Michael Graham ပါဝင်သော ဇာတ်ကားများ

The Night 2021 အိမ်​တစ်​အိမ်​ထဲမှာ မိသားစု၃စု မာဖီးယားဂိမ်းကစား​နေကြပါတယ်​။ ကစားပွဲမှာရှုံးတဲ့အတွက်​ စည်းမျဉ်းအရအသတ်​ခံလိုက်​ရသူက​တော့ နမ်​ဒါပါ။ နမ်​ဒါက ခင်​ပွန်းသည်​ဖြစ်​တဲ့ ဘာဘတ်​ကို ​နောက်​ဆုံးစကားအ​နေနဲ့ သူ​သေရင်​ သမီးဖြစ်​သူကို​စောင့်​ရှောက်​ဖို့​ပြောခဲ့ပါတယ်​။ ကစားပွဲဖြစ်​တဲ့အတွက်​ အားလုံးက စစ​နောက်​​နောက်​ပါပဲ။ ဘာအဓိပ္ပာယ်​မှန်းမသိဘဲ ဆင်​တူတက်​တူးထိုးထားမိတဲ့ ဘာဘတ်​နဲ့ နမ်​ဒါတို့လင်​မယားနှစ်​​ယောက်​ သူငယ်​ချင်း​တွေကို နှုတ်​ဆက်​ပြီး လသားအရွယ်​ သမီး​လေးနဲ့ အိမ်​ကိုပြန်​လာတဲ့လမ်းမှာ ထူးဆန်းတဲ့အဖြစ်​အပျက်​​တွေကြုံရပြီး​နောက်​ နီးစပ်​ရာ​ဟော်​တယ်​တစ်​ခုမှာ တစ်​ညတာတည်းခိုမိတဲ့အခါ...... သူတို့ ၂​ယောက်​ရဲ့ တက်​တူး​တွေကပဲ ကျိန်​စာမိ​နေတာလား...? ၂​ယောက်​သား ကိုယ်​စီဖုံးကွယ်​ထားတဲ့ အတိတ်​​တွေကပဲ သူတို့ကို​ခြောက်လှန့်​နေ​စေတာလား...? ဒါမှမဟုတ်​ တည်းခိုမိတဲ့​ဟော်​တယ်​ကပဲ သူတို့ကို​ခြောက်​ခြား​စေဖို့ ဖန်​တီးထားတာပဲလား...? ဆိုတာကို ဒီကား​လေးထဲမှာ ရင်​တထိတ်​ထိတ်​နဲ့ ကြည့်ရှုခံစားရမှာပဲဖြစ်​ပါတယ်​။ Molins Film Festival မှာ အကောင်းဆုံး ဒါရိုက်တာဆု၊ အကောင်ဆုံး အမျိုးသားဇာတ်ဆောင်ဆု၊ အကောင်းဆုံး ဇာတ်ညွှန်းဆု ၃ ဆု ရထားတဲ့ ဇာတ်ကားဖြစ်တာကြောင့် လက်မလွှတ်သင့်ပါကြောင်း။ File size… 2.3GB, 782MB Quality….1080p HEVC 5.1CH and 720p Format…mp4 Duration…. 1hr 45min Subtitle….Myanmar Subtitle (Hardsub) Translator ..... Lwin Lwin Aung Encoder ..... August

Redemption Day (2021) IMDb Rating - IMDb Rating - 5.3/10 ဒီတစ်ခါ CM ပရိသတ်ကြီးအတွက် ဒီရက်ပိုင်း ပူပူနွေးနွေးထွက်ရှိထားတဲ့ action, thriller ရုပ်ရှင်တစ်ကားနဲ့မိတ်ဆက်ပေးချင်ပါတယ်။ ဘရက်ဒ်ပက်စတန်ဆိုတဲ့ အမေရိကန်ရေတပ်ကပ္ပတိန်တစ်ဦးရဲ့ ဇနီးဖြစ်သူ ရှေးဟောင်းသုတေသနပညာရှင် ကိတ်ပတ်စတန်ဟာ မော်ရိုကိုနိုင်ငံမှာတွေ့ရတဲ့ လူသားအရိုးစုတွေကို သုတေသနလုပ်ဖို့ အဖွဲ့နဲ့အတူ မော်ရိုကိုနိုင်ငံကိုလာခဲ့ကြပါတယ်။ ကံဆိုးချင်တော့ အရိုးစုတွေကိုလေ့လာရင်း မော်ရိုကိုနဲ့ အာလ်ဂျီးရီးယားရဲ့ နယ်စပ်မျဥ်းကို မတော်တဆဖြတ်မိသွားပြီး ဓားစာခံအဖြစ်ဖမ်းခေါ်သွားခံ ရပါတယ်။ ဒီသတင်းကိုကြားရတဲ့အခါ ခင်ပွန်းဖြစ်သူ ဘရက်ဒ်ပက်စတန်တစ်ယောက် သူကြုံခဲ့ရတဲ့ သူ့ကိုအိပ်မက်ဆိုးအဖြစ် ခြောက် လှန့်နေတဲ့ စစ်အနိဌာရုံတွေကို အန်တုပြီး ဇနီးဖြစ်သူကိုသွားကယ်ဖို့ သူ့မိတ်ဆွေဖြစ်သူ မော်ရိုကိုအထက်တန်းအရာရှိ ယိုးနက်စ်နဲ့အတူ ရန်သူ့နယ်မြေထဲ စွန့်စားလာကြတဲ့ စစ်ဆင်ရေးပုံရိပ်တွေကို မြင်ကြရမှာပါ။ Action ကားဆိုပေမယ့်လည်း သွေးထွက်သံယိုခန်းတွေ သိပ်မပါတဲ့အတွက် အသည်းငယ်တတ်သူတွေအဖို့ရော မိသားစုတွေနဲ့ပါ ကြည့်လို့သင့်တော်မယ့်ဇာတ်ကားတစ်ကားပါပဲ။ (ဒီဇာတ်လမ်းရဲ့  အညွှန်းကို MTA မှရေးသားပေးပြီး၊ ဘာသာပြန်ပေးသူများကတော့ MTA, August တို့ပဲဖြစ်ပါတယ်။) Quality – 1080p, 720p WebRip 5.1CH Duration - 1h 29min Subtitle – Myanmar Hardsub Format – Mp4 Genre :  Action, Thriller Source : 1080p.WebRip Translator – August, MTA Encoder – SWM

Once Upon a Time in Hollywood (2019) IMDb Rating (7.6) / Rotten Tomatoes (86 %) ဘဝမှာ ရုပ်ရှင် ၁၀ ကားပဲရိုက်မယ်လို့ ကြွေးကြော်ထားတဲ့ ဂန္တဝင်ဒါရိုက်တာကြီး Quentin Tarantino ရဲ့  ၉ ကားမြောက် ရုပ်ရှင်ကားကြီးဖြစ်ပါတယ်။ ရှေ့က ၈ ကားကတော့ Django Unchained (2012) ... The Hateful Eight (2015) ... Death Proof (2007) ... Inglourious Basterds (2009) ... Reservoir Dogs (1992) ... Kill Bill: Vol. ... Kill Bill: Vol. ... Jackie Brown (1997) ဆိုတဲ့ကားတွေပါပဲ။ ဒီရုပ်ရှင်ကတော့ ဟောလိဝုဒ်ခေတ်ဟောင်းကို ပြန်တမ်းတဖို့ သရုပ်ဖော်ထားတဲ့ ရုပ်ရှင်ပါပဲ။ ခေတ်ဟောင်းကောင်းဘွိုင်ကားအကြောင်းတွေ၊ ဟောလိဝုအထာတွေ၊ အဲဒီခေတ်ရဲ့ ဟစ်ပီတွေနဲ့ ပုံဖော်ထားတာပါပဲ။ လီယိုနာဒို၊ ဘရက်ပစ်၊ မာဂေါ့ ရော်ဘီ တို့ အဓိက ပါဝင်ထားပါတယ်။ လီယိုနာဒိုကတော့ ရစ်ခ် ဒယ်တန်ဆိုတဲ့ နာမည်ကျဆင်းနေတဲ့ ဟောလိဝုဒ် မင်းသားပေါ့။ တစ်ချိန်ကတော့ ဂျိတ်ကေဟေးဆိုတဲ့ ကောင်းဘွိုင်ဇာတ်ကောင်နဲ့ ပေါက်ခဲ့ဖူးခဲ့သူပါ။ အခုတော့ ဇာတ်လမ်းတွဲလေးတွေမှာ ဗီလိန်လိုက်လုပ်ပေးနေရပါပြီ။ သူ့ရဲ့ စတန့်အရံကတော့ ကလစ်ဖ် ဘုသ် ( ပရက်ပစ်) ပါပဲ။ သူကတော့ ရစ်ခ်ရဲ့ မိတ်ဆွေကောင်းအဖြစ် အတူရုန်းကန်နေတဲ့သူပေါ့။ မာဂေါ့ရော်ဘီကတော့ ဟောလိဝုဒ်နာမည်ကျော် ဒါရိုက်တာ ရိုမန် ပိုလန်းစကီးရဲ့ မိန်းမအဖြစ် သရုပ်ဆောင်ထားပါတယ်။ မထင်ရှားသေးတဲ့ သရုပ်ဆောင်တစ်ယောက်ရဲ့ အခြေအနေကိုလည်း ပြထားတာပေါ့။ သူတို့တွေကို အခြေခံပြီး ဟောလိဝုအထာ၊ ဟစ်ပီတွေ၊ အီတလီရုပ်ရှင်တွေနဲ့ ၁၉၆၀ ဝန်းကျင် ရွှေခေတ်ကို ပုံဖော်ပြထားတာလေးကို လှလှပပ ခံစားကြည့်ရမှာပါ။ ဘောနက်စ်အနေနဲ့တော့ ဘရုစ်လီဇာတ်ကောင်ကိုလည်း တွေ့ရပါလိမ့်ဦးမယ်။ ဘရုစ်ဖန်တွေတော့ နည်းနည်းထိရှမလားပဲ။ File Size : (9.9 GB) / (2.6 GB) / (1.4 GB) Quality : WEB-DL 4K / 1080p / 720p Format…mkv/ mp4 Duration…02:41:00

အိုကလာဟိုးမားက အိမ်တစ်အိမ်မှာ အရက်စွဲနေတဲ့ခင်ပွန်းနဲ့ ပါးစပ်ကင်ဆာဖြစ်ပြီး စိတ်ငြိမ်ဆေးတွေ စွဲနေတဲ့ဇနီးတို့ အတူနေကြပါတယ်။ တစ်နေ့ ခင်ပွန်းဖြစ်သူ ပျောက်သွားတော့ သမီးသုံးယောက်လည်း ငယ်ငယ်က နေခဲ့တဲ့အိမ်ကြီးကို ပြန်ရောက်လာကြတယ်။ မိသားစုဝင်တွေ ပြန်ဆုံပေမဲ့ တစ်ယောက်စီမှာ ကိုယ့်ပြဿနာနဲ့ကိုယ်ပါ။ သမီးအကြီးက အိမ်ထောင်ရေး အဆင်မပြေဖြစ်နေသလို ထိန်းရခက်တဲ့ ဆယ်ကျော်သက်ကလေးတစ်ယောက်လည်း ရှိတယ်။ မိခင်အနားမှာနေတဲ့ သမီးအလတ်ကတော့ အိမ်ထောင်မကျသေးတဲ့အကြောင်း မကြာခဏ အပြောခံနေရပါတယ်။ သမီးအငယ်ဆုံးက အလှအပမက်ပြီး စိတ်ကူးယဉ်တတ်သူဖြစ်သလို အမျိုးသားအမျိုးမျိုးနဲ့ တွဲခဲ့သူပါ။ ဒီစုဝေးမှုမှာ အဒေါ်တို့မိသားစုလည်း ပါလာတယ်။ အဒေါ်က ခင်ပွန်းကို အမြဲရန်ရှာတတ်သလို ကိုယ့်သားကိုလည်း ဉာဏ်ရည်မပြည့်မီသူလို့ နှိမ့်ချပြောတတ်တယ်။ သားကိုချစ်တဲ့ ဦးလေးကတော့ ဒီလိုပြောဆိုတာကို မနှစ်သက်ဘူး။ အဲဒီလို လူတွေ အိမ်တစ်အိမ်ထဲ ဆုံလာတဲ့အခါ မိခင်နဲ့သမီးတွေကြား၊ ညီအစ်မတွေကြား၊ လင်မယားတွေကြားသာမက သားအမိနဲ့ ဝမ်းကွဲမောင်နှမတွေကြားက ပြဿနာတွေပါ ပေါ်လာပါတော့တယ်။ Meryl Streep က ဆေးစွဲနေပြီး စကားကို ရိုင်းရိုင်းစိုင်းစိုင်း တည့်တည့်ပြောတတ်တဲ့ မိခင်အဖြစ် ပါဝင်ထားတယ်။ Julia Roberts ကတော့ ကိုယ်ပိုင်ပြဿနာတွေအပြင် မိခင်နဲ့လည်း အပြိုင်ရန်ဖြစ်ရတဲ့ သမီးအကြီးနေရာက သရုပ်ဆောင်ထားပါတယ်။ Ewan McGregor နဲ့ Benedict Cumberbatch တို့လည်း ပါဝင်ကြပြီး မိသားစုညစာစားဝိုင်းမှာတောင် အချင်းချင်း တင်းမာမှုတွေကို ကြုံရတဲ့ ဇာတ်လမ်းပါ။