Sam Haygarth ပါဝင်သော ဇာတ်ကားများ

ရုပ်ရှင်တစ်ပုဒ်ဟာ ပြဇာတ်တစ်ပုဒ်လို အိပ်ရာဝင်ပုံပြင်တစ်ပုဒ်လို စိတ်ကူးယဉ်ဆန်ပြီးလှပ​နေပြီဆိုရင် Director Wes Andersonရဲ့လက်ရာ​တွေနဲ့ မကင်းနိုင်ပါဘူး၊ သူ့ဇာတ်ကား​တွေရဲ့ narrativeပုံစံ ဇာတ်လမ်းတင်ဆက်ပုံနဲ့ Uniqueဖြစ်သလို Colorfulလည်းဖြစ်တဲ့ ရိုက်ကွင်းအပြင်အဆင်တွေ​ကြောင့် ရုပ်ရှင်နဲ့မတူဘဲ ပုံပြင်ကမ္ဘာထဲ လက်​တွေ့​ရောက်သွားသလို ခံစားချက်မျိုး၊ The Palais Garnier ပြဇာတ်ရုံမှာ ကိုယ်တိုင်ပြဇာတ်ကြည့်​နေရသလို ခံစားချက်မျိုး ရ​စေတာကို - The Grand Budapest Hotel (2014) နဲ့ - Moonrise Kingdom (2012)မှာ ခံစားခဲ့ရပြီးပါပြီ၊ ဒီ ဇာတ်လမ်းကလည်း Wes Andersonရဲ့ ​နောက်ထပ် ရုပ်ရှင်မဟုတ်​သောရုပ်ရှင်၊ ပြဇာတ် မဟုတ်​​သော ပြဇာတ်လို့ ထပ်ရည်ညွှန်းရမယ်ထင်ပါတယ် ဒီဇာတ်လမ်းက​​တော့ Andersonရဲ့ ဝတ္ထုတို​တွေကို ချစ်မြတ်နိုးမှု၊ စာနယ်ဇင်း​လောကကို နှစ်ခြိုက်မှုအ​ပေါ် ရုပ်ရှင်ဇာတ်ကားအဖြစ် အသက်သွင်းလိုက်တဲ့ လက်ရာမွန်တစ်ခုပါပဲ၊ Cast​တွေကလည်း ​ပြေးကြည့်စရာမလို​​​​အောင်ကို ဒိတ်ဒိတ်ကြဲ​ဖြစ်တဲ့၊ သူ့လက်စွဲ​တွေ ဖြစ်တဲ့ - Tilda Swinton (Dr. Strange, The Grand Budapest Hotel) - Ghostbusters မင်းသားကြီး Bill Murray၊ - The Pianistရဲ့မင်းသားကြီး Adrien Brody၊ - Edward Norton (Fight Club) တို့အပြင် Timothée Chalamet, Saoirse Ronan, Owen Wilson, Léa Seydoux, William Dafoe တို့လို အရှိန်အဝါကြီးတဲ့ Cast​တွေဖြစ်တာမလို့ Wesရဲ့လက်ရာဟာ ပိုကြွသလို ပိုလည်း လှပ​စေပါတယ်၊ USA ..Kansasမြို့ လုပ်ငန်းရှင်ကြီးတစ်ဦးရဲ့သားဖြစ်သူ ပထမနှစ်​ကျောင်းသား​လေး Arthur Juniorရဲ့ ခရီးသွားမှတ်တမ်း​စာစဉ်မှအစပြုခဲ့တဲ့ The French Dispatch မဂ္ဂဇင်းဟာ သူဆုံးပါးချိန်မှာပဲ ​နောက်ဆုံးထုတ်​ဝေမှုနဲ့ ပိတ်သိမ်းရ​တော့မှာပါ၊ နှုတ်ဆက်စာအုပ်မှာအထူးစာမူအဖြစ် ထည့်​ဝေဖို့ မဂ္ဂဇင်းရဲ့ထိပ်သီးစာမူရှင်​တွေဆီက စာမူ​တောင်းတဲ့အချိန်မှာ စာမူ၄ပုဒ်ထွက်လာပါတယ်၊ မဂ္ဂဇင်းတိုက်ရဲ့ဘဏ္ဍာ​ရေးအ​ခြေအ​နေအရ စာမူတိုင်းကိုထည့်ဖို့ခက်ခဲ​နေတဲ့အချိန်မှာ တစ်ပုဒ်ချင်းစီကို အယ်ဒီတာ​တွေအ​​နေနဲ့ အ​သေးစိတ်အကဲဖြတ်ရင်း ဇာတ်လမ်းတို​လေး ၄ပုဒ်အဖြစ် ကွဲထွက်သွားပါတယ် ဇာတ်လမ်း၁ပုဒ်ချင်းစီတိုင်းဟာ Arc တစ်ခုလို စာမူရှင်ရဲ့အာ​ဘော်အရ အ​ရေးအသား၊ တင်ဆက်ပြသပုံ၊ အ​ကြောင်းအရာ​တွေ အမျိုးမျိုးကွဲထွက်​နေတဲ့အခါ တစ်ပိုင်း​ရောက်တိုင်း အရသာတစ်မျိုးခံစားရင်း ချိုချဉ်ငန်ဖန်စပ်ခါး ​သောင်း​ပြောင်း​ထွေလာအရသာကို တပြိုင်တည်းရရှိစေမှာပါ၊ ဝတ္ထုတို​တွေဖြစ်တဲ့အတွက်​ကြောင့် တစ်ပိုင်းချင်းစီဟာ ပုံပြင်ဖတ်​နေရသလို ခံစားမိ​စေတဲ့ Wesရဲ့အာ​ဘော်က​နေလည်း ​သွေဖီမသွားပြန်ပါဘူး၊ တစ်ပိုင်းချင်းစီက ရသတစ်မျိုး​ပေးသလို ကိုယ့်အ​တွေးနဲ့ ကိုယ်​​​သောက်ကြသည် ဆိုသလို ဇာတ်လမ်းက​ပေးတဲ့ အမြင်​တွေ၊ ခံစားချက်​တွေ အ​တွေးအ​ခေါ်​တွေ တစ်ဦးနဲ့တစ်ဦးတူမှာ မဟုတ်ပါဘူး၊ ဒီလိုမတူခြားနားတဲ့ အမြင်​တွေကိုပဲ Wes Anderson အ​နေနဲ့ ​ပေးချင်ပုံရပါတယ် ဇာတ်ကား​ကောင်းကြီးဖြစ်တာနဲ့အညီ သူနဲ့ထိုက်တန်တဲ့ rating​တွေ အသိအမှတ်ပြုခံရမှု​တွေ ကပ်ပါလာမြဲပါပဲ၊ ရုပ်ရှင်အသိုင်းအဝိုင်းမှာ အရှိန်အဝါကြီးတဲ့ Cannes နဲ့ Golden Globe award ​တွေအတွက် Nominations ​ဝင်ထားသလို လက်ရှိမှာ စုစု​ပေါင်း nomi 44ခုထိ စာရင်းရှိတဲ့ဇာတ်ကားဖြစ်ပါတယ်။ Detroit Film Critics Society (DFCS) နဲ့ Southeastern Film Critics association မှာ Best Ensemble 2 ဆုကိုလည်း ပူပူ​နွေး​နွေးရရှိထားတာပါ၊ ပုံမှန် ရုပ်ရှင်ကြည့်ပရိတ်သတ်​တွေနဲ့ မစိမ်းတဲ့ - IMDbမှာ 7.5, -Rotten Tomatoes မှာ review​ပေါင်း 273ခုနဲ့ Tomatometer 74%အထိ ​မှတ်​ကျောက်တင်ထားနိုင်ပါတယ်၊ ဒါရိုက်တာ Wes Andersonရဲ့ရုပ်ရှင်မဟုတ်​သောရုပ်ရှင်ကို ခံစားကြည့်ရှုရင်း စိတ်ကူးယဉ်ကမ္ဘာမှာ ​ပျော်​မွေ့နိုင်ဖို့ CMမှ တင်ဆက်​ပေးလိုက်ပါပြီ အညွှန်းကိုတော့ JimX က ရေးထားပေးပြီးတော့ ဘာသာပြန်ထားတာကတော့ JYJ ပဲ ဖြစ်ပါတယ်။ Genre.....Comedy, Drama, Romance Quality….WEB-DL 1080p and 720p File size…1.5GB and 894MB and 293MB Format…mp4 Duration….1h 47min Subtitle….Myanmar Subtitle (Hardsub) Translator ..... JYJ Encoder ..... August

Jojo Rabbit (2019) IMDb Rating (7.9) / Rotten Tomatoes (80%) Jojo Betzler ဆိုတာ ဟစ်တလာကို အကြီးအကျယ်ထောက်ခံတဲ့ ၁၀ နှစ်အရွယ်ကောင်ကလေး။ သူ့ရဲ့ စိတ်ကူးယဉ်သူငယ်ချင်းကလည်း ဟစ်တလာ။ Hitler Youth Camp ကိုသွားဖို့ ယူနီဖောင်းတွေ ဝတ်ပြီး စိတ်လှုပ်ရှားတက်ကြွနေတဲ့ နာဇီစစ်စစ်လေး။ သို့ပေမယ့် နာဇီစစ်စစ်လေး Jojo က Camp မှာ ယုန်လေးတကောင်ကို မသတ်ရက်နိုင်ခဲ့လို့ Jojo Rabbit ဆိုပြီး ရခဲ့တယ်။ သတ္တိကို ပြချင်လွန်းလို့ Camp မှာ ထပ်ပြီး တလွဲလုပ်မိတဲ့အခါမှာ ဗုံးပေါက်ကွဲပြီး ဒဏ်ရာတွေရခဲ့တယ်။ ဒါပေမဲ့ ဇွဲမလျှော့ဘူး။ နာဇီတွေရဲ့ တာဝန်ကို ထမ်းချင်သေးတဲ့အတွက် အမေ့ရဲ့ အကူအညီပေးမှုနဲ့အတူ Captain Klezendorf ရဲ့ ရုံးခန်းမှာ ဆက်ပြီး တာဝန်ထမ်းဆောင်တယ်။ ဒါပေမဲ့ တရက်မှာ အိမ်မှာ ရှိနေတဲ့အချိန် ရှာရင်းဖွေရင်းစပ်စုရင်းနဲ့ သူ့အမေဖွက်ထားတဲ့အရာတခုကို ရှာဖွေတွေ့ရှိသွားတယ်။ သူ့ရဲ့ မဟာရန်သူတော် ဂျူး။ ဂျူးဆိုမှ ဂျူးမိန်းကလေး။ သူ့ရဲ့ အရာအားလုံးကို ပြောင်းလဲပေးမယ့် ဂျူးမိန်းကလေး…။ Jojo Rabbit နဲ့ ပတ်သတ်ရင် တွေးစရာလည်း များတယ်။ ရယ်မောရင်း ပြောစရာလည်းများတယ်။ Jojo က “အဲ့ကားမိုက်တယ်ကွာ” ဆိုပြီး ပြောရတဲ့ ရုပ်ရုင်မျိုး။ ပထမဆုံးပြောချင်တာက ဒါရိုက်တာ Taika Waititi ပဲ။ ဘာကြောင့်ပြောရတာလဲဆိုတော့ သူ ဒီလောက်လုပ်နိုင်မယ်မထင်ထားလို့ပဲ။ Taika Waititi ကို Thor:Ragnarok မှာ စပြီး သတိထားမိခဲ့တယ်။ အဲ့မှာတည်းက သူ့ရဲ့ comedy စွမ်းရည်ကို စပြီး သတိထားမိတယ်။ Thor:Ragnarok မှာ သူ့ရဲ့ Cinematography ကလည်း မခေခဲ့ပါဘူး။ ဒါပေမဲ့ ဒီလောက်နဲ့ ရပ်သွားပြီပဲထင်ခဲ့မိတာ။ Blockbuster ကားကောင်းတခုကို ရိုက်ပြနိုင်တယ်ဆိုရုံလောက်ပဲ ထင်ထားခဲ့တယ်။ ဒါပေမဲ့ Jojo Rabbit မှာတော့ သူ့အစွမ်းကို ကောင်းကောင်းပြသွားတယ်။ Comedy ပိုင်နိုင်တဲ့ သူ့ရဲ့ Trademark အစွမ်းကို အသုံးချပြီး Comedy နဲ့ Tragedy ကို ကောင်းကောင်းပေါင်းစပ်ပြသွားခဲ့တယ်။ Life is Beautiful နဲ့ နှိုင်းယှဉ်စရာမဟုတ်ပေမယ့် အဲ့လို Vibe မျိုးကို ရမိပါတယ်။ နောက်တခုကတော့ Wes Anderson ဆန်ဆန်ရိုက်ကွက်တွေဖြစ်ပါတယ်။ ဒုတိယကမ္ဘာစစ်နောက်ခံ ဇာတ်ကားတော်တော်များများက ခပ်မှိုင်းမှိုင်းအရောင်တွေကိုသာ အသုံးများကြပါတယ်။ ဒါပေမဲ့ Jojo Rabbit လို ဒုတိယကမ္ဘာစစ်နောက်ခံ ဇာတ်လမ်း အရောင်တောက်တောက်တွေသုံးတတ်တဲ့ Wes Anderson ရဲ့ အရသာမျိုးခံစားမိနေခြင်းက ထူးခြားချက် တခုပါ။ Wes Anderson ရဲ့ Moonrise Kingdom ကို သတိသွားရမိပါသေးတယ်။ Taika Waititi က ဒုတိယကမ္ဘာစစ်ရှုံးခါနီး ဂျာမနီရဲ့ အနိဠာရုံတွေကို အရောင်တောက်တော်တွေနဲ့ ဖုံးပြသွားနိုင်ခဲ့ပါတယ်။ တခုထပ်ပြီး ပြောစရာရှိတာက Jojo Rabbit ရဲ့ သရော်စာတည့်ဆန်နေတဲ့ Dialogue တွေပါ။ ဇာတ်ကားတော်တော်များများက သရော်ချင်တဲ့ အခါမှာ Dialogue တကြောင်းနဲ့ဖြစ်စေ၊ Scene တကွက်စာနဲ့ ဖြစ်စေ ပါးပါးလေးပုတ်ပြီး သရော်လေ့ရှိပါတယ်။ ဒါပေမဲ့ Jojo Rabbit မှာ တည့်ဆော်တာပါ။ “ I lost a perfectly good eye in a totally preventable enemy attack” ၊ “There really isn’t much hope in us winning the war” ဆိုတာမျိုး Dialogue တွေ အများအပြားတွေရမှာပါ။ ဒီလို dialogue တွေမှာ Sitcom တွေမှာ သုံးလိုအဆင်ပြေပေမယ့် ရုပ်ရှင်တွေမှာ အသုံးမတတ်ရင် အပေါစားဆန်သွားတတ်ပါတယ်။ Jojo Rabbit မှာ ဒီလို Dialogue တွေက အံဝင်ခွင်ကျဖြစ်သွားတဲ့အပြင် အရသာလည်း တမျိုးဆန်းသွားပါတယ်။ “Boy (2010)”, “Hunt for the Wilderpeople (2016)” တို့မှာ ကလေးသရုပ်ဆောင်တွေနဲ့ ပတ်သတ်လာရင် အစွမ်းထုတ်ပြနိုင်ကြောင်း ပြသခဲ့တဲ့ Taika Waititi က Jojo Rabbit မှာလည်း ထပ်ပြီး သက်သေပြခဲ့ပါတယ်။ Roman Griffin Davis (Jojo), Thomasin McKenzie (Elsa Korr) တို့ရဲ့ လုပ်နိုင်စွမ်းကို အကောင်းဆုံးအသုံးချသွားခဲ့ပါတယ်။ Scarlett Johansson, Sam Rockwell တို့လို ဝါရင့်သရုပ်ဆောင်တွေပါလာတဲ့အချိန်မှာ သူတို့နဲ့ အပြိုင်ထင်းခနဲဖြစ်အောင် အစွမ်းပြဖို့ဆိုတာ အတော်မလွယ်တဲ့ ကိစ္စဖြစ်ပါတယ်။ သို့ပေမယ့် Davis နဲ့ McKenzie တို့က Jojo နဲ့ Elsa ကို အကောင်းဆုံးပုံဖော်သွားကြတယ်။ Jojo Rabbit ဟာ အော်စကာခြောက်ခု ဇကာတင် ဝင်ခဲ့ပြီးတော့ Taika Waititi က “Best Adapted Screenplay” ဖြင့် အော်စကာဆုကို သိမ်းပိုက်နိုင်ခဲ့ပါတယ်။ ဟောလိဝုဒ်မှာ ဟာသကားကောင်းကောင်းတွေ၊ ဒရာမာဆန်တဲ့ ဒရာမာကားကောင်းတွေ၊ Tragedy ကို ကောင်းကောင်းဖော်ပြနိုင်တဲ့ ဇာတ်ကားကောင်းတွေ အများကြီးရှိပါတယ်။ ဒါပေမဲ့ Comedy နဲ့ Tragedy ကို အချိုးညီညီပေါင်းစပ်ထားတဲ့ အရသာအသစ်အဆန်းတခုကို ခံစားချင်ရင် Jojo Rabbit က သင့်ကို နောင်တရစေမှာ မဟုတ်ပါဘူး။ #EnglishMajorians (ရုပ်ရှင်အညွှန်းကို English Majorians FB Page မှ ကူးယူဖော်ပြပါသည်။) File size…(8 GB )/(1.9 GB)/(1.1 GB) Quality….BluRay 4K HEVC/1080p HEVC / 720p Format…mkv/mp4 Duration….01:49:00 Subtitle….Myanmar Subtitle (Hardsub) Encoder….Ka Naung