Rick Bolander ပါဝင်သော ဇာတ်ကားများ

2019 ခုနစ်ထွက် drama ဇာတ်ကားဖြစ်ပါတယ် The Fault in our stars, The Divergent series နဲ့ Baby driver တို့ရဲ့မင်းသားချော Ansel Ergot ကအဓိကမင်းသားအဖြစ်ပါဝင်သရုပ်ဆောင်ထားပြီး Nicole Kidman နဲ့ stranger things ထဲကကလေးသရုပ်ဆောင် Fin Wolfhard တို့လည်းပါဝင်ထားပါတယ် ဇာတ်လမ်းအကျဉ်းလေးကတော့ သီယိုဒေါဒက်ကာဆိုတဲ့ ၁၃နှစ်အရွယ် ချာတိတ်လေးက ဖခင်ဖြစ်သူစွန့်ပစ်သွားပြီးနောက် မိခင်ဖြစ်သူနဲ့နှစ်ယောက်တည်းနေထိုင်ပါတယ်.... တစ်ရက်တော့ မိခင်ဖြစ်သူနဲ့ ပန်းချီပြခန်းသွားရင်း အကြမ်းဖက်ဗုံးခွဲမှုတစ်ခုကြောင့် မိခင်ဖြစ်သူသေဆုံးသွားခဲ့ပါတယ်.... ​ လူ့လောကအလယ်မှာ မျက်နှာငယ်နဲ့ကျန်ရစ်ခဲ့ရတဲ့ သီယိုဒေါရဲ့ ဘဝထိုထိုကို ရိုက်ကူးထားတာဖြစ်ပြီး လူ့လောကရဲ့ကြမ်းတမ်းခက်ခဲမှုတွေကြားမှာ ဘယ်လိုရှင်သန်ရမလဲဆိုတာတွေ... မိသားစုဆိုတာသွေးသားတော်စပ်မှမဟုတ်ပဲ ချစ်ခြင်းမေတ္တာတရားပေါ်ပဲမူတည်တယ်ဆိုတာရယ်... လူတွေရဲ့အတ္တဖုံးတဲ့စိတ်ဓာတ်တွေရယ်ကို မြင်တွေ့ခံစားရမှာပဲဖြစ်ပါတယ်... File Size : (1 GB , 396 MB ) Quality :  BluRay 720p Running Time : 2 hr 29 min Format : Mp4 Genre :  Drama  Subtitle : Myanmar Subtitle (Hard Sub) Translated by May Myat Thu Encoded by Moe Myint Lwin

ဒီရုပ်ရှင်ကတော့ မာတင်စကော်ဆက်ဆီရဲ့ ရုပ်ရှင်တွေထဲမှာ အရှည်ဆုံး ရုပ်ရှင်ကားပါ။ ၃ နာရီ ၂၉ မိနစ်ရှိပါတယ်။ ဒါရိုက်တာနဲ့ သရုပ်ဆောင်အားလုံးက တကယ့် legend တွေပါပဲ။ ဒါရိုက်တာ မာတင်စကော်ဆက်ဆီးက Goodfells, Taxi driver, Departed နဲ့ Raging bull လို ရုပ်ရှင်တွေကြောင့် နာမည်ကြီးပါတယ်။ သူက အခု အဓိက မင်းသား ၃ ယောက်ကို ခေါ်ထားလိုက်ပါတယ်။ အဓိကသရုပ်ဆောင် Robert De Niro ကိုတော့ Taxi Driver, Goodfellas, The Untouchables, Jackie Brown, Casino တို့လိုကားတွေနဲ့ သိကြမှာပါ။ Al Pacio ဆိုတာနဲ့ Godfather ကို ပြေးမြင်ကြပါလိမ့်မယ်။ Joe Pesci ကလည်း Goodfellas, Casino, Raging bull နဲ့ ကမ္ဘာကျော်ပါပဲ။ ဇာတ်လမ်းကတော့ ကမ္ဘာကျော်ဖြစ်ရပ်မှန်ဇာတ်လမ်းတစ်ခုကို အခြေခံထားပါတယ်။ သမ္မတ နစ်ဆွန် နဲ့ ဂျေအက်ဖ် ကနေဒီတို့ခေတ်မှာ သမ္မတတွေပြီးရင် အင်အားအကြီးဆုံး၊ အထင်ရှားဆုံးလူတစ်ယောက်ရှိပါတယ်။ သူ့နာမည်ကတော့ ဂျင်မီဟော့ဖာ ပါတဲ့။ သူဟာ ကုန်ကားမောင်းသူများအဖွဲ့ ဥက္ကဌဖြစ်ပြီး သူ့အဖွဲ့မှာ အဖွဲ့ဝင်ပေါင်း သန်းချီပြီးကို ရှိခဲ့ပါတယ်။ သူဟာ အလုပ်သမားအခွင့်အရေးအတွက် အများကြီးတိုက်ခိုက်ပေးခဲ့ အဆင်ပြေအောင်လုပ်ပေးခဲ့လို့ နိုင်ငံကျော်ပုဂ္ဂိုလ်တစ်ယောက် ဖြစ်နေတာပါပဲ။ သူ့အဖွဲ့ရဲ့ ပင်စင်ရံပုံငွေဟာ ဒေါ်လာ ဘီလီယံနဲ့ချီပြီးရှိနေတော့ တရားမဝင်လုပ်ငန်းတွေအတွက် ငွေလိုနေတဲ့ မာဖီးယားဂိုဏ်းတိုင်းဟာ ဘဏ်ကချေးလို့မရဘဲ ဂျင်မီဆီမှာပဲ ချေးကြရတာပါ။ လက်စ်ဗီးဂတ်ကို မာဖီးယားတွေ စတည်ဆောက်တာ ဂျင်မီရဲ့ ငွေတွေအများကြီးပဲလို့ ပြောလို့ရတာပါပဲ။ သူဟာ ထူးဆန်းစွာပျောက်ဆုံးသွားခဲ့ပြီး ကာလအတော်ကြာမှပဲ နိုင်ငံတော်က သေဆုံးကြောင်းအတည်ပြုနိုင်ခဲ့တာပါ။ သူပျောက်ဆုံးသွားခဲ့ပုံ၊ သေဆုံးပုံနဲ့ မာဖီးယားဂိုဏ်းများစွာနဲ့ အရှုပ်အရှင်းတွေကိုတော့ သူ့ရဲ့ လူယုံ ဖရန့်ခ် ရှီရန်က လူထုကို ဖွင့်ချပြခဲ့ပြီး နောက်မှာ စာရေးဆရာ Charles Bandt က I heard you paint houses ဆိုတဲ့ ကမ္ဘာကျော်စာအုပ်တစ်အုပ်လည်း ရေးသားခဲ့ပါတယ်။ အဲဒီစာအုပ်ကို အခြေခံရိုက်ကူးထားတဲ့ ဒီရုပ်ရှင်ရဲ့ အဓိက ဇာတ်ကောင်ကတော့ ဖရန့်ခ်ရှီရန် (Robert De Niro) ပဲ ဖြစ်ပါတယ်။ God father, Good fellas တို့လို epic crime drama အမျိုးအစားပဲဖြစ်ပါတယ်။ နှစ်အတော်ကြာမှပဲ ဒီလိုရုပ်ရှင်မျိုး ပြန်ကြည့်ခွင့်ရကြတာပါပဲ။ မာဖီးယားစတိုင်အစစ်တွေကို ပြန်မြင်ရပါပြီ။ ဥပမာ ဖရန့်ခ် နဲ့ သူ့ရဲ့ ဆရာသမား မာဖီးယားဘော့စ် ရပ်ဆဲ တို့ စားသောက်ဆိုင်ထိုင်နေတယ်။ အခြားမာဖီးယားတစ်ယောက်က ရန်လာစတော့ အေးအေးဆေးဆေးလေးပဲ တောင်းပန်လိုက်တယ်။ ပြီးရင် တစ်ယောက်ကိုတစ်ယောက်ဘာမှမပြောဘဲ ကြည့်လိုက်တယ်။ ခဏနေ အိမ်ပြန်ပြီး သေနတ်ယူ သွားပစ်သတ်လိုက်တယ်။ ရှင်းပါတယ်။ ဒီလိုဖီလင်မျိုးတွေ မရတာ ကြာပြီမို့ အားရပါးရ ထိုင်ကြည့်လို့ရမယ့် ရုပ်ရှင်ပါပဲ။ File size…(13 GB)/ (3.1 GB)/(1.6 GB) Quality….BluRay 4K HEVC/1080p HEVC/720p Format…mkv/mp4 Duration….03:28:14 Subtitle….Myanmar Subtitle(Hardsub) Encoder….Ka Naung Translated by Littleneo

A Walk among Tombstones ဇာတ်ကားနာမည်က ကဗျာဆန်သလို ခြောက်ခြားဖွယ် အိမ်မက်တစ်ခုသဖွယ်လည်း ဆန်နေပြန်ပါတယ်။ 1999 ခုနှစ်က New York မြို့မှာ License မရှိပဲ Private Detective တစ်ယောက်အဖြစ် လုပ်ကိုင်နေတဲ့ Matthew Scudder ဆိုတဲ့ သူတစ်ယောက်ဟာ လွန်ခဲ့တဲ့ 8 နှစ်ခန် ့လောက်က ရဲဝန်ထမ်းတစ်ဦး ဖြစ်ခဲ့ပြီး လူရမ်းကားတစ်စုနဲ ့အပစ်အခတ်တစ်ခုမှာ ပြည်သူကလေးမလေးတစ်ဦး သူ့ရဲ့ကျည်ဆန်ကြောင့် မတော်တဆ သေဆုံးခဲ့ရကာ သူကိုယ်တိုင်လည်း နာကျည်းချက်တွေနဲ ့ရဲဝန်ထမ်းဘဝမှ အငြိမ်းစား ယူခဲ့တဲ့ သူတစ်ယောက်ပါ။ သူသွားလေ့ရှိသော Alcoholics Anonymous အဖွဲ ့အစည်း တွေ့ဆုံပွဲတွေမှ သိရှိခဲ့သော လူတစ်ယောက်က သူ့ကို တစ်ညတွင် အကူအညီတောင်းခံသောကြောင့် သူ့ကို ခေါ်ယူတွေ ့ဆုံ၍ အကူအညီတောင်းခံချင်သည်ဟု ဆိုသော Kenny ဆိုသော လူရှိရာ အိမ်ကို ရောက်ရှိသွားခဲ့သည်။ Kenny ရဲ ့ဇနီးဖြစ်သူကို လူတစ်ချို ့ဖမ်းဆီးခေါ်ဆောင်သွားပြီး တောင်းဆိုငွေ $400,000 ကိုတောင်းဆိုခဲ့ကာ Kenny က ထိုလူတွေကို ထိုပိုက်ဆံပေးခဲ့သော်လည်း Kenny ရဲ ့ဇနီးဖြစ်သူကို ရက်စက်စွာ အပိုင်းပိုင်း ခုတ်ဖြတ်သတ်ဖြတ်ခဲ့ကာ လူ့အသားများကို ပိုက်ဆံထည့်သည့် အိတ်များသဖွယ် အထုပ်ငယ်များအဖြစ် ထုပ်ပိုးခဲ့ပြီး Kenny ဆီကိုပြန်ပို ့ပေးခဲ့ကြသည်။ ထို့ကြောင့် ထိုလူများကို ရှာပေးရန် Kenny သည် Matthew Scudder ကို အကူအညီတောင်းခံ၍ အလုပ်ပေးအပ်ခဲ့ခြင်းပင်ဖြစ်သည်။ ထိုအမှုကို Matthew တစ်ယောက် လိုက်နေရင်း ထိုလူသတ်သမားများသည် အလားတူ လူသတ်မှူများကို အရင်က 2 ကြိမ်ခန် ့ပြုမူဆောင်ရွက်ခဲ့ဖူးသည့်အပြင် အသတ်ခံရသော မိန်းမများရဲ ့ခင်ပွန်းဖြစ်ဖြစ် ရည်းစားဖြစ်သူဖြစ်ဖြစ်တို့သည် ဘိန်းရောင်းဝယ်ရေးလုပ်ငန်းများနျှင့် အဆက်အသွယ်ရှိသော လူများဖြစ်သည်ကို Matthew တစ်ယောက်သိရှိလာခဲ့လေသည်။ ထိုအခါ.... လူသတ်သမားတွေက ဘယ်သူတွေလဲ? Matthew တစ်ယောက် ထိုအမှုကို လိုက်နိူင်ပါ့မလား? ထို ့အပြင် ထိုလူသတ်သမားများသည် နောက်ထပ် မည့်ကဲ့သို ့သော် မိန်းမပျိုလေးများကို ဖမ်းဆီး၍ အလားတူ သတ်ဖြတ်အုံးမည်နည်း? မည်သူတွေ သေကြေကြ၍ မည်သူတွေ ရှင်ကြမည်နည်း? ဆိုတာတွေကိုတော့ စာဖတ်သူတို့ပဲ ဆက်လက်၍ ကြည့်လိုက်ပါလို ့တိုက်တွန်းလိုက်ပါရစေ။ စာရေးဆရာ Lawrence Block ရေးသားခဲ့တဲ့ ဒီဝတ္ထုကို Scott Frank ကပဲ ကိုယ်တိုင် ဇာတ်ညွှန်းရေးသားကာ ကိုယ်တိုင် Director အဖြစ် ရိုက်ကူးခဲ့သည်။ အဓိက ဇာတ်ကောင်ဖြစ်သော Matthew Scudder ကို မင်းသားကြီး Liam Neeson ကပါဝင်ရိုက်ကူးခဲ့ပါတယ်။ ဒီဇာတ်ကားကို 2002 လောက်က မင်းသားကြီး Harrison Ford နဲ ့ရိုက်ကူးဖို ့စီစဉ်ခဲ့ကြပေမဲ့လည်း ယခုမှ Liam Neeson နဲ ့ရိုက်ဖြစ်ခဲ့ကြပါတယ်။ Liam က ထိုဇာတ်ညွှန်းကို ဖတ်နေခဲ့တုန်းက လူသတ်တရားခံတွေကို Phone နဲ ့စကားလှမ်းပြောတဲ့ အခန်းတွေပါဝင်လို့ အစက ငြင်းပယ်ဖို ့စိတ်ကူးခဲ့ပေမဲ့ ဇာတ်ညွှန်းကို အဆုံးထိ ဖတ်ပြီးသွားတဲ့ အခါမှာတော့ ချက်ချင်း လက်ခံခဲ့တာပဲဖြစ်ပါတယ်။ Liam က ဒီကားကို Taken နဲ ့ဆင်တူတယ်လို ့ယူဆမိခဲ့လို့ ငြင်းပယ်ဖို ့ဆုံးဖြတ်ခဲ့ပြီး ဇာတ်ညွှန်းပြီးမှ ဒီဇာတ်လမ်းဟာ Taken ရဲ ့အရာအားလုံး ဆန် ့ကျင်ဘက်ဆိုတာ နားလည်လာခဲ့လို ့ပဲဖြစ်ပါတယ်။ Matthew Scudder ဆိုတဲ့ ဇာတ်ကောင်ဟာ ကျွန်တော်တို ့Liam Neeson ကိုသာမန်တွေ ့မြင်နေကြ Action Hero တစ်ယောက်ဖြစ်တဲ့ ဇာတ်ကောင်မျို းမဟုတ်ပဲ Violence ကို တတ်နိုင်သမျှရှောင် ကျဉ်တဲ့ ဇာတ်ကောင်တစ်ခုပဲဖြစ်ပါတယ်။ ထိုဇာတ်ကောင်ဟာ Old Fashion ဆိုတဲ့ အတိုင်း Phone တို ့Internet တို့အသုံးပြုမှူကိုတောင် မယုံကြည်ပဲ သံသယဝင်တဲ့ စုံထောက်တစ်ယောက်ပါ။ သူကို စုံထောက်ကောင်းတစ်ယောက် ဖြစ်ဖို ့ဘာတွေလိုအပ်လဲလို ့မေးခဲ့တဲ့ အခါ သူပြောတဲ့ စကားက "Strong Bladder" ပဲလိုအပ်တာပါတဲ့။ ဒီဇာတ်ကားဟာ Action ခန်းတွေကို မှ ကြည့်ချင်ပါတဲ့ ဆိုတဲ့ ပရိသတ်တွေအတွက်တော့ မဟုတ်ပါဘူး။ ဇာတ်ကောင်ဟာ တတ်နိင်သမျှ Violence တွေကို ရှောင်သည့်အားလျော်စွာ ဇာတ်လမ်းသည်လည်း တတ်နိုင်သမျှ Action Violence ခန်းတွေကို ရှောင်ကြဉ်ခဲ့ပါတယ်။ ထို အချက်ကြောင့်လည်း ကျွန်တော် ဒီဇာတ်ကားကို ကြိုက်နှစ်သက်ခဲ့ခြင်းပဲဖြစ်ပါတယ်။ ဒီဇာတ်ကားကို ကြည့်နေခဲ့ရတာ အရေးအသားကောင်းကောင်းနဲ ့ရေးသားထားတဲ့ ဘာသာပြန် နိုင်ငံခြားဝတ္ထုတစ်ပုဒ်ကို ရန်ကုန်မြို ့ရဲ ့စာအုပ်အဟောင်းဆိုင်တွေမှာ လမ်းဘေး ကော်ဖီလေးတစ်ခွက်နဲ ့ထိုင်ဖတ်နေရသလိုပါပဲ။ သရုပ်ဆောင် ကောင်းကောင်းနဲ ့ရိုက်ကူးထားတဲ့ ဇာတ်လမ်း ဇာတ်ကွက်ကောင်းကောင်း ဖြစ်ပြီး စိတ်ဝင်စားဖွယ် စုံထောက် Thriller ကားကောင်းကောင်းတစ်ကားကို ကြည့်ချင်နေတဲ့ စာဖတ်သူတို့အတွက် ဒီကားလေးဟာအသင့်တော်ဆုံး ဆေးတစ်ခွက်ပါပဲ လို့ပြောချင်ပါတော့တယ်။ IMDb Rating: 6.7/10 Rotten Tomatoes Rating: 67% ~WH~ (ရုပ်ရှင်အညွှန်းကို Movies-we watch,we feel ၏ facebook page မှကူးယူဖော်ပြပါသည်) Connection မကောင်းသူများအတွက် Small File Size(288MB)ကိုပါတင်ဆက်ထားပါတယ်။ ကျွန်တော်တို့ဆိုဒ်က တင်သမျှ Movie Download Link ကို ပြန်တင်နေသည့် Blogger များ www.channelmyanmar.com ဟုပြည့်စုံစွာ Credit ပေးရန်ပန်ကြားအပ်ပါတယ်။ File size...934MB Quality.... 720p Format...mp4 Hour....01:54:02 Subtitle....Myanmar Subtitle(Hardsub)

Noah (2014) နောက်ထပ် သမ္မာကျမ်းဝင်ဇာတ်လမ်းတစ်ခုဖြစ်တဲ့ "Noah" နောဧအကြောင်း ရောက်ရှိလို့လာပါပြီ။ ဒီဇာတ်ကားထဲမှာဆိုရင် နာမည်ကြီးသရုပ်ဆောင် Russell Crowe က နောဧအဖြစ်သရုပ်ဆောင်ထားပြီး ဝါရင့်သဘာရင့် ဂန္ထဝင်သရုပ်ဆောင်ကြီး Anthony Hopkins နဲ့ Jennifer Connelly, Emma Watson, Logan Lerman တို့က အသီးသီးဇာတ်ပို့နေရာကနေပါဝင်ထားကြပါတယ်။ ~ ဖန်ဆင်းခြင်း အကျဉ်း ~ သမ္မာကျမ်းစာရဲ့ Timeline အရဆိုရင် လွန်ခဲ့တဲ့ နှစ်ပေါင်း ခြောက်ထောင်ခန့်လောက်က ထာဝရဘုရားကဗလာနတ္တိကနေ ဖန်ဆင်းခြင်းကိုအစပြုခဲ့ပါတယ်။ ဖန်ဆင်းခြင်းကို ရက်ပေါင်းခုနစ်ရက်အနေနဲ့ ပိုင်းခြားထားခဲ့ပါတယ်။ ပထမနေ့ရက်မှာ ကောင်းကင်နဲ့မြေကြီး၊ နေ့နဲ့ညလို့ သမုတ်ခြင်းကိုခံရတဲ့ အလင်းနဲ့အမှောင်ကို ဖြစ်စေခဲ့ပါတယ်။ ဒုတိယနေ့မှာ ဘုရားသခင်ဟာ မိုဃ်းကောင်းကင်နဲ့ ကုန်း(မြေ)အသီးသီးမှာရေကို ဖြစ်ပေါ်လာစေခဲ့ပါတယ်။ တတိယနေ့မှာ မြေကြီးပေါ်ကရေကို စုဝေးစေပြီး ပင်လယ်၊ ကုန်းကိုစုဝေးစေပြီး မြေလို့အမည်ပေးခဲ့ပါတယ်။ ဒီလိုနဲ့ မြေပေါ်ကပေါက်တဲ့အပင်၊ အလင်းအိမ်ကြီးနှစ်လုံးဖြစ်တဲ့ နေနဲ့လ၊ သားရဲတိရစ္ဆာန်တို့ကို စတုတ္ထနဲ့ ပဉ္စမနေ့ရက်တို့မှာ ဖန်ဆင်းခဲ့ပါတယ်။ ဆဌမနေ့ ရောက်တဲ့အခါမှာ ဘုရားသခင်က​ ကမ္ဘာမြေပေါ်မှာရှိသမျှအရာအားလုံးကို အုပ်စိုးစေဖို့အတွက် သူ့ရဲ့ သဏ္ဌာန်တော်နဲ့အညီ မြေမှုန့်ကနေလူရဲ့ရုပ်လုံးကိုဖန်ဆင်းပြီး နှာခေါင်းထဲဇီဝကိုအသက်မှုတ်သွင်းကာ ပထမဆုံးသက်ရှိလူသားယောက်ျားကို ဖန်ဆင်းခဲ့ပါတယ်။ ဒီအချိန်မှာ အခြားသက်ရှိတွေအတွက် အထီးအမဆိုပြီးရှိခဲ့ပေမယ့် လူယောက်ျားအတွက် အထောက်အမမရှိသေးတဲ့အတွက် ဘုရားသခင်ဟာ လူယောက်ျားကို ကြီးသောအိပ်စက်ခြင်းနဲ့အိပ်စေပြီး သူရဲ့နံရိုးတစ်ချောင်းကိုထုတ်ပြီး "ငါ့အရိုးထဲကအရိုး၊ ငါ့အသားထဲကအသားဖြစ်၏။ လူထဲကထုတ်သောကြောင့် သူ့ကိုလူမိန်းမဟုခေါ်ဝေါ်အပ်သည်" ဆိုပြီး လူမိန်းမကိုဖန်ဆင်းခဲ့ပါတယ်။ နောက်မမှာ ဒီလူယောက်ျားနဲ့လူမိန်းမနှစ်ယောက်တို့ဟာ အာဒံနဲ့ ဧဝ (a.k.a ဒုတိယအာဒံ) ဆိုပြီး လူသိများခဲ့ကြပါတယ်။ ~ ပထမဆုံးသောအပြစ် ~ အာဒံနဲ့ ဧဝတို့ကို ဖန်ဆင်းတဲ့အချိန်မှာ ဘုရားသခင်က ဧဒင်ဥယျာဉ်ရဲ့ အလယ်မှာရှိတဲ့အပင် (အသက်ပင်) ပေါ်က အသီးကလွဲပြီးကျန်တာကို မှန်သမျှစားလို့ရတယ်လို့ ပညတ်ခဲ့ပါတယ်။ ဒါပေမဲ့ ဧဝဟာ မြွေအသွင်ဆောင်ထားတဲ့စာတန်ရဲ့ သွေးဆောင်မှုကြောင့် အသီးကိုစားမိသွားပြီး ခင်ပွန်းကိုပါ စားစေခဲ့ပါတယ်။ ဒီလိုနဲ့ အာဒံနဲ့ဧဝတို့ရဲ့ ပထမဆုံးသောအပြစ်ကို ဘုရားကသိသွားတဲ့အခါမှာ လူယောက်ျားကို မြေပေါ်မှာဖြစ်သမျှ အသီး (အစာရေစာ) မှန်သမျှကို တစ်သက်လုံးပင်ပန်းစာရှာစားရမယ်၊ လူမိန်းမကို ကိုယ်ဝန်ဆောင်ခြင်းဝေဒနာနဲ့ သားဖွားခြင်းဝေဒနာကို ခံစားပြီး ကိုယ်ခင်ပွန်းရဲ့ အုပ်စိုးခြင်းကိုလည်းခံရမယ်ဆိုပြီး ကျိန်စာတိုက်ခဲ့ပါတယ်။ အဲဒီနောက်မှာ ဘုရားသခင်ဟာ အာဒံနဲ့ဧဝတို့ကို ဧဒင်ဥယျာဉ်ထဲကနေ နှင်ထုတ်လိုက်ပြီး အာဒံနဲ့ဧဝတို့ကနေ ဆင်းသက်လာတဲ့ ယောက်ျားမိန်းမမှန်သမျှဟာ ခုနက ဘုရားသခင်ကျိန်ခဲ့တဲ့ ဒဏ်ကိုလူမျိုးအဆက်ဆက်ခံစားလာကြရပါတယ်။ ဒီဇာတ်ကားကတော့ သမ္မာကျမ်းစာထဲက အာဒံနဲ့ ဧဝတို့ရဲ့ တတိယသား ရှေသရဲ့ ၁၀ ဆက်မြောက်မျိုးဆက် နောဧအကြောင်းကို အဓိကရိုက်ကူးထားတာပဲဖြစ်ပါတယ်။ သမ္မာကျမ်းစာအရ အာဒံကအသက် ၁၃၀ အရွယ်မှာ ရှေသကိုမမွေးခင် ကာဣနနဲ့ အာဗေလဆိုပြီးသားနှစ်ယောက်ကိုမွေးခဲ့ပါတယ်။ ဒါပေမဲ့ အာဒံရဲ့သားဦးကာဣနက သူ့ညီအာဗေလကို မနာလိုတဲ့အတွက်ကြောင့် သတ်ခဲ့ပြီးတဲ့နောက်ပိုင်းမှာ ဘုရားရဲ့ကျိန်ခြင်းကိုခံရပြီး ဧဒင်ဥယျာဉ်ထဲကထွက်ပြီး အရှေ့အရပ် နောဒပြည်မှာသွားနေခဲ့ပါတယ်။ ဒီလိုနဲ့ပဲ ကာလအတန်ကြာပြီး နောဧရဲ့ ခေတ်ကိုရောက်လာတဲ့အခါမှာ ကာဣနမျိုးနွယ်ကနေ ဆင်းသက်လာတဲ့လူတွေရဲ့ အပြစ်တွေကြောင့် ကမ္ဘာကြီးဟာ ဘုရားသခင်ရွံရှာရလောက်တဲ့အထိ အဓမ္မမှုတွေနဲ့ ပြည့်နှက်နေလောက်အောင် ပျက်စီးဆုတ်ယုတ်နေခဲ့ပါတယ်။ ဒါကြောင့် ဘုရားသခင်ဟာ ကမ္ဘာကို "ရေလွှမ်းမိုးခြင်း" အားဖြင့် ဆေးကြောသန့်စင်ပစ်ဖို့အတွက်ရည်ရွယ်ထားခဲ့ပါတယ်။ ဒါပေမဲ့ ဘုရားစကားကိုနားထောင်ပြီး ဘုရားရဲ့နှစ်သက်ခြင်းကိုခံရတဲ့ ရှေသမျိုးဆက် နောဧနဲ့ သူ့အိမ်ထောင်မိသားစု၊ လူတွေရဲ့ သတ်ဖြတ်ခြင်းကိုခံခဲ့ရတဲ့ သားရဲတိရစ္ဆာန်တွေကိုတော့ ရေလွှမ်းမိုးခြင်းအပြီးမှာ ကမ္ဘာကြီးသန့်စင်သွားတဲ့အခါမှာ ဘဝကိုတဖန်အသစ်ပြန်လည်ထူထောင်ဖို့အခွင့်အရေးပေးခဲ့ပါတယ်။ အဲဒီအတွက် ဘုရားသခင်က လာမက်ကိုရူပါရုံအားဖြင့် အလျားအတောင်သုံးရာ၊ အနံအတောင်ငါးဆယ်၊ အမြင့်အတောင်သုံးဆယ်ရှိတဲ့ ဂေါဖရသစ်သားကိုယ်ထည်၊ အပြင်ဘက်နံရံကို ထင်းရှူးစေးနဲ့သုတ်ပြီး အတွင်းခန်းတွေပါတဲ့ သင်္ဘောတစ်စီးကို ဆောက်လုပ်ခိုင်းခဲ့ပါတယ်။ ဆောက်လုပ်ပြီးတဲ့အခါမှာ နောဧတို့ရဲ့မိသားစုနဲ့ ကမ္ဘာပေါ်မှာရှိတဲ့ တိရစ္ဆာန်မှန်သမျှကို အထီးအမ တစ်စုံစီ တက်စေခဲ့ပါတယ်။ ဒီ Noah ဇာတ်ကားမှာ အဓိကသရုပ်ဖော်ချင်တာကတော့ လူတွေရဲ့ရက်စက်ယုတ်မာမှုကြောင့် ဘုရားသခင်ကကမ္ဘာကြီးကို ဆေးကြောပစ်ဖို့အတွက်လုပ်ခဲ့တဲ့ ရေလွှမ်းမိုးမှုကြီးအကြောင်းဖြစ်ပါတယ်။ ဒါပေမဲ့ တချို့နေရာတွေမှာ Cinematic ဆန်အောင်ဆိုပြီး ဒါရိုက်တာ Darren Aronofsky က ကျမ်းစာကနေသွေဖယ်ပြီး လိုတိုးပိုလျှော့လေးတွေလုပ်ထားတာရှိပါတယ်။ ဒါကြောင့်မလို့ ကြည့်ရှုသူတွေအတွက် ဒီဇာတ်ကားထဲက အကြောင်းအရာမှန်သမျှက သမ္မာကျမ်းစာထဲကအကြောင်းတွေဖြစ်တယ်လို့ မမှတ်ယူဘဲ သုတရသမျိုးစုံပေးစွမ်းနိုင်တဲ့ဇာတ်ကားကောင်းတစ်ကားဖြစ်တယ်ဆိုတာကို သိထားစေချင်ပါတယ်။ (ရုပ်ရှင်အညွှန်းနဲ့ဘာသာပြန်ကို Mark မှ တင်ဆက်ထားပါတယ်။) File size…(9 GB)/(3.4 GB)/(1.7 GB) Quality…WEB-DL 4K HEVC/1080p/720p Format…mkv/mp4 Duration….02:17:53 Subtitle….Myanmar Subtitle (Hardsub) Encoder….Ka Naung Translated by Mark

ဒီဇာတ်ကားက ကျွန်တော် အရမ်းကြိုက်ခဲ့တဲ့ Spider-Man ကာတွန်းဇာတ်လမ်းထဲက ဇာတ်လမ်းတစ်ချို့ကို အခြေခံပြီး ရိုက်ကူးထားသလို၊ Visual Effect ကလည်း အရမ်းကောင်းပါတယ်။ ဒါ့အပြင် Spider-Man Web ပစ်ပြီး လေထဲမှာ သွားတဲ့ အခန်းတွေက တကယ် ကြည့်လို့ကောင်းပြီး၊ Electro နဲ့ ရင်ဆိုင်တဲ့ အခန်းမှာလည်း Slow Motion ကို လိုအပ်သလောက် ထည့်ပြီး ပညာသား ပါပါ အသုံးပြုသွားပါတယ်။ Superheros ရုပ်ရှင် ကားတွေထဲမှာ လက်ရှိအချိန်ထိ ကျွန်တော့် အကြိုက်ဆုံး ဇာတ်ကားတွေကThe Dark Knight နဲ့ Avengers တို့ဖြစ်ပါတယ်။ ဒီကားက အဲ့ဒီ နှစ်ကား လောက် စိတ်လှုပ်ရှားမှုမပေးနိုင်သလို၊ ဇာတ်ရှိန် အတက်အကျမကောင်းပေမယ့်၊ လက်ရှိအချိန်မှာတော့ အကောင်းဆုံး Spider-Man ကားလို့ တောင် ပြောလို့ရပါတယ်။ Original Spider-Man 2 ဇာတ်ကားထက်တောင် မှ အများကြီးသာလွန်နေပြီး၊ Captain America ထက် ပိုကြိုက်ပါတယ်။ ဒါပေမယ့် ကျွန်တော်ပြောခဲ့သလို၊ ဇာတ်လမ်းက ဇာတ်ရှိန် အတက်အကျ မမှန်ပါဘူး။ အထူးသဖြင့် Peter နဲ့ Gwen တို့နဲ့ အချစ်ဇာတ်လမ်းက ကလေး ကစားသလိုဖြစ်နေပါတယ်။ ပရိတ်သတ်တစ်ချို့က ဒီအချစ်ဇာတ်လမ်းမလိုဘူး လို့ထင်ပေမယ့် တကယ်တော့ Spider-Man ဇာတ်လမ်းမှာ အချစ်ဇာတ်လမ်း လိုကို လိုပါတယ်။ သူက လူတွေကို ကယ်တင်နေရင်းနဲ့ တဖက်ကလည်း ချစ်သူနဲ့ တွဲသင့် မတွဲသင့် အမြဲ တမ်းကြုံတွေ့ရသလို၊ ရန်သူတွေက သူ့ချစ်သူကို အန္တရာယ်ပေးမှာ လည်း တွေးပူရပါတယ်။ ဒီကားက အဲ့ဒီအချက်ကို ထည့်ပေးထားပေမယ့် တစ်ချို့အခန်းတွေက သာမန် Drama ကားတွေလောက် တောင် မကောင်းဘူးဖြစ်နေပါတယ်။ ဒါပေမယ့် ကျွန်တော်က ကျန်တဲ့ အချက်အားလုံးနီးပါးကို သဘောကျပါတယ်။ ဒီကားမှာ Electro ကို အဓိက ရန်သူအဖြစ် မိတ်ဆက်သွားပြီး၊ သူ့ရဲ့ Transformation ကလည်း အရမ်းကောင်းပါတယ်။ ကာတွန်းထဲက နဲ့ မတူပေမယ့် ကာတွန်းထဲက Origin ထက်ပိုပြီး ကြည့်လို့ကောင်းပါတယ်။ အထူးသဖြင့် Oscorp နဲ့ ဗီလိန်အား လုံး ချိတ်ဆက်ပေးထားပြီး Sinister Six ကို သွားနေတဲ့ ပုံစံလည်း ဖြစ်ပါတယ်။ ဒီကားက အက်ရှင် ဇာတ်ကွက်တော့ အနည်းပဲပါပြီး၊ သာမန်ပရိတ်သတ်ကို စိတ်ကြေနပ်မှု သိပ်မပေးနိုင်ခဲ့ ပါဘူး။ ဘာလိုလည်းဆိုတော့ သူတို့က နောက်ထပ် ဇာတ်ကားတွေအတွက် ပြင်ဆင်နေလို့ပဲဖြစ်ပါတယ်။ အထူး သဖြင့် Andrew Garfield ကို နောက်ထပ် ၂ ကားထပ်ရိုက်ဖို့ စာချုပ်ချုပ်ပြီးသွားပြီလို့လည်း သိရပါတယ်။ (ဇာတ်လမ်းအညွှန်းကိုတော့ ရုပ်ရှင်မိတ်ဆက် Movie Review မှကူးယူဖော်ပြထားတာဖြစ်ပါတယ်။) File size…(4.8 GB)/(2.4 GB)/(1.3 GB) Quality….BluRay 4K HEVC/ DS4K 1080p HEVC / 720p Format…mkv/mp4 Duration….02:21:34 Subtitle….Myanmar Subtitle (Hardsub) Encoder….Nyeinsaeya Aung Translated by Mr.Anderson

IMDb Rating (8.2) / Rotten Tomatoes (80%) The Wolf of Wall Street ဆိုတာက ဖြစ်ရပ်မှန်အတ္ထုပ္ပတ္တိကိုပြန်ရိုက်ထားတာ... အခုထိ သက်ရှိထင်ရှားရှိနေသေးတဲ့ Jordan Belfort ဆိုတဲ့ဆရာသမား စတော့ရှယ်ယာဈေးကွက်မှာ ဘယ်လိုတွေ လူလည်ဖျံကျပုံ... အချိန်တိုအတွင်း ငွေတွေဒလဟောဝင်ပြီး ဘယ်လိုတွေချမ်းသာသွားပုံ... ချမ်းသာလွန်ပြီး ဘာတွေဆက်ဖြစ်သွားပုံစတဲ့ သူ့ဘဝဇာတ်ကြောင်းကိုရိုက်ထားတာ... မင်းသား လီယိုနာဒိုက Jordan Belfort နေရာကနေ သရုပ်ဆောင်ထားပြီး ဇာတ်ကားရဲ့နောက်ဆုံးပိုင်းမှာ Jordan Belford ကိုယ်တိုင်လဲ ဝင်ရိုက်ထားသေးတယ်။ မင်းသမီးက Margot Robbie ...သိတဲ့အတိုင်း ဒီဇာတ်ကားမှာရှယ်ဟော့တာ..သူများလင်ယူထားတဲ့ အငယ်အနှောင်းပုံစံနဲ့ ဟော့တယ် ထိတယ်မိတယ်ပေါ့။ သူမက အဲ့ကာလက တက်သစ်စမင်းသမီးပဲရှိသေးပေမယ့် ဒီဇာတ်ကားမှာ အဟော့ခန်းတွေ အဖော်အချွတ်ခန်းတွေပါမကျန် ဇာတ်နဲ့ကျရာဇာတ်ရုပ်ကို ပီပြင်စွာရိုက်ကူးသရုပ်ဆောင်ခဲ့တာကြောင့် တခါထဲ နာမည်ကြီးမင်းသမီးတန်းဝင်သွားပါတယ်။ မင်းသားလီယိုနာဒိုကတော့ ပြောမနေနဲ့တော့...သူ့ကြောင့်ပဲ ဒီရုပ်ရှင်ကား ဒီလောက်ကောင်းသွားတာ.. Jordan Belfort တောင် သူ့လောက် Jordan Belfort  မဖြစ်လောက်ဘူး... လီယိုနာဒိုကမှ တကယ့်လူလည်ပတ်ကား ကျရာပျော် ငွေသမား ဆေးသမား ဆော်သမား အကုန်ကြမ်းတဲ့ တကယ့် Jordan Belfort ။ မူးယစ်ဆေးအမျိုးမျိုးကို နှစ်သက်တဲ့ Jordan Belfort မှာ မူးယစ်ဆေးတွေထက် ပိုယစ်မူးတဲ့ အရာတစ်ခုရှိတယ်... အဲ့ဒါပိုက်ဆံပဲ။ " ပိုက်ဆံသာ အလုံအလောက်ရှိလာရင် မင်း ဘာမဆိုလုပ်နိုင်လိမ့်မယ် ကမ္ဘာကြီးကိုလည်းသိမ်းပိုက်နိုင်လိမ့်မယ်..မင်းရန်သူတွေကိုလည်းဖျက်ဆီးပစ်နိုင်လိမ့်မယ် ပိုက်ဆံက မင်းကိုဘဝကောင်းကောင်းတစ်ခု ဝယ်ပေးရုံမဟုတ်ဘူး အစားကောင်းကောင်းရော ကားကောင်းကောင်းရော မိန်းမကောင်းကောင်းရောဝယ်ပေးတာ မင်းကိုပိုကောင်းတဲ့လူတစ်ယောက်ဖြစ်လာစေတယ် မင်းကြိုက်တဲ့ဘုရားကျောင်း၊နိုင်ငံရေးပါတီ ကြိုက်တာကိုမင်းလှူလို့ရတယ် စိတ်ပါရင် ဇီးကွက်မျိူးစိတ်တစ်ခုလုံးကိုတောင် ပိုက်ဆံပေးပြီးကာကွယ်ထားလို့ရသေးတယ်။" ဒီလိုခံယူချက်တွေနဲ့ Jordan Belfort ဟာ ဘာမှမရှိတဲ့သာမန်အရောင်းစာရေးဘဝကနေ အချိန်တိုအတွင်း သန်းကြွယ်သူဌေးဖြစ်လာဖို့ အားထုတ်ပါတော့တယ်... ပွဲစားတစ်ယောက် ဈေးရောင်းသူတစ်ယောက် Marketing သမားတစ်ယောက် ဈေးဘယ်လိုရောင်းရမယ်ဆိုတာ Jordan Belfort က ဒီရုပ်ရှင်မှာပြလိမ့်မယ်... လီယိုနာဒိုရဲ့တွဲဖက်က ဟာသမင်းသား Jonah Hill  တဲ့...ပွဲကိုသိမ်းရော...နှစ်ယောက်သား တစ်ကားလုံး ဆဲလိုက် မူးလိုက် ပေါက်ကရတွေချည်းဆော်တာ။ မိသားစုနဲ့ကြည့်လို့မပြေအောင်ထိ ဇာတ်ကကြမ်းတယ်...ဒါရိုက်တာက နာမည်ကျော် Martin Scorsese ။ တခါတလေ စိတ်ညစ်လို့ Moti ပျောက်နေပြီဆိုရင် ဒီရုပ်ရှင်ကားက အမြင်တစ်မျိုးနဲ့ Moti ပေးနေပါလိမ့်မယ်။ ၃ နာရီကျော်ကြာပေမယ့် လုံးဝစွဲသွားမှာမလို့ ကြည့်ကြည့်ပါ။ (4K ကိုတော့ HDR Version နဲ့ လုပ်ထားတာမလို့ ခေတ်ပေါ် ဖုန်း pc tv တချို့မှာသာ ကာလာစုံမြင်ရမှာဖြစ်ပါတယ်...1080p နဲ့ 720p ကတော့ ပုံမှန်အတိုင်းကြည့်လို့ရပါတယ်။) File size…(6.6 GB)/ (3.2 GB )/(1.6 GB) Quality….BluRay 4K HDR/1080p /720p Format…mkv/mp4 Duration….02:59:53 Subtitle….Myanmar Subtitle(Hardsub) Encoder….Ka Naung Translated by KoYe

ဘရုစ်ဟာ အိမ်ထဲမှာပဲ နေလာတာ ရှစ်နှစ်ရှိပြီဖြစ်သလို Batman လည်း Gotham မြို့ကနေ ပျောက်ကွယ်နေပါတယ်။ Harvey Dent ကျူးလွန်ခဲ့တဲ့ လူသတ်မှုတွေကို Batman လုပ်ခဲ့တယ်လို့ လူတွေက ယုံကြည်နေကြဆဲပါ။ Dent ကို အကြောင်းပြုပေါ်လာတဲ့ ဥပဒေကြောင့် ဂိုဏ်းဖွဲ့ကျူးလွန်တဲ့ ရာဇဝတ်မှုတွေ ပပျောက်နေချိန်မှာပဲ Gotham ကို ခြိမ်းခြောက်မယ့် ရန်သူသစ်က လှုပ်ရှားနေပြီဖြစ်ပါတယ်။ Bane က CIA ထိန်းသိမ်းထားတဲ့ နျူကလီးယားရူပဗေဒပညာရှင်တစ်ယောက်ကို ဖမ်းခေါ်သွားတယ်။ တစ်ဖက်မှာလည်း ဘရုစ်ရဲ့အိမ်မှာ Harvey Dent အမှတ်တရပွဲ ကျင်းပနေတုန်း Selina Kyle က ခိုးဝင်ပြီး ဘရုစ်အမေရဲ့ လည်ဆွဲကို ယူသွားပါတယ်။ ဒါပေမယ့် သူ့ရဲ့ တကယ့်ပစ်မှတ်က လည်ဆွဲထက် ဘရုစ်ရဲ့ လက်ဗွေဖြစ်နေကြောင်း ဘရုစ်က ရိပ်မိပြီး စုံစမ်းလာတယ်။ လက်ဗွေကို ရသွားတဲ့ Selina ဟာ ပွဲတက်လာတဲ့ လွှတ်တော်အမတ်တစ်ယောက်ကိုပါ ပြန်ပေးဆွဲပြီး သူ့ကို လက်ဗွေခိုးခိုင်းသူနဲ့ တွေ့ဖို့ ခေါ်သွားပါတယ်။ ဒီကိစ္စကို လိုက်စုံစမ်းတဲ့ Gordon က အဖမ်းခံရပြီး Bane နဲ့ ရင်ဆိုင်တွေ့ရတယ်။ Bane ဟာ Gotham မြို့ရဲ့ မြေအောက်ရေမြောင်းတွေထဲမှာ တပ်စွဲထားတာပါ။ Gordon က လွတ်အောင် ထွက်ပြေးနိုင်ခဲ့ပြီး ရဲအရာရှိ John Blake က သူ့ကို တွေ့သွားကာ ဆေးရုံပို့ပေးခဲ့ပါတယ်။ Alfred ကလည်း Bane နဲ့ပတ်သက်တဲ့ အကြောင်းတွေကို ဘရုစ်ဆီ ပြောပြလာတယ်။ Bane ဟာ ဘရုစ်ကို အရင်က ပညာသင်ပေးခဲ့တဲ့ Ra's Al Ghul ရဲ့ တပည့်ဖြစ်ပြီး သူ့ရည်ရွယ်ချက်က Gotham ကို ဖျက်ဆီးဖို့ပါ။ Bane က အဲဒီအစီအစဉ်ကို ဘယ်လိုအကောင်အထည်ဖော်မလဲ၊ အချိန်အတော်ကြာ ပျောက်ကွယ်နေတဲ့ Batman ကရော မြို့ကို ဘယ်လိုကာကွယ်မလဲဆိုတာ ဆက်တွေ့ရမှာဖြစ်ပါတယ်။ The Dark Knight Rises က Christopher Nolan ရဲ့ Batman ဇာတ်ကားသုံးကားတွဲကို အဆုံးသတ်ပေးတဲ့ကားဖြစ်ပြီး Christian Bale ရဲ့ နောက်ဆုံး Batman ဇာတ်ကားလည်း ဖြစ်ပါတယ်။ Bane အဖြစ် Tom Hardy၊ Selina Kyle အဖြစ် Anne Hathaway တို့ ပါဝင်ထားကြပါတယ်။