Roman Roth ပါဝင်သော ဇာတ်ကားများ

ကာဘာရေးဖျော်ဖြေသူ Marc-Uwe နဲ့ သူနဲ့အတူနေတဲ့ ကန်ဂါရူးတို့မှာ ဖြေရှင်းရမယ့် ပြဿနာတစ်ခု ရှိလာပါတယ်။ Maria ရဲ့အမေ Lisbeth က ရာသီဥတုအကျပ်အတည်းကို မယုံကြည်တော့ဘဲ အင်တာနက်ပေါ်မှာပါ ငြင်းဆိုနေသူ ဖြစ်သွားတာပါ။ သူ့ကို အမြင်မှန်ပြန်ရအောင် ဘယ်လိုလုပ်ကြမလဲဆိုတဲ့အပေါ် နှစ်ယောက်သား အလောင်းအစားလုပ်ကြပြီး မအောင်မြင်ရင် သူတို့ရဲ့တိုက်ခန်းကို ဆုံးရှုံးရမယ့်အထိ ဖြစ်လာတယ်။ ဒီလိုနဲ့ Marc-Uwe နဲ့ ကန်ဂါရူးတို့ဟာ Bielefeld မှာ ကျင်းပတဲ့ ပူးပေါင်းကြံစည်မှုသီအိုရီဆိုင်ရာ ညီလာခံကို ခရီးထွက်လာကြပါတယ်။ သိပ်မကြာခင်မှာပဲ အဲဒီသီအိုရီတွေကို ဦးဆောင်ဟောပြောသူ Adam Krieger နဲ့ သူ့နောက်လိုက်တွေ ကြိုးကိုင်ထားတဲ့ တကယ့်ပူးပေါင်းကြံစည်မှုတစ်ခုထဲ ပါသွားကြတယ်။ နှစ်ယောက်သား မနားတမ်းပြောဆိုနေကြရင်း တိုက်ခန်းဆုံးရှုံးရမယ့်ကိစ္စထက် ပိုကြီးလာပြီး အသက်အန္တရာယ်နဲ့ပါ ရင်ဆိုင်လာရပါတယ်။

IMDb Rating- 6.6/10 Rotten Tomatoes- 79% ဒုတိယကမ္ဘာစစ်အတွင်းမှာ ဟစ်တလာခေါင်းဆောင်တဲ့ နာဇီဟာ ဂျူး၆သန်းကို သုတ်သင်ခဲ့တာ လူတိုင်းအသိဖြစ်မယ်လို့ထင်ပါတယ် ဒီဇာတ်ကားထဲမှာတော့ ဂျာမန်အစိုးရဲ့ ဂျူးသုတ်သင်ရေးတစိတ်တပိုင်းဖြစ်တဲ့ “ဘာလင်မြို့ပေါ်က ဂျူးတွေကို နှင်ထုတ်၊ Auschwitzမြို့အထိ ရထားနဲ့ပို့လိုက်တဲ့အကြောင်း”ကို ရှုစားရမှာပါ ၁၉၄၃ ဧပြီလ ညတစ်ညမှာတော့ ဂျာမနီနိုင်ငံ ဘာလင်မြို့မှာရှိနေတဲ့ ဂျူးလူမျိုးလက်ကျန်တိုင်း(ဆင်းရဲ ချမ်းသာမရွေး)ကို နာဇီလျှို့ဝှက်ရဲတပ်ဖွဲ့ကနေ  အိမ်တိုင်ရာရောက်ဖမ်းဆီးခဲ့ပါတယ် ဖမ်းဆီးခဲ့တဲ့ ဂျူးလူမျိုးတွေကိုလည်း ဘာလင်-ဂူနဗိုင်လ် ဘူတာကတစ်ဆင့် ပို့မယ့်နေရာမပြောပြဘဲ ရထားပေါ်တင်လိုက်ပါတယ် ရထားပေါ်မှာလည်း ဂျူးလူမျိုးတွေဟာ တိရစ္ဆာန်တွေလိုဆက်ဆံခံခဲ့ရတယ် ပြီးတော့ အစာရေစာကျွေးတာမခံခဲ့ရသလို စိတ်ကူးပေါက်ရင် သေနတ်အပစ်ခံရတာမျိုး ကြုံခဲ့ရတယ် ဇာတ်လမ်းတင်ဆက်ပုံကတော့ realistic တော်တော်လေး ဖြစ်တာကြောင့် ဗဟုသုတတော်တော်ရနိုင်သလို နာဇီစနစ်ဆိုးကိုလည်း မျက်ဝါးဝါးထင်ထင် မြင်တွေ့နိုင်ပါတယ်