Rowan Atkinson ပါဝင်သော ဇာတ်ကားများ

Man Vs Baby (2025) Mr Bean မင်းသားကြီးရဲ့ ခရစ္စမတ် မီနီစီးရီးလေး ထွက်လာပါပြီ။ အပိုင်းလေးပိုင်း ပါဝင်မှာဖြစ်ပြီး အရင် ဇာတ်လမ်းတွေလိုပဲ အလွဲလွဲအချော်အချော် ဟာသတွေကို မြင်ရမှာပဲ ဖြစ်ပါတယ်။ ဇာတ်လမ်းအကျဉ်း ဘင်ဂလေဟာ ကျောင်းစောင့်အလုပ်ကနေ ပြုတ်သွားအပြီးမှာပဲ လန်ဒန်မြို့ကနေ အိမ်စောင့်အထူးအလုပ်ကို ပေါင် ၁၀၀၀၀ နဲ့ လုပ်ဖို့ အခွင့်အရေးတစ်ခု ရလာပါတယ်။ အဲဒီအလုပ်အတွက် အချိန်မီ အင်တာဗြူးသွားဖို့လိုနေပါပြီ။ အင်တာဗြူးသွားခါနီးမှာပဲ ကလေးလေးတစ်ယောကကို ပိုင်ရှင်မဲ့အဖြစ် တွေ့လိုက်ရပြီး မိဘ၊ ရဲစခန်း၊လူမှုဝန်ထမ်းတွေကို ဆက်သွယ်ပြီး အပ်ဖို့ကြိုးစားပေမဲ့ အဆင်မပြေခဲ့ပါဘူး။ လန်ဒန် အင်တာဗြူးကလည်း ဘယ်လိုမှ ပျက်လို့မရတဲ့အချိန်မှာ ဘင်ဂလေတစ်ယောက် ကလေးကိုပိုက်ပြီး အရေးကြီးတဲ့အလုပ်ကြီးဆီကို အင်တာဗြူးသွားဖို့ ကြိုးစားရပါတော့တယ်။ File size… (1.4 GB) / (450 MB) / (250 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy,Family Duration…. 00:27:50 Subtitle…. Myanmar Subtitle (Hardsub)

Wonka (2023)  ~ IMDb - 7.3/10, RT - 82%, Meta - 66% ~ အားလုံးမျှော်နေတဲ့ ချစ်စရာ Willy Wonka ရဲ့ မအောင်မြင်ခင်အရွယ်က Musical ဇာတ်လမ်းလေး လာပါပြီ။ ဒီဇာတ်လမ်းမှာ ဝမ်ကာဟာ ငယ်ငယ်က သူ့အမေနဲ့ ထားခဲ့တဲ့ ကတိတစ်ခု ရည်ရွယ်ချက်တစ်ခုကို ဖြည့်ဆည်းဖို့၊ သူ့ရဲ့ ချောကလက်ပညာတွေကို ထုတ်ပြဖို့ မြို့လေးတစ်မြို့ကို ရောက်ခဲ့ပါတယ်။ အောင်မြင်မှုဆိုတာတော့ လွယ်လွယ်နဲ့ မရနိုင်တာ လူတိုင်းအသိပါ။ အလားတူပဲ ဝမ်ကာဟာလည်း သူ့ရဲ့ ပန်းတိုင်ကို လျှောက်လှမ်းတဲ့ ခရီးမှာ အခက်အခဲတွေ ပြဿနာတွေ ရန်သူတွေ မိတ်ဆွေတွေ ရခဲ့ပါတယ်။ မိမိဘက်က လက်မလျှော့သ၍ အိပ်မက်တွေဟာ ပျက်စီးမသွားဘူးဆိုတဲ့ Message လေးကို အကအလှတွေ မြိုင်ဆိုင်တဲ့ သီချင်းတွေ သီဆိုရင်း Timothée Chalamet က အဓိကဦးဆောင် တင်ဆက်ထားပြီး ဟောလိဝုဒ်ရဲ့ အ‌ကျော်အမော်တွေဖြစ်တဲ့ အော်စကာဆုရှင် Olivia Colman, မင်းသားကြီး Rowan Atkinson နဲ့ Hugh Grant တို့အပြင် ဟာသမင်းသား Keegan-Michael Key ကလည်း ဇာတ်ရံနေရာကနေ အကောင်းဆုံးပါဝင်အားဖြည့်ပေးထားပါသေးတယ်။ ဂန္ထဝင်မင်းသားကြီး Gene Wilder နဲ့ Johnny Depp တို့ရဲ့ အရင်နှစ်ကားက Willy Wonka အတိတ်ဘဝဇာတ်ကြောင်းအစစ်ရယ်မဟုတ်ဘဲ Standalone ခွဲထွက်ထားတာဖြစ်လို့ ဒါကြည့်ဖို့ အရင်ကားတွေကို ကြည့်စရာမလိုပါဘူး။ အဲဒီတော့ ဒီအတိုင်း Musical ကားတစ်ကားအနေနဲ့ပဲ အကအလှတွေ ခံစားနားဆင်လိုက်ကြပါဦး။ (အညွှန်းကို Act Molemy ကရေးသားပေးထားပြီး ဇာတ်ကားကိုတော့ Mr. Anderson နဲ့ Act Molemy တို့က တင်ဆက်ပေးထားပါတယ်) Size - 3.8GB, 1.9GB. 1GB Quality - 4K HEVC, 1080p, 720p IMDb Rating - 7.3/10 Format - mp4 Duration - 1H 56Min Genre - Adventure, Comedy, Family Subtitle - Myanmar Subtitle (Hardsub) Translated by Mr. Anderson & Act Molemy Encoded by Ka Naung

IQ 178 ရှိတဲ့ စူပါဂျီးနီးယပ်စ်တစ်ယောက်ဖြစ်တဲ့ ရို၀န်အတ်ကင်ဆန်ရဲ့ တစ်ကျော့ပြန် ဇာတ်လမ်းတွဲအသစ်ကို Netflix ကနေ အစအဆုံး တစ်သုတ်တည်း ထုတ်လုပ်တင်ဆက်ပေးလိုက်ပါပြီ။ ဒီဇာတ်လမ်းတွဲကို ရိုဝန်အတ်ကင်ဆန်ရဲ့ Johnny English Strikes Again ကားကို ရိုက်ခဲ့တဲ့ ဒါရိုက်တာကပဲ ရိုက်ထားတာပါ။ ရုပ်ရှင်အကြိုက်တွေ အမျိုးမျိုးကွဲကြပေမဲ့ တစ်ခေတ်တစ်ခါတုန်းက Legend တစ်ယောက်ဖြစ်တဲ့ ချာလီချက်ပလင်ကို မကြိုက်တဲ့သူမရှိသလို သူ့နောက်တစ်ခေတ်မှာလည်း တွမ်အန်န်ဂျယ်ရီကို မကြိုက်တဲ့သူမရှိပါဘူး။ အဲဒီလိုမျိုး ကျွန်‌တော်တို့ မျက်မှောက်ခေတ်ရဲ့ ဟာသ Legend ကြီးကတော့ မစ္စတာဘင်းန်ပါပဲ။ အဲဒီဇာတ်လမ်းတွဲကို မကြိုက်တဲ့သူမရှိတာ သေချာပါတယ်။ ဇာတ်လမ်းကတော့ နာမည်အတိုင်းပဲ၊ လူနဲ့ပျား အကြိတ်အနယ်ဆော်ကြတဲ့ဇာတ်ပါပဲ။ ခင်ဗျားအိမ်ထဲ ငှက်တစ်ကောင်ဖြစ်ဖြစ် ပျားတစ်ကောင်ဖြစ်ဖြစ် ၀င်ပြီး ပြန်ထွက်မရဖြစ်နေတာကြုံဖူးမှာပေါ့။ အ၀တ်နဲ့ရိုက်ထုတ်လိုက် မောင်းထုတ်လိုက် လုပ်ပေမဲ့ အေဘေးက မထွက်တာလည်း ကြုံဖူးမှာပေါ့။ ဒီဇာတ်လမ်းတွဲဟာ ဒီလိုအဖြစ်ကိုပဲ နည်းနည်းအကျယ်ချဲ့ရိုက်ထားတဲ့ မာစတာဘင်းန်ကြီးရဲ့ ဟာသဇာတ်လမ်းတွဲပေါ့။ ရို၀န်ကြီးရဲ့ Tom ဆန်ဆန်ပုံစံနဲ့ ငယ်ငယ်က နာမည်ကြီးခဲ့တဲ့ Bee Movie ထဲက ပျားအထာနဲ့ပျားရဲ့ Jerry ဆန်ဆန်ပုံစံကို တွေ့ရမှာပါ။ ဘာမှမလုပ်ဘဲထိုင်နေရင်တောင် ရယ်နေရတဲ့ ရို၀န်ကြီးရဲ့ အားလုံးကို ခွက်ထိုးခွက်လန်ဖြစ်စေမယ့် Comeback ပေါ့။ ဟာသဆိုတော့ ဟာသအနေနဲ့ပဲ ကြည့်ပေါ့ဗျာ။ ရို၀င်ကြီးရဲ့ အူကြောင်ကြောင်ဟန် သရုပ်ဆောင်ထားတာတွေကိုကြည့်ပြီး ဒီဘဲနှယ် တုံးလိုက်လေခြင်းလို့တော့ မရေရွတ်နဲ့ဦး။ ရှာကြည့်ရသလောက် ရို၀င်ကြီးဟာ သရုပ်ဆောင်တွေထဲ ဒုတိယ IQ အမြင့်ဆုံးလူပါ။ သူ့အထက်မှာ ၁၈၀နဲ့ James Wood ပဲရှိပါတယ်။ တုံးလိုက်လေခြင်းလို့‌ ရေရွတ်ရင် အမှားကြီးမှားပါလိမ့်မယ်။ (ဒီစီးရီးကို ဘာသာပြန်ပေးသူကတော့ Mr. Anderson ပဲဖြစ်ပါတယ်။) Size ~ 250MB+ Quality – 1080p Duration ~ 15min (@Episode) Subtitle – Myanmar Hardsub Format – Mp4 Genre : Comedy Source : NF.Web-dl.1080p Translator – Mr. Anderson Encoder – Y

ဟက်ကာတစ်ယောက်က ဗြိတိန်ထောက်လှမ်းရေးအဖွဲ့က အေးဂျင့်တွေရဲ့ အချက်အလက်အားလုံးကို ဖွင့်ချလိုက်တဲ့အခါ ဝန်ကြီးချုပ် အခက်တွေ့သွားပါတယ်။ လက်ရှိအေးဂျင့်တွေ ဘယ်သူဘယ်ဝါဆိုတာ ပေါ်ကုန်ပြီဖြစ်လို့ ထောက်လှမ်းရေးအဖွဲ့မှာ ရွေးချယ်စရာ မကျန်တော့ဘဲ အေးဂျင့်ဟောင်းကြီး ဂျွန်နီအင်္ဂလစ်ရှ်ကို ပြန်ခေါ်သုံးရပါတော့တယ်။ ဒီလိုနဲ့ အင်္ဂလန်အတွက် ဂျွန်နီတစ်ယောက် အလုပ်ပြန်ဆင်းရပြန်ပါတယ်။ မျက်နှာတည်တည်နဲ့ လုပ်တတ်သမျှ လွဲတတ်တဲ့ သူ့ကို ဒီတစ်ခါ ဘယ်လိုအလွဲတွေကြားမှာ တွေ့ရဦးမလဲ။

IMDb Rating (7.8)/Rotten Tomatoes (92%) အခု တင်ပေးတဲ့ စီးရီးထဲက မင်းသားကြီးကိုတော့ မြင်တာနဲ့ မှတ်မိကြမယ်ထင်ပါတယ်။ သူ့ကို မြင်လိုက်ရချင်းပဲ ဟာသကားလာပြီလို့ ရုတ်တရက်ထင်မိပါလိမ့်မယ်။ ဒီတစ်ခါတော့ မဟုတ်တော့ပါဘူး။ ဒီစီးရီးက ပြင်သစ်စာရေးဆရာ Georges Simenon ရဲ့ စုံထောက်ဝတ္ထုကို ဆန်းသစ်ရိုက်ကူးထားတာပဲ ဖြစ်ပါတယ်။ ဒီထဲမှာတော့ Mr.Bean လို့လူသိများတဲ့ မင်းသားကြီး Rowan Atkinson က စုံထောက်ကြီး မိုင်ဂရက် အဖြစ် သရုပ်ဆောင်ထားတာပါ။ မစ္စတာဘင်းရဲ့ Maigret စီးရီးက စီစင် ၂ ခုရှိပြီး စီစင်တစ်ခုမှာ ၂ ပိုင်းပါဝင်ပါတယ်...ဆိုတော့...စုစုပေါင်း အပိုင်း(၄)ပိုင်းပဲရှိပါမယ်။ ကျွန်တော် Episode ၄ ပိုင်းလုံးကို ဒီမှာပဲ တင်ဆက်လိုက်ပါတယ်။ +++++++++++++++++++ Maigret Sets a Trap (Season-1,Episode-1) ဇာတ်လမ်းအကျဉ်းမှာတော့ ပဲရစ်မြို့ရဲ့ မွန့်မာတေး လမ်းတွေပေါ်မှာ လူသတ်မှုတွေကို တစ်ယောက်တည်းက ကျူးလွန်ခဲ့တာ ၄ မှုဆက်တိုက် ရှိလာခဲ့ပေမယ့် ၅ လကျော်လာတဲ့ တိုင်အောင် သဲလွန်စလေး တစ်ခုတောင် မရခဲ့ပါဘူး။ အဲဒီအတွက် ရဲမှုးကြီး မိုင်ဂရက်အပေါ် ဖိအားတွေ ဆက်တိုက်ကျရောက်နေခဲ့ပါတယ်။ နောက်ဆုံး ၅ ခုမြောက် အမှုမှာတော့ မိုင်ဂရက်ဟာ အကြီးအကျယ်စွန့်စားပြီး လူသတ်သမားကို ထောင်ချောက်တစ်ခု ဆင်လိုက်ပါတယ်။ အဲဒီအကျိုးဆက်ကြောင့်ပဲ ပထမဆုံး အနေနဲ့ သဲလွန်စတစ်ခု ရလာပေမယ့် သူ့နေရာကိုပါ အစားထိုးပစ်ခံရတော့မယ် အခြေအနေကိုပါ တစ်ဆက်တည်း ရောက်လာပါတော့တယ်။ သွေးအေးပြီးပါးနပ်တဲ့ လူသတ်သမားရဲ့ လှည့်ကွက်နဲ့ လူသတ်သမားရဲ့ စိတ်ကို နားလည်နိုင်ရင် သူ့ကို ဖမ်းနိုင်ပြီလို့ ယုံကြည်တဲ့ မိုင်ဂရက်တို့ ဘယ်လို အားပြိုင်ကြမလဲ ဆိုတာကို....... ဒီဇာတ်လမ်းရဲ့ အစမှာတော့ Mr.Bean ကို မြင်လိုက်ချင်းချင်းပဲ ကြိုတွေးထားခဲ့သလိုပါပဲ ရယ်ချင်သလိုလို စိတ်နဲ့ ကြည့်မိတာပါပဲ။ ဒါပေမယ့် အချိန်လေး နည်းနည်းဆက်ကြည့်မိလိုက်တာနဲ့ သူဟာ ဟာသမင်းသားကြီးဆိုတာ မေ့သွားပြီး ဇာတ်ကားရဲ့ လေးနက်တဲ့ ဇာတ်လမ်းနဲ့ သရုပ်ဆောင်ချက်တွေထဲ မျှောသွားပါလိမ့်မယ်။ ဒီဇာတ်ကားထဲအဆုံးမှာ ကျွန်တော့်တွေးမိတာကတော့ အချစ်ဆိုတာချိုမြိန်တဲ့ သစ်သီးလေး တစ်လုံးဖြစ်ရင်တောင် အတ္တဆိုတဲ့အရာနဲ့ တွဲပြီးစားမိရင် အဆိပ်သင့်သွားပါလိမ့်မယ်ဗျာ။ ++++++++++++++++++ Maigret's Dead Man (Season-1,Episode-2) ဒါက  စုံထောက်ကြီး မိုက်ဂရက်ရဲ့ Episode 2 ပါ။ ပထမဆုံးထွက်ရှိထားတဲ့ Maigret sets a trap ရဲ့ အဆက်ပဲဆိုပါတော့..။တကယ်ကောင်းတဲ့ စုံထောက်ကားတွေပါပဲ။ ရှားလော့ဟုမ်းစ်လို သွက်လက်တဲ့ ဆက်စပ်ပုံမျိုးမဟုတ်ပဲ ထောင့်စေ့စေ့ အကွက်ကျကျ ခံစားချက်ပါပါနဲ့ ဦးဆောင်မှုပေးပြီး လိုက်တတ်တဲ့ ကားမျိုးပါ။ ဒီအပိုင်းမှာတော့ ပဲရစ်မြို့ဘေးက ပီကာဒီ ဂိုဒီဗီး နယ်မြို့လေးတွေကချမ်းသာတဲ့အိမ်တွေကို လူသတ်ဓားပြတိုက်လှုပ်ရှားနေတဲ့ အမှုကို လိုက်နေရချိန်မှာ မိုင်ဂရတ်ဆီကို အရေးကြီးပြောစရာရှိလို့ပါ ဆိုပြီး ဖုန်းဆက်လာတဲ့ အမည်မသိလူတစ်ယောက် ဘာမှ မပြောနိုင်ခင် အသတ်ခံရမှုပါ ဆက်စပ်လာတဲ့အခါ မိုင်ဂရက်နဲ့ တပည့်ကျော် ၂ ယောက်တို့ အဖြေရှာစွန့်စားခန်း ဖွင့်ကြပါတော့တယ်....မိုင်ဂရက် ဇာတ်လမ်းတွေဟာ သူ့ရဲ့ ပါးနပ်မှုတင်မကဘဲ ကိုယ်ချင်းစာတရားနဲ့ခံစားချက်တွေ ယုံကြည်ချက်အတွက် ခေါင်းမာမှုတွေ....သူတို့ ဇနီးမောင်နှံသံယောဇဉ် စတဲ့ အခြားအခြားသော ခံစားချက်တွေနဲ့ ရောထွေးတင်ဆက်တာမို့ အတော်ခံစားကြည့်လို့ကောင်းတဲ့ ဇာတ်လမ်းတစ်ခုပါပဲ။ +++++++++++++++++++++ Maigret: Night at the Crossroads (Season-2,Episode-1) စီစင် ၁ ရဲ့အဆက်အနေနဲ့ ၂၀၁၇ မှာ စီစင် ၂ ကိုထုတ်လွှင့်ခဲ့ပါတယ်။ ဇာတ်လမ်းကတော့... အမည်မသိလူတစ်ယောက်ဟာ စိန်တွေကို တရားမဝင် ရောင်းချဖို့ ချိန်းဆိုထားတဲ့ လမ်းလေးခွဆုံကို ညသန်းခေါင်မှာ သွားရောက်ခဲ့တယ်။လမ်းလေးခွဆုံမှာ သူ့ကိုစောင့်ကြိုနေတာက ငွေမဟုတ်ဘဲ ကျည်ဆံတစ်တောင့်ပဲ ဖြစ်နေတဲ့အခါ......စုံထောက်ကားတွေကတော့ ဘာမှမပြောထားလေ ကြည့်ကောင်းလေ ပါပဲ။ ခံစားကြည့်လိုက်ကြပါ။ ++++++++++++++++++++++++ Maigret in Montmartre (Season-2,Episode-2) စီစင် ၂ ရဲ့ နောက်ဆုံးပိုင်းပါ။ စုစုပေါင်း ၄ ပိုင်းပဲ ထွက်ခဲ့ပေမယ့် ကြည့်လို့မဝတဲ့ မစ္စတာဘင်းရဲ့ မိုင်ဂရက်စုံထောက်ကားတွေပါ။ သာမန်စုံထောက်ကားတွေနဲ့ မတူတာက Reality ဆန်ပြီးတော့ ပြင်ပမှာဖြစ်ပျက်နေကျအတိုင်း သမားရိုးကျ လူ့သဘာဝ Crime တွေ အကြောင်းကို လေးလေးနက်နက် ပုံဖော်ထားတာပါပဲ။ File Size –1.2 GB /500 MB Appx;@Episode Quality – HDTV 1080p/720P Duration – 90 min Appx;(@Episode) Subtitle – Myanmar Hardsub Format – mp4 Genre : Drama,Crime Translator – Littleneo Encoder – Nyeinsaeya Aung

၂၀၀၃ ခုနှစ်က Johnny English ရဲ့အဆက်မှာတော့ ဂျွန်နီဟာ အလုပ်က ထုတ်ပယ်ခံထားရပါတယ်။ အရင်တုန်းက ဘုရင်မကြီးရဲ့ သရဖူကို ကာကွယ်နိုင်ခဲ့ပေမယ့် သမ္မတလုံခြုံရေးတာဝန်တစ်ခုမှာ မအောင်မြင်ခဲ့တာကြောင့်ပါ။ အဲဒီနောက် တိဘက်က ဘုန်းတော်ကြီးတွေဆီမှာ ပညာဆည်းပူးရင်း လူမသိသူမသိ နေနေခဲ့တယ်။ တစ်နေ့မှာတော့ ဂျွန်နီပါမှ ဖြစ်မယ့် စစ်ဆင်ရေးတစ်ခု ပေါ်လာတာကြောင့် MI-7 က သူ့ကို ပြန်ခေါ်လိုက်ပါတယ်။ ဒီလိုနဲ့ သူ့ရဲ့ စွန့်စားခန်းတွေ ပြန်စလာတော့တယ်။ အမြဲတမ်း တလွဲလုပ်တတ်တဲ့ ဂျွန်နီတစ်ယောက် ဒီတစ်ခါမှာရော သူ့ရဲ့ မရည်ရွယ်ဘဲ လုပ်မိတဲ့အမှားတွေနဲ့အတူ အင်္ဂလန်ကို ဘယ်လိုကယ်တင်ဦးမလဲ။

Mr. Bean's Holiday (2007) IMDb - 6.4/10 အက်ရှင်တွေ အချစ်တွေ အကြမ်းတွေ များလာတော့ ဒီတစ်ခါ ပရိသတ်ကြီးပေါ့ပေါ့ပါးပါး လေးဖြစ်သွားအောင် Mr.Bean's Holidayလေး တင်ပေးလိုက်ပါတယ် Mr.Beanရယ်လို့ အသံကြားလိုက်ရုံနဲ့ ရုပ်ရှင် ခရေဇီတွေရော သာမန်ရုပ်ရှင်ပရိသတ်တွေပါ အလိုလို အူမြူးလာတတ်ကြပါတယ်။ ဒီ Mr.Bean's holidays ဟာ ဆိုရင်လည်း ရုပ်ရှင် ပရိသတ်တွေ တော်တော်များများ အထူးနှစ်ခြိုက်ခဲ့ကြတဲ့ ဇာတ်ကားတစ်ကားပါ။ 'Old but gold' ဆိုတဲ့စကားဟာ ဒီ ဇာတ်ကားလေး အတွက်လည်း မှန်တယ်ခင်ဗျ။ မြန်မာစာတန်းထိုး နဲ့မှ ကြည့်ရတာ ဖီးလ် ပိုရှိတယ်ဆိုတဲ့ ချစ်ပရိသတ်ကြီးတွေအတွက် တင်ဆက်ပေးလိုက်ပါတယ်။ ဒီဇာတ်လမ်းလေးရဲ့ အစမှာတော့ Mr.Beanက ကံကောင်းတယ်ဗျ။ကန်းနက်စ် ကို ခရီးသွားဖို့ လက်မှတ်ရယ် ဗွီဒီယိုကင်မရာလေးတစ်လုံးရယ် ယူရို ၂၀၀ ရယ် မဲပေါက်ခဲ့တာကိုး (ဒါတောင်ဆရာသမားက တေ့လွဲ လွဲဦးမို့) ပထမရထား လွတ် ဖြစ်အောင်လွတ်သွားသေးတဲ့ Mr.Bean ဟာ ဒုတိယ ရထား ဆိုက်ပြန်တော့လည်း လူတစ်ယောက်ကို သူလမ်းလျှောက်နေတဲ့ပုံ ဗွီဒီယို ရိုက်ခိုင်းရင်းနဲ့ အလွဲတွေဖြစ်ပြန်ရော။ သူ့ကို ဗွီဒီယို ရိုက်ပေးနေတဲ့သူက ရထား လွတ်သွားတယ်လေ။ဒါနဲ့ ရထားပေါ်မှာ ပါလာတဲ့ အဲ့လူရဲ့ သားကို စောင့်ရှောက်ဖို့ Mr Bean မှာ တာဝန်ရှိလာပါတော့တယ်။ ဒီသားအဖကို ပြန်ဆုံအောင် Mr.Bean လုပ်ပေးနိုင်မလား ဘယ်လို အလွဲတွေ ထပ်ဖြစ်မလဲ ဆိုတာကတော့ စိတ်ဝင်စားဖို့ကောင်းလှပါတယ်။ဇာတ်သိမ်းလေးကိုလည်း ကြည်နူးဖွယ်ဖြစ်အောင်ရိုက်ကူးပြထားပါတယ်။ ဟာသဆိုပေမယ့် ကလိထိုးပြီးရယ်ရတာမျိုးမဟုတ်ဘဲ ပေါ့ပေါးပါးပါးနဲ့ ယုတ္တိရှိရှိ ရိုက်ပြထားတာကြောင့် ရုပ်ရှင်ချစ်ပရိသတ်တွေအနေနဲ့ အကြိုက်တွေ့ကြမှာဖြစ်ပါတယ်။ (ဘာသာပြန်သူကတော့ Myint Thinzar  ပဲ ဖြစ်ပါတယ်) File Size : 652 MB Quality : Bluray 720P Running Time : 1hr 30minutes Format : Mp4 Genre : comedy Translator : Myint Thinzar Encoder :Thanhtike Zaw

Keeping Mum (2005) IMDb - 6.8/10 Keeping Mum သည် ဇာတ် ကား လေးကို ကိုပြည် ဟိန်းစိုးရဲ့ တိုက် တွန် းမှု့ ကြောင့် ဘာသာပြန် ဖြစ် သွားခဲ့တာပါ IMDb 6.8 ရရှိပြီး Rotten Tomatoes မှာ တော့ 56% rating ရရှိခဲ့ပါတယ် သည် ဇာတ် ကားထဲမှာဆိုရင် မစ္စတာဘင်းန် ကို ကျ နော် တို့မြင် တွေ့ နေကျ ပုံစံမျိုးနဲ့မဟုတ် ပဲ မတူကွဲပြားတဲ့ ဇာတ် ကောင် စရိုက် နဲ့ တွေ့မြင် ရမှာပါ ပြီး တော့ သည် ဇာတ် ကားဟာရသမျိုးစုံကိုလည်းပေးစွမ်းနိုင် မှာပါ လူသားတစ် ယောက် ရဲ့ စိတ္တဇဆန် တဲ့ အချစ် မေတ္တာ ခင် ပွန် းသည် တစ် ယောက် ရဲ့ ဇနီးအ ပေါ်ထားသင့်တဲ့ ဝတ္တရား ဇနီးတစ် ယောက် ရဲ့ခင် ပွန် းသည် အ ပေါ် ထားရှိသင့်တဲ့ သစ္စာတရား မိဘတစ် ဦးရဲ့ သားသမီးအ ပေါ်ထားတတ် တဲ့ စေတနာ တွေ နောက် လောက ကြီးမှာ နေထိုင် အသက် ရှင် တော့မယ် ဆိုရင် ဘာ တွေလိုအပ် တယ် ဘာ တွေကို တော့လစ် လျှုရှု့သင့်တယ် ဆိုတာ တွေကိုပါ အားလုံးခြုံငုံသုံးသပ် ပြထားခဲ့ပါတယ် ဇာတ် လမ်းက ဒရာမာ ဇာတ် လမ်းဆို တော့ အစပိုင်း အေးတယ် ထင် ရ ပေမယ့် နောက် ဆုံးပိုင်း ရောက် အောင် ဆွဲ ခေါ်သွားနိုင် မှာပါ တစ် ခု တော့ကြိုတင် သတိ ပေးလိုက် ပါရ စေ 18+အခန် း အနည် းငယ် ပါဝင် တာ ကြောင့်.............ဟဲဟဲ your own risk ပါလို့......... File Size : 740 MB Quality : Blu ray 720P Running Time : 1hr 39 minute Format : Mp4 Genre : Comedy, Crime Translator : Min Thet Oo Encoder : Joker.phs

Love Actually (2003) IMDb Rating (7.6) / Rotten Tomatoes (64 %) နာမည်ကျော်သရုပ်ဆောင်ကောင်းတွေဖြစ်တဲ့ မင်းသားကြီး Liam Nesson , Alan Rickman,Bill Nighy ,Hugh Grant Kingsman မင်းသားကြီး Colin Firth, မစ္စတာဘင်းမင်းသားကြီး Rowan Atkinson ချစ်စရာမင်းသမီးချောလေး Keira Nightly နဲ့ Laura Linney တို့ကိုတစ်နေရာထဲမှာမြင်လိုက်ရတာနဲ့တင် အချိန်ပေးရကျိုး နပ်မယ့်ရုပ်ရှင်ဖြစ်တဲ့အပြင် ဖွဲ့စည်းထားတဲ့ဇာတ်လမ်းအသွားအလာလေးကလဲ အပြစ်ဆိုရက်စရာမရှိ နှစ်လိုဖွယ်ကောင်းလွန်းတယ်လို့ညွှန်းရမယ့် ဇာတ်ကားလေးတကားပါ။ intertwined stories လို့ခေါ်တဲ့ ဇာတ်လမ်းတစ်ခုထဲမှာမတူညီတဲ့ဇာတ်လမ်းလေးတွေကို ယှက်နွယ်ပြီးပြသွားလေ့ရှိပုံစံရုပ်ရှင်ကားမျိုးတွေကို သဘောကျတတ်တဲ့သူတွေပိုပြီးအကြိုက်တွေ့မှာပါ ဝမ်းသာခြင်း ကြည်နူးခြင်း ဝမ်းနည်းရခြင်းတွေနဲ့ Love actually ဇာတ်ကားဟာ Drama/Comedy/ Romance စသဖြင့် ရသမျိုးစုံကိုပေးတဲ့ Family Type Friendship အသားပေးထားတာဖြစ်တဲ့အတွက် မိသားစုနဲ့အတူ အချိန်ပေးပြီးကြည့်ရန်လည်းအသင့်တော်ဆုံးပါပဲ အညွှန်းလေးအကျဉ်းချုပ်ပြောရရင်.... မူးယစ်ဆေးဖြတ်ပြီးအဆိုတော်ပြန်လုပ်ခပ်ကြောင်ကြောင်စကားလုံးတွေပြောပြီး ခရစ္စမတ်သီချင်းတစ်ပုဒ်ကိုဆိုနေတဲ့ခေတ်ဟောင်းအဆိုတော်အဘိုးကြီးတစ်ယောက် အမေရိကားကိုရောက်မှစော်ကြည်မယ်ထင်ပြီးမိမိမွေးရပ်မြေကိုစွန့်ခွာချင်နေတဲ့ဗြိတိန်သားငနဲလေးတစ်ယောက် အချစ်ဆုံးသူငယ်ချင်းရဲ့မင်္ဂလာပွဲကိုအခမ်းအနားဆုံးဖြစ်အောင်ပြင်ဆင်ပေးပြီးကင်မရာလေးနဲ့ရိုက်ပြီး အမှတ်တရပုံရိပ်ကိုတိတ်တခိုးခံစားချက်တွေနဲ့အတူ ခိုးပြီးသိမ်းဆည်းထားတဲ့ကောင်လေးတစ်ယောက် ဝန်ထမ်းကောင်မလေးကိုအပေါ်မှာ ချစ်စိတ်ဝင်မိရာကနေ အမေရိကန်သမ္မတကိုတောင် ချေပနိုင်တဲ့စကားတွေပြောဖြစ်သွားရာကနေ ပြည်သူရဲ့အချစ်တော်အင်္ဂလန်ဝန်ကြီးချုပ်တစ်ယောက် ဖောက်ပြန်တဲ့မိန်းမကိုလက်ပူးလက်ကြပ်မိပြီး စိတ်နာနာနဲ့ ပြင်သစ်ကတော့ရွာလေးဘက်ကို ခရီးထွက်အနားယူရာမှတွေ့ဆုံခဲ့သော ပေါ်တူဂီမလေးကိုချစ်မိသွားတဲ့လူတစ်ယောက် Real sex မဟုတ်တဲ့ဟန်ပြသရုပ်ဆောင်အပြာကားရိုက်ရင်းတကယ်ချစ်မိသွားတဲ့ချစ်သူနှစ်ဦး သူဌေးဖြစ်သူကိုစနိုက်ကြော်ရန်လိုက်ကပ်နေတဲ့ စာရေးမလေးနဲ့ သူဌေးရဲ့မိန်းမမိသားစုအကြောင်း ရုံးတစ်ခုထဲမှာအတူတူလုပ်နေတဲ့လုပ်ဖော်ကိုင်ဖက်ကောင်လေးကိုတစ်ဖတ်သတ်အချစ်နဲ့ ၂နှစ် ၇လနဲ့ ၃ရက်တိုင်အောင်ထိ ဖွင့်ဟပြောဖို့ရန်အခြေအနေမပေးတဲ့ကောင်မလေးတစ်ယောက်အကြောင်း စသဖြင့် မတူညီတဲ့ဇာတ်လမ်း ၈ ခုဟာ ဘယ်မျိုးသောအကြောင်းအရာတွေနဲ့ ချိတ်ဆက်နေမလဲ ကြည့်နေတဲ့ပရိတ်သတ်ကိုဝမ်းသာကြည်နူးတစ်လှည့် ဝမ်းနည်းကြေကွဲစရာလေးတွေနဲ့တစ်ဖုံ ခံစားမှုတွေရမယ်ဆိုတာသေချာပါတယ် Love actually ဇာတ်ကားဟာ Nominated 27 နဲ့ Winners 10 ခုကိုရရှိထားဖြစ်ပြီး အကောင်းဆုံးဇာတ်ပို့ဆုတွေကို မင်းသားကြီး Bill Nighy နဲ့ မင်းသမီးကြီး Emma Thompson တို့ကအများဆုံးရထားကြပြီး 2017 ခုနှစ်မှာတော့ Red Nose Day Actually ဆိုတဲ့ မိနစ်ပိုင်းစာလေးနဲ့အလွမ်းပြေတင်ဆက်ပေးခဲ့ပါတယ် အကယ်၍ Sequal များဆက်ထွက်ခဲ့မယ်ဆိုရင်လည်း Alan Rickman ကြီးတစ်ယောက်တော့ပါဝင်နိုင်တော့မှာမဟုတ်တော့ပါဘူး 😔 #LoveActually #HollywoodDope #Dave (ရုပ်ရှင်အညွှန်းကို Hollywood Dope Facebook Page မှ ကူးယူဖော်ပြပါသည်။) File size…(9.4 GB)/ (3.6 GB )/(2 GB) Quality…WEB-DL 4K HEVC/1080p HEVC / 720p Format…mkv/mp4 Duration….02:15:00 Subtitle….Myanmar Subtitle (Hardsub) Encoder….Ka Naung Translated by Alias

IMDb Rating (6.2) မင်းသားကြီး Rowan Atkinson ကို မစ္စတာဘင်းအဖြစ် လူသိများကြသလို ဂျွန်နီအင်းဂလစ်ရှ်အဖြစ်လဲ မှတ်မှတ်သားသားရှိကြမှာပါ… ” အမှားဆိုတာ ငါ့အဘိဓာန်မှာ မရှိဘူး” ပြောတတ်တဲ့ ဂျွန်နီအင်းဂလစ်ရှ်ဆိုတာ အမြဲတမ်းတလွဲတွေပဲ လုပ်တတ်တဲ့ အင်္ဂလန်နိုင်ငံကိုကယ်တင်နေကျ သူရဲကောင်းအေးဂျင့်တစ်ယောက်ပါပဲ။ ဒီကားကတော့ အင်းဂလစ်ရှ်ရဲ့ စပိုင်အေးဂျင့်ဘဝစတင်ဖြစ်ပေါ်လာပုံပါ။ MI5 တို့ MI6 တို့ MI7 တို့ဆိုတာ အင်္ဂလန်ပြည်ရဲ့ လျှို့ဝှက်အေးဂျင့်ဌာနတွေပေါ့…ဒီဌာနမှာ အင်းဂလစ်ရှ်ရယ် သူဘာမှားမှားသူ့ဖက်က အမြဲနေတဲ့ သူ့တပည့်ကျော် ဘော့ရယ်က တောက်တိုမယ်ရ လုပ်ရတာပါ… တစ်နေ့တော့ အတော်ဆုံးအေးဂျင့်ဝမ်းဆိုတဲ့လူ သေသွားပါတယ်…သေပုံက အင်းဂလစ်ရှ်သေချာရှာဖွေပေးလိုက်တဲ့ ရေငုတ်သင်္ဘောကုတ်က အမှားကြီးဖြစ်နေလို့ အေဂျင့်ဝမ်းခမျာ ရေငုတ်သင်္ဘောထဲ ဝင်မရဘဲ သေသွားတာပါ..ဒါ့အပြင် ကျန်တဲ့အေးဂျင့်တွေလဲ အလုံခြုံဆုံးဆိုတဲ့ MI7 ဌာနချုပ်မှာ ဗုံးပေါက်လို့ အကုန်ကိစ္စချောသွားပါတယ်။ ဒါကြောင့်မလို့ လျှို့ဝှက်အေးဂျင့်ဌာနမှာ အသက်ရှင်ကျန်ရစ်တာဆိုလို့ တောက်တိုမယ်ရ အင်းဂလစ်ရှ်ရယ် သူ့တပည့်ကျော်ဘော့ရယ်ပဲ ရှိပါတော့တယ်။ဒီလိုချိန်ခါမှာ ဝန်ကြီးချုပ်က အေးဂျင့်ဝမ်းကိုင်တွယ်နေတဲ့ကိစ္စတွေကို ဆက်လက်စုံစမ်းဖို့ ဖိအားပေးလာတဲ့အခါမှာတော့ ဌာနအကြီးအကဲကလဲ နားအေးပြီးရော ရှိတဲ့လူနှစ်ယောက်ကို အေးဂျင့်ပေးလိုက်ပါတော့တယ်။ နဂိုကတည်းက အေးဂျင့်ရူးရူးနေတဲ့ အင်းဂလစ်ရှ်တစ်ယောက် အင်္ဂလန်ပြည်ကြီးကို ဘယ်လိုကယ်တင်မလဲဆိုတာ ဆက်လက်ရှုစားရမှာပါ။ Johnny English ဇာတ်ကား ၃ ကားရှိပြီး ၃ ကားလုံးကို ဒီမှာ https://channelmyanmar.to/?s=Johnny+English ကြည့်လို့ရပါတယ်။ File size… (2.2 GB) / (900 MB) Quality…BluRay 1080p HEVC /720p Format…mkv/mp4 Duration….01:27:25 Subtitle….Myanmar Subtitle (Hardsub) Encoder….Nyeinsaeya Aung Translated by Mugiwara Ya

ငယ်ဘ၀တွေရဲ့ အမှတ်တရတွေ နဲ့ အတူ ပြန်လည်ပျော်ရွှင်ရယ်မောရဖို့ အတွက် Mr.Bean Animated Series ကို Season 1 ကနေ Season 5 ထိ အစအဆုံး အပိုင်းပေါင်း (၁၃၀) ကို CM App တွင် တစုတစည်းထဲ ကြည့်ရှုနိုင်ရန် တင်ဆက်ပေးလိုက်ပါတယ် File size…    300mb Quality… Webrip 1080p Format… mkv Duration…. 11m Genre ..... Comedy Encoder…. Thit San Khant

စကူဘီဒူး ကားလေးတွေကိုတော့ လူတိုင်းနဲ့ရင်းနှီးပြီးသားဖြစ်ကြမှာပါ.... ဒီကားလေးဟာလူငယ်စုံထောက်လေးတွေဖွဲ့စည်းထားတဲ့ ကင်းထောက်အဖွဲ့အကြောင်းကို ရသပေါင်းစုံရှု့ထောင့်ပေါင်းစုံကနေကြည့်ပြီးတော့ ရိုက်ကူးထားတာပဲဖြစ်ပါတယ်... ဇာတ်လမ်းလေးရဲ့ အကျဉ်းကိုပြောရမယ်ဆိုရင်ဖြင့် ထူးဆန်းတဲ့ အမှု့ကိစ္စများကိုဖြေရှင်းကိုင်တွယ်ပေးနေကျဖြစ်တဲ့ လူငယ်စုံထောက်အဖွဲ့ဟာ ချောက်ခြားဖွယ်ကောင်းတဲ့ ကျွန်းကိုမထင်မှတ်ပဲ လေးယောက်လုံးဖိတ်ကြားခြင်းခံခဲ့ရပါတယ်... အဲ့ကျွန်းပိုင်ရှင်ကတော့ အားလုံးသိကြတဲ့ ဟာသမင်းသားကြီး Mr.Bean ဖြစ်ပါတယ်.... အဲကျွန်းမှာတော့လူငယ်တွေအားလုံးဟာ သူရဲဝင်ပူးခံရသလို ထူးထူးဆန်းဆန်းဖြစ်နေကြပါတယ်... ဒါကြောင့် လူငယ်စုံထောက်အဖွဲ့ဝင်တွေဖြစ်တဲ့ ဖရက် ဗယ်မာ ဒက်ဖနီ နဲ့ ရှယ်ဂီတို့ဟာ ဒီကိစ္စဖြစ်စဉ်ကို ပေါ်ပေါက်အောင် စုံစမ်းကြမှာပဲဖြစ်ပါတယ်.... ရှယ်ဂီရဲ့ထုံးစံအတိုင်း တလွဲတွေလုပ်တတ်တာရယ် စကူဘီဒူးရဲ့ အစားမက်တာတွေရယ်က ဇာတ်လမ်းတစ်ခုလုံးကို မပျင်းရလေအောင် ရယ်မောပြီးကြည့်ရမှာဖြစ်ပါတယ်.... Quality…..BluRay 720p Duration…..01:26:00 Format…Mp4 File Size…(620 MB , 378 MB) Encoder…..Moe Myint Lwin Translator…..Hnin Oo Wai

90's born တော်တော်များများ ငယ်ငယ်တုန်းက ကြည့်ဖူးခဲ့ကြမယ့် Rat Race ဆိုတဲ့ ဇာတ်ကားလေးကို တင်ဆက်ပေးလိုက်ပါပြီ။ ဒီဇာတ်ကားမှာ တကယ့်ဒိတ်ဒိတ်ကြဲ ဟာသသရုပ်ဆောင်များစွာပါ၀င်ထားပြီး တစ်ကားလုံး မနားတမ်းကို ရယ်နေရတာမို့ စိတ်ပင်ပန်းမပျော်ရွှင်‌နေသူတွေ၊ comedy ကြိုက်သူတွေ ကြည့်သင့်တဲ့ ဇာတ်ကားလေးပဲဖြစ်ပါတယ်။ လက်စ်ဗီးဂတ်စ်က ကာစီနိုကြီးတစ်ခုရဲ့ပိုင်ရှင်ဖြစ်တဲ့ ဒေါ်နယ်ဆင်ကလဲ ဟာ လောင်းကစားလုပ်ဖို့အကြံကြီးကြီးတစ်ခု ရလိုက်ပါတယ်။ တိရစ္ဆာန်ပြိုင်ပွဲတွေလောင်းရတာရိုးလာလို့ သူတို့ထက်ပိုပြီး ဉာဏ်ကောင်း၊ ကောက်ကျစ်၊ ယုတ်မာနိုင်တဲ့ လူသားတွေကို ပြိုင်ခိုင်းဖို့ပါ။ ဒီအတွက် သူ့ကာစီနိုထဲမှာ ဆန်ကာတင်ရွေးချယ်ဖို့ အကြွေစေ့တွေ ထည့်ထားပေးပြီး သူတို့ထဲကမှ အနိုင်ရရှိသူကို ဒေါ်လာ၂သန်းဆုငွေမက်လုံးပေးထားပါတယ်။ ပြိုင်ပွဲ၀င်တွေလည်း အင်မတန်များပြားတဲ့မက်လုံးကြောင့် ပြိုင်ပွဲကို၀င်ပြိုင်ဖြစ်ကြပြီး သူဌေးဒေါ်နယ်နဲ့ သူ့အပေါင်းအပါတွေကတော့ အနိုင်ရရှိသူကို ခန့်မှန်းရင်း လောင်းကစားလုပ်ကြမှာဖြစ်ပါတယ်။ ဒီလိုလူလူချင်း ဂုတ်ခွနင်းနဲ့ကိစ္စကြီးဟာ အဆုံးသတ်မှာ ဘယ်လိုဖြစ်သွားမလဲ။ ပြိုင်ပွဲ၀င်တွေထဲ ဘယ်သူက ဒေါ်လာ၂သန်းပိုင်ဆိုင်သွားမလဲဆိုတာကို ရယ်ရင်းမောရင်းကြည့်ရှုရမှာဖြစ်တာကြောင့် ကြည့်မိလို့ နောင်တမရစေမယ့် old school comedy လေးတစ်ကားလို့ ညွှန်းပေးလိုက်ပါတယ်။ File size…    1.4 GB Quality… Web-Rip 1080p Format… mp4 Duration…. 1h 52m Genre ..... Comedy/Action Subtitle…. Myanmar Subtitle (Hard Sub) Encoder…Act Molemy Translated by Jaka

ကဲ ဒီတစ်ခါတော့ ပရိသတ်ကြီးအတော်များများ သဘောကျ ချစ်ခင်ကြတဲ့ မင်းသားကြီး ရိုဝင် အက်ကင်ဆန် ရဲ့ အထိမ်းအမှတ်ဇာတ်ကောင် Mr.Bean ရဲ့ ပေါက်ကားတစ်ကားကို တင်ပေးလိုက်ပါတယ်။ ၁၉၉၇ မှာထွက်ခဲ့တဲ့ ဒီကားကို အတော်များများ ကြည့်ဖူးကြမှာ မှန်ပေမယ့် ရုပ်သံအရည်အသွေးကောင်းကောင်း မြန်မာစာတန်းထိုးနဲ့ မရှိသေးတဲ့ အတွက် တင်ဆက်ပေးလိုက်ရခြင်းဖြစ်ပါတယ်။ ဘဝမှာ မမျှော်လင့်ပဲ ဘယ်လိုအခက်အခဲတွေ ကြုံတတ်တယ်...မိသားစုဆိုတာ လူတစ်ယောက်အတွက် ဘယ်လောက်အရေးပါတယ်ဆိုတာရယ်...တာဝန်ယူတတ်တဲ့စိတ်ဟာ လုပ်ငန်းခွင်မှာ ဘယ်လောက်အဓိက ကျတယ်ဆိုတာတွေကို ဟာသတွေအများကြီးနဲ့ ချပြထားတာဖြစ်ပါတယ် ပန်းချီပြခန်းတစ်ခုမှာ အလုပ်လုပ်နေတဲ့ Mr.Bean တစ်ယောက် မထင်မှတ်ပဲ အမေရိကန်နိုင်ငံသို့ လုပ်ငန်းကိစ္စဖြင့် စေလွှတ်ခံရပြီး သူ့ရဲ့ထုံးစံအတိုင်း အလွဲတွေ ပေါက်ကရတွေ လုပ်မိပုံကို ရိုက်ကူးပြသထားပါတယ်။ ဒေါ်လာသန်းချီ တန်တဲ့ ပန်းချီကားကို ဘယ်သို့ဘယ်ပုံ ဖျက်ဆီးမိလဲဆိုတာ ရယ် Mr.Beanအနေနဲ့ သူ့အမှားတွေကို ပြန်လည်ချေဖျက်ပြပြီး မထင်မှတ်တာတွေ လုပ်ပြနိုင်မလား ဆိုတာ စိတ်ဝင်စားဖို့ ကောင်းလှ သလို လူတစ်ယောက်မှာ မိသားစုနဲ့ တာဝန်ယူစိတ်ဟာ ဘယ်လောက်အရေးပါတယ်ဆိုတဲ့ သင်ခန်းစာကိုပါ ကောင်းကောင်းကြီးပေးစွမ်းနိုင်ခဲ့တဲ့ ရုပ်ရှင်ဇာတ်ကားကောင်းတစ်ကားပါ ဇာတ်ကားကို ဘာသာပြန်ပေးသူကတော့ Min Thet Oo ပဲ ဖြစ်ပါတယ် File size…640 MB Quality…1080p Bluray Format…mp4 Duration….01:29:17 Translator...Min Thet Oo Encoder….seniorkaung

"ပထမမင်္ဂလာဆောင်" ကိုယ်က အနှောင်အဖွဲ့ကိုကြောက်တတ်တဲ့ လွတ်လပ်သူပေါ့။ မင်္ဂလာဆောင်အခမ်းအနားတွေနဲ့ မိတ်ဆွေဖြစ်ခဲ့ပြီး မင်္ဂလာဆောင်ခြင်းဆိုတာနဲ့ ရန်သူဖြစ်ခဲ့တာပေါ့။ ဒီမင်္ဂလာပွဲမှာ ကိုယ်မင်းကို ပထမဆုံးစတွေ့ခဲ့တယ်။ ချစ်တယ်ဆိုတာ အိပ်နေရတာလောက် မကောင်းဘူးလို့ထင်ထားတဲ့ ကိုယ်...အဲဒီနေ့မှာအချစ်ဆိုတာကို ပါးပါးလေး စတွေ့မိခဲ့တယ်။ မင်းအရမ်းလှနေတယ်။ ကိုယ်တို့ အတူ ကြည်နူးစရာညတစ်ညကိုဖြတ်သန်းခဲ့ပြီး ရိုးရိုးလေးပဲ နှစ်ဦးသဘောတူ ခွဲခွာခဲ့ကြတယ်။ ကိုယ်တို့ဘဝရဲ့ အရေးအကြီးဆုံးအရာတစ်ခု ဆုံးရှုံးသွားမှာကို သိရက်နဲ့တောင်မှပေါ့။ "ဒုတိယမင်္ဂလာဆောင်" ဒီမင်္ဂလာဆောင်ကိုလည်း ကိုယ်နောက်ကျပြန်ပြီ။ ပြီးတော့မင်းရဲ့ သတို့သားဖြစ်မယ့် အခွင့်အရေးမှာလည်း နောက်ကျခဲ့ရပြီ။ ပြီးတော့ ဒီမင်္ဂလာဆောင်တွေကို မုန်းတတ်လာပြီ။ စိတ်ဓာတ်အကျဆုံးအချိန်မှာ မင်းနဲ့တွေ့ခဲ့ပြီး နောက်ထပ် ကြည်နူးစရာညတစ်ညရခဲ့တယ်။ ဒီလိုညမျိုး ဘယ်တော့မှမရနိုင်တော့ဘူးဆိုတဲ့ ခံစားချက်နဲ့အတူ ကိုယ်နှလုံးသားထဲမှာ ကျိတ်ငိုခဲ့ရတယ်။ "တတိယမင်္ဂလာဆောင်" ကိုယ်အမုန်းဆုံးမင်္ဂလာဆောင်ပေါ့။ ကိုယ် မင်းကို ကိုယ့်ရဲ့ခံစားချက်တွေကို ပွင့်လင်းပြခဲ့ပေမဲ့ ဒီဖြစ်စဉ်ကြီးဖြစ်လာတာကို မတားဆီးနိုင်ခဲ့ဘူး။ ကိုယ်ချစ်တဲ့သူက တခြားသူရဲ့ရင်ခွင်ထဲမှာရှိနေတာကို ကြည့်ရတာ အချစ်အပေါ်ထားတဲ့ကိုယ့်ရဲ့ ယုံကြည်မှု ကိုယ့်နှလုံးသားလို တစ်စစီ ကြေမွသွားခဲ့တယ်။ "သေဆုံးခြင်း" ချစ်တဲ့ သူငယ်ချင်းတစ်ယောက်ဆုံးရှုံးလိုက်ရတာ နှလုံးသားတစ်စိတ်တစ်ပိုင်း ပဲ့ကျသလိုပါပဲ။ သူ့ကို ဘယ်တော့မှမတွေ့နိုင်ဘူးဆိုတဲ့အသိနဲ့ ဝမ်းနည်းမှုမှာ အခါခါကျရှုံးရပေမဲ့ သူ့ကြောင့်ရခဲ့တဲ့ ပျော်စရာအချိန်တွေကို သတိရပြီး ကိုယ်နဲ့ သူ့ကိုခွဲလိုက်တဲ့ သေမင်းကို အနိုင်ယူလိုက်တယ်။ ဒီမှာသေမင်း မင်းသူ့ကိုခေါ်သွားလို့ရပေမဲ့ မင်း ငါတို့ရဲ့ ပျော်စရာအချိန်တွေကိုတော့ယူမသွားနိုင်ပါဘူးကွာ။ "စတုတ္ထ မင်္ဂလာဆောင်" ကိုယ်အချစ်ကို လက်လျှော့ပြီး ကိုယ့်ရဲ့ အကြီးမားဆုံးရန်သူကို ထွေးပွေ့ဖို့ကြိုးစားမိတဲ့နေ့ပေါ့။ ဒါပေမဲ့ မင်းရောက်လာခဲ့တယ်။ ကိုယ့်ရဲ့ ပျောက်ဆုံးနေတဲ့ ယုံကြည်ချက်ကို ပြန်နှိုးဆွပြီး အချစ်ကို ပြန်ခံစားမိစေခဲ့တယ်။ အချစ်ကို ယုံကြည်လာပြီး အချစ်အတွက် သတ္တိရှိစေခဲ့တယ်။ ကိုယ် ဒီနေ့မှာ မင်းကို ကတိတောင်းတယ်။ ကိုယ့်ကို ဘယ်တော့မှလက်မထပ်ပါနဲ့လို့။ မင်းကလည်း ကတိပေးတယ် လက်မထပ်ပါဘူး။ မင်္ဂလာဆောင်ခြင်းဆိုတဲ့ရန်သူကို အဝေးပို့ပြီး ကိုယ်တို့နှစ်ယောက် ချစ်ခြင်းနဲ့ပဲ တွယ်နှောင်ထားပြီး ဘဝကို တူတူဖြတ်သန်းကြဖို့ အစပြုခဲ့တဲ့နေ့လေးပေါ့.....။ Four Weddings and a Funeral (1994) ဇာတ်ကားလေးက Comedy, Drama, Romance ဇာတ်ကားလေးဖြစ်ပြီးတော့ ပြုံးနေရင်း ကြည်နူးရမယ့် ဇာတ်ကားလေးတစ်ကားဖြစ်ပါတယ်။ (အညွှန်းနဲ့ဘာသာပြန်သူကတော့ d3mon ဖြစ်ပါတယ်) File size__( 1 GB ) and ( 450 MB) Quality__BR-Rip 720p IMDb Rating__7.1/10 Format__mp4 Duration__01:57:00 Type__Comedy , Drama , Romance Subtitle__Myanmar Subtitle (Hardsub) Translated by d3mon Encoded by Naing Aung Latt

The Lion King (1994) IMDb – 8.5/10 Rotten – 94% Won 2 Oscars. Another 35 wins & 34 nominations ဝေါ့ဒစ်စနေးရဲ့ မာစတာပိစ် တစ်ခုလာပါပြီဗျာ။ ကလေးတုန်းကတည်းက အသဲစွဲ ကာတွန်းလေးပါ။ IMDb 8.5 ရထားပါတယ်။ ဇာတ်လမ်းအကျဉ်းမှာတော့ တောဘုရင်ခြင်္သေကြီး မူဖာဆာ မှာ စင်ဘာဆိုတဲ့ သားလေးမွေးဖွားလာပြီး သူ့နေရာကို တစ်နေဆက်ခံခွင့်ပေးဖို့ လျာထားခဲ့ပါတယ်။ အဲဒါကို မကျေနပ်တဲ့ စင်ဘာရဲ့ ဦးလေး မူဖာဆာရဲ့ ညီက ခွေးအတွေနဲ့ ပေါင်းပြီး မူဖာဆာကို လုပ်ကြံပြီး စင်ဘာလေးကို သူ့အပြစ်လို့ထင်အောင်လုပ်ပြီးအဝေးကြီးကို ထွက်သွားစေခဲ့ပါတယ်။ အဲဒီနောက်မှာ ခွေးအတွေကို ခြင်္သေ့တွေနဲ့ပေါင်းနေစေပြီး တောအုပ်ကြီးတစ်ခုလုံး ဒုက္ခရောက်နေတဲ့အချိန်မှာ အကူညီရှာဖို့ထွက်လာတဲ့ ခြင်္သေမငယ်သူငယ်ချင်းနဲ့ အတိတ်ကနေ ထွက်ပြေးနေတဲ့ စင်ဘာတွေ့ ပြန်တွေ့ကြတဲ့အခါမှာ……. File Size : 1.13GB / 584MB Duration : 1 hr 28 min Quality : BlueRay 1080p / 720p Encoder : Thit San Khant Translater : Myo Min Thu Than Myint

မနေ့ကတင်ပေးခဲ့တဲ့ Hot Shot Part 1 ရဲ့အဆက်လာပါပြီ။ ဒီကားကတော့ ရုပ်ရှင်ပရိသတ်တွေရဲ့အချစ်တော် စတားလုံးရဲ့ Rambo ဇာတ်ကားကို သရော်ထားတာဖြစ်ပါတယ်။ ဒါ့အပြင် ဆာဒမ်ဟူစိန်ကိုလဲသရော်ထားပြီး Basic Instinct ကိုပါ ဟာသအဖြစ်ထည့်ထားပါသေးတယ်။ ဒီ Part 2 မှာတော့ သူရဲကောင်းကြီး တော်ပါဟာလေဟာ ချစ်သူ ရမန်ဒါနဲ့ကွဲကွာသွားပြီး အာရှမှာ ဇာတ်မြုပ်နေခဲ့ပါတယ်။ တစ်ဖက်မှာလဲ အမေရိကန်အစိုးရက အရှေ့အလယ်ပိုင်းဒေသမှာ ဖမ်းခံထားရတဲ့ အမေရိကန်ဓားစာခံတွေကို ကယ်ထုတ်တာ လုံးဝမအောင်မြင်ဘူးဖြစ်နေခဲ့ပါတယ်။ အဲ့ဒါကြောင့် ထုံးစံအတိုင်း တော်ပါဟာလေကို ပြန်ခေါ်ဖို့ကြိုးစားခဲ့ရပြီး ဓားစာခံတွေကို ဘယ်လိုကယ်ထုတ်မလဲ၊ တော်ပါဟာလေနဲ့ ရမန်ဒါတို့ကရော ဘာကြောင့်ကွဲကွာသွားရတာလဲ၊ ဆာဒမ်ဟူစိန်ကိုရော ဘယ်လိုရှင်းကြမလဲဆိုတာတော့ ဆက်လက်ခံစားကြည့်ရှုကြပါ။ ဒီကားမှာ နာမည်အကြီးဆုံးကတော့ ကြက်နဲ့မြားပစ်တဲ့အခန်းပါ။ ဒါ့အပြင် နာမည်ကြီးရုပ်ရှင်တွေထဲက ဇာတ်ဝင်ခန်းတွေကိုပါ သရော်ထားပြီး Part 1 တုန်းကထက်တောင် ပိုပြီးရယ်ရပါသေးတယ်။ Part 1 ကြည့်ပြီးတဲ့သူတွေအတွက်တော့ Part 2 နဲ့ဆို အချိတ်အဆက်ပိုမိသွားပြီး ပိုရယ်နေရမှာပါ။ အခု Part 2 မှာ ရုပ်ရှင်ပရိသတ်တွေရဲ့ အချစ်တော် နာမည်ကြီးဟာသသရုပ်ဆောင် နောက်တစ်ယောက်လဲ ပါပါသေးတယ်။ ဘယ်သူလဲဆိုတာတော့ မပြောပြတော့ပါဘူး။ တစ်ခုအသိပေးချင်တာကတော့ Hot Shots နှစ်ကားလုံးမှာ အသုံးပြုသွားတဲ့ဟာသပြက်လုံး၊ ထေ့လုံးတွေဟာ မြန်မာပရိသတ်တွေအတွက် အလှမ်းဝေးနေပြီး မူရင်းစာသားအတိုင်းပြန်ကြည့်တဲ့အခါ ဟာသအရသာပျောက်သွားပြီး မရယ်ရတော့ပါဘူး။ မင်းသား၊မင်းသမီးနာမည် အသုံးအနှုန်းကအစ ၁၉၉၀ ဝန်းကျင်က မင်းသားမင်းသမီးဟောင်းကြီးတွေရဲ့ နာမည်ကိုယူပြီး ပြက်လုံးထုတ်ထားတာဖြစ်တဲ့အတွက် CM ကနေ မြန်မာပရိသတ်နားလည်လွယ်အောင်၊ ဟာသကိုသဘောပေါက်လွယ်အောင်လို့ ပြက်လုံးအတော်များများကို မြန်မာမှုအနည်းငယ် ပြုထားပါတယ်။ ဒါဟာ ပျော်စေ၊ ပျက်စေသဘောနဲ့လုပ်တာမဟုတ်ပဲ ဟာသတစ်ခုကို အဓိပ္ပါယ်နားလည်လွယ်အောင်လို့ Contextualize လုပ်တယ်လို့ နားလည်ပေးစေချင်ပါတယ်။ ဘာသာပြန်တဲ့ကျွန်တော်ကိုယ်တိုင်လဲ ဒီကားကျမှ ဒီလိုမြန်မာပြက်လုံးတွေထည့်သုံးထားတာဖြစ်ပြီး တခြားကားတွေမှာဆို မူရင်းနဲ့မူကွဲ တစ်သားထဲ ကျအောင်ပြန်နေကျဖြစ်တဲ့အကြောင်း အသိပေးပါတယ်ခင်ဗျ။ (ဇာတ်လမ်းအညွှန်းနဲ့ဘာသာပြန်သူကတော့ ကိုအာကာဖြိုးပါ) File Size : (800 MB) Quality : Blu-Ray 720p Running Time : 1hr 26min Format : Mp4 Genre :Action, Comedy Subtitle : Myanmar Subtitle (Hard Sub) Source : 720p.BluRay.X264-AMIABLE Translated by Arkar Phyo Encoded by Thanhtike Zaw

ကျွန်တော်တို့ ငယ်ဘဝက ကြည့်ပြီးအရမ်းကြိုက်ခဲ့ရတဲ့ Mr.Bean ရဲ့ ဟာသစီးရီးကို ပြန်လည်ကြည့်ရှုလို့ရအောင် CM App တွင် Season 1 အစအဆုံး တင်ပေးလိုက်ပါတယ်

ဒီဇာတ်ကားကတော့ James Bond Film စီးရီးတွေထဲကမှ မင်းသားကြီး ရှောင်ကွန်နရီရဲ့ ဂန္တဝင်ကားတစ်ကားပဲဖြစ်ပါတယ်။ 1983 ခုနှစ်တုန်းက ထွက်ရှိပြီးတော့ အဲဒီခေတ်အဲဒီအခါတုန်းက အခြေအနေနဲ့ဆိုရင် တော်တော့်ကိုအောင်မြင်ခဲ့တဲ့ဇာတ်ကားကောင်းတစ်ကားလို့ပြောလို့ရပါတယ်။ ဂျိမ်းစ်ဘွန်းဇာတ်ကားတွေရဲ့ထုံးစံအတိုင်း ဗြိတိသျှလျှို့ဝှက်ထောက်လှမ်းရေးတွေ၊ အက်ရှင်တွေ၊ စိတ်လှုပ်ရှားစရာတွေ တပုံကြီးပါမယ်။ ဒီကားမှာတော့ SPECTRE အဖွဲ့ဟာ ဗြိတိန်နိုင်ငံထဲမှာရှိတဲ့ အမေရိကန်အစိုးရလက်အောက်က အမေရိကန်လေတပ်စခန်းကနေ နျူကလီးယားဒုံးကျည်နှစ်လုံးကို ခိုးယူသွားပြီးတော့ ဒီနိုင်ငံတွေဆီကို ခြိမ်းခြောက်အကျပ်ကိုင်ပါတယ်။ အဲဒါကြောင့် ဗြိတိသျှအစိုးရဟာ ၀၀၇ အေးဂျင့်ကို အသုံးချပြီးတော့ ဒီလက်နက်တွေကိုပြန်ယူဖို့ကြိုးစားပါတော့တယ်။ ဂျိမ်းစ်ဘွန်းဇာတ်ကားတွေကတော့ ဟိုအရင်ကတည်းက ခေတ်မီခဲ့တဲ့ဇာတ်ကားတွေဖြစ်ပြီး နာမည်တစ်ခုနဲ့ရပ်တည်လာတာဖြစ်တဲ့အတွက် မကောင်းတဲ့ကားရယ်လို့မရှိဘူးလို့ပြောလို့ရပါတယ်။ မင်းသားကြီးရှောင်ကွန်နရီဟာလည်း ခေသူမဟုတ်တဲ့အတွက် ကြည့်ကိုကြည့်သင့်တဲ့ ဇာတ်ကားတစ်ကားပဲဖြစ်ပါတယ်။ File size…    2.47 GB / 1.16 GB Quality… BluRay 1080p / 720p Format… mp4 Audio... AAC Duration…. 2h 14m Genre ..... Action/Thriller/ Adventure Subtitle…. Myanmar Subtitle (Hard Sub) Encoder…. Thit San Khant Translated... by Htet Aung