Peter Kent ပါဝင်သော ဇာတ်ကားများ

အီရန်ဘရက်ကယ်က သေမိန့်ကျခံထားရတဲ့ ရာဇဝတ်သားဆယ်ယောက်ကို ကျွန်းတစ်ခုပေါ်မှာ ထားပြီး နောက်ဆုံးအသက်ရှင်ကျန်သူကို ငွေကြေးနဲ့ လွတ်မြောက်ခွင့်ပေးမယ့် အစီအစဉ်တစ်ခု ဖန်တီးပါတယ်။ အသက်ရှင်ဖို့ အချင်းချင်း သတ်ဖြတ်ရမယ့် ဒီသတ်ကွင်းကို အင်တာနက်ပေါ်က Reality Show အဖြစ် ထုတ်လွှင့်ဖို့ လုပ်တာပါ။ ဒါပေမယ့် ရွေးချယ်ထားသူတွေထဲက အဓိကလူတစ်ယောက် အသတ်ခံလိုက်ရတဲ့အခါ အယ်ဆယ်ဗာဒေါက ထောင်တစ်ခုမှာ သေမိန့်စောင့်နေတဲ့ ဂျက်ကွန်ရက်ဒ်ကို ရှာတွေ့သွားပါတယ်။ ဂျက်ကတော့ နောက်ကြောင်းကို စုံစမ်းလို့မရတဲ့ ပဟေဠိဆန်သူတစ်ယောက်ပါ။ ဒီဇာတ်ကောင်နေရာမှာ WWE နာမည်ကြီး နပန်းသမား “Stone Cold” Steve Austin ပါဝင်သရုပ်ဆောင်ထားပါတယ်။

ခရစ်ယာန် သမ္မာကျမ်းစာရဲ့ ကမ္ဘာဦးကျမ်းမှာ ပြောထားတာတစ်ခုရှိတယ်။ လူသားတွေကို ဘုရားသခင်က သူ့ရဲ့အသွင်အပြင်အတိုင်း ဆဌမမြောက်နေ့မှာ ဖန်ဆင်းခဲ့သတဲ့။ လူသားတွေဟာ အသိပညာ အတတ်ပညာတွေမှာ တစ်ခေတ်ပြီးတစ်ခေတ် ကြောက်ခမန်းလိလိ တိုးတက်လာပြီး မျိုးရိုးဗီဇပြုပြင်ပြောင်းလဲတုပခြင်းကို တတ်ကျွမ်းလာတဲ့ အနာဂတ်က အချိန်တစ်ခုမှာပေါ့။ လူသားတွေ မွေးထားတဲ့ အိမ်‌မွေးတိရစ္ဆာန်လေးတွေ အိုမင်းလို့ နေမကောင်းလို့ သေကြရတဲ့အခါ သိပ္ပံပညာရှင်တွေက သူတို့ကို ပုံကြမ်းထည်ကနေ ဆဲလ်ပွားခြင်းနည်းပညာနဲ့ မွေးမြူယူလိုက်ပြီး သေသွားတဲ့ တိလေးတွေနဲ့ ပုံစံတူအောင်လုပ်ကြတယ်။ နောက်ဆုံးအဆင့်အနေနဲ့ တိလေးတွေရဲ့ ဦးနှောက်က မျိုးရိုးဗီဇနဲ့ မှတ်ဉာဏ်ကိုကူးယူပြီး အသစ်မွေးထားတဲ့ကိုယ်ခန္ဓာထဲ ထည့်သွင်းလိုက်တော့ ကျန်းမာပြီးပြည့်စုံတဲ့ အိမ်မွေးတိကလေးကို ပြန်ရတယ်။ သူတို့က ပိုင်ရှင်သင်ထားတဲ့ အကွက်လေးတွေကို အကုန်ပြန်လုပ်တတ်ကြပြီး သူတို့မြှုပ်ထားတဲ့ အရိုးတွေကိုတောင် ပြန်ဖော်စားတတ်ပါသတဲ့။ လူတွေဟာ ဒီလောက်နဲ့ ရပ်တန့်မသွားပါဘူး။ လူသားတွေကိုပါ ပုံတူကူးဖို့ ကြိုးစားပါတော့တယ်။ ဒါပေမဲ့ ပထမဆုံးစမ်းသပ်ချက်က မအောင်မြင်ခဲ့ပါဘူး။ ဒီတော့ နိုင်ငံရေးသမားတွေက လူသားပုံတူကူးခြင်းကို ဥပဒေအရ တားမြစ်ခဲ့ပြီး ကိုယ်ပွားဆိုတာရှိလာရင် ဥပဒေအရ ပိုင်ဆိုင်ခွင့်တွေ နေထိုင်ခွင့်တွေမရှိဘဲ ဖျက်ဆီးသတ်ဖြတ်တာခံကြရမှာပါ။ ဥပဒေကို လက်တစ်လုံးခြားလုပ်လိုသူ သူဌေးကြီးတစ်ဦးနဲ့ လူသားပုံတူကူးခြင်းကို အပြည့်အဝ လုပ်ဆောင်နိုင်သူ သိပ္ပံပညာရှင်တစ်ယောက်တို့ ပူးပေါင်းပြီး ဇာတ်ရှုပ်ကြီး လုပ်လိုက်တဲ့အခါ အဒမ် ဂစ်ဘ်ဆင် (အာနိုး) နှစ်ယောက်ဖြစ်လာတဲ့အကြောင်းတွေကို ကြည့်ရှုရမယ့် Old but Gold တစ်ကားဖြစ်ပါကြောင်း။

ဒန်နီမက်တီဂန်က ဂျက်စလေ့တာဆိုတဲ့ ရုပ်ရှင်ဟီးရိုးကို အရူးအမူး ကြိုက်တဲ့ကောင်လေးပါ။ တစ်နေ့မှာ သူသွားနေကျ ရုပ်ရှင်ရုံက ရုံပိုင်ရှင်နစ်ခ်ဟာ သူ့ကို မှော်လက်မှတ်တစ်စောင် ပေးလိုက်ပါတယ်။ အဲဒီလက်မှတ်ကြောင့် ဒန်နီဟာ ဘုမသိဘမသိနဲ့ ဂျက်စလေ့တာရဲ့ အသစ်ထွက်ရုပ်ရှင်ထဲ ရောက်သွားပြီး သူကြိုက်တဲ့ဟီးရိုးရဲ့ စွန့်စားခန်းတွေထဲ ပါဝင်သွားပါတော့တယ်။ ဒါပေမဲ့ မှော်လက်မှတ်က ဗီလိန်ဘန်နက်ဒစ်တ်လက်ထဲ ရောက်သွားတဲ့အခါ အခြေအနေ ပြောင်းသွားပါတယ်။ လက်မှတ်ကို ဘယ်လိုသုံးရမလဲ သိသွားတဲ့ ဘန်နက်ဒစ်တ်ဟာ ရုပ်ရှင်လောကနဲ့ အပြင်လောကကြား ကူးသန်းရင်း ရုပ်ရှင်တွေထဲက ဗီလိန်တွေကို ခေါ်ထုတ်ဖို့ ကြိုးစားလာတယ်။ ဒန်နီနဲ့ ဂျက်တို့ သူ့ကို ဘယ်လိုတားကြမလဲ၊ ရုပ်ရှင်ထဲမှာ ဘယ်လိုသတ်သတ် မသေတဲ့ဟီးရိုးက အပြင်လောကကို ရောက်လာရင်ရော အဲဒီလိုပဲ ဆက်ဖြစ်နိုင်ဦးမလားဆိုတဲ့ မေးခွန်းတွေ ပေါ်လာပါတယ်။ Arnold Schwarzenegger ပါဝင်ထားတဲ့ ၁၉၉၃ ခုနှစ်ထွက် အက်ရှင်၊ စိတ်ကူးယဉ်နဲ့ ဟာသ ရောစပ်ထားတဲ့ ဇာတ်ကားပါ။ ဒန်နီက ရုပ်ရှင်ထဲမှာ တွေ့ရတဲ့ သရုပ်ဆောင်တွေကို တခြားဇာတ်ကားတွေထဲက ဇာတ်ကောင်တွေအဖြစ် မှတ်မိပြီး ပြန်ပြောနေတဲ့ ဟာသခန်းတွေလည်း ပါဝင်ပါတယ်။

အရာရှိကြီး ဟယ်ရီရှန်နွန်ရဲ့သားဟာ မာဖီးယားဂိုဏ်းတစ်ခုနဲ့ ပတ်သက်တဲ့အမှုမှာ မျက်မြင်သက်သေကို ကာကွယ်ပေးရင်း သေဆုံးသွားခဲ့ပါတယ်။ သားအတွက် လက်စားခြေချင်နေတဲ့ ဟယ်ရီနဲ့ လက်တွဲမိလာသူကတော့ အာနိုး သရုပ်ဆောင်ထားတဲ့ နယ်ထိန်း ကာမင်စကီပါ။ ကာမင်စကီဟာ ကလေးသူငယ်မုဒိမ်းမှုက တရားခံကို ကြမ်းကြမ်းတမ်းတမ်း ဖမ်းဆီးခဲ့လို့ ရာထူးချခံထားရသူဖြစ်ပါတယ်။ နယ်မြို့လေးတစ်မြို့မှာ အရက်စွဲနေတဲ့ ဇနီးနဲ့အတူ နေထိုင်ရင်း စိတ်ဓာတ်ကျနေတဲ့သူ့အတွက် ဟယ်ရီနဲ့ ပူးပေါင်းမှုက ချီကာဂိုမြို့ရဲ့ အကြီးဆုံးမာဖီးယားဂိုဏ်းကို ရင်ဆိုင်ရမယ့် အလုပ်ဖြစ်လာတယ်။ အရာရှိတွေကိုတောင် သူတို့ဘက်ပါအောင် လုပ်ထားနိုင်တဲ့ ဒီဂိုဏ်းကို အတွင်းကနေ ဖျက်ဆီးဖို့ သူလျှိုအဖြစ် ဝင်ရောက်ကြိုးစားကြပုံကို ရိုက်ထားတဲ့ ၁၉၈၀ ပြည့်နှစ်များက အက်ရှင်ဇာတ်ကားပါ။

Re-animator (1985) "တစ်ခါတလေမှာ... သေနေတာကမှ ပိုကောင်းသေးတယ်" - စတီဖင်ကင်း (Pet Semetry) H.P Lovecraft ရဲ့စာအုပ်တွေဟာလည်း Hollywood အနေနဲ့ ရိုက်နိုင်ရင်ရိုက်သလောက် ထွက်လာနိုင်တဲ့ Horror, Mystery, Sci-fi Genre အမျိုးစုံရှိနေတဲ့ ရတနာသိုက်တစ်ခုလိုပဲ။ သူ့ရဲ့ ဝတ္ထုတိုတစ်ပုဒ်ကို မှီငြမ်းပြီးရိုက်ထားတဲ့ ဒီကားဟာလည်း ကျွန်တော်တို့ ငယ်ငယ်က သိပ်ကို လန့်ခဲ့ရတဲ့ ဇာတ်ကားတစ်ကားပေါ့။ IMDB - 7.2/10, Rotten Tomatoes - 93% အဲဒီခေတ် အဲဒီအခါက Re-Animator ဟာ အားလုံးနဲ့ ကွဲပြားပြီး ထူးခြားတဲ့ ရုပ်ရှင်တစ်ခုဖြစ်ခဲ့သလို အခုချိန်ပြန်ကြည့်မယ်ဆိုရင်လည်း စိတ်ဝင်စားဖို့ကောင်းပြီး ပါးစပ်အဟောင်းသားနဲ့ ပြန်လွမ်းရမယ့်ကားမျိုးပါပဲ။ တစ်ချို့အတွက်ကတော့ ငယ်ငယ်က ငါဒီလိုကားမျိုးနဲ့ ခြောက်ခြားခဲ့ပါလားဆိုပြီး ကိုယ့်ဘာသာ အံ့သြကောင်း အံ့သြမိနေပါလိမ့်မယ်။ တချို့က​တော့ ဇာတ်ဝင်သံစဉ်ကြားရုံတင် ​တုန်လှုပ်မိတဲ့ လွမ်းစရာခံစားမှုမျိုး ရမိကြလိမ့်မယ်။ ဇာတ်လမ်းကတော့ ထူးချွန်တဲ့ ​ဆေးကျောင်းသား တစ်ယောက်က ဘယ်လိုမှမဖြစ်နိုင်တဲ့ သေလူကို ပြန်လည်ရှင်သန်အောင်လုပ်မယ်ဆိုတဲ့ သု​တေသနကို လုပ်တာပါ... တိရစ္ဆာန်​တွေကို စမ်းသပ်ရာက​နေ လူ​သေ​တွေကိုပါ စမ်းသပ်တဲ့အခါ မထင်မှတ်တဲ့ ခြောက်ခြားစရာတွေဖြစ်ကုန်တော့တယ်။ ဒီခေတ် Horror ကားတွေနဲ့ အရင်ခေတ် Horror ကားတွေကို သေချာသတိထားမိရင် အတော်ကွဲပြားတာကို တွေ့ရလိမ့်မယ်။ ဇာတ်လမ်းနဲ့ ဇာတ်ညွှန်းကအစ ဒီဘက်ခေတ်ဇာတ်ကားတွေဟာ အရင်ကားတွေကို ဘယ်လိုမှ မယှဉ်နိုင်ဘူး။ သေချာအားထုတ်ကြိုးစားထားတဲ့ နောက်ခံတီးလုံးတွေ၊ ဆက်တင်တွေ၊ Practical Effect တွေဟာ ဒီကားကို ဘယ်အချိန် ပြန်ကြည့်ကြည့် အဆင့်အတန်းရှိ Horror ကားတစ်ကားလို့ သတ်မှတ်မိစေတာပါပဲ။ ဒါပေမယ့် ဘယ်ခေတ်မှာပဲဖြစ်ဖြစ် သေနေတဲ့သူတွေ ပြန်ရှင်လာတဲ့အကြောင်းဟာ စိတ်ကို ခြောက်လန့်နေဦးမှာပါပဲလေ...။ (ဇာတ်ကားနဲ့အညွှန်းကို Mugiwara Ya မှ ပြန်ဆိုရေးသားထားပါတယ်) Size - 1.3GB, 1GB Quality - 1080p, 720p IMDb Rating - 7.2/10 Format - mp4 Duration - 1H 44Min Type - Horror, Comedy, Sci-fi Subtitle - Myanmar Subtitle (Hardsub) Translated by Mugiwara Ya Encoded by Y

ပေါလ်ဆိုတာက ကွန်ပြူတာတွေကို ပြင်ဆင်တဲ့အလုပ်လုပ်တယ်၊ ကိုယ်တိုင်လည်း AI တစ်ခု ဖန်တီးထားပြီး ချစ်သူလေးကို လက်ထပ်ဖို့ ရည်ရွယ်ထားတဲ့ ပရိုဂရမ်မာတစ်ယောက်။ ဒါပေမဲ့ လက်ထပ်ဖို့ ခွင့်တောင်းတဲ့ညမှာတင် သမီးရည်းစား နှစ်ယောက် အိပ်မက်လိုလိုဆိုပေမဲ့ တကယ့်တခြားဖြစ်တည်မှုပဲ ရောက်သွားပါတယ်။ အဲဒီမှာတင် နတ်ဆိုးမှော်ဆရာတစ်ယောက် ပေါ်လာပြီး မင်းကောင်မလေးကို ငါဖမ်းထားမယ်၊ မင်းကို စိန်ခေါ်မှု ၇ ရပ်နဲ့ ငါ စမ်းသပ်မယ်၊ မင်းရဲ့ ခေတ်မှီနည်းပညာနဲ့ ရအောင်ကျော်လွှားပေါ့၊ တစ်ခုရှုံးတာနဲ့ အကုန် စမုံတုံးမယ်ဆိုပြီး အတင်းအကျပ် စေခိုင်းခံရတဲ့အခါမှာတော့ ပေါလ်တစ်ယောက် ကောင်မလေးနဲ့ သူ့ကိုယ်သူ ကယ်တင်ဖို့ သူ့ AI လေးကို ဘယ်လိုအသုံးချပြီး စွန့်စားခန်း ၇ ရပ် ထွက်ရမလဲဆိုတာ ကြည့်ရမှာပါ။ ~ ပွင့်လင်း မြင်သာသော ကိုယ်လုံးတီးပြကွက်တချို့ ပါဝင်သောကြောင့် မိသားစု/ကလေးများနှင့် မကြည့်ရှုမိစေရန် သတိပေးလိုပါသည် ~ File Size :  2.2 GB, 1 GB Quality : Blu-Ray 1080p / 720p Running Time : 1hr 13min Format : Mp4 Genre : Fantasy, Horror, Sci-fi Subtitle : Myanmar Subtitle (Hard Sub) Translated by : Thura Aung Encode by : Thit San Khant