Rick Rossovich ပါဝင်သော ဇာတ်ကားများ

စီဒီဘေးလ်စ်ဟာ နယ်လ်ဆန်ဆိုတဲ့ မြို့ငယ်လေးတစ်ခုက မီးသတ်ခေါင်းဆောင်တစ်ယောက်ပါ။ အပြောအဟောကောင်းသူတစ်ယောက်လည်း ဖြစ်ပြီးတော့ အမြဲတမ်းတက်ကြွနေတဲ့သူတစ်ယောက်ပါ။ တစ်နေ့မှာတော့ နယ်လ်ဆန်မြို့ကိုပြောင်းလာတဲ့ ရော့ဇန်းဆိုတဲ့ နက္ခတ္တဗေဒပညာရှင်မိန်းမလှလေးကို ကူညီလိုက်ရာကနေ အချစ်တွေပေါက်ဖွားလာပါတယ်။ ဒါပေမဲ့ သူ့ရဲ့နှာခေါင်းက သာမန်လူတစ်ယောက်အဖို့ အဆမတန်ကြီးနေတဲ့အတွက် ရော့ဇန်းအပေါ်ထားတဲ့ သူ့အချစ်တွေကို မြိုသိပ်ထားပါတော့ တယ်။ အဲဒီလိုနဲ့ တတိယလူပေါ်လာတဲ့အခါမှာရော သူ့အချစ်တွေကို ဆက်ပြီးမြိုသိပ်ထားနိုင်ပါ့မလား ရော့ဇန်းကရော သူ့ကို ပြန်ချစ်လာပါ့မလားဆိုတာကို rom-comဆန်ဆန် အခွီအလွဲလေးတွေပါတဲ့ ဒီဇာတ်ကားလေးမှာ ကြည့်ရှူအားပေးကြပါဦးနော်။ File size…(1.8 GB)/(900 Mb) Quality….Blu-Ray 1080p / 720p Format… mp4 Duration…. 01:47:00 Genre... Romatic Comedy, Slapstick, Comedy, Romance Subtitle….Myanmar Subtitle (Hardsub) Encoder….Garfield Translated by Kar Lotte

ဇာတ်လမ်းအကျဉ်း အဲလက်စ် ဟာ တစ်ချိန်က အောင်မြင်ခဲ့တဲ့ မင်းသမီးတစ်ဦးဖြစ်ပေမယ့် အခုအခါမှာတော့ အရက်ကိုအလွန်အကျွံသောက်သုံးပြီး ဘဝကို အဓိပ္ပာယ်မဲ့စွာ ဖြတ်သန်းနေသူပါ။ ခရစ္စမတ်မနက် နိုးလာတဲ့အခါမှာတော့ သူမဟာ တစ်ခါမှမမြင်ဖူးတဲ့ အခန်းတစ်ခုထဲ ရောက်နေပြီး ဘေးနားမှာလည်း လူစိမ်းတစ်ယောက် အသတ်ခံထားရတာကို တွေ့လိုက်ရပါတော့တယ်။ ပြီးခဲ့တဲ့ညက ဘာတွေဖြစ်ပျက်ခဲ့သလဲဆိုတာကို လုံးဝမှတ်မိခြင်းမရှိတဲ့ အဲလက်စ် ဟာ ကြောက်လန့်တကြား ထွက်ပြေးရင်း လမ်းမှာ ရဲအရာရှိဟောင်း ဂျိုး နဲ့ ဆုံတွေ့ခဲ့ပါတယ်။ ဂျိုး ဟာ သူမကို ကူညီဖို့ ဆုံးဖြတ်ခဲ့ပြီး သူတို့နှစ်ဦးဟာ ဒီလူသတ်မှုရဲ့ နောက်ကွယ်က အမှန်တရားကို စတင်ရှာဖွေကြပါတယ်။ ရှုပ်ထွေးလှတဲ့ ပဟေဠိတွေနဲ့ ဘယ်သူ့ကိုယုံကြည်ရမှန်းမသိတဲ့ အခြေအနေတွေကြားမှာ အဲလက်စ် တစ်ယောက် သူမဟာ တရားခံလား ဒါမှမဟုတ် ထောင်ချောက်ဆင်ခံရတာလားဆိုတာကို ရင်တထိတ်ထိတ်နဲ့ ကြည့်ရှုရမယ့် ဇာတ်ကားကောင်းတစ်ကား ဖြစ်ပါတယ်။

အမေရိကန် တိုက်လေယာဉ်သင်တန်းကျောင်းတစ်ခုကို နောက်ခံထားပြီး လေသူရဲတစ်ယောက်နဲ့ ဆရာမတစ်ယောက်တို့ရဲ့ အချစ်အကြောင်းကို ရိုက်ကူးထားပါတယ်။ တွမ်ခရုစ်နဲ့ Kelly McGillis တို့ ပါဝင်သရုပ်ဆောင်ထားပြီး မူရင်းအညွှန်းမှာတော့ Kelly McGillis ရဲ့ သရုပ်ဆောင်မှုက တွမ်ခရုစ်ရဲ့ သရုပ်ဆောင်မှုကို ပံ့ပိုးပေးနိုင်ခဲ့တယ်လို့ ဖော်ပြထားပါတယ်။ ၁၉၈၆ ခုနှစ်မှာ ထွက်ရှိခဲ့တဲ့ ဒီဇာတ်ကားရဲ့ အဆက် Top Gun: Maverick ကတော့ နှစ်သုံးဆယ်ကျော်အကြာ ၂၀၂၂ ခုနှစ်မှာ ထွက်ရှိခဲ့ပါတယ်။

ကဗျာဆရာတစ်ယောက်ရေးတဲ့ အလွမ်းက‌ဗျာတွေက သူကိုယ်တိုင်အသည်းကွဲဖူးမှ ပိုကောင်းသတဲ့။ ဒါရိုက်တာတစ်ယောက် ဇာတ်ကားရိုက်မယ်ဆိုရင်ရော ဘယ်လိုဖြစ်မှ ဇာတ်လမ်းတွေ ပိုကောင်းမလဲ။ ဂြိုဟ်စိမ်းစိမ်းကြီးပေါ်က ဂြိုဟ်သားပြာပြာတွေအကြောင်း ရိုက်ခဲ့သူ၊ တိုက်တန်းနစ်သင်္ဘောကြီး ဘယ်လိုနစ်သွားသလဲ ရိုက်ပြခဲ့သူ ဂျိမ်းစ် ကန်မရွန်း ကတော့ ဟောဒီ Terminator ဇာတ်ကားကြီးကို သူ့ရဲ့ အဖျားအိပ်မက် ကယောက်ကယက်ကနေ စိတ်ကူးရခဲ့ပြီး ထုတ်ဝေသူဆီ အိုင်ဒီယာရောင်းစားခဲ့သူပါ။ သူကိုယ်တိုင် ရိုက်ကူးရမှဖြစ်မယ်ဆိုတဲ့ သဘောတူညီမှုလည်း ပါတာပေါ့။ ဘာပဲဖြစ်ဖြစ် သူ့အိပ်မက်ကနေပြီး ကျွန်တော်တို့ကလေးဘဝရဲ့ အစိုးမိုးနိုင်ဆုံး ဇာတ်ကားကြီးတစ်ကား ထွက်ပေါ်လာတာပါပဲ။ သိပ္ပံစိတ်ကူးယဉ်ဇာတ်ကားတစ်ကားက အခုလို IMDb 8.1 ရခဲ့တာ၊ ခရမ်းချဉ်သီးပုပ် 100 အပြည့်ရခဲ့တာ ဆိုတာတွေက နွေခေါင်ခေါင် မိုးကြိုးပစ်ချတာထက် ပိုရှားပါးတဲ့အဖြစ်ပါပေါ့။ ထင်မှတ်မထားဘဲ Box Office မှာ နှစ်ပတ်တိတိ ထိပ်တန်းဖြစ်ခဲ့တာ၊ ကန်မရွန်း နဲ့ အာနိုး ကို အောင်မြင်ကျော်ကြားသူတွေအဖြစ် တွန်းတင်ပေးခဲ့တာ၊ အမြတ်ငွေ သောက်သောက်လဲရခဲ့တာတွေက ဒီလိုဇာတ်ကားမျိုးအတွက် မမျှော်မှန်းအပ်တဲ့အရာတွေပါပဲ။ ကျောက်ခဲရေပေါ်ခဲ့တဲ့ဇာတ်ကားတစ်ကားလို့ ပြောကြပါစို့။ အမေရိကန် ရုပ်ရှင်သမိုင်းရဲ့ စံပြုထိုက်သော ထိန်းသိမ်းထိုက်သော ဇာတ်ကားအဖြစ် 2008 ခုနှစ်မှာ ရွေးချယ်ခံခဲ့ရပါတယ်။ လူသားတွေကို ကူညီပေးရမယ့် AI ဉာဏ်ရည်တုကွန်ပျူတာတစ်လုံးက သိပ်ကို အသိဉာဏ်တွေ ရှိသွားပြီး လူသားတွေကို သူ့ရဲ့ အန္တရာယ်အဖြစ် သက်မှတ်လိုက်တဲ့အချိန်မှာ လူသား သန်းသုံးထောင် နျူကလီးယားမီးတောက်ကြီးထဲမှာ အသက်ဆုံးရှုံးခဲ့ရတယ်။ ရှင်သန်ကျန်ရစ်သူတွေက မြေအောက်တွေထဲမှာ ကြွက်တွေလိုနေထိုင်ရင်း အသက်ယဲ့ယဲ့ကို ပင်ပင်ပန်းပန်းဆက်လက်ရှင်သန်နေရချိန် အမှောင်လွှမ်းသောနေ့တွေပေါ့။ လူသားတစ်ယောက် ပေါ်ထွန်းလာခဲ့တယ်။ စက်ရုပ်တွေကို အမှိုက်ပုံဖြစ်အောင်လုပ်နိုင်စွမ်းရှိသူ၊ မြေအောက်က လူသားတွေကို မြေပေါ်ကို တစ်ခေါက်ပြန်ခေါ်နိုင်ခဲ့သူ သူရဲကောင်းကြီးဟာ စက်တွေရဲ့ နောက်ဆုံးအခြေစိုက်စခန်းကို တိုက်ခိုက်အောင်မြင်ခဲ့တယ်။ ဒါပေမဲ့ သူတို့ဝင်စီးနိုင်လိုက်ချိန်မှာ စက်တွေဘက်က သတ်ဖြတ်ရေးမုဆိုးစက်ရုပ်တစ်ရုပ်ကို အတိတ်ကို ပြန်လွှတ်လိုက်ပြီးကာစမှန်း သိလိုက်ရတယ်။ သူ့ရဲ့တာဝန်က လူသားခေါင်းဆောင်ကို ကိုယ်ဝန်လွယ်မွေးမယ့် မိခင်ဖြစ်သူကို ဦးအောင်သတ်ဖြတ်ဖို့။ လူသားခေါင်းဆောင် အတိတ်ကတည်းက မွေးမလာခဲ့အောင်လို့။ ဒီတော့ လူတွေဘက်ကလည်း တစ်ကိုယ်တော်စစ်သည်တစ်ဦးကို လွှတ်လိုက်ရတယ်။ စက်ရုပ်ကို ချေမှုန်းဖို့၊ မိခင်ကို ကာကွယ်ဖို့။ ဒါပေမဲ့ လူသားတစ်ပိုင်းဖြစ်ပြီး သိပ်ကိုမာကြော ခိုင်ခံ့တဲ့ လူသတ်စက်ရုပ်ကြီးကို ဘယ်လိုများတားဆီးမလဲ။ တစ်ခေတ်တစ်ခါက ဂန္တဝင်ဇာတ်ကားကြီးကို CM ရဲ့တင်ဆက်မှုနဲ့ အလွမ်းပြေ ပြန်လည်ကြည့်ရှုကြပါဦးစို့။ File size… 5.2 GB / 2.8 GB / 1.23 GB Quality….BluRay 4K/ 1080p / 720p Format…mp4 Duration….01:47:00 Genre...Action, Sci-Fi Subtitle….Myanmar Subtitle (Hardsub)

စစ်သင်တန်းကျောင်းတစ်ခုမှာ ဇာတ်အိမ်တည်ထားပြီး စစ်သားတစ်ယောက်ဖြစ်ဖို့ ဘယ်လောက်ထိ ပင်ပန်းဆင်းရဲခံရသလဲဆိုတာကို ကွက်ကွက်ကွင်းကွင်း ရိုက်ပြထားပါတယ်။ Duration နည်းပေမယ့် ပေးချင်တဲ့ Message ကို ထိထိမိမိပြသွားပြီး Old But Gold and Underrated Movie လို့တောင် ဆိုရမှာပါ။ ဇာတ်လမ်းအကျဉ်း ဇာတ်လမ်းကို စစ်သင်တန်းကျောင်းတစ်ခုရဲ့ ဗိုလ်လောင်းတွေကြားက ဆက်ဆံရေးကို အဓိက ထားတည်ဆောက်ထားပါတယ်။ အဲဒီခေတ်တုန်းက လူမျိုးရေးခွဲခြားမှု ကြီးကြီးမားမားရှိသေးတာကြောင့် စစ်တပ်ထဲကို လူမည်းတွေ ဝင်ဖို ခက်ခဲခဲ့ပါတယ်။ နှစ်တစ်နှစ်မှာတော့ ပီးယားစ်လို့ခေါ်တဲ့ လူမည်းကောင်လေးတစ်ယောက် သင်တန်းသားဖြစ်လာခဲ့ပြီး တခြားဗိုလ်လောင်းတွေရဲ့ အနိုင်ကျင့်ခံရဖို ဦးတည်ချက် ဖြစ်လာခဲ့ပါတယ်။ သူ့ကိုကာကွယ်ဖို့အတွက် ဗိုလ်မှူးကြီးက ဝီလ်ဆိုတဲ့ စီနီယာဗိုလ်လောင်းကို တာဝန်ပေးထားတာပါ။ ဒါပေမဲ့ ထင်ထားသလောက် မရိုးရှင်းဘဲ ဒဿအဖွဲ့လို့ခေါ်တဲ့ ဗိုလ်လောင်းဆယ်ယောက် ဖွဲစည်းထားတဲ့အတွက် ပီးယားစ်ကို ကျောင်းထွက်ဖို့အတွက် ရက်ရက်စက်စက် ဖိအားပေးတဲ့အခါမှာတော့ ဝီလ်တစ်ယောက် ကာကွယ်ဖို့ ခက်ခက်ခဲခဲ ကြိုးစားရပါတော့တယ်။ ဒဿအဖွဲ့ဆိုတာက ဘာလဲ။ ဘယ်သူတွေ ပါဝင်ပြီး ဘာရည်ရွယ်ချက်နဲ့ လုပ်ဆောင်နေလဲ ဘယ်လောက်ထိ အာဏာကြီးသလဲဆိုတာကို ရှာဖွေဖို့ သူ့သူငယ်ချင်းတွေနဲ့အတူ ဝီလ်အနေနဲ့ ဘယ်လိုကြိုးစားသလဲဆိုတာကို စိတ်ဝင်တစား ကြည့်ရှုရမယ့် ရုပ်ရှင်ကားကောင်းတစ်ခုပဲ ဖြစ်ပါတယ်။ Quality.....WebRip 1080p / 720p File Size.....(2 GB) / (1.1 GB) Genre.....Thriller Duration.....01:42:00