Ray Milland ပါဝင်သော ဇာတ်ကားများ

Dead Men Don't Wear Plaid (1982) IMDB : 6.8 Rotten Tomatoes : 71% Genre : Comedy / Noir ဒီရုပ်ရှင်ကတော်တော်လေးကို ထူးခြားတဲ့ထဲမှာ ပါပါတယ်။ ဘာလို့လဲဆိုတော့ Comedy နဲ့ Noir ကိုပေါင်းစပ်ထားတဲ့ Parody Noir ရုပ်ရှင်ဖြစ်လို့ပါပဲ။ Noir နဲ့ Comedy ဆိုတာ ပြောရရင်ဆန့်ကျင်ဘက်ပါပဲ။ ဒါကိုမှ ဒါရိုက်တာ Carl Reiner က အကောင်းဆုံးပေါင်းစပ်ပြီး မင်းသား Steve Martin က ခေါင်းဆောင်သရုပ်ဆောင်ထားတာမလို့ တော်တော်လေးကို ကြည့်လို့ကောင်းလှပါတယ်။ ဒါတင်မကသေးပဲ Steve Martin က မင်းသားကြီး Cary Grant,Humphrey Bogart မင်းသမီးကြီး Ingrid Bergman တို့နဲ့ မျက်နှာချင်းဆိုင်စကားပြောတဲ့ ဖြတ်ညှပ်ကပ်အခန်းတွေပါဝင်ပါသေးတယ်။ ဒီရုပ်ရှင်က Comedy နဲ့ Noir ကိုပေါင်းစပ်ပြီး IMDB 7 နားကပ်နေတာမလို့ ဒီရုပ်ရှင်ရဲ့ အတိမ်အနက်ကိုနားလည်လောက်မှာပါ။ ဇာတ်ညွှန်း “သေသူက အကွက်မဝတ်ဘူး” ဒါက ရုပ်ရှင်ရဲ့ နာမည်ပါ။ပြောရရင် အဲဒီနာမည်နဲ့ ရုပ်ရှင်က ဘာမှကိုမဆိုင်သလို အထဲက ဇာတ်ကောင် စုံထောက်ကျော် ရစ်ဂ်ဘီကိုယ်တိုင်လည်း ဘာကိုဆိုလိုမှန်းမသိခဲ့ပါဘူး။ ရစ်ဂ်ဘီဆိုတာက ကမ္ဘာမကျော် နိုင်ငံမကျော် အလွတ်စုံထောက်တစ်ယောက်ဖြစ်ပါတယ်။ စုံထောက်တို့တတ်အပ်တဲ့ ပညာရပ် တစ်သိန်းခြောက်သောင်းလောက်ထဲမှာ သူအကျွမ်းဆုံးကတော့ စော်ချုပ်တာပါပဲ။ တစ်ရက်မှာတော့ နိုင်ငံကျော် ဒိန်ခဲပညာရှင်ကြီးရဲ့ သမီးဖြစ်သူ ဂျူးလိယက်က သူ့ဆီကို “ကျွန်မအဖေ ဆုံးသွားတာ ကားမတော်တဆမှုကြောင့်မဟုတ်ဘူး၊ အသ-တ်ခံရတာ၊ ပူးပေါင်းကြံစည်ခံရတာ” ဆိုပြီး ထင်မြင်ချက်တစ်ခုကို ဆုပ်ကိုင်ပြီးတော့ ရစ်ဂ်ဘီဆီကိုရောက်လာခဲ့ပါတယ်။ “ဒီလိုမျိုးထင်မြင်ချက်တစ်ခုတည်းနဲ့ အမှုတစ်ခုကို လိုက်လို့မရကြောင်း” အပြီးငြင်းမယ်ကြံလိုက်ကာမှ ဂျူးလိယက်က ဒေါ်လာ ၂၀၀ အသုံးစရိတ်မပါပေးမယ်ဆိုတော့ အမှုကိုရေဆုံးလေဆုံးလိုက်ဖို့ဖြစ်လာပါတော့တယ်။ အမှုက ထင်ထားသလို လွယ်မလာပဲ ရှုပ်သထက်ရှုပ်လာကာ F.O.C လို့ခေါ်တဲ အဖွဲ့အစည်းတစ်ခုပါပါလာကြောင်းကိုသိလိုက်ရတဲ့အခါ ဘာဆက်ဖြစ်မလဲဆိုတာကို ခံစားကြည့်လိုက်ကြပါခင်ဗျာ။ File size… 1.8 GB / 1 GB Quality… WEB DL 1080p / 720p Format… mp4 Duration…. 1h 28m Genre ..... Comedy / Noir Subtitle…. Myanmar Subtitle (Hard Sub)

Love Story (1970) ~ IMDb - 6.9/10, Rotten Tomatoes - 63% ~ The Godfather ရုပ်ရှင်ဖြစ်တည်လာပုံအကြောင်း အသေးစိတ်ရိုက်ပြထားတဲ့ The Offer ဆိုတဲ့ စီးရီးကို ကြည့်ဖူးတဲ့လူတွေတော့ ဒီရုပ်ရှင်ကို ရင်းနှီးကြမှာပါပဲ။ The Offer ဟာ The Godfather ရုပ်ရှင်ရဲ့ ဖြစ်တည်ပုံကို အဓိကထားပြထားခဲ့ပေမဲ့ အဲဒီကာလ ပါရာမောင့်ရဲ့ အခြေအနေတွေကိုလည်း ပြသင့်သလောက်ပြထားခဲ့တော့ အဲဒီကာလမှာ ရိုက်ခဲ့တဲ့နာမည်ကြီးရုပ်ရှင်တွေကို ရိုက်ဖြစ်ပုံတွေကိုလည်း နည်းနည်းပါးပါး‌ တွေ့ခဲ့ရတယ်။ အဲဒီထဲ ဒီ Love Story (1970)ကတော့ တော်တော်လေး မြင်သာခဲ့တယ်။ မြင်သာဆို ဘော့အီဗန်ရဲ့စကီဖြစ်တဲ့ Ali MacGraw ရဲ့ကားကိုး။ Love Story ဟာ ဟောလိဝုဒ်ရွှေခေတ်မှာ ဘတ်ဆဲလားစာအုပ်ဖြစ်ခဲ့တဲ့ Erich Segal ရဲ့ Love Story ကို ပြန်ရိုက်ထားတယ်။ ငွေကြေးဖောင်းပွမှုနှုန်းကို ပြန်ချိန်ကိုက်ပြီး စာရင်းထုတ်ထားတဲ့ Highest-grossing Films of All Time စာရင်းထဲလည်း ပါခဲ့သလို အမေရိကန်ရုပ်ရှင်အစည်းအရုံးက စာရင်းပြုစုထားတဲ့ ရိုမန့်တစ်အဆန်ဆုံးရုပ်ရှင်စာရင်းထဲမှာလည်း နံပါတ်ကိုးချိတ်ခဲ့တယ်။ ဇာတ်ကတော့ နှစ်ပေါင်းများစွာကြာသွားပေမဲ့ ရိုးရိုးရှင်းရှင်းကိုပဲ ထိထိခတ်ခတ်ဖြစ်အောင် ရိုက်ပြထားလို့ မဟောင်းသွားသေးဘူး ပြောရမှာပဲ။ အချစ်ရုပ်ရှင်တစ်ကားအနေနဲ့တော့ အဆင့်တစ်ခုမှာရှိနေတယ်။ ကာရိုက်တာတွေကတော့ မဲပြာပုဆိုးဖြစ်နေတဲ့ သူဌေးသားနဲ့ ဆင်းရဲတဲ့ကောင်မလေး ကာရိုက်တာတွေပါပဲ။ ဒါပေမဲ့ ဒီလိုကာရိုက်တာတွေကို ရိုးရိုးရှင်းရှင်းဇာတ်လေးထဲ လှလှပပသွတ်သွင်းပြလိုက်တာကလည်း ကြည့်ရတာ အရသာရှိပါတယ်။ ဒီလို တက္ကသိုလ်နောက်ခံဇာတ်ဖြစ်လာအောင်လည်း ဒီဇာတ်ကို စာရေးဆရာက အဲဒီခေတ်တက္ကသိုလ်ဝန်းထဲ သွားလေ့လာပြီး ရေးခဲ့တယ်။ ၁၉၇၁ အော်စကာဆုပေးပွဲမှာ Best Picture နဲ့ Best Director အပါအဝင် ၇ဆုဆန်ခါတင်ဝင်ခဲ့ပြီး Best Original Score ဆုကိုရသွားခဲ့တယ်။ Oliver's Story (1978) ဆိုပြီး အဆက်ထွက်ခဲ့ပေမဲ့ ဒီကားရဲ့ ဒါရိုက်တာ Arthur Hiller ရိုက်ထားတာတော့မဟုတ်ခဲ့ဘူး။ ဒါပေမဲ့ မူရင်းစာရေးဆရာရဲ့ဇာတ်ပဲ။ Love Story (1970) ဟာ Tommy Lee Jones သရုပ်ဆောင်အနေနဲ့ ပထမဆုံးစပါဝင်ထားတဲ့ကားလည်း ဟုတ်တယ်။ Facts တွေသက်သက်ပါပဲ။ The Offer ထဲလည်းရင်းနှီးပြီးသားဖြစ်နေမယ့် ဟောလိဝုဒ်ရွှေခေတ်ကို ချစ်တဲ့လူတွေအတွက်တော့ Love Story (1970) ဟာ ဒီတိုင်းကို ကြည့်ဖြစ်လောက်မယ့် ရုပ်ရှင်ပါပဲ။ ဒီရုပ်ရှင်ဟာ အချစ်အကြောင်းသက်သက်ပါပဲ။ ကျွန်တော်တို့ရဲ့ ခွင့်လွှတ်လို့မရတဲ့အမှားဆိုတာ အချစ်တွေရဲ့ကမ္ဘာမှာ မရှိတဲ့အကြောင်းပါပဲ။ ~ အချစ်များအကြောင်း ~ ကြယ်တံခွန်တွေကိုလည်း နားလည်ဖို့ မကြိုးစားခဲ့ပါဘူး ဘာမှမဟုတ်သလိုပဲ ရှင်သန်လာတယ် ဘာမှမဟုတ်သလိုပဲ သေဆုံးသွားတယ် ခွင့်လွှတ်လို့မရတဲ့အမှားကိုလည်း သူတို့ရဲ့ကမ္ဘာမှာ ငါ့မှာမတွေ့ခဲ့ရဘူး... (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 3.5GB, 1.2GB Quality - BluRay 1080p HEVC, 720p IMDb Rating - 6.9/10 Format - mp4 Duration - 1H 40Min Genre - Dark Romance, Tragedy, Tragic Romance, Drama, Romance Subtitle - Myanmar Subtitle (Hardsub) Translated by WiRa Aung Encoded by Y

နာမည်ကြီး film director ကြီး Sir Alfred Hitchcock ရဲ့ လက်ရာကောင်းတွေထဲ တစ်ခုဖြစ်တဲ့ 1954ခုနှစ်ထွက် crime/thriller ရုပ်ရှင်ကားကောင်း တစ်ကားနဲ့ မိတ်ဆက်ပေးပါရစေ။ မင်းသမီး Grace Kelly ပါဝင်ပြီး Ray Milland, John Williams, Robert Cummings တို့လည်း ပါဝင်ထားပါတယ်။ ဇာတ်လမ်း အကျဥ်းကတော့ Tony Wendice တစ်ယောက် သူ့မိန်းမ Margot Wendiceက အမေရိကန် စာရေးဆရာ တစ်ယောက်နဲ့ ဖောက်ပြန်နေတာကို သိသွားပြီး မိန်းမကို သတ်ဖို့အတွက် ကောလိပ်အတူတက်ခဲ့တဲ့ မိတ်ဆွေဟောင်းတစ်ယောက်ကို ဆက်သွယ်ပြီး ခြိမ်းခြောက်ခဲ့ပါတယ်။ ဒါပေမဲ့ သူ အကွက်ချ စီစဥ်ထားသလို ဖြစ်မလာခဲ့ပါဘူး။ Tony Wendice နဲ့ သူ့မိန်းမ Margot ဟာ သူတို့ နှစ်ယောက်ထဲက တစ်ယောက်ယောက်က မတော်တဆမှုကြောင့် ဆုံးပါးသွားခဲ့ရင် တစ်ယောက်ကို တစ်ယောက် လက်ကျန်စည်းစိမ်တွေ ချန်ခဲ့ပေးဖို့ သေတမ်းစာရေးထားခဲ့ပါတယ်။ Tony က ဒီငွေတွေကို မက်လို့လည်း သူ့မိန်းမကို သတ်ပြီး ငွေယူဖို့ တစ်ချက်ခုတ် နှစ်ချက်ပြတ် ကြံရွယ်ခဲ့တာပါ။ Thriller ကောင်းကောင်းကြိုက်မယ့်သူတွေ အကြိုက်တွေ့လောက်မယ့် ခေတ်ဟောင်းကားကောင်း တသ်ခုဖြစ်ပါတယ်။ File size…(1.9 GB)/(950 Mb) Quality….Webrip 1080p / 720p Format…mp4 Duration….01:45:00 Genre... Crime, Thriller Subtitle….Myanmar Subtitle (Hardsub) Encoder….Garfield Translated by Leonie

Sullivan's Travels ( 1941 ) IMDB : 7.9 Rotten Tomatoes : 100% Genre : Comedy / Adventure ဟောလိဝုဒ်က နာမည်ရ ဒါရိုက်တာတစ်ယောက်က O Brother, Where Art Thou? ဆိုတဲ့ ရုပ်ရှင်တစ်ကားကို ရိုက်ချင်နေတယ်။ ဒီကားမှာ သူက အိမ်ခြေရာမဲ့ လူဆင်းရဲတွေအကြောင်းကို ရိုက်ပြချင်တာ။ သူက အရင်ကဟာသကားတွေနဲ့ အောင်မြင်ခဲ့ပေမဲ့ ၁၉၄၁ရဲ့လက်ရှိခေတ်က လူတိုင်း ငတ်ပြတ်နေတဲ့အချိန် ပျော်စရာကားတွေ မရိုက်သင့်ဘူး။ ပြည်သူလူထုကို အမြင်ပွင့်စေမယ့် အတွေးအခေါ်အပြည့်နဲ့ ရုပ်ရှင်တွေပဲ ရိုက်သင့်တယ်လို့ မြင်တော့ O Brother, Where Art Thou?ဆိုတဲ့ ရုပ်ရှင်ကိုရိုက်ဖို့ ပရိုဂျူဆာတွေကို ပြောတယ်။ ပရိုဂျူဆာတွေက ဆင်းရဲသားတွေအကြောင်းရိုက်ရအောင် မင်း ဆင်းရဲဖူးလားဘာညာ ပြန်ပတ်တော့ မွေးကတည်းက ရွှေဇွန်းကိုက်မွေးလာတဲ့ခဲ့ကောင် တိုင်ပတ်ရော။ ဒီမှာ သူက ဆင်းရဲသားတွေဘဝကို လေ့လာဖို့ ဆင်းရဲသားလိုနေပြီး ခရီးတွေထွက်ကြည့်ဖို့လုပ်ခဲ့တယ်။ ဒီခရီးကို သူထွက်ပြီး သူရိုက်ချင်တဲ့ ရုပ်ရှင်ကို သူရိုက်နိုင်ပါ့မလားဆိုတာတော့ ရုပ်ရှင်မှာ ဆက်ကြည့်ပေါ့။ ဒီကားကို ရိုက်ပြတဲ့အမြင်ရော ဟာသဉာဏ်ရောက တော်တော်ကောင်းတယ်။ ရုပ်ရှင်ဟာ ဘာအတွက်ပါလို့ သူပြောသွားတဲ့အချက်ဟာ လက်ရှိခေတ်ကလာကို မီးမောင်ထိုးနေတာလည်းဖြစ်ကောင်းဖြစ်မယ်။ သူတို့ပြတာလည်း မမှားပါဘူး။ အဲဒီလိုချည်းပဲတော့လည်း မဟုတ်ဘူးပေါ့။ တစ်ချိန်က ဟောလိဝုဒ်ရဲ့ ဇာတ်ညွှန်းသိပ်ကောင်းခဲ့တဲ့ ရုပ်ရှင်ပါပဲ။ တစ်ချက်ရှိတာက ဒီကားထဲက ဒါရိုက်တာရိုက်ချင်ခဲ့တဲ့ O Brother, Where Art Thou?ဆိုတဲ့ ရုပ်ရှင်ကို Cohen Brothersက ၂၀၀၀ခုနှစ်မှာ တကယ်ရိုက်ခဲ့ပါတယ်။ ဒီကနေပဲ အိုင်ဒီယာရတာပါပဲ။ Sullivan's Travels ဟာ အရသာရှိတဲ့ ကြည့်သင့်တဲ့ ရုပ်ရှင်တစ်ကားပါပဲ။ File size… 1.8 GB / 1.6 GB Quality… WEB-DL 1080p / 720p Format… mp4 Duration…. 1h 30m Genre ..... Comedy / Adventure Subtitle…. Myanmar Subtitle (Hard Sub)