Ross Butler ပါဝင်သော ဇာတ်ကားများ

Worth The Wait (2025) IMDb Rating (6.3) 13 Reasons Why ထဲက Ross Butler။ To All the Boys I've Loved Before မင်းသမီး Lana Condor။ Warrior နဲ့ Snake Eyesမင်းသား Andrew Koji။ Fast and Furious ထဲက ဟန် Sung Kang။ Super Natural ထဲက ကယ်ဗင် Osric Chau။ Daredevil မင်းသမီး Elodie Yung။ စသဖြင့် သရုပ်ဆောင်ထားကြပါတယ်။ ထူးတာက ဒီသရုပ်ဆောင်အများစုက အမေရိကန်သားစစ်စစ်တွေမဟုတ်တဲ့ အမေရိကန်မှာရုပ်ရှင်ရိုက်နေကြတဲ့ လူတွေရယ်။ အမေရိကန်မှာ ရုပ်ရှင်ရိုက်ဖူးတဲ့ တခြားနိုင်ငံကလူတွေရယ်ချည်းပါပဲ။ တော်တော်များများနဲ့ ရင်းနှီးပြီးသား လူတွေချည်းလည်း ဟုတ်တယ်။ ဇာတ်ကတော့ ရင်ထဲနွေးစေတဲ့ ဇာတ်လမ်းလေးလို့ ပြောရမယ်။ ဘဝအကြောင်း ချစ်တဲ့လူတွေအကြောင်း ရွေးချယ်မှုတွေအကြောင်းပေါ့။ ဒါကို သူက သရုပ်ဆောင်အများကြီးရဲ့ ဘဝတွေဖြစ်စဉ်တွေနဲ့ ခြုံငုံပြပြီး ရွေးချယ်မှုလုပ်ရမယ့်ဆီကို အားလုံးကိုခေါ်သွားတယ်။ ဘဝမှာ အချစ်ကအရေးကြီးကြောင်း ဘာညာဆီလည်း ခေါ်သွားတယ်။ ဇာတ်လမ်းကောင်းကောင်းလေးနဲ့ ရင်ထဲနွေးစေမယ့်ရုပ်ရှင်မျိုး ကြည့်ချင်ရင်တော့ ဒီရုပ်ရှင်က ကြည့်ရမယ့်ရုပ်ရှင်ပါပဲ။ File size… (1.1 GB) / (590 MB) Quality…. WEB-DL 1080p HEVC / 720p Format…. mkv/mp4 Genre…. Comedy,Romance Duration…. 01:41:38 Subtitle…. Myanmar Subtitle (Hardsub)

ရှဇမ်းရဲ့ ဒုတိယမြောက်ရုပ်ရှင်က ပထမကားအဖြစ်အပျက်တွေရဲ့ အဆက်ဖြစ်ပြီး ဒီတစ်ခါမှာတော့ ဂရိနတ်ဘုရားတွေနဲ့ ရင်ဆိုင်ရပါတယ်။ ရှဇမ်းတို့ကို စွမ်းအားပေးခဲ့တဲ့ မှော်တောင်ဝှေးဟာ ဂရိနတ်ဘုရားတွေရဲ့ အစွမ်းတွေကို ခိုးယူထားတဲ့အရာဖြစ်သလို နတ်ဘုရားလောကမှာ မှော်အစွမ်းတွေ မရှိတော့အောင် လုပ်ထားတဲ့အရာလည်း ဖြစ်နေတယ်။ ပထမကားမှာ ဘီလီဘတ်ဆန်က တောင်ဝှေးကို ချိုးပစ်လိုက်ပြီးနောက် နတ်ဘုရားတွေ ကမ္ဘာပေါ် ဆင်းလာနိုင်သွားပါတယ်။ သူတို့ရဲ့အစွမ်းတွေကို ပြန်ယူဖို့ ရောက်လာတဲ့အခါ ရှဇမ်းတို့နဲ့ ထိပ်တိုက်တွေ့ကြတော့တယ်။ လူကြီးရှဇမ်းအဖြစ် Zachary Levi၊ ကလေးဇာတ်ကောင်အဖြစ် Asher Angel နဲ့ စူပါဟီးရိုးဇာတ်ကောင်အဖြစ် Grace Caroline Currey တို့ ပါဝင်ထားပါတယ်။ ပထမကားထက် ဟာသပိုများပြီး မိသားစုအကြောင်းကိုပါ ထည့်ပြောထားတဲ့ ပေါ့ပေါ့ပါးပါး စွန့်စားခန်းဇာတ်ကားပါ။

စီယန်နာဟာ MMA ဖိုက်တာတွေကို လေ့ကျင့်ပေးနေတဲ့ နည်းပြတစ်ယောက်ဖြစ်ပြီး တစ်ချိန်က MMA လောကရဲ့ ဂန္ထဝင်တစ်ဦးဖြစ်ခဲ့တဲ့ ဂျူလီယန်ဂျိမ်းစ်ရဲ့ကလပ်မှာ အလုပ်လုပ်နေပါတယ်။ မိဘတွေ ဆုံးသွားပြီးနောက် သူ့မှာကျန်တဲ့ တစ်ဦးတည်းသောမိသားစုက ညီမလေးဘက်သ်ပါ။ စီယန်နာအတွက် ဘက်သ်ဟာ အရေးအကြီးဆုံးလူ ဖြစ်နေခဲ့တယ်။ အဲဒီနောက် ဂျက်စ်ဆိုတဲ့ ဖိုက်တာတစ်ယောက်က သူ့ကို ချစ်ခွင့်ပန်လာပြီး စီယန်နာလည်း ချစ်မိသွားပါတယ်။ သူ့ဘဝမှာ ဘက်သ်ပြီးရင် ဂျက်စ်က ဒုတိယအရေးအကြီးဆုံးလူ ဖြစ်လာတဲ့အထိပါပဲ။ ဒါပေမယ့် သူအချစ်ဆုံးလူနှစ်ယောက် ဖောက်ပြန်နေကြတာကို မျက်မြင်တွေ့လိုက်ရတဲ့အခါ စီယန်နာရဲ့ဘဝ ပြိုလဲသွားသလို ဖြစ်သွားတယ်။ သစ္စာဖောက်ခံရတဲ့ နာကျည်းစိတ်နဲ့ ဂျက်စ်ကို အနိုင်ယူနိုင်မယ့် ဖိုက်တာတစ်ယောက်ကို သူလိုက်ရှာပါတယ်။ အဲဒီလိုရှာရင်း စိတ်ဒဏ်ရာတွေနဲ့ မြေအောက်ခန်းထဲ ပုန်းနေတဲ့ မြေအောက်လက်ဝှေ့သမား ကေဒန်ကို တွေ့သွားတယ်။ စီယန်နာက ကေဒန်ကို ဂျက်စ်နဲ့ ယှဉ်ထိုးနိုင်အောင် လေ့ကျင့်ပေးဖို့ ကြိုးစားလာပါတယ်။ အသက်ကိုပါ စွန့်စားရတဲ့ ထိုးသတ်ပွဲတွေမှာ ဂျက်စ်ကို အလဲထိုးနိုင်အောင် ကေဒန်ကို ပြင်ဆင်ပေးနိုင်မလား။ အချစ်ရေးကနေ စိတ်ဒဏ်ရာရထားတဲ့ စီယန်နာကလည်း ကေဒန်ကို ချစ်ခွင့်ပေးပြီး အတိတ်ကနေ ရှေ့ဆက်နိုင်မလား။ ကေဒန်ကိုယ်တိုင်လည်း သူ့အတိတ်ရဲ့ အရိပ်ဆိုးကနေ ရုန်းထွက်နိုင်ပါ့မလားဆိုတာကို ဆက်ပြထားပါတယ်။ ချစ်ခြင်းနဲ့ စွဲလမ်းခြင်းကြားက ကွာခြားချက်၊ နာကျင်မှုကို ကျော်ဖြတ်နိုင်တာနဲ့ စိတ်ထဲမှာပဲ ဖုံးသိမ်းထားတာတို့အကြောင်းလည်း မေးခွန်းထုတ်ထားပါတယ်။

လာရာဂျိန်းဟာ ချစ်သူနဲ့ စတန်ဖိုဒ့်တက္ကသိုလ်မှာအတူတူတက်ရင်း အနာဂါတ်အတွက် အိပ်မက်တွေအများကြီးမက်နေတဲ့ ဆယ်ကျော်သက်အရွယ်ကောင်မလေးတစ်ဦးပါ။ ဒါပေမဲ့ လာရာဟာ အားကစားသမားတစ်ဦးဖြစ်တဲ့ ချစ်သူ ပီတာနဲ့ စတန်ဖို့ဒ်တက္ကသိုလ်အတူတက်ဖို့ စိတ်ကူးထားပေမယ့် ဘဝဟာ စီစဉ်ထားသလိုဖြစ်မလာခဲ့ပါဘူး။ ဒါ့အပြင် လေ့လာရေးခရီးသွားရင်း နယူးယော့ခ်မြို့ကိုချစ်မိသွားတဲ့ လာရာတစ်ယောက် နောက်ဆုံးမှာတော့ နယူးယော့ခ်တက္ကသိုလ်ဟာ သူတက်ချင်တဲ့တက္ကသိုလ်ဖြစ်တာကို နားလည်သွားခဲ့ပါတယ်။ ချစ်သူနဲ့အတူတူ အနာဂါတ်ခရီးကိုဖြတ်သန်းချင်ပေမယ့် ဘဝခရီးအတွက် ရွေးချယ်ဖို့ဆုံးဖြတ်ချက်ချရတော့မယ့်အချိန်မှာတော့ လာရာတစ်ယောက် သူ့ရည်ရွယ်ချက်ကိုလည်း လက်မလွှတ်ချင်ခဲ့ပါဘူး။ ဒီဇာတ်လမ်းလေးထဲမှာတော့ အချစ်နဲ့ အနာဂါတ်ဘဝရည်ရွယ်ချက်တွေကြား ဒွိဟဖြစ်နေတဲ့ဆယ်ကျော်သက်တစ်ယောက်.. ချစ်သူနဲ့နီးစပ်ဖို့ကိုပဲရွေးချယ်မလား သူဖြစ်ချင်တဲ့လမ်းကိုပဲ ဆက်လျှောက်သွားမလား ဆိုတာကို စိတ်ဝင်စားဖွယ်ကြည့်ရှုရမယ့်အပြင် အထက်တန်းကျောင်းသားတွေရဲ့လူငယ်ဘဝနဲ့ အနာဂါတ်အတွက်ရွေးချယ်မှုတွေကို မြင်တွေ့ရမယ့် ဇာတ်ကားကောင်းလေးတစ်ကားလည်းဖြစ်ပါတယ် File size… 1.7GB and 750MB Quality….WEB-DL 1080p and 720p Format…mp4 Duration…. 1hr 49min Subtitle….Myanmar Subtitle (Hardsub) Translator ..... Lwin Lwin Aung Encoder ..... August

IMDb Rating - 7.8 ဟိုးရှေးရှေးတုန်းကပေါ့ဗျာ ..... ပုံပြင်ဆိုတော့ ဒီလိုပဲ စရမယ်လေနော့။ ကူမန်ဒြာ ဆိုတဲ့ တိုင်းပြည်မှာ လူတွေရယ် နဂါးတွေ ရယ် အတူတူ နေကြသတဲ့။ တစ်နေ့မှာတော့ ဒရွန်း ဆိုတဲ့ ကျောက်ရုပ်ဖြစ်စေနိုင်တဲ့ မိစ္ဆာတွေက လာရောက်အနိုင် ကျင့်ကြတဲ့အခါမှတော့ ...... နဂါးတွေက လူတွေကို ကူညီတိုက်ခိုက်ပေးကြပါတယ်။ နဂါးတွေရဲ့ အစွမ်းတွေ စုထားတဲ့ ရတနာနဲ့ ဒရွန်း မိစ္ဆာတွေကို အနိုင်တိုက်နိုင်ခဲ့ပါတယ်။ ဒါပေမယ့် ကူညီတဲ့ နဂါးတွေအားလုံး ကျောက်ရုပ်တွေ ဖြစ်သွားကြပြီး နဂါးတစ်ကောင်ကတော့ ရှင်ကျန်နေရစ်ခဲ့ပါတယ်။ ကူမန်ဒြာ တိုင်းပြည်ကြီးလည်း လူမျိုးစု ၅ စု ကွဲသွားသလို ရတနာကလည်း ၅ ပိုင်း ကွဲသွားခဲ့ပါတယ်။ နောက် နှစ် ၅၀၀ အကြာမှာတော့ ဒရွန်းတွေ ပြန်ပေါ်လာခဲ့ပါတယ်။ နှလုံးသားမျိုးနွယ်စု ခေါင်းဆောင်ရဲ့ သမီးလေး ရာယာ က နောက်ဆုံးကျန်ခဲ့တဲ့ နဂါး ကို ရှာဖွေပြီး ဒရွန်းတွေကို နှိမ်နင်းဖို့ ကြိုးစားတဲ့အခါမှာတော့ ..... IMDb - 7.8/10 ရထားတဲ့ Animation ကားကောင်း တစ်ကားလည်း ဖြစ်ပါတယ်။ ဝေါ့ဒစ္စနေး ရဲ့ အခင်းအကျင်းတွေအတိုင်း နောက်ခံတေးဂီတကောင်းကောင်း၊ အထူးပြုလုပ်ချက်ကောင်းတွေနဲ့ ဆိုတော့ ကြည့်ရတာ အတော်ကောင်းတဲ့ ကာတွန်းကားပဲ ဖြစ်ပါတယ်။ (ဒီဇာတ်လမ်းရဲ့ အညွှန်းကို August မှရေးသားပေးပြီး၊ ဘာသာပြန်ရေးသားပေးသူကတော့ Littleneo ပဲဖြစ်ပါတယ်။) File size…(3.4 GB) / (1.9 GB) / (1.8 GB) / (900 MB) Quality….BluRay 4K HEVC / HEVC 1080p / WEBRip 1080p / 720p Format…mkv/mp4 Duration….01:47:29 Subtitle….Myanmar Subtitle (Hardsub) Encoder….Nyeinsaeya Aung Translated by Littelneo

အခု မိတ်ဆက်ပေးမှာကတော့ 2018 က ထွက်ခဲ့တဲ့ To All the Boys I've Loved Before ဆိုတဲ့ အမေရိကန်အချစ်ဇာတ်ကားလေးရဲ့ နောက်ဆက်တွဲအနေနဲ့ 2020 မှာ ထပ်မံရိုက်ကူး ထုတ်လွှတ်လာတဲ့ To All the Boys: P.S. I Still Love You ဆိုတဲ့ ဇာတ်ကားလေးပါ ပထမကားမှာတုန်းကလိုပဲ လူငယ်ကြိုက် အချစ်ကားလေးဟာ ပရိသတ်ကို စိတ်မပျက်ရမယ့် ကြည်နူးစရာ အချစ်ဇာတ်ဝင်ခန်းလေးတွေနဲ့ ထပ်မံ ဖမ်းစားနိုင်ခဲ့ပြန်ပါတယ် လာရာဂျင်းနဲ့ ပီတာကတ်ဗင်စကီနဲ့ ပထမဆုံးဒိတ်လေးနဲ့ ဇာတ်လမ်းလေးကို စတင်ထားပြီး ရင်ခုန်ကြည်နူးစရာ ချစ်သူဘဝလေးကို ပုံဖော်ပြထားပါတယ် အဲလိုအချိန်မှာပဲ လာရာဂျင်းရဲ့ နောက်ထပ် ရည်းစားစောင်တစ်စောင်ကို လက်ခံရရှိခဲ့တဲ့ အလယ်တန်းတုန်းက ဂျွန်အမ်ဘရို့စ်ဆီက ပြန်စာတစ်စောင် လက်ခံရရှိလိုက်တဲ့အခါမှာ ဘာတွေ ဆက်ဖြစ်လာမှာလဲ.... ဂျွန်အမ်ဘရို့စ်ဟာ လာရာဂျင်းနဲ့အတူ နွေရာသီလုပ်အားပေးစခန်းမှာပါ အတူရောက်လာခဲ့ချိန်မှာတော့ လာရာဂျင်းတစ်ယောက် ၃ ပွင့်ဆိုင် အချစ်ဇာတ်လမ်းထဲမှာ ဘယ်လိုတွေ ရင်ဆိုင်ဖြေရှင်းရမှာလဲ ပီတာနဲ့ ဂျွန် ၂ ယောက်ကြား ဘယ်လို‌တွေ ရွေးချယ် အဆုံးသတ်သွားမှာလဲဆိုတာကိုတော့ ရင်ခုန်စိတ်လှုပ်ရှားဖွယ် စောင့်မျှော်ကြည့်ရှုလိုက်ကြပါဦးနော် အညွှန်းနဲ့ဘာသာပြန်သူကတော့ May Tharaphi Lwin ပဲဖြစ်ပါတယ်…. File Size : (1.80 GB),(800 MB) And (400 MB) Quality : NF WEB-DL (1080p 5.1,720p,480p) Running Time : 1hr 41min Format : Mp4 Genre : Drama, Romance Subtitle : Myanmar Subtitle (Hard Sub) Source : 1080p.NF.WEB-DL.DDP5.1.x264-NTG Translated by May Tharaphi Lwin Encoded by Thanhtike Zaw

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်.....DCEU ရုပ်ရှင်အားလုံးကို ဒီမှာ https://channelmyanmar.org/category/special-package/dceu/  ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ - Man of Steel (2013) - Batman vs Superman: Dawn of Justice (2016) - Suicide Squad (2016) - Wonder Woman (2017) - Justice League (2017) (Theatrical Cut) - Aquaman (2018) - Shazam! (2019) - Birds of Prey (and the Fantabulous Emancipation of One Harley Quinn) (2020) - Wonder Woman 1984 (2020) - Zack Snyder's Justice League (2021) - The Suicide Squad (2021) - Black Adam (2022) - Shazam!: Fury of the Gods (2023) - The Flash (2023) - Blue Beetle (2023) - Aquaman and the Lost Kingdom (2023) +++++++++++++++++++++++++++++ Shazam! (2019) IMDb Rating (7 ) / Rotten Tomatoes (90%) ဒီဟီးရိုးကတော့ မှော်အစွမ်းကို အခြေခံထားတာပါပဲ။ Shazam လို့အော်လိုက်ရင် 14 နှစ်သားကောင်လေးအဖြစ်ကနေ လူကြီးအရွယ် စူပါဟီးရိုးအဖြစ် ပြောင်းလဲသွားပါတယ်။ ဇာတ်လမ်းအကျဉ်းကတော့ မှော်ဆရာအဖွဲ့ကြီးတစ်ခုရဲ့ နောက်ဆုံးကျန်တဲ့ မှော်ဆရာဟာ ကမ္ဘာကြီးကို နတ်ဆိုး ၇ ပါးရန်ကနေ ကာကွယ်ထားရပါတယ်။ သူ့ရဲ့အစွမ်းတွေ အားနည်းလာချိန်မှာတော့ သူ့နေရာကိုဆက်ခံဖို့ စိတ်ထားကောင်းမွန်တဲ့ လူတစ်ယောက်ကို ရှာဖွေရပါတော့တယ်။ ဒီဟီးရိုးကတော့ Justice League သာ ဆက်ထွက်ခဲ့ရင် ပါလာနိုင်တာမို့ သူ့ရဲ့ မူလဇစ်မြစ်ကို ဒီကားမှာ သေချာတွေ့ရမှာပါ။ File size…(11 GB)/ (2.6 GB)/(1.4 GB) Quality…BluRay 4K HEVC /1080p HEVC/720p Format…mkv/mp4 Duration….02:12:00 Subtitle….Myanmar Subtitle (Hardsub) Encoder….Ka Naung Translated by Littleneo

13 Reasons Why (S1 to S4) ဒီစီးရီးကိုတော့ လူအတော်များများ ကြားဖူးပြီးနေလောက်ပါပြီ။ Netflix ရဲ့ ကမ္ဘာတစ်ဝှမ်းမှာ ကျော်ကြားသွားတဲ့ စီးရီးပါပဲ။ IMDb နဲ့ RT တွေမှာ rating 9 ကျော်နေပြီး  ဝေဖန်ရေးဆရာတွေရဲ့ ချီးကျူးသံတွေ ဆက်တိုက်ရရှိခဲ့တဲ့ စီးရီးလေးပါ။ ၂၁ ရာစု အကောင်းဆုံး High School Drama တွေထဲက တစ်ခုလို့ ချီးကျူးကြတယ်။ စလယ်ဆုံး ဇာတ်ရှိန်မကျဘဲ ဆွဲခေါ်သွားနိုင်တယ်။ ခံစားချက်မျိုးစုံကို ပေးနိုင်တယ် စသည်ဖြင့် မှတ်ချက်တွေပြည့်နေခဲ့ပါတယ်။  ဝေဖန်ခံရတဲ့ အချက်ကတော့ ဇာတ်လမ်းရဲ့ အဓိကဇာတ်ဆောင်ဟာ မိမိကိုယ်ကို သတ်သေခဲ့ပြီးမှ သူ့ရဲ့  နောက်ဆက်တွဲတွေကို ခမ်းနားစွာ ဖော်ပြထားတဲ့ ဇာတ်ကြောင်းဖြစ်နေလို့ သတ်သေမှုတွေကို တနည်းအားဖြင့် အားပေးနိုင်တယ်ဆိုပြီး  ပြောသူတွေတော့ ရှိပါတယ်။ ဒါပေမယ့် ဒီစီးရီးရဲ့ အကြောင်းအရာတွေမှာ အထက်တန်းကျောင်းသားတွေရဲ့ စိတ်ဖိအား၊ခံစားချက်တွေတွေကို နားလည်ဖို့နဲ့ ဆရာတွေမိဘတွေ ပိုပြီး သတိထားမိလာစေဖို့၊ ကျောင်းသားသူတွေကြားထဲက ကိုယ်ချင်းစာတရားတွေ ပိုကောင်းမွန်လာဖို့ အားပေးတဲ့အချက်တွေ အများကြီးပါပါတယ်။ ဒီစီးရီးရဲ့ အဓိက သရုပ်ဆောင် ၂ ယောက်ဟာလည်း တကယ်ကောင်းမွန်ခဲ့တာမို့ ချီးကျူးမှုတွေ အများအပြားရရှိထားပြီး သူတို့ သရုပ်ဆောင်ဘဝလမ်းကတော့ ပိုပြီးတောက်ပြောင်လာလိမ့်မယ် ထင်မိပါသေးတယ်။ ဇာတ်လမ်း အကျဉ်းပြောရရင် အစမှာ ဟန်နာ ဆိုတဲ့ အထက်တန်းကျောင်းသူလေး မိမိကိုယ်ကို သေကြောင်းကြံသွားခဲ့တာက စပါတယ်။ အဲဒီအဖြစ်ရဲ့ ရိုက်ခတ်မှုတွေဟာ ဆရာတွေ၊ကျောင်းသားတွေ နဲ့ မိဘတွေကြားမှာနည်းမျိုးစုံနဲ့ သက်ရောက်နေခဲ့တယ်။ ကျောင်းသားတွေထဲမှာမှ ဟန်နာနဲ့ထူးထူးခြားခြားသိကျွမ်းခဲ့တဲ့ ကလေးရ်(Clay) ဆိုတဲ့ ကောင်လေးကတော့ ပိုပြီးသူ့ကို သတိရနေခဲ့သူပါ။ တစ်ညမှာတော့ ကလေးရ်ဆီကို ဟန်နာ အသံသွင်းထားတဲ့ တိတ်ခွေလေးတွေ ရောက်လာခဲ့တယ်။ တိတ်ခွေမှာ အကြောင်း ၁၃ ပိုင်း ပါဝင်ပြီး သူသတ်သေခဲ့ရတဲ့ ၁၃ ချက်သောအကြောင်းရင်းတွေကို  ပြောပြထားခဲ့တယ်။ တိတ်ခွေအစမှာ ဒီတိတ်ခွေတွေကို သူသေဆုံးခဲ့ရမှုအတွက် တာဝန်ရှိတဲ့ လူအားလုံးကို တစ်ယောက်ပြီး တစ်ယောက် လက်ဆင့်ကမ်းပြီး နားထောင်ဖို့  ပြောထားခဲ့ပြီး ဒီစည်းကမ်းကို မလိုက်နာရင်တော့ သူတာဝန်ပေးခဲ့တဲ့ တစ်ယောက်သောသူဟာ ဒီအခွေတွေကို လူတွေကြားထဲကို ချပြလိုက်လိမ့်မယ်လို့ ချိန်းခြောက်ထားပါတယ်။ Clay ရဲ့ အရင်ရှေ့မှာ နားထောင်ပြီးတဲ့သူတွေဟာ ဟန်နာကို သစ္စာဖောက်ခဲ့သူတွေ၊ အနိုင်ကျင့်ခဲ့သူတွေ စသည်ဖြင့် အကြောင်းအရာမျိုးစုံပါဝင်နေပါတယ်။ သက်ဆိုင်သူအားလုံးနည်းပါးက ဒီတိတ်ခွေတွေကို တစ်ညတည်း အကုန်နားထောင်နိုင်ကြပေမယ့် Clay အတွက်တော့ မတူခဲ့ပါဘူး။ သူ့အတွက် ဒီတိတ်ခွေတွေက ပေးတဲ့ ခံစားချက်တွေက ပြင်းထန်လွန်းလို့ အပိုင်းပိုင်းလေးတွေပဲ နားထောင်နိုင်စွမ်းရှိနေပါတယ်။ ကျန်တဲ့ သူတွေအားလုံးကတော့ ကလေးရ် ဒါတွေအကုန်နားထောင်ပြီးချိန်မှာ ဘယ်လိုတုံ့ပြန်လာမလဲ ရင်တမမနဲ့  စောင့်နေရပါပြီ။ တချို့လည်း သူဆက်နားမထောင်နိုင်အောင်၊ သူဘယ်တော့မှထုတ်မပြောရဲအောင်၊ ဟန်နာပြောတာတွေကို မယုံအောင် နည်းမျိုးစုံကြိုးစားလာကြပါတော့တယ်။ ဟန်နာသေဆုံးရတဲ့ တရားခံတွေထဲမှာ Clay လို  အေးဆေးပြီး စိတ်ထားကောင်းတဲ့ သူက ဘာလို့ပါနေရတာလဲ။ သူလည်း ဘာတွေလုပ်ခဲ့သလဲ။ ကျန်တဲ့သူတွေကရော ကလေးရ်နားထောင်မိသွားမယ့်အကြောင်းအရာတွေအတွက် ဘာလို့ ကြောက်လန့်နေကြသလဲဆိုတဲ့ အဖြေတွေကိုတော့ တစ်ပိုင်းချင်းစီမှာ  ပြသသွားပါလိမ့်မယ်။ ဒီစီးရီးမှာ ကြောက်စရာ လူသတ်ကောင်တွေ ရက်စက်လွန်းတဲ့ ဖြစ်ရပ်တွေတော့ မပါဝင်ပါဘူး။ ဒါပေမယ့် သာမာန် Horror ကားတွေထက် ပိုကြောက်စရာကောင်းပါလိမ့်မယ်။ ဘာကြောင့်လဲဆိုတော့ ဒီထဲက တရားခံဆိုတဲ့သူတွေလူတွေ လုပ်ခဲ့တဲ့ အရာတွေဟာ ကျွန်တော်တို့ကိုယ်တိုင် သတိမမူရင်၊ အခြေအနေတစ်ခုမှာ လုပ်လိုက်မိနိုင်တဲ့ အပြစ်တွေ ဖြစ်နေတဲ့အတွက် ဇာတ်လမ်းထဲမှာ စိတ်နှစ်ပြီး ခံစားမိရင်တော့ အပိုင်းတိုင်းဟာ  ကြောက်စရာကောင်းပြီး စိတ်လှုပ်ရှားစရာတွေ ပြည့်နေပါလိမ့်မယ်။ ဘယ်လိုခံစားရလည်း ဆိုတာကိုတော့ ကိုယ်တိုင်ကြည့်ပြီးမှ ဆုံးဖြတ်ကြည့်လိုက်ပါတော့။ Quality – 720p NF WEB-DL Duration – 1hr 00min (@Episode) Subtitle – Myanmar Hardsub Format – Mp4 Genre : Drama, Mystery Source : 720p.NF.WEBRip.DDP5.1.x264-MZABI