Mathis Landwehr ပါဝင်သော ဇာတ်ကားများ

Lion Fist (2026) ဒီဇာတ်ကားကတော့ Action, Sports နဲ့ Drama အမျိုးအစား အက်ရှင် ကိုယ်ခံပညာ ရုပ်ရှင်ဇာတ်ကားသစ်ပဲ ဖြစ်ပါတယ်။ ဒါရိုက်တာ Taim M. Adams က ရိုက်ကူးတင်ဆက်ထားပြီး အဓိက သရုပ်ဆောင်တွေအဖြစ် Mathis Landwehr, Kurt McKinney, Gary Daniels, Keith Cooke နဲ့ Yanlong Li တို့က ပါဝင်သရုပ်ဆောင်ထားကြပါတယ်။ ဇာတ်လမ်းကတော့ မတရား အကျဉ်းချခံရလို့ ထောင် ၄ နှစ်ကျပြီးမှ ပြန်လွတ်လာတဲ့ ကိုယ်ခံပညာရှင် Joe ဆီကနေ စတင်ပါတယ်။ သူ ထောင်ကထွက်လာတဲ့အချိန်မှာ သူ့ရဲ့ သားငယ်လေးဟာ အသက်အန္တရာယ်ရှိတဲ့ ဦးနှောက်အကျိတ်ရောဂါ ခံစားနေရပြီး ခွဲစိတ်ဖို့အတွက် ငွေအမြောက်အမြား လိုအပ်နေတာကို သိလိုက်ရပါတယ်။ ပိုက်ဆံလည်းမရှိ တခြား ရွေးချယ်စရာ လမ်းလည်းမရှိတဲ့အတွက် Joe တစ်ယောက် ဆုကြေးငွေ ဒေါ်လာ တစ်သိန်းပေးမယ့် လက်ဝှေ့ပြိုင်ပွဲကြီးမှာ ဝင်ရောက်ယှဉ်ပြိုင်ဖို့ ဆုံးဖြတ်လိုက်ပါတော့တယ်။ အဲဒီပြိုင်ပွဲအတွက် နာမည်ကျော် Grandmaster Wu ဆီမှာ ပြင်းပြင်းထန်ထန် လေ့ကျင့်ပြီးတဲ့နောက် ကမ္ဘာ့အန္တရာယ်အများဆုံး တိုက်ခိုက်ရေးသမားတွေနဲ့ ရင်ဆိုင်ရပါတော့တယ်။ ပြိုင်ပွဲအတွင်းမှာ နိုင်ဖို့အတွက် စည်းမျဉ်းတွေဖောက်ဖျက်ဖို့ ဝန်မလေးတဲ့ ပြိုင်ဘက်တွေရော၊ အဂတိလိုက်စားတာတွေနဲ့ သစ္စာဖောက်ခံရတာတွေကိုရော Joe တစ်ယောက် ဘယ်လို ရင်ဆိုင်ကျော်ဖြတ်မလဲ ဆိုတာကို ရင်ခုန်စရာ ကြည့်ရှုရမှာပါ။ ဒီဇာတ်ကားရဲ့ အက်ရှင် ကိုယ်ခံပညာ တိုက်ကွက်တွေကို The Matrix Resurrections နဲ့ Resident Evil တို့မှာ ပါဝင်ခဲ့တဲ့ နာမည်ကျော် အက်ရှင်စတား Mike Möller က ဖန်တီးပေးထားတာပါ။ ဒါ့အပြင် ဂန္ထဝင် အက်ရှင်ကား Bloodsport ရဲ့ သီချင်းတွေကို ဖန်တီးခဲ့တဲ့ ရော့ခ်အဆိုတော်ကြီး Stan Bush ကလည်း ဒီရုပ်ရှင်အတွက် "Heart of a Lion" ဆိုတဲ့ ဇာတ်ဝင်တေးကို ကိုယ်တိုင်ရေးသား သီဆိုပေးထားပါတယ်။ အသက်လုတိုက်ပွဲတွေနဲ့ ပြိုင်ပွဲဝင် အက်ရှင်ဇာတ်ကားဟောင်းတွေရဲ့ အရသာကို ပြန်လည်ခံစားရမယ့် ရုပ်ရှင်ဖြစ်လို့ Martial Arts တိုက်ခိုက်ရေးကား ကြိုက်နှစ်သက်တဲ့ ပရိသတ်တွေ အကြိုက်တွေ့စေမယ့် ကားကောင်းတစ်ကားပဲ ဖြစ်ပါတယ်။ File size… (1 GB) / (680 GB) Quality…. Blu-Ray 1080p HEVC / 720p Format…. mkv/mp4 Genre…. Action Duration…. 01:31:38 Subtitle…. Myanmar Subtitle (Hardsub)

ဒီတစ်ခါတင်ဆက်မယ့်ဇာတ်ကားကတော့ သေနတ်ပစ်ခန်း၊ ဓားခုတ်ခန်းတွေမပါဘဲ လက်ဗလာနဲ့ချတဲ့ ဖိုက်တင်ကားစစ်စစ်ပါပဲ။ ကိုယ်ခံပညာဖိုက်တင်ကားတွေကြိုက်တဲ့သူတွေအတွက်တော့ ကွက်တိပါပဲ။ ဇာတ်လမ်းအညွှန်းကတော့ မိုက်ကယ်ရေးဗားက သူ့ရဲ့မြို့မှာတော့ ကိုယ်ခံပညာမှာပြိုင်ဖက်ကင်းတဲ့သူတစ်ယောက်ပါ။ ကျင်းပသမျှတိုက်ခိုက်ပွဲတွေတော်တော်များများကိုလည်းနိုင်ခဲ့ပြီး သူ့ရဲ့နောက်ဆုံးပွဲလို့သတ်မှတ်ထားတဲ့ပြိုင်ပွဲမှာလဲ ချန်ပီယံဖြစ်ခဲ့ပါတယ်။ ဖြစ်ချင်တော့ သူအနားယူမယ့်နေ့မှာ လူတစ်ယောက်ကရောက်လာပြီးတော့ Kumiteလို့ခေါ်တဲ့ပြိုင်ပွဲမှာ ဝင်ပြိုင်စေချင်ကြောင်းနဲ့ ထိုပြိုင်ပွဲမှာနိုင်ရင် ဒေါ်လာတစ်သန်းရမယ်ဖြစ်ကြောင်းမက်လုံးပေးခဲ့ပေမဲ့ ထိုပြိုင်ပွဲကအသေသတ်ပြိုင်ပွဲဖြစ်ပြီး အန္တရာယ်များတာကြောင့် သူကငြင်းခဲ့ပါတယ်။ ဒါပေမဲ့ တစ်ဖက်ကတော့ သူငြင်းလို့မရအောင် သူ့ရဲ့သမီးကိုဓားစာခံအဖြစ်ခေါ်သွားပါတော့တယ်။ ဒီတော့ မတတ်သာတဲ့နောက်ဆုံး ကမ္ဘာတစ်ဝှမ်းကအတော်ဆုံးချန်ပီယံ‌တွေလာရောက်ပြိုင်တဲ့ Kumiteတိုက်ခိုက်ပွဲမှာ ဝင်ပြိုင်ဖို့ဖြစ်လာပါတော့တယ်။ File size…(2.4 GB)/(1.3 GB) Quality….Blu-Ray 1080p / 720p Format…mp4 Duration….01:45:00 Genre... Action Subtitle….Myanmar Subtitle (Hardsub) Encoder….Garfield Translated by Mastro

၁၈၃၀ ခုနှစ် ဆောင်းဦးကာလ၊ အမေရိကန်နိုင်ငံမှာ ဗိုလ်လောင်း အက်ဂါပိုးနဲ့ တခြားဗိုလ်လောင်း လေးယောက်ဟာ လေ့ကျင့်ရေးကွင်းဆင်းဖို့ ထွက်လာကြပါတယ်။ လမ်းမှာ လူတစ်ယောက်ကို စာခြောက်ရုပ်လို ကြိုးတွေနဲ့ ချည်ထားပြီး ဝမ်းဗိုက်ကို ဓားနဲ့ခွဲထားတာ တွေ့လိုက်ရတယ်။ အဲဒီလူ မသေခင် နောက်ဆုံးပြောသွားနိုင်တဲ့ စကားကတော့ “ကျီးကန်း” ဆိုတဲ့ တစ်ခွန်းတည်းပါ။ ပိုးက ဒီစကားရဲ့နောက်ကို လိုက်စုံစမ်းရင်း ကျီးကန်းလို့ခေါ်တဲ့ မြို့ငယ်လေးဆီ ရောက်သွားပါတယ်။ မြို့က သေးငယ်ပြီး လူလည်း မရှိသလောက်ပါပဲ။ လူတစ်ယောက်က အဲဒီမှာ မနေကြဖို့ တားပေမယ့် သူတို့ ဆက်နေခဲ့ကြတယ်။ အဲဒီညမှာပဲ သူတို့ထဲက တစ်ယောက် ပျောက်သွားပါတယ်။ မြို့ခံတွေဟာ “ကျီးကန်း” ဆိုတဲ့အရာကို နတ်ဆိုးအဖြစ် သတ်မှတ်ပြီး ကြောက်နေကြတယ်။ ပိုးတို့အဖွဲ့လည်း မြို့မှာ သောင်တင်နေပြီး ထွက်ဖို့ကြိုးစားသူက သေဆုံးသွားပါတယ်။ ဆန်းကြယ်တဲ့အဖြစ်တွေ ဆက်တိုက်ကြုံလာရတဲ့အခါ “ကျီးကန်း” က ဘာလဲ၊ ဒီမြို့နဲ့ ဘယ်လိုပတ်သက်နေသလဲဆိုတာကို ပိုးတို့ ရင်ဆိုင်ကြရတော့တယ်။

အရှုံးမပေးတဲ့သူအတွက် အောင်ပွဲဟာအမြဲရှိတယ်ဆိုတာ ဘယ်တော့မှ ငြင်းမရတဲ့ အမှန်တရားတစ်ချက်ပါ။ ရှေ့ကိုဆက်လျှောက်နေတဲ့သူက ဘယ်လောက်ပဲခလုတ်တိုက်တိုက် အနောက်ကိုပြန်ရောက်သွားစရာ အကြောင်းမရှိဘူးလေ။ အလွန်ဆုံးရှိ မှောက်ရက်လဲ ဒူးပြဲ တံတောင်ပြဲပေါ့။ ဒီလိုပါပဲ ဘ၀မှာ အရှုံးမပေးပဲ ရှေ့ဆက်လျှောက်နေတဲ့သူတွေကလည်း တစ်ချိန်ချိန်မှာ လိုချင်တဲ့ ပန်းတိုင်ကို ရောက်ကိုရောက်မှာပါပဲ။ ဒီဇာတ်ကားမှာ မိုက်ကီဆိုတဲ့ ကောင်လေးတစ်ယောက်ဟာ တခြားသူနဲ့ယှဉ်ရင် အနည်းငယ် ညှက်သယောင်ယောင်ရှိတဲ့လူငယ်တစ်ယောက်ပါ။ သူတို့မြို့ဟာ လမ်းသရဲတွေနဲ့ ပြည့်နေပြီး အထိန်းအကွပ်မဲ့နေတဲ့ မြို့ကြီးတစ်မြို့ပါ။ နေရာတိုင်းမှာ လမ်းသရဲအဖွဲ့မျိုးစုံနဲ့ ကိုယ်ကဦးအောင်ချရင်ချ၊ မချရင်ကိုယ့်ကိုချသွားတာချည်းပါပဲ။ မိုက်ကီတို့ကလည်း လမ်းသရဲအဖွဲ့တွေထဲက အဖွဲ့ငယ်လေးတစ်ခုပဲပေါ့။ သူတို့က သူများကိုရန်ပြုမယ့်အဖွဲ့မျိုးမဟုတ်ပဲ ကိုယ့်ကိုယ်ကိုကာကွယ်ဖို့ ဖွဲ့စည်းထားရတာမျိုးပါ။ သူတို့ရဲ့ အဖွဲ့ခေါင်းဆောင်ကတော့ မားတစ်စ် လို့ခေါ်ပြီး မိုက်ကီရဲ့ ဆရာလည်းဖြစ်၊ အကိုလိုလည်း ချစ်ခင်ရတဲ့သူတစ်ယောက်ပါ။ တစ်ရက်မှာတော့ မြို့ကိုကြီးစိုးထားတဲ့ ဘလက်စ်ဆိုတဲ့အဖွဲ့ဟာ မိုက်ကီတို့ခေါင်းဆောင် မားတစ်စ်ကို သတ်ပစ်လိုက်တဲ့နောက် မိုက်ကီဟာ ဘလက်စ်အပေါ်ကို ရန်ငြိုးတွေ ကြီးထွားလာပါတော့တယ်။ မြို့ရဲ့အကြီးဆုံးလမ်းသရဲအဖွဲ့ကြီး ဘလက်စ်ကို လူညက်လေးမိုက်ကီ လက်စားချေနိုင်မလားဆိုတာကို ထိုးခန်း သတ်ခန်း တစ်၀ကြီးနဲ့ ကြည့်ရှုရမယ့် ဇာတ်ကားကောင်းတစ်ကားဖြစ်တာကြောင့် တခွပ်ခွပ်မြည်တဲ့ ဖိုက်တင်ကားကောင်းကောင်း မျှော်လင့်နေသူတွေ ကြည့်သင့်တဲ့ ဇာတ်ကားလေးတစ်ကားဖြစ်ပါတယ်။ File size…    2.4 GB / 1.1 GB Quality… BluRay 1080p / 720p Format… mp4 Duration…. 1h 42m Genre ..... Action Subtitle…. Myanmar Subtitle (Hard Sub) Encoder…. Thit San Khant Translated by Jaka

V For Vendetta (2005) IMDB - 8.2/10 Rotten - 73% နိုဝင်ဘာ၅ရက်နေ့ဟာ ဗြိတိန်နိုင်ငံမှာတော့နိုင်ငံရေးအခြေခံအားလပ်ရက်တရက်ပဲဖြစ်ပါတယ်။ ခုနောက်ပိုင်းမှာကျေးဇူးတော်နေ့ဆိုပြီးကျင်းပကြတယ်လို့လည်းဆိုကြပါတယ်။ အဲဒီနေ့ကို GuyFawkes နေ့လို့လည်းခေါ်ခဲ့ကြပါတယ်။ အဲဒီနေ့လေးရဲ့ဖြစ်လာပုံကတော့၁၆၀၅ခုနှစ်နိုဝင်ဘာလ၅ရက်နေ့မှာ GuyFawkes ဆိုတဲ့ ကတ်တလစ်ဂိုဏ်းဝင်တယောက်ဟာ သူ့အဖွဲ့ဝင်တွေနဲ့အတူ ကတ်တလစ်ဧကရာဇ်ကိုပြန်လည်နန်းတင်ဖို့အတွက်အင်္ဂလန်ဘုရင်ဂျိမ်း(JameI)ကိုလုပ်ကြံဖို့ကြံစည်ခဲ့ပါတယ်။ ယမ်းအိုးတွေများစွာကိုပါလီမန်အဆောက်အအုံရဲ့မြေအောက်ခန်းထဲကိုသယ်ဆောင်ပြီးဖောက်ခွဲလုပ်ကြံဖို့ကြိုးစားခဲ့ကြတာပါ။ သို့ပေမယ့်ကံမကောင်းချင်တော့ အမည်မသိသတင်းပေးစာတစောင်ကြောင့် သူ့တို့အားလုံးအဲဒီနေ့မှာပဲအဖမ်းခံခဲ့ရပြီးဇန်နဝါရီလ၃၁ရက်မှာကွပ်မျက်ခံခဲ့ရပါတယ်။ ဟောဒီဇာတ်ကားလေးမှာလည်းအဲဒီဖြစ်စဉ်ကိုအခြေခံထားပြီးတရားမျှတမှုဆိုတာဘာလဲ။ ဖိနှိပ်ခံရတဲ့အချိန်မှာဘယ်လိုတုံ့ပြန်ကြမလဲ။ အိုင်ဒီယိုလော်ဂျီတစ်ခုကို ဘာနဲ့မှသတ်လို့မရဘူးဆိုတာတွေ စတဲ့စတဲ့ စိတ်ဝင်စားဖို့ကောင်းတဲ့အချက်တွေအပြင် ကမ္ဘာကျော်ဟက်ကာအဖွဲ့Anonymousအဖွဲ့သုံးတဲ့မျက်နှာဖုံးရဲ့မူလဇစ်မြစ်ကဘယ်ကလဲ။ ဘယ်လိုရည်ရွယ်ချက်နဲ့အဲဒီမျက်နှာဖုံးကိုအသုံးပြုကြတာလဲ... အဲဒီမျက်နှာဖုံးလေးရဲ့တကယ်ဆိုလိုရင်းအစစ်အမှန်ကဘာလဲဆိုတာကိုတွေ့ရဦးမှာပါ။ ဇာတ်ကားကိုတော့ဇာတ်ကြောင်းလေးတွေပြောပြီးမမိတ်ဆက်တော့ပါဘူး။ ကိုယ်တိုင်ကြည့်ပြီးအားရပါးရခံစားစေချင်လို့ပါ။ သုံးတဲ့စကားလုံးတွေဒိုင်ယာလော့တွေဟာလည်းတကယ်ကိုအနှစ်ပါတာကိုတွေ့ရမှာပါ။ စိတ်ကိုဖျော်ဖြေပေးရုံရုပ်ရှင်သက်သက်မဟုတ်ဘဲ ကြည့်ရတာတကယ်ကိုအကျိုးရှိစေမှာဖြစ်ပြီး တကယ်လည်းကြည့်သင့်တဲ့ဇာတ်ကားလေးတကားဖြစ်ပါတယ်။ ဘယ်လိုအကြောင်းကြောင့်ပဲဖြစ်ဖြစ်ကြည့်ဖြစ်အောင်ကြည့်ဖို့တိုက်တွန်းချင်ပါတယ်ဗျာ။ Rating မြင့်ကားလေးတကားဖြစ်ပြီး imdb rating 8.2ထိရထားပါတယ်။ File size…(900 MB) and 3GB Quality…Blu-Ray Rip HEVC 1080p 5.1 / 720p Format…mp4 Duration….02:12:00 Subtitle….Myanmar Subtitle (Hardsub) Translator…..The Fridays Encoder….CM