Miranda Raison ပါဝင်သော ဇာတ်ကားများ

The Shrinking Man (2025) IMDb Rating (5.9) ဒီကားလေးကတော့ နာမည်ကြီးစာရေးဆရာ Richard Matheson ရဲ့ ဂန္ထဝင်ဝတ္ထုကို ပြန်လည်အသက်သွင်းထားတဲ့ ပြင်သစ် Sci-Fi နဲ့ စွန့်စားခန်း ရုပ်ရှင်ကားကောင်းလေး တစ်ကားပါ။ ဇာတ်လမ်းအကျဉ်း ဇာတ်လမ်းက ပေါလ် ဆိုတဲ့ သာမန်အမျိုးသားတစ်ယောက် အကြောင်းပါ။ သူက သင်္ဘောတည်ဆောက်ရေး လုပ်ငန်းကို ဦးစီးနေပြီး မိန်းမဖြစ်သူ အဲလစ်စ်၊ သမီးလေး မီယာ တို့နဲ့ အေးအေးချမ်းချမ်း နေထိုင်နေတဲ့သူပေါ့။ ဒါပေမဲ့ တစ်နေ့ ပင်လယ်ထဲ အလည်ထွက်ရင်း ထူးဆန်းတဲ့ မိုးလေဝသ ဖြစ်စဉ်တစ်ခုနဲ့ အမှတ်မထင် ကြုံလိုက်ရတယ်။ အဲဒီနောက်ပိုင်းကစပြီး သူ့ခန္ဓာကိုယ်က နေ့တိုင်း တဖြည်းဖြည်း သေးငယ်လာပါတော့တယ်။ ဘာကြောင့် ဒီလိုဖြစ်ရတယ်ဆိုတာကို သိပ္ပံပညာကလည်း မရှင်းပြနိုင်သလို ဆရာဝန်တွေကလည်း မကူညီနိုင်ကြဘူး။ အချိန်ကြာလာတာနဲ့အမျှ သူ့အရွယ်အစားက လက်တစ်ဝါးစာလောက်ပဲ ရှိတော့တဲ့ အချိန်မှာတော့ မတော်တဆ သူ့အိမ်ရဲ့ မြေအောက်ခန်းထဲမှာ ပိတ်မိသွားပါတော့တယ်။ အရင်က သာမန် မြေအောက်ခန်းလေးဟာ အရမ်းသေးငယ်သွားတဲ့ ပေါလ်အတွက်တော့ ဧရာမ အန္တရာယ်တောကြီး ဖြစ်လာပါတယ်။ အိမ်မွေးကြောင်တွေ၊ ပင့်ကူတွေကအစ သူ့အတွက် ကြောက်စရာ သတ္တဝါကြီးတွေ ဖြစ်လာတဲ့အခါ အသက်ရှင်ဖို့အတွက် ဘယ်လို ရုန်းကန်ရမလဲ ဆိုတာကို ရင်တမမနဲ့ ကြည့်ရမှာပါ။ ကိုယ့်ရဲ့ ခန္ဓာကိုယ် အရွယ်အစား သေးငယ်သွားတဲ့အခါ နေ့စဉ်မြင်နေကျ ပတ်ဝန်းကျင်ကြီးက ဘယ်လောက်တောင် ကြောက်စရာကောင်းသွားလဲ ဆိုတဲ့ ရှုထောင့်ကနေ ရိုက်ကူးထားလို့ အမြင်ဆန်းပြီး ကြည့်လို့ကောင်းပါတယ်။ အော်စကာဆုရှင် မင်းသားကြီး Jean Dujardin ရဲ့ အပီပြင်ဆုံး သရုပ်ဆောင်ကွက်တွေကိုလည်း မြင်တွေ့ရမှာပါ။ လူတစ်ယောက်ရဲ့ အကြောက်တရား၊ အထီးကျန်မှုနဲ့ ရှင်သန်ချင်စိတ်တွေကို သဘာဝကျကျ ပုံဖော်သွားတာမို့ ဒဿနရုပ်ရှင်တစ်ခုအနေနဲ့လည်း ကြည့်လို့ရမှာဖြစ်ပါတယ်။ File size… (1.2 GB) / (740 MB) Quality…. Blu-Ray 1080p HEVC / 720p Format…. mkv/mp4 Genre…. Adventure,Science Fiction Duration…. 01:39:46 Subtitle…. Myanmar Subtitle (Hardsub)

CM Fan တွေ အတွက် အကြမ်းစား Action Series တစ်ခု တင်ဆက်ပေးလိုက်ပါတယ်... ဇတ်လမ်းကတော့ အားစမ်း ဆိုတဲ့ ဖြူဖြူပျော့ပျော့ တရုတ်လေး တစ်ယောက် တရုတ်အလုပ်ကြမ်းသမားတွေ နဲ့ အတူ လှေကြီးတစ်စင်း နဲ့ ဆန်ဖရစ်စစ်စကို ကို ရောက်လာတဲ့ အချိန်က စတယ် ပြောရမှာပဲ တစ်ခြား အလုပ်ကြမ်းသမားတွေ နဲ့ မတူတာက သူက အလုပ်ကြမ်း လုပ်ဖို့ လာတာမဟုတ်ပဲ လူတစ်ယောက်ကို လာရှာတာပါ သူ့အနေနဲ့ ဒီမြို့ ရဲ့ တရုတ်တန်းကို ရောက်ဖို့ လိုနေပါတယ်... သိတဲ့ အတိုင်း အဖြူကောင်တွေက တရုတ်တွေကို နှိမ်တဲ့ အတွက် သင်္ဘောဆိပ်မှာတင် အရာရှိ ၃ ယောက်ကို ဝင်းချွန်း သိုင်း နဲ့ အမှောက်ချလိုက်ပါတယ်... IP Man ကြည့်ဖူးတဲ့သူတွေဆို ဝင်းချွန်းသိုင်းကိုသိမှာပါ ဒီတရုတ်လေးက နယ်နယ်ရရ တော့ မဖြစ်နိုင်ဘူး အလုပ်သမားခေါင်း က အားစမ်း ရဲ့ လက်ရည်ကို တွေ့သွားတော့ တရုတ်တန်း က တရုတ်လူမိုက်တွေဆီ တဆင့် ထပ်ရောင်းလိုက်ပါတယ်... စလာကတည်းက ဒေါင့်မကျိုးတဲ့ တရုတ်လေးကို လူမိုက်ခေါင်းဆောင်တွေက ၀ိုင်းပြီး ပညာပေဖို့ စောင့်နေတော့တာပါပဲ... ဒီတော့ ဒီဇတ်လမ်းတွဲကို ကြည့်မယ်ဆိုရင် သွေးထွက်သံယိုတွေ မြင်ရမယ် အက်ရှင်ဖိုက်တင်အခန်းတွေ ကြည့်ရမယ်... ဒါ့အပြင် 18+ အခန်းတွေက Uncensored ဖြစ်နေတော့ အသက်မပြည့်သေးသူတွေ ပိုပြီး မကြည့်သင့်ပါဘူး စီးရီးရဲ့ အပိုင်းတိုင်းမှာ အိပ်ရာပေါ်က အခန်းတွေ ကိုယ်တုံးလုံး အခန်းတွေ အများအပြား ပါဝင်လို့ မိသားစုတွေ ကလေးသူငယ်တွေ နဲ့ အတူမကြည့်သင့်ပါ ကဲ ဘယ်သူတွေ ကြည့်မလဲ... ဒီဇတ်လမ်းကို ဘာသာပြန်ပေးကြသူတွေကတော့ August , Bommy Chan , Thaw , Htoo Htoo Ka Joe တို့ဖြစ်ပြီး Thit San Khant မှ Encode ၍ တင်ဆက်ပေးထားပါတယ်

ဒစ်စနေးရဲ့ ရုပ်ရှင်အသစ်ကို တင်ပေးထားပါတယ်။ ဒါကလည်း fantasy အမျိုးအစားပါပဲ။ အာတီမစ် ဖောင်း ဆိုတဲ့ နာမည်နဲ့ သားအဖေ နှစ်ယောက် ရှိပါတယ်။ အဖေက ရှေးဟောင်း ပစ္စည်းတွေ ရောင်းဝယ်တဲ့သူ။ သားကတော့ ဉာဏ်ကြီးရှင်ပါ။ တစ်နေ့မှာ အာတီမစ်စီနီယာ အဖမ်းခံလိုက်ရပြီး အာတီမစ်ဂျူနီယာဆီကို ဖုန်းဆက်လာပါတယ်။ အဖေကို ပြန်ကယ်ချင်ရင် အောကျူလို့ ဆိုတဲ့ ပစ္စည်းနဲ့ လာရွေးခိုင်းတာပါ။ တကယ်တော့ အောကျူလို့ဆိုတာ နတ်မှင်စာ တွေ၊ လူပုတွေ၊ ဂေါ်ဘလင်တွေရဲ့ ကမ္ဘာက အစွမ်းအထက်ဆုံးလက်နက်ပါပဲ။ ဒီတော့မှ အာတီမစ် ဂျူနီယာဟာ သူ့အဖေပြောခဲ့တဲ့ ပုံပြင်တွေဟာ တကယ်ဆိုတာ သိလာပြီး။ နတ်မှင်စာလက်နက် ကို ရှာဖို့ ကြံစည်ရပါတော့တယ်။ နတ်မှင်စာတွေကလည်း ဒီလက်နက် အခိုးခံထားရပြီး အသည်း အသန် ရှာဖွေရေးလုပ်နေချိန်မှာ တိုက်ပွဲတွေဖြစ်လာပါတော့တယ်။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Littleneo ပဲဖြစ်ပါတယ်။) Quality – 1080p, 720p  WebRip Duration - 1 hr 35 min Subtitle – Myanmar Hardsub Format – Mp4 Genre : Adventure, Fantasy, Family Source : 1080p.WebRip Translator – Littleneo Encoder – San Win Maung

အေးအေးချမ်းချမ်းဖြတ်သန်းနေတဲ့ဘဝလေး ရုတ်တရက် ပျက်စီးသွားမယ်ဆိုရင် ဘယ်လိုလုပ်ကြမလဲ။ ကိုယ့်ဘဝဟာ အဓိပ္ပါယ်မရှိတော့ဘူးလို့ခံယူလိုက်ရင် ဘာတွေဖြစ်မလဲ။ ရောဘင်ဟာ သူ့ဇနီးရယ် သူ့သူငယ်ချင်းတွေရယ်နဲ့ ခရီးလှည့်လည်ထွက်ရင်းနဲ့ ရုတ်တရက် ပိုလီယိုရောဂါပိုးကူးစက်ခံရပါတယ်။ သူဟာ လည်ပင်းအောက်ပိုင်း လုံး၀ မလှုပ်နိုင်တော့ပဲ လေဖြတ်ခဲ့ပါတယ်။ ေ နာက်ပိုင်း သူဟာ စိတ်ကျရောဂါပါ ခံစားလာရတယ်။ ရောဘင့်ရဲ့ မှောင်မိုက်နေတဲ့ ဘဝကို အလင်းထဲ သွင်းပေးခဲ့တာကတော့ သူ့ချစ်ဇနီး ဒိုင်ယာနာပါပဲ။ ဒိုင်ယာနာဟာ သူ့ခင်ပွန်းကို ဒီလို ခံစားနေရတာ မကြည့်ရက်လို့ သက်သာရာ သက်သာကြောင်းကူညီပေးရင်း အရာရာကို စိန်ခေါ်ခဲ့ပါတယ်။ သူ့ယောင်္ကျားကို ဆေးရုံက ရအောင်ဆင်းခဲ့ပါတယ်။ (အဲ့ခေတ်က ပိုလီယိုရောဂါသည်တွေက ဆေးရုံက အသက်ရှူစက်တပ်ထားတဲ့အတွက် ဆေးရုံကုတင်က ရွေ့လို့မရပါဘူး။) ရောဘင့်အတွက် အဆင်ပြေမယ့် အသက်ရှူစက်ကိုပြုလုပ်ခဲ့ပါတယ်။ ဒီလိုနဲ့ပဲသူတို့ဇနီးမောင်နှံနဲ့ သူငယ်ချင်းများပေါင်းပြီး ရောဘင့်အတွက် အဆင်ပြေမယ့်အရာတွေ တစ်ခုပြီးတစ်ခု တိုးတက်တီထွင်ခဲ့ပါတယ်။ တဖြေးဖြေး နောက်ပိုင်းမှာ ရောဘင့်အတွက်သာမက တစ်ခြား ပိုလီယိုရောဂါသည်တွေပါ အသုံးပြုနိုင်အောင်ပြုလုပ်ခဲ့ပါတယ်။ ဒီလိုနဲ့ ရောဘင်ဟာ ပိုလီယိုရောဂါရှင်များရဲ့ ရှေ့ဆောင်လမ်းပြတစ်ဦးဖြစ်ခဲ့ပါတယ်။ ဒီဇာတ်ကား တကယ့်ဖြစ်ရပ်မှန်ကိုရိုက်ကူးထားတာဖြစ်ပါတယ်။ ဒီဇာတ်ကားဟာ ရောဘင်ကာဗန်ဒစ်ရှ်ရဲ့ဘဝဖြစ်ရပ်ကို ပုံဖော်ထားပြီး ကိုယ့်ဘဝမှာ အဖော်ကောင်းတွေရှိတာ ဘယ်လောက်တောင် အရေးပါတယ်ဆိုတာ ပုံဖော်ထားပါတယ်။ ဒီဇာတ်လမ်းလေးက အလွန် စိတ်နှလုံးနူးညံဖို့ကောင်းတဲ့အပြင်မင်းသားချော Andrew Garfield နဲ့ မင်းသမီးချော Claire Foy တို့ရဲ့ သရုပ်ဆောင်ကောင်းကို ရှုမြင်ရမှာပဲဖြစ်ပါတယ်။ File Size : (900 MB) Quality : Blu-Ray 720p Running Time : 1hr 58min Format : Mp4 Genre :Biography, Drama, Romance  Subtitle : Myanmar Subtitle (Hard Sub) Source : 1080p BluRay x264-SPARKS Translated by May Shar Encoded by Thanhtike Zaw

IMDb - 6.5/10 Rotten - 61% စာရေးဆရာမ အဂါသာ ခရစ္စတီးရဲ့ ၁၉၃၄ တုန်းက နာမည်ကျော်ဝတ္ထုကို အခြေခံပြီး ဒါရိုက်တာကဲနက်ဘရာနက် က ရိုက်ကူးထားတာပါ။ ၁၉၃၄ ဆောင်းရာသီကာလ မြင်ကွင်းနဲ့အတူ နာမည်ကျော် ဘယ်လ်ဂျီယံစုံထောက် ဟာဂျူလီပွိုင်ရော့တ်ဟာ ဂျေရုဆလင်က ခိုးမှုတစ်ခုကို ဖော်ထုတ်ပြီးနောက် ခရီးသွားပြီးအပန်းဖြေဖို့ စီစဉ်ခဲ့ပါတယ်။အဲဒါနဲ့ အစ္စတန်ဘူလ်ကို သွားခဲ့ပြီးOrient Express ရထားကုမ္ပဏီ ဒါရိုက်တာ သူ့မိတ်ဆွေဘော့နဲ့ တွေ့ဆုံခဲ့ပါတယ်။ လန်ဒန်ကနေ သံကြိုးစာရတဲ့အတွက် ပွိုင်ရော့တ်တစ် ယောက်ဘော့စီစဉ်ပေးတဲ့ရထား ခရီးစဉ်နဲ့ အရေးပေါ်အိမ်ပြန်ဖို့ ဖြစ်ခဲ့ပါတယ်။ အဲဒီနောက်ပွိုင် ရော့တ်ကို ဆမ်မြူရယ်ရက်ချက် ဆိုတဲ့ အမေရိကန်သူဌေးတစ် ယောက်က သုံးရက်တာ ရထား ခရီးစဉ်အတွင်းမှာ သက်တော် စောင့်လုပ်ဖို့ကမ်းလှမ်းခဲ့ပါတယ်။ အမည်မသိပါတီတစ်ခုရဲ့ အသက်အန္တရာယ်ခြိမ်းခြောက်စာပို့ခံရတဲ့ အတွက် ပွိုင်ရော့တ်ကိုငှားတာ ဖြစ်ပေမယ့် ပွိုင်ရော့တ်ကလက် မခံခဲ့ပါဘူး။ နောက်တစ်နေ့ မနက်မှာ တော့ မစ္စတာဆမ်မြူရယ်ဟာ ဓားနဲ့အချက်ပေါင်းများစွာ အထိုး ခံရပြီး အသတ်ခံရတာကြောင့် ပွိုင်ရော့တ်ဟာဘော့နဲ့အတူ စုံစမ်းဖော်ထုတ်ဖို့လုပ်ခဲ့ပါတယ်။ အခင်းဖြစ်တဲ့နေရာက သဲလွန်စတွေ၊ သက်သေတွေရဲ့ ထွက်ဆိုချက်အရ အမျိုးသားတစ် ယောက်က ဆမ်မြူရယ်ကို သတ်သွားခဲ့တာဖြစ်ပြီး ဆမ်မြူရယ်ဟာလည်း လူသတ်မှုတစ်ခုကို ကျူးလွန်ပြီး နာမည်ပြောင်းလဲနေ ထိုင်သူတစ်ယောက်ဖြစ်တယ်ဆို တာကိုပါ သိခဲ့ကြပါတယ်။ သို့လောသို့လောအခြေအ နေတွေနဲ့အတူ သဲလွန်စတွေကိုဆက်စပ်ရင်း မသင်္ကာစရာတွေ များနေတဲ့ ဆမ်မြူရယ်ရဲ့လူသတ် မှုကို ပွိုင်ရော့တ်တစ်ယောက် ဘယ်လိုနည်းနဲ့ ဖော်ထုတ်မှာလဲ ဆိုတာကို ဆက်ကြည့်ရအောင်လို့ ဖော်ပြလိုက်ပါတယ်။ ဒီဇာတ်ကားမှာ ကဲနက်ဘရာ နက်၊ တော်မ်ဘိတ်မန်း၊ ပန်နီလိုပီခရုဇ်၊ ဝီလျံဒါဖိုး၊ ဂျော်နီဒက်ပ်စတဲ့သရုပ်ဆောင်များစွာ ပါဝင် ထားကြပါတယ်။ (ဇာတ်လမ်းအညွှန်းကို 7daily Website မှကူးယူဖော်ပြသည်) File Size : (3.7 GB) / (1 GB)/ (952 MB) Quality : Blu-Ray 4K HEVC /1080p HEVC/ 720p Running Time : 1hr 54min Format : Mp4 Genre :Crime, Drama, Mystery Subtitle : Myanmar Subtitle (Hard Sub) Translated by Lex Luthor Encoded by Thanhtike Zaw,Nyeinsaeya Aung

My Week with Marilyn (2011) ~ IMDb - 6.9/10, Rotten Tomatoes - 83% ~ ဒီရုပ်ရှင်ကို ကောလင်းကလတ်ရေးတဲ့ The Prince, The Showgirl and Me နဲ့ My Week with Marilyn ဆိုတဲ့ ဒိုင်ယာရီစာအုပ်နှစ်အုပ်ကနေ ရိုက်ထားတာ။ The Prince and the Showgirl (1957) ကို မာရီလင်မွန်ရိုးနဲ့ လောရန့်အိုလီဗာတို့ ရိုက်ခဲ့ကြတုန်းက အကြောင်းပေါ့။ ဒီဇာတ်လမ်းကို သူ့ခေါင်းစဉ်အတိုင်းပဲ စာရေးဆရာ ကောလင်းကလတ်ရဲ့ ရှုထောင့်ကနေပဲ ပုံဖော်ထားတယ်။ ဒီဇာတ်လမ်းရဲ့ အဓိကက ကောလင်းလို့ပြောလို့ရပေမဲ့ သူက ဒီဇာတ်လမ်းထဲ အားကောင်းလှတဲ့ ဇာတ်ကောင်တော့ မဟုတ်နေဘူး။ သူက မွန်ရိုးကိုချစ်မိတဲ့ တတိယအဆင့်လက်ထောက်ဒါရိုက်တာနေရာက သူ့အမြင်ကို ဖော်ပြသွားရုံပဲ။ ဒီဇာတ်လမ်းရဲ့ အားအကောင်းဆုံး ဇာတ်ကောင်၂ကောင်ကတော့ မွန်ရိုးနဲ့ ဆာလောရန့်ပါပဲ။ မွန်ရိုးဘယ်သူလဲတော့ ဘယ်သူမှ ရေခင်းပြစရာမလိုပါဘူး။ ဆာလောရန့်ကလည်း ခေသူတော့မဟုတ်ပါဘူး။ အော်စကာလေးဆုနဲ့ တခြား ရွှေကမ္ဘာလုံးဆုတွေ ဘာတွေ အစုံရထားဖူးတဲ့ဘဲပါ။ သူယူထားတဲ့မိန်းမဆိုလည်း လေရူးသုန်သုန်ရုပ်ရှင်ထဲက မင်းသမီး Vivien Leigh... ဆာလောရန့်က ဒါရိုက်တာလုပ် မင်းသားလည်းလုပ်ပြီး The Prince and the Showgirl ကို ရိုက်ဖို့လုပ်တယ်။ မာရီလင်မွန်ရိုးနဲ့ဆို အရာရာအဆင်ပြေမယ်လို့ သူမျှော်လင့်ခဲ့တာပေါ့။ တကယ်တမ်းကျ မွန်ရိုးနဲ့ ရိုက်ကာမှပဲ သူ့ဆီမှာ ခေါင်းအစားဆုံးအခြေအနေတွေဖြစ်လာတယ်။ ဇာတ်အရတော့ မာရီလင်မွန်ရိုးကို အဲဒီခေတ်ကတည်းက အခမ်းနားဆုံးမင်းသမီးလို့ လက်ခံထားကြပြီးသား၊ ဒါပေမဲ့ ခေတ်တစ်ခေတ်ရဲ့ အခမ်းနားဆုံး မင်းသမီးဖြစ်နေပေမဲ့လည်း မာရီလင်မွန်ရိုးမှာ မိန်းမဆန်တဲ့စိတ်က အပြည့်ရှိနေတယ်။ အားငယ်တတ် သံသယများတတ် အချစ်ခံချင် မျက်ရည်လွယ် စိတ်ဓာတ်ကျလွယ် စိတ်ပျော်လွယ် ဆိုတဲ့ အချက်တွေလို့ပဲ ယေဘုယျထားပါတော့...။ သာမန်မိန်းမတစ်ယောက်အတွက်တောင် ဒီအရာတွေက သူ့စိတ်ကို ဒုက္ခပေးနိုင်တဲ့ နှုန်းမြင့်တယ်။ မာရီလွန်မွန်ရိုးဟာ သူ့ခေတ်ရဲ့ ဟိုးထိပ်ဆုံးကလူဖြစ်သလို လုပ်နေတဲ့အလုပ်ကလည်း မြင့်တက်ဖို့ခက်ပေမဲ့ ပြုတ်ကျဖို့လွယ်တဲ့ သရုပ်ဆောင်အလုပ်။ ဒီအလုပ်နဲ့ ဒီလောက်မိန်းမဆန်ခြင်း အပြည့်ရှိနေတဲ့ မာရီလင်မွန်ရိုး ဘယ်လောက်တောင် ဒုက္ခများမလဲ တွေးကြည့်လို့ရတယ်။ ဆာလောရန့်အတွက်လည်း ဒုက္ခတော်တော်များခဲ့တယ်။ သူက ဒါရိုက်တာဆိုတော့ ရိုက်ကွင်းထဲ မင်းသမီးလုပ်သမျှတွေက သူ့ကိုရိုက်ခတ်နေတာကိုး။ အားလုံးကတော့ မာရီလင်မွန်ရိုးကို စတားဆိုတဲ့ စိတ်နဲ့ ခွင့်လွှတ်ပေးလို့ရနေပေမဲ့ ဆာလောရန့်ကိုယ်တိုင်ကလည်း သူ့ခေတ်ရဲ့စတားဆိုတော့ မာနတော့ရှိသေးတယ်။ ဒီတော့ မွန်ရိုးအပေါ် သူက ခက်ထန်တယ်။ အဲဒီလိုခက်ထန်လေ မွန်ရိုးဘက်က အခြေအနေပိုဆိုးလာလေနဲ့ ရုပ်ရှင်ရိုက်ဖို့က တော်တော်လေး ဂျာအေးသူ့အမေရိုက်နေခဲ့တယ်။ ဒီလိုနဲ့ ဆာလောရန့်ခန့်ထားတဲ့ တတိယလက်ထောက်ဒါရိုက်တာ ကောလင်းက ဒီနှစ်ယောက်ကြား ပေါင်းကူးပေးဖို့ဖြစ်လာတယ်။ သူက ဒီ၂ယောက်ကြားက အခြေအနေကို ကောင်းကောင်းနားလည်သလို မွန်ရိုးကိုလည်း ချစ်မိသွားတဲ့လူဆိုတော့ သူက မွန်ရိုးကို ကောင်းကောင်းနားလည်ပေးပြီး ပေါင်းကူးပေးနိုင်ခဲ့တယ်။ စိတ်ပျော့တဲ့ မွန်ရိုးနဲ့ ခုမှ လူလားစမြောက်တဲ့ သူနဲ့ကြားလည်း အချစ်ဇာတ်လမ်းတစ်ပုဒ်ဖြစ်လာခဲ့တယ်။ မာရီလင်မွန်ရိုးဟာ သူ့အချစ်ဦးဖြစ်လာခဲ့တယ်။ ဒီဇာတ်လမ်းဟာ မွန်ရိုးတို့ဘက်ကိုကြည့်ရင် ဟောလိဝုဒ်ရဲ့ သမိုင်းကို ပြန်လွမ်းမောရယ့် ဘိုင်အိုဂရပ်ဖီရုပ်ရှင်ပေါ့။ တစ်ခေတ်တစ်ခါက စတားတွေအများကြီးရဲ့ စရိုက်တွေ ခံယူချက်တွေ အချိုးအကွေ့တွေကို မြင်ရမယ့် ရုပ်ရှင်ပေါ့။ တကယ်လို့သာ ခင်ဗျား ကောလင်းဘက်က ကြည့်ခဲ့ရင်တော့ ဒီဇာတ်လမ်းဟာ လူငယ်လေးတစ်ယောက်ရဲ့ အချစ်ဦးဇာတ်လမ်းတစ်ပုဒ်ပဲ။ အချစ်ဦးဇာတ်လမ်းတွေဆိုတာ အမြဲဆိုသလို နာကျင်ဖွယ် ချိုမြိန်ခြင်းများအတိနဲ့ ကဗျာတွေပဲ။ ပြောရရင် ဒီဇာတ်လမ်းဟာ နာကျင်ဖွယ် ချိုမြိန်ခြင်းများအကြောင်းပါပဲ။ သူ့ရဲ့မွန်ရိုးတမ်းချင်းလို့ ပြောလည်းရတယ်။ ဒီရုပ်ရှင်ရဲ့ စီနီမာတိုဂရပ်ဖာ Ben Smithardက ၂၀၂၀တုန်းက အန်သိုနီဟော့ကင်းမင်းသားဆုရသွားပြီး ဇာတ်ညွှန်းဆုပါရသွားတဲ့ The Father ရဲ့ စီနီမာတိုဂရပ်ဖာဖြစ်တယ်။ Primetime Emmy Award for Outstanding Cinematography ဆုလည်းရဖူးတယ်။ သရုပ်ဆောင်တွေကလည်း ဟောလိဝုဒ်ရုပ်ရှင်တွေနဲ့ သေချာကျွမ်းဝင်တဲ့လူတွေ ထိတ်ထိတ်ကြဲတွေလို့ လက်ခံပြီးသားလူတွေချည်း။ မွန်ရိုးနေရာက Michelle Williams... မနှစ်က Blonde ထဲက မွန်ရိုးထက် သူ့မွန်ရိုးက ပိုသာတာတော့ သေချာတယ်။ ဒါလည်း ထည့်ပြောစရာမလိုပါဘူး။ မစ်ချဲလ်ဝီလီယမ် ဘယ်သူလဲ သိတဲ့လူတွေ မပြောလည်း သိကြမယ့်အချက်ပဲ။ ပြီးတော့ Eddie Redmayne... သူ့ကိုတော့ The Theory of Everything တို့၊ The Danish Girl တို့နဲ့ အားလုံးသိကြမှာပဲ။ သရုပ်ဆောင်စကေးကလည်း ပြောပြဖို့မလိုနေဘူး။ နောက် အခုဆို ဟာကျူလီပွာရိုတွေချည်း ဆက်တိုက်ရိုက်နေတဲ့ Kenneth Branagh, ဂျိမ်းစဘွန်းထဲက M တစ်ဖြစ်လဲ မင်းသမီးကြီး Judi Dench, နောက် အင်္ဂလန်ရဲ့ကျက်သရေဆောင် Emma Watson... ဒီထဲမှာမှ မစ်ချဲလ်နဲ့ ကန်းနက်တို့က အော်စကာမှာ မင်းသမီးဆုနဲ့ ဇာတ်ပို့ဆု အသီးသီးဆန်ခါတင်ဝင်ခဲ့ကြတယ်။ ထုတ်ထားတဲ့ ဘဲကလည်း လက်ရှိဟောလိဝုဒ်ရဲ့ နာမည်အပျက်ဆုံးလူလို့ ပြောလို့ရတဲ့ အဲဒီပျက်တဲ့နာမည်နဲ့ မလိုက်အောင်ဘဲ သူထုတ်တဲ့ ကားမှန်သမျှ ဂေါ်ထွက်နေတဲ့ ဟာဗေးဝင်းစတိန်း။ အဘက်ဘက်ကတော့ သူ့နည်းသူ့ဟန်နဲ့ ဟုတ်နေတာပါပဲ။ ကြည့်ဖို့မကြည့်ဖို့ကတော့ ခင်ဗျားတို့အလုပ်ပေါ့။ မာရီလင် မွန်ရိုးသို့ တမ်းချင်း "ဆင်းရဲခြင်းက ဒုက္ခ"တဲ့။ နီလာရောင် ရေချိုးခန်း "ပဲရစ်"ရေမွှေး ဖျန်းထားသော ပန်းခြံ မရန်းရောင် ရှမ်ပိန်၊ ရေခဲစိမ် "မာတနီ" ငွေခြည်ရောင် ရေခဲသေတ္တာတို့ ကြားမှာ အဆိပ်သောက် သေဆုံးသွားသော ဟောလိဝုဒ်၏ ကြယ်ပွင့်အပြာ အို၊ မာရီလင် မွန်ရိုး။ "ချမ်းသာခြင်းမှာ ဘာဒုက္ခများ တွေ့ခဲ့လဲ"။  ။ ~ သုခမိန်လှိုင် (ဂျွန်လ၏ မိုးရေများ - ၁၉၇၀) (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.55GB, 730MB Quality - 1080p, 720p IMDb Rating - 6.9/10 Format - mp4 Duration - 1H 39Min Genre - Biography, Drama Subtitle - Myanmar Subtitle (Hardsub) Translated by WiRa Aung Encoded by Y

IMDb Rating - 6.4/10 Land Of The Blind.2006 ဇာတ်ကားu နိုင်ငံရေး Drama ဇာတ်ကားပါ။ စာရေးဆရာက နိုင်ငံရေးအတွေအခေါ်ပေါ်အခြေပြုပြီးတော့ ဇာတ်လမ်းကို ဆင်ထားပါတယ်။ ကြည့်ရှုသူပရိတ်သတ်အနေနဲ့တော့ ဒါရိုက်တာတင်ပြထား တဲ့ရှုထောင့်ကပဲ တစ်သပ်မတ်တည်း ကြည့်ရှုခံစားပေးရမယ်လို့ မရှိဘဲ ဖြစ်နိုင် ခြေတွေကို ဒီဇာတ်လမ်းနှင့်အတူ ဝေဖန်သုံးသပ်ကြရမှာပါ။ ပဒေသရာဇ်အစဥ်အလာတွေကို မင်းမဲ့ဝါဒရောနှောထားတဲ့ သမ္မတဂိုဏ်သား တွေက ဖြုတ်ချပယ်ဖျက်ပြီးနောက်မှာ သမ္မတဂိုဏ်းသားတွေကလည်း သူ့တို့ ဟစ်ကြွေးခဲ့တဲ့မူတွေအတိုင်း မနေနိုင်ကြတာကြောင့် သူတို့အရေးတော်ပုံမ အောင်မြင်တဲ့အကြောင်း တင်ဆက်ထားတာပါ။ ဒါပေမယ့် ဒီနေရာမှာ စဥ်းစား စရာတွေက သမ္မတဂိုဏ်းသားတွေ လုပ်ခဲ့တဲ့လုပ်ရပ်တွေနဲ့ နည်းနာတွေက တကယ် ပဲ သူတို့ဟစ်ကြွေးထားတဲ့အတိုင်းပဲ ဖြစ်နေသလား။ ဒါရိုက်တာရဲ့တင်ဆက်မှုမှာ ဘာတွေထပ်ပြီး သုံးသပ်လို့ရမလဲဆိုတာကိုတော့ ပရိတ်သတ်က ကြည့်ရှုရင်း ဆုံးဖြတ်ပေးရမှာပါ။ Best Narrative Features အပိုင်းမှာ ဆုအတွက် တင်သွင်း ခံရပြီးတော့ IMDb rating 6.4 ရရှိထားပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thy Santa ဖြစ်ပါတယ်) File Size..........(1.77 GB) / (573 MB) Quality............WEB-DL 1080p / 720p Duration.........1Hr 50Min Subtitle...........Myanmar Hardsub Format............MP4 Genre..............Drama, Thriller Translator.......Thy Santa Encoder..........SWM

IMDb Rating - 7.6/10 Directed by Woody Allen ဝူဒီအယ်လန်ကားဆို စောင်တလွဲလူ့ဘောင်ကြီးကို တစ်နည်းမဟုတ် တစ်နည်းနဲ့သရော်တတ်တဲ့ ရုပ်ရှင်တွေလို့ ‌ပြေးမြင်မိကြမှာပဲ။ သူ့ကားတွေဟာ ရိုမန့် ဒရာမာ ဟာသ စာရင်းဝင်ကားတွေများတယ်။ Match Point ကတော့ ကွဲလွဲတယ်ပြောရမှာမယ်။တခြားအယ်လန်ကားတွေက နာမည်ကြီးအနုပညာသမားတစ်ချို့ကို သိမှ သူသရော်တာကို နားလည်မှာတို့ ဘာတို့ ပါတတ်ပေမဲ့ ဒီရုပ်ရှင်ကတော့ ဒါမျိုးကင်းတယ်။ မသိရင် စုံထောက်ကားလိုလိုပါပဲ။ Genresအရ Romance/Dramaပေမဲ့ ကြည့်ပြီးတဲ့သူတွေက Psychological Thriller ကားလို့ ဆိုကြတယ်။သို့ပေမဲ့ သရော်တာလည်း မကင်းပါဘူး၊ ဟာသတစ်စက်မှ မနှောဘဲ သရော်သွားတာကလွဲလို့ပေါ့။ ဒီရုပ်ရှင်မှာတော့ သူ့ THEMEကတော့ ကံပါပဲ။ ကံကိုTHEME အဖြစ်သုံးပြီး စောင်တလွဲလောကကြီးရဲ့မတရားလှတဲ့ ကံကိုသရော်သွားခဲ့တယ်။ ဇာတ်လမ်းအစမှာ သူက ဒီလိုပြောထားတယ် " ကျုပ်မတော်ချင်ဘူး ကံပဲကောင်းချင်တယ်လို့ ပြောတဲ့သူက ဘဝကို ကောင်းကောင်းနားလည်တဲ့သူပဲ။ ဘဝရဲ့တစ်စိတ်တစ်ပိုင်းက ကံပေါ်အများကြီး မူတည်နေတယ်ဆိုတာကို လူတွေက လက်မခံဝံ့ကြဘူး။ တကယ်တမ်း ဘဝမှာ ကိုယ်မထိန်းချုပ်နိုင်တဲ့အရာတွေ များတယ်ဆိုတဲ့ အသိက ထိတ်လန့်စရာကောင်းတယ်။ တန်းနစ်ပွဲတစ်ပွဲမှာ ဘောလုံးက ကွင်းလယ်က ပိုက်ကွန်ရဲ့ အပေါ်တည့်တည့်ကိုရောက်သွားတဲ့ အခိုက်အတန့်တွေရှိတယ်။ စက္ကန့်ပိုင်းအတွင်းမှာပဲ အဲ့ဒီဘောလုံးက အရှေ့ကိုကျတာဖြစ်ဖြစ် အနောက်ကိုကျတာ ဖြစ်ဖြစ် ဖြစ်သွားနိုင်တယ်။ ကံလေးနည်းနည်းကောင်းရင်တော့ အရှေ့ကို ကျသွားမယ်။ အဲ့ဒီကျ ခင်ဗျားနိုင်ပြီ။ ကံဆိုးပြီး အနောက်ကိုပြန်ကျလာရင်တော့ ခင်ဗျား ရှုံးပြီ "တဲ့ Match Pointရဲ့ အဓိကဇာတ်ကောင်ကတော့ ပြောခဲ့တဲ့အတိုင်း ကံကောင်းဖို့က အဓိကလို့ ယုံထားတဲ့ ခရစ်ဆိုတဲ့ တန်းနစ်ကစားသမား။ နောက်ကျ နည်းပြလုပ်ရာက ဗြိတန်အထက်တန်းလွှာက လူတစ်ယောက်ကို သင်ပေးရင်း ကံကောင်းပြီး အဲ့ဒီအထက်တန်းလွှာ အသိုင်းအဝိုင်းကို ဝင်ခွင့်ရသွားပြီး သူ့ဘဝကိုတက်လမ်းကို ရှာခဲ့တဲ့သူပေါ့။ ဒုတိယဇာတ်ဆောင် စကားလက်ဂျိုဟန်ဆန်ရဲ့ ဇာတ်ကောင်ကတော့ မင်းသမီးဖြစ်ဖို့ကြိုးစားနေတဲ့ နိုလာဆိုတဲ့မိန်းမတစ်ယောက်။ သူ့ဇာတ်ကောင်ကတော့ ခရစ်နဲ့ကွဲလွဲတယ်။ ခရစ်က ကံက အဓိကလို့ယုံတဲ့ လက်တွေ့သမား။ နိုလာကတော့ မာနအတွက် သူ့အတွက်မဖြစ်နိုင်တဲ့ သရုပ်ဆောင်အလုပ်ကို ‌ကျောမခိုင်းနိုင်တဲ့ သူပေါ့။ သူတို့၂ယောက်လုံးက အထက်တန်းလွှာအသိုင်းအဝိုင်းက မောင်နှမနှစ်ယောက်နဲ့ ပက်သက်မိကြရာက သူတို့ချင်းလည်း ပက်သက်မိကြတယ်။ အယ်လန်က ဒီကာရိုက်တာ၂ယောက်ကို တစ်ယောက်ကို ကံကောင်းတဲ့ကာရိုက်တာ တစ်ယောက်ကို ကံဆိုးတဲ့ ကာရိုက်တာ အနေနဲ့ ပုံဖော်ပြီး ကံကောင်းခြင်းဆိုးခြင်းဟာ ဘဝမှာဘယ်လောက်အထိအရေးပါနေပြီး ကံပေါ်မှာ ကျွန်တော်တို့ ဘဝတွေ ပုံထားရတယ်ဆိုတာကို မြင်သာအောင်ကို ပြထားတယ်။ ကျွန်တော်တော့ ဒါကို သူ့သရော်မှုတစ်ခုလို့ပဲမြင်တယ်။ ပြောရရင် ဘဝမှာ ကံလေးကောင်းလို့ ဘဝပေးကောင်းလို့ ဖြစ်ဖြစ်မြောက်မြောက်ဖြစ်လာတာကို ဟုတ်လှပြီ ထင်တဲ့လူတစ်ချို့ကို သရော်ထားတဲ့သဘောပဲလို့ မြင်တယ်။ ဒီရုပ်ရှင်ဟာ တခြားအယ်လန်ကားတွေလိုပဲ ဇာတ်လမ်းဇာတ်ကွက်ရိုးရှင်းတယ်။ ကာရိုက်တာကို အဓိကထား ပုံဖော်ထားတယ်။ တခြားအယ်လန်ကားတွေနဲ့ ကွဲတာက တခြားအယ်လန်ကားတွေက လောကကိုအရွဲ့တိုက်ရယ်မောလိုက်တဲ့သရော်ကားမျိုးဆို Match Pointကတော့ လောကကို နာနာကျင်ကျင်နဲ့ကို သရော်လိုက်တဲ့ကားမျိုးလို့ ဆိုရမယ်။ ဒီလိုpsycho thriller ပုံစံပိုကြိုက်တဲ့သူ တစ်ချို့ကတော့ ဝူဒီအယ်လန်ထဲ သူတို့အကြိုက်ဆုံးကားလို့ဆိုကြတယ်။ သူ့အရွဲ့တိုက်သရော်တာတွေကိုပဲ ပိုသဘောကျမိတဲ့ ကျွန်တော့်အတွက်တော့ဒီကားကို တခြားကားတွေနဲ့ယှဉ်ရင် သိပ်ဘဝင်မကျမိဘူး။ သို့ပေမဲ့လည်း ကျွန်တော်ကြိုက်တဲ့ အယ်လန်ကားတွေထက်တောင် ဒီကားက ratingပိုကောင်းပါတယ်။ခုနလိုပိုကြိုက်ကြတဲ့သူတွေလည်း များမှာပါပဲ။ ဘာပြောပြောပါ ဇာတ်လမ်းပြီးခါနီးထိ အယ်လန်ဟာ သူ့သရော်ဟန်ကို သစ္စာဖောက်လိုက်တယ် ထင်ရခဲ့ပေမဲ့ အဆုံးမှာတော့ အယ်လန်ဟာ သူ့သရော်ဟန်ကို သစ္စာရှိခဲ့တာကို မျက်ဝါးထင်ထင်မြင်ရမှာပါပဲ။ ကိန်းရုပ်ရှင်ပွဲတော်မှာပြတုန်းကတော့ ဒီကားကို ဝေဖန်ရေးဆရာတွေက သမားရိုးကျ ဝူဒီအယ်လန်ရုပ်ရှင်တစ်ကားမဟုတ်ဘူးလို့တောင် ဝေဖန်ခဲ့ကြပါသေးတယ်။ သရုပ်ဆောင်တွေအနေနဲ့ ဗြိတိသျှသရုပ်ဆောင်တွေချည်း သုံးထားပြီ ညှို့ဓာတ်ပြင်းတဲ့ အမေရိကန်သရုပ်ဆောင် စကားလက်ဂျိုဟန်ဆန်ကတော့ ညှို့ဓာတ်ပြင်းတဲ့ အမေရိကန်သရုပ်ဆောင်အနေနဲ့ပဲ ပြန်သရုပ်ဆောင်ထားခဲ့တယ်။ သူရဲ့ခပ်ဟော့ဟော့အခန်းတွေကိုလည်း မြင်ကြရမှာပါ။ အော်စကာဆုပေးပွဲမှာလည်း ဒီကားအတွက် ဇာတ်ညွှန်းကိုယ်တိုင်ရေးထားတဲ့ ဝူဒီအယ်လန်ဟာ ဇာတ်ညွှန်းဆုအတွက် ဆန်ခါတင်ဝင်ခဲ့ပြီး တခြားပွဲတွေမှာလည်း ဇာတ်ညွှန်းဆုတွေ အကုန်ဆန်ခါတင်ဝင်ခဲ့ပါတယ်။ ( အညွှန်းရေးသားထားသူကတော့ WiRa Aung ပါ ) File Size__2.1 GB , 1.1 GB Quality__1080p , 720p IMDb Rating__7.6/10 Format__mp4 Duration__02:04:00 Type__Drama , Romance , Thriller Subtitle__Myanmar Subtitle (Hardsub) Translated by WiRa Aung Encoded by Naing Aung Latt

ဒီစီးရီးကတော့ မသိသူမရှိလောက်အောင် တစ်ချိန်က နာမည်ကျော်ခဲ့တဲ့စီးရီးတစ်ခုဖြစ်ပြီး မသေခင်ကြည့်သွားသင့်တဲ့ စီးရီးတစ်ခုဆိုလည်းမမှားပါဘူး။ နိုင်ငံရေး၊အက်ရှင်၊ဒရာမာ အစုံပါတဲ့ 24 Series ဟာ 2001 တစ်ခုကနေ စတင်ထွက်ရှိခဲ့ပြီး စုစုပေါင်း Season 9 ခုရှိပါတယ်။ 24 ဆိုတဲ့အတိုင်း Season တစ်ခုကို 24 ပိုင်းပါလို့ တစ်ဝကြီးကြည့်ရမှာဖြစ်ပြီး Season တစ်ခုနဲ့တစ်ခု ဖြစ်စဉ်တွေကွဲပြားပါတယ်။ ဒီစီးရီးမှာတော့ အကြမ်းဖက်တိုက်ဖျက်ရေးအေးဂျင့် ဂျက်ခ်ဘောင်ဝါက နိုင်ငံတော်လုံခြုံရေးကိုအန္တရာယ်ပြုလာတဲ့ အကြမ်းဖက်သမားမျိုးစုံကို တစ်ရက်(၂၄ နာရီ)အတွင်း တိုက်ခိုက်ချေမှုန်းပုံကို စိတ်လှုပ်ရှားစွာကြည့်ရမှာပါ။ ဒီစီးရီးရဲ့ထူးခြားချက်ကတော့ သူတို့ရဲ့ဖြစ်စဉ်တွေကို အချိန်နဲ့တပြေးညီဆောင်ရွက်တဲ့ပုံစံအတိုင်း ၁ ပိုင်းကို တစ်နာရီ စုစုပေါင်း ၂၄နာရီအတွင်းအဖြစ်အပျက်တွေကို ရိုက်ပြထားတာပါ။ ဇာတ်လမ်းဇာတ်အိမ် အသွားအလာအလွန်ကောင်းပြီး လှည့်ကွက်မျိုးစုံနဲ့ ပျင်းစရာအခိုက်အတန့် တစ်ခုမှမပါဘဲ ရသအစုံပေးတဲ့ စီးရီးတစ်ခုဖြစ်ပါတယ်။ ၂၄နာရီအတွင်း နာရီသံတစ်ချက်ချက်အကြားက စိတ်လှုပ်ရှားစရာတွေကို ကြည့်ရှုခံစားကြပါဦး။ File size…(3 GB)/(802 MB) Quality….Webrip 1080p / 720p Format…mp4 Duration….01:05:00 Genre...Action, addventure, Drama, Crime Subtitle….Myanmar Subtitle (Hardsub) Encoder….Mr. Anderson Translated by Vader