေါ် ဒါရိုက်တာရဲ့အမြင်တွေက အဲဒီလူတွေဆီကလာတော့ ဒီဖြစ်ရပ်ရဲ့ အကျည်းတန်ခြင်းတွေကို ဒါရိုက်တာက သူတို့ရဲ့လုပ်ရပ်ကောင်းတွေနဲ့ပဲ ပြန်ဖုံးသွားခဲ့တယ်။ လူသားစားတဲ့ အခန်းတွေပါနေပေမဲ့ ဒီကိုဦးတည်မသွားခင် ပြသွားတဲ့အရာတွေရော နောက်မှာပြတဲ့အရာတွေရော၊ Narrative တွေရောက ဒီအကျည်းတန်ခြင်းကို စွ့န်လွှတ်အနစ်နာခံခြင်းအသွင်နဲ့ပဲ လူသားစားတာကို လူသားဆန်ဆန်ပြသွားတယ်။ ဒီလိုပြတာကိုကပဲ ဒီကားကို ထူးခြားစေတယ်။ ဒီလေယာဉ်တစ်စီးလုံးကလူတွေထဲက ခရီးသည်၄၀မှာ ရက်ဂီဘောလုံးအသင်းက လူ၁၉ယောက်ပါသလို ကျန်တဲ့လူတွေကလည်း သူတို့နဲ့ပတ်သက်ရာပတ်သက်ကြောင်းတွေဆိုတော့ ဒီလိုပြန်စားလိုက်တာက တော်တော်တော့ ခေါင်းကျိန်းစရာကောင်းပေမဲ့ အကျိုးနဲ့အကြောင်းနဲ့ပဲ လူသားဆန်အောင်ပြထားတယ်။ ရှင်သန်ချင်စိတ်တွေ၊ ရဲဝံ့မှုတွေ၊ ယုံကြည်ချက်တွေ၊ စွန့်လွှတ်ခြင်းတွေ၊ လူသားဆန်မှုတွေနဲ့ ဖြစ်ရပ်က ရက်စက်သလို ကားကလည်း Survival ကားပေမဲ့ တော်တော်လေး လူသားဆန်နေတယ်။ ဒီလိုထူးသွားလို့ပဲ အော်စကာ Shortlist ထဲ ဝင်သွားသလားတော့မသိဘူး။ Society of the Snow ဟာ အကျည်းတန်တဲ့ဇာတ်လမ်းတစ်ပုဒ်ကို လှပတဲ့အဖြေပေးသွားတဲ့ ဇာတ်လမ်းလို့ပြောရမယ်။ ဒီလိုအချင်းအရာမျိုးကို ကျွန်တော်တို့ ဒါဦးဆုံးတွေ့ဖူးတာလည်း မဟုတ်တော့ပါဘူး။ My Neighbor Totoro တို့လို အရှိတရားရဲ့ရက်စက်ခြင်းတွေကို အနုပညာက ထွက်ပေါက်တစ်ခုပေးသွားတဲ့ ရုပ်ရှင်မျိုးတွေ မြင်ရပေါင်းမနည်းတော့ပါဘူး။ ကမ္ဘာကြီးမှာ အကျည်းတန်တဲ့နေရာတွေရှိသလို လူသားမှာလည်း ရက်စက်တဲ့အခါတွေ မကင်းနိုင်ဘူး။ တစ်ခါတလေ အနုပညာက အဲဒီအတွက် ထွက်ပေါက်တစ်ခုတော့ ပေးနိုင်တတ်တယ်။ မလှပတဲ့အရာတွေကို လှပစေလိုက်တာမျိုးပေါ့။ Society of the Snow ဟာ ဒီဖြစ်ရပ်အတွက်ပေးသွားတဲ့ ထွက်ပေါက်တစ်ခုလို့ ယူဆလို့ရနိုင်ခဲ့ပါတယ်။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.95GB, 990MB Quality - 1080p, 720p IMDb Rating - 8/10 Format - mp4 Duration - 2H 24Min Genre - Adventure, Drama, History Subtitle - Myanmar Subtitle (Hardsub) Translated by WiRa Aung Encoded by Y