ဒီဇာတ်ကားကတော့ "drag queen" အနုပညာရှင်သုံးဦးရဲ့ လမ်းခရီးစဉ်အတွင်း ကြုံတွေ့ရတဲ့ အလွဲတွေ၊ ဟာသတွေနဲ့ စိတ်လှုပ်ရှားဖွယ်ရာ အဖြစ်အပျက်တွေကို ပေါ့ပေါ့ပါးပါးနဲ့ ရိုက်ကူးတင်ဆက်ထားတဲ့ နာမည်ကြီး Comedy/Drama ဇာတ်ကားတစ်ကား ဖြစ်ပါတယ် နယူးယောက်မြို့ရဲ့ နာမည်ကြီး "Drag Queen" ပြိုင်ပွဲမှာ ပူးတွဲချန်ပီယံဖြစ်ခဲ့ကြတဲ့ "ဗီဒါဗိုဟမ်း" နဲ့ "နော့ဇီးမား ဂျက်ဆင် " တို့ဟာ ဟောလိဝုဒ်မှာ ကျင်းပမယ့် အမျိုးသားအဆင့် ပြိုင်ပွဲကြီးဆီ သွားရောက်ယှဉ်ပြိုင်ဖို့ ပြင်ဆင်ကြပါတယ် အဲဒီအချိန်မှာပဲ ပြိုင်ပွဲဝင်ဖို့ အခွင့်အရေး မရရှိခဲ့ဘဲ အတွေ့အကြုံနည်းသေးတဲ့ "ချီချီ ရိုဒရီဂွက်ဇ်" ကိုလည်း သူတို့နဲ့အတူ ခေါ်ဆောင်သွားဖို့ ဆုံးဖြတ်ခဲ့ကြပါတယ် သူတို့ သုံးယောက်ဟာ ဟောလိဝုဒ်ဆီ အရောက်သွားဖို့ ၁၉၆၇ ထုတ် Cadillac ကားအဟောင်းလေးတစ်စီးနဲ့ ခရီးစဉ်ကို စတင်ခဲ့ကြပါတယ် ဒါပေမဲ့ အမေရိကန်ပြည်ထောင်စုရဲ့ မြို့လေးတစ်မြို့က လမ်းခရီးတစ်နေရာမှာ ကားပျက်သွားခဲ့တာကြောင့် ဘာမှမရှိတဲ့ Snydersville ဆိုတဲ့ မြို့ငယ်လေးတစ်မြို့မှာ မထင်မှတ်ဘဲ သောင်တင်သွားခဲ့ရပါတယ် ရှေးရိုးစွဲဝါဒီတွေ များပြားပြီး တိတ်ဆိတ်ခြောက်ကပ်နေတဲ့ အဲဒီမြို့လေးထဲကို ဒီလို လူထူးလူဆန်းသုံးယောက် ရောက်ရှိလာတဲ့အခါမှာတော့... ဘဝရဲ့ အမောအပန်းတွေကို ပြေပျောက်စေပြီး ပြုံးရွှင်ကြည်နူးစေမယ့် ၁၉၉၀ ပြည့်လွန်နှစ်ရဲ့ ဟာသဇာတ်ကားကောင်းတစ်ကားကို ရှာဖွေနေတယ်ဆိုရင်တော့ ဒီဇာတ်ကားက လက်မလွှတ်တမ်း ကြည့်ရှုသင့်တဲ့ ဇာတ်ကားတစ်ကား ဖြစ်ပါတယ်
ဇာတ်ကားကြည့်ရန်