Prabhas ပါဝင်သော ဇာတ်ကားများ

The Raja Saab (2026) လျှို့ဝှက်စံအိမ် ဘာဟူဘာလီ(Baahubali) မင်းသားကြီး Prabhas ကိုတစ်မူထူးတဲ့သရုပ်ဆောင်ဟန်ပန်နဲ့ ပေါ့ပေါ့ပါးပါးမြင်တွေ့ရမဲ့ဇာတ်ကားလေးဖြစ်ပါတယ်။အယ်လ်ဇိုင်းမားရောဂါ (Alzheimer's) ခံစားနေရသော အဖွားဖြစ်သူ Gangamma နှင့်အတူ နေထိုင်တဲ့မြေးဖြစ်သူ ရာဂျူး(Raju)။ အဖွားဖြစ်သူက အရာအားလုံးကို မေ့လျော့နေသော်လည်း သူ၏ခင်ပွန်း (Raju ၏အဖိုး) Kanakaraju ကိုမူ စွဲစွဲမြဲမြဲ မှတ်မိနေခဲ့ပါတယ်။ ရာဂျူး က သူ၏အဖိုးဖြစ်သူ ဟိုက်ဒရာဘတ် (Hyderabad) တွင် ရှိနေသည်ဟု သိရသောအခါ အဘိုးအဘွားနှစ်ဦး ပြန်လည်ဆုံစည်းပေးနိုင် ရန်အတွက် ခရီးထွက်ခဲ့ပါတယ်။ သို့သော် ထိုခရီးစဉ်တွင် မမျှော်လင့်ဘဲ တောနက်ထဲရှိ ခြောက်ခြားဖွယ်ရာကောင်းသော စံအိမ်ကြီး တစ်ခုသို့ ရောက်ရှိသွားခဲ့ပြီး အဆိုပါအိမ်ကြီးအတွင်း ပိတ်မိနေသည့် ဝိညာဉ်ဆိုးများ ထူးဆန်းသော ဖြစ်ရပ်များနှင့် ရင်ဆိုင်ရပုံများကို ခံစားကြည့်ရှုကြပါဦး။ File size… 3.85 GB / 1.91 GB Quality…WEB DL 1080p HEVC/ 720p Format…mkv/ mp4 Duration….3hr Subtitle….Myanmar Subtitle (Hard Sub)

Baahubali: The Epic (2025) IMDb - 8.6/10 ဘာဟုဘာလီရုပ်ရှင်တွေရဲ့ ခမ်းနားတဲ့တင်ဆက်မှုကိုတမ်းတနေတဲ့ အိန္ဒိယရုပ်ရှင် ပရိသတ်တွေအာသာပြေစေမဲ့ The Epicဗားရှင်းကို တင်ဆက်ပေးလိုက်ပါတယ်။ မူရင်းတလေဂူးအသံမရသေးတာမို့ ဟင်ဒီအသံနဲ့ပဲကြည့်လို့ရဦးမှာပါ။ အရင်ဆုံးပြောရရင် ဒီဘာဟုဘာလီရုပ်ရှင်က ဇာတ်လမ်းအသစ်မဟုတ်ဘဲ အရင်ထွက်ခဲ့တဲ့ ရုပ်ရှင်နှစ်ကားကို ပိုကောင်းတဲ့ နည်းပညာတွေ၊ (Deleted Scenes)ဖြတ်ထုတ်ထားခဲ့တဲ့ ဇာတ်ဝင်ခန်းတွေ၊ပိုခမ်းနားတဲ့ Visual Effects(VFX)တွေ၊ ပိုကောင်းမွန်တဲ့ နောက်ခံတေးဂီတ တေးသီချင်းတွေနဲ့အတူပေါင်းစပ်ပြီး ပိုပြည့်စုံအောင် ပြန်လည်တင်ဆက်ထားတဲ့ Remastered Special Editionသဘောမျိုးပါပဲ။ဒါရိုက်တာရာဂျာမူလီက ဘာဟုဘာလီရဲ့ ဇာတ်လမ်းအသစ်ကိုရိုက်ကူးမယ်လို့ တရားဝင်ကြေညာတာ မတွေ့ရသေးပါဘူး။ ရုပ်ရှင်ကတော့ အားလုံးသိကြတဲ့အတိုင်း မဟေ့ရှ်မာတီပြည်ကြီးက ထီးနန်းလုပွဲကြီး လို့ဆိုရမှာပဲ။သားတော်ဘာဟုဘာလီရဲ့ မိမိဇစ်မြစ်ကို ပြန်ရှာဖွေရင်း၂၅နှစ်တိုင်အကျဉ်းချခံထားရတဲ့မိခင်ဖြစ်သူကိုကယ်တင်ပြီး ထီးနန်းကိုပြန်ယူပုံနဲ့ ဖခင်ဖြစ်သူဘာဟုဘာလီရဲ့အတိတ်ဇာတ်ကြောင်း ပြန်လည်တင်ဆက်ထားပုံတို့ကိုပေါင်းစည်းထားတာမို့သုံးနာရီကျော်ကြာ တ၀ကြီးခံစားကြည့်ရှုကြပါဦး။ File size… 15 GB / 6.7 GB / 3.6 GB Quality…WEB DL 4K / 1080p HEVC/ 720p Format…mkv/ mp4 Duration….3hr 43mins Subtitle….Myanmar Subtitle (Hard Sub)

Mirai (2025)"မီရိုင်" IMDb 8.1/10 ရုံတင်စဉ်က အမြတ်ငွေ ရူပီး ကုဋေ ၈၀ ကျော်ရခဲ့ပြီး အဆက်ရုပ်ရှင်ထွက်မယ်လို့လည်း အတည်ပြုပြီးဖြစ်တဲ့ စူပါဟီးရိုးဆန်ဆန် တေလေဂူစကားပြောရုပ်ရှင်တစ်ခုကို တင်ဆက်ပေးချင်ပါတယ်။ ဒီထဲကဇာတ်လိုက်ကတော့ မနှစ်က နာမည်ကြီးခဲ့တဲ့ Hanu-Man ကားထဲက မင်းသားဖြစ်ပြီး မင်းသားကြီး ပရာဘာ့စ်ကလည်း နောက်ခံစကားပြောသူအဖြစ်ပါဝင်ထားပါသေးတယ်။ ဇာတ်လမ်းကတော့ ကလိင်္ဂစစ်ပွဲအပြီးမှာ နောင်တရသွားတဲ့ အသောကမင်းကြီးဟာ သူ့ရဲ့ ဘုန်းတန်ခိုးတွေကို ကျမ်းစာအုပ် ကိုးအုပ်အဖြစ်ဖန်တီးပြီး စစ်သည်တော်ကိုးယောက်ကို ခွဲဝေစောင့်ရှောက်စေခဲ့ပါတယ်။ နှစ်ထောင်ချီကြာပြီးတဲ့နောက်မှာတော့ အမှောင်မိစ္ဆာအစွမ်းပိုင်ရှင်တစ်ယောက်က ကျမ်းစာအုပ်တွေကိုတစ်အုပ်ပြီးတစ်အုပ် လိုက်သိမ်းယူနေခဲ့ပါတယ်။ အဲဒီလိုနဲ့ ကျမ်းစာအုပ် ၈ အုပ်ပါသွားပြီးနောက်မှာတော့ အရေးအပါဆုံးဖြစ်တဲ့ ၉ အုပ်မြောက်ကျမ်းစာအုပ်ကို ကာကွယ်နိုင်ဖို့အတွက် မိစ္ဆာစွမ်းအင်ပိုင်ရှင်ကို တားနိုင်တာက မီရိုင်ဆိုတဲ့ လက်နက်တစ်မျိုးတည်းရှိတာဖြစ်ပြီး အဲဒီလက်နက်ကိုကိုင်ဆောင်နိုင်မယ့် ရွေးချယ်ခံပုဂ္ဂိုလ်ပေါ်လာတဲ့အခါမှာတော့...။ File size…4 GB / 2 GB Quality…WEB DL 1080p HEVC/ 720p Format…mkv/ mp4 Duration….2h 49m Subtitle….Myanmar Subtitle (Hard Sub)

Kannappa (2025) IMDb - 4/10 ဘာဟုဘာလီမင်းသား ပရာဘာ့စ်ရဲ့ ရုံတင်ကားသစ်ကြီး ကြည်တောက်ရှင်းထွက်ရှိလာတာမို့ တင်ဆက်ပေးလိုက်ပါတယ်။ မင်းသားကြီး အရှေးကူးမား ပါဝင်အားဖြည့်ပေးထားပြီး တက်သစ်စမင်းသမီးချောလေး ပရီတီးမူခွန်ဒန်ရဲ့ အကအလှတွေကိုပါ ရှုမြင်ခံစားကြရမှာပါ။ ရွာမှာဖြစ်နေတဲ့ကပ်ဘေးကြီး အဆုံးသတ်စေဖို့ ဘုရားဆိုတဲ့နာမည် အသုံးချပြီး ရွာရဲ့နတ်ဆရာမက သီနာဒူရဲ့သူငယ်ချင်းဖြစ်သူကို ယဇ်ပူဇော်လိုက်ပါတယ်။ အဲဒီကစလို့ သီနာဒူတစ်ယောက် ဘုရားဆိုတာကို ကျောက်တုံးကြီးတစ်တုံးကလွဲရင် ဘာမှကောင်းကျိုးမပေးတဲ့အရာဆိုပြီး အမုန်းတရားကြီးထွားခဲ့ပါတယ်။ အရာအားလုံးကို သိမြင်တော်မူတဲ့ အရှင်သိဝက သီနာဒူ ကလေးဘ၀ကတည်းက စောင့်ကြည့်နေပြီး တစ်နေ့ကျရင် သူ့အပေါ် စစ်မှန်တဲ့ကိုးကွယ်ယုံကြည်သူဖြစ်လာမယ်ဆိုတာ သိနေခဲ့တာပေါ့။ ဘုရားမယုံကြည်တဲ့ မုဆိုးကြီးသီနာဒူ ဘုရားကို စစ်မှန်စွာသက်ဝင်ယုံကြည်လာပြီး စရီကာလာဟာသ်စတီဗိမာန်တော်ကြီးပါ တည်ဆောက်ကိုးကွယ်ခဲ့ပုံကို မြင်တွေ့ရမဲ့ စိတ်ဝင်စားစရာ သမိုင်းဝင်ဘာသာရေးဇာတ်ကားတစ်ကားပဲဖြစ်ပါတယ်။ (*ဘာသာရေးကားဖြစ်တာမို့ မြန်မာဘာသာပြန်တာမှာ အခေါ်အဝေါ်တွေ အမည်တွေလွဲမှားခဲ့ပါက အနူးအညွတ်တောင်းပန်အပ်ပါတယ်။*) (ဘာသာပြန်ကတော့ B-Teamဖြစ်ပါတယ်) File size… 3.6 GB / 2 GB Quality… WEB DL 1080p HEVC/ 720p Format…mkv/ mp4 Duration….3h 3min Subtitle….Myanmar Subtitle (Hard Sub) Encoder….B Coder Translated by B Team

B & B: Bujji and Bhairava 2024 ဘူဂျီ အခုတစ်ခေါက်တင်ဆက်ပေးချင်တဲ့ Animated series လေးကတော့ကလေးတင်မက လူကြီးတွေပါအကြိုက်တွေလောက်တဲ့ထိ ကောင်းတယ်လို့ဆိုရပါမယ် Imdb 7.8 ရရှိထားပြီး mini series တစ်ခုဖြစ်တာကြောင့် အချိန်ခဏပေးပြီး စိတ်အပန်းဖြေလိုက်ပါဦးရှင် ဗိုင်ရာဗာ...ရပ်ကွက်ထဲမှာမသိတဲ့လူမရှိ ကလေးတွေရဲ့ စွန့်စားခန်းသူရဲ‌ကောင်းအချစ်တော်ဆိုပေမဲ့ လူကြီးတွေကတော့ မျက်မုန်းကျိုးနေပါတယ် စွန့်စားတတ်ပေမဲ့ အကြွေးတော့မပေးတတ်တဲ့ဗိုင်ရာဗာက ဘာအလုပ်လုပ်လဲဆို ထွက်ပြေးတဲ့ရာဇဝတ်သားတွေကို ဆုကြေးရအောင်လိုက်ဖမ်းပေးတာပါ သူ့ရဲ့အိပ်မက်က Complex ဆိုတဲ့အဖွဲ့ထဲဝင်ခွင့်ရဖို့ပါပဲ ဒါပေမဲ့ဒီထဲဝင်ခွင့်ရဖို့က အဆင်မြင့်စီးတော်ယာဉ်ရှိမှဖြစ်မှာပါ ဒီဈေးကြီးတဲ့ယာဉ်က သူ့အတွက်တော့စိတ်ကူးယဉ်တစ်ခုလိုပဲပေါ့ သူနဲ့တွေ့ဖို့အကြောင်းဖန်လာတာကတော့ Complex ဆိုတဲ့အဖွဲ့အစည်းထဲက ဘူဂျီဆိုတဲ့စက်ရုပ်လေး စက်ရုပ်ဆိုပေမဲ့ ထမ်းဆောင်ရတဲ့တာဝန်ကို 99ခုထိအောင်မြင်ခဲ့ပြီး 100မြောက်မှာ လုပ်ကြံခံခဲ့ရလို့ လေယာဉ်ပျက်ကျပြီး အိမ်မပြန်နိုင်သူတစ်ဦးပါ ဗိုင်ရာဗာနဲ့ တွေ့ဆုံပြီး အိမ်ပြန်ဖို့စီးတော်ယာဉ်ဖန်တီးပြီးပြန်လာပေမဲ့ Complex ကသူ့ကိုပြန်လက်မခံခဲ့ပါဘူး ရာထူးတိုးဖို့ ဒီ Complex ထဲဝင်မှဖြစ်မဲ့ဘူဂျီရယ် Complex ထဲဝင်ဖို့က ပန်းတိုင်ဖြစ်နေတဲ့ ဗိုင်ရာဗာတို့ ပူးပေါင်းပြီး အခက်အခဲတွေကို ဘယ်လိုဖြေရှင်းသွားမလဲဆိုတာကြည့်ရှုရမှာပဲဖြစ်ပါတယ် ( အညွှန်းနဲ့ ဘာသာပြန်ကတော့ Yunni ဖြစ်ပါတယ် ) File Size – 350MB(Appx;)@Episode Quality – 1080p WEB DL Duration –14 minute (@Episode) Total Episodes:Eps Subtitle – Myanmar Hardsub Format – Mp4 Genre : Action & Adventure, Comedy, Sci-Fi & Fantasy, Animation Translator – Yunni  Encoder – YK

Kalki 2898 AD (2024) IMDb - 7.6/10 စောင့်မျှော်နေကြတဲ့ ပရာဘာ့စ်ရဲ့ရုပ်ရှင်ကားသစ်ကြီးကို Netflixကနေထုတ်လွှင့်ခဲ့ပြီဖြစ်လို့ CMပရိသတ်အတွက် တင်ဆက်ပေးလိုက်ပါတယ်။ ဘာဟုဘာလီရုပ်ရှင်တွေနဲ့ဝက်ဝက်ကွဲအောင်မြင်ခဲ့တဲ့ တလေဂူးမင်းသားကြီး ပရာဘာ့စ်၊ နာမည်ကျော် တမီးလ်မင်းသားကြီး ကာမယ်ဟာဆန်၊ ဟိန္ဒူရုပ်ရှင်လောကက မင်းသားကြီး အမီတာဘချမ်း၊ မင်းသမီးချောတွေဖြစ်တဲ့ ဒီပီးကားနဲ့ ဒီရှားတို့လို သရုပ်ဆောင်အကျော်အမော်တွေများစွာ ပါဝင်ထားကြပါတယ်။ Kalki Cinematic Universeရဲ့ ပထမဆုံးရုပ်ရှင်ပေါ့။ ၃၀၁၂ဘီစီ ကူရုခ်ရှက်တရာစစ်ပွဲကြီးမှာ မမွေးသေးတဲ့ကလေးကိုသတ်ခဲ့တဲ့အတွက် အာရှဝါသာမာကို အရှင်ဗိဿနိုးရဲ့ ရှစ်ကြိမ်မြောက်လူဝင်စားက ကျိန်စာတိုက်ခဲ့ပါတယ်။ ဆုတ်ကပ်ခေတ်ကြီးမှာ နေမင်းကြီးပျောက်ကွယ်သွားတဲ့အခါ... လေထုထဲမှာ အဆိပ်အတောက်တွေနဲ့ ပြည့်နေတဲ့အခါ... ဂင်္ဂါမြစ်ကြီးထဲမှာရေတစ်စက်မှ မရှိတော့တဲ့အခါ သူ နောက်တစ်ကြိမ်လူပြန်ဝင်စားတဲ့အချိန် ကာလီရဲ့ရန်ပြုတာကနေ ကယ်တင်ဖို့ သေခြင်းရှင်ခြင်းမရှိဘဲ အပြစ်တွေကိုတစိမ့်စိမ့်ခံစားရင်း စောင့်မျှော်နေရမဲ့ကျိန်စာ။ ၂၈၉၈အေဒီမှာ ကမ္ဘာကြီးပေါ်မှာ မြို့ကြီးတစ်မြို့ပဲကျန်ရှိတော့တဲ့အချိန်။ ကယ်တင်ရှင်စစ်သည်တော်ပေါ်ထွန်းလာမယ်ဆိုတဲ့ နမိတ်စကားတစ်ခွန်းကို ယုံကြည်ချက်ထားရင်း အဘိုးကြီးဗီရန်တစ်ယောက် မမွေးသေးတဲ့ကလေးရဲ့မိခင်ဖြစ်သူကို ရှာဖွေနေရာကစ ထူးခြားတဲ့ဇာတ်လမ်းနဲ့ ရုံတင်ကားကြီးကို ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size… (10 GB) / (3.67GB) / (2GB)  Quality…WEB DL 4K HEVC 1080p / 720p Format…mkv/mp4 Duration….3h Subtitle….Myanmar Subtitle (Hard Sub) Encoder….YK Translated by CM Bollywood Team

Salaar: Part 1 – Ceasefire (2023) WEB DLအကြည်ဗားရှင်းကိုပဲ တင်ဆက်ထားပါတယ် သွေးသောက်ညီနောင်သစ္စာတရား CM တောင်ပိုင်းချစ်ပရိသတ်ကြီးတို့ မျှော်လင့်နေတဲ့ ဇာတ်ကားလေးကတော့ အကြည်WEB DL ဗားရှင်းထွက်ရှိလာခဲ့ပါပြီ ၂၀၂၃ ဒီဇင်ဘာမှာ ရုံတင်ခဲ့တဲ့ ဒီဇာတ်ကားဟာ ၂၇၀ ကုဋေရင်းခဲ့ပြီး ၇၅၀ ကုဋေထိအမြတ်ရကာ အတော်လေးအောင်မြင်ခဲ့ပါတယ် ဦးဆောင်ပါဝင်ထားတဲ့မင်းသားကတော့ တောင်ပိုင်းရဲ့ကမ္ဘာသိမင်းသား ဘာဟုဗလီမင်းသားလို့ မြန်မာမှာ နာမည်ကြီးတဲ့ Prabhas နဲ့ ကားရိုက်ကျဲပေမယ့် ပါတဲ့ကားတိုင်းပေါက်တဲ့ မင်းသမီးချောလေး ရှရူသီအပြင် အခြားတောင်ပိုင်းနာမည်ကြီး ဇာတ်ပို့များစွာပါဝင်ထားပါတယ် ဇာတ်လမ်းအကျဉ်းကို မညွှန်းခင်မှာ ပထမဆုံးချီးကျူးလိုတာကတော့ တောင်ပိုင်းကားတွေဟာ အက်ရှင်ခန်းရိုက်တဲ့နေရာမှာ တော်တော်ကို ကောင်းမွန်နေပြီဆိုတာပါပဲ စလိုးမိုးရှင်းတွေ အနီးကပ်ရိုက်ချက်တွေကို သူ့နေရာနဲ့သူသုံးထားပြီး အရမ်းကြီးအိုဗာမဖြစ်ပဲ မင်းသားရော ဗီလိန်တွေပါ သွေးသံရဲရဲနဲ့ ဖိုက်နေကြတာ တကယ်အားရစရာပါပဲ ဇာတ်လမ်းကတော့ ကန်ဆာပြည်နယ်လို့ခေါိတဲ့ စိတ်ကူးယဉ်ပြည်နယ်တစ်ခုမှာ ဇာတ်အိမ်တည်ထားပါတယ် ပဒေသရာဇ်စနစ်နဲ့ မျိုးရိုးစဉ်ဆက်အုပ်စိုးတဲ့ နေရာမှာ မင်းသားဖြစ်တဲ့ ဗာရာဒါနဲ့ သာမန်လူ ဒေဗာ(ဘာဟုဗလီမင်းသား) က အသက်ပေးချစ်ကြတဲ့ ငယ်သူငယ်ချင်းတွေပါ တစ်နေ့မှာ ဒေဗာက အဲ့နေရာကနေ ထွက်ခွာခဲ့ရပေမယ့် သူ့သူငယ်ချင်းလိုအပ်ချိန်တိုင်းမှာ ပြန်လာကူညီမယ်လို့ ကတိပြုခဲ့ပါတယ် အင်အားရှိသူသာအနိုင်ရတဲ့ နေရာတစ်ခုမှာ ဒေဗာရဲ့အကူအညီကိုလိုအပ်လာတဲ့အခါမှာတော့…. အဲ့လိုအရှုပ်ထုပ်တွေထဲကို ဖခင်ရဲ့ရန်ငြိုးဟောင်းတွေရှိတာမသိပဲ အိန္ဒိယကို အမေရိက ကပြန်လာခဲ့တဲ့ အာဒယာ(ရှရူသီ) ပါ ရောက်လာတဲ့အခါမှာတော့ ဇာတ်လမ်းကတော့ ကြည့်ရင်းနဲ့ပဲခံစားကြဖို့ပြောချင်ပါတယ် ဘာဟုဗလီတစ်ယောက် ရာမယနမှာ ချာခဲ့သမျှ အတိုးနဲ့ကြမ်းပြထားတာမို့ Prabhas ဖန်များ တဝကြီးအားပေးနိုင်ကြောင်း သတင်းကောင်းပါးရင်း CM Bollywood ပရိသတ်ကြီးအတွက် တင်ဆက်ပေးလိုက်ပါတယ် အညွှန်းနဲ့ဘာသာပြန်ကိုတော့ CM Bollywood Team ကပဲ ကြိုးစားတင်ဆက်ထားပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…1.2GB / 2.9GB Quality…NF WEB DL 1080p /720p Format…mp4 Duration….2h 55m  Subtitle….Myanmar Subtitle (Hard Sub) Encoder….YK Translated by CM Bollywood Team

Adipurush (2023) ဝေဖန်သံတွေညံခဲ့ပြီး 2023ရဲ့ ဒုတိယ၀င်ငွေအများဆုံးရုပ်ရှင်အဖြစ် ရပ်တည်နေတဲ့ ရာမာယဏရုပ်ရှင်ဇာတ်ကားကြည်တောက်ရှင်းထွက်လာပါပြီ။အရင်ဦးဆုံးတောင်းပန်လိုတာက နာမည်နဲ့အသုံးအနှုန်းတွေပါပဲ။ ကျွန်တော်တို့မြန်မာတွေနားနဲ့မစိမ်းတဲ့ ရာမ၊လက္ခဏ၊သီတာ၊ရာ၀ဏ ဒီလိုနာမည်တွေပဲခေါ်ဝေါ်သုံးစွဲထားလို့ပါ။ ကျွန်တော်တို့ဘာသာပြန်အဖွဲ့သုံးနှုန်းခဲ့တဲ့ နာမည်တွေ နာမ်စားတွေကြောင့် ဘာသာဝင်တဦးတယောက်ချင်းစီကို စော်ကားမိသလိုဖြစ်သွားရင် ကျွန်တော်တို့အဖွဲ့ကနေ အနူးအညွတ်တောင်းပန်ပါကြောင်း ဦးစွာပြောကြားပါရစေ။ ဒဿဂီရိဟာ အချစ်ရှုံးတာမဟုတ်ပါဘူး။အငြိုး အာဃာတတွေနဲ့ အချစ်ရူးခဲ့လို့ ကိုယ့်ပြည်ကိုယ်ပြန်ဖျက်မိတဲ့မင်းတစ်ပါးဖြစ်ခဲ့တာပါ။ အရင်အတိတ်ကံကြောင့် ကျိန်စာမိထားပြီး အမျိုးသမီးတစ်ဦးကို အလိုမတူပဲထိကပါးရိကပါးမလုပ်ရဲတာကြောင့် သီတာအပေါ်မှာ ဘာမှကိုယ်ထိလက်ရောက်မကျူးလွန်ရဲခဲ့တဲ့သူတစ်ဦးသပ်သပ်ပါပဲ။ ဇာတ်လမ်းကတော့ အားလုံးသိပြီးသား ရာမမင်းက သီတာဒေဝီကို လင်္ကာပြည်ကနေ ကယ်တင်တဲ့အကြောင်းဖြစ်ပေမဲ့ ဇာတ်လမ်းကို ချဉ်းကပ်တဲ့ပုံစံက အရင်ကရှိခဲ့ဖူးပြီးသား adaptation တွေနဲ့ ပုံစံကွဲထွက်နေပါတယ်။ ဒီရုပ်ရှင်ရဲ့ဇာတ်လိုက်သရုပ်ဆောင် ပရာဘာ့စ်ဟာ ရာမဇာတ်ကောင်နဲ့ မလိုက်ဖက်ဘူးလို့ ဝေဖန်ခံခဲ့ရပေမယ့် သီတာဒေဝီနေရာမှာသရုပ်ဆောင်တဲ့ ကရီသီးဆန်နွန်ကတော့ မင်းသမီးနေရာကနေ ကောင်းခြင်းငါးဖြာနဲ့ ပြည့်စုံစွာ ကျက်သရေရှိလှပနေပါတယ်။ ဒီရုပ်ရှင်ဟာဆိုရင် ထင်သလောက်မအောင်မြင်ခဲ့ပေမဲ့ နှစ်ပေါင်းထောင်ချီသက်တမ်းရှိတဲ့ ဂန္တဝင်လင်္ကာရှည်ကြီးကို တမူဆန်းသစ်ရိုက်ကူးထားတာမလို့ အိန္ဒိယရုပ်ရှင်ပရိသတ်တွေအတွက် ဝေဖန်ဖို့ပဲဖြစ်ဖြစ် တစ်ခေါက်လောက်တော့ ကြည့်ဖူးသင့်တဲ့ရုပ်ရှင်ပဲဖြစ်ပါတယ်။ (အညွှန်းနှင့်ဘာသာပြန်ကတော့ CM Bollowood Team မှဖြစ်ပါတယ်) File size…1.33GB Quality…720p WEB DL  Format…mp4 Duration….2h 59m Subtitle….Myanmar Subtitle (Hard Sub) Encoder….YK Translated by  CM Bollowood Team

ဥရောပမှာ ဇာတ်အိမ်တည်ထားတဲ့ ဒီအချစ်ဇာတ်လမ်းမှာ Prerana က သက်သေအထောက်အထားရှိတဲ့ လက်တွေ့အချက်အလက်တွေကိုပဲ ယုံကြည်တဲ့ ဆရာဝန်မလေးပါ။ Aditaya ကတော့ ဟောသမျှ မလွဲဖူးလို့ “ဗေဒင်လက္ခဏာလောကရဲ့ အိုင်းစတိုင်း” ဆိုပြီး ကျော်ကြားနေတဲ့ လက္ခဏာဆရာတစ်ယောက် ဖြစ်ပါတယ်။ ယုံကြည်ချက်ချင်း လုံးဝမတူတဲ့ သူတို့နှစ်ယောက် ကပွဲတစ်ခုမှာ မမျှော်လင့်ဘဲ ဆုံမိကြပြီး Aditaya က Prerana ကို ချစ်မိသွားတယ်။ ဒါပေမဲ့ Prerana မှာ ရှားပါးပြီး ကုသဖို့ နည်းလမ်းမရှိသေးတဲ့ အကျိတ်ရောဂါတစ်မျိုး ဖြစ်နေပါတယ်။ အသက်ရှင်ဖို့ လပိုင်းသာ ကျန်တော့တဲ့ Prerana နဲ့ ကိုယ့်လက္ခဏာမှာ အချစ်ရေးလမ်းကြောင်း လုံးဝမပါတဲ့ Aditaya တို့ အတူတူ ရှေ့ဆက်နိုင်ကြမလားဆိုတာကို ဇာတ်လမ်းက မေးထားတယ်။ Baahubali နဲ့ လူသိများတဲ့ Prabhas က အဓိကဇာတ်ဆောင်အဖြစ် ပါဝင်ထားပါတယ်။ ဇာတ်ဝင်တေးတွေကို တယ်လဂူနဲ့ ဟိန္ဒီ နှစ်မျိုး ဖန်တီးထားပြီး Aditaya ဇာတ်ကောင်ကိုတော့ ဥရောပက နာမည်ကြီးလက္ခဏာဆရာ Cheiro ကို အခြေခံစိတ်ကူးယူထားပါတယ်။

Saaho (2019) IMDb - 5.2/10 (Unicode) ၂၀၁၉ ထွက် ဘာဟုဗာလီမင်းသားကြီး Prabhasရဲ့ ရုံတင်ကား အကြည်ထွက်လာလို့ မြန်မြန်နဲ့ မှန်မှန် တင်ဆက်ပေးလိုက်ပါတယ်။ IMDb Rating - 5.2/10 Language - Telugu Genere - Action / Thriller ဇာတ်လမ်းအကျဉ်း မင်းသားကြီးကို ဒီကားမှာတော့ အလွတ်တမ်း စုံထောက် တစ်ယောက်အနေနဲ့ မြင်ရမှာပါ။ ဓားပြမှု တစ်ခုကို လိုက်ဖို့ ရဲတွေ ဖက်က ကမ်းလှမ်းတော့ ရဲအရာရှိမလေးရဲ့ ရွှန်းစိုတဲ့ မျက်ဝန်းတစ်စုံကြောင့် လက်ခံခဲ့ပါတယ်။ ဒီကြားထဲ မွန်ဘိုင်းမြို့ထဲ ခြေရှုပ်နေကြတဲ့ ဂန်းစတားတွေလည်း ရှိနေသေးတယ်။ အင်အားကြီး Roy Group ဂိုဏ်းမှာ ရုတ်ရုတ်သဲသဲ ဖြစ်နေကြတယ်။ အချင်းချင်းတွေ ကွဲနေကြတယ်။ ပြီးတော့ Black Box လို့ ခေါ်တဲ့ Keyတစ်ခုကို လိုက်ရှာနေကြတယ်။ မင်းသားကြီးဟာ ဓားပြမှုကို စတင် ဖော်ထုတ်ရာကနေ... ဂန်းစတားတွေရဲ့ ပြဿနာထဲ တစ်စိတ်တစ်ပိုင်း ဝင်ပါသွားခဲ့ရာမှာတော့..... မြှုပ်ကွက်တွေနဲ့အတူ ကြည့်ရှုခံစားပေးကြပါဦး။ ရုံတင်ကာလမှာတော့ ဝေဖန်မှုတွေရှိခဲ့ပါတယ်။ ဒါပေမဲ့လည်း နာမည်ကြီးမင်းသားဆိုတော့ သိပ်ပြီး ဆိုးဆိုးရွားရွား မဖြစ်ခဲ့ဘူး။ ဝင်ငွေအရ အောင်မြင်မှု အတိုင်းအတာ တစ်ခု ရရှိခဲ့ပါတယ်။ မင်းသားကြီးရဲ့ ပရိသတ်တွေ၊ ဘာဟုဗာလီပြီးကတည်းက ပျောက်နေတာမို့ တောင်းဆိုထားတဲ့ သူတွေ အတွက်ရော ကျွန်တော်တို့အနေနဲ့ တာဝန်ကျေအောင် အကောင်းဆုံး ကြိုးစားပေးလိုက်ပါပြီ။ (အညွှန်းနဲ့ ဘာသာပြန်ပေးထားကြသူတွေကတော့ ညီညီကိုးနဲ့ မြင့်သူ ပါ။) File size… 8.96 GB / 3.36 GB / 1.8 GB Quality…4k HEVC WEB DL / WEB DL 1080p HEVC/ 720p Format…mkv/ mp4 Duration….2h 50m Subtitle….Myanmar Subtitle (Hard Sub) Encoder….YK Translated by Nyi Nyi ~ Myint Thu

IMDb Rating (8.2) / Rotten Tomatoes (86%) ဘုရင့် သက်တော်စောင့် ကက်တာပါးက မဟစ်ရှ်မာတီ နိုင်ငံတော်က ထီးညွန့်နန်းလျာ အမန်ဒရာဘာဟုဘာလီကို သူ ကိုယ်တိုင် ဘာကြောင့်သတ်ဖြတ် ပစ်ရတဲ့အကြောင်းကို သားဖြစ်သူ မဟင်ဒရာဘာဟုဘာလီကို ရှင်းပြတဲ့ပုံစံနဲ့ ဇာတ်လမ်းဆက်ထား တာပါ။ ဆူပူသောင်းကျန်းတဲ့ မ ကောင်းဆိုးဝါးတွေ နှိမ်နင်းအပြီး မှာတော့ ဘုရင်မကြီးဆီဗာဂါမိ ဟာ သားဖြစ်တဲ့ အမန်ဒရာဘာဟု ဘာလီကို ထီးနန်းဆက်ခံမယ့်သူ အဖြစ် ကြေညာခဲ့ပြီး တူဖြစ်တဲ့ ဘာလာကိုတော့ စစ်သူကြီးအဖြစ် ကြေညာခဲ့ပါတယ်။ ဘုရင်မကြီး က အမန်ဒရာကို တပ်မှူးကက် တာပါးနဲ့အတူ အနီးဝန်းကျင်က နိုင်ငံတွေနဲ့ ပြည်သူတွေကြားကို လေ့လာဖို့ စေလွှတ်ခဲ့ပါတယ်။ အဲဒီလိုသွားရင်းနဲ့ တစ်နေ ရာအရောက်မှာတော့ တိုက်ရေး ခိုက်ရေးကျွမ်းကျင်ပြီး ထက်မြက် တဲ့ ကန်တာလာနိုင်ငံက မင်းသမီး ဒီဗာဆီနာနဲ့ဆုံခဲ့ပြီး မင်းသမီးကို သဘောကျမိတဲ့အတွက် အမန် ဒရာဟာ သာမန်လူတစ်ဦးပုံစံနဲ့ ချဉ်းကပ်ကာ မင်းသမီးရဲ့နိုင်ငံကို ကက်တာပါးနဲ့အတူ လိုက်သွားခဲ့ ပါတယ်။ တစ်ဖက်မှာလည်း ဘုရင်မ ကြီး ဆီဗာဂါမိဟာ ရန်သူနိုင်ငံက မင်းသမီး ဒီဗာဆီနာနဲ့ တူတော် ဘာလာကို နှစ်နိုင်ငံငြိမ်းချမ်းရေး အတွက် လက်ဆက်ဖို့ ကမ်းလှမ်း စာပို့ခဲ့ပါတယ်။ မင်းသမီးက ငြင်း ဆန်ခဲ့တဲ့အတွက် ဘုရင်မကြီး အမျက်ထွက်ပြီး ကန်တာလာကို တိုက်ခိုက်ဖို့ အမိန့်ပေးခဲ့ပါတော့ တယ်။ မင်းသမီး ဒီဗာဆီနာတို့ နိုင်ငံကို ရန်သူတွေကျူးကျော်ဝင် လာတဲ့အခါမှာ အမန်ဒရာက ကူညီတိုက်ခိုက်ပေးခဲ့ပြီး သူ့ရဲ့ အံ့မခန်းစွမ်းအားတွေကြောင့် မင်းသမီးရော၊ ဟန်တာလာဘုရင်ကြီး ရော အံ့အားသင့်ခဲ့ကြပါတယ်။ ထူးခြားအစွမ်းတွေကြောင့် သာမန်လူ မဟုတ်တန်ရာတဲ့အ တွက် မေးမြန်းရင်း ဘုရင်မကြီးရဲ့ သားတော်ဆိုတာ သိသွားခဲ့ကြပြီး အမန်ဒရာက မင်းသမီးကို သ ဘောကျကြောင်း ဖွင့်ပြောခဲ့သလို ဘုရင်မကြီးကလည်း လက်ထပ်ဖို့ ကမ်းလှမ်းထားတာလည်း ရှိတဲ့အ တွက် မင်းသမီးကို တစ်ပါတည်း ခေါ်သွားခဲ့ပါတယ်။ ဟိုဘက်နိုင်ငံရောက်တဲ့အ ခါမှာ မင်းသမီးဒီဗာဆီနာကို ဘာ လာနဲ့ပေးစားဖို့ ကမ်းလှမ်းတာဖြစ် နေတဲ့အတွက် ဘုရင်မကြီး၊ အမန်ဒရာနဲ့ မင်းသမီးတို့ အချေအတင် တွေဖြစ်ကာ အမန်ဒရာက သူ့ မယ်တော်ကို ဆန့်ကျင်ပြီး သူ့ လမ်းသူလျှောက်ခဲ့တဲ့အတွက် ရာထူးအသိမ်းခံခဲ့ရပါတယ်။ ဘာလာက ရှင်ဘုရင်ဖြစ် သွားခဲ့ပေမယ့် လူထုကတော့ စစ်သူကြီးဖြစ်သွားတဲ့ အမန်ဒရာဘက်ကသာ ရပ်တည်ပြီး ထောက်ခံအားပေးခဲ့ကြပါတယ်။ အဲဒီအခါမှာ အမန်ဒရာအပေါ် မရှုဆိတ်တဲ့ဘာလာဟာအမျိုးမျိုးဒုက္ခတွေပေးခဲ့သလို ပြဿနာတွေဖြေရှင်းမှုမှာ လည်း ထိပ်တိုက်တွေ့ပြီး အသက်အန္တရာယ်အထိပါ ဒုက္ခပေးဖို့လုပ်ခဲ့ပါတော့တယ်။ ပြည်သူတွေဘက်က ရပ်တည်တဲ့ အမန်ဒရာနဲ့ မဟုတ်မခံမင်းသမီး ဒီဗာဆီနာတို့ ဘယ်လိုအန္တရာယ်တွေ ရင်ဆိုင် ရမှာလဲ၊ ဘုရင်မကြီးနဲ့ ဘာလာက တစ်ဖက်၊ အမန်ဒရာတို့ က တစ်ဖက်ဖြစ်လာတဲ့အခါမှာ ဘာတွေဆက်ဖြစ်ကြမှာလဲ၊ အမန်ဒရာရဲ့ ဖြစ်ကြောင်းကုန်စင်ကိုသိသွားတဲ့ သားဖြစ်သူ မဟင်ဒရာဘာဟုဘာလီတစ်ယောက် ဘယ်လိုလက်တုံ့ပြန် မှာလဲဆိုတာ ကြည့်လိုက်ဦးနော်။ ဒီဇာတ်ကားမှာ အမန်ဒရာ ဘာဟုဘာလီ၊ မဟင်ဒရာ ဘာဟု ဘာလီအဖြစ် ပရာဘက်စ်၊ ဘာလာအဖြစ် ရာနာ ဒက်ဂူဘာတီ၊ ဒီဗာဆီနာအဖြစ် အနွတ်ရှ်ကာ ရှက်တီ၊ ဘုရင်မကြီး ဆီဗာဂါမိ အဖြစ် ရမ်ရာခရစ်ရှ်နာ၊ ကက်တာပါးအဖြစ် ဆက်သ်ရာရာ့ဂျ်တို့ သရုပ်ဆောင်ထားပါတယ်။ (ရုပ်ရှင်အညွှန်းကိုတော့ 7Daydaily မှကူးယူဖော်ပြထားတာဖြစ်ပါတယ်။) File size…(4.2 GB ) / (3.1 GB) / (1.6 GB) Quality…BluRay 4K HEVC / 1080p / 720p Telugu Audio Format…mkv Duration….02:47:00 Subtitle….Myanmar Subtitle (Hardsub) Encoder….Nyeinsaeya Aung Translated by Tariq L Walker

IMDb Rating (8/10) / Rotten Tomatoes (89%) မူရင်းအသံဖြစ်တဲ့ Telugu အသံနဲ့ International Cut Version ကို HEVC Encode နဲ့ပါ တင်ဆက်လိုက်ပါတယ်။ ဗာဟုဘာလီဇာတ်ကားကတော့ Action, Adventure, History အမျိုးအစား ရာဇဝင်ဇာတ်ကားပါ။ရှေးခေတ်အိန္ဒိယတိုင်းပြည် က အင်အားကြီးဘုရင်တွေနဲ့ ဒဏ္ဍာရီဆန်တဲ့ ဇာတ်လမ်းတွေကို ဖော်ကျူးရိုက်ကူးထားတဲ့ ဇာတ်ကားဖြစ်ပါတယ်။ ရှီဗာဆိုတဲ့ မွေး ကင်းစကလေးငယ်လေးနဲ့ သူ့ရဲ့ အထိန်းတော်ဖြစ်သူတို့ကို ဘုရင့် မှူးမတ်တွေက လိုက်ပြီးတော့ သုတ်သင်ပါတယ်။ ထွက်ပြေးရင်း လမ်းခုလတ်အရောက်မှာ သူ့ရဲ့ အထိန်းတော်ဖြစ်သူက ကွယ်လွန် သွားခဲ့ပြီး ရှီဗာဆိုတဲ့ ကလေးလေးကို ဒေသခံရွာသားတွေက စောင့်ရှောက်ခဲ့ပါတယ်။ ရှီဗာ တဖြည်းဖြည်းကြီးလာ တဲ့အခါ တခြားလူငယ်တွေနဲ့မတူ ဘဲ သန်မာပြီးရဲရင့်တဲ့လူငယ်တစ် ယောက်ဖြစ်လာတယ်။ သူကြီး ပြင်းခဲ့တဲ့ရွာနဲ့ မနီးမဝေး တောင် ပေါ်မှာ ရှေးဟောင်းဘုရင့် တိုင်း ပြည်တစ်ခုရှိပြီး အဲဒီတိုင်းပြည်မှာ အကျဉ်းကျနေတဲ့ ဘုရင်မတစ် ပါးရှိတယ်။ တစ်ရက်မှာ ရှီဗာက တောင်ပေါ်တက်ဖို့ ကြိုးစားရင်း အရမ်းလှတဲ့ အမျိုးသမီး တစ် ယောက်ကို တွေ့ခဲ့တယ်။ ဒီအမျိုး သမီးနောက်ကို လိုက်ဖို့ကြိုးစား ရင်းနဲ့ပဲ တောင်ပေါ်အထိ ရောက် ခဲ့ပြီး တောင်ပေါ်မှာ မျိုးနွယ်စုတစ် စုကို တွေ့ရတယ်။ အဲဒီမျိုးနွယ်စုက ဘုရင့်တိုင်း ပြည်က အကျဉ်းကျနေတဲ့ ဘုရင်မကို ကယ်ဖို့ ကြိုးစားနေတာဖြစ် တယ်။ တိုတိုပြောရရင် ရှီဗာက သူကြိုက်တဲ့ ကောင်မလေးကို ကူ ညီဖို့ကြိုးစားရင်း အကျဉ်းကျနေ တဲ့ ဘုရင်မကို ကယ်ဖို့ဖြစ်လာ တယ်။ အဲဒီဘုရင်မက တကယ် တော့ ရှီဗာရဲ့ မိခင်အရင်းဖြစ်ပါတယ်။ ဇာတ်ကားက တော်တော် ပေရှည်ပါတယ်။ အဲဒီနောက်မှာ ဒီတိုင်းပြည်ကြီးမှာ ရှီဗာမသိတဲ့ ဇာတ်ကြောင်းတွေ ကျန်ပါတယ်။ သူ့အဖေ၊ အမေ၊ တိုင်းပြည်ကြီး အကြောင်း၊ စစ်ပွဲတွေအကြောင်း တွေ အများကြီးပါ။ နောက်ဆက်တွဲအကြောင်းတွေနဲ့ ဒီဇာတ်ကားရဲ့ အဆက်ကိုတော့ Baahubali 2: The Conclusion (2017) အဖြစ် ထပ်မံကြည့်ရှုရမှာပါ။ (ရုပ်ရှင်အညွှန်းကို 7Daydaily မှကူးယူဖော်ပြပါသည်။) File size…2.5GB AND 1.4GB Quality…BluRay 1080p / 720p Telugu Audio Format…mkv Duration….02:17:47 Subtitle….Myanmar Subtitle (Hardsub) Encoder….Nyeinsaeya Aung Translated by Lwin Htoo Aung

မင်းသားကြီး Ajay Devgan က AJ အဖြစ်လည်းကောင်း ၊ မင်းသမီးချော Sonakshi Sinha က ခူရှီအဖြစ်လည်းကောင်း အဓိကပါဝင်သရုပ်ဆောင်ထားတဲ့  Action, Comedy, Drama အမျိုးအစား Bollywood ဇာတ်ကားပါ။ ဇာတ်လမ်းအကျဉ်းကတော့... ခူရှီဟာအမြဲကံဆိုးတတ်တဲ့ ကောင်မလေးတစ်ယောက်ဖြစ်ပါတယ်။ ဒါပေမယ့် AJ ကို ဝက်လစ်စလစ်နဲ့မြင်လိုက်တိုင်း ကံတွေကောင်းလာတတ်ပါတယ်။ ဒါကြောင့် ခူရှီ့ခမျာ ကံကောင်းချင်တိုင်း AJ ကိုလိုက်ကပ်ဖို့ အမြဲဖန်တီးနေရပါတယ်။ AJ ကတော့တကယ့်ဖိုက်တာတစ်ယောက်ဖြစ်ပြီး မတရားမှုတွေကိုလက်ပိုက်ကြည့်မနေတတ်တဲ့ လူတစ်ယောက်ပါ။ ဒီလိုလူမျိုးနဲ့ ဒိတ်ဒိတ်ကြဲလူဆိုးဂိုဏ်းတို့ ဆက်နွယ်ရာမှ ဘယ်လိုလှည့်ကွက်တွေ ကြုံတွေ့ရမလဲဆိုတာ.......။ File size...(1.2GB) Quality...HD-Rip 720p Format...mp4 Duration....02:19:50 Subtitle....Myanmar Subtitle (Hardsub) Encoder....Nyeinsaeya Aung

Mirchi (2013)"ငရုတ်သီး" မြန်မာ ပရိသတ်ကြားမှာ ဘာဟူဘာလီဇာတ်ကောင်နဲ့ လူအများဆုံးသိကြတဲ့ တေလေဂူး မင်းသားကြီးပရာဘာ့စ်ရဲ့ ရုပ်ရှင်ဟောင်းလေးကို ရှာဖွေတင်ဆက်ပေးလိုက်ပါတယ်။ ဒီရုပ်ရှင်ဟာ ၂၀၁၃ ခုနှစ်မှာထွက်ရှိခဲ့တာဖြစ်ပြီး Devara တို့၊ Archarya တို့လို ရုပ်ရှင်တွေရဲ့ပဲ့ကိုင်ရှင် ဆုရဒါရိုက်တာ ကိုရာတာလာရှီလာက ရိုက်ကူးထားတာပါ။ ဇာတ်လမ်းကတော့.. အမေရိကမှာနေတဲ့ ဂျေးဆိုတဲ့ အိန္ဒိယသားလေးဟာ မာနာဆာဆိုတဲ့ကောင်မလေးကို မတော်တဆကူညီပေးမိရာကနေ မာနာဆာကို ချစ်မိသွားခဲ့ပါတယ်။ မာနာဆာကလည်း ဂျေးကို စိတ်ယိုင်ပေမဲ့ အိန္ဒိယမှာရှိတဲ့ မာနာဆာ့အမျိုးတွေက ရမ်းကားဆိုးသွားတာကြောင့် ဂျေးကိုပြန်မကြိုက်ရဲဘဲ အိန္ဒိယကိုပြန်သွားခဲ့ပါတယ်။ မာနာဆာကို ချစ်မိသွားတဲ့ဂျေးက အမေရိကကနေ အိန္ဒိယကိုပါကျောင်းပြောင်းပြီးလိုက်သွားခဲ့ပေမဲ့ အိန္ဒိယမှာရှိတဲ့ မာနာဆာရဲ့မိသားစုနဲ့ ဂျေးရဲ့မိသားစုဟာ အစဉ်အဆက်ရန်ငြိုးရှိခဲ့တဲ့မိသားစုတွေဖြစ်နေတဲ့အခါမှာတော့...။ မင်းသား ပရာဘာ့စ်ရဲ့ အချစ်ဟာသအက်ရှင်ဇာတ်ကားဟောင်းလေးကို ပရိသတ်တွေအတွက် B Team ကနေ ညွှန်းဆိုဘာသာပြန်ရှာဖွေတင်ဆက်ပေးလိုက်ပါတယ်...။ File size… 3.5 GB/ 2 GB Quality…WEB DL 1080p HEVC/ 720p Format…mkv/ mp4 Duration….2h 35m Subtitle….Myanmar Subtitle (Hard Sub) Encoder….B Encoder Translated by B Team

Chatrapati 2005 (ချတ်တရာပါတီ) ယခုတစ်ခါမှာတော့ ၂၀၀၅ခုနှစ်က ထွက်ရှိထားတဲ့ မင်းသား Prabhasနဲ့ Drishyam(လေးတန်းအောင်)ဇာတ်ကားထဲက ဇနီးအဖြစ် သရုပ်ဆောင်ခဲ့တဲ့ မင်းသမီးချောလေး Shriya Saranတို့ ပါဝင်သရုပ်ဆောင်ထားတဲ့ ဇာတ်ကားဟောင်းလေးတစ်ကားကို တင်ဆက်ပေးလိုက်ရပါတယ်။ ရှီဗာဆိုတဲ့ကောင်လေးဟာ အမေရယ် သူ့ညီလေးရယ်နဲ့ သီရိလင်္ကာကမ်းခြေက ရွာလေးတစ်ရွာမှာ နေထိုင်တဲ့သူပေါ့။ သူတို့ရွာလေးကို နယ်ခံတွေက သိမ်းပိုက်ချင်နေတာကြောင့် ခဏခဏ လာရောက်တိုက်ခိုက်ခြင်းကို ခံနေရတဲ့ရွာလေးပါ။ ရှီဗာရဲ့ညီဖြစ်သူ အာရှုတ်ခ်ကလည်း ရှီဗာက သူ့အမေရဲ့ သားအရင်းမဟုတ်ဘဲ သူ့အမေယူလိုက်တဲ့ သူ့ပထွေးကပါလာတဲ့သားဖြစ်တာကြောင့် သူ့အမေက ရှီဗာကို ချစ်နေတဲ့အပေါ် မနာလိုအူတူနေတဲ့ကလေးလေးပါ။ ဒီလိုနဲ့ တစ်ရက်မှာ သူတို့ရွာလေးကို နယ်ခံတွေက လာရောက်သိမ်းပိုက်ခံလိုက်ရပြီး အကုန်လှေတွေနဲ့ ထွက်ပြေးတိမ်းရှောင်ကြတဲ့အချိန် ရှီဗာနဲ့ သူ့အမေရယ် သူ့ညီလေးရယ်နဲ့ လူစုကွဲသွားခဲ့ပါတော့တယ်။ ရှီဗာပါသွားတဲ့လှေထဲကလူတွေဟာ အိန္ဒိယဘက်ကိုရောက်လာပြီးတော့ ဘာဂျီရောင်ဝ်အုပ်ချုပ်တဲ့ တရားမဝင်လုပ်ငန်းလုပ်တဲ့နေရာတစ်ခုမှာ မတရားအလုပ်လုပ်ခိုင်းခြင်းကို ခံခဲ့ရပါတော့တယ်။ ဒီလိုနဲ့ အသက်တွေကြီးလာတဲ့အချိန်မှာတော့ ရှီဗာဟာ ကျန်းမာသန်စွမ်းပြီးတော့ စွမ်းရည်အပြည့်နဲ့ ပျိုတိုင်းကြိုက်တဲ့ နှင်းဆီခိုင်လေးဖြစ်လာပါတော့တယ်။ ဒီလိုနဲ့ ရှီဗာတစ်ယောက် လူတွေကို ကူညီကယ်တင်ပေးရင်းနဲ့ ငယ်ငယ်က ကွဲကွာသွားတဲ့ သူ့အမေနဲ့ ပြန်ဆုံတွေ့ကြတဲ့အခါမှာတော့ ...... ဘာတွေဆက်ဖြစ်မလဲဆိုတာကို ဆက်လက်ကြည့်ရှုပေးကြပါဦး။ (အညွှန်းနဲ့ ဘာသာပြန်ကတော့ CM Bollywood Team ပဲ ဖြစ်ပါတယ်) File size… 4.05 GB / 2.01 GB Quality…WEB DL 1080p HEVC/ 720p Format…mkv/ mp4 Duration….2h 38m Subtitle….Myanmar Subtitle (Hard Sub) Encoder….YK Translated by CM Bollywood Team