Nitro Zeus ပါဝင်သော ဇာတ်ကားများ

ဘဏ်ဓားပြတိုက်ပြီး ထွက်ပြေးလာတဲ့ ညီအစ်ကိုနှစ်ယောက်ရဲ့ လူနာတင်ကားပေါ်မှာ သေနတ်မှန်ထားတဲ့ ရဲတစ်ယောက်နဲ့ အရေးပေါ်ဆေးအကူ မိန်းကလေးတစ်ယောက် ဓားစာခံအဖြစ် ပါလာပါတယ်။ ဓားစာခံတွေ ရှိနေတာကြောင့် ရဲတွေနဲ့ အက်ဖ်ဘီအိုင်က ချက်ချင်းဝင်စီးဖို့ မလွယ်ဘဲ နောက်ကနေ ကပ်လိုက်ရင်း ညှိနှိုင်းနေကြရတယ်။ ညီအစ်ကိုနှစ်ယောက်ကလည်း လူနာတင်ကားဖြစ်နေတာကို အခွင့်ကောင်းယူပြီး တစ်မြို့လုံးပတ်မောင်းရင်း လွတ်မြောက်ဖို့ အကြံမျိုးစုံ ထုတ်ကြပါတယ်။ ထရန်စဖော်မာဇာတ်ကားတွေနဲ့ လူသိများတဲ့ ဒါရိုက်တာ မိုက်ကယ်ဘေး ရိုက်ကူးထားပြီး ဂျိတ် ဂျီလင်ဟော ခေါင်းဆောင်ပါဝင်တဲ့ မှုခင်းအက်ရှင်ဒရာမာပါ။

တာကစ္စတန်ကို အုပ်ချုပ်နေသူ သေဆုံးသွားတဲ့နောက် သူ့သားနှစ်ယောက်ထဲက အစ်ကိုဖြစ်သူဟာ ညီကိုဖမ်းထားပြီး နိုင်ငံကို သိမ်းယူလိုက်ပါတယ်။ နိုင်ငံတွင်း ဆူပူမှုတွေနဲ့ ဓာတ်ငွေ့သုံးတိုက်ခိုက်မှုတွေကိုပါ လုပ်နေတဲ့ သူ့ကြောင့် လူတွေ ဒုက္ခရောက်နေကြတယ်။ ဒီအဖြစ်တွေကို မြင်တဲ့အခါ Ryan Reynolds သရုပ်ဆောင်ထားတဲ့ ဇာတ်ကောင်က ကူညီကယ်တင်ချင်လာပြီး လူတွေစုကာ ဖမ်းခံထားရတဲ့ ညီဖြစ်သူကို ကယ်ထုတ်ဖို့ စီစဉ်ပါတော့တယ်။ သူဖွဲ့ထားတဲ့အဖွဲ့မှာ စည်းမျဉ်းတစ်ခု ရှိပါတယ်။ အဖွဲ့ဝင်တွေဟာ တစ်ယောက်ဘယ်သူဆိုတာ တစ်ယောက်မသိရဘူး။ နာမည်ကိုတောင် အချင်းချင်း မသိကြတဲ့သူတွေ ပူးပေါင်းပြီး ဒီကယ်ဆယ်ရေးကို လုပ်ကြရမှာပါ။ Transformers ဇာတ်ကားတွေရဲ့ ဒါရိုက်တာ Michael Bay ရိုက်ကူးထားပြီး အက်ရှင်ခန်းတွေနဲ့အတူ ဟာသလေးတွေလည်း ရောပါနေပါတယ်။