Osian Morgan ပါဝင်သော ဇာတ်ကားများ

Power The Downfall of Huw Edwards (2026) ဒီဇာတ်လမ်း‌လေးကတော့ အပြင်မှာတကယ်ဖြစ်ပျက်ခဲ့တဲ့ ဘီဘီစီသတင်းဌာနရဲ့ နာမည်ကြီးသတင်းတင်ဆက်သူ ဟျူးအက်ဒဝပ်အကြောင်းကို ရိုက်ကူးထားတာပါ။ ဟျူးအက်ဒဝပ်က အင်္ဂလန်ဘုရင်မကြီးနတ်ရွာစံတဲ့အကြောင်းကို ကမ္ဘာကို ပထမဆုံးကြေညာခဲ့သူဖြစ်ပြီး ဘီဘီစီသတင်းရဲ့ ည၁၀နာရီ သတင်းကို တင်ဆက်တဲ့ နာမည်ကြီး အစီအစဥ်တင်ဆက်သူပါ။ တစ်ဘက်မှာလည်း သူ့ရဲ့ အမှောင်ခြမ်းမှာ ကလေးသူငယ်တွေအပေါ် လိင်စိတ်တပ်မက်မှုတွေ လွှမ်းမိုးနေခဲ့ပြီး အသက်မပြည့်သေးတဲ့ ယောက်ျားလေးလူငယ်တွေနဲ့ ပတ်သက်မှုတွေရှိနေပါတယ်။ နွမ်းပါးတဲ့လူငယ်လေးတစ်ယောက်ဖြစ်တဲ့ ရိုင်ယန်က ဟျူးအက်ဒဝပ်နဲ့ ဆက်သွယ်မိခဲ့ပြီး လိင်ပိုင်းဆိုင်ရာကိစ္စတွေ အမြတ်ထုတ်ခံခဲ့ရပါတယ်။ ဒါပေမဲ့ ဟျူးအက်ဒဝပ်က စိတ်ပိုင်းဆိုင်ရာကို ထိန်းချုပ်ထားပြီး ငွေကြေးအရလည်း ထောက်ပံ့ပေးထားတာကြောင့် ရုန်းမထွက်နိုင်ခဲ့ပါဘူး။ ဒီလိုနဲ့ပဲ ဟျူးအက်ဒဝပ်ရဲ့ ချုပ်ကိုင်မှုတွေနဲ့ ရိုင်ယန်ရဲ့ စိတ်ပိုင်းဆိုင်ရာပြဿနာတွေ ပွတ်တိုက်လာတဲ့အခါ ဘယ်လိုဆက်ဖြစ်ကြမလဲ ကြည့်ရှုကြရမှာပါ။ File Size - 1.1 GB/ 413 MB Quality - WEB-DL 1080p/ 720p Duration - 1h 28m Format - mp4 Genre - Drama Subtitle - Myanmar Subtitle (Hard Sub)

IMDb Rating (7.1) / Rotten Tomatoes (84%) "Mr Burton" ရုပ်ရှင်ကတော့ ဝေလက ကမ္ဘာကျော်သရုပ်ဆောင် ရစ်ချတ်ဘာတန်ရဲ့ အစောပိုင်းဘဝဇာတ်လမ်းကို ရိုက်ကူးထားတာဖြစ်ပြီး သူ့ရဲ့ဆရာဖြစ်တဲ့ ဖိလစ်ဘာတန်နဲ့ အထူးဆက်ဆံရေးကို အဓိကရိုက်ကူးပြထားပါတယ်။ မူလအမည် ရစ်ချတ်ဂျင်ကင်းစ်ဖြစ်တဲ့ လူငယ်လေးဟာ ဝေလဒေသမှာရှိတဲ့ မိုင်းလုပ်သားမိသားစုကနေ ကမ္ဘာကျော်သရုပ်ဆောင်တစ်ဦးအဖြစ် ကူးပြောင်းလာပုံကို ကြည့်ရှုရမှာဖြစ်ပါတယ်။ ၁၉၄၂ ခုနှစ် တာလ်ဘော့ဆိပ်ကမ်းမှာရှိတဲ့ ကျောင်းတစ်ကျောင်းမှာ ဖိလစ်ဘာတန်ဟာ ရစ်ချတ်ရဲ့သရုပ်ဆောင်ဉာဏ်ရည်ကို သတိထားမိပြီး အင်္ဂလိပ်စကားပြောအသံထွက်မှန်ကန်စေဖို့လေ့ကျင့်ပေးတာ၊ ဝေလအသံထွက်ကို ပြုပြင်ပေးတာတွေ လုပ်ဆောင်ပေးခဲ့ပါတယ်။ ရစ်ချတ်ရဲ့ဖခင်က အရက်သမားဖြစ်ပြီး သားကို ဂရုစိုက်မစိုက်တော့တာကြောင့် ဖိလစ်ဘာတန်ဟာ ရစ်ချတ်ကို တရားဝင်မွေးစားရင်း နာမည်ကိုပါ ဘာတန်လို့ ပြောင်းလဲပေးခဲ့ပါတယ်။ ရုပ်ရှင်မှာ ရစ်ချတ်ဘာတန်ရဲ့ ပညာရေးနဲ့အနုပညာခရီးကို အဓိကပြသထားပြီး ဖိလစ်ဘာတန်ရဲ့ စေတနာနဲ့ရစ်ချတ်ရဲ့ပါရမီကို ဘယ်လိုဖော်ထုတ်ပေးခဲ့တယ်ဆိုတာကို အလေးပေးဖော်ပြထားပါတယ်။ "Mr Burton" ရုပ်ရှင်ဟာ ကမ္ဘာကျော်သရုပ်ဆောင်တစ်ဦးရဲ့မဖော်ပြရသေးသော အစောပိုင်းဘဝဇာတ်လမ်းကို စိတ်ဝင်စားဖွယ်ရာ ရိုက်ကူးထားတဲ့ ဇာတ်ကားကောင်းတစ်ကားဖြစ်ပြီး ပညာရေးနဲ့ ဆရာ-တပည့်ဆက်ဆံရေးရဲ့ အရေးပါမှုကို မီးမောင်းထိုးပြထားတဲ့ ဇာတ်လမ်းဖြစ်ပါတယ်။ ရုပ်ရှင်ကို ၂၀၂၅ ခုနှစ် ဧပြီလ ၄ ရက်နေ့က ဗြိတိန်ရုပ်ရှင်ရုံတွေမှာ စတင်ပြသခဲ့ပြီး ရစ်ချတ်ဘာတန်ရဲ့မွေးနေ့ နှစ်၁၀၀ ပြည့်အထိမ်းအမှတ်အဖြစ် ရိုက်ကူးထားတာဖြစ်ပါတယ်။ File Size… (1.05 GB) / (684 MB) Quality… WEB-DL 1080p HEVC /720p Format…mkv / mp4 Duration…2h 4m Genre …..Biography , Drama Subtitle….Myanmar Subtitle (Hard Sub) Encoder….Min Wai Translated by JULY