Rainer Bock ပါဝင်သော ဇာတ်ကားများ

Silent Friend (Aka) Stille Freundin (2026) IMDb Rating (7.4) / Rotten Tomatoes (95%) ဒီကားလေးက On Body and Soul ဆိုတဲ့ နာမည်ကြီးကားကို ရိုက်ခဲ့တဲ့ ဟန်ဂေရီ ဒါရိုက်တာ Ildikó Enyedi ရဲ့ ၂၀၂၅ ထွက် အသစ်စက်စက် ကားကောင်းလေးတစ်ကားပါ။ သရုပ်ဆောင်တွေအနေနဲ့ဆိုရင်လည်း ဟောင်ကောင်မင်းသားကြီး တိုနီလန်း (Tony Leung Chiu-wai)၊ ပြင်သစ်မင်းသမီး Léa Seydoux နဲ့ Luna Wedler တို့လို နာမည်ကြီးတွေ ပါဝင်ထားကြပါတယ်။ ၂၀၂၅ ဗင်းနစ် ရုပ်ရှင်ပွဲတော် (Venice Film Festival) မှာလည်း ဆုတွေရထားတဲ့ ကားဆိုတော့ Art house ကားကြိုက်တဲ့သူတွေအတွက် လက်လွတ်မခံသင့်တဲ့ ကားမျိုးပါပဲ။ ဇာတ်လမ်းအကျဉ်း ဇာတ်လမ်းက ဂျာမနီက တက္ကသိုလ်တစ်ခုရဲ့ ရုက္ခဗေဒဥယျာဉ်ထဲမှာရှိတဲ့ သက်တမ်းရင့် ဂျင်ဂို (Ginkgo) သစ်ပင်ကြီးတစ်ပင်ကို အဓိကထားပြီး ခေတ်သုံးခေတ်က ဇာတ်လမ်းသုံးပုဒ်ကို ဆက်စပ်ပြသွားတာပါ။ ၁၉၀၈ ခုနှစ်: တက္ကသိုလ်ရဲ့ ပထမဆုံး အမျိုးသမီး ဇီဝဗေဒကျောင်းသူလေး Grete က ဓာတ်ပုံရိုက်ရင်းနဲ့ အပင်တွေဆီကနေ သဘာဝတရားရဲ့ လျှို့ဝှက်ချက်တွေကို ရှာဖွေတွေ့ရှိသွားတဲ့အကြောင်း ၁၉၇၂ ခုနှစ်: ကျောင်းသားတစ်ယောက်ဖြစ်တဲ့ Hannes က ဂျာရေနီယံ (Geranium) ပန်းပင်လေးတစ်ပင်နဲ့ ထူးထူးဆန်းဆန်း သံယောဇဉ်ဖြစ်သွားတဲ့အကြောင်း ၂၀၂၀ ခုနှစ်: ကိုဗစ်ကာလမှာ တက္ကသိုလ်ထဲမှာ ပိတ်မိနေတဲ့ ဟောင်ကောင်က အာရုံကြောပါရဂူ (Tony Leung) က သစ်ပင်ကြီးဆီကနေ လျှပ်စစ်သံလိုက်လှိုင်းတွေ၊ အချက်ပြမှုတွေကို လေ့လာရင်း ပြင်သစ် ဇီဝဗေဒပညာရှင် (Léa Seydoux) နဲ့ အွန်လိုင်းကနေ ချိတ်ဆက်ပြီး သဘာဝတရားကို နားလည်ဖို့ ကြိုးစားတဲ့အကြောင်း စတာတွေကို သိမ်သိမ်မွေ့မွေ့လေး ရိုက်ပြထားတာပါ။ ဒီကားက လူသားတွေနဲ့ သဘာဝတရား (အထူးသဖြင့် အပင်တွေ) ကြားက ဆက်နွယ်မှုကို တော်တော်လေး အတွေးအခေါ်ပါပါ၊ နက်နက်ရှိုင်းရှိုင်း ရိုက်ပြထားတယ်။ "အပင်တွေမှာရော ခံစားချက်ရှိလား" ဆိုတဲ့ မေးခွန်းကို ဆန်းဆန်းပြားပြားလေး ချဉ်းကပ်ထားတာပါ။ မင်းသားကြီး တိုနီလန်းရဲ့ အေးအေးဆေးဆေးနဲ့ မျက်နှာအမူအရာလေးတွေကနေတစ်ဆင့် ပေးသွားတဲ့ သရုပ်ဆောင်ချက်တွေက တကယ့်ကို အသက်ပါပဲ။ စကားသိပ်မပြောဘဲ တိတ်ဆိတ်မှုနဲ့အတူ ခံစားချက်တွေကို ပို့လွှတ်နိုင်တဲ့ သူ့ရဲ့ သရုပ်ဆောင်စွမ်းရည်ကို အပြည့်အဝ မြင်ရမှာပါ။ ရိုက်ချက်တွေက အေးချမ်းပြီး အရမ်းကဗျာဆန်တယ်။ သဘာဝရဲ့ လှပမှုနဲ့ လူ့စိတ်ရဲ့ နက်နဲမှုကို သေသေချာချာလေး ပေါင်းစပ်ပေးထားတယ်။ Action တွေ၊ အချစ်ရိုမန်တစ်ကားတွေထက် စိတ်တည်တည်ငြိမ်ငြိမ်နဲ့ သဘာဝတရား၊ လူ့ဘဝရဲ့ အဓိပ္ပာယ်တွေကို တွေးဆခံစားချင်တဲ့သူတွေ၊ အေးအေးဆေးဆေးနဲ့ အနုပညာရသမြောက်တဲ့ ကားတွေ ကြိုက်တဲ့သူတွေ သေချာပေါက် ကြည့်သင့်တဲ့ ကားလေးပါပဲ။ File size… (3.1 GB) / (1.5 GB) Quality…. Blu-Ray 1080p HEVC / 720p Format…. mkv/mp4 Genre…. Biography, Drama, History Duration…. 02:27:00 Subtitle…. Myanmar Subtitle (Hardsub)

Zweigstelle (2025) IMDb Rating (6.0) သေဆုံးပြီးနောက်ပိုင်း နောက်ဘဝ (Afterlife) ကို ထူးထူးခြားခြားနဲ့ ခနဲ့တဲ့တဲ့ ပုံဖော်ထားတဲ့ ဂျာမန် Fantasy / Comedy / Drama ကားကောင်းတစ်ကား ဖြစ်ပါတယ်။ "သေပြီးရင် ဘာဖြစ်မလဲ" ဆိုတဲ့ မေးခွန်းကို ဘာသာရေးအယူအဆတွေအတိုင်း မဟုတ်ဘဲ ခေတ်သစ်ရုံးလုပ်ငန်းခွင် ပုံစံမျိုးနဲ့ ဆန်းဆန်းပြားပြား သရော်ထားတာပါ။ ဇာတ်လမ်းကတော့ Resi နဲ့ သူမရဲ့ သူငယ်ချင်း ၃ ယောက်တို့အကြောင်းပါ။ သူတို့တစ်စုဟာ အယ်လ်ပ် တောင်တန်းဆီကို ခရီးထွက်လာရင်း လမ်းမှာ ပြင်းထန်တဲ့ ကားမတော်တဆမှုတစ်ခု ကြုံတွေ့ခဲ့ရပါတယ်။ သူတို့ ပြန်နိုးလာတဲ့အချိန်မှာတော့... ကောင်းကင်ဘုံနဲ့ငရဲပြည်ကို ရောက်သွားတာမဟုတ်ဘဲ "Bavarian Afterlife Agency" (ဘာဗေးရီးယား သေလွန်သူများဆိုင်ရာ အေဂျင်စီရုံးခွဲ) ဆိုတဲ့ နေရာတစ်ခုကို ရောက်နေတာကို တွေ့လိုက်ရပါတယ်။ အဲဒီရုံးက အရာရှိတွေက သူတို့ကို "မင်းတို့ သေသွားပြီ" လို့ ပြောပြီး ကောင်းကင်ဘုံသွားမလား၊ ငရဲသွားမလား၊ ဒါမှမဟုတ် လူပြန်ဝင်စားမလား ဆိုတာတွေကို ရုံးလုပ်ငန်းခွင်တစ်ခုလိုမျိုး စာရွက်စာတမ်းတွေနဲ့ လာရှင်းပြကြပါတယ်။ ဒါပေမဲ့ ဒီသူငယ်ချင်းတစ်စုကတော့ ဒါတွေကို လုံးဝမယုံကြည်ဘဲ ငြင်းဆန်ပြီး အဲဒီနေရာကနေ ရုန်းထွက်ဖို့ ကြိုးစားတဲ့အခါမှာတော့ အလွဲအချော်တွေ ဘာဆက်ဖြစ်မလဲဆိုတာ ရိုက်ပြထားတဲ့ စိတ်ဝင်စားစရာ ဇာတ်လမ်းတစ်ပုဒ်ပါ။ File size… (940 MB) / (570 MB) Quality…. WEB-DL 1080p HEVC / 720p Format…. mkv/mp4 Genre…. Comedy Duration…. 01:39:05 Subtitle…. Myanmar Subtitle (Hardsub)

The Calendar Killer (2025) IMDb Rating (5.5) ဂျာမန်စကားပြော သည်းထိပ်ရင်ဖိုရုပ်ရှင်လေးကို တင်ဆက်ပေးလိုက်ပါတယ်။ နာမည်ကြီး ပြက္ခဒိန်လူသတ်သမားဟာ ကလာရာကို ပြန်ပေးဆွဲသွားပြီး ကလာရာ သတိပြန်ရလာတော့ နံရံပေါ်မှာ "၁၂ လပိုင်း ၆ ရက်နေ့ - သူ(သို့မဟုတ်) မင်း - နှစ်ယောက်ထဲက တစ်ယောက်သေရမယ်" လို့ သွေးနဲ့ရေးထားတာကို တွေ့လိုက်ရတယ်။ ကလာရာဆိုတာ နိုင်ငံရေးသမားတစ်ဦးရဲ့ ဇနီးသည်ဖြစ်ပြီး ရှေ့နေအလုပ်ထွက်ကာ အိမ်ထောင်ရှင်မအဖြစ် ယောကျာ်းစိတ်တိုင်းကျနေရတဲ့အပြင် ဇနီးသည်ကို အရာဝတ္ထုလိုစိတ်တိုင်းကျခိုင်းစေပြီး အနိုင်ကျင့်တတ်တဲ့ သူ့ယောကျာ်းကတော့ စောနက ပြက္ခဒိန်လူသတ်သမား ခြိမ်းခြောက်ထားတဲ့ "သူ" ပါပဲ။ ဒီဇင်ဘာ ၆ ရက်နေ့မှာ ကူကယ်ရာမဲ့ထွက်ပြေးလာတဲ့ ကလာရာကို "ကူညီပါရစေ" ဖုန်းလိုင်းမှ ဂျူးလ်ဆိုတဲ့လူကကယ်တင်ပေးနိုင်မှာလား ဆိုတာကတော့.. (အညွှန်းနဲ့ဘာသာပြန်ကတော့ Sike Tan ဖြစ်ပါတယ်။) File size…(4.4 GB) / (1.2 GB) / (600 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Crime, Thriller Duration….01:34:28 Subtitle….Myanmar Subtitle (Hardsub) Encoder….Benjamin Translated by Sike Tan

ဒီဇာတ်လမ်းလေးကတော့ 2023က ထွက်ထားတဲ့ ဂျာမန်စကားပြောနဲ့ ဂျာမန်ဟာသ ဒရမ်မာရုပ်ရှင်လေးဖြစ်ပါတယ်။ ပွဲစီစဉ်သူနဲ့ သူ့ရဲ့အဖွဲ့တို့ မင်္ဂလာဆောင်တစ်ခုကို တာဝန်ယူ ကျင်းပကြရင်း ဟာသအလွဲတွေနဲ့ ရယ်ရင်းမောရင်း ဒရမ်မာလေးတွေကိုပါ ကြည့်ရမှာဖြစ်ပါတယ် မင်္ဂလာပွဲဆိုတာ စုံတွဲတွေအတွက် အလှပဆုံးနေ့ထဲက တစ်ခုပါပဲ ဒါပေမယ့်လဲ မင်္ဂလာပွဲကို စီစဉ်တဲ့အခါမှာတော့ ဆန္ဒတွေက ဘတ်ဂျက်ထက် ပိုကြီးနေတတ်ပါတယ်။ မင်္ဂလာပွဲစီစဉ်သူ Dieter (Christoph Maria Herbst) ကလည်း ဖောက်သည်တွေရဲ့ နားမလည်မှုတွေ ငြင်းခုန်မှုတွေကြောင့် တော်တော်ငြီးငွေ့နေပြီး သူ့အလုပ်တွေကို စွန့်ခွါချင်လာပါတယ်။ ဒါပေမယ့် သူ့အနေနဲ့ လုပ်ရမယ့် နောက်ဆုံးတာဝန်ကတော့ Leonie (Mira Benser) နဲ့ Lasse (Ulrich Brandhoff) တို့ရဲ့ မင်္ဂလာပွဲပဲဖြစ်ပါတယ်။ Dieter က အမြဲတမ်းလိုလို မင်္ဂလာပွဲတွေကို အသေးစိတ် စီစဉ်တတ်သူပါ။ ဒီတစ်ခါလည်း မင်္ဂလာဆောင်အတွက် အရာအားလုံး ပြည့်စုံအောင် ပြင်ဆင်ထားပေမဲ့လဲ ဧည့်သည်တွေဝမ်းသာမျက်ရည်တွေကျပြီး ရှန်ပိန်တွေသောက်အောင်ပွဲမခံခင်မှာတင် ရုန်းရင်းဆန်ခက်နဲ့ အလွဲတွေဖြစ်လာပါတော့တယ်။ မင်္ဂလာဆောင်အတွက် သီချင်းဆိုပေးမည့် အဆိုတော် Steve (Marc Hosemann) က Dieter ရဲ့ လက်ထောက် Jella (Cynthia Micas) ကို သဘောကျသွားပြီး ဓာတ်ပုံဆရာ Marcel (Jörg Schüttauf) ကတော့ သူ့အလုပ်ထက် ဘူဖေးစားဖို့ကိုပဲ ပိုစိတ်ဝင်စားနေပါတယ်။ အဲ့ဒါအပြင် ယာယီစာပွဲထိုးဝင်လုပ်နေတဲ့ Florian ကလဲ သတိုးသမီးနဲ့ လုပ်ဖော်ကိုင်ဖက်ဟောင်းတွေဖြစ်ပြီး သတိုးသမီးကို ကြိုက်နေခဲ့တယ်။Dieter ကတော့ မင်္ဂလာပွဲမှာ ပြသနာမဖြစ်စေဖို့ အစွမ်းကုန် ကြိုးစားနေသလို သူ့အဖွဲ့ကတော့ အတင်းအကြပ် တွန်းအားပေးပြီး မင်္ဂလာပွဲကို တကယ်တမ်း ကမောက်ကမဖြစ်အောင် လုပ်မိသွားကြတဲ့အခါမှာတော့ ဘာတွေဆက်ဖြစ်မလဲဆိုတာကို ဟာသတွေ အလွဲတွေနဲ့ ဆက်လက်ကြည့်ရှုပေးကြပါဦးဗျာ... File size…(1.6 GB)/(892 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy  Subtitle….Myanmar Subtitle (Hardsub) Encoder….Swan Min Htet Translated by Kaung Myat Htoo

Freud (2020) A Complete Netflix's Series ဗမာစာဖတ်ပရိသတ်တွေတော့ ဆစ်ဂမန်ဖရွိုက်ကို အနည်းတော့အများ ရင်းနီးကြမှာပဲ။ ဒီက နာမည်ကြီး ဘတ်ဆဲလ်လား စာရေးဆရာတွေရော၊ အက်ဆေးရေးတဲ့လူတွေရော၊ သုတဆောင်းပါးတွေ ရေးတဲ့လူတွေရော ဆစ်ဂမန်ဖရွိုက်ကို ကိုးကားပြီး သူ့စကားတွေ လှိုင်လှိုင်သုံးခဲ့ကြဖူးပါတယ်။ ဇော်ဇော်အောင်တို့ တာရာမင်းဝေတို့ မင်းခိုက်စိုးစန်တို့လည်း သုံးခဲ့ကြတယ်။ ဆန်းတော့လည်း မဆန်းပါဘူး။ ဖရွိုက်ဟာ စိတ်ပညာလောကရဲ့ နာမည်ကျော်စိတ်ပညာရှင်ပဲကိုး။ ဒီကားကတော့ ဖရွိုက်ငယ်စဉ် မအောင်မြင်သေးခင်က အချိန်မှာ ဇာတ်အိမ်တည်ပြီး သမိုင်းဒရာမာအဖြစ်ရိုက်ထားတာပါ။ သမိုင်းဒရာမာဆိုတာ သမိုင်းတိကျမှု အင်မတန်နည်းတဲ့ အရာမို့ သုတအနေနဲ့တော့ ကြည့်လို့ပြေမှာမဟုတ်ပါဘူး။ ဇာတ်ကိုကလည်း စိတ်ပညာဇာတ်ထက် မှုခင်းဇာတ်ကြီးဖြစ်နေပါတယ်။ စိတ်ညှို့ပညာခေတ်မစားခင်အချိန်မှာ စိတ်ရဲ့စွမ်းအားကို စိတ်ပညာရှင်တွေကိုယ်တိုင် သေချာနားမလည်သေးခင်မှာ ဖရွိုက်ဟာ မသိစိတ်နဲ့ အိပ်မွေ့ချစိတ်ညှို့ပညာအကြောင်း စိတ်ဝင်စားခဲ့ပါတယ်။ အားလုံးရဲ့ ငကြောင်လို့ သမုတ်ခံခဲ့ရတယ်။ ဒီလိုနဲ့ ဟန်ဂေရီမင်းမျိုးပျက်တွေဟာ အိပ်မွေ့ချစိတ်ညှို့ပညာကို အသုံးချပြီး ဖရွိုက်တို့ တိုင်းပြည်ကို လက်သည်မပေါ်ဘဲ ကစဉ့်ကလျားဖြစ်ပြီး ပျက်စီးအောင်လုပ်နေတဲ့အချိန် ဒါကိုသတိထားမိတဲ့လူက ဖရွိုက်တစ်ယောက်တည်းရှိပါတယ်။ ဖရွိုက်ရယ် မဟုတ်မခံ ရဲတပ်သားတစ်ယောက်ရယ် နတ်ဆရာမတစ်ယောက်ရယ်ပေါင်းပြီး စိတ်ပညာချင်း လက်ရုံးရည်ချင်း ဉာဏ်ချင်း ပရိယာယ်ချင်းပြိုင်ပြီး တိုင်းပြည်ကို ဖျက်မယ့်လူတွေနဲ့ ကယ်မယ့်လူတွေ အပြိုင်ဖြဲကြတဲ့ စီးရီးပါပဲ။ (ဒီစီးရီးကို အညွှန်းရေးသား ဘာသာပြန်ပေးသူကတော့ W ပဲဖြစ်ပါတယ်) Size ~ 650MB+ Total - 8 Episodes Quality – 1080p Duration ~ 55min (@Episode) Subtitle – Myanmar Hardsub Format – Mp4 Genre : Crime, Thriller Source : NF.Web-dl.1080p Translator – W Encoder – Y

Never Look Away (2018) IMDb Rating (7.7) / Rotten Tomatoes (77%) အနုပညာဆိုတာ ဘာလဲ။ အနုပညာရှင်ဆိုတာ ဘာပါလဲ။ နတ်ကြီးတဲ့မေးခွန်းတွေဖြစ်လို့ ကိုယ်တိုင်မဖြေရဲလို့ သူများ ပြောထားတာတွေပဲ ကိုးကားပါရစေ။ ဂျာမန်လူမျိုး ပန်းပုဆရာ Wilhelm Lehmbruck ကတော့ အနုပညာပစ္စည်းတစ်ခုဆိုတာ လူသားတွေ စဖြစ်တည်တုန်းက ကမ္ဘာကြီးကိုမြင်ရသလို အသစ်အဆန်းဖြစ်နေရမယ် တဲ့။ အဲဒီစကားကို သူ့ဘာသာရှိနေတုန်းကတော့မထူးခြားပေမဲ့ အနုပညာနဲ့ပေါင်းပြီး ခံစားတတ်တဲ့နှလုံးသားနဲ့ ကြည့်လိုက်တဲ့အချိန်မှာ တန်ဖိုးတစ်ခုရှိလာပြီး၊ ထူးခြားတဲ့ လှပမှုပါရှိနေတဲ့ အရာတစ်ခုဖြစ်လာပါတယ် လို့ ဒီဇာတ်လမ်းရဲ့ အဓိကဇာတ်ကောင်ဖြစ်တဲ့ ကာ့တ် က ခံယူထားပါတယ်။ အနုပညာရှင်ဆိုတာကရော ဒီဇာတ်ကားထဲကပဲ မှီငြမ်းပါမယ်။ အနုပညာရှင်ဆိုတာ တခြားအရာအားလုံးနဲ့ အနုပညာဆိုရင် အနုပညာကိုရွေးကြတဲ့သူတွေပါတဲ့။ လူတိုင်းအနုပညာရှင်ဖြစ်နိုင်ပါတယ်။ အနုပညာကိုပဲရွေးဖို့လိုတာပါ။ ပန်းချီ၊ ပန်းပု၊ ဂီတ ဘယ်အနုပညာကိုမဆို ဘာအနှောင်အဖွဲ့မှမရှိဘဲ လွတ်လွတ်လပ်လပ် အနုပညာကို ဖန်တီးကြတဲ့ သူတွေ နောက်တစ်မျိုးပြောရရင် အနုပညာကိုဖန်တီးရင်း ကမ္ဘာကြီးကနေလွတ်မြောက်နေကြသူတွေ လို့ပြောလို့ရတာပေါ့။ ကိုယ့်ကိုကိုယ် လွတ်မြောက်အောင် ကြိုးစားရင်းနဲ့ လောကကြီးကိုပါ လွတ်လပ်ခွင့်ပေးသူတွေပါ။ အနုပညာရှင်ဆိုတာ လွတ်မြောက်မှုကိုပြပေးသူတွေ။ ရိုးသားသူတွေ၊ လမ်းရိုးကဖောက်ထွက်သူတွေ။ လွတ်လပ်သူတွေပါပဲ။ Never Look Away ဆိုတဲ့ ဒီဇာတ်ကားလေးက ၂၀၁၈ ကထွက်ခဲ့တာဖြစ်ပြီး ဒုတိယ ကမ္ဘာစစ်ကို ဖြတ်သန်းလာရတဲ့ ပါရမီရှင် ဂျာမန်အနုပညာရှင်တစ်ယောက်ရဲ့ အကြောင်းကိုရိုက်ကူးထားတဲ့ စိတ်ကူးယဉ်ဇာတ်လမ်းလေးပါ။ ဒီဇာတ်လမ်းလေးမှာ အနုပညာအကြောင်းတွေ အများကြီးပါသလို ရိုးရိုး Romance ဇာတ်လမ်းလေးလို သဘောထားကြည့်ရင်လည်း တော်တော်ကောင်းတဲ့ ဇာတ်ကားပါလို့ပြောပါရစေ။ IMDB Rating ကတော့ 7.7/10 ဖြစ်ပြီး Rotten Tomato ကတော့ 77% ရရှိထားပါတယ်။  (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (2.4 GB) / (1.4 GB) Quality…. Blu-Ray 1080p HEVC / 720p Format…. mkv/mp4 Genre…. Drama,History,Romance Duration…. 03:10:16 Subtitle…. Myanmar Subtitle (Hardsub)

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်.....DCEU ရုပ်ရှင်အားလုံးကို ဒီမှာ https://channelmyanmar.org/category/special-package/dceu/  ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ - Man of Steel (2013) - Batman vs Superman: Dawn of Justice (2016) - Suicide Squad (2016) - Wonder Woman (2017) - Justice League (2017) (Theatrical Cut) - Aquaman (2018) - Shazam! (2019) - Birds of Prey (and the Fantabulous Emancipation of One Harley Quinn) (2020) - Wonder Woman 1984 (2020) - Zack Snyder's Justice League (2021) - The Suicide Squad (2021) - Black Adam (2022) - Shazam!: Fury of the Gods (2023) - The Flash (2023) - Blue Beetle (2023) - Aquaman and the Lost Kingdom (2023) +++++++++++++++++++++++++++++ Wonder Woman (2017) IMDb Rating (7.3) / Rotten Tomatoes (93%) DCEU ရဲ့ လေးကားမြောက် ရုပ်ရှင် ဖြစ်တဲ့ Wonder Woman ရုပ်ရှင်ပါ။ Box Office မှာ နံပါတ်တစ်ချိတ်ခဲ့ပြီး ဝေဖန်ရေးဆရာတွေရဲ့ ချီးကျူးမှုတွေနဲ့ ပရိသတ်တွေ အားပေးမှုအပြည့်ရထားပါတယ်။ သူ့ကိုတော့ Batman vs Superman မှာ မြင်ဖူးခဲ့ပြီးသားဖြစ်မှာပါ။ ဒီရုပ်ရှင်ထဲမှာတော့ ဒိုင်ယာနာ ရဲ့ ငယ်ဘဝနဲ့ လူ့လောကထဲကို ပထမဆုံးခြေချချိန် စွန့်စားခန်းတွေကို တွေ့ရပါလိမ့်မယ်။ ဇာတ်လမ်းအကျဉ်းမှာတော့ ဒိုင်ယာနာဟာ လူတွေသာမာန်မျက်စိနဲ့ မမြင်နိုင်တဲ့ ကျွန်းတစ်ကျွန်းမှာ နတ်ဘုရားတွေဖန်ဆင်းထားတဲ့ အမေဇုံလို့ခေါ်တဲ့ စစ်သည်တော်တွေလက်ထဲမှာ မွေးဖွားကြီးပြင်းလာသူပါ။ ဒိုင်ယာနာဟာ ဘုရင်မ ဟစ်ပိုလီတာရဲ့ သမီးတော်လည်း ဖြစ်ပါတယ်။ အဲဒီကျွန်းမှာ ယောကျာ်းတစ်ယောက်မှ မရှိပါဘူး။ တစ်နေ့မှာတော့ပထမကမ္ဘာစစ်ထဲက လေယာဉ်မှုးတစ်ယောက် လေယာဉ်ပျက်ကျပြီး ပင်လယ်ထဲ ပြုတ်ကျလာတာကို ကယ်တင်မိပြီး ကမ္ဘာစစ်ကြီးအကြောင်းကို ပထမဆုံးကြားသိသွားပါတော့တယ်။ အမေဇုံတွေဟာ ကမ္ဘာကြီးကို စစ်နတ်ဘုရားလက်က ကယ်တင်ဖို့လို့ ယုံကြည်ထားတဲ့ ဒိုင်ယာနာဟာ လေယာဉ်မှုး ဗိုလ်ကြီး စတိ ထရီဗာနဲ့အတူ လူတွေရဲ့ လောကကြီးထဲကို ခြေချပြီး စစ်ပွဲကြီးတစ်ခုလုံးကို သူယုံကြည်သလို ရပ်တန့်ဖို့ကြိုးစားပါတော့တယ်။ File size…(12 GB)/(2.9 GB) / (1.5 GB) Quality….BluRay 4K HEVC/1080p HEVC / 720p Format…mkv/mp4 Duration….02:21:16 Subtitle….Myanmar Subtitle (Hardsub) Encoder….Ka Naung Translated by Littleneo

ဒီဇာတ်ကားကတော့ IMDb rating 6.9/10 ရရှိထားပြီး Rotten Tomato မှာ 88% ရရှိထားတော့ Roger Ebert မှာတော့ 2.5/4 ဆိုတော့ ကြည့်ရှုသင့်တဲ့ဇာတ်ကားအမျိုးအစားထဲမှာပါဝင်ပြီး ဇာတ်လမ်း အမျိုးအစားကတော့ Action ဖြစ်တာကြောင့် Action ကားကြိုက်တဲ့ ပရိတ်သတ်တွေကိုတော့ အကြိုက်တွေ့စေမှာပါ။ပြီးတော့ ဒီဇာတ်ကားက ၉/၁၁ အကြမ်းဖက်မှုအပြီးရိုက်ကူးထားတဲ့ဇာတ်ကားဖြစ်ပါတယ်။ ဒီဇာတ်ကားထဲမှာ ဂျာမန်လျှို့ဝှက်ထောက်လှမ်းရေးမှူးကြီး ဂန်သာ အဖြစ် မင်းသားကြီး Philip Seymour Hoffman က အဓိကပါဝင်သရုပ်ဆောင်ထားပြီး မင်းသမီးကတော့ လူသားခြင်းစာနာထောက်ထားသူရှေ့နေ အန်နာလ်ဘယ်ရစ်ချာ အဖြစ် မင်းသမီး Rachel McAdams ကပါဝင်သရုပ်ဆောင်ထားပြီး ဂျာမန်ပုဂ္ဂိုလ်လိက ဘဏ်လုပ်ငန်းရှင်သဌေးကြီးအဖြစ် Spider-Man ပထမဆုံးဇာတ်ကားထဲက လူဆိုးကြီးဒေါက်တာNorman Osborn အဖြစ်သရုပ်ဆောင်ခဲ့တဲ့ မင်းသားကြီး Willem Dafoe ကသရုပ်ဆောင်ပေးထားပါတယ်။ တခုထူးခြားတာကအဓိက မင်းသားအဖြစ်သရုပ်ဆောင်ခဲ့တဲ့ Philip Seymour ဟာ ဒီကားထဲမှာ ဝပြီးကြည့်လိုက်လျှင် အရက်နာကျနေတဲ့ပုံပေါက်သော်လည်း မထင်မှတ်လောက်အောင်ပေါ့ပေါ့ပါးပါးနဲ့သရုပ်ဆောင်သွားတာကိုလည်းတွေ့ရှိရပါတယ်။ အကြမ်းဖက်သမားဖြစ်သူအဖေဖြစ်သူ၏ ကျန်ရှိခဲ့သော ပိုက်ဆံများကို ဘာလင်ရှိ ပုဂ္ဂိုလိကဘဏ် တခုတွင် အပ်ထားရာ ထိုပိုက်ဆံများကို ကျန်ရစ်သူ သားဖြစ်သူ ကားပေါ့ခ် မှ စာတစောင်ဖြင့် ထိုပိုက်ဆံများကိုထုပ်ယူပြီး အကြမ်းဖက်အဖွဲ့ များအား ပိုက်ဆံများထောက်ပံပေးနေသော သူဌေး အယောင်ဆောင် အကြမ်းဖက် အဖွဲ့၏ ကိုယ်စားလှယ်အား ပိုက်ဆံများ လွဲပြောင်းပေးရန်ကြိုးစားမှုကို ဂျာမန်အေးဂျင့်စုံထောက်ကြီး ဂန်သာ တဖြစ်လဲ Philip Seymour ကအချိန်မီတားဆီးဖော်ထုပ်နိုင်မလား အမေရိကန် စုံထောက်အဖွဲ့ CIA ၏ဝင်ရောက်ခြေရှုပ်မှုများကိုရော ဘယ်လိုဖြေရှင်းမလဲ ကိုတော့ ပရိတ်သက်ကြီးက ဆက်လက်ရှစားရမှာပါ။ (ဒီဇာတ်ကားအတွက် စာတန်းထိုးနဲ့အညွန်းကိုတော့ CM Admin ကသာသားလေးမှ တင်ဆက်ပေးထားတာပါ)

The Book Thief (2013) IMDb....7.5 စာရေးဆရာ Markus Zusak ရေးသားခဲ့တဲ့ The Book Thief စာအုပ်ဟာ Bestseller စာရင်းဝင်ခဲ့ပြီး ဘာသာစကေားပေါင်းများစွာစွာနဲ့ ပြန်လည်ထုတ်ဝေခဲ့ပါတယ်... လက်ရာမြောက်ဒီစာအုပ်ကို ရုပ်ရှင်အသွင် ၂၀၁၃ မှာပြန်လည်ရိုက်ကူးခဲ့ပါတယ်. .. ဝတ္ထုဇာတ်လမ်းလေးကို ရုပ်ရှင်အဖြစ်ပြောင်းလဲရာတွင်လည်း ဆုပေါင်းများစွာဆွတ်ခူးနိုင်ခဲ့ပါတယ် ... ဒုတိယကမ္ဘာစစ်အတွင်း  ဂျာမနီနိုင်ငံရဲ့ စစ်တစ်လင်းအောက်မှာရှိခဲ့တဲ့ သာမန်လူတစ်စုကိုအခြေခံပြီးရိုက်ကူးထားပါတယ်... လင်မယား (၂)ယောက်ရှိတယ်...သားသမီးမရခဲ့တဲ့သူတို့လင်မယား(၂)ယောက်ဟာ လီဆယ်မီမင်ဂါဆိုတဲ့ ကောင်မလေးကိုမွေးစားခဲ့ပါတယ် ..စာမရေးတတ် မဖတ်တတ်တဲ့ လီဆယ်ကို မွေးစားဖခင်က ဝတ္ထုစာအုပ်တွေဖတ်ပြပြီး သင်ပေးခဲ့ရာမှ လီဆယ်တစ်ယောက် စာအုပ်တွေကိုသဘောကျသွားခဲ့တယ်. ..ဒီကလေးမလေးရဲ့ပတ်ဝန်းကျင်မှာ စစ်ဘေးဒဏ်ခံနေရတဲ့လူတွေအများကြီး.. .သူမဟာ အသက်ငယ်ပေမဲ့ ဒီလူတွေကိုတတ်နိုင်တဲ့ဘက်က အားပေးနှစ်သိမ့်ပေးချင်တယ်.. .ဒီတော့ အဲဒီကလေးမလေးဟာစာအုပ်တွေအများကြီးပိုင်တဲ့ မြို့တော်ဝန်အိမ်က စာအုပ်တွေခိုးယူဖတ်ပြီး စစ်ဘေးဒဏ်ခံလူတွေကို ပုံပြင်လေးတွေပြောပြရင်း အားပေးနှစ်သိမ့်ပါတယ်....နောက်ပြီး လီဆယ်တို့ မိသားစုဟာ ဂျူးလူမျိုးတစ်ယောက်ကို ကယ်တင်မိပြီး သံယောဇဉ်တွယ်ခဲ့ရာမှ အခက်အခဲတွေကြုံတွေ တစ်သီကြီးကြုံရပါတော့တယ်.... ဒီကားထဲက ကလေးသရုပ်ဆောင်Sophie Nélisse ဟာ ၂၀၁၃ခုနှစ်ရဲ့ အကောင်းဆုံးကလေးသရုပ်ဆောင်ဆုကိုဒီကားနဲ့ရရှိခဲ့ပါတယ်. ..အခြားဆု(၈)ခုရရှိခဲ့ပြီး ဆန်ကာတင်ဆုစာရင်းမှာ (၁၄)ခုတောင်ဝင်ခဲ့ပါသေးတယ်.. ..ကိုင်းခံစားကြည့်လိုက်ပါဦးခင်ဗျ.... (ဇာတ်လမ်းအညွှန်းနဲ့ ဘာသာပြန်သူကတော့ Lyric Lynn Khant ဖြစ်ပါတယ်...) File Size : 2.60GB/ 850MB Quality : Blu-Ray 1080p 5.1 CH/ Blu-Ray 720p Format…mp4 Duration…02:12:00 Genre :  Drama, War Subtitle : Myanmar Subtitle (Hard Sub) Translated by Lyric Lynn Khant Encoded by Phyo Pyae

စုန်းမတွေကို သတ်ဖို့ အကောင်းဆုံးနည်းက မီးရှို့တာပဲ Hanel and Gretel ဆိုပြီး တောထဲမှာ လမ်းပျောက်ပြီး သကြားလုံးတွေနဲ့ အိမ်မှာ စုန်းမတစ်ယောက် ဖမ်းဆီးခြင်းကို ခံရတဲ့ ပုံပြင်လေးကို ကျွန်တော်တို့ ပုံပြင်အဖြစ်ရော ဇာတ်လမ်းတွေ အဖြစ်ပါ ကြားဖူး မြင်ဖူးကြမှာပါ ဒီတစ်ခါမှာတော့ အဲဒီ ပုံပြင်ကိုပဲ အခြေတည်ရိုက်ကူးထားပြီး Marvel က ကျွန်တော်တို့နဲ့ ရင်းနှီးပြီးသား Haekeye မင်းသား Jeremy Renner ပါဝင်သရုပ်ဆောင်ထားတဲ့ ဇာတ်ကားကောင်းလေးကို တင်ဆက်ပေးချင်ပါတယ် ဇာတ်လမ်းအကျဥ်းကတော့ ငယ်စဥ်မှာ မိဘတွေရဲ့ စွန့်ပစ်ခြင်းကို ခံခဲ့ရတဲ့ Hansel နဲ့ Gretel ဟာ တောထဲမှာ မျက်စိလည် လမ်းမှားပြီး စုန်းမ တစ်ယောက်ရဲ့ ဖမ်းဆီးခြင်းကို ခံခဲ့ရပါတယ် စုန်းမကို မီးဖိုထဲ တွန်းချ ထွက်ပြေးခဲ့တဲ့ နောက်မှာတော့ စုန်းမုဆိုးတွေ အဖြစ် အသက်မွေးဝမ်းကြောင်းပြုပြီး နေထိုင်ခဲ့ပါတယ် ဒီလိုနဲ့ ကြီးလာတဲ့အခါမှာ နာမည်ကြီး စုန်းမုဆိုးတွေ ဖြစ်လာပြီး အော့စ်ဘာ့ဂ်ဆိုတဲ့ မြို့လေးမှာ ကလေးတွေ အများကြီး စုန်းမတွေ ဖမ်းဆီးနေတာကြောင့် သူတို့ကို အလုပ်အပ်လာပါတယ် အဲဒီအချိန်မှာ အကြီးစား စုန်မတွေရဲ့ အကြံကို သိလိုက်ရပြီး သူတို့ တားဆီးအနိုင်ယူနိုင်မှာလား သူတို့ရဲ့ မိဘတွေက ဘာလို့ စွန့်ပစ်သွားတာလဲဆိုတာကို‌ရော သူတို့ သိရမှာလား ဆိုတာကို ကြည့်ရှု ခံစားလိုက်ပါ File Size :  4.3 GB, 1.6 GB, 946 MB Quality : Blu-Ray HEVC 4K / 1080p / 720p Running Time : 1hr 40min Format : Mkv and Mp4 Audio : AAC and AC-3 Genre : Animation, Adventure, Comedy Subtitle : Myanmar Subtitle (Hard Sub) Translated by : Zin Sann Oo Encode by : Thit San Khant

ဒါရိုက်တာ Brian De Palma ရဲ့လက်ရာကောင်းတခုပါ။ စီးပွါးရေးလောက ထဲက မိန်းမနှစ်ဦးရဲ့ ယှဉ်ပြိုင်မှုတဦးကိုတဦး ဘယ်လို ကျော်တက် အနိုင်ယူ အသုံးချမလဲဆိုတာကို ရှုစားရမှာပဲ ဖြစ်ပါတယ်။ ဒီနေရာမှာဆိုရင် သရုပ်ဆောင် ၂ဦးကတော့ ပရိတ်သတ်နဲ့ရင်းနှီးပြီးသား ဖြစ်မယ့် The notebooks တို့ Mean Girls တို့မှ မင်းသမီးRachel McAdams နဲ့ Noomi Rapace တို့ပဲဖြစ်ပါတယ်။ သူတို့နှစ်ယောက်ရဲ့ ယှဉ်ပြိုင်မှုဟာ ပြင်းထန်လာတာနှင့်အမျှ သစ္စာဖောက်တာတွေ အသုံးချတာတွေ လက်စားချေလာတွေပါ ပါလာတော့ နောက်ဆုံးမှာ လူသတ်မှုအထိဖြစ်လာပါတော့တယ်။ ဒီ “ Passion” ဆိုတဲ့ဇာတ်လမ်းဟာ ကော်ပိုရိတ်စီးပွါးရေးလောကရဲ့ လူအများစုမမြင်ကြတဲ့အမှောင်ဖက်ခြမ်းကို Thriller ဆန်ဆန် ရိုက်ပြထားတာဖြစ်ပါတယ်။ ကြည့်ရှူခံစားကြည့်ကြ ပါလို့ပဲ အကြံပေးလိုက်ပါတယ်ခင်ဗျာ File size…    1.1 GB /  657 MB Quality… BluRay 1080p / 720p Format… mp4 Duration…. 1h 42m Genre ..... Drama/Thriller Subtitle…. Myanmar Subtitle (Hard Sub) Encoder…. Thit San Khant Translated by Moe Zac

The Guardians (2012) IMDb..... 6.1 The Transporter, The Equalizer တို့လို အက်ရှင်ကားကောင်းတွေကို ကြိုက်နှစ်သက်တဲ့သူတွေ အကြိုက်တွေ့စေမယ့် ဂျာမန် Action-Thriller ကောင်းတစ်ကားဖြစ်ပြီး မင်းသားကြီး Til Schweiger ကိုယ်တိုင် ဒါရိုက်တာနဲ့ အဓိကဇာတ်ကောင်နေရာကနေ ပါဝင်သရုပ်ဆောင်ထားပါတယ်။ ဇာတ်လမ်းကတော့ အာဖဂန်နစ္စတန်မှာ စစ်မှုထမ်းဟောင်းတစ်ဦးဖြစ်တဲ့ မက်စ်ဟာ အခုတော့ သာမန်အရပ်သားဘဝနဲ့ နေထိုင်နေသူတစ်ယောက်ပါ။ ဒါပေမဲ့ သူ့ရဲ့ဘဝဟာ မိဘမဲ့ဂေဟာက မိန်းကလေးတစ်ယောက်ဖြစ်တဲ့ နီနာနဲ့ တွေ့ဆုံချိန်မှာတော့ တစ်ဆစ်ချိုးပြောင်းလဲသွားခဲ့ပါတယ်။ နီနာဟာ ဩဇာကြီးမားတဲ့ လက်နက်ကုန်သည်ကြီးတစ်ဦးရဲ့ လူသတ်မှုကို မထင်မှတ်ဘဲ မျက်မြင်တွေ့ရှိခဲ့တဲ့ တစ်ဦးတည်းသော သက်သေဖြစ်နေတယ်ဆိုတာကို ရဲတွေသိသွားတဲ့အခါ နီနာ့ကို သက်သေကာကွယ်စောင့်ရှောက်ရေး အစီအစဉ်ထဲကို ထည့်သွင်းလိုက်ပါတယ်။ ဒါပေမဲ့ အဲဒီကုန်သည်ကြီးဟာ အစိုးရပိုင်းမှာပါ သူ့ရဲ့လူတွေကို မွေးမြူထားတဲ့အတွက် သက်သေဖြစ်တဲ့ နီနာ့ကို အလွယ်တကူပဲ ရှင်းပစ်ဖို ကြိုးစားလာပါတော့တယ်။ ရဲတွေရဲ့ ကာကွယ်မှုကိုတောင် မယုံကြည်နိုင်တော့တဲ့အခြေအနေမှာ မက်စ်တစ်ယောက် နီနာ့ကို ကာကွယ်ပေးဖို တာဝန်ယူလိုက်ရပါတယ်။ သူ့ရဲ့စစ်မြေပြင်အတွေ့အကြုံတွေနဲ့ အသက်ရှင်ကျန်ရစ်အောင်ရုန်းကန်ရတဲ့ စစ်သားဟောင်းတစ်ယောက်၊ မျက်စိရှေ့မှာတင် လူသတ်မှုကိုမြင်ခဲ့ရလို စိတ်ဒဏ်ရာရနေတဲ့ ကောင်မလေးတစ်ယောက်နဲ့ သူတိုနောက်ကို အသည်းအသန်လိုက်နေတဲ့ လက်နက်ကိုင်လူမိုက်တစ်ဖွဲ့... အင်အားမမျှတဲ့ ဒီတိုက်ပွဲမှာ မက်စ်တစ်ယောက် သူ့အသက်ထက်တောင် ပိုအရေးကြီးတဲ့ နီနာ့ကို အသက်ရှင်အောင် ဘယ်လိုကာကွယ်စောင့်ရှောက်သွားမလဲ... အက်ရှင် Vibe အပြည့်နဲ့ ထုံးစံအတိုင်းမရိုးတဲ့ ဇာတ်လမ်းဇာတ်ကွက်တွေနဲ့အတူ ကြည့်ရှုခံစားရမှာဖြစ်ပါတယ်။ File Size : 3.20GB/ 990MB Quality : BluRay 1080p 5.1CH/ 720p Format…mp4 Duration…2hr 14m Genre : Action, Thriller, Crime Subtitle : Myanmar Subtitle (Hard Sub)

War Horse (2011) အခုတင်ပေးမှာကတော့ လူနဲ့တိရစ္ဆာန်အကြား ချစ်ခြင်းမေတ္တာ၊ မိသားစုချစ်ခြင်းမေတ္တာ၊ စစ်၏သဘောတရား စတဲ့ ခံစားမှုရသမျိုးစုံပါဝင်တဲ့ ဇာတ်ကားကောင်းလေးဖြစ်ပါတယ်...ဇာတ်ကားနာမည်ကတော့ အပေါ်ကအတိုင်း War Horse ပါ။ စစ်မြင်းတစ်ကောင်အကြောင်းပေါ့... Jurassic Park, Jaws စတဲ့ တိရစ္ဆာန်ဦးစားပေးဇာတ်ကားတွေ၊ Saving Private Ryan၊ Schindler’s List၊  စတဲ့ စစ်ပွဲဦးစားပေးဇာတ်ကားတွေကို ရိုက်ကူးခဲ့တဲ့ နာမည်ကြီး ဒါရိုက်တာ Steven Spielberg က ရိုက်ကူးထားတာဖြစ်ပါတယ်... စာရေးဆရာကြီး Michael Morpurgo ရဲ့ နာမည်ကျော် War Horse စာအုပ်ကို မှီငြမ်းရိုက်ကူးထားတာဖြစ်ပြီး ပထမကမ္ဘာစစ်အတွင်း နိုင်ငံအသီးသီးက အသုံးပြုခဲ့တဲ့ မြင်းပေါင်း ရှစ်သန်းကျော်ရဲ့ သနားစရာဘဝကို တစ်ကောင်တည်းနဲ့ ကိုယ်စားပြု ရိုက်ကူးထားတာဖြစ်ပါတယ်... ပြီးတော့ Loki မင်းသား Tom Hiddleston နဲ့ Sherlock Holmes မင်းသား Benedict Cumberbatch တို့ကလည်း အားဖြည့်ကူညီထားပါတယ်.... ဇာတ်လမ်းအညွှန်း ပထမကမ္ဘာစစ်မစမီ အင်္ဂလန်ပြည်မှာ လယ်ထွန်ဖို့အတွက် မြင်းတွေကို အသုံးပြုခဲ့တာပါ... ဈေးတွေမှာ မြင်းတွေကို လေလံဆွဲရောင်းချရာကနေ ဇာတ်လမ်းရဲ့ အဓိကဇာတ်ကောင်ဖြစ်တဲ့ Joey ဆိုတဲ့မြင်းလေးကို Ted Narracott ဆိုတဲ့လူက ဝယ်ယူခဲ့ရာက စတာပါ...လယ်ထွန်တတ်တဲ့ မြင်းဝယ်ရမယ့်အစား စစ်မြင်းလေးကို ဈေးကြီးပေး ဝယ်ချလာတဲ့ Ted တို့ မိသားစုမှာ ပြဿနာမျိုးစုံတက်တော့တာပါပဲ... Ted ရဲ့သားဖြစ်သူ Albertက မြင်းလေးကိုကောင်းကောင်းမွန်မွန်သင်ကြားပေးပြီး ပြဿနာအချို့ကို ကျော်လွှားနိုင်ခဲ့ပေမဲ့ အခြေအနေအမျိုးမျိုးကြောင့် ဒီမြင်းလေးကို စစ်တပ်ကို ရောင်းချခဲ့ရပါတယ်...ဒီလိုနဲ့ ပထမကမ္ဘာစစ်မှာ မြင်းလေးကို အသုံးပြုဖို့ဖြစ်လာခဲ့ပြီး သူ့ကိုအရမ်းချစ်တဲ့ Albert ကတော့ မြင်းလေးနဲ့ ဝေးဖို့ဖြစ်လာခဲ့ရာကနေ သူ့ရဲ့မြင်းလေးနဲ့ ပြန်တွေ့ဖို့ ကြိုးစားခဲ့ပုံတွေကို ရိုက်ကူးထားတာပါ... စစ်ပွဲအတွင်း မြင်းတွေကို အမျိုးမျိုးအသုံးချပုံတွေ၊ စစ်သားတွေရဲ့ ခက်ထန်မှုတွေ၊ တစ်ချိန်တည်းမှာပဲ စစ်သားတွေရဲ့ ချစ်စဖွယ်အပြုအမူတွေ၊ စစ်ပွဲတွင်းအဖြစ်အပျက်တွေကိုတခမ်းတနား ကြည့်ရမယ့် ဇာတ်ကားကောင်းလေးဖြစ်တာမို့ Channel Myanmar ပရိသတ်ကြီးလည်း အကြိုက်တွေ့မယ်လို့ မျှော်လင့်ပါတယ်... စစ်ကားလည်းဖြစ်တဲ့အပြင် ဒါရိုက်တာ  Steven Spielberg  ရဲ့ လက်ရာဆိုတော့ ထွေထွေထူးထူးညွှန်းစရာမလိုလောက်ဘူးထင်ပါတယ်... ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်.... File Size : 3.05GB / 1.55GB Quality : WEB-DL 1080p 5.1 CH,  720p Duration : 02:26:00 Genres : Drama, History, War Subtitle : Myanmar Subtitle (Hard Sub) Translated by Paing Encoded by Heather Oo

Unknown (2011) IMDb - 6.8/10 Rotten - 55% မင်းသားကြီး Liam Neeson ရဲ့အက်ရှင်ကားကောင်းလေးတစ်ကား ကိုတင်ဆက် ပေးလိုက်ပါတယ်။ ဒီကားမှာ Liam Neeson ဟာ ဒေါက်တာ မာတင် ဟဲရစ် အဖြစ် သရုပ်ဆောင်ထားပါတယ်။ မာတင် ဟာဆိုရင် ပညာရှင် တစ်ဦးဖြစ်ပြီး ဂျာမနီနိုင်ငံ ဘာလင်မြို့ကို ကွန်ဖရင့်တက်ဖို့ ခရီးထွက်လာခြင်းဖြစ်ပါတယ်။ဒီကွန်ဖရင့်မှာ မင်းသားတစ်ပါးဟာ မာတင်တို့နဲ့ အတူ တွဲလုပ်နေတဲ့ သုတေသန အကြောင်းကို ကြေငြာမှာ ကြောင့်တက်လာတာပါ  ဒီလိုနဲ့ သူတို့တည်းခိုရမဲ့ ဟိုတယ်လ် ကိုရောက်တဲ့အခါမှာ လက်ဆွဲအိတ်ကျန်ခဲ့လို့ ကျန်ခဲ့တဲ့ အတွက် မာတင်ဟာ တက္ကစီတစ်စီး ငှားပြီး ပြန်ယူပါတော့တယ်။ လမ်းမှာ တက္ကစီဟာ အက်ဆီးဒန့်ဖြစ်ပြီး မာတင် တစ်ယောက် ဆေးရုံရောက်သွားပါတယ် လေးရက်လောက် သတိမေ့နေပြီး သတိပြန်ရတဲ့အချိန်မှာတော့ သူဟာ တစ်ချို့ အရာတွေ ကို မမှတ်မိတော့ပါဘူး။ သူ့ဇနီးကို မှတ်မိ ဟိုတယ် ကို မှတ်မိပြီး ဟိုတယ် ကိုပြန်ခဲ့ ပါတယ် ဒါပေမဲ့ ဟိုတယ်လ် ကိုရောက်တဲ့ အခါ ထူးဆန်းတာက သူ့ဇနီးကလည်း သူ့ကို မမှတ်မိပါဘူး။ ပိုဆိုးတာတစ်ခုက သူပြောတဲ့ အထောက် အထားကို စစ်ကြည့်တဲ့အခါ ထူးဆန်းစွာနဲ့ မာတင်ဟဲရစ် ဆိုတာ သူနဲ့ ရုပ်မတူတဲ့ တစ်ခြားတစ်ယောက်ဖြစ်နေပါတယ်။ သူ့ဇနီးကလည်း အဲ့လူ နဲ့ တွဲသွားတွဲလာအပြင် ယာဉ်မောင်းလိုင်စင် အစရှိတဲ့ အထောက်အထားခိုင်လုံစွာပြနိုင်ပါတယ်။ဒါ့အပြင့် သူ့ကို လိုက်သတ်နေတဲ့ သူတွေလည်းရှိ နေပါသေးတယ်။မာတင်ဟာ တက္ကစီယာဉ်မောင်း ဂျီနာ ရဲ့ အကူအညီနဲ့ ဒီကိစ္စကို ဖြေရှင်းရင်းနဲ့ သူကျန်ခဲ့တဲ့ လက်ဆွဲအိတ်နဲ့ ပတ်သတ်နေတယ်ဆိုတာသိလာရပါတယ်။ သူ့ဇနီးကဘာလို့ သူ့ကို မမှတ်မိ ရတာလဲ ... သူ့နေရာမှာ ဘယ်သူက ဘာကြောင့် အစားဝင်နေတာလဲ ..... လက်ဆွဲအိတ်က ဘာလျှို့ဝှက်ချက်တွေ ပါနေတာလဲ အစရှိတာတွေကို စိတ်ဝင်တစား ကြည့်ရှု့ရမှာပါ။ File Size : 650MB Quality : BrRip 720P Running Time : 1h 53min Format : Mp4 Genre : Action, Mystery, Thriller Subtitle : Tlopp Encoder : Tariq L Walker

ဒီကားကတော့ 2009 ခုနှစ်မှာ ရွှေကမ္ဘာလုံးဆုနဲ့ Palme d'Or ဆုအပြင် အကောင်းဆုံး နိုင်ငံခြားဘာသာရုပ်ရှင်ဆုအများကြီးရထားတဲ့ ကားကောင်းလေးပါ။ ဇာတ်လမ်းအကျဉ်းကတော့ ပထမကမ္ဘာစစ် မစခင် ဂျာမန် ရွာလေးတစ်ရွှာ မှာ ထူးဆန်းတဲ့ဖြစ်စဉ်တွေဖြစ်ပြီး တစ်ရွာလုံးမှာ ဟိုလူထင်ဒီလူထင်နဲ့ ရက်စက်မှုတွေသံသယဝင်မှုတွေနဲ့ ပြည့်နှက်နေပြီး လူ့သဘာဝတွေကိုဖော်ထုတ်ပြနိုင်တဲ့ ကားကောင်းလေးပါ။ ဇာတ်လမ်းကို ဒီထဲက ဇာတ်ကောင် ကျောင်းဆရာကာပြန်ပြောပြတဲ့ပုံစံမျိုးနဲ့ လူတွေရဲ့နက်နဲရှုပ်ထွေးတဲ့ စိတ်တွေ အကြမ်းဖက်မှုတွေ အမှောင်ဘက်ခြမ်းတွေကို လူသဘာဝဆန်ဆန် မြင်တွေ့ရမှာပါ။ ဒီကားကိုတော့ ဒီ dark ဖြစ်တဲ့ feeling တွေ ညစ်ညမ်းမှူတွေကိုပေါ်လွင်အောင် Black and white နဲ့ပဲ ရိုက်ထားပါတယ်။ File size…(2.2 GB)/(1 GB) Quality….Blu-Ray 1080p / 720p Format… mp4 Duration…. 02:24:00 Genre... Drama, Mystery, Thirller Subtitle….Myanmar Subtitle (Hardsub) Encoder….Garfield Translated by Nikobaby

Rotten Tomatoes 89% IMDb 8.3/10 ရရှိထားပြီး အော်စကာ ၁ ဆုနဲ့ အခြားသော ဆုပေါင်း ၁၂၄ ဆုရရှိခဲ့တဲ့ ၂၀၀၉ ခုနှစ်ထွက် ဟစ်တလာ လုပ်ကြံရေး ဇာတ်ကားကောင်း တစ်ကားကို CM ပရိသတ်ကြီးအတွက် တင်ဆက်ပေးလိုက်ပါတယ်။ ဒုတိယကမ္ဘာစစ်ရဲ့ အစပိုင်း ပြင်သစ်ကို နာဇီတို့ သိမ်းပိုက်ထားချိန်ကာလ..... နာဇီတွေကို တန်ပြန်သုတ်သင်ဖို့အတွက် မဟာမိတ် တွေဟာ လျှို့ဝှက် တပ်ဖွဲ့တစ်ခုကို ဖွဲ့စည်းဖို့ လက်ဖတင်နင် Aldo Raine (Brad Pitt)ကို တာဝန်ပေးခဲ့ပါတယ်။ Aldo ဟာ Basterds လို့ခေါ်တဲ့ ဂျူး ကပြားတွေ အများအပြားပါဝင်တဲ့ တပ်ဖွဲ့ကိုဖွဲ့စည်းပြီး ဟစ်တလာရဲ့ နားရွက်ကို တံတွေးစွတ်ပါတော့တယ်။ Basterds တွေဟာ နာဇီမှန်သမျှရက်ရက်စက်စက်သတ်ပြီး ဦးခေါင်းရေကို ခွါယူလေ့ရှိပါတယ်။သူနဲ့သူ့လူတွေဟာ ဟစ်တလာကို လုပ်ကြံဖို့ ဗြိတိသျှတို့ရဲ့သူလျှို၊ဂျာမန် နာမည်ကြီးမင်းသမီး Bridget von Hammersmark(Diane Kruger)နဲ့ပူးပေါင်းပြီး ကီနို စစ်ဆင်ရေးကို အကောင်အထည်ဖော်ဖို့ ကြိုးပမ်းကြပါတော့တယ်။ အဲဒီအချိန်မှာပဲ နာဇီတွေ သုတ်သင်ခဲ့တဲ့ ဂျူးမိသားစုတစ်ခုက ထွက်ပြေးလွတ်မြောက်ပြီး နာဇီတွေကို လက်စားချေဖို့ကြိုးစားနေတဲ့ ရုပ်ရှင်ရုံပိုင်ရှင် ဂျူး မိန်းမလှလေး Shosanna Dreyfus(Mélanie Laurent) ကလည်း သူ့လက်စားချေမှုကို အကောင်အထည်ဖော်ဖို့ အခွင့်အရေးတစ်ခုကို အမှတ်မထင် ရရှိလာပါတယ်။ ဒီလို အခြေအနေမှာပဲ Jews Hunter လို့နာမည်ကြီးပြီး ကောက်ကျစ်စဉ်းလဲပြီး ဉာဏ်များတတ်တဲ့၊ ကာနယ် Hans Landa (Christoph Waltz) ဟာ ဒီလုပ်ကြံမှုကို ဘယ်လိုမျိုး တားဆီးကာကွယ်မလဲ။ Basterds တွေရဲ့ ကံကြမ္မာနဲ့ ဟစ်တလာရဲ့ ကံကြမ္မာဟာ ဘယ်သူ့အပေါ်မှာ မူတည်မလဲ? လုပ်ကြံမှုကရော အောင်မြင်မလား.... ကျဆုံးမလား ဆိုတာကို ရင်သပ်ရှုမောနဲ့ ကြည့်ရှုရမှာပါ။ ဒီဇာတ်ကားဟာ ဇာတ်လမ်း ဇာတ်အိမ်နဲ့ ဇာတ်ရုပ်တွေကို အများနဲ့မတူအောင် ခွဲထွက်ရိုက်ကူးတဲ့ နေရာမှာ နာမည်ကျော်တဲ့ အော်စကာဆုအပြင် အခြားဆုတွေအများကြီး ရထားတဲ့ ဒါရိုက်တာ Quentin Tarantino ရဲ့ လက်ရာပါ။ ဇာတ်လမ်း၊ သရုပ်ဆောင်မှု နဲ့ ရိုက်ကူးတင်ပြမှုတွေအရမ်းကောင်းတာကြောင့် ကြာမြင့်ချိန် ၂ နာရီခွဲကို ဆိမ့်နေအောင် ကျကျနနခံစားကြရမှာပါ။ (ရုပ်ရှင်အညွှန်းနဲ့ဘာသာပြန်ကို Kaung Thant Sin မှတင်ဆက်ထားပါတယ်။) 4K Quality ကိုတော့ ကာလာပိုလှတဲ့ HDR Version နဲ့ တင်ဆက်ထားတာမလို့ 4K ဖိုင်ကို HDR Play နိုင်တဲ့ ခေတ်ပေါ် Device များသာကြည့်ရှုလို့ရမှာဖြစ်ပြီး 1080p နဲ့ 720p ဖိုင်တွေကိုတော့ ပုံမှန်အတိုင်း ကြည့်ရှုလို့ရပါတယ်ခင်ဗျာ။ File size…(5.3 GB)/ (2.2 GB)/(1.1 GB) Quality….BluRay V2 4K HDR/1080p HEVC/720p Format…mkv/mp4 Duration….02:32:53 Subtitle….Myanmar Subtitle(Hardsub) Encoder….Ka Naung Translated by Kaung Thant Sin

ဒီရုပ်ရှင်က ဂျာမနီနိုင်ငံမှ ထုတ်လုပ်သော ရုပ်ရှင်တစ်ခု ဖြစ်ပြီး ဒုတိယကမ္ဘာစစ်ကာလတုန်းက နာဇီဂျာမနီအဖွဲ့ အတွင်း ဟစ်တလာကို ရှင်းပစ်ဖို့အတွက် ကြိုးပမ်းခဲ့တဲ့ Operation Valkyrie လို့ခေါ်တဲ့ လှုပ်ရှားမှုအကြောင်းကို အခြေခံထားတာပဲ ဖြစ်ပါတယ်။ ဒီရုပ်ရှင်နဲ့ အလားတူပဲ ၂၀၀၈ခုနှစ်တုန်းက Tom Cruise ရဲ့ Valkyrieဇာတ်ကား ထွက်ရှိခဲ့ပါသေးတယ်။ ဇာတ်လမ်းအကျဉ်းကတော့ နာဇီအာဏာရှင်စနစ်ကြီးရဲ့ ရက်စက်ကြမ်းကြုတ်တဲ့ အုပ်ချုပ်မှုအောက်မှာ ဂျာမနီရဲ့ အရာရှိတချို့က ဟစ်တလာရဲ့ ဖက်ဆစ်အုပ်ချုပ်မှုကြီး အောက်မှာ ဆက်မနေလိုဘဲ ရုန်းထွက်ချင်လာတဲ့အနေနဲ့ ကာနယ် ဗွန် စတက်ဖန်ဘာ့ဂ် ခေါင်းဆောင်တဲ့ ဗိုလ်ချုပ် အဖွဲ့ဟာ Operation Valkyrieဆိုတဲ့ မဟာအစီအမံကြီးကို လျှို့ဝှက်ကြံစည်ခဲ့ကြပါတယ်။သူတို့ရဲ့အကြံက နာဇီတို့ ခေါင်းဆောင် အဒေါ့ဖ်ဟစ်တလာကိုလုပ်ကြံပြီး ကမ္ဘာစစ် အတွင်းမှာ စစ်ရှုံးနေတဲ့ ဂျာမနီနိုင်ငံကို အာဏာလုယူပြီး လက်နက်ချကာ နိုင်ငံကိုအထိမနာအောင် ကြံစည်ကြမယ့် အစီအစဉ်ပါ။ သူတို့ရဲ့အကြံ အောင်မြင်မှာလားဆိုတာကို ဒီဇာတ်ကားထဲမှာ ကြည့်ရှုရမှာ ဖြစ်ပါတယ်။