မတူတဲ့နေရာတွေ၊ အချိန်တွေမှာ ဖြစ်ပျက်တဲ့ ထူးဆန်းသော ဇာတ်လမ်းသုံးပုဒ်ကို ဒါရိုက်တာသုံးယောက်က ရိုက်ကူးထားတဲ့ သရဲဇာတ်ကားပါ။ တစ်ပုဒ်ချင်းစီမှာ ကြုံရတဲ့အဖြစ်အပျက်တွေရဲ့ နောက်ကွယ်ကို လိုက်ရှာကြရပါတယ်။ “မှောင်မဲနေသော ထောင့်စွန်းတစ်နေရာမှ အရိပ်ဆိုး” မှာ နာမည်ကြီးအဆိုတော် ယိုယာက အိမ်ဟောင်းကနေ အိမ်သစ်ကို ပြောင်းလာတယ်။ အဲဒီနောက် ထူးဆန်းတာတွေ တစ်ခုပြီးတစ်ခု ကြုံလာရပြီး အစမှာတော့ သူမရဲ့စိတ်ပိုင်းဆိုင်ရာ ပြဿနာကြောင့်လို့ ထင်ခဲ့ပါတယ်။ ဒါပေမယ့် အိပ်မက်ဆိုးတွေက ဆက်ခြောက်လှန့်နေတယ်။ လွန်ခဲ့တဲ့နှစ်တွေက အဆောက်အဦးပေါ်ကနေ ခုန်ချသွားတဲ့ အမျိုးသားတစ်ယောက်ရဲ့ပုံရိပ်ဟာလည်း သူမစိတ်ထဲမှာ စွဲနေဆဲပါ။ အခုကြုံနေရတာတွေက စိတ်ထင်တာပဲလား၊ သရဲသစ္ဆေတွေကြောင့်လားဆိုတာ သူမအတွက် မသေချာတော့ဘူး။ “ရက်စက်လှတဲ့ သေဆုံးမှု” ကတော့ အွန်လိုင်းဆယ်လီ ယန်ဝေချန် စူပါမားကတ်တစ်ခုမှာ တိုက်ရိုက်ထုတ်လွှင့်နေရာက စပါတယ်။ အဲဒီမှာ သူ့လိုပဲ တိုက်ရိုက်ထုတ်လွှင့်နေသူတစ်ယောက်နဲ့ တွေ့ရပြီး ထူးဆန်းတဲ့ကိစ္စတွေ ဖြစ်လာတယ်။ မှောင်ရိပ်လွှမ်းနေတဲ့ စူပါမားကတ်မှာ ရက်စက်ကြောက်မက်ဖွယ် လျှို့ဝှက်ချက်တစ်ခု ရှိနေပါတယ်။ “လှေကားထစ်မှ စောင့်ဆိုင်းနေသူ” မှာတော့ အဆောက်အဦးတစ်ခုရဲ့ လှေကားဆီက ရေကျသံတွေ၊ ရေနစ်သေထားပုံရတဲ့ အလောင်းတစ်လောင်းရဲ့ လှုပ်ရှားသံတွေ ကြားနေရတယ်။ အဆောက်အဦးမှာ နေထိုင်သူတွေက ဒီကိစ္စကို ဖြေရှင်းဖို့ ကြိုးစားရင်း သေဆုံးသူဟာ အသတ်ခံခဲ့ရတာဖြစ်ကြောင်း သိသွားကြပါတယ်။ သေဆုံးသူက သူ့ကိုသတ်ခဲ့သူကို လက်စားလိုက်ချေနေတာလား၊ လူသတ်တရားခံကရော ဘယ်သူလဲ။
ဇာတ်ကားကြည့်ရန်