Rohan Chand ပါဝင်သော ဇာတ်ကားများ

Mowgli: Legend of the Jungle (2018)(4K) IMDB : 6.5 Rotten Tomatoes : 65% Genre : Adventure / Fantasy မော်ဂလီဆိုတာ မသိတဲ့လူမရှိသလောက်ပါပဲ။ ငယ်ဘဝမှာ မကြည့်ခဲ့ဘူးတဲ့ လူမရှိသလောက်ပဲ။ မိသားစုနဲ့ဖြစ်ဖြစ် တစ်ယောက်တည်းပဲဖြစ်ဖြစ် တာဇံမဟုတ်တဲ့ တောတွင်းသားလေး မော်ဂလီကို ကြည့်ခဲ့ဖူးကြမယ် ထင်ပါတယ်။ တော်တော်လေးလည်း သဘောကျဖို့ကောင်းပြီး တော်တော်လေးလည်းရယ်ရတာကြောင့် ကြည့်ဖူးတဲ့ ကလေးတိုင်းသဘောကျခဲ့မှာပါ။ 2018 ထွက် ဒီမော်ဂလီရုပ်ရှင်ကတော့ Warner Bros. ကထုတ်ခဲ့တဲ့ ရုပ်ရှင်ဖြစ်ပြီးတော့ ဒီဘက်ခေတ်နဲ့ပိုပြီးတော့ လိုက်သွားသလို PG-13 ဖြစ်နေတုန်းဆိုပေမဲ့ နည်းနည်းလေး Dark Fantasy ဖြစ်သွားတာမလို့ ကလေးသူငယ်များအနေနဲ့ မိဘများနဲ့ကြည့်ရှုရင်တော့ ပိုသင့်တော်ပါတယ်။ ဇာတ်ညွှန်း ကျားကြီးရှီးရားခန်းလက်ချက်ကြောင့် မိဘတွေဆုံးသွားတဲ့ မိဘမဲ့လူကောင်လေးတစ်ယောက်တောထဲမှာ ယောင်လည်လည်လုပ်နေရင်း ဝံပုလွေမိသားစုတစ်ခုကတွေ့လို့ ခေါ်ယူမွေးစားခဲ့ပါတယ်။ လူမှာလည်းလူ့စည်းကမ်း၊ တောမှာလည်းတောစည်းကမ်း၊ ဝံပုလွေတွေမှာလည်း ဝံပုလွေစည်းကမ်းရှိခဲ့ပါတယ်။ ဝံပုလွေတွေ မဲခွဲပြီး ဒီကောင်လေးကို မွေးစားသင့်၊ မမွေးစားသင့် ဆုံးဖြတ်ခဲ့အခါမှာတော့ မွေးစားသင့်တဲ့ဘက်က အနိုင်ရသွားခဲ့ပါတယ်။ ကျားကြီးရှီးရားခန်းကလည်း အဖေနဲ့အမေရဲ့သွေးကို သောက်ပြီးတော့ ဒီကောင်လေးကိုလည်း မြည်းကြည့်ဖို့ မစောင့်နိုင်ဖြစ်နေခဲ့ပါတယ်။ ဒါပေမဲ့ ဝံပုလွေအုပ်အောက်ကိုရောက်သွားတဲ့ ကောင်လေးကို ကျားကြီး ရှီးရားခန်းမထိနိုင်ဖြစ်ခဲ့ရတယ်။ လူငယ်လေးဖြစ်လာတဲ့အခါမှာ ကောင်လေးက မော်ဂလီရယ်လို့ ဖြစ်လာတယ်။ သူ့မှာလက်ဦးဆရာ ဝက်ဝံကြီးဘာလူးနဲ့ ကျားသစ်နက် ဘားဂီးရားတို့ရှိတယ်။ သူတို့က မော်ဂလီကိုချစ်တယ်။ မော်ဂလီကိုလည် း တောနဲ့လိုက်အောင်၊ ဝံပုလွေအုပ်ထဲဝင်လို့ရအောင် သင်စရာရှိတာ အကုန်သင်ပေးခဲ့တယ်။ ဒါပေမဲ့ မော်ဂလီက လူ၊ လူဆိုတာ ဘယ်လောက်သင်သင် ဝံပုလွေနဲ့တော့တူလာမှာမဟုတ်ဘူး။ ဒါကို ဘာလူးသိတယ်။ ဘာလူးထက် ဘားဂီးရားကပိုသိတယ်။ တစ်ဖက်မှာလည်း ယုတ်မာတဲ့ ကျားကြီး ရှီးရားခန်းကလည်း တောရဲ့ စည်းကမ်းဖြစ်တဲ့ လူတွေရဲ့နွားကိုမသတ်ရဆိုတဲ့ စည်းကို ချိုးဖောက်နေတော့ လူတွေကလည်း နယ်မြေချဲ့လာကျပြီ။ တစ်ဖက်မှာလည်း ဝံပုလွေအုပ်ထဲကိုဝင်ခွင့်ရအောင်ကြိုးစားနေတဲ့ မော်ဂလီလေး။ ဘယ်လိုမျိုးဆက်ဖြစ်သွားမှာလဲဆိုတာကို ခံစားကြည့်လိုက်ကြပါခင်ဗျာ။ ဒီရုပ်ရှင်က တော်တော်လေးကို တန်တယ်လို့ဆိုရမယ်။ ဘာလို့လဲဆိုတော့ Cast တွေက အကုန်ဒိတ်ဒိတ်ကြဲ ဒါရိုက်တာကလည်း ခေသူမဟုတ်လို့ပါ။ ဝက်ဝံကြီး ဘာလူးအဖြစ် မင်းသား Andy Serkins (ဒါရိုက်တာလည်းသူပါပဲ။) ကျားသစ်နက် ဘားဂီးရားအဖြစ် မင်းသား Christian Bale စပါးအုံးမြွေ ကား အဖြစ် မင်းသမီး Cate Blanchett ရှီးရားခန်းအဖြစ် မင်းသား Benedict Cumberbatch မော်ဂလီအဖြစ်မင်းသား Rohan Chand တို့က ပါဝင်သရုပ်ဆောင်ထားတာမလို့ Cast အနေနဲ့က ပြီးပြည့်စုံပြီးသားလို့ရပါမယ်။ ခံစားကြည့်လိုက်ကြပါ။ File size… 4.8 GB / 2 GB/ 840 MB Quality… BluRay 4K / 1080p / 720p Format… mp4 Duration…. 1h 44m Genre ..... Adventure, Fantasy Subtitle…. Myanmar Subtitle (Hard Sub)

၁၉၉၅ လောက်ကတည်းက ပရိသတ်တွေ ရင်းနှီးခဲ့ပြီးသား Jumanji ဇာတ်လမ်းပြီးနောက် သီးခြားဇာတ်လမ်းတစ်ခုနဲ့ ထပ် ထွက်လာတာမို့ ရသအသစ်အဆန်းလေး ဖြစ်တဲ့အတွက် ပရိ သတ်တွေ သဘောကျကြမှာပါ။ဇာတ်လမ်းအဓိကအကြောင်းအရာကတော့ ဆယ်ကျော်သက်ကလေးလေးယောက် ဗီဒီယိုဂိမ်းကစားကာ ဂျူမန်းဂျိ ကမ္ဘာထဲရောက်သွားပြီး စွန့်စားခန်းမျိုးစုံ ဖြတ်ကျော်ရတဲ့ အကြောင်းလေး တင်ဆက်ထားတာ ဖြစ်ပါတယ်။ ၁၉၉၆ ကာလက အဲလက်စ် ဆိုတဲ့ ဆယ်ကျော်သက်ကောင် လေးဟာ ဂျူမန်းဂျိဂိမ်းဘုတ်ပြား လေးကို ကမ်းခြေနားက ကောက်ရ ခဲ့ပေမယ့် ဗီဒီယိုဂိမ်းတွေပဲ ကစား ဖြစ်နေတာမို့ ဂိမ်းမကစားဖြစ်ဘဲ သိမ်းထားခဲ့ပါတယ်။ ဒီလိုနဲ့ တစ် ညမှာ ဂျူမန်းဂျိဘုတ်ပြားထဲက ဂိမ်းတွေဟာ ဗီဒီယိုဂိမ်းအဖြစ် ပြောင်းသွားပြီး အဲလက်စ်က ဂိမ်း စက်ဖွင့်လိုက်ပြီးနောက်မှာတော့ သူပါပျောက်သွားခဲ့ပါတယ်။နှစ် ၂၀ လောက်ကြာခဲ့ပြီး နောက်မှာတော့ ဂျူမန်းဂျိဂိမ်းစက် က ပြန်ပေါ်လာခဲ့ပါတယ်။ စပန် ဆာ၊ ဘယ်သန်နီ၊ မာသာနဲ့ ဖရစ်ဂျ်ဆိုတဲ့ ဆယ်ကျော်သက် လေးယောက် အခန်းထဲက အရှုပ်တွေကို ရှင်းရင်းနဲ့ ဂျူမန်းဂျိဂိမ်းစက်ကို ရှာတွေ့ခဲ့တာပါ။ လက်ထဲရောက်လာတဲ့ အသစ်အဆန်းဆို စူးစမ်းချင်တဲ့ သူတို့တွေ ဂိမ်းစက်ကိုဖွင့်ဆော့ရင်း ဗီဒီယိုဂိမ်းထဲ ရောက်သွားပါတော့တယ်။ ဂိမ်းထဲမှာ အပြင်ကလူတွေ မဟုတ်တော့ဘဲ သူတို့ရွေးလိုက် တဲ့ ဇာတ်ကောင်အလိုက် ကိုယ် စားပြုဂိမ်းဇာတ်ကောင်တွေအဖြစ် ပြောင်းသွားပြီး လှုပ်ရှားရပါတော့တယ်။ Welcome to the Jungle ဆိုတဲ့အတိုင်းပဲ တောနက်ထဲကို ရောက်သွားကြတဲ့ သူတို့လေး ယောက် လမ်းခရီးတစ်လျှောက် စွန့်စားခန်းမျိုးစုံနဲ့ ကြုံခဲ့ကြရပြီး အန္တရာယ်ခရီးကြမ်းတွေကို တက် ညီလက်ညီ ကျော်ဖြတ်ခဲ့ကြရပါတယ်။ စပန်ဆာတို့အဖွဲ့တွေ ဂျူမန်းဂျိကမ္ဘာထဲက ဘယ်လိုတွေ ဖြတ်သန်းပြီးမှ လွတ်မြောက်နိုင်မှာလဲဆိုတာကို စွန့်စားခန်း၊ အက်ရှင်၊ ဟာသ၊ ရသမျိုးစုံခံစားရင်းဆက်ကြည့်ရအောင်လို့ ဖော်ပြလိုက်ပါတယ်။ ဒီဇာတ်ကားမှာ ဒွိန်းဂျွန်ဆင်၊ ဂျက်ဘလက်ခ်၊ ကယ်ရန်ဂျီလန်၊ ကီဗင်ဟက်၊ နစ်ခ်ဂျိုနက်စ်၊ ဘော့ဘီကန်နာဗေးလ်နဲ့ သရုပ်ဆောင်များစွာ ပါဝင်ထားပါတယ်။ (ဇာတ်လမ်းအညွှန်းကို 7Daily Website မှ ကူးယူဖော်ပြပါသည်) File size…(6.4 GB)/(1.9 GB) Quality….BluRay 4K HEVC/1080p Format…mkv/mp4 Duration….01:59:03 Subtitle….Myanmar Subtitle (Hardsub) Encoder….Nyeinsaeya Aung Translated by CM Team

The Hundred-Foot Journey(2014) အစားအသောက်တွေက ကျွန်နော်တို့ဘဝရဲ့ မှတ်ဉာဏ်အစိတ်အပိုင်းတွေလား... ဒါမှမဟုတ် ကျွန်နော်တို့ဘဝတွေကို နီးစပ်စေခဲ့တဲ့ အကြောင်းတရားများလား... ပေ ၁၀၀ သာ အကျယ်ရှိတဲ့ လမ်းတစ်ဖက်တစ်ချက်က မတူညီတဲ့ ယဉ်ကျေးမှု၊ စရိုက်တွေက ပေါင်းစပ်စေခဲ့တာကရော ဘာတွေများလဲ.... ဒီဇာတ်ကားမှာ ပြင်သစ်နယ်မြို့လေးရဲ့ အလှအပတွေနဲ့ အစားအသောက်တွေကို တဝကြီး ကြည့်ရမှာဖြစ်ပါတယ်... ပြင်သစ်က စိန့်အန်တိုနင်မြို့ကလေးကို အခြေတည်ထားတဲ့ ဒီဇာတ်ကားလေးမှာ ပြင်သစ်အစားအသောက်တွေနဲ့ မီချယ်လင်းစတားရရှိဖို့အတွက်ကလွဲ တခြားဘာမှ မျှော်လင့် မထားတော့တဲ့ မာနကြီးအဖွားအိုကြီးနဲ့ စိတ်ဆတ်တဲ့ အဖိုးအိုကြီးကြားက ပေတစ်ရာသာလှမ်းတဲ့ လမ်းကလေးက ဘယ်လိုမျိုးနီးစပ်သွားမှာလဲ ငယ်စဉ်ကတည်းက အရသာကောင်းကောင်းခံတတ်တဲ့ ကလေးတစ်ယောက် စာဖိုးမှုးဖြစ်လာတဲ့အခါ ဥရောပကိုရောက်လာတဲ့အခါ အနောက်တိုင်းအစားအစာတွေနဲ့ ဘယ်လိုမျိုးနီးစပ်သွားမလဲ.... ဇာတ်လမ်း ဇာတ်ကွက် ကောင်းမွန်လှတဲ့အတွက် အချက်အပြုတ်တွေစိတ်မဝင်စားရင်တောင်မှ ကြည့်သင့်တဲ့ကားလေးဖြစ်ပါကြောင်း....... File Size :(2.2GB) and (865MB) Quality : Blu-Ray 1080P, 720p Format…mp4 Duration…02:02:00 Genre : Comedy, Drama Subtitle : Myanmar Subtitle (Hard Sub) Translated by Wunna Encoded by Phyo Pyae

Lone Survivor (2013) အချိန်က ၂၀၀၅ ဂျွန်လ။ အာဖဂန်နစ္စတန်မှာ တာလီဘန်အုပ်ချုပ်ရေး ၂၀၀၁ မှာပြိုပြီးတဲ့နောက် ပြန်လည်တည်ဆောက်ရေးလုပ်နေဆဲကာလပေါ့။ တာလီဘန်တွေက ကုန်သွားတာတော့မဟုတ်ဘူး။ အလ်ကိုင်ဒါနဲ့ မဟာမိတ်ဖွဲ့ထားတဲ့ နီယိုတာလီဘန်ဆန်ဆန် အဖွဲ့တွေကျန်သေးတယ်။ သူတို့ကိုလည်း တာလီဘန်လို့ပဲခေါ်တယ်။ အာဖဂန်မှာလည်း တာလီဘန်ဆန့်ကျင်တဲ့ပြည်သူတွေကျန်နေသေးတယ်။ အဲဒါကိုလည်း ဒီရုပ်ရှင်မှာမြင်ရမယ်။ အဲဒီ ၂၀၀၅ ခုနှစ်ရဲ့ အရေးအပါဆုံးစစ်ဆင်ရေးက‌ Red Wings တောင်ပံနီစစ်ဆင်ရေး။ ဒီရုပ်ရှင်က တောင်ပံနီစစ်ဆင်ရေးမှာ မကျဆုံးခဲ့တဲ့ SEAL တပ်သား Marcus Luttrell ရဲ့ Lone Survivor ဆိုတဲ့စာအုပ်ကိုမှီငြမ်းထားတယ်။ စာအုပ်အချက်အလက်တွေအပြင် တကယ့် စစ်ပွဲမှတ်တမ်းအထောက်အထားတွေကိုပါသုံးရိုက်ထားတဲ့အတွက် Realistic ဆန်တဲ့အပိုင်းမှာ ဝေဖန်ရေးဆရာတွေရဲ့ ချီးမွမ်းမှုကို အတော်လေးရခဲ့တယ်။ National Board of Review ရဲ့ ၂၀၁၃ ခုနှစ်အတွင်း အကောင်းဆုံးရုပ်ရှင် ၁၀ကားစာရင်းမှာပါခဲ့တယ်။ ဒီရုပ်ရှင်ကိုရိုက်တဲ့ Peter Berg ကလည်း ၂၀၁၂ မှာ Mark Wahlberg နဲ့ Battleship ကိုရိုက်ပြီးခါစဆိုတော့ စစ်ကားအပိုင်းမှာ ဒါရိုက်တာကော မင်းသားပါ အရှိန်ရနေခဲ့တဲ့ကာလလို့ပြောရမယ်။ ဒီရုပ်ရှင်က တောင်ပံနီစစ်ဆင်ရေးရဲ့ တာဝန်က Ahmad Shah ဆိုတဲ့ တာလီဘန်ခေါင်းဆောင်ကိုရှင်းဖို့။ သူက တာလီဘန်အဖွဲ့တစ်ခုဖြစ်တဲ့ Hezb-e-Islami Gulbulddin (HIG) ရဲ့ ခေါင်းဆောင်ဖြစ်ပြီး အာဖဂန်မှာ အမေရိကန်တပ်သားတွေကို ချုံခိုရှင်းခဲ့တာတင်မကဘဲ အမေရိကန်စစ်တပ်ကိုကူညီတဲ့ အာဖဂန်ရွာသားတွေကိုပါ ရှင်းတာကြောင့် သူ့ကိုအန္တရာယ်ကြီးရာဇဝတ်ကောင်အဖြစ်သတ်မှတ်ထားတယ်။ သူ့ကိုရှင်းထုတ်ဖို့ SEAL အဖွဲ့ဝင် ၄ ယောက်က တာဝန်ပေးခံရတယ်။ သူတို့ ၄ ယောက်က တောင်ပံနီစစ်ဆင်ရေးအတွက် တာဝန်ကျနေရာကိုရောက်ပြီး နေရာယူထားတဲ့အထိ အားလုံးကအဆင်ပြေနေသေးတယ်။ ဆိတ်ကျောင်းသားမြေးအဖိုးတွေ မရောက်လာခင်အထိပေါ့။ ဆိတ်ကျောင်းသားတွေကိုမိတဲ့အချိန် သူတို့အနေနဲ့ သတ်မလား…လွှတ်မလား… ရွေးရတော့တယ်။ ရှင်းလိုက်ရင် သူတို့နေရာမပေါက်ကြားတော့ဘူး။ တာဝန်ကိုဖြောင့်အောင်ဆက်လုပ်လို့ရတယ်။ ဒါပေမဲ့ အဲဒါကသူတို့ရဲ့ ထိတွေ့တိုက်ခိုက်မှုစည်းမျဉ်းကို ချိုးဖောက်ရာရောက်သွားမယ်။ လွှတ်လိုက်ရင် သူတို့နေရာပေါက်ကြားပြီး တာလီဘန်အယောက် ၂၀၀ လောက်က သူတို့ကို အမဲလိုက်ဖျက်တာခံရမယ်။ ဘာရွေးခဲ့လဲ။ သူတို့စည်းမျဉ်းအတိုင်းပဲ လွှတ်ပေးခဲ့တယ်။ အကျိုးဆက်ကတော့ ရာနဲ့ချီတဲ့တာလီဘန်တွေကို ၄ ယောက်တည်းနဲ့ ခံတိုက်ရတာပဲ။ သာမန်အားဖြင့်ဆိုရင် SEAL တွေက ဒီလိုအခြေအနေတွေကိုကောင်းကောင်းတုံ့ပြန်နိုင်ဖို့ လေ့ကျင့်ပြီးသားပါ။ မြေပြန့်မှာဆိုရင်ပေါ့။ ဖြစ်ချင်တော့ သူတို့တိုက်ပွဲဖြစ်တဲ့နေရာက တောင်တွေအတော်ထူထပ်တဲ့ အာဖဂန် အရှေ့မြောက်ပိုင်းဖြစ်နေတယ်။ အဲဒီမှာ မြေပြင်အနေအထားအရ တာလီဘန်တွေအသာစီးရပြီး SEAL တွေအတော်ထိသွားတယ်။ တောင်ပေါ်ကပြုတ်ကျတာလည်းအကြိမ်ကြိမ်၊ ကျည်ဆန်မှန်တာလည်းအကြိမ်ကြိမ်နဲ့ပေါ့။ နောက်ဆုံးမှာ Marcus Luttrell တစ်ယောက်ပဲ အသက်ရှင်ခဲ့တဲ့အထိပဲ။ မစ်ရှင်ကတော့ မအောင်မြင်ခဲ့ဘူး။ ဒီရုပ်ရှင်က SEAL တွေရဲ့ ရဲစွမ်းသတ္တိနဲ့ အနစ်နာခံမှုတွေကို တမ်းတအောက်မေ့တဲ့အနေနဲ့ ရိုက်ခဲ့တာဖြစ်တယ်။ ရိုက်ကူးတုန်းကလည်း တကယ့် Navy SEAL တွေ စစ်ပြန်တွေက ရိုက်ကွင်းအကြံပေးတွေအနေနဲ့ပါခဲ့ကြတယ်။ လက်တွေ့ဘဝက Marcus Luttrell တောင်မှ cameo အနေနဲ့ပါခဲ့သေးတယ်။ တောင်ပေါ်က ပြုတ်ကျတဲ့အခန်းတွေဆိုရင်လည်း CGI နဲ့ရိုက်တာမဟုတ်ဘဲ Stunt double တွေနဲ့ အမှန်အကန်ရိုက်ခဲ့တယ်။ အရိုက်လွန်ပြီး Mark Wahlberg ရဲ့ စတန့်သမားတောင် တစ်ခန်းအပြီး ဆေးရုံတင်လိုက်ရသတဲ့။ အဓိကချီးကျူးစရာက အသံပိုင်းဖြစ်လိမ့်မယ်။ အဲဒါကြောင့်လည်း အသံပိုင်းမှာ Academy ဆု ဆန်ခါတင် ၂ ခုဝင်ခဲ့တယ်။ သရုပ်ဆောင်တွေအနေနဲ့လည်း Mark Wahlberg တို့ Taylor Kitsch တို့ Ben foster တို့လို ဆရာကြီးတွေပါ‌တဲ့အတွက် အပြစ်ပြောစရာမရှိဘူး။ ဖြစ်ရပ်မှန်စစ်ကားကောင်းကောင်းလေးမှကြိုက်တယ်ဆိုရင်တော့ ဒီရုပ်ရှင်ကို အကြိုက်တွေ့ပါလိမ့်မယ်။ (ရုပ်ရှင်အညွှန်းနဲ့ဘာသာပြန်ကို Min Khant Bo မှ တင်ဆက်ထားပါတယ်။) File size…(6.1 GB)/(2.7 GB)/(1.5 GB) Quality….BluRay 4K HEVC/1080p /720p Format…mkv/mp4 Duration….02:01:16 Subtitle….Myanmar Subtitle (Hardsub) Encoder….Ka Naung Translated by Min Khant Bo