Matthew Perry ပါဝင်သော ဇာတ်ကားများ

IMDb Rating - 8.7/10 FRIENDS တီဗီရှိုး ပြီးဆုံးပြီး ၁၇ နှစ်အကြာမှာတော့ Friends Reunion ပြန်လာခဲ့ပါပြီ။ Friends စီးရီး(စ/ဆုံး) Season 10 ခုစလုံးကို ဒီမှာ https://channelmyanmar.org/?s=friends+1994 ကြည့်ပါ။ ဒီ Reunion က ကျွန်မတို့တွေထင်ထားသလို အပိုင်းအသစ်မဟုတ်ပါဘူးနော် သူတို့တွေ ပြန်ဆုံကြပြီး talk show တခုလို စကားဝိုင်းဖွဲ့ပြောကြရင်း flashback တွေကို ပြန်ခံစားကြတာမျိုးပါ။ အဲတာကြောင့် Ross တို့ Rachel တို့လို character တွေကို မြင်ရမှာမဟုတ်ပဲ David Schwimmer, Jennifer Aniston စသဖြင့် မြင်တွေ့ရမှာဖြစ်ပါတယ်။ ဒီ reunion ဟာ ဇာတ်လမ်းတွဲအစအဆုံးကို ပြန်ပြီး reflect လုပ်မှာဖြစ်တဲ့အတွက် မကြည့်ရသေးသူတွေ အနေနဲ့ major spoiler အကြီးကြီးတွေမိနိုင်သလို တချို့နေရာတွေကို နားမလည်နိုင်တာမျိုးတွေ ကြုံရနိုင်ပါတယ်။ အဲတာကြောင့် အညွှန်းလေးသေချာဖတ်ပြီးမှ ကြည့်ကြဖို့အကြံပေးချင်ပါတယ်။ သိပြီးသားသူတွေအတွက်ကတော့ ဒီဇာတ်ဆောင် ၆ ယောက်အပြင် Gunther တို့ Janice တို့လို အခြားသရုပ်ဆောင်တွေ အများကြီးကိုလဲ စုံစုံလင်လင်ပြန်မြင်တွေ့ကြရမယ့်အပြင် အထင်ကရဖြစ်တဲ့ အခန်းတွေ ဒိုင်ယာလော့တွေအကြောင်း ဇာတ်လမ်းတွဲနောက်ကွယ်က ပုံပြင်တွေ အကြောင်းစသဖြင့်ကို ရယ်မောစရာ လွမ်းဆွေးစရာကောင်းအောင် ပြန်လည်ခံစား ကြည့်ရှုကြရမှာပါ။ ဒါ့အပြင် ဧည့်သည်သရုပ်ဆောင်တွေလဲဖြစ်/Fan တွေလဲ ဖြစ်တဲ့ David Beckham, Lady Gaga, Justin Bieber, BTS စတဲ့ အခြားအနုပညာရှင်တွေရဲ့ cameo ကိုလဲတွေ့မြင်ရမှာပါ။ ၁၇ နှစ်ကြာမှ ပထမဆုံးပြန်ဆုံကြရတာဖြစ်တဲ့အတွက် တကယ်ကို emotional ဖြစ်ရတဲ့အပြင် ပျော်စရာကောင်းတာတွေလဲ အများကြီး ပါဝင်တာမို့ Friends Fan ဆိုရင် တကယ်ကိုကြည့်သင့်တယ်လို့ညွှန်းပါရစေနော်။ (ဒီဇာတ်လမ်းရဲ့ အညွှန်းကို Pan Pwint Phyu မှရေးသားပေးပြီး၊ ဘာသာပြန်ရေးသားပေးသူများကတော့ idiot Myoko, Pan Pwint Phyu, Han Htoo Zaw တို့ပဲဖြစ်ပါတယ်။) Quality – 1080p, 720p WebRip Duration - 1h 40min Subtitle – Myanmar Hardsub Format – Mp4 Genre : Drama Source : 1080p.WebRip Translator – idiot Myoko, Pan Pwint Phyu, Han Htoo Zaw Encoder – SWM

ဒီဇာတ်ကားလေးကိုတော့ အတော်လေးသဘောကျမိပါတယ်..ပေါ့ပေါ့ပါးပါးရိုက်ကူးထားပြီးကြည့်ရှုသူရဲ့ ရင်ထဲမှာလည်း စိတ်လက်ပေါ့ပါးသွားစေမယ့်ဇာတ်ကားမျိုးလေးပါ..တစ်နေ့တာအတွက်စိတ်ပင်ပန်းသူတွေ စိတ်အပန်းဖြေ အပျင်းပြေ ကြည့်ဖို့အတွက် အထူးသင့်တော်တဲ့ကားလေးတစ်ကားဖြစ်ပါတယ်... မင်းသား Zac Efron နဲ့ Friends စီးရီးထဲက ချန်ဒလာဘင်း တဖြစ်လဲ Matthew Perry , Eurotrip မင်းသမီး Michelle Trachtenberg,The Other Woman မင်းသမီး Leslie Mann တို့ပါဝင်သရုပ်ဆောင်ထားပြီး...IMDb Rating မှာ 6.4 ရရှိထားတဲ့ Comedy, Drama, Fantasy အမျိုးအစားဇာတ်ကားလေးပါ။ ဇာတ်လမ်းလေးကစိတ်ဝင်စားဖို့ကောင်းပါတယ်... ပထမဆုံးဇာတ်လမ်းစစချင်းမှာ မိုက်ခ် က ဘတ်စကတ်ဘောကစားသမားတစ်ယောက်ပေါ့ အဲဒီ့ အားကစားမှာသူဟာထူးလည်းထူးချွန်တယ်..ဝါသနာလည်းအရမ်းပါတယ်..သူတို့ကျောင်းပွဲတစ်ပွဲက ကစားရမယ့်ပွဲက သူ့ရဲ့အနာဂတ်အတွက်ပေါ့..ဖြစ်ချင်တဲ့အဲ့နေ့ ကစားတဲ့ပွဲမစခင်လေးမှာ သူ့ချစ်သူ စတားလက် ရောက်လာပါတယ်..အဝေးကိုထွက်သွားရတော့မယ့်အကြောင်းပြောတယ်..မိုက်ခ်မှာလည်း သူ့ရဲ့အရမ်းဝါသနာပါတဲ့အားကစားနဲ့သူချစ်ရတဲ့ချစ်သူကို ရွေးချယ်ရမယ့်အချိန်မှာတော့ စတားလက် ကိုသာ ရွေးချယ်ခဲ့ပါတယ်..... နှစ်ပေါင်း 20 ကြာပြီးတဲ့နောက်မှာတော့ မိုက်ခ်တစ်ယောက် အလုပ်တွေကအဆင်မပြေ.. ဇနီးဖြစ်သူနဲ့လည်းအဆင်တော့ပါဘူး..စတားလက်ကလည်း တရားရုံးကနေ တဆင့်ကွာရှင်းခွင့်တောင်းထားသလို မိုက်ခ်ကလည်း သားသမီးတွေနဲ့ နွေးထွေးတဲ့ဆက်ဆံမှုမျိုးသိပ်မရှိဘူး...တစ်နေ့သူ့သားနဲ့သမီးတက်နေတဲ့ ကျောင်းကိုရောက်သွားတော့ ဟိုးအရင်လူငယ်ဘဝတုန်းက အဲ့ကျောင်းမှာ ဘတ်စကတ်ဘောကစားခါနီး ရိုက်ထားခဲ့တဲ့သူ့ပုံကိုပြန်လည်တွေ့သွားတော့ မိုက်ခ်တစ်ယောက်အတိတ်ကို လွမ်းဆွတ်ဟန်နဲ့ပြန်စဉ်းစား မိသွားတယ်..သူ့စိတ်ထဲမှာတွေးနေခဲ့တဲ့အရာတခုက အဲ့အချိန်တုန်းက သူက စတားလက်နောက်ကို ပြေးမလိုက်ခဲ့ဘူးဆိုရင် ဒီလိုတွေဖြစ်လာစရာလိုမှာမဟုတ်ဘူးလို့ပေါ့...ဘေးနားက သန့်ရှင်းရေးလုပ် နေတဲ့သူတစ်ယောက်က မထင်မှတ်ပဲ " မင်းဒီကိုမကြာခင်ပြန်လာရမှာပါ " ဆိုတဲ့စကားကြောင့် မိုက်ခ်တစ်ယောက်ကြောင်တောင်တောင်ဖြစ်သွားတယ်..ဒီလိုပဲဂရုမထားပဲပြန်လာခဲ့တယ်.. နောက်ပိုင်းအလုပ်တွေကလည်းအဆင်မပြေ..ဇနီးနဲ့လည်းအဆင်မပြေဖြစ်ပြီးစိတ်ညစ်ကာ မိုက်ခ် တစ်ယောက်ကားကို အသားကုန်မောင်းလာခဲ့ပါတယ်..တံတားပေါ်ကိုရောက်တော့ လူတစ်ယောက် ခုန်ချဖို့ကြိုးစားနေတာကိုတွေ့တဲ့အတွက် ကယ်တင်ဖို့ ပြေးလာခဲ့တယ်..ဒါပေမယ့် သူရောက်တော့ အဲ့လူက မရှိတော့ဘူး..အောက်ကျသွားသလားလို့ ငုံ့ကြည့်မိရင်းနဲ့ သူ ပါ တံတားပေါ်ကနေပြုတ်ကျသွား ပါတယ်...တံတားပေါ်က ပြန်တက်လာပြီး အိမ်မှာသူ့ကိုယ်သူရေချိုးရင်း နဲ့ ရေချိုးခန်းက မှန်ကိုကြည့် မိတဲ့အခါ သူ့အရွယ်ဟာ 17 နှစ် အရွယ်သို့ပြန်ရောက်နေတဲ့အခါမှာတော့............................... 17 နှစ်သား တစ်ယောက်ရဲ့ လွတ်လပ်မှုတွေ ပျော်ပျော်ပါးပါး မိုက်ခ်တစ်ယောက်ပြန်လည်ခံစားပုံတွေ ပျော်စရာကောင်းတဲ့ကိစ္စတွေ..ဟာသအကြောင်းအရာတွေကို ဆက်လက်ရှုစားကြပါ။ File size…(1.6 GB)/(700 MB) Quality….BluRay 1080p/720p Format…mp4 Duration….01:41:56 Subtitle….Myanmar Subtitle (Hardsub) Encoder….Ka Naung

The Ron Clark Story (2006) ~ IMDb - 7.5/10, Rotten Tomatoes - 85% ~ အမေရိကန်နိုင်ငံက နာမည်ကျော် ဆရာတစ်ယောက်ရဲ့ အကြောင်းကို ဇာတ်လမ်းဆင်ပြီး ရိုက်ကူးထားတဲ့ ဇာတ်ကားလေးပါ။ ဝါသနာနဲ့ စေတနာတွေကို တွင်တွင်သုံးတဲ့ ဆရာတွေအများကြီးရှိပေမဲ့ အနစ်နာ ဆရာမျိုးကတော့ ပိုပြီးတွေ့ရခဲတယ်ထင်ပါတယ်။ ရွန်ကလက်ကတော့ နာသုံးနာပြည့်စုံတဲ့ ဆရာမျိုးဖြစ်ပြီး ဆရာဆိုတဲ့ အသံကြားတာနဲ့ ကျေးဇူးတင်တဲ့အသိ၊ နွေးထွေးတဲ့ခံစားချက်မျိုးရလာပြီး ဆရာက ကိုယ့်ဖက်မှာရှိနေသရွေ့ ဘာကိုမှကြောက်စရာမလိုဘူးလို့ ထင်လာနိုင်အောင် စွမ်းဆောင်နိုင်ခဲ့တဲ့ ဆရာတစ်ယောက်ပေါ့။ ဆရာဆိုတာ ဒါမျိုးပဲလို့ ပြရလောက်အောင် ဂုဏ်ယူစွာနဲ့ ပြနိုင်လောက်တဲ့ ဆရာမျိုးပါပဲ။ နယ်မှာ အောင်မြင်မှု အထိုက်အလျှောက်ရထားတဲ့ မူလတန်းဆရာလေး ရွန်ကလက်က အိပ်မက်အကြီးကြီးနောက်ကို လိုက်ဖို့ နယူးယော့ခ်မြို့ကြီးကို မျှော်လင့်ချက်တွေ တသီကြီးနဲ့တက်လာတယ်။ မြို့ကြီးတွေဆိုတာကတော့ သိကြတဲ့အတိုင်း အပြိုင်အဆိုင်တွေများ၊ ရှုပ်ယှက်ခတ်နေပြီး အနားမရတဲ့နေရာမျိုးမလား။ ဒါပေမဲ့လည်း မြို့ပြရဲ့ တိုက်စားတဲ့ဒဏ်ကို ကြံ့ကြံ့ခံရင်း ဆရာအလုပ်ကို ရှာနေရင်းမှာ ရွှေ့ပြောင်းနိုင်ငံသားတွေအများစုနေထိုင်ကြတဲ့ ဟာလမ်က မူလတန်းကျောင်းဆရာ အလုပ်တစ်ခုကိုက သူ့ရှေ့ကို မှောက်လျက်လဲပြီး ကျလာတယ်ပြောရမယ်ထင်တယ်။ သူအလုပ်သွားလျှောက်တဲ့အချိန်မှာပဲ ကလေးတစ်ယောက်နဲ့ ဆရာ ရန်ဖြစ်ပြီး ဆရာက သူ့မျက်စိရှေ့တင်ပဲအလုပ်ထွက်သွား​တော့ တန်းဝင်လျှောက်လိုက်တာပေါ့။ ဒါပေမဲ့ ပတ်ဝန်းကျင်ကြမ်းကြမ်းနဲ့ အပြင်လူတွေကို သူစိမ်းလို သတ်မှတ်တဲ့ ဟာလမ်ကတော့ သူ့ကို လွယ်လွယ်နဲ့တော့ လက်မခံပါဘူး။ သူ့ရဲ့အရည်အချင်းက လိုတာထက်ပိုနေတော့လည်း လက်လွှတ်မခံချင်လို့ လက်ခံလိုက်တဲ့အချိန်မှာတော့ ဘယ်သူမှ ဆရာဝင်မလုပ်ချင်တဲ့ အဆိုးဆုံးအတန်းကိုမှ ရလာဒ်ကောင်းတွေရလာအောင် ဖန်တီးနိုင်ပါတယ်လို့ သူကိုယ်တိုင်ပဲ တာဝန်ခံပြီး ယူလိုက်တယ်။ အဲဒီအတန်းရဲ့ ဂုဏ်သတင်းကတော့ ဝင်သွားတဲ့ ဆရာတိုင်း အကောင်းအတိုင်းပြန်ထွက်မလာနိုင်ဘူးလို့ အာမခံထားတဲ့ အတန်းမျိုးပါ။ သူအဲဒီအတန်းကို ဝင်ပြီဆိုတာသိကြတော့ အသုဘလုပ်ဖို့ ကြိုပြီးပြင်ဆင်ထားကြဖို့တောင် စဉ်းစားမိကြတဲ့သူတွေရှိပါသေးတယ်။ ဘယ်ဆရာမှမနိုင်အောင် ကြမ်းတဲ့ အတန်းမှာ ဆရာလေး ရွန်ကလက်က တစ်တန်းလုံးကို မိသားစုတွေဖြစ်လာအောင် ဖန်တီးနိုင်ခဲ့ပြီး ရလာဒ်ကောင်းတွေကို ဘယ်လိုဖန်တီးခဲ့လဲဆိုတာကို ဒီဇာတ်ကားက အဓိကပြပေးသွားမှာပါ။ " Every child is Special " ဆိုတဲ့အတိုင်း သူတို့ရဲ့ မိဘတွေကိုယ်တိုင်အပါအဝင် ဘယ်သူကမှ အလေးမထားကြတဲ့အပြင် သူတို့ကိုယ်တိုင်တောင် မသိသေးတဲ့ ကလေးတွေရဲ့ အရည်အချင်းတွေကို တောက်ပလာအောင် သွေးယူပေးခဲ့ပြီး ဒီလိုရယူနိုင်ဖို့လည်း သွေး၊ချွေးတွေရင်းနှီးခဲ့ရတဲ့အကြောင်းကိုလည်းတွေ့ရမှာပါ။ ဆရာ့နောက်စေ့မှာ မျက်စိပါတယ်လို့ ပြောရလောက်အောင် နောက်ကိုလှည့်မကြည့်ဘဲ၊ အတန်းထဲကို မရောက်ဘဲနဲ့တောင် အတန်းထဲက ဘယ်ကလေးတွေက ဘာလုပ်နေလဲဆိုတာကိုပါ သိနိုင်လောက်တဲ့ထိ နားလည်နေအောင် ကြိုးစားခဲ့တဲ့ သူ့ရဲ့ ကြိုးစားအားထုတ်မှုက လေးစား၊ အားကျစရာပါပဲ။ ဒီဇာတ်ကားက ဖြစ်ရပ်မှန်ကို အခြေခံရိုက်ကူးထားတာဖြစ်ပြီး ဇာတ်ကားထဲက ဇာတ်လမ်းဆန်ဆန် အဖြစ်အပျက်အများစုက အပြင်မှာ ဖြစ်ပျက်ခဲ့တဲ့ အကြောင်းအရာတွေအတိုင်း အတိအကျရိုက်ကူးထားတာလို့သိရပါတယ်။ ဆရာနဲ့ တပည့်ဆက်ဆံရေးထက် မိသားစုဆန်ပြီး နွေးထွေးတဲ့ စာသင်ခန်းကို ဖန်တီးခဲ့ပြီး သင်ကြားရေးပုံစံသစ်ဆိုတဲ့ စာမျက်နှာကို ဖွင့်လှစ်စေခဲ့တဲ့ အဖြစ်အပျက်တွေထဲက တစ်ခုလည်းဖြစ်ပါတယ်။ အဲဒီအတန်းမှာ သူသတ်မှတ်ထားခဲ့တဲ့ စည်းကမ်း ၅၅ ချက်အကြောင်း " Essential 55 " ဆိုတဲ့နာမည်နဲ့ ရေးထားခဲ့တဲ့စာအုပ်က New York Times မှာ အရောင်းရဆုံး စာအုပ်စာရင်းဝင်ခဲ့ပါတယ်။ အခုအချိန်မှာတော့ ဆရာရွန်ကလက်က ရွန်ကလက်အကယ်ဒမီဆိုတဲ့ ပရဟိတအလယ်တန်းကျောင်းကို ဖွင့်လှစ်ထားပြီး ကလေးတွေကို ပညာပေးရင်း၊ သူ့ရဲ့ပညာရေးရဲဘော်ရဲဘက်များအတွက် Motivational Speaker အဖြစ်နဲ့ ပညာရေးလောကမှာ အကျိုးဆောင်နေလျှက်ရှိပါတယ်။ ဒီဇာတ်ကားကို အဓိကရေးဖြစ်တဲ့အကြောင်းကတော့ အခုနှစ် ၂၀၂၃ အောက်တိုဘာ ၂၈ ရက်နေ့က ဆုံးပါးသွားခဲ့တဲ့ Friends TV Series က Chandler Bing ဆိုတဲ့ ဇာတ်ကောင်ကို အသက်သွင်းပေးခဲ့တဲ့ သရုပ်ဆောင် Matthew Perry ကြောင့်ပါပဲ။ Matthew က ဒီဇာတ်ကားမှာလည်း သူက Chandler Bing မဟုတ်ပါဘူးဆိုတဲ့ သူ့ရဲ့သရုပ်ဆောင်စွမ်းရည်ကို ပြသသွားတာ မြင်ရမှာပါ။ ဆရာနေရာကသရုပ်ဆောင်နေတယ်ဆိုပေမဲ့လည်း သူ့ရဲ့ ဟာသပါရမီကတော့ ဖုံးဖိထားလို့မရတာကို တွေ့ရပါလိမ့်မယ်။ ငိုနေတဲ့ မျက်ဝန်းတွေကို အပြုံးမျက်နှာဖုံးကွယ်ပြီး ဖျော်ဖြေခဲ့သူ ဟာသပါရမီရှင် သူကတော့ သူ့ရဲ့အစားမထိုးနိုင်တဲ့ Sarcasm တွေကို ကျွန်တော်တို့အတွက် ထားခဲ့ပြီး ထွက်သွားခဲ့ပါပြီ။ အဲဒီလိုပြောရင် သူက "Where?" ဆိုပြီး တစ်နေရာက အရွှန်းဖောက်နေလောက်ပါတယ်။ "Could you be more being Great, Mr. Bing" ~ Matthew Perry (1969-2023) ကို အမှတ်ရအောက်မေ့စွာဖြင့် d3mon (A F.R.I.E.N.D) Size - 2GB, 835MB Quality - 1080p, 720p IMDb Rating - 7.5/10 Format - mp4 Duration - 1H 30Min Genre - Biograhphy, Drama Subtitle - Myanmar Subtitle (Hardsub) Translated by d3mon (A F.R.I.E.N.D) Encoded by Y

ဂျိုးက တရားရုံးသမ္မာန်စာတွေကို သက်ဆိုင်သူတွေဆီ လိုက်ပို့ပေးရသူပါ။ စာရွက်စာတမ်းပို့ရုံပဲဆိုပေမယ့် လက်ခံရမယ့်သူတွေက သူ့ကိုရှောင်နေကြလို့ အလုပ်တစ်ခုအတွက် တစ်ပတ်လောက် အချိန်ကုန်တတ်တယ်။ အဲဒါကြောင့် သူဌေးရဲ့ အပြစ်တင်တာကိုလည်း ခံနေရပါတယ်။ တစ်နေ့မှာ ဆာရာမိုးဆိုတဲ့ အမျိုးသမီးဆီ ကွာရှင်းစာချုပ် သွားပို့ရတယ်။ ဆာရာက သူလာမယ့်သတင်းကို ကြိုသိပြီး ရှောင်သွားနိုင်တော့ သူဌေးက ဂျိုးကိုဆူပြီး အလုပ်ကို တခြားသူဆီ လွှဲပေးလိုက်ပါတယ်။ မကျေနပ်တဲ့ဂျိုးက ဆာရာ့လိပ်စာကို ထပ်ရှာပြီး နောက်ဆုံးမှာတော့ စာရွက်စာတမ်းတွေ ပေးနိုင်သွားတယ်။ အဲဒီမှာ ဆာရာက ဂျိုးကို ကမ်းလှမ်းချက်တစ်ခု ပြန်ပေးလာပါတယ်။ သူ့ခင်ပွန်း ဂေါ်ဒွန်မိုးဆီ ကွာရှင်းစာချုပ်ကို အရင်ရောက်အောင် ပို့ပေးနိုင်ရင် ဒေါ်လာတစ်သန်း ပေးမယ်ဆိုတာပါ။ ဒီလိုနဲ့ ဆာရာနဲ့ဂျိုးတို့ ဂေါ်ဒွန်ဆီ အချိန်မီစာပို့နိုင်ဖို့ ကြိုးစားကြရတော့တယ်။ ဂျိုးရဲ့အလုပ်ကို ဘယ်သူက နှောင့်ယှက်နေတာလဲဆိုတာလည်း အဖြေရှာရဦးမယ်။ သူရော ဒေါ်လာတစ်သန်းရပြီး အိပ်မက်ထဲက စပျစ်ခြံလုပ်ငန်းကို လုပ်နိုင်ပါ့မလား။

The Kid (2000) IMDb Rating (6.1) / Rotten Tomatoes (49%) ဒစ်စနေးကထုတ်တဲ့ အက်ရှင်မင်းသား Bruce Willis ရဲ့ ဒရာမာဇာတ်လမ်းကောင်းလေးပဲ ဖြစ်ပါတယ်။ ရပ်စ်က နာမည်ကျော် ရာထူးမြင့်လူတွေကို ပုဂ္ဂိုလ်ရေး၊ လူမှုရေးဆိုင်ရာ အကြံပေးတဲ့အလုပ်ကိုလုပ်ကိုင်ပြီး စိတ်ကသိကအောက်ဖြစ်စရာ စရိုက်လက္ခဏာကြောင့် လူတိုင်းတင်မက သူ့ရည်းစားကပါ အမြင်ကပ်ရပါတယ်။ အဖေဖြစ်သူနဲ့ စကားမပြောဘဲ ငယ်ဘဝကိုလည်း မေ့ဖျောက်ထားသူတစ်ယောက်ဖြစ်ပြီး အသက် ၄၀ ပြည့်ဖို့သိပ်မလိုတော့တဲ့အချိန် တစ်ညမှာ သူ့အိမ်ထဲကို ၈ နှစ်အရွယ် ဝတုတ်ကောင်လေး ခိုးဝင်လာပါတယ်။ ပထမတစ်ခါ လွတ်သွားပေမယ့် နောက်တစ်ခါလက်ပူးလက်ကြပ်မိတဲ့အခါ ကောင်လေးကို မေးမြန်းကြည့်ရင်း ၈ နှစ်ကလေးဟာ သူကိုယ်တိုင်ပဲဆိုတာ သိလိုက်ရတဲ့နောက်မှာတော့ သူ့မေ့ထားခဲ့တဲ့ အတိတ်ကို ပြန်လည်ရင်ဆိုင်ရဖို့ ဖြစ်လာပါတော့တယ်။ (အညွှန်းနဲ့ဘာသာပြန်ကတော့ Sike Tan ဖြစ်ပါတယ်။) File size…(3 GB) / (1.1 GB) Quality….WEB-DL 1080p HEVC / 720p Format…. mkv/mp4 Genre….Comedy,Family,Fantasy Duration….01:46:19 Subtitle….Myanmar Subtitle (Hardsub) Encoder….Double K Translated by Sike Tan

The Whole Nine Yards (2000) ~ IMDb rating - 6.7/10 ~ Nicholas "Oz" Oseransky ဟာ လူချစ်လူခင်များပြီး စိတ်ထားကောင်းတဲ့ ကူညီတတ်တဲ့ သွားဆရာဝန်တစ်ယောက်ဖြစ်ပါတယ်။ ဒါပေမဲ့လည်း အိမ်မှာတော့ သူ့ကိုတစ်ချိန်လုံးထိုင်နှိပ်စက်နေတဲ့ဇနီးဆိုးနဲ့ ယောက္ခမဆိုးတွေကြောင့် ဒီအိမ်ထောင်ရေးကနေထွက်ပေါက်ရှာချင်နေတဲ့သူပါ။ တစ်နေ့မှာတော့ သူတို့ဘေးအိမ်ကိုပြောင်းလာတဲ့လူဟာ သူ့ဂိုဏ်းခေါင်းဆောင်ကိုလက်ထောက်ချပြီး လာရှောင်တိမ်းနေတဲ့ နာမည်ကျော် ကြေးစားလူသတ်သမားဖြစ်တဲ့ Jimmy The Tulip ဆိုတာကို သူသိလိုက်ရပြီး သူ့မိန်းမကိုပြောပြမိခဲ့ပါတယ်။ အဲဒီမှာပဲ မလည်ရှုပ်လုပ်ချင်တဲ့ သူ့မိန်းမဟာ ကြံကြီးစည်ရာလို့ပြောရမယ့် အကြံကြီးတစ်ခုကိုစိတ်ကူးပေါက်ပြီး သူ့ကိုအတင်းအကျပ်ခိုင်းပါတော့တယ်။ အဲဒီအကြံကတော့ Jimmy ရဲ့ ဂိုဏ်းကိုသွားဆက်သွယ် Jimmy ကို လက်ထောက်ချပြီး ဂိုဏ်းကပေးတဲ့ဆုကြေးကိုထုတ်ဖို့ပါပဲ။ ကြေးစားလူသတ်သမားဖြစ်တဲ့ Jimmy ကတော့ Oz ကိုခင်ခင်မင်မင်လာပေါင်းတဲ့အတွက် Oz ကသူ့ဇနီးခိုင်းတာကိုမလုပ်ချင်ပေမယ့် မလွန်ဆန်နိုင်တဲ့အတွက် ရှေ့ဆက်တိုးရတဲ့အခါမှာတော့... ကြေးစားလူသတ်သမားဖြစ်ချင်တဲ့ Oz ရဲ့ လက်ထောက်ကောင်မလေး Jill, Jimmy ကိုအသေအကြေမုန်းတီးနေတဲ့ ဂိုဏ်းခေါင်းဆောင် Janni, Jimmy ရဲ့ဇနီးဟောင်းမိန်းမလှလေး Cynthia, အဲဒီ Cynthia ကိုမှချစ်မိသွားတဲ့ Oz တို့ကြားမှာ တစ်ယောက်နဲ့တစ်ယောက် လှည့်စားအနိုင်ယူရမယ့် ဉာဏ်ကစားပွဲတစ်ခုဖြစ်လာပါတော့တယ်။ အားလုံးသိကြတဲ့မင်းသားကြီး Bruce Willis နဲ့ Friends ပရိသတ်တွေရဲ့အသည်းစွဲ Chandler တဖြစ်လဲ Matthew Perry တို့ခေါင်းဆောင်ပါဝင်ထားတာပါ။ Matthew ဟာ Bruce နဲ့အတူဒီဇာတ်ကားရိုက်နေချိန်မှာ အလောင်းအစားတစ်ခုလုပ်ခဲ့ပါတယ်။ အဲဒါကတော့ ဒီဇာတ်ကားသာ ဝင်ငွေကောင်းခဲ့မယ်ဆိုရင် Friends မှာဧည့်သည်အဖြစ်လာရိုက်ပေးဖို့ပါပဲ။ Bruce ကိုယ်တိုင်ကလဲ အဲ့ဒီလောက်အောင်မြင်မယ်မထင်ခဲ့မိတဲ့အတွက်လက်ခံခဲ့ပြီး ဒီဇာတ်ကားက အံ့သြစရာကောင်းလောက်အောင် ဝင်ငွေကောင်းခဲ့ချိန်မှာတော့ သူရှုံးသွားခဲ့တဲ့အတွက် Friends မှာပါလာခဲ့တာဖြစ်ပါတယ်။ Friends ထဲက Bruce ရဲ့ဇာတ်ကောင်ဖြစ်တဲ့ Ross ရဲ့ယောက္ခမလောင်း Paul Stevens ကိုမှတ်မိကြဦးမှာပါ။သူ့သမီးနဲ့ Ross ကိုသဘောမတူနိုင်ပဲ တစ်ချိန်လုံးအပြစ်ရှာ ထိုင်ဖောက်နေတတ်တဲ့ဘဲကြီးပေါ့။ အခုဇာတ်ကားမှာတော့ ကြေးစားလူသတ်သမားအဖြစ် သူ့ရဲ့မထီတရီအပြုံးတွေ အေးစက်စက်အကြည့်တွေကိုပြန်မြင်ရမှာဖြစ်ပြီး Matthew ရဲ့ဇာတ်ကောင် Oz ကတော့ Chandler နဲ့စရိုက်ချင်းတူတဲ့အတွက် Friends တုန်းကအတိုင်း အလွဲလွဲ အချော်ချော်ဖြစ်ရပ်တွေနဲ့ပွဲကျစေဦးမှာပါပဲ။ Comedy နဲ့ Crime ကိုမျှမျှတတ ပေါင်းစပ်ထားတဲ့အတွက် အားလုံးအကြိုက်တွေ့မယ့် ဇာတ်ကားမျိုးဖြစ်ပါတယ်။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 2GB, 890MB Quality - 1080p, 720p IMDb Rating - 6.7/10 Format - mp4 Duration - 1H 38Min Genre - Comedy, Crime Subtitle - Myanmar Subtitle (Hardsub) Translated by Alias Encoded by Y

လက်စလီအက်ဒ်ဝေါ့ဒ်နဲ့ ဘာသိုလိုမြူးတို့နှစ်ယောက်ဟာ အမေရိကန်အရှေ့ဘက်ကနေ အနောက်ဘက် ပစိဖိတ်အထိ ရောက်အောင် စွန့်စားခရီးထွက်ကြပါတယ်။ သူတို့နှစ်ယောက်ရဲ့ ခရီးကို ဟာသတွေနဲ့ ရိုက်ကူးထားပြီး ဇာတ်အိမ်ထက် ရယ်စရာအဖြစ်အပျက်တွေကို ပိုဦးစားပေးထားတဲ့ စွန့်စားခန်းဇာတ်ကားပါ။ ၁၉၉၈ ခုနှစ်မှာ ထွက်ရှိခဲ့ပြီး အဓိကသရုပ်ဆောင်တစ်ဦးဖြစ်တဲ့ Chris Farley မကွယ်လွန်ခင် ရိုက်ကူးခဲ့တဲ့ ဇာတ်ကားတစ်ကားလည်း ဖြစ်ပါတယ်။

IMDb Rating - 8.9 / 10 Sit-com လောကမှာအကောင်းဆုံးထဲက တစ်ခုဖြစ်ပြီး ရုပ်ရှင်ချစ်ပရိသတ်တွေ လုံးဝလက်လွှတ်မရတဲ့ Sit-com ဟာ ဘာလဲဆိုရင် လူတိုင်းနီးပါး လက်ညိုးထိုးကြမှာ Friends စီးရီးပါပဲ။ ဇာတ်လမ်းလေးကတော့ ရိုးရိုးလေးပဲ။ နယူးယော့ခ်မြို့မှာနေတဲ့ သူငယ်ချင်းခြောက်ယောက်ရဲ့ ဇာတ်ကြောင်းကို အချိန်နဲ့တင်ဆက်ပြသွားတာပါပဲ။ ဒါပေမယ့် ဒီစီးရီးကို ဘာတွေက Unique ဖြစ်စေလဲဆိုတာကတော့ ပြောရရင် အများကြီးပါပဲ။ ပထမဆုံးအနေနဲ့ ဇာတ်ကောင်တွေအကြောင်းကို နည်းနည်းပြောကြည့်ပါမယ်။ Ross ဟာ မထင်ရင် မထင်သလို တလွဲတွေလုပ်မိတတ်တဲ့သူမျိုး။ ပညာတတ် ဒေါက်တာဘွဲ့ရပေမယ့် သူရထားတဲ့ဒေါက်တာဘွဲ့ကို သူ့သူငယ်ချင်းတွေက အဖက်မလုပ်ဘူး မယုံဘူး။ခင်ဗျားတို့အနေနဲ့ ဒီစီးရီးကို စစကြည့်ချင်း ရယ်ရမှာကိုက Ross ရဲ့ အဖြစ်နဲ့စမှာ။ Lesbian ကို လက်ထပ်မိတဲ့ကောင်ဇိုးလေးပေါ့။ နောက် Monica။ Ross ရဲ့ ညီမ။ ဇီဇာကြောင်တယ်။ အသန့်ကြိုက်တယ်။ သူ ဒါဆိုရင် ဒါလုပ်မှ ကြိုက်တဲ့ အပျိုကြီးမမပုံစံ။ ဟင်းချက်တော်တယ်။ သူ့သူငယ်ချင်းတွေကို ဟင်းချက်ကျွေးတာက သူကိုယ်တိုင်ပဲဖြစ်နေမှ ကျေနပ်တယ်။ Rachel ကတော့ အထက်တန်းကျောင်းတုန်း​က Monica ရဲ့ အတန်းဖော်ပေါ့။ ချောတယ်လှတယ်။ ဖက်ရှင်အမြင်ရှိတယ်။ Feminist ဆန်တယ်။ Rich-Kid ပေမယ့် သူတို့အဖွဲ့ထဲရောက်လာချိန်မှာ ကိုယ့်ခြေနဲ့ကိုယ် ရပ်တည်ဖို့ ကြိုးစားခဲ့တဲ့သူပေါ့။ သူရဲ့ ဇာတ်လမ်းအဖွင့်ကလည်း အခွီပါပဲ။ လက်မထပ်ချင်လို့ ပြေးလာတာပါတဲ့။ နောက် မရှိမဖြစ် Chandler နဲ့ Joey။ Ross ရဲ့ အထက်တန်းကျောင်းက သူငယ်ချင်းဖြစ်တဲ့ Chandler ကတော့ ထွေထွေထူးထူး မိတ်ဆက်ပေးစရာကိုမလိုတဲ့ ဇာတ်ကောင်တစ်ယောက်။ သူများကို သရော်တော်တော် ရွဲ့တဲ့တဲ့ လှောင်ဖို့ဖဲ့ဖို့ ဘာညာဆို နှစ်ခါစဉ်းစားစရာမလိုတဲ့ ဦးနှောက်ပိုင်ရှင်။ ဒီစီးရီးရဲ့ ဟာသပြက်လုံးအများစုက သူ့ဆီက လာပါတယ်ဆိုရင် ငြင်းလို့ရမယ်မထင်ဘူး Joey ဇာတ်ကောင်ကတော့ အတော်ထူးခြားတယ်ဗျ။ ရုပ်ရှင်လောကမှာလည်း ထပ်ပေါ်လာဖို့မလွယ်တဲ့ ဇာတ်ကောင်မျိုးပေါ့။ သူဟာ ထူတယ်၊ ပိန်းတယ်။ သူများတွေ သိနေတာ သူမသိဘူး။ အစားလည်း အားတိုင်းစားနေတယ်။ သူလုပ်သမျှ ပြောသမျှက သူ့အတွက်တော့ မထူးခြား၊ ဒါပေမယ့် ရယ်ရတယ်။ တမင်တကာ ပေါပြနေတာလည်း မဟုတ်ဘူး။ စော်လည်း ကြည်သေးတယ်။ လုပ်တဲ့အလုပ်ကလည်း ရုပ်ရှင်မင်းသား။ ကဲ ဘယ်လိုကြီးလဲ စဉ်းစားကြည့်ကြတော့ဗျာ။ နောက်ဆုံးကတော့ Phoebe ပေါ့။ ကျွန်တော်ယုံပါတယ်။ ဒီစီးရီးထဲမှာ ခင်ဗျားတို့ အကြိုက်ဆုံးဇာတ်ကောင်ဟာ Lisa Kudrows ရဲ့ Phoebe ဇာတ်ကောင်ဖြစ်ပါလိမ့်မယ်လို့။ သူဟာ ကြင်နာတတ်တယ်။ သနားတတ်တယ်။ စိတ်တော့ဆတ်တယ်။ ဘဝကိုလည်း နေရာစုံမှာ ကျင်လည်ခဲ့ရဖူးတယ်။ မလုပ်တတ်တာ မရှိသလောက်ပဲ။ စကားသုံးခွန်းပြောရင် နှစ်ခွန်းက ပေါက်ကရ။ ဒါပေမယ့် ချစ်စရာကောင်းတုန်းပဲ။ Phoebe ဇာတ်ကောင်က အပေါ်ကလူတွေလို သိပ်ပြောပြဖို့မလွယ်တဲ့ ဇာတ်ကောင်မျိုးဗျ။ ဒီလို Situational Comedy ဆိုတဲ့ Sit-com တွေကို ကြားကနေ ဟိုဖောက်ဒီဖောက်ကြည့်လည်း ဘာမှမဖြစ်ပေမယ့်လို့ စီဆင်အများကြီးကို အစကနေ အဆုံးထိ ကြည့်ပြီး ဘယ်ဇာတ်ကောင်ရဲ့ ဘယ်အကျင့်စရိုက်က ကိုယ်နဲ့သွားတူလို့ သဘောကျမိတာမျိုး၊ ကြည့်တာကြာလာလေလေ ကိုယ်နဲ့ရင်းနှီးလာပြီး ဇာတ်ကောင်တွေရဲ့ အကျင့်စရိုက်က ကိုယ့်ပေါ်ထင်ဟပ်လာတာမျိုးက Sit-com တွေရဲ့ အနှစ်သာရပေါ့။ ဒီစီးရီးကြည့်ပြီးလည်း Ross လို PhD မရချင်နေ၊ Rachel လို ဖက်ရှင်အမြင်မရှိတာထား၊ Monica လို ဟင်းချက်ကျွမ်းတာကနောက်မှ၊ Joey လို စော်မကြည်ဘူးထား၊ Phoebe လို သီချင်းမစပ်တတ်ချင်နေ၊ သေချာတာတစ်ခုကတော့ Chandler လို အရွဲ့တိုက်တတ်သွားမယ်ဆိုတာပါပဲ။ ဒီကာလကြီးမှာ ခင်ဗျားတို့အနေနဲ့လည်း အပန်းဖြေစရာ အိုအေစစ်လေးတစ်ခု လိုကိုလိုနေမှန်း ကျွန်တော်တို့လည်း သိပါတယ်။ ဒီတော့ ဒီစီးရီးကြည့်ပြီး လောကကြီးကို ရယ်ရယ်မောမောနဲ့ အရွဲ့တိုက်လိုက်ကြတာပေါ့ဗျာ...။ (ဒီဇာတ်လမ်းရဲ့ အညွှန်းကိုရေးသားပေးသူကတော့ Ye Khant Min ပဲဖြစ်ပါတယ်။) Quality – 1080p BluRay 5.1CH Duration – 22 mins (@Episode) Season-1 Episode - (24) Episode File Size - (400 MB) Appx; @Episode Subtitle – Myanmar Hardsub Format – Mp4 Genre : Comedy, Romance Source : 1080p.BluRay Translator – Myo Ko, Kyaw Zaw Hein Encoder – San Win Maung