Prem ပါဝင်သော ဇာတ်ကားများ

29 (2026) ကြည့်ရတာ ရင်ဖိုလှိုက်မောစေမယ့် ကဗျာဆန်ဆန် တမီလ်အချစ်ရုပ်ရှင်လေးကို တင်ဆက်ပေးပါရစေ ဘဝမှာ သူများတွေတံဆိပ်ကပ်တာပဲခံနေရတဲ့ ဆတ်သ်ယာဆိုတဲ့ ၂၉ နှစ်အရွယ် လူပျိုကြီးတစ်ယောက်။ အသက် ၂၀ ကျော်ပြီး ၃၀ မရောက်ခင် စပ်ကူးမပ်ကူးလို့ပြောလို့ရတဲ့အချိန်ထိ ဆတ်သ်ယာရဲ့ဘဝဟာ ဘာမှ ထူးထူးခြားခြားမရှိဘဲ သာမန်ထဲက သာမန်လိုဖြစ်နေခဲ့တယ်။ ဆတ်သ်ယာကလည်း ဘယ်ခေါင်းစဉ်အောက်မှာမှမနေချင်လို့ အသိုင်းအဝိုင်းထဲက ထွက်လာတဲ့လူ၊ မိဘဆီကနေပါထွက်လာတဲ့သူ။ အဲဒီလို ရည်ရွယ်ချက်ပျောက်နေတဲ့ သူ့ဘဝထဲကို အရာအားလုံးပြောင်းလဲပေးမယ့် ဗီဂျီဆိုတဲ့ကောင်မလေးရောက်လာတဲ့အခါ။ ခင်မင်မှုစည်းပေါက်မှာစိုးလို့ ရှေ့မတိုးရဲတဲ့ဆတ်သ်ယာနဲ့ လူအေးကြီးကို မချင့်မရဲဖြစ်နေတဲ့ ဗီဂျီတို့ရဲ့ ရင်ဖိုစရာအချစ်ဇာတ်လမ်းလေးကို မြင်တွေ့ခံစားကြရမှာပါ...။ File size… 2 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 29m Subtitle….Myanmar Subtitle (Hard Sub)

Diesel 2025 ဒီဇယ် IMDB -6.5/10 ရေနံစိမ်းဟာ နိုင်ငံအတွက် ရတနာဆိုပေမဲ့ ရေနံထုတ်ယူရာဒေသက တံငါသည်တွေအတွက် ရေနံပိုက်လိုင်းကြီးဟာ အိပ်မက်ဆိုးတစ်ခုပေါ့။ တစ်နိုင်ငံလုံးက ဒီရေနံကနေ အကျိုးကျေးဇူးရခဲ့သမျှ ရေနံပိုက်လိုင်းရှိရာနေရာက တံငါရွာလေးတွေကတော့ ဖြစ်လာသမျှအကုန် ရင်စည်းခံရရှာတာပါ။ ဒီလိုနဲ့ ‌ဗာဆူရဲ့အဖေက ဒီတံငါရွာကို ဒုက္ခပေးနေတဲ့ ပိုက်လိုင်းကနေ သုခရှာဖို့ ကြံစည်ပါတော့တယ်။ အဲဒါကတော့ ဒီပိုက်လိုင်းကြီးကနေ ရေနံခိုးဖို့ပါပဲ။ ဒီလိုရေနံခိုးလာခဲ့ပြီး တံငါရွာကလူတွေအတွက် နောက်ကွယ်ကနေ အကျိုးပြုလာခဲ့တာ သားဖြစ်သူ ဗာဆူလက်ထက်အထိပါပဲ။ ဒါပေမဲ့ ဗာဆူအများအကျိုးဆောင်နေတာကို ဖျက်လိုဖျက်ဆီးလုပ်ချင်တဲ့ လောဘသားတွေက မျက်စိကျလာချိန်မှာတော့... File size… 2.4 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 24m Subtitle….Myanmar Subtitle (Hard Sub)

"Akkenam" (2025) "စွန့်စားခရီး" ဒီတစ်ခါမှာတော့ စိတ်လှုပ်ရှားမှုအပြည့်ပေးနိုင်တဲ့ တမီးလ်ဇာတ်ကားကောင်းတစ်ပုဒ်နဲ့မိတ်ဆက်ပေးချင်ပါတယ်။ အင်ဒီရာဆိုတဲ့ကောင်မလေးက ခရီးဆောင်ကားမောင်းသူတစ်ယောက်ဖြစ်ပြီး သူမရဲ့ဘဝဟာ အကျဉ်းသားဟောင်း ပန်ဒီယန်နဲ့ဆက်စပ်နေမယ်ဆိုတာ သူမ မသိခဲ့ပါဘူး။ သူမရဲ့ဘဝ အကျဉ်းသားဟောင်း ပန်နီယန်နဲ့ဆုံတွေ့ပြီးတောက် ရင်ဆိုင်ရမဲ့အန္တရာယ်တွေနဲ့ ပြည့်နှက်နေပါတယ်။ ဒီဇာတ်လမ်းမှာ သူတို့နှစ်ဦးရဲ့ အတိတ်ကလွန်ခဲ့သည့် အမှတ်တရများ၊ လျှို့ဝှက်ချက်များနှင့် ရှုပ်ထွေးမှုများကို ပေါင်းစပ်ဖော်ပြထားတာဖြစ်ပါတယ်။ ဒီဇာတ်လမ်းမှာ သူတို့အချင်းချင်းအချိတ်အဆက်ရှိမှု၊ နည်းပညာကောင်းမွန်မှု၊ လှုပ်ရှားမှုအတွေ့အကြုံတွေကိုသုံးပြီး ဇာတ်လမ်းကိုစိတ်လှုပ်ရှားမှု အပြည့်အဝပေးနိုင်ခဲ့ပါတယ်။ သူတို့နှစ်ယောက်အတူ လျှို့ဝှက်ချက်တွေကိုဖြေရှင်းရင်းနဲ့ အန္တရာယ်တွေကို ဘယ်လိုရင်ဆိုင်မလဲဆိုတာ ဒီဇာတ်လမ်းမှာ စိတ်လှုပ်ရှားဖွယ်စောင့်ကြည့်ပေးပါဦး ( အညွှန်းနဲ့ဘာသာပြန် B Team ဖြစ်ပါတယ်) File size…2.2 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 11m Subtitle….Myanmar Subtitle (Hard Sub) Translated by B Team

Trending (2025)"နာမည်ကြီးနေသည်" အသစ်ထွက်ထားတဲ့ တမီလ်စကားပြော သည်းထိတ်ရင်ဖိုရုပ်ရှင်လေးကို ပရိသတ်တွေအတွက်တင်ဆက်ပေးချင်ပါတယ်။ အာဂျွန်နဲ့မီရာတို့ဟာ ဆိုရှယ်မီဒီယာမှာ တော်တော်လေး နာမည်ကြီးတဲ့ လင်မယားစုံတွဲဖြစ်ပါတယ်။ သူတို့မှာ အာဂျွန်မီရာဆိုတဲ့ ယူကျုချန်နယ်တစ်ခုလည်းရှိပြီး အဲဒီချန်နယ်ကိုလည်း အားပေးတဲ့သူ ၅ သန်းကျော်တောင်ရှိပါတယ်။ ဆန်းသစ်တဲ့ အိုင်ဒီယာတွေ အမြဲထုတ်နိုင်တာကြောင့် ဆယ်စုနှစ်ရဲ့ အကောင်းဆုံးစုံတွဲဆုတောင်ရထားတဲ့ သူတို့နှစ်ယောက်၊ တစ်နေ့မှာ ရုတ်တရက် သူတို့ရဲ့ ယူကျုချန်နယ်ပျက်သွားပြီး ထူးဆန်းတဲ့ဖုန်းခေါ်ဆိုမှုတွေရရှိလာတဲ့အခါမှာတော့...။ အောင်မြင်ပြီးသား လူနှစ်ယောက်ရဲ့ အမြဲတမ်း နာမည်ကြီးနေဖို့ အရူးတွေလိုကြိုးစားကြပုံတွေကို ဒီရုပ်ရှင်ထဲမှာမြင်ကြရမှာပါ...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 1.4 GB / 700 MB Quality…WEB DL 1080p HEVC/ 720p Format…mkv/ mp4 Duration….2h 26m Subtitle….Myanmar Subtitle (Hard Sub) Encoder….YK Translated by CM Bollywood Team

Singappenney (2024)"အာဂအမျိုးသမီးလေးများ" နိုင်ငံတကာအမျိုးသမီးများနေ့မှာ ရုံတင်ပြသခဲ့ပြီး အားပေးချီးကျူးမှုတွေရခဲ့တဲ့ တမီလ်ရုပ်ရှင်ကားကို တင်ဆက်ပေးလိုက်ပါတယ်။ လူတိုင်းမှာ အိပ်မက်ကိုယ်စီရှိကြတယ်။ ကလေးလေးတွေကို သူတို့ရည်မှန်းချက်တွေ မေးကြည့်ကြရင် ဆရာဝန်ကြီးဖြစ်ချင်တယ် အင်ဂျင်နီယာကြီးဖြစ်ချင်တယ် စသဖြင့် လူ့အသိုင်းအဝိုင်းက ဂုဏ်မြင့်ပါတယ်လို့ လက်ခံကြတဲ့အရာတွေကို စိတ်ကူးအိပ်မက်တတ်ကြတယ်။ မိန်းကလေးတစ်ယောက် သူ့ရည်မှန်းချက်ကိုအောင်မြင်ဖို့ဆိုရင်တော့ မိသားစုနဲ့ လူ့အဖွဲ့အစည်းတွေဆီက အခက်အခဲပေါင်း သောင်းခြောက်ထောင်ကို ကျော်ရဖို့ပိုများကြတယ်။ ဒီလိုအခက်အခဲတွေကို ကျော်လွန်ပြီး ရည်မှန်းချက်ထိရောက်တဲ့ အမျိုးသမီးတွေကို "ဆင်ဂါပန်"လို့ခေါ်တယ်။ ဒီရုပ်ရှင်ထဲမှာလည်း အားကစားကိုချစ်မြတ်နိုးတဲ့ အမျိုးသမီးလေးတွေ မိသားစုနဲ့ ပတ်ဝန်းကျင်အသိုင်းအဝိုင်းရဲ့ ဝေဖန်ပြစ်တင်မှု တားဆီးမှုတွေကြားက မိမိတို့အိပ်မက်ဆီကိုတက်လှမ်းဖို့ ကြိုးစားကြတာကို အားတက်ဖွယ် ကြည့်ရှုခံစားကြရမှာပါ။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size…2.48GB / 1.2GB Quality…WEB DL 1080p / 720p Format…mp4 Duration….2h 4m Subtitle….Myanmar Subtitle (Hard Sub) Encoder….YK Translated by  CM Bollywood Team

IMDb 7.6 ဒီစီးရီးကတော့အနည်းငယ်ထူးဆန်းပါတယ် တစ်ပိုင်းချင်းစီမှာ မတူတဲ့ဇာတ်လမ်း၂ခုကို တစ်ပိုင်းစီပြသပေးသွားမှာပါ ကွင်းဆက်လူသတ်မှုအကြောင်းနဲ့နိုင်ငံရေးအကြောင်းကိုတစ်ဝက်စီပြသထားတာဖြစ်လို့ မတူတဲ့ခံစားချက်ရစေမှာပါ ကွင်းဆက်လူသတ်မှု... ဗယ်လာရီမှာ သား၃ယောက်ရှိပါတယ် ရာယာကတော့အကြီးဆုံးပေါ့ ဥပဒေနဲ့မဖြေရှင်းနိုင်တဲ့အမှုတွေဆိုလက်နဲ့ဖြေရှင်းပါတယ် သူတို့ပစ်မှတ်ထားနေတဲ့ လူတွေကိုတစ်ယောက်ချင်းစီလိုက်သတ်နေတာမျိုးပေါ့ တစ်ရွာလုံးကဒီ၃ယောက်ကို ကယ်တင်ရှင်တွေလို့တွေးကြပါတယ် ဒါကြောင့်ဘယ်ရဲမှသူတို့ကိုဖမ်းမမိတာပါ ဘယ်ရွာသားတွေကမှ သတင်းမပေး မကူညီပေးကြလို့ပါ ဒီကွင်းဆက်လူသတ်မှုမှာဆိုရင်တော့ Farziလိုမျိုး လက်တစ်လုံးခြားလွတ်လွတ်သွားတာလေးတွေကို အသည်းတယားယားကြည့်ရှုရမှာပါ နိုင်ငံရေး... ဗီရူဒွန်ဝါဆိုတဲ့မြို့လေးမှာ မိသားစုအစဉ်အဆက် မြို့တော်ဝန်တာဝန်ယူလာတာ နှစ်ပေါင်းကို၄၀ကျော်နေတဲ့မိသားတစ်စုရှိပါတယ် ဒီလောက်အချိန်အကြာကြီးဆိုတော့ စုမိဆောင်းမိတာတွေနဲ့ မိတ်ဆွေသင်္ဂဟတွေကမနည်းမနော ရွေးကောက်ပွဲတိုင်း သူတို့ချည်းမြို့တော်ဝန်ပေါ့ ဒါကိုခရိုင်အတွင်းရေးမှူးနဲ့ လူတစ်စုကမကျေမနပ်ဖြစ်နေပါတယ်.. ဆိုတော့ နိုင်ငံရေးထုံးစံအတိုင်း ကြိုတွေးထားလို့မရတဲ့လှည့်ကွက်တွေနဲ့ နေရာလုကြမဲ့အပိုင်းလေးတွေလည်းရှူစားလိုက်ကြပါဦး Quality : 1080p Total Episodes : 9Eps Format : mp4 Genres : Crime, Drama, War & Politics Duration : 37m Subtitle : Myanmar Subtitle ( Hardsub ) Translated by BpL~Cherry~Yunni~Nyein Encoded by YK

ဂိုဏ်းစတားတစ်စုဟာ ဘဏ်အတွင်းကလူတွေနဲ့ ရဲတွေကို ပူးပေါင်းခိုင်းပြီး ဘဏ်တစ်ခုကို ဓားပြတိုက်ဖို့ စီစဉ်ထားကြပါတယ်။ အစီအစဉ်အတိုင်း ဘဏ်ထဲဝင်စီးပြီး ပိုက်ဆံတွေကို လုယူတော့မယ့်အချိန်မှာ သူတို့ကို ပြန်ခုခံမယ့် လူတစ်ယောက် ပေါ်လာတယ်။ အဲဒီလူက ရဲလည်းမဟုတ်၊ စစ်သားလည်းမဟုတ်ဘဲ သူတို့ပစ်မှတ်ထားတဲ့ ဘဏ်ကိုပဲ ဓားပြတိုက်ဖို့ ရောက်နေသူပါ။ ဓားပြတိုက်မှုတစ်ခုလုံးကို သူက ထိန်းချုပ်လိုက်တဲ့နောက် ဘယ်လိုလှည့်ကွက်တွေ ဆက်ပေါ်လာဦးမလဲ။ တမီလ်မင်းသား Ajith Kumar ပါဝင်သရုပ်ဆောင်ထားတဲ့ အက်ရှင်ဇာတ်ကားပါ။

Master (2021) အညွှန်း IMDb...7.5 အနည်းငယ်နောက်ကျသွားပေမဲ့လို့ စောင့်နေပေးလို့ ကျေးဇူးတင်ပါတယ်.... အများသိဗီဂျေးနဲ့ 96ရဲ့မင်းသားဗီဂျေးစည်သူပသီတို့နှစ်ဦး အားပြိုင်ထားတဲ့ Master ရုံတင်ရုပ်ရှင်ကားကို တင်ဆက်ပေးလိုက်ပါတယ်။ ခဏခဏ မူးနေတတ်တဲ့ ဆရာဂျေဒီဟာ ကျောင်းသားတွေရဲ့ အချစ်တော်ပဲ။ ကျောင်းသားတွေအတွက်ဆို အမြဲဦးဆောင်တတ်သူမို့ တခြားဆရာ၊ဆရာမတွေက အမြင်မကြည်ကြပါဘူး။ ကျောင်းသားတွေအတွက်ဆို အသက်ကိုတောင် စွန့်ဝံ့တဲ့ ဆရာပါ။ ဒါက ဗီဂျေးရဲ့ အကြောင်းပါပဲ။ ဗီဂျေးစည်သူပသီကတော့ လော်ရီကားအသင်းမှာ အာဏာအရှိဆုံး ခေါင်းဆောင်ပါ။ သူဟာ ရာဇဝတ်မှုတွေကို ကျူးလွန်နေပြီး ငွေရှာ နေသူပေါ့။ သူ့အတွက် မှောင်ခိုလောကမှာ ခက်ခဲတာ မရှိသလောက် ရှားတယ်။ တပည့်လက်သား များတယ်။ ဒီလိုနဲ့ သူတို့ နှစ်ယောက်ဟာ တနေ့တော့ ထိပ်တိုက် ဆုံဖို့ ဖြစ်လာခဲ့ပါတယ်။ နယ်ပယ်ချင်းမတူကြပေမဲ့ သူတို့နှစ်ယောက်မှာ တစ်ယောက်က ခြေချမှားသွားခဲ့တယ်။ ကဲ ဘယ်လို ဆက်ဖြစ်ကြမလဲဆိုတာကိုတော့ ပရိသတ်တို့ကိုယ်တိုင် ခံစားကြည့်ပါဦး။ ဇာတ်လမ်းအညွှန်းနဲ့ဘာသာပြန်သူတွေကတော့ Myint Thu ,Thaik San & Nyi Koe တို့ပဲြဖစ်ပါတယ်..... File Size :(3.4GB)(1.4GB) and (561 MB) Quality : WEB-DL1080P5.1CH.HEVC, 720p Format…mp4 Duration…02:59:00 Genre : Crime , Thriller Subtitle : Myanmar Subtitle (Hard Sub) Translated by Myint Thu ,Thaik San & Nyi Koe Encoded by Phyo Pyae

မကြာသေးခင်က မြန်မာပြည်မှာ ရုံတင်သွားခဲ့တဲ့ တမီးလ်(Tamil)ကား အကြည်ထွက်လာလို့ တင်ဆက်ပေးလိုက်ပါတယ်။ မင်းသားကတော့ ချန်နယ်မြန်မာရဲ့ အိန္ဒိယရုပ်ရှင်ချစ်သူတွေ စိမ်းနေနိုင်ပေမဲ့ မင်းသမီးကတော့... Hello 2017 ဇာတ်လမ်းထဲက မင်းသမီးလေးပါ။ ဇာတ်လမ်းအကြောင်း အနည်းငယ် ချပြချင်ပါတယ်။ ကလေးတစ်ယောက်ကို "မင်းကြီးလာရင် ဘာလုပ်မလဲ"လို့ မေးကြည့်တဲ့အခါ တစ်ချို့က ဆရာဝန် ၊ တစ်ချို့က ရဲသား ၊ တစ်ချို့က ၊ စစ်သား စသဖြင့် သူရဲကောင်းဆန်ဆန် ဖြေကြလိမ့်မယ်။ တကယ်တမ်းအဲ့ဒီကလေးတွေ ကျောင်းပြီးသွားတဲ့အခါ ဘာလုပ်မလဲလို့ မေးကြည့်ရင် "အိမ်ကောင်းကောင်း တစ်လုံး လိုချင်တယ်" ၊ "ကားကောင်းကောင်း စီးချင်တယ်" ဆိုတဲ့ အဖြေတွေ ပေးကြလိမ့်မယ်။ ငယ်ဘဝတုန်းက သူရဲကောင်းဆန်ဆန် ပြောခဲ့ကြတဲ့ ကလေးတွေဟာ အရွယ်ရောက်လာတော့မှ ဘာကြောင့် ရည်ရွယ်ချက်တွေ ပြောင်းလဲသွားရတာလဲ....? ဒါဟာ ဒီဇာတ်ကားအဖွင့်မှာ ပါတဲ့ ဒိုင်ယာလော့ဂ်တွေထဲက တစ်ချို့ကို ကောက်နှုတ်ပြလိုက်တာပါ။ အိန္ဒိယနိုင်ငံဟာ ပညာရေးနဲ့ပက်သက်ပြီး ထောက်ပြတဲ့ ဇာတ်ကားတွေကို ဖန်တီးရာမှာ မတူညီတဲ့ ရှုထောင့် ၊ မတူညီတဲ့ အမြင်တွေနဲ့ ပရိတ်သတ်ကို အသိအမြင်တွေ ပေးစွမ်းနိုင်တယ်ဆိုတာ ငြင်းလို့မရပါဘူး။ ပိုစတာနဲ့ ထွေလာအရဆိုရင် ဒီကားကို စူပါဟီးရိုး(လူစွမ်းကောင်း)ဇာတ်ကားလို့ ထင်ချင်စရာပါပဲ။ တကယ်တမ်းတော့ ဒီကားက လက်တွေ့ဘဝတွေထဲမှာ လူစွမ်းကောင်း (သူရဲကောင်း)ဖြစ်အောင် ဘယ်လိုနေထိုင် ရှင်သန်သွားရမလဲဆိုတာကို ပြပေးတဲ့ကားပါ။ ဒါတင်လားဆိုတော့ မဟုတ်ပါဘူး။ ပညာရေးနယ်ပယ်ထဲမှာရှိတဲ့ အနိဌာရုံ ဖြစ်ရပ်ဆိုးတွေ ၊ ပညာရေးကို အသုံးချပြီး စီးပွားရှာနေသူတွေ ၊ တော်လွန်းတဲ့သူတွေ ပါရမီရှိသူတွေကို တက်နင်းပြီး ဖိနှိပ်အမြတ်ထုတ်တာတွေ အများကြီးကို ရိုက်ပြထားတာပါ။ ပညာရေးနယ်ပယ်ကို ကြည့်လိုက်ရင် ကိုယ်ထူကိုယ်ထကျောင်းတွေ များလာသလို ကိုယ်ပိုင် ကျောင်းတွေလည်း များလာတယ်။ ကိုယ်ပိုင်ကျောင်းတွေဟာ ကျောင်းသားလူငယ်တွေကို အမဲဖျက်စားသောက်ပြီး စီးပွားရေးဖက်ကို ဦးတည်လာတယ်။ ဒီလို ပညာရေးအမည်ခံ ကိုယ်ပိုင်ကျောင်း စီးပွားရေးသမားတွေလက်ထဲ အနာဂတ်ကလေးတွေရဲ့ ကိုယ်ပိုင်ကြံဆမှုတွေ ပျောက်ပျက်လာတယ်။ ဒါတွေဟာ အိန္ဒိယနိုင်ငံရဲ့ မျက်မှောက်ခေတ်မှာ ဖြစ်ပျက်နေတဲ့ လုပ်ရပ်ဆိုးတွေဆိုရင် မမှားဘူး။ ဒါကို မီးမောင်းထိုးပြဖို့ လိုအပ်လာတဲ့အခါ...... ဒီကားကြည့်ပြီးတဲ့အခါ အိန္ဒိယကားပရိတ်သတ်တွေအတွက် အတွေးတစ်စ ရစေမယ်ဆိုရင်ပဲ ဘာသာပြန်ရကျိုး နပ်ပါပြီ။ ဘာသာပြန်နှင့် အညွှန်းကို တင်ဆက်ပေးထားကြသူတွေကတော့ Myint Thu နဲ့ Nyi Nyi Koe တို့ ဖြစ်ပါတယ်။ File Size : (1.30 GB ) and (650 MB) Quality : WEB-DL 720p Running Time : 2hr 44min Format : Mp4 Genre : Action, Drama, Thriller Subtitle : Myanmar Subtitle (Hard Sub) Source : TRUE WEB-DL - 1080p - AVC - UNTOUCHED Translated by Nyi Nyi Koe And Myint Thu Encoded by Thanhtike Zaw

အားလုံးလည်း စောင့်မျှော်နေကြပြီ ထင်ပါတယ်ဗျာ။ ဘာသာပြန်အခက်အခဲနည်းနည်းရှိနေလို့ ကြန့်ကြာသွားခဲ့ပါတယ်။ မကြာသေးမီက မြန်မာနိုင်ငံမှာ ရုံတင်သွားတဲ့ Tamil မင်းသား ဗီဂျေးရဲ့ 2018နှစ်ကုန်ပိုင်းမှာ ထွက်လာတဲ့ ကားကောင်းတစ်ကားဖြစ်ပါတယ်။ " အညွှန်း " "မင်္ဂလာပါ ကိုယ့်လူတို့ မစ္စတာ ဆွန်ဒါ ရာမဆွာမီရဲ့ အကြောင်း သိတဲ့သူ ဘယ်နှယောက် ရှိလဲ " "သူက ထိပ်သီကုမ္ပဏီ GL ရဲ့ CEO ပါ" "သူက အမေရိကမှာနေတဲ့ တမေးလ်လူမျိုးပါ" "သူက ဒေါ်လာသန်းပေါင်းများစွာ လစာရသူပါ" "ဒီအပြင် သူဟာ ပြိုင်ဘက်ကုမ္ပဏီတိုင်းကို ဖြိုခွင်းတတ်တယ် သူကို ကုမ္ပဏီတော်တော်များများ ဖိမ့်ဖိမ့်တုန် ကြောက်ကြရတယ်" ခု သူ အိန္ဒိယကို ပြန်လာတာ ဘာအတွက်လဲ? အရင်လို ကုမ္ပဏီတချို့ကို ဖြိုခွင်းခဲ့ဦးမှာလား? "ယုံတောင်မယုံနိုင်ပါဘူးဗျာ သူ အိန္ဒိယကို လေယာဉ်စင်းလုံးငှားပြီး ဘော်ဒီဂတ်တွေနဲ့ ပြန်လာတာ သူပြည်နယ်ရွေးကောက်ပွဲမှာ မဲပေးဖို့ အတွက် သီးသန့်ပဲတဲ့။ သူမဲပေးပြီး ညနေ မိသားစုနဲ့ ထမင်းလက်ဆုံစား၊ ပြီးရင် အမေရိကကို ပြန်မှာပါတဲ့" ဒီလိုနဲ့ အမေရိကမှာနေတဲ့ တမေလ်နာဒူပြည်နယ်ဂုဏ်ဆောင် မစ္စတာ ဆွန်ဒါရာမဆွာမီဟာ မဲရုံဆီ သွားပြီး မဲပေးခဲ့ရမှာတော့ သူ့အမည်နဲ့ မဲက ပေးပြီးသား ဖြစ်နေခဲ့တာပါ။ သူတပါးကြောတာကို မခံချင်တဲ့ ဆွန်ဒါရာမဆွာမီဟာ ငွေကုန်ကြေးကျ ခံပြီး မဲပေးဖို့ အဝေးကြီးက လာခဲ့ရတော့ သူ့မဲပေးခွင့်ကို ပြန်လည်တောင်းခံပါတော့မယ်။ မဲပေးချိန်ကုန်လို့ မဲရုံသိမ်းသွားရင် သူ ဘာမှ မလုပ်နိုင်တော့ဘူးလို့ ထင်နေတဲ့သူတွေကို သူ ပညာပေးဖို့ အကြောင်းဖန်လာခဲ့ပါတယ်။ ဥပဒေရေးရာ ကျွမ်းကျင်ပညာရှင်တွေနဲ့ မဲပေးခွင့် ပြန်လည်တောင်းခံခဲ့ရာမှာတော့ ..... သူနဲ့အတူ မဲပေးခွင့်မရလိုက်တာ ဘယ်သူတွေ ရှိဦးမလဲ၊ မဲပေးခွင့်ကို ဘယ်လိုတောင်းခံမလဲ၊ ရွေးကောက်ပွဲဥပဒေကို ဘယ်လို ကျွမ်းကျင်စွာသုံးမလဲ စတဲ့ စိတ်ဝင်းစားစရာတွေနဲ့အတူ ဒီမိုကရေစီဆိုပြီး ကြွေးကြော်နေတဲ့ ပါတီတွေက ဒီမိုကရေစီကို မှေးမှိန်အောင် လုပ်နေကြတဲ့လူတွေ၊ မဲတစ်ပြားကို အလွဲသုံးစား တန်ဖိုးမထားတတ်တဲ့ အထက်လူကြီးတွေ၊ သူတို့တွေနဲ့ ရင်ဆိုင်ရာမှာတော့...... (ဤ အပိုင်းသည် spoiler ပါနိုင်သည် :3) ဆွန်ဒါ ရာမဆွာမိဟာ ကိုယ့်ပြည်နယ်ကိုယ့်လူမျိုးကို ချစ်တဲ့ ခေတ်လူငယ်တစ်ယောက်ပါ။ သူဟာ ခုလို မဲကိစ္စနဲ့ ပြဿနာရာမှာ နိုင်ငံရေးသမားတချို့ရဲ့ မကောင်းမှု အကြောင်းတွေနဲ့ ပြည်နယ်အတွင်း ဒုက္ခခံ ပြည်သူတွေရဲ့ ဘဝကို မထင်မှတ်ဘဲ သိမြင်လာခဲ့ရပါတယ်။ ဒီအတွက် သူဟာ မကြာခင် အုပ်ချုပ်သူလူတန်းစားတွေရဲ့ ဝါးမြိုခံရတော့မယ့် ပြည်သူတွေကို ကယ်တင်နိုင်ဖို့ ဆုံးဖြတ်ချက် တစ်ခု ချလိုက်ပါတယ်။ သူ့ဆုံးဖြတ်ချက်ကတော့............ အဲ့ဒီအချိန် မဲတွေခိုးပြီး လုပ်စားနေတဲ့ ဝန်ကြီးမာစီလာမာနီမှာ သမီးလေးဟာ နိုင်ငံခြားမှ ရောက်ရှိလာခဲ့ပြီး ဆွန်ဒါရာမဆွာမိကို အလဲထိုးဖို့ ဖခင်ဘက်မှ အားဝင်ဖြည့်ခဲ့ပါတယ်။ ဆွန်ဒါရာမဆွာမိဟာ ..... ဖခင်ရော သမီးနဲ့ပါ ရင်ဆိုင်ဖို့ အကြောင်းဖန်လာခဲ့ပြီး .... လှည့်ကွက်တွေ၊ လုပ်ကြံသတ်ဖြတ်မှုတွေ၊ တစ်ဦးနဲ့တစ်ဦး ခြေလှမ်းသာဖို့ ကြိုးစားနေကြပုံတွေကို စိတ်ဝင်စားဖွယ် ကြည့်ရှုရပါမယ်။ (စာအသေကပ်ကို ကြည့်ထိုးထားခြင်းဖြစ်ပြီး စာအနည်းငယ် ချွင်းချက်ရှိပါက ခွင့်လွှတ်ပေးကြပါရန် ကြိုတင်တောင်းပန်ပါတယ်၊ အတတ်နိုင်ဆုံး အမှန်ဆုံးဖြစ်စေရန် ပြင်ဆင်ထားပါတယ်) ဘာသာပြန် နဲ့ အညွှန်းကတော့ Myint Thu & Nyi Nyi Koe တို့ နှစ်ယောက်ဖြစ်ပါတယ်

အိန္ဒိယအက်ရှင်ရဲဇာတ်ကားပါ အရင်Singam 1 နဲ့ 2 ကိုတော့ CMပရိသတ်တော်တော်များများကြည့်ပြီးကြလောက်ပါပြီ ဒီဇာတ်ကားမှာလည်း အရင်ကားတွေလို အိန္ဒိယရဲတွေရဲ့အကြောင်းကို ပရိသတ်တွေမြင်တွေ့ခံစားရမှာပါ ၃ကားမြောက်ထွက်လာတဲ့ယခုဇာတ်ကားဟာ အရင်ကားတွေထက်လည်းရိုက်ကွက်တွေပိုကောင်းလာတယ် ဒီကားမှာလည်း အရာရှိSingamတစ်ယောက် ဘယ်လိုအခက်အခဲပြဿနာတွေကို ဘယ်လိုရင်ဆိုင်ရမလဲဆိုတာကို ပရိသတ်များရှုစားကြည့်ရင်းသိနိုင်မှာပါ အိန္ဒိယအက်ရှင်ကားကြမ်းကြမ်းတွေကြိုက်တတ်တဲ့ ပရိသတ်တွေကို အထူးကျေနပ်စေမယ့်ဇာတ်ကားတစ်ကားပါ File Size : 0.99 GB Quality : DVD Rip 720P Running Time : 2hr 35minutes Format : Mp4 Genre : Action,Trill Encoder :Thanhtike Zaw

ဇာတ်လမ်းကို မညွှန်းခင် Rating လေးတစ်ချက်ကြည့်လိုက်ပါဦး IMDB 9.0/10 တဲ့ဗျာ ဒီကားကို စကြည့်ဖြစ်တုန်းကတော့ Tollywood ကားဆိုတော့ ထုံးစံအတိုင်း တစ်ချက်ထိုးလိုက်ရင် လေပေါ်ပျံတာတို့ အားအားနေကနေတို့ ဒါတွေပဲ ဖြစ်မှာပါလို့ ထင်ထားမိတာ အမှားကြီးမှားတာပဲ အိန္ဒိယရုပ်ရှင်ကား တစ်ကားလို့တောင် မထင်ရက်ဘူး ဒီကားကို Bollywood က Reboot ပြန်ရိုက်ဖို့အထိ မျှော်လင့်မိတယ်ဗျာ ကောင်းလား မကောင်းလား မညွှန်းတော့ဘူး တန်းသာဒေါင်းလိုက်တော့ ဒေါင်းရကျိုးနပ်စေရမည်ဗျာ့ ဒုစရိုက်ကားဆိုတော့ ကြည့်ဖူးနေကျ ရုပ်ရှင်ကားတွေလို မှောင်ခိုတွေလုပ် ရဲကဖမ်း ရဲကို ပြန်သတ် သူသေ ကိုယ်သေ ဒါမျိုးလာလိမ့်မယ် ထင်ထားတာ ဒါရိုက်တာက အလှည့်အပြောင်းတွေနဲ့ Crime ကားကို Mystery ဆန်ဆန်လေး တင်ပြသွားတယ် ရဲနဲ့ရာဇာဝတ်ကောင်ကြားကို ယှဉ်ပြတဲ့ အခါမှာလည်း ရဲတစ်ယောက်ရဲ့သားဟာ ရဲဖြစ်သလို အဖေရိုးသားသလို သားဖြစ်သူကလည်း ရိုးရိုးသားသားနဲ့ အမှန်တရားရဲ့ ဘက်တော်သားပီပီ ပုံဖေါ်ထားပြီး လူဆိုးလူမိုက်ကိုလည်း ကျွန်တော်တို့ဆီက ၁ရာဖိုးသုံးပုဒ်တွေလို အထိုးခံခါနီး လူဆိုးပေါ်လာ မိုက်ချင်ရင် စွတ်မိုက် ကြမ်းချင်ရင် စွတ်ကြမ်း မျက်နှာကြီးတွေ ရှုံမဲ့ထားပြီး ငါလူဆိုးပါဆိုတာ နဖူးမှာစာရေးထားသလို ဖြစ်နေအောင် လုပ်ထားမယ်လို့ မျှော်လင့်ထားတာ အိန္ဒိယ ဒါရိုက်တာတွေညံ့ချက် လူမိုက်ရဲ့ ငယ်ဘဝတွေ ညီအစ်ကို သံယောဇဉ်တွေနဲ့ လူမိုက်မှာလည်း ဘဝရှိကြောင်းကို အချိန်ကုန်ခံတင်ဆက်ပေးထားသေးတယ် ? နောက်ဆုံး အကြိုက်တွေ့မိတဲ့ စကားလုံးလေးတစ်ခုလည်း ပြောသွားသေးတယ်ဗျ " ဘဝဆိုတာ ငရဲထဲက ဟာသ တစ်ခု မဟုတ်လား " ဇာတ်လမ်းလေး နည်းနည်း ညွှန်းရအောင် Vikram - ရိုးသားပြီး တာဝန်ကျေပွန်တဲ့ ရဲတစ်ယောက် လူဆိုးမှန်သမျှကို အရှင်ဖမ်းဖို့ အခွှင့်ရေးရရင်တောင် အသေတွယ်တဲ့ရဲ ငါလူဆိုးမှန်သမျှကို သတ်ပြီးတိုင်း ဘာကြောင့် အိပ်ပျော်လဲသိလား ငါသတ်လိုက်တဲ့ကောင်တွေဟာ အပြစ်ရှိတဲ့ကောင်တွေ ဖြစ်တဲ့အတွက် ရဲဆိုတာ လူတစ်ယောက်ရဲ့ မျက်လုံးခြေအနေကိုကြည့်ရုံနဲ့ လူဆိုးလား လူကောင်းလား ခွဲခြားတတ်သင့်တယ် လူဆိုးမှန်သမျှကိုခြေရာခံလိုက်ပြီး သေပစ်တဲ့ Vikram ရဲ့ အဓိက ပစ်မှတ်က Vedha - လက်ဆလက်နပြင်းတယ် မိုက်တယ် မလိမ်ဘူး မညာဘူး မလှိမ့်တပတ် မလုပ်ဘူး ဗြောင်ရှင်း ဗြောင်ဗြင်းတဲ့လူစား ကိုယ်တိုင် ရာဇဝတ်ကောင်ဖြစ်ပေမဲ့ ညီဖြစ်သူကို သူ့ပတ်ဝန်းကျင်ကိုတောင် မလာခိုင်းပဲ ပညာသင်ပေးထားတဲ့ လူစား တခြား မှောင်ခိုကောင်တွေက ကလေးတွေကို အသုံးချပြီး ပစ္စည်းတွေ အရောင်းအဝယ်လုပ်တာကို မကြိုက်ဘူး အမြဲတန်း ပြသနာတတ်ရတဲ့ လက်မရွံလူစား (စကားလုံးနဲ့ မပြောဘူး လုပ်ရပ်နဲ့ပြသွားတယ် ? ) အဲ့ဒီလို ဗီဒဟ် ဘယ်ရဲမှ သူ့ကို ဖမ်းဖို့မပြောနဲ့ အနံ့တောင် ခံလို့ မရတဲ့အကောင်က ရဲစခန်းကို ကိုယ်တိုင်လာပြီး အဖမ်းခံလိုက်တယ် ဘာကြောင့်ပါလဲ့ Vikram နောက်ဆုံး စီနင်းမှုမှာ ပစ်သတ်လိုက်တဲ့ အထဲမှာ သူ့ညီပါသွားလို့ပဲ ဒုစရိုက်မှုတွေနဲ့ ဝေးဝေးမှာနေတဲ့ Vedha ရဲ့ညီ ဘာကြောင့် လူမိုက်တွေကြားထဲ အသတ်ခံလိုက်ရတာလဲ ဘာကြောင့် သူရှိတဲ့နေရာကို ရဲတွေသိသွားတာလဲ့ Vikram နဲ့ Vedha တို့ ထိပ်တိုက်တွေ့မှုက ဘာတွေ ဖြစ်လာမလဲဆိုတာကိုတော့ " ကျူးလွန်တဲ့သူကို အပစ်ပေးမလား့ စေခိုင်းတဲ့သူကို အပစ်ပေးမလား " #ဇာတ်ဝင်တေး အကြွကြီးကလည်း အားရစရာပါပဲ (ဇာတ်လမ်းအညွှန်းနဲ.ဘာသာပြန်သူကတော့ ကိုဇော်ထူးပါ) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.57GB / 1.1GB Quality…1080p WEB DL / 720p Format…mp4 Duration….2h 21m Subtitle….Myanmar Subtitle (Hard Sub) Encoder….YK Translated by Zaw Htoo

Unnaipol Oruvan 2009 Imdb 8/10 တောင်းဆိုမှုတွေကြောင့်အဟောင်းထဲက ရွှေကားလေးတင်ဆက်ပေးချင်ပါတယ် နာမည်ကြီးမင်းသားတွေဖြစ်တဲ့ ကာမယ်ဟာဆန်နဲ့ မိုဟန်လယ်တိုလည်းပါဝင်ထားတဲ့ကားကောင်းတစ်ကားပဲဖြစ်ပါတယ် ဇာတ်လမ်းအစမှာတော့ ကမ်းခြေတစ်ခုမှ လူတစ်ယောက်ရပ်နေပါတယ် သူ့ဘေးမှာလည်း သူ့အဖော်ခွေးလေးတစ်ကောင်နဲ့ပေါ့ ဒီလူရဲ့အတိတ်ကတော့ သူမကျူးလွန်ထားတဲ့မှုခင်းတစ်ခုကို အပြစ်ပေးခံခဲ့ရပါတယ်တဲ့ ဘယ်ကိစ္စတွေကိုများပတ်သက်မိလို ဒီလိုဖြစ်လာတာဖြစ်မလဲ သူကတော့တခြားမဟုတ် တရားနည်းလမ်းတကျ သမာသမတ်ကျကျနဲ့ ဖြေရှင်းတတ်တဲ့ ရဲတစ်ယောက်ပါပဲ အတိတ်ကိုပြန်သွားကြည့်မယ်ဆိုရင် မွမ်ဘိုင်းမြိုအတွင်း ဗုံးပေါက်မှုဖြစ်ခဲ့တယ် ပါကစ္စတန်တွေပတ်သက်နေတဲ့ကိစ္စလို သံသယရှိပေမဲ့ သက်သေကမရှိဘူးပေါ့ မင်းသားအကြောင်းထပ်ပြောရမယ်ဆိုရင် ရဲမင်းကြီးရဲ့လက်ရုံးတော် ရဲတပ်ဖွဲရဲ့အတော်ဆုံးလူတစ်ယောက် သူ့ရှေ့မှာ လာဘ်စားတဲ့ရဲတွေမြင်ရင်တောင် ပိုက်ဆံကိုပြန်ပေးခိုင်းတဲ့အပြင် လာဘ်စားတဲ့ရဲအိတ်ထဲကပိုက်ဆံပါ ထုတ်ပေးအောင်လုပ်တဲ့လူတစ်ယောက်ပေါ့ တစ်နေ့.. ရထားဗုံးပေါက်ကွဲမှုကြောင့် အပြစ်မဲ့ပြည်သူတွေ အများအပြားသေဆုံးကြရတယ် ဒါက အကြမ်းဖက်သမားတွေရဲ့လက်စားချေမှုကြောင့်လိုယူဆပြီး အမှုကိုကိုင်တွယ်ဖို သူ့ကိုတာဝန်ပေးခဲ့လိုက်ပါတယ် ဒီတာဝန်ကို သူအောင်မြင်သွားမလား ကျရှုးသွားမလားဆိုတာကို စိတ်ဝင်တစားကြည့်ရှုရမှာပဲဖြစ်ပါတယ် ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် ) File size…2.5 GB / 960 MB Quality…WEB DL 1080p HEVC / 720p Format…mkv/mp4 Duration….1h 42m Subtitle….Myanmar Subtitle (Hard Sub) Encoder….YK Translated by CM Bollywood Team