Roman Podhora ပါဝင်သော ဇာတ်ကားများ

Final Destination 5 (2011) IMDb.....5.9 Horror ကားကြိုက်နှစ်သက်သူတို့အဖို့  ကြည့်ဖူးသမျှထဲမယ် သူတို့ရဲ့ နှလုံးသည်းအူကို လှုပ်ရမ်းနိုင်တဲ့ ဇာတ်ကားများကို ပြောပါဆိုရင် Final Destination တွေကို ပြောကြမှာသေချာသလောက်ပါပဲ.... ယခု နောက်ပိုင်းထွက်တဲ့ horror ကား တော်တော်များများမှာ အထူးသဖြင့် Jump scare မျိုး ဝုန်းကနဲ ဒိုင်းခနဲ ခြောက်လှန့်တတ်တဲ့ ကားမျိုးတွေကို horror ကား ကြိုက်နှစ်သက်သူသူတို့အဖို့ ကြာလာတော့ အနည်းငယ်ရိုးအီလာသလိုပါပဲ....... Final Destination လို horror မျိုးကျတော့လည်း တကယ့်ကို သွေးပျက်ထိတ်လန့်စရာဖြစ်တဲ့အပြင် ကျောထဲစိမ့်နေအောင် ကြောက်နေရတာမျိုး...  မင်း horror ဘယ်လောက် crazy ဖြစ်လဲဆိုတာကို Final Destination (1 to 5) ကို စဆုံးကြည့်ဖြစ်လားဆိုတာမျိုးနဲ့ ဆုံးဖြတ်ရလောက်အောင် သွေးပျက်ထိတ်လန့်စရာပါပဲ... ယခုလည်း New Line Cinema က Final Destination Reboot ကို စတင်လုပ်ဆောင်နေပြီလို့သိရပါတယ်။ ဒီတော့ စဆုံးလေးကို ပြန်လည် ခံစားချင်သူများအတွက်  အရည်အသွေးစုံလင်စွာဖြင့် ပြန်လည်တင်ဆက်ပေးလိုက်ပါသည်..... (ဇာတ်လမ်းအညွှန်းနဲ့ ဘာသာပြန်သူကတော့ War Dog ပဲဖြစ်ပါတယ်) File Size : 5.53GB / 1.61GB / 740MB Quality : 4K / Blu-Ray 1080p 5.1 CH / 720p Format…mp4 Duration…01:30:00 Genre : Horror, Thriller Subtitle : Myanmar Subtitle (Hard Sub) Translated by War Dog Encoded by Aaron, Tiff

ဒီဇာတ်ကားက ဂန္ဓ၀င်မင်းသားကြီး Michael Douglas ရဲ့ဇာတ်ကားလေးပါ။ ပိထ်ဂါရစ်ဆန် နဲ့ ဘရက်ကင်ရစ်ခ်ျ တို့ဟာ သမ္မတ လုံခြုံရေးတပ်ဖွဲ့မှာ တာ၀န်ထမ်းဆောင်လာခဲ့တာ နှစ်ပေါင်းများစွာရှိနေပါပြီ။ သူတို့နှစ်ယောက်ဟာ ခင်မင်တာကြာပြီဖြစ်တဲ့ သူငယ်ချင်းနှစ်ယောက်ဖြစ်ပေမယ့် ပုဂ္ဂိုလ်ရေးကိစ္စကြောင့် စိတ်၀မ်းကွဲနေကြတဲ့သူတွေဖြစ်ပါတယ်။ တစ်ရက်မှာတော့ လုံခြုံရေးအဖွဲ့ရဲ့ အဖွဲ့၀င်တစ်ဦးဟာ သမ္မတကိုလုပ်ကြံဖို့စီစဉ်‌နေတာသိလိုက်ရတော့ လုံခြုံရေးအဖွဲ့တစ်ခုလုံး သို့လော သို့လော ဖြစ်ကုန်ကြပါတယ်။ တစ်ယောက်နဲ့တစ်ယောက် ယုံမရတော့တဲ့အနေအထားကြောင့် မုသားဖော်စက်နဲ့ တစ်ဦးချင်းစစ်ဆေးရာမှာ ပိထ် လိမ်နေတယ်လို့သိလိုက်ရပါတယ်။ ဒါပေမယ့် ပိထ်ကအဖမ်းမခံဘဲ အကွက်ချခံရကြောင်းပြောပြီး တရားခံအစစ်ကိုရှာဖို့ကြိုးစားပါတော့တယ်။ ပိထ်ဟာ သူပြောသလို အကွက်ချခံရတာလား ကိုယ်တိုင်ကပဲလုပ်ကြံရေးသမားဖြစ်နေတာလား.... File size…1.69GB / 708.9MB Quality…Blu-Ray 1080p 5.1CH / 720p Format…mp4 Duration….1h 48m Genre ..... Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Jaka

ဂျိမ်းစ် ဂျေ ဘရက်ဒေါ့ဟာ ဘာဂန်းမြို့က လက်ဝှေ့သမား ဂျင်မီအဖြစ် လူသိများလာသူပါ။ ဒါပေမယ့် သူ့ငယ်ဘဝကတော့ မပြေလည်ခဲ့ပါဘူး။ အိုင်ယာလန်ကနေ ပြောင်းရွှေ့လာတဲ့ မိသားစုဖြစ်သလို မွေးချင်းစုစုပေါင်း ခုနစ်ယောက်ရှိတာကြောင့် စားဝတ်နေရေးအတွက် ရုန်းကန်ခဲ့ရပါတယ်။ ဘရက်ဒေါ့က သူ့လက်သီးတွေနဲ့ ဘဝကို ရင်ဆိုင်ခဲ့တယ်။ အလစ်အငိုက် တန်ပြန်ထိုးနိုင်တဲ့ လက်သီးချက်တွေ၊ ပြိုင်ဘက်ရဲ့ ထိုးချက်တွေကို ခံနိုင်ရည်ရှိမှုတွေကြောင့် လက်ဝှေ့လောကမှာ တဖြည်းဖြည်း နာမည်ရလာပါတယ်။ ဒါပေမယ့် အောင်မြင်မှုက အမြဲတမ်း သူ့ဘက်မှာ ရှိမနေခဲ့ဘူး။ ထိပ်တန်းလက်ဝှေ့သမားအဖြစ် ရပ်တည်ခဲ့ရာကနေ အနိုင်ရဖို့ မျှော်လင့်ချက်နည်းတဲ့သူအဖြစ် သတ်မှတ်ခံရတဲ့အထိ ကျဆင်းလာပြီး သူ့ဘဝရဲ့ အခက်ခဲဆုံးအချိန်ကို ရောက်လာပါတော့တယ်။

ဒီဇာတ်ကားက Franchiseရဲ့ ဒုတိယ​မြောက်ကားပဲ ဖြစ်ပါတယ်။ ဒီထဲမှာ ဂိမ်းထဲက အဓိကprotagonistတစ်​ယောက်ဖြစ်တဲ့ ​ဂျေး ဗယ်လန်တိုင်း စတင်ပါဝင်လာခဲ့သလို Nemesisဆိုတဲ့ zombie ဗီလိန်ကြီးကိုလည်း မြင်​တွေ့ရမှာဖြစ်ပါတယ်။ ပထမဇာတ်ကားရဲ့ အဆုံးသတ်နဲ့ တိုက်ရိုက်ချိတ်ထားပြီး Hiveက​နေ ပြန်လွတ်လာတဲ့ အဲလစ်နဲ့မတ်ကို အမ်ဘရဲလားကလူ​တွေ ဖမ်းဆီးသွားတာနဲ့ ဇာတ် စဖွင့်ထားပါတယ်။ Hiveထဲမှာ ပျံ့သွားတဲ့ ဗိုင်းရပ်ပိုးက သူ့အ​ပေါ်က ရက်ကွန်မြို့ကို ပျံ့နှံ့သွားခဲ့ပြီး တစ်မြို့လုံးမှာ ဇွန်ဘီကပ်ကြီး ဖြစ်သွားခဲ့ပါတယ်။ အဲဒီမှာ အမ်ဘရဲလားက အ​ထက်လူကြီး​တွေကိုပဲ ကယ်ထုတ်ပြီး ပြည်သူ​တွေကို​တော့ ကွာရန်တင်းသ​​ဘော ပိတ်ဆို့ထားပြီး မြို့ကို ​နူကလီယားဗုံးနဲ့ဖောက်ခွဲကာ ပိုးဆက်မပျံ့​အောင် ထိန်းဖို့ကြိုးစား ခဲ့တာပါ။ အဲဒီအချိန် သမီးဖြစ်သူ အန်ဂျလာအက်ရှ်ဖို့ဒ် မြို့ထဲမှာ ကျန်​နေခဲ့တဲ့အခါ အမ်ဘရဲလားရဲ့သု​တေသနပညာရှင် ​ဒေါက်တာ ချားစ်အက်ရှ်ဖို့ဒ်က ရက်ကွန်းမြို့က​နေ ထွက်နိုင်မယ့်နည်းလမ်းနဲ့ သူ့သမီးကို အလဲအလှယ်လုပ်ဖို့ ​ကမ်းလှမ်းခဲ့ပါတယ်။ အဲလစ်၊ဂျေးလ်နဲ့ ​ကြေးစားစစ်သားတစ်စုဟာ ဇွန်ဘီ​တွေပြည့်​နေတဲ့ ရက်ကွန်မြို့ထဲမှာ အက်ရှ်ဖို့ဒ်ရှာပုံ​တော်ထွက်ရင်း ဘယ်လိုကိစ္စ​တွေ ကြုံရမလဲ၊ အက်ရှ်ဖို့ဒ်ကို ရှာ​တွေ့ပါ့မလား၊ မြို့ကို ရှင်းပစ်ချင်​နေတဲ့ အမ်ဘရဲလားရဲ့လူ​တွေလက်က လွတ်ပါ့မလားဆိုတာ ကြည့်ရှူရမှာ ဖြစ်ပါတယ်။ File size…     2.8 GB / 1.5 GB /    692 MB Quality… BluRay 4K / 1080p / 720p Format… mp4,mkv Duration…. 1h 34m Genre ..... Action/Horror Subtitle…. Myanmar Subtitle (Hard Sub) Encoder…. Thit San Khant Translated by JimX

K-19: The Widowmaker (2002) IMDb Rating (6.7) ဒိတ်ဒိတ်ကြဲမင်းသားကြီးတွေဖြစ်တဲ့ Harrison Ford နဲ့ Liam Neeson တို့ ဦးဆောင်ပါဝင်ထားတဲ့ ဖြစ်ရပ်မှန်ရုပ်ရှင်ကားကြီးဖြစ်ပါတယ်။ ၁၉၆၁ မှာ ဆိုဗီယက်ယူနီယံဟာ အမေရိကန်နဲ့ဉရောပကို စစ်အင်အားပြဖို့နဲ့ အာတိတ်သမုဒ္ဒရာထဲ ဒုံးကျည်စမ်းသပ်ဖို့ဆိုပြီး K-19 ဆိုတဲ့ နျူကလီးယားရေငုပ်သင်္ဘောတစင်းကို ရေချလိုက်ပါတယ်။ ဒါပေမယ့် သင်္ဘောက အဆင်သင့်မဖြစ်သေးဘဲ ပြဿနာတွေ အများကြီးနဲ့ အစောတလျင်စမ်းသပ်စေခဲ့တာဖြစ်ပါတယ်။ K-19 ကို ကပ္ပတိန် ဗော့စထရီကော့ဖ် (Harrison Ford) နဲ့ ဒုကပ္ပတိန် ပိုလီနင် (Liam Neeson) တို့ ဦးစီးဖို့ တာဝန်ပေးခြင်းခံရပါတယ်။ သင်္ဘောဟာ အဆင်သင့်မဖြစ်သေးတာနဲ့အညီ ရေလယ်ကောင်မှာ နျူကလီးယား ဓာတ်ပေါင်းဖိုယိုစိမ့်မှုဖြစ်ပြီး အခန့်မသင့်လို့ ပေါက်ကွဲခဲ့ရင် ကမ္ဘာ့စစ်ပွဲတောင် ဖြစ်သွားနိုင်တဲ့အနေအထားဖြစ်လာပါတော့တယ်။ ဒီလိုအချိန်အခါမှာ ဓာတ်ရောင်ခြည်အကာအကွယ်ဝတ်စုံမရှိတဲ့ကြားက ကပ္ပတိန်နဲ့ သင်္ဘောသားရဲဘော်ရဲဘက်တွေ နျူကလီးယားယိုစိမ့်မှုကြီးကို ဘယ်လို စွန့်စားပြီး ပြင်ဆင်ကြမလဲ ခက်ခဲကြမ်းတမ်းတဲ့ ဆုံးဖြတ်ချက်တွေကို ဗော့စထရီကော့ဖ်နဲ့ ပိုလီနင်တို့ ဘယ်လို စွန့်လွှတ်စွန့်စား ဆုံးဖြတ်သွားကြမလဲဆိုတာ....။ K-19 ဖြစ်ရပ်မှန်ကို ဆိုဗီယက်ဖက်က လုံးဝဖုံးကွယ်ထားခဲ့တာမလို့ အဲ့ဒီတုန်းက ကမ္ဘာကြီးအနေနဲ့ ဒီအကြောင်းတွေကို မသိခဲ့ကြရဘဲ ဆိုဗီယက်ယူနီယံပြိုကွဲတော့မှသာ အံ့ဩဘနန်း သိခဲ့ကြရတာဖြစ်ပါတယ်။ File size…(7 GB) / (3.3 GB )/ (1.2 GB) Quality…BluRay 4K HEVC/ 1080p HEVC / 720p Format…mkv/mp4 Duration….02:18:00 Subtitle….Myanmar Subtitle (Hardsub) Encoder….Ka Naung Translated by Min Khant

IMDb - 7.2 Rt - 86% အော်စကာဆု (၆) ဆု၊ ရွှေကမ္ဘာလုံးဆု၊ BAFTA ဆုတွေအပြင် တခြားဆု ပေါင်း(၅၉) ဆုအထိရရှိထားပြီး nomination များစွာလည်း ဝင်ထားတဲ့ musical comedy ရုပ်ရှင်ကားကောင်း တစ်ကားကိုတင်ဆက်ပေးလိုက်ပါတယ်။ 1975 ခုနှစ်ထွက် ဘရော့ဝေးပြဇာတ် Chicago ကို ရိုက်ကူးထားတာဖြစ်ပြီး 1920 ခုနှစ်ပိုင်းမှာ ဖြစ်ပွားခဲ့တဲ့ ဖြစ်ရပ်မှန်ကို အခြေခံထားပါတယ်။ ဇာတ်လမ်းအကျဉ်းကတော့ ညီမဖြစ်သူ ဗရော်နီကာနဲ့ ယောင်္ကျားဖြစ်သူတို့နှစ်ယောက်ကို အိပ်ရာပေါ်မှာအတူတွေ့ရလို့ နှစ်လောင်းပြိုင် လက်စသတ်ပေးလိုက်တဲ့ ရှိုးသမလေး ‌ဗယ်မာ ကယ်လီ။ ငယ်စဉ်ကတည်းက အိပ်မက်မက်ခဲ့ရတဲ့ စတိတ်စင်ပေါ်မှာဖျော်ဖြေရဖို့ဆိုတဲ့ အိပ်မက်ကို အကောင်အထည်ဖော်ဖို့လုပ်ရင်း လူလိမ်ကောင် ဖရက်ရဲ့အမြတ်ထုတ်တာကို ခံလိုက်ရတဲ့ အိမ်ထောင်သည်မလေး ရော့စီ ဟတ်။ သူတို့နှစ်ယောက်လုံး ကွတ်ခ်ကောင်တီထောင်ရဲ့ လူသတ်သမားအဆောင်မှာတွေ့ခဲ့ကြပြီး ထောင်မှူး မားမား မော်တွန်ရဲ့ချိတ်ဆက်ပေးမှုကြောင့် တခါမှအရှုံးမရှိသေးတဲ့ ရှေ့နေ ဘီလီ ဖလင်းနဲ့ ‌သိခဲ့ကြပါတယ်။ ဒေါ်လာ ၅၀၀၀ ပေးရင် ယေရှု ကိုတောင်လွတ်အောင်လုပ်ပေးနိုင်တယ်လို့ပြောတဲ့ ရှေ့နေ ဖလင်းတစ်ယောက် သူ့အပြောတွေအတိုင်း တကယ်ဖြစ်လာမှာလားဆိုတာကိုတော့ ဆက်လက်ကြည့်ရှုလိုက်ကြပါဦး။ File size…(2.8 GB)/(1.5 GB) Quality….Webrip 1080p / 720p Format…mp4 Duration….01:53:00 Genre... Comedy, Crime, Drama Subtitle….Myanmar Subtitle (Hardsub) Encoder….Mr. Anderson Translated by TMTT

Jason X (2001) လူအများစုခေါ်တဲ့ လူသတ်ကားဆိုတဲ့ Slasher လောကထဲမှာ Top 5 ပြောပါဆိုရင် မဖြစ်မနေ Jason ကြီးက ပါကိုပါနေပါလိမ့်မယ်။ လူကောင်ကအကြီးကြီး မျက်နှာမှာ ဟော်ကီမျက်နှာဖုံးနဲ့ ဓားတစ်လက်ကိုင်ပြီး တွေ့ရာသချိုင်းဓားမဆိုင်း လိုက်ရွှိုင်းတဲ့ Friday the 13th ကောင်ကြီးပေါ့ဗျာ။ သူနဲ့ ပတ်သက်ပြီး ဇာတ်ကားတွေထွက်ထားတာဆိုရင်လည်း စုစုပေါင်း ၁၂ ကားလောက်တောင်ရှိတဲ့ထိ အောင်မြင်သူကြီးပေါ့။ ဒီလိုအောင်မြင်လို့လည်း သူက တခြားနာမည်ကျော်လူသတ်သမားကြီးဖြစ်တဲ့ (Nightmare on Elm Street) က Freddy နဲ့တောင် (Freddy vs Jason) ဆိုပြီး တစ်ကားတည်း အတူတူအပြိုင်နွဲလိုက်ပါသေးတယ်။ ဒီတော့ မသိတဲ့လူတွေအတွက် သူ့သမိုင်းကြောင်းလေး အတိုချုံးပြောရမယ်ဆို ခရစ္စတယ်လိတ်ခ်စခန်းမှာ ရုပ်ဆိုးပန်းဆိုးကောင်လေးတစ်ယောက်က တခြားကလေးတွေအနိုင်ကျင့်တာခံရ ရေကန်ထဲရေနစ်သေသွားပြီး အမေဖြစ်သူနဲ့ ပတ်သက်တဲ့ အာဃာတအငြိုးတွေကြောင့် မသေမျိုးလူသတ်သမားတစ်ယောက် ဖြစ်လာတဲ့သူ။ ဒီဘဲက ဘယ်လိုသတ်သတ် ဘယ်လိုလုပ်လုပ် တကယ်မသေနိုင်တဲ့ကောင်။ ဒီကားထဲမှာကျ အဲဒီလိုကောင်ကို ခေတ်လွန်ကာလ အာကာသယာဉ်ပျံပေါ်တင်ပေးလိုက်တာ ကောင်းကျလေသတည်းပေါ့ဗျာ။ ခေတ်လွန် ၂၄၀၀ ကျော်ကာလတစ်ခုမှာ ပရော်ဖက်ဆာတစ်ယောက်နဲ့ ကျောင်းသားကျောင်းသူတွေက အရင်ကမ္ဘာဟောင်းက လက်ကျန်တွေကို တိုက်ခိုက်ရေးအဖွဲ့ရဲ့ယာဉ်တစ်စီးနဲ့အတူ ရှာဖွေကြရင်း ရေခဲရိုက်ထားတဲ့ Jason ကြီးကိုတွေ့ပြီး ခေါ်တင်လာရာကနေ ခြေနှစ်ချောင်းမကယ်ကောင်းဆိုသလို အာကာသထဲခွေးဖြစ်ကြပြီး ဘယ်လိုတွေ သမခံရမလဲဆိုတာ ကြည့်ရမှာပဲ ဖြစ်ပါတယ်။ (လူသတ်ကားဖြစ်တဲ့အလျောက် သွေးထွက်သံယိုပြကွက်များနဲ့ မိသားစုနဲ့ မကြည့်ရှုအပ်သောမြင်ကွင်းများပါဝင်တဲ့အတွက် သတိချပ်စေလို…)

ဒီကားက ၂၀၀၀ ခုနှစ်မှာ ထွက်ရှိခဲ့တဲ့ Horror/thriller ကားကောင်းတစ်ကား ဖြစ်ပါတယ်။ Maggie က စိတ်ရောဂါကုဆေးရုံက နာ့စ်မ တစ်ယောက်ဖြစ်ပြီး သူ့မှာ ဆေးစွဲနေတဲ့ Jenna လို့ ခေါ်တဲ့ ညီမ တစ်ယောက်ရှိပါတယ်။ တစ်ညမှာ Jenna က မွေးကင်းစ ကလေးလေးကို သူ့အစ်မ Maggie ဆီမှာ ထားပစ်ခဲ့ပြီး ထွက်ပေးသွားပါတယ်။ Maggieက Cody လို့ခေါ်တဲ့ သူ့တူမလေးကို အမေတစ်ယောက်လို ပြုစု စောင့်ရှောက်ခဲ့ပါတယ်။ ကလေးက autism မျိုးကွဲ ရောဂါတစ်ခု ရှိပြီး တခြားကလေးတွေထက် ထူးခြားတဲ့ စိတ်စွမ်းအားကိုလည်း ပိုင်ဆိုင်ထားပါတယ်။ ဒါကို Maggie က မသိသေးပါဘူး။ တစ်ဖက်မှာလည်း ခြောက်နှစ်အရွယ် ကလေးငယ်တွေကို ကွင်းဆက်လူသတ်မှုတွေ ဆက်တိုက်ဖြစ်နေတာပါ။ Cody လေးအသက် ခြောက်နှစ်ပြည့်တဲ့အချိန်မှာ အမေဖြစ်သူ Jenna ပြန်ရောက်လာပြီး သူနဲ့ အတူ Eric Stark ဆိုတဲ့သူလည်း ပါလာခဲ့ပါတယ်။ အဲ့ဒီလူက မူးယစ်ဆေးစွဲနေတဲ့ လူငယ်တွေကို ဆေးဖြတ်ပြီး ထောက်ပံ့ပေးတဲ့ အဖွဲ့အစည်း တည်ထောင်ထားပြီး Jenna နဲ့လည်း အဲ့ဒီပနေ တဆင့် တွေ့ခဲ့တာပါ။ Cody ကို Jenna နဲ့ Eric က ပြန်လာခေါ်တော့ Maggie က မထည့်ပေးချင်ပါဘူး။ Cody ရောဂါအရ သူစိမ်းတွေနဲ့ အဆင်မပြေဖြစ်မှာ စိုးပြီး ငြင်းလိုက်ပေမယ့် Eric က Cody ကို ဖမ်းခေါ်သွားခဲ့ပါတယ်။ Maggie လည်း ရဲစခန်းကို သွားတိုင်ခဲ့ပြီး အေးဂျင့် Travis ဆိုသူက Eric ရဲ့ နောက်ကြောင်းကို ပြောပြလာတဲ့အခါမှာ Cody မှာ အန္တရာယ်ရှိနေတာ သိသွားခဲ့ပါတယ်။ Agent Travis နဲ့ အတူ Maggie တို့ Cody ကို ဘယ်လိုပြန်ရအောင် လုပ်မလဲ၊ Eric Stark ကရော Cody နဲ့ပတ်သတ်ပြီး ဘာအကြံတွေ ရှိနေတာလဲသိရဖို့ ဇာတ်ကားကို ကြည့်ရှူလိုက်ပါဦး။ File size…(1.6 GB)/(923 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Thriller, Horror,Crime  Subtitle….Myanmar Subtitle (Hardsub) Encoder….Swan Min Htet Translated by Leonie

Gossip (2000) IMDb Rating (5.9) / Rotten Tomatoes (28%) 2000 ခုနှစ် ဝန်းကျင် ရုပ်ရှင်တွေက ရသတစ်မျိုးပေးစွမ်းနိုင်လို့ ပရိသတ်တွေအကြိုက်ဖြစ်နေခဲ့တာပါ။ ယခု ရုပ်ရှင် Gossip က 2000 ခုနှစ်မှာ ထွက်ရှိခဲ့တဲ့ Thriller/Mystery ကားကောင်း တစ်ကား ဖြစ်ပါတယ်။ Casting အနေနဲ့လည်း James Marsden, Kate Hudson, Lena Headey တို့လို စတားတွေ ပါဝင်ထားတာ ဖြစ်ပါတယ်။ ဇာတ်လမ်းကတော့ ကောလိပ်ကျောင်းသားတစ်စု အပျော်အနေနဲ့ အတင်းအဖျင်း ကောလဟာလ တစ်ခုကို ဖန်တီးခဲ့ရာက အပျက်တွေ ဖြစ်ကုန်တဲ့ အကြောင်းပါပဲ။ Derrick, Jones နဲ့ Travis တို့ သုံးယောက် က သူငယ်ချင်းတွေပါ။ Derrick က ဆော်ကြည် ချမ်းသာပြီး လူသိများတယ်၊ သူငယ်ချင်း နှစ်ယောက်ကို သူ့အိမ်မှာ အလကား ပေးနေထားတာပါ။ တစ်ရက် သုံးယောက်သား ပါတီ တစ်ခု သွားကြရင်း Derrick က ကောင်မလေးတစ်ယောက်နဲ့ ငြိနေတုန်း သူ့မြင်ကွင်းထဲကို Naomi Preston ဆိုတဲ့ အချောအလှလေး တစ်ယောက် ဝင်လာပါတယ်။ Naomi က ချောလို့လှလို့ နာမည်ကြီးသလို ဘယ်ယောကျ်ားလေးနဲ့မှ ပတ်သတ်ဖူးခြင်း မရှိတာလည်း အားလုံး သိကြပါတယ်။ Naomi မှာ Beau ဆိုတဲ့ ကောင်လေး ရှိပြီး သူတို့ စုံတွဲ အရက်မူးပြီး အိပ်ခန်းထဲ နမ်းရှုပ်နေတာကို ရေချိုးခန်းထဲက Derrick က လှမ်းတွေ့တာပါ။ အဲ့ဒီည အိမ်ပြန်တဲ့လမ်းမှာ Derrick က သူငယ်ချင်း နှစ်ယောက်ကို Naomi နဲ့ သူ့ရည်းစားနဲ့ အတူနေ နေကြတဲ့ အကြောင်း ကောလဟာလ လုပ်ပြီး သတင်းလွှင့်ဖို့ တိုင်ပင်ခဲ့ပါတယ်။ သူတို့ လွှင့်လိုက်တဲ့ ကောလဟာလဟာ နောက်ဆုံး သူတို့ ကိုယ်တိုင် မထိန်းနိုင်တဲ့အခြေအနေ ဆိုက်ရောက်သွားတဲ့အခါ ဘာဆက်ဖြစ်မလဲ ကြည့်ကြရမှာပါ။ (အညွှန်းနဲ့ဘာသာပြန်ကတော့ Leonie ဖြစ်ပါတယ်။) File size… (1.2 GB) / (630 MB) Quality….WEB-Rip 1080p HEVC / 720p Format…. mkv/mp4 Genre….Drama, Mystery, Thriller Duration….01:30:59 Subtitle….Myanmar Subtitle (Hardsub) Encoder….Benjamin Translated by Leonie