Nick Cornwall ပါဝင်သော ဇာတ်ကားများ

How to Train Your Dragon (2025) IMDb Rating (8.1) / Rotten Tomatoes (77%) ( WEB-DL ကြည်တောက်ရှင်း Update...Audio ပါ Fix ထားပေးပါပြီ ) 2010 တုန်းက အရမ်းအောင်မြင်ခဲ့တဲ့ ကာတွန်းရုပ်ရှင်ကို လူတွေနဲ့ ပြန်ရိုက်ကူးထားတာပါ။ ကာတွန်းကနေ လူကို ကူးပြောင်းတဲ့နေရာမှာ စနိုးဝှိုက်လို ခွက်ခွက်လန်တာမျိုးတွေရှိသလို ဒီရုပ်ရှင်လိုပဲ မူရင်းအတိုင်း ကောင်းနေတာမျိုးတွေလည်း ရှိတတ်ပါတယ်။ ဒါဟာ DreamWorks Animation ရဲ့ ပထမဆုံး Live Action ဖြစ်ပြီး ထုံးစံအတိုင်း ဒစ္စနေးကို ဖြတ်ရိုက်လိုက်သလိုပါပဲ။ မူလဒါရိုက်တာ Dean DeBlois ကပဲ ရိုက်ကူးထားတာပါ။ မင်းသားကြီး Gerard Butler က မူလကာတွန်းမှာ သရုပ်ဆောင်ခဲ့တဲ့အတိုင်း ဒီကားမှာလည်း စတိုးရစ်နေရာကနေ ပြန်ပါဝင်ထားပါတယ်။ The Black Phone မင်းသား Mason Thames ကတော့ ဟစ်ကပ် နေရာကို ပီပီပြင်ပြင် သရုပ်ဆောင်ထားပါတယ်။ ဇာတ်လမ်းအကျဉ်း ဘာ့ခ်ဆိုတဲ့ ဗိုက်ကင်းရွာလေးဟာ နဂါးတွေနဲ့ စစ်ဖြစ်နေခဲ့တာ ကြာပါပြီ။ ဦးရာလူဆော်စတမ်း အပြန်အလှန်ချနေကြတာပါ။ ခေါင်းဆောင်ကြီး စတိုးရစ်က နဂါးတွေကို ကောင်းကောင်းတိုက်ခိုက်နိုင်သလောက် သူ့ရဲ့သား ဟစ်ကပ်ကိုတော့ တစ်ရွာလုံးက အထင်မကြီးကြပါဘူး။ ပန်းပဲဖိုမှာနေရင်း တီထွင်တာတွေပဲ လျှောက်လုပ်နေတတ်တဲ့ ငကြောက်လေးအဖြစ်မှတ်ထားကြတာပေါ့။ တစ်နေ့မှာတော့ ဟစ်ကပ်ဟာ နဂါးတွေထဲမှာ အကြမ်းဆုံးဖြစ်တဲ့ နိုက်ဖြူရီကို ပစ်ချလိုက်မိပါတယ်။ နောက်တော့မှ နိုက်ဖြူရီနဲ့ သူငယ်ချင်းတွေ ဖြစ်လာပြီး အတူတူ လေပေါ်ပျံကြတဲ့အထိ ရင်းနှီးလာကြပါတယ်။ နဂါးတွေနဲ့ ဗိုက်ကင်းတွေကြားမှာ နားလည်မှုယူဖို့ ကြိုးစားပေမဲ့ မအောင်မြင်ဘဲ တိုက်ပွဲကြီးဖြစ်လာတဲ့အခါ ဟစ်ကပ်နဲ့ သူငယ်ချင်းတွေ ဘယ်လိုဖြေရှင်းကြမလဲဆိုတာ ကြည့်ရမှာပါ။ (အညွှန်းနဲ့ဘာသာပြန်ကတော့ Mr.Anderson ဖြစ်ပါတယ်။) File size…(6.2 GB)/ (2.2 GB) / (1.5 GB) Quality….WEB-DL 4K HEVC/1080p HEVC / 720p Format…. mkv/mp4 Genre….Action,Family,Fantasy Duration….02:05:00 Subtitle….Myanmar Subtitle (Hardsub) Encoder….Ka Naung Translated by Mr.Anderson

Derelict (2025) +++++ ပရိသတ်ကြီးရေ၊ ဒီတစ်ခါမှာတော့ ဗြိတိန်နိုင်ငံက ဘတ်ဂျက်အနည်း ဆုံးနဲ့ ရိုက်ကူးထားပေမဲ့ အနုပညာတန်ဖိုးမြင့်မားတဲ့ ဒရာမာကား Derelict ကို မိတ်ဆက်ပေးချင်ပါတယ်။ ဇာတ်လမ်း အကျဉ်းချုပ် ++++++++++ Derelict ရုပ်ရှင်ဟာ ပုံမှန် အစ၊ အလယ်၊ အဆုံး ဖွဲ့စည်းပုံအတိုင်း မဟုတ်ဘဲ၊ အချိန်ကာလကို နောက်ပြန်လှည့်ပြီး ဇာတ်လမ်းကို ပိုင်းခြား တင်ဆက်ထားတဲ့ (Non-linear Narrative) ပုံစံမျိုးကို အသုံးပြုထားပါတယ်။ ဒီဇာတ်ကားဟာ အဓိက ဇာတ်ကောင်နှစ်ဦးရဲ့ ဘဝကို အပြိုင်ပြသပြီး၊ သူတို့ရဲ့ ကံကြမ္မာ ဘယ်လို ရောယှက်သွားတယ်ဆိုတာကို ဖော်ပြပါတယ်။ အက်ဘီဂေးဟာ ဖခင်ဖြစ်သူ ရက်ရက်စက်စက် အသတ်ခံလိုက်ရတဲ့အတွက် ပြင်းပြတဲ့ ဝမ်းနည်းကြေကွဲမှုနဲ့ လက်စားချေလိုစိတ် တွေ လွှမ်းမိုးနေတဲ့ လူငယ် အမျိုးသမီးတစ်ဦးဖြစ်ပါတယ်။ ဖခင်ကို သတ်ခဲ့တဲ့ လူသတ်သမားတစ်ဦး ထောင်ကနေ ပြန်လွတ်လာတော့မယ်ဆိုတာ သိတဲ့အခါ၊ သူမဟာ လက်စားချေဖို့ လမ်းကြောင်းပေါ်ကို ရောက်ရှိသွားပါတယ်။ မတ်ကတော့ ရာဇဝတ်မှုတွေကို ရှောင်ရှားချင်တဲ့ စိတ်ရင်းကောင်းတဲ့ လူငယ်လေးတစ်ဦး ဖြစ်ပေမဲ့၊ သူ့ရဲ့ အစ်ကိုဖြစ်သူ အီဝန် ထောင်ကနေ ပြန်လွတ်လာပြီး အန္တရာယ်များတဲ့ ရာဇဝတ်လောကထဲကို သူ့ကို ဆွဲသွင်းတဲ့အခါ၊ မတ် ရဲ့ ဘဝဟာ လုံးဝ ပြောင်းပြန် ဖြစ်သွားပါတော့တယ်။ ဒီဇာတ်ကောင်နှစ်ဦးဟာ သူတို့ရဲ့ စိတ်ဒဏ်ရာတွေနဲ့ ပျက်စီးသွားတဲ့ ဘဝတွေကြားကနေ ဘယ်လို ရုန်းကန်နေရလဲ၊ သူတို့ရဲ့ လမ်းတွေ ဘယ်လိုဆုံပြီး ကြေကွဲစရာ ကံကြမ္မာတွေနဲ့ ရင်ဆိုင်ရလဲဆိုတာကို ကြည့်ရှုရမှာ ဖြစ်ပါတယ်။ File Size… (1.31GB) / (798MB) Quality… WEB-DL 1080p HEVC /720p Format…mkv / mp4 Duration…2h 2m Genre … Drama Subtitle….Myanmar Subtitle (Hard Sub)

ဒီတစ်ခါတော့ The Sisters Brothers ဆိုတဲ့ အက်ရှင်ကားလေးကို တင်ဆက်ပေးလိုက်ပါတယ်။ ချာလီနဲ့ အီလိုင်လို့ခေါ်တဲ့ ညီအကိုနှစ်ယောက်ဟာ အော်ရီဂွန်မြို့က တပ်မှူးအားကိုးရတဲ့ တိုက်ခိုက်ရေးသမားတွေပဲ ဖြစ်ပါတယ်။ ခိုင်းစေသမျှတာဝန်မှန်သမျှကို ဘယ်တော့မှ လွဲလျော်လေ့မရှိပဲ အောင်မြင်ခဲ့တာကြောင့် Sisters Brothers ဆိုပြီး နာမည်ကျော်ကြားသူတွေလည်း ဖြစ်ပါတယ်။ တစ်နေ့မှာတော့ သူတို့ရဲ့တပ်မှူးက ရွှေတူးတာကို ဖော်မြူလာတစ်ခုတီထွင်နိုင်ခဲ့တဲ့ လူတစ်ယောက်ကို လိုက်ရှာခိုင်းတဲ့အခါမှာတော့ တိုက်တိုင်းအောင် ညီအကိုတွေရဲ့ ဒီတစ်ခေါက် စစ်ဆင်ရေးက ဘယ်လိုတွေဖြစ်မလဲဆိုတာကို ကြည့်ရှုရမှာ ဖြစ်ပါတယ်။ အမေရိကန်ရဲ့ ကောင်းဘွိုင်ခေတ် အငွေ့အသက်တွေနဲ့ အက်ရှင်ကားကောင်းတစ်ကောင်းကို တင်ဆက်ပေးလိုက်တာမို့လို့ အားပေးကြပါဦးဗျာ File Size : (965 MB) and (260MB) Quality : Web DL 720p Running Time :2hr 01 min Format : Mp4 Genre : Adventure  , Comedy , Crime Subtitle : Myanmar Subtitle (Hard Sub) Translated by Tar Tee Poe Encoded by Moe Myint Lwin

2017 မေလထဲမှာ ရုံတင်ပြသခဲ့ပြီး အခုချိန်မှာ IMDb 6.7 နဲ့ပါ။ ဇာတ်လမ်းကျောရိုးကတော့ အင်္ဂလန်ရဲ့ နာမည်အကြီးဆုံး ပုံပြင် တွေထဲက အာသာဘုရင်ရဲ့ ဇာတ်ကြောင်းပါပဲ။ ဒီဇာတ်ကြောင်းကိုပဲ အမျိုးမျိုး ပြုပြင်ဖန်တီးပြီး ရိုက်ကူးထားကြတဲ့ကားတွေ မနည်းပါဘူး။ ဒီရုပ်ရှင်ထဲမှာတော့ ဘုရင် အူသာ ပန်ဒရက်ဂွန် လုပ်ကြံခံရပြီး သူ့ရဲ့ ညီ ဗော်တီဂန်က ထီးနန်းကို သိမ်းပိုက်ထားတယ်။ ဘုရင်လောင်း အာသာလေးက ကလေးကတည်း ထွက်ပြေးတိမ်းရှောင်နေရပြီး သူ့ကိုယ်သူ ဘုရင်လောင်းမှန်းမသိဘူးပေါ့။ မှော်ဆရာမာလင် ပေးခဲ့တဲ့ အိတ်စ်ကာလီဘာ မှော်ဓားဟာ အာသာအရွယ်ရောက်လာချိန်မှာ အလိုလိုပြန်ပေါ်လာပြီး ထုံးစံအတိုင်း ကျောက်တုံးထဲစိုက်နေ နှုတ်မရဖြစ်နေပါတယ်။ ဘုရင်ဗော်တီကန်က အာသာရှိနေမယ့် အသက်အရွယ် ပတ်ဝန်းကျင်လူငယ်အားလုံးကို ဒီဓားကို စမ်းသပ်ပြီး ဆွဲနှုတ်ခိုင်းတဲ့နည်းနဲ့ အာသာကို လိုက်ရှာပါတော့တယ်။ အာသာ မှော်ဓားကို ဆွဲနှုတ်နိုင်သွားချိန်နောက်ကစပြီး ဘုရင် ဗော်တီဂန်န် နဲ့ အာသာတို့ စတင်ရင်ဆိုင်မိပါတော့တယ်။ ဒီအာသာဗားရှင်းမှာတော့ မှော်ပညာတွေ သတ္တဝါဆန်းကြီးတွေ ထည့်သွင်းထားပါတယ်။ ရုပ်ရှင်ကောင်းတစ်ခုပဲမို့ ကြည့်ကြည့်လိုက်ကြပါတော့။ File size…(6.8 GB)/(2 GB)/(1.3 GB) Quality….BluRay  4K HEVC/1080p HEVC /720p Format…mkv/mp4 Duration….02:06:00 Subtitle….Myanmar Subtitle (Hardsub) Encoder….Ka Naung Translated by Littleneo