Ryan Ol ပါဝင်သော ဇာတ်ကားများ

After၊ After We Collided နဲ့ After We Fell တို့အပြီး စတုတ္ထမြောက်ရုပ်ရှင်မှာ ဟာဒင်စကော့နဲ့ တက်စ်ဆာတို့ရဲ့ အချစ်ရေးကို ဆက်ထားပါတယ်။ ခပ်ဆိုးဆိုးကောင်လေး ဟာဒင်ရဲ့ဘဝထဲ တက်စ်ဆာ ဝင်လာခဲ့ပြီးနောက် နှစ်ယောက်သား လူငယ်ဘဝရဲ့ အတက်အကျတွေ၊ အခက်အခဲတွေကို အတူဖြတ်သန်းရင်း တည်ငြိမ်တဲ့ ဆက်ဆံရေးတစ်ခု တည်ဆောက်ဖို့ ကြိုးစားခဲ့ကြတယ်။ ဒါပေမယ့် မိဘတွေက သူ့ကို တစ်သက်လုံး ဖုံးကွယ်ထားခဲ့တဲ့ အမှန်တရားကို ဟာဒင် သိသွားတဲ့အခါ သူတို့နှစ်ယောက်ရဲ့ ဆက်ဆံရေးက အရင်ထက် ပိုခက်ခဲလာပါတယ်။ နောက်တော့ နေရာတွေပြောင်းပြီး တစ်ယောက်တစ်နေရာစီ လမ်းခွဲခဲ့ကြတယ်။ အတူတူ အခက်အခဲတွေ ဖြတ်သန်းလာခဲ့တဲ့ ဒီနှစ်ယောက်အတွက် ပျော်ရွှင်စရာအဆုံးသတ်တစ်ခု ရှိလာဦးမလား။

ဖြစ်ရပ်မှန် စစ်နောက်ခံ ရုပ်ရှင်ကားတစ်ခု တင်ပေးပါရစေ။ Rating 8.2 အထိ ရှိပါတယ်။ တကယ် ခံစားလို့ကောင်းတဲ့ ရုပ်ရှင်လေးပါပဲ။ တောင်မြောက်ကိုရီးယား စစ်ပွဲမှာ ကူညီဖို့ ရောက်လာတဲ့တူရကီ တပ်ရဲ့ တပ်ကြပ်ကြီး ဆူလီမန်ဟာ တိုက်ပွဲထဲမှာ တစ်ယောက်ထဲကျန်နေခဲ့တဲ့ ကိုရီးယား ကလေးမလေးတစ်ယောက်ကို ကယ်တင်လာခဲ့တယ်။ ကလေးလေးက စကားလည်းမပြောနိုင် နာမည်လည်း မသိတာမို့ အိုင်လာလို့ပဲ နာမည်ပေးခဲ့လိုက်ပါတယ်။ အိုင်လာ ဆိုတာ လရောင် လို့ အဓိပ္ပါယ်ရတဲ့ တူရကီ စကားလေးပါပဲ။ စစ်ပွဲတစ်လျှောက်လုံး အသက်ဘေးကြားထဲကနေ ကလေးလေးကို စောင့်ရှောက်ခဲ့တဲ့ တူရကီ စစ်သားနဲ့ သူ့ကို အဖေလို့ပဲ ထင်နေတဲ့ အိုင်လာလေးရဲ့ ဘဝဇာတ်လမ်းပါပဲ။ နည်းမျိုးစုံနဲ့ မခွဲရဖို့ ကြိုးစားခဲ့ပေမယ့် တူရကီကို ပြန်ရတော့မယ့် အချိန်ရောက်လာတဲ့အခါ ဆူလီမန်ဟာ အိုင်လာကိုပြန်လာတွေ့ပါ့မယ်လို့ ကတိပေးထားခဲ့တယ်။ ဆူလီမန်က ပြောခဲ့တယ် အဖေဆိုတာ သားသမီးကို ပေးတဲ့ ကတိကို ဖြည့်ဆည်းပေးနိုင်ဖို့အတွက် အသက်ရှင်နေတာပါတဲ့။ ကြည့်လိုက်ပါ၊ ငိုလိုက်ပါ၊ ပြုံးလိုက်ပါ။ နောက်ဆုံးမှာ ဆူလီမန်နဲ့အိုင်လာ အစစ်တို့ရဲ့ ဗီဒီယိုဖိုင်နဲ့ အသံဖိုင်လေးတွေပါ ပါပါတယ်။ File size…    2.2 GB / 1 GB Quality… WEB-DL 1080p / 720p Format… mp4 Duration…. 2h 5m Genre ..... Drama / History / War Subtitle…. Myanmar Subtitle (Hard Sub) Encoder…. Thit San Khant Translated by Little Neo