Pranitha Subhash ပါဝင်သော ဇာတ်ကားများ

Bhuj: The Pride of India(2021) အညွှန်း ဖြစ်ရပ်မှန်အခြေခံတဲ့ အိန္ဒိယစစ်ကားတစ်ကား... ဒီရုပ်ရှင်ဟာ ၁၉၇၁ ခုနှစ်မှာဖြစ်ခဲ့တဲ့ အိန္ဒိယ-ပါကစ္စတန်စစ်ပွဲကို အခြေခံရိုက်ကူးထားတာ ဖြစ်ပြီး Ajay Devgn , Sanjay Dutt , Sonakshi Sinha က ခေါင်းဆောင်ပါဝင်ထားတဲ့ ရုပ်ရှင်ဖြစ်ပါတယ်။ ဇာတ်လမ်းအကျဉ်း (တာဝန်ခံ)အရာရှိ ဗီဂျေးကာရ်နစ်ခ်ရဲ့လက်အောက်မှာရှိတဲ့ ဘူဂျ်လေတပ်စခန်းဟာ ပါကစ္စတန်လေတပ်ရဲ့ဗုံးကြဲခြင်းကို ခံလိုက်ရလို့ လေယာဉ်ပြေးလမ်းတွေပျက်စီး ကုန်တယ်.... ဒါ့အပြင် တင့်ကားလက်နက်အပြည့်အစုံ ၊ အင်အားအလုံးအရင်းနဲ့ နယ်စပ်ကို ကျူးကျော်ဝင်ရောက်လာမယ့် ပါကစ္စတန်ကြည်းတပ်ကို အိန္ဒိယနယ်ခြားစောင့်တပ်တွေက မထိန်းနိုင်တော့ပါဘူး။ အဲ့ဒီနေရာကို တစ်ခြားတပ်ရင်းတွေကနေ ရဟတ်ယာဉ်နဲ့ စစ်ကူပို့ပေးနိုင်ဖို့ ကြိုးစားခဲ့ပေမယ့်လည်း တစ်ဖက်မှာ ပါကစ္စတန်ရေတပ်က အမြောက်ကြီးတွေနဲ့ တောက်လျှောက်ပစ်ခတ်နေတာကြောင့် ရဟတ်ယာဉ်တွေ ဝေဟင်မှာ မပျံရဲတော့ပါဘူး။ တကယ့်ခံစစ်စည်းကျိုးပေါက်ရင်တခြားနေရာတွေပါအလွယ်တကူပေးလိုက်ရမှာမို့ ဒီနေရာကို မဖြစ်မနေ ပါကစ္စတန်တွေမသိမ်းနိုင်အောင် အသဲအသန်ကြိုးစားရမဲ့အနေအထားဖြစ်ပါတယ်.. စစ်ရေးအရ အရေးနိမ့်ကျမှုများစွာရှိလို့ အိန္ဒိယတပ်မတော်ဟာ နောက်ဆုံးနည်းတစ်နည်းနဲ့ စစ်ပွဲကိုပြန်လည်စိုးမိုးဖို့ကြိုးစားပါတော့တယ်.... သူတို့တွေဘယ်လိုကြိုးစားကြလဲ... သူတို့စီစဉ်ထားသလိုဖြစ်လာပါ့မလား.. ဖြစ်ရပ်မှန်ဇာတ်လမ်းဖြစ်တဲ့အတွက် အိန္ဒိယ ၊ ပါကစ္စတန် နဲ့ ဘင်္ဂလားဒေ့ရှ်နိုင်ငံတို့အကြောင်း ဖြစ်ပါတယ်။ ရိုက်ချက်တွေတော်တော်ကြီး အဆင့်အတန်းမြင့်မားတဲ့ ရုပ်ရှင်ဖြစ်လို့ ဇာတ်လမ်းအစအဆုံးကို ကိုယ်တိုင်ပဲ ခံစားကြည့်လိုက်ပါတော့...။ File Size :(1.1GB) & (442MB) Quality :WEB-DL 720p Format…mp4 Duration…02:34:00 Genre : Action , Drama & History Subtitle : Myanmar Subtitle (Hard Sub) Translated by Myint Thu ,Nyi Koe & Thaik San Encoded by Phyo Pyae

Disney+Hotstar က ဖြန့်ချိတဲ့ အသစ်စက်စက် Bollywood ရုပ်ရှင်ဇာတ်ကားလေးကို တင်ဆက်လိုက်ပါတယ်... ဒီဇာတ်ကားက ၂၀၀၃ ခုနှစ်က နာမည်ကျော်ကြားလူကြိုက်များခဲ့တဲ့ Hungama ဇာတ်ကားရဲ့ Sequel အနေနဲ့ထွက်ရှိလာတာပါ... ဇာတ်လမ်းကတော့..... သူဌေးကြီး မစ္စတာဘဂျာဂျ်နဲ့ အငြိမ်းစားထောင်မှူးမစ္စတာကပူရ်တို့က အရမ်းကိုခင်မင်ကြတဲ့သူငယ်ချင်းတွေဖြစ်ကြပြီး သူတို့သားသမီးတွေကို လက်ထပ်ပေးဖို့အထိပါ စီစဉ်ထားကြတဲ့သူတွေဖြစ်ပါတယ်... မစ္စတာကပူရ်ရဲ့သားဖြစ်သူ အာကာရှ်ဟာ ကုမ္ပဏီဝန်ထမ်းတစ်ယောက်ဖြစ်ပြီး တူတွေတူမတွေနဲ့ ဘဝကိုပေါ့ပေါ့ပါးပါး အေးအေးဆေးဆေး ဖြတ်သန်းနေသူတစ်ယောက်ပါ... ဒါပေမယ့် အေးဆေးနေရမယ့်ရက်တွေ ကုန်ဆုံးသွားချိန်ကတော့ သူ့ရဲ့ငယ်ရည်းစားဆိုသူက သူ့ရဲ့ကလေးဆိုသူကို ရင်ခွင်ပိုက်လို့ အိမ်ကိုရောက်ချလာတဲ့အချိန်ပါပဲ... ငယ်တုန်းကရှုပ်ထားတဲ့ ရည်းစားရဲ့ ကလေးက သူ့ကလေးအစစ်အမှန်လား.... နှစ်ဖက်မိဘသဘောတူထားတဲ့ ဂုဏ်သိက္ခာအိမ်ထောင်ရေးကိုရော ဘယ်လိုရှေ့ဆက်ရမလဲဆိုတာ... ဟာသအသောလေးတွေနဲ့ ခပ်သွက်သွက်တင်ဆက်ထားတဲ့ အချစ်ဟာသဇာတ်လမ်လေးပါ။ ရုပ်ရှင်ရုံတွေမှာ မိသားစုလိုက် အပန်းဖြေကြည့်ရှုရမယ့် ဇာတ်လမ်းမျိုးဖြစ်ပြီး စိတ်ညစ်စရာများလှတဲ့ ခုကာလမှာ ခဏတာဖြစ်ဖြစ် အပန်းဖြေဖို့ လက်လွတ်မခံသင့်တဲ့ဇာတ်ကားပါ။ File size…(2.6 GB) / (1.3 GB) Quality…WEB-DL 1080p /720p Format…mp4 Duration….02:36:00 Subtitle….Myanmar Subtitle (Hardsub) Encoder….Nyeinsaeya Aung Translated by May Zin Oo & Mya

2017 တုန်းက ထွက်ခဲ့တဲ့ Hello ဆိုတဲ့ အချစ်အက်ရှင်ကားလေးကို မှတ်မိကြဦးမယ် ထင်ပါတယ်။ ကြည့်တဲ့သူတိုင်းကို မျက်ရည်ဝိုင်းစေတဲ့ ဇာတ်ကားကောင်းလေးပေါ့။ လာပါပြီ နောက်တစ်ကား.... ဒီကားလေးက တောင်ပိုင်းမင်းသားချော Ram ရဲ့ အသစ်စက်စက် ထွက်ရှိလာတဲ့ အချစ်ဟာသကားလေးပါ။ ထူးခြားတာက. . .အိန္ဒိယကား တော်တော်များများမှာ လူဆိုး လူမိုက် လူတွင်ကျယ်အဖြစ် ခေါက်ရိုးကျိုးအောင် သရုပ်ဆောင်ခဲ့ရတဲ့ လူကြမ်းသရုပ်ဆောင်Prakash Raj ရဲ့ အားရစရာကောင်းတဲ့ သရုပ်ဆောင်ဟန်ပါ။ မင်းသားချော Ram က အချစ်အက်ရှင်ကားတွေနဲ့ထိုးဖောက်နေသလို လူကြမ်းသရုပ်ဆောင်ကြီး Prakash ကဒီကားမှာ သမီးဖြစ်သူကို စိတ်မချတဲ့ ဖအေတစ်ယောက်အနေနဲ့ သရုပ်ဆောင်ထားတာပါ။ လူကြမ်းဇာတ်ရုပ်ကို လူအများ ရွံစရာဖြစ်အောင်အမြင်ကပ်စရာဖြစ်အောင် သရုပ်ဆောင်တတ်သလိုဒီလို တမူထူးခြားတဲ့ ဇာတ်ရုပ်မှလည်း Prakash ဟာ ဆရာကျနေဆဲဖြစ်ပါတယ်။ ကျွန်တော်တော့ ဒီကားမှာ မင်းသားမင်းသမီးထက်Prakashကို တအားကြိုက်သွားပါတယ်။ " ဇာတ်လမ်းအကျဉ်း " ဆန်ဂျူးဆိုတာက မိဘနှစ်ပါးက အလိုလိုက်ထားလို့ရပ်ကျော်ရွာကျော်လုပ်နေတဲ့ ခပ်ဆိုးဆိုး ခပ်ပေပေ လူငယ်လေးဖြစ်ပါတယ်။ တစ်နေ့တော့ မိဘတွေရဲ့ဆန္ဒအရ အလုပ်လုပ်ဖို့အတွက် ဟိုက်ဒရာဘတ်က Prakash တို့အိမ်မှာ သွားနေရပါတယ်။ Prakashနဲ့ သူ့အမေက ငယ်သူငယ်ချင်းတွေမို့Prakash အိမ်မှာ နေရင်း အလုပ်လုပ်ရင်းပေါ့။ Prakash ရဲ့ဇာတ်ကောင်နာမည်က ဗစ်ရှ်ဝါနာ့သ်တဲ့။ ဗစ်ရှ်ဝါက လူတစ်မျိုးဗျ။ သူ ပေးထားတဲ့ ကတိတစ်ခုကို ဘယ်လိုနည်းနဲ့မဆို ထိန်းသိမ်းတတ်တဲ့ လူမျိုး။ သူ့မှာ ဆန်ဂျူးနဲ့ရွယ်တူ သမီးလေးတစ်ယောက် ရှိသေးတယ်။အာနူးတဲ့။အင်ဂျင်နီယာ ကျောင်းသူလေးပေါ့။ မောင်မင်းကြီးသား ငပွေးဆန်ဂျူးနဲ့ အာနူးတို့က လာလာချင်း ဆောက်နဲ့ထွင်းဆိုသလိုပဲဆန်ဂျူးမြို့ကို တက်လာတဲ့နေ့မှာပဲ ရထားပေါ်မှာ ရန်ဖြစ်လာကြသူတွေ။ ဒီတော့ တစ်အိမ်တည်းမှာသာ အတူနေကြတာ. . . တစ်ယောက်ကိုတစ်ယောက် ကြည့်လို့ရတဲ့သူတွေ မဟုတ်ဘူး။ သို့ပေမယ့် ဆန်ဂျူးက အာနူးကို နေ့စဉ် ဆိုင်ကယ်နဲ့ကျောင်းကို လိုက်ပို့ပေးရတယ်။အနေနီးလာတော့ သံယောဇဉ်ဖြစ်လာရင်းကနေ အမောင် ဆန်ဂျူးရဲ့ မသိစိတ်မှာ အာနူးဆိုတဲ့ အချစ်ကြိုးလေးက လာပြီးငြိတွယ်မိတယ်။ ကိုယ်တိုင်က မသိပေမယ့် အာနူးကို အိမ်ထောင်ချပေးဖို့အတွက်သူ့ဖခင်ကြီး ဗစ်ရှ်ဝါက သူ့မိတ်ဆွေတစ်ယောက်ရဲ့သားနဲ့ လူကြီးချင်း စကားပြောလာပြီးတဲ့ အချိန်ကျမှ...ဆန်ဂျူးဟာအာနူးကို ချစ်မိနေပြီဆိုတာ သိလိုက်ရတယ်။ ဒီကြားထဲမှာ ဗစ်ရှ်ဝါနဲ့ ဆန်ဂျူးတို့က အချင်းချင်း ရင်ဖွင့်ကြရင်း ဆန်ဂျူးဟာ ဗစ်ရှ်ဝါဆီကကတိတစ်ခုတောင်းတယ်။ သူ့သူငယ်ချင်းအဖြစ် တစ်လတိတိ နေပေးပါ့မယ်ဆိုတဲ့ ကတိ။ ဗစ်ရှ်ဝါ့ဆီက ကတိရပြီဆိုမှ ဆန်ဂျူးက သူဟာ အာနူးကို ချစ်မိနေပြီဆိုတဲ့အကြောင်း၊သူ့ကို သူငယ်ချင်းအဖြစ်နဲ့ကူညီပေးရမယ်ဆိုတဲ့အကြောင်း ဗစ်ရှ်ဝါ့ကို ချုပ်ကိုင်တော့တယ်။ စဉ်းစားကြည့်ဗျာ။ လူကြီးချင်းစကားကျွံထားပြီဖြစ်တဲ့ သမီးရဲ့အချစ်ကိုမောင်မင်းကြီးသား ဆန်ဂျူးက လိုချင်သတဲ့။ ကိုယ့်ကတိနဲ့ကိုယ်မို့ ဆန်ဂျူးခိုင်းသမျှ ဗစ်ရှ်ဝါ လိုက်လုပ်ရ၊တစ်ဖက်က သူ့သမီးကို ဆန်ဂျူးနဲ့ မနီးစပ်အောင် တစ်မျိုးတစ်ဖုံ ကြိုးစားရနဲ့ ဗစ်ရှ်ဝါ့အဖြစ်က ဆုပ်လည်း စူး၊စားလည်း ရူးဖြစ်နေရတယ်။ ဒီကားလေးမှာတစ်ကားလုံး လုံး၀ မပျင်းရအောင် ဆန်ဂျူးနဲ့ ဗစ်ရှ်ဝါတို့ရဲ့အားပြိုင်မှုကို ကြည့်ရမှာ ဖြစ်သလို....၊Hello လို ရင်ထဲမှာ တသသဖြစ်ကျန်ရစ်မယ့် အချစ်ကားလေးတွေကိုမှ ကြိုက်နှစ်သက်ပါတယ်ဆိုတဲ့ သူတွေအတွက် အမှတ်တရတစ်ခု အဖြစ် ယူဆောင်လာပေးမယ့် ကားလေးတစ်ကား ဖြစ်ပါကြောင်း...။ (ဇာတ်လမ်းအညွှန်းကိုတော့ ကိုမြင့်သူမှရေးပေးထားတာဖြစ်ပြီး ဘာသာပြန်သူကတော့ MLMC Team မှ ကိုမြင့်သူနဲ့ ညီညီကိုးပါ) File Size :(950 MB) Quality : AMZN WEB-DL 720p Running Time : 2h 20min Format : Mp4 Genre : Comedy, Romance Subtitle : Myanmar Subtitle (Hard Sub) Source : 1080p AMZN WEB-DL H264 DDP5.1-NbT Translated by Myint Thu & Nyi Nyi Koe (MLMC) Encoded by Thanhtike Zaw

Masss (2015) အခုမိတ်ဆက်ပေးချင်တဲ့ ဇာတ်ကားလေးကတော့ Horror ဆိုပေမယ့် အရမ်းကြောက်စရာကောင်းနေတာမျိုးမဟုတ်ပဲ တစ်ကားလုံးကို ဆက်ကြည့်နေချင်အောင်၊ စိတ်၀င်စားစရာကောင်းအောင် ဆွဲခေါ်သွားတဲ့ အက်ရှင်ဇာတ်ကားကောင်းလေးတစ်ကားဖြစ်ပါတယ်။ ဒီဇာတ်ကားမှာ မင်းသား Suriya က နှစ်ကိုယ်ခွဲ သရုပ်ဆောင်ထားပြီးတော့ ဇာတ်ကောင်နှစ်ယောက်လုံးက လူအတူတူပဲလို့ကိုမထင်ရအောင် သရုပ်ဆောင်ပီပြင်လွန်းနေတာပါ။ ဇာတ်လမ်းအကျဉ်းကတော့ ငယ်ကတည်းက မိဘမဲ့ဖြစ်ခဲ့တဲ့ မားစ်ဟာ သူ့သူငယ်ချင်း ဂျက် နဲ့အတူ ကြီးပြင်းလာခဲ့ပြီး ဓားပြတိုက်လုယက်မှုတွေ လုပ်ရင်းနေခဲ့ပါတယ်။ တစ်ရက်မှာ ငွေတွေဓားပြတိုက်ပြီးပြန်လာတုန်း ကားတိုက်မှုတစ်ခုနဲ့ကြုံခဲ့ရပါတယ်။ ဒါပေမယ့် ကံကောင်းထောက်မစွာနဲ့ အသက်မသေခဲ့ပဲ ပြန်သတိရလာတဲ့အခါမှာ သူဟာ သရဲတွေကိုပါ မြင်နိုင်လာခဲ့ပါတယ်။ အစပိုင်းမှာတော့ သရဲတွေနဲ့ပူးပေါင်းပြီး စီးပွားရှာ ကြီးပွားလာခဲ့ပေမယ့် ရှက်တီ ဆိုတဲ့ သရဲပေါ်လာတဲ့အခါမှာ သူ့ဘ၀ အလှည့်အပြောင်း‌ဖြစ်သွားခဲ့ပါတယ်။ မားစ် ဟာ တဖြေးဖြေးနဲ့ သူ့ဘ၀အဖြစ်မှန်တွေကို သိလာရပြီးတဲ့အချိန်မှာ ဘယ်လိုတွေဆက်ပြီး ရှေ့ဆက်သွားမလဲဆိုတာကို စိတ်၀င်တစား ကြည့်ရှူရမှာဖြစ်ပါတယ်။ File size…3.8GB  / 1.8GB Quality…1080p WEBDL / 720p Format…mp4 Duration….2h 31m Subtitle….Myanmar Subtitle (Hard Sub) Encoder….YK Translated by Haruko