အထက်တန်းကျောင်းသားလေး ခိုင်လ်ဟာ ဖခင်နဲ့ အဘိုး ဆုံးပါးသွားပြီးနောက် စိတ်ဒဏ်ရာရကာ စကားမပြောနိုင်တော့ပါဘူး။ အမေကလည်း နာမကျန်းဖြစ်နေတော့ သူ့ဘဝမှာ အခက်အခဲတွေ မနည်းဘူး။ ဒါပေမဲ့ ခိုင်လ်က စိတ်ထားကောင်းပြီး လူချစ်လူခင်များတဲ့ ကောင်လေးတစ်ယောက်ပါ။ တချို့လူတွေက ကိုယ့်အပျော်အတွက် သူ့ကို အနိုင်ကျင့်ကြတဲ့အခါ ခိုင်လ်လည်း တဖြည်းဖြည်း ပြောင်းလဲလာတယ်။ ဘေးနားကလူတွေကို အဆိုးမြင်လာပြီး သူလုပ်တဲ့အရာတွေက ပတ်ဝန်းကျင်ကလူတွေရဲ့ဘဝအပေါ်ပါ သက်ရောက်လာပါတယ်။ အရင်ကလို ခိုင်လ် ပြန်ဖြစ်လာဖို့ ဘယ်လိုဖြတ်သန်းရမလဲ၊ သူ့အနီးကလူတွေရဲ့ဘဝကရော ဘယ်လိုဆက်ဖြစ်မလဲဆိုတာကို ဇာတ်လမ်းက ဆက်ပြထားတယ်။ ခိုင်လ်နဲ့ သူ့ပတ်ဝန်းကျင်အကြောင်းကို ပြောပြရင်း နေ့စဉ်လုပ်မိတဲ့ အရာသေးသေးလေးတွေက တခြားသူတွေရဲ့ဘဝကို ပြောင်းလဲစေနိုင်ပုံကိုလည်း ဖော်ပြထားပါတယ်။ အခက်အခဲတွေကြားမှာ အကောင်းမြင်စိတ်နဲ့ လက်မလျှော့ဘဲ ဆက်ကြိုးစားရင် မျှော်လင့်ချက် ရှိလာနိုင်သေးတယ်ဆိုတဲ့ အယူအဆကိုလည်း ထည့်သွင်းထားတယ်။
ဇာတ်ကားကြည့်ရန်