Riley Wang ပါဝင်သော ဇာတ်ကားများ

ဒီတစ်ခါယူဆောင်လာပေးတာကတော့ ရုပ်ရည်လန်းသလောက် သရုပ်ဆောင်တာတွေကပါ ပျံထွက်ကွက်တိကျတတ်တဲ့ ကိုကိုရှောင်ဟိုရဲ့ကားသစ်လေးနဲ့ မိတ်ဆက်ပေးချင်ပါတယ်။ ကိုကိုရှောင်ဟိုပါတာမို့ ကောင်းမကောင်းကတော့ ပြေးကြည့်စရာကိုမလိုတာပါ။ ဇာတ်အိမ်က Historical ဇာတ်ကြောင်းကိုမှ Romance ပါးပါးလေးအုပ်ထားတာမျိုးလေးမို့ ကိုကို့အချစ်မျက်ဝန်းတွေကြားနစ်မွန်းရင်း နှလုံးသားလေး ကလိကလိဖြစ်ရမှာအသေချာပါပဲ။ ကိုကိုနဲ့အတူ မမလှလှလေး Ai Mi ကလည်း ပါဝင်ထားပါတယ်။ မမ Ai Mi ကတော့ FoF မှာ Support Role ကနေပါဝင်ခဲ့ပါသေးတယ်။ ရှန်းရှဝူရှတွေနဲ့ မတရားလိုက်ဖက်တဲ့ကိုကိုရှောင်ဟိုအပြင် မမလှလှလေး Ai Mi ကလည်း ထက်မြက်ပြီးဆွဲ‌ဆောင်မှုရှိတဲ့ဇာတ်ရုပ်နဲ့ အင်မတန်မှလိုက်ဖက်တာမို့ မကြည့်တဲ့သူက ရူးနေလို့ပါပဲ ချစ်ပြိတ်သတ်ကြီးရေ။ ဇာတ်လမ်းအညွှန်း >>> သာ့ယုံတိုင်းပြည်ရဲ့အင်အားကြီးနယ်စားတစ်ဦးက ပုန်ကန်ခြားနားလိုက်တာမို့ တစ်တိုင်းပြည်လုံးဟာ ဖရိုဖရဲဖြစ်ပြီး စစ်ဘုရင်တွေ နေရာအနှံ့ ထကြွလာခဲ့ကြပါတယ်။ အဲဒီလိုပရမ်းပတာဖြစ်နေတဲ့အခြေအနေထဲမှာ မြောက်ပိုင်းစစ်တပ်ရဲ့သွေးအေးရက်စက်တဲ့ စစ်သေနာပတိချုပ်ရှောင်းဝူယီဟာ ချန်းရှမြို့စားမင်းရဲ့ပုန်ကန်မှုကို နှိမ်နင်းနိုင်ဖို့အတွက် ပရိယာယ်တစ်ခုဆင်ခဲ့ပါတယ်။ အဲဒါကတော့ ပိုက်ဆံသာရမယ်ဆိုရင် သေလူကိုတောင်ထခိုင်းမယ့် ဉာဏ်များလှတဲ့နန်းတွင်းပညာရှိကြီး ရှဲ့ဟွိုင်ကွေ့ရဲ့တစ်ဦးတည်းသောသမီးပျိုလေး ရှဲ့ကျားယွီကို လက်ထပ်ဖို့ပါပဲ။ တော်ဝင်အမိန့်တော်အရထိမ်းမြားလိုက်ရတဲ့ သူတို့နှစ်ယောက်ရဲ့မင်္ဂလာပွဲဟာ အချစ်ကြောင့်မဟုတ်ဘဲ နောက်ကွယ်က လျှို့ဝှက်ချက်တွေကို အသုံးချဖို့အတွက်ပဲ ဖန်တီးထားတာဖြစ်လို့ တကယ့်ကိုကစားကွက်တစ်ခုပါပဲ။ သူတို့နှစ်ယောက်ရဲ့အမူအရာတိုင်းမှာ မာယာတွေဖုံးကွယ်ထားသလို ခြေလှမ်းတိုင်းကလည်း နန်းအာဏာလုပွဲကြီးရဲ့တွက်ချက်မှုတွေပဲ ဖြစ်ပါတယ်။ ဒါပေမဲ့ တော်ဝင်အမိန့်အရ ထိမ်းမြားထားရတဲ့ဘဝကနေတစ်ဆင့် ဘဝလက်တွဲဖော်တွေဖြစ်လာချိန်မှာတော့ သံသယတွေ၊ အငြင်းပွားမှုတွေကြားကနေ အချစ်နဲ့စည်းလုံးမှုဆီကို ဦးတည်လာခဲ့ကြပါတယ်။ နောက်ဆုံးမှာတော့ ရည်မှန်းချက်ချင်းပြိုင်ဆိုင်နေတဲ့ ပြိုင်ဘက်တွေကနေ အသက်အန္တရာယ်များလှတဲ့ကစားပွဲကြီးထဲမှာ တစ်ယောက်ရဲ့လျှို့ဝှက်ချက်ကို တစ်ယောက် ဖော်ထုတ်ရင်း မသိလိုက်ချိန်မှာပဲ နှလုံးသားချင်းထပ်တူကျတဲ့ စစ်မှန်တဲ့ဘဝလက်တွဲဖော်တွေ ဖြစ်သွားကြပါတော့တယ်။ ဒီဇာတ်လမ်းက Power Couple အမျိုးအစားဖြစ်လို့ ကိုကိုရှောင်ဟိုရော မမ Ai Mi တို့က Strong Couple Relationship ပုံစံကြီးကို မြိုင်ဆိုင်နေအောင် ဆေးစက်ကျရာအရုပ်ထင်ကြမှာပါ။ နှစ်ယောက်လုံးက အချစ်ကို ဒုတိယနေရာမှာထားပြီး ကိုယ့်အကွက်နဲ့ ကိုယ်ကစားရင်းနဲ့မှ မထင်မှတ်ဘဲ တကယ်ချစ်မိသွားကြမဲ့ Slow-burn Vibe မျိုးဆိုတော့ ရင်ခုန်ကောင်းမှာကလည်း စကားထဲတောင် ထည့်ပြောစရာမလိုတာမို့ ရင်ခုန်စိတ်လှုပ်ရှားပြီး ရိုလာကိုစတာမုဒ်ခံစားချင်ရင်တော့ ဒီစီးရီးလေးက must watch ပါပဲနော်။ Total Episodes : 28 Quality : WEB-DL 1080p, 720p Format : mp4 Genres : Drama Runtime : 45 min Subtitle : Myanmar Subtitle ( Hardsub )

ဒီတစ်ခါ မိတ်ဆက်ပေးချင်တဲ့ကားသစ်လေးကတော့ ဝူရှအမျိုးအစားကိုမှ Rom-Com ဇာတ်အိမ်ပုံစံလေးပါ။ ဒီကားလေးက မဟာမိတ်ကနေ ချစ်သူဖြစ်သွားတဲ့ပုံစံမို့လို့ တရုတ်နန်းတွင်းကားပရိသတ်တွေ အကြိုက်တွေ့မဲ့ Plot မျိုးပါပဲ။ အဓိကဇာတ်ဆောင်တွေအဖြစ် A dream within a dream ထဲက မမလှလှလေး Li Yi Tong၊ Veil of shadows မှာ ခပ်မိုက်မိုက်သရုပ်ဆောင်ချက်‌တွေနဲ့အတူ နဂါးမျိုးနွယ်ရဲ့နောက်ဆုံးကျန်ရစ်သူအဖြစ်သရုပ်ဆောင်ခဲ့တဲ့ ကိုကို Zeng Shun Xi နဲ့ Lost You Forever ရဲ့ Season နှစ်ခုလုံးမှာ MC အဖြစ်ပါဝင်ခဲ့တဲ့ ကိုကို Deng Wei တို့က ပါဝင်သရုပ်ဆောင်ထားကြပါတယ်။ ဇာတ်လမ်းအညွှန်း >>> ဒဏ္ဍာရီလာကိုးမြို့တော်ကြီးထဲမှာ အရှိန်အဝါညှိုးမှိန်သွားခဲ့တဲ့ မှူးမတ်မျိုးနွယ်စုဝင် အမျိုးသမီးလေးဖန့်ယွင်ဟာ လည်လည်ဝယ်ဝယ်ရှိပြီး ရည်မှန်းချက်ကြီးမားလှတဲ့ မြို့စားမင်းချီကျန်းနဲ့ မထင်မှတ်ဘဲဆုံတွေ့ခဲ့ကြပါတယ်။ အစပိုင်းမှာတော့ တစ်ယောက်ကိုတစ်ယောက်မယုံကြည်နိုင်ဘဲ သံသယမျက်လုံးတွေနဲ့စတင်ခဲ့ကြပေမဲ့ မာယာတွေ၊ လျှို့ဝှက်ကြံစည်မှုတွေနဲ့သစ္စာဖောက်ဖျက်မှုတွေ ပြည့်နှက်နေတဲ့အာဏာလုပွဲကြီးထဲကို ဖြတ်သန်းရင်းနဲ့ သူတို့နှစ်ယောက်ဟာ မဟာမိတ်တွေအဖြစ် လက်တွဲဖြစ်သွားခဲ့ကြပါတော့တယ်။ သူတို့နှစ်ယောက်ဟာ ကိုယ့်ယုံကြည်ချက်တွေကိုစိန်ခေါ်လာမဲ့ ဘေးအန္တရာယ်မှန်သမျှကိုရင်ဆိုင်ရင်းနဲ့ အခက်အခဲတွေကြားထဲကနေ စစ်မှန်တဲ့ယုံကြည်မှု၊ ကူညီဖေးမတတ်မှုတွေနဲ့ တစ်ဦးအပေါ် တစ်ဦးထားရှိတဲ့အချစ်စစ်ကိုပါ ရှာဖွေတွေ့ရှိသွားကြပါတယ်။ မဟာမိတ်ကနေ ချစ်သူဖြစ်သွားတဲ့ဇာတ်အိမ်အပြင် အချစ်ရေးထက် တိုင်းပြည်အရေးကို လက်တွဲဖြေရှင်းရင်း တဖြည်းဖြည်းသံယောဇဉ်ဖြစ်သွားကြမဲ့ Slow-burn Romance မို့လို့ ဇာတ်အိမ်က တော်တော်လေးကိုလေးနက်မှာပါ။ ပါဝင်တဲ့သရုပ်ဆောင်တွေကလည်း ဒိတ်ဒိတ်ကြဲတွေမို့ ဒီကားလေးကိုလည်း လုံးဝလက်မလွှတ်သင့်ပါနော်။ Total Episodes : 36 Quality : WEB-DL 1080p, 720p Format : mp4 Genres : Drama Runtime : 45 min Subtitle : Myanmar Subtitle ( Hardsub )

ဒီတစ်ခါ သာ့ကျားတို့ကို မိတ်ဆက်ပေးချင်တာကတော့ ဝူရှစီးရီးအသစ်လေးတစ်ခုပါ။ ဒီဇာတ်လမ်းလေးက ဝူရှဆိုပေမဲ့ နတ်ဘုရားနဲ့လူသားမိန်းကလေးတို့ကြားက အချစ်ရိပ်နွေးနွေးကို ခပ်အုပ်အုပ်လေးဖြန့်ကျက်ထားတာမို့ သိုင်းချတာလဲကြည့်ရင်း အချစ်ချိုမြမြလေးကိုပါ ခံစားရမဲ့ဇာတ်လမ်းကောင်းလေးပါနော်။ ဇာတ်လမ်းရဲ့ MC တွေကတော့ Love and Crown မှာ နီမလိုလိုနဲ့ အမေဇုန်သစ်တောကြီးလိုစိမ်းချသွားတဲ့ Ren Jia Lun နဲ့အတူ Footprints of Change မှာ ပါဝင်ခဲ့တဲ့ မမလှလှလေး Wang He Run တို့က ကမ်မီရော ရူပပါမိအောင် သရုပ်ဆောင်ထားကြပါတယ်။ Ren Jia Lun နဲ့ Wang He Run တို့အပြင် Zhang Kai Ying၊ Huang Yi၊ Ding Xiao Ying၊ Sun Ze Yuan နဲ့ Riley Wang တို့ကပါ MC အဖြစ်ပါဝင်ထားတာမို့ ဇာတ်ဆောင်တွေ လုံးဝမြိုင်ဆိုင်နေမဲ့စီးရီးကောင်းတစ်ခုလို့ခံစားရမှာ အသေချာပါပဲ။ ဇာတ်လမ်းအညွှန်း >>> ရှေးဟောင်းကမ္ဘာဦးကာလတုန်းက စစ်ဝိညာဉ်မျိုးနွယ်စုဟာ သူတို့ကိုထိန်းချုပ်ထားတဲ့အနှောင်အဖွဲ့ကို ဖောက်ဖျက်ခဲ့ကြတဲ့အတွက် နတ်ဘုရားတွေရဲ့အပြစ်ပေးမှုကို ခံခဲ့ရပြီး စွမ်းအားတွေကို ဆုံးရှုံးခဲ့ရပါတယ်။ ရှန့်ယင်ခေတ်ကိုရောက်တဲ့အခါမှာတော့ ကျင်းဝူမျိုးနွယ်စုရဲ့ခေါင်းဆောင် ကျင်းလင်က မဟုတ်မမှန်အမိန့်ထုတ်ပြီး စစ်ဝိညာဉ်မျိုးနွယ်စုကို အမြစ်ပြတ်ချေမှုန်းဖို့ကြိုးစားခဲ့လို့ သူတို့မျိုးနွယ်စုဟာ မျိုးတုံးလုနီးပါး ဖြစ်ခဲ့ရပြန်ပါတယ်။ နှစ်ပေါင်းတစ်သောင်းကြာပြီးတဲ့နောက်မှာတော့ စစ်ဝိညာဉ်မျိုးနွယ်စုရဲ့နောက်ဆုံးမျှော်လင့်ချက်ဖြစ်တဲ့လုချန်းချောင်ဆိုတဲ့ကောင်လေး မွေးဖွားလာခဲ့ပါတယ်။ တစ်ဖက်မှာလဲ ထျန်းယွမ်ဂိုဏ်းက ရှပ်တီးရှပ်ပြာတပည့်လေးဖြစ်သူ ရှင်းမိန်ဟာ မတော်တဆဆိုသလို လုချန်းချောင်နဲ့ ဝိညာဉ်စာချုပ်ချုပ်ဆိုမိသွားခဲ့ပါတယ်။ အဲဒီနောက်မှာတော့ သူတို့နှစ်ဦးဟာ ကြမ္မာပါလာတဲ့အတိဒုက္ခ ၆ ပါးကို အတူတူရင်ဆိုင်ကျော်ဖြတ်ရင်း မျိုးနွယ်စုရဲ့ကံကြမ္မာကို ပြောင်းလဲဖို့ကြိုးစားကြပါတော့တယ်။ ဒီဇာတ်လမ်းက High Fantasy အမျိုးအစားပီပီ မျိုးနွယ်စုတွေကြားက အားပြိုင်မှုတွေ တော်တော်လေးပါဝင်မှာပါ။ ကမ္ဘာဦးကတည်းက သတ်မှတ်ထားတဲ့ကံကြမ္မာဆိုးတွေကို သူတို့နှစ်ယောက် ဘယ်လိုရုန်းကန်မလဲဆိုတာကတော့ ဇာတ်လမ်းရဲ့သွေးကြောမို့ အသဲတယားယား ရင်တခုန်ခုန်နဲ့ကြည့်ရှုအားပေးလိုက်ကြပါအုံးနော်။ Total Episodes : 40 Quality : WEB-DL 1080p, 720p Format : mp4 Genres : Drama Runtime : 45 min Subtitle : Myanmar Subtitle ( Hardsub )

တရုတ်နာမည်ကျော်စာ‌ရေးဆရာ Teng Ping ရဲ့ဝတ္ထုဖြစ်တဲ့ "Enduring a Thousand Tribulations" ကို မှီငြမ်းရိုက်ကူးထားတဲ့ Whisper of Fate က မထွက်ခင်ကတည်းက C drama ဖန်တွေကြား အတော်ကိုရေပန်းစားနေခဲ့တာပါ။ Ashes of Love, Love is Sweet, Follow Your Heart, Love is Pancea တို့ရဲ့ပဲ့ပိုင်ရှင် Luo Yun Xi (လော်ယွင်ရှီး) က ဒီကားမှာ Tang Li Ci (ထန်လိစစ်) ဆိုတဲ့ Main Role ကနေ ပါဝင်သရုပ်ဆောင်ထားပါတယ်။ ယွင်ရှီးရဲ့ဖန်တွေရော၊ သိုင်းကားချစ်သူတွေပါ အကြိုက်တွေ့စေမဲ့စီးရီးကောင်းလေးဆိုလဲမမှားတာမို့ မဖြစ်မနေကြည့်သင့်ပါတယ်နော်။ ဇာတ်လမ်းအကျဉ်း >>> မြေခွေးနတ်ဆိုးလိုဉာဏ်ပညာကြီးမားပြီး မာယာများတယ်လို့နာမည်ကြီးလှတဲ့ ထန်လိစစ်ဟာ တည်ငြိမ်တဲ့သွင်ပြင်နောက်မှာ ရက်စက်တဲ့ပုံစံအမှန်ကိုပိပိရိရိဖုံးကွယ်ထားနိုင်ပါတယ်။ ဒါပေမဲ့ သူဟာ သေစေနိုင်တဲ့သက်ရှိတစ်ပါးဆိုတာကိုတော့ သူ့စိတ်ထဲကနှလုံးသားကလွဲ ဘယ်သူကမှမသိကြပါဘူး။ သူ့ဂိုဏ်းတူအစ်ကိုဖြစ်တဲ့လျိုယန်လုပ်ခဲ့တဲ့ လူအစုအလိုက်အပြုံလိုက်သတ်ဖြတ်မှုအပြီးမှာ ထန်လိစစ်ဟာ လျှို့ဝှက်လွန်းတဲ့ကျန်းဟူလောကထဲကိုရောက်လာရပါတော့တယ်။ အဲအချိန်မှာပဲ ကွေးမုတန့်ဆိုတဲ့နတ်ဆိုးတစ္ဆေကြောင့် သိုင်းလောကဟာ အမြစ်ဖြတ်သတ်သင်မှုကိုထပ်ခံရမဲ့ကံကြမ္မာဖန်လာပါတယ်။ သိုင်းလောကတစ်ခွင် ရုန်းရင်းဆန်ခတ်ဖြစ်နေတော့ ယင်ယန်ဆရာကြီးက ထန်လိစစ်ရဲ့မိုးမြေကောင်းချီရထားတဲ့ကိုယ်ခန္ဓာကိုထိန်းချုပ်ဖို့ကြိုးစားလာရာမှ... ထန်လိစစ်ကရော တကယ်ပဲစတေးခံဖြစ်သွားလေမလား? စတေးခံပြီးရင်ရော သူက အရင်ကထက်ပိုသန်မာလာမှာလား?? မွေးရာပါပါလာတဲ့စတေးခံကံကြမ္မာကိုရော ထန်လိစစ်က ကြည်ကြည်သာသာလက်ခံလိုက်မှာလား??? သိုင်းလောကရဲ့အရှုပ်အရှင်းတွေကြားမှာ ကံဇာတ်ဆရာနဲ့ထန်လိစစ်ကြားက အားပြိုင်မှုတွေကိုပါ ရင်တမမဖြစ်ရင်း တစ်ဝကြီးခံစားကြည့်ရှုနိုင်မှာမို့ Whisper of Fate ဆိုတဲ့ဇာတ်ကားလေးကို လက်မလွှတ်တမ်းအားပေးလိုက်ကြပါအုံး။ Quality : WEB-DL 1080p, 720p  Total Episodes : 40 Format : mp4 Genres : Wuxia, Fantasy Runtime : 45 min Subtitle : Myanmar Subtitle ( Hardsub )