Pierre Forget ပါဝင်သော ဇာတ်ကားများ

ပထမဆုံးကားက အပြာ၊ သူ ကိုယ်စားပြုတာ လွတ်မြောက်မှု။ ဇာတ်လမ်းလေးကလည်း ဂျူလီဆိုတဲ့ အိမ်ထောင်သည် ၃၀ ကျော် အမျိုးသမီးတစ်ယောက်က ကားမတော်မဆ ဖြစ်ပြီး ယောက်ျားဖြစ်သူနဲ့ ၅ နှစ်အရွယ် သမီးဖြစ်သူကို ဆုံးရှုံးလိုက်ရတယ်။ အဲဒီမှာ သူဟာ လောကကြီးကို အဆက်သွယ်ဖြတ်ဖို့ ရှိသမျှအကုန် ရောင်းချပြီး တစ်နေရာမှာ အပျောက်သွားနေထိုင်ရာကနေ ပတ်ဝန်းကျင်ကလူတွေကြောင့်ပဲ လွတ်မြောက်မှုကို ကိုယ်စားပြုတဲ့ ဘဝအသစ်စတင်တာတွေ၊ ကတိကဝတ်တွေ ပူဆွေးမှုတွေ အချစ်တွေ အမုန်းတွေက လွတ်မြောက်သွားတာတွေကို အပြာဆိုတဲ့အတိုင်း အပြာရောင် Theme တို့ ပစ္စည်းတွေ အရောင်တွေနဲ့ ပုံဖော်သွားခဲ့တဲ့ ဒရမ်ကားလေးပါ။ မင်းသမီးနေရာကလည်း အော်စကာတစ်ခု ရရှိဖူးတဲ့ ပြင်သစ်မင်းသမီးကြီး Juliette Binoche က အဲဒီခေတ်တုန်းက လှလှလေးနဲ့ ကောင်းကောင်းကြီး သရုပ်ဆောင်ထားတာပါ။

The Vanishing (1988) IMDb: 7.7/10 ဇာတ်လမ်းအကျဉ်း ခရီးသွားရင်း ဓာတ်ဆီဆိုင်တစ်ခုမှာ ရက်စ်ရဲ့ချစ်သူ ဆက်စကီးယား ရှင်းပြချက်မရှိဘဲ လျှိဝှက်ဆန်းကြယ်စွာ ပျောက်ဆုံးသွားခဲ့ပါတယ်။ ဒါပေမဲ့ ရဲတွေက ဒီကိစ္စကို လင်မယားရန်ဖြစ်တာလိုသာ ယူဆပြီး အလေးမထားခဲ့ပါဘူး。 ဒီလိုနဲ့ ရက်စ်ဟာ ချစ်သူလေး ဘာဖြစ်သွားလဲဆိုတာကို သိချင်ဇောနဲ့ (၃) နှစ်တိုင်တိုင် သဲလွန်စလိုက်ရှာခဲ့ပြီး နောက်ဆုံးမှာတော့ ဆက်စကီးယားကို ပြန်ပေးဆွဲပြီး သတ်ခဲ့ကြောင်း ဝန်ခံလာတဲ့ ပြစ်မှုကျူးလွန်သူနဲ့ ရင်ဆိုင်ကြုံတွေ့လာရပါတော့တယ်။ ဒီလိုနဲ့ ရက်စ်ဟာ အမှန်တရားကို သိရဖိုအတွက် အကြပ်အတည်းကို ဘယ်လို ရင်ဆိုင်သွားမလဲ၊ အဆုံးသတ်မှာရော ဘယ်လိုကံကြမ္မာနဲ့ ကြုံတွေ့ရမလဲဆိုတာ ရင်တထိတ်ထိတ်နဲ့ ကြည့်ရှုရမှာပါ။