Sam Malone ပါဝင်သော ဇာတ်ကားများ

Faces of Death (2026) ++++++++++ ဒီကားကတော့ အရင်တုန်းက နာမည်ကြီးခဲ့တဲ့ "Faces of Death" ဆိုတဲ့ နာမည်ကို ပြန်ယူထားပေမဲ့ ပုံစံချင်းကတော့ လုံးဝမတူတော့ပါဘူး။ အရင်ကားက တကယ့်အစစ်အမှန် သေဆုံးမှုတွေလို့ နာမည်ကြီးခဲ့တဲ့ (Mondo horror) ပုံစံမျိုးဆိုရင် အခု ၂၀၂၆ ဗားရှင်းကတော့ အဲဒီနာမည်ကြီး ဗီဒီယိုတွေကို အခြေခံပြီး ရိုက်ထားတဲ့ Meta-Slasher အမျိုးအစားပါ။ ဇာတ်လမ်းအကျဉ်း +++++++++++ ဇာတ်လမ်းထဲမှာ မားဂေါ့ (Margot) ဆိုတဲ့ မိန်းကလေးဟာ Kino လို့ခေါ်တဲ့ TikTok လိုမျိုး ဗီဒီယိုပလက်ဖောင်းတစ်ခုမှာ Content Moderator အဖြစ် အလုပ်လုပ်ပါတယ်။ သူ့အလုပ်ကတော့ အသုံးပြုသူတွေ တင်သမျှ ဗီဒီယိုတွေကို စစ်ဆေးပြီး အကြမ်းဖက်တာတွေ၊ မသင့်တော်တာတွေပါရင် ဖြုတ်ချရတာပေါ့။ တစ်ရက်မှာတော့ မားဂေါ့ဟာ ၁၉၇၈ ခုနှစ်က ထွက်ခဲ့တဲ့ "Faces of Death" ထဲက သေဆုံးခန်းတွေကို တစ်ပုံစံတည်း ပြန်တုပပြီး သတ်ပြထားတဲ့ ဗီဒီယိုတွေကို စတွေ့ပါတော့တယ်။ အဲဒီဗီဒီယိုတွေက တကယ်ပဲ သတ်နေတာလား၊ ဒါမှမဟုတ် ဟန်ဆောင်ရိုက်ထားတာလားဆိုတာ မဝေခွဲနိုင်အောင် ဖြစ်နေတုန်းမှာပဲ ဒီသတ်ဖြတ်မှုတွေဟာ သူ့အလုပ်ခွင်နဲ့ သူ့ပတ်ဝန်းကျင်အထိပါ ရိုက်ခတ်လာတဲ့အခါမှာတော့...။ Barbie Ferreira (Euphoria မင်းသမီး) က မားဂေါ့အဖြစ် သရုပ်ဆောင်ထားပြီး Dacre Montgomery (Stranger Things က Billy) ကလည်း အဓိကပါဝင်ထားပါတယ်။ ဇာတ်လမ်းက အခုခေတ် ဆိုရှယ်မီဒီယာတွေပေါ်မှာ လူတွေက အာရုံစိုက်ခံရဖို့ ဘယ်လောက်အထိ လုပ်ရဲသလဲဆိုတဲ့ Attention Economy အကြောင်းကို သရော်ထားပါတယ်။ Gore (သွေးသံရဲရဲ) ဇာတ်ဝင်ခန်းတွေ တော်တော်များတဲ့အတွက် သွေးမြင်ရင် ကြောက်တတ်တဲ့သူတွေတော့ သတိထားကြည့်ရမယ့် ကားမျိုးပါ။ ဒီကားက အရင် "Faces of Death" ကို ကြည့်ဖူးတဲ့သူတွေအတွက်လည်း အမှတ်တရဖြစ်စေမယ့် scene လေးတွေ ပါသလို၊ အခုခေတ် Horror ကားအသစ်တွေကို ကြိုက်တဲ့သူတွေအတွက်လည်း စိတ်ဝင်စားစရာကောင်းအောင် ရိုက်ပြထားပါတယ်။ အင်တာနက်ပေါ်က အတုအယောင်တွေကြားမှာ ဘယ်ဟာက အစစ်လဲဆိုတာကို ရင်တထိတ်ထိတ်နဲ့ ကြည့်ရမယ့် ကားကောင်းတစ်ကားပါပဲ။ File Size… (1.52GB) / (711MB) Quality… WEB-DL 1080p HEVC / 720p Format…mkv / mp4 Duration…1h 37m Genre ….Horror Subtitle….Myanmar Subtitle (Hard Sub)

( အော်စကာပါရနိုင်တဲ့ သွေးစုပ်ဖုတ်ကောင်ကား ) + အချို့အခန်းတွေ screen နည်းနည်းကျဉ်းသွားလည်း မပူပါနဲ့ အပြည့်ပြန်လာပါတယ် Imax Scene အချို့ ပါနေလို့ပါ + IMDb 8, Rotten Tomatoes 97% တောင် ရရှိထားပြီး 35 နှစ်အတွင်း ပထမဦးဆုံး A အဆင့်ကို ပြန်လည်ရရှိခဲ့တဲ့ ဗန်ပိုင်းယားဟော်ရာ ဇာတ်ကား လာပါပြီ။ ရုံတင်တုန်းကလည်း ရီဗျူးကောင်းတွေ ရရှိခဲ့ပြီး တစ်နှစ်တာ အကောင်းဆုံး ဟော်ရာမူဗီအဖြစ်လည်း သတ်မှတ်ခံထားရပါတယ်။ ကြည့်ရှုသူတွေကလည်း ဒီဇာတ်လမ်းဟာ ဗန်ပိုင်းယားတွေကို realistic အဆန်ဆုံး ရိုက်ပြနိုင်တဲ့ကားဖြစ်ကြောင်းချီးကျူးထားပါသေးတယ်။ Cast တွေကလည်း Michael B Jordan, Hailee Steinfeld တို့လို နာမည်ကြီးတွေနဲ့ ရိုက်ကူးထားပါတယ်။ ဇာတ်လမ်းအကျဉ်း ++++++++++++ စမုတ်ခ်နဲ့ စတက်ခ်ဆိုတဲ့ အမြွှာညီအစ်ကိုဟာ ချီကာဂိုကနေ ဇာတိဖြစ်တဲ့ မစ္စစ္စပီကို ပြန်လာပြီး သူတို့ရဲ့ ရည်မှန်းချက်ဖြစ်တဲ့ ဂျုကလပ် ဖွင့်ဖို့ စတင်ကြိုးစားပါတယ်။ ဒါပေမဲ့ အဲဒီအရပ်ဒေသမှာ ကြောက်ဖို့ကောင်းပြီး အန္တရယ်များတဲ့ လျှို့ဝှက်ချက်ကြီးတစ်ခု ရှိနေပါတယ်။ ဒီလိုနဲ့ အတိတ်ဘဝဆိုးကို မေ့ဖျောက်ပြီး ဘဝသစ်စမဲ့ အမြွှာညီအစ်ကိုဟာ ပိုဆိုးတဲ့ ဘဝအတွေ့အကြုံကြီးနဲ့ ရင်ဆိုင်ရပါတော့တယ်။ ဒီဇာတ်လမ်းမှာ ဘာသာရေး၊ ဂီတ၊ မိသားစုရေးရာ စတဲ့ topic မျိုးစုံကို နှီးနှောပြီး စိတ်ဝင်စားဖို့ကောင်းအောင် ရိုက်ကူးပြထားပါတယ်။ တစ်ရက်တာဆိုတဲ့ အချိန်အတွင်းမှာ ဖြစ်ပျက်သမျှတွေကို thriller နဲ့ action vibe အပြည့်အဝပေးပြီး တင်ဆက်ပြသွားတာကို မြင်ရမှာပါ။ File size…(6.8 GB)/ (2.04 GB)/ (965 MB) Quality…WEB-DL 4K HEVC/ 1080p HEVC / 720p Format…mkv/mp4 Duration….2h 17m Subtitle….Myanmar Subtitle (Hardsub) Encoder….Min Wai , YK Translated by Thiha & Act Molemy

Nickel Boys (2024) IMDb Rating (7.3) / Rotten Tomatoes (90%) ဒီဇာတ်ကားတော့ ၁၉၆၀ နောက်ပိုင်းမှာ အမေရိကန်နိုင်ငံရဲ့ ပြည်တွင်းတစ်နေရာဖြစ်တဲ့ ဖလော်ရီဒါမြို့မှာဖြစ်ခဲ့တဲ့ ဖြစ်ရပ်မှန်ဇာတ်လမ်းကိုအခြေခံပြီးတော့ ရိုက်ကူးထားတာဖြစ်ပါတယ်။ အဲဒီအချိန်မှာတုန်းက လူမည်းတွေဟာ လူဖြူတွေနဲ့ တန်းတူအခွင့်အရေးကို စတင်တောင်းဆိုချိန် ပြည်တွင်းလှုပ်ရှားမှုတွေ ဆန္ဒပြနေတဲ့အချိန်ဖြစ်ပါတယ်။ ထိပ်တန်းလျှို့ဝှက်ချက်ကတစ်ခုဖြစ်လို့ နှစ်ပေါင်း ၅၀ ကျော်အောင် ထိန်းသိမ်းလာခဲ့ရတဲ့ လုပ်ကြံသတ်ဖြတ်မှုကြီးသုံးခုထဲက တစ်ခုဖြစ်တဲ့ ပြည်တွင်းလှုပ်ရှားမှုဦးဆောင်ခဲ့သူ လူမည်းတစ်ယောက်ဖြစ်တဲ့ ဒေါက်တာမာတင်လူသာကင်း ရဲ့ လှုပ်ရှားမှုတစ်စေ့တစောင်း ဖြစ်ခဲ့တဲ့ အဖြစ်အပျက်လေးကိုရိုက်ကူးထားတာပဲဖြစ်ပါတယ်။ ဇာတ်လမ်းအကျဉ်း ၁၉၆၀ နှောင်းပိုင်း အမေရိကမှာ လူမည်းတွေပေါများလာခဲ့တဲ့အချိန် နစ်ကယ်အကယ်ဒမီ လို့ ခေါ်တဲ့ လူမည်းလူငယ်တွေကို ပြုပြင်ထိန်းသိမ်းတဲ့ကျောင်းတစ်ခုရှိခဲ့ပါတယ်။ ဒီကျောင်းဟာတော့ အပြင်ပန်းမှာတော့ ငွေကြေးမတတ်နိုင်တဲ့ကျောင်းသားတွေ ထူးချွန်ပေမယ့်လည်း ဘဝအခွင့်အရေးမပေးတဲ့ လူမည်းတွေကို လူမည်းတွေသီးသန့်အခွင့်ရေးပေးတဲ့ဘော်ဒါကျောင်းအဖြစ် ရည်ရွယ်ထားခဲ့တာပါ။ ဒါပေမဲ့ဖြစ်ချင်တော့ အဲဒီကျောင်းဟာ လူအများသိသလို ပရဟိတကျောင်း ဟုတ်မနေဘဲနဲ့ အတွင်းပိုင်းမှာကျောင်းသားတွေကို နှိပ်စက်ပြီး ကျွန်သဖွယ် ကျောင်းကိုဦးစည်းနေတဲ့သူတွေအတွက် အလုပ်လုပ်ပြီး ငွေရှာခိုင်းတဲ့ အဖွဲ့အစည်းတစ်ခုဖြစ်နေပါတယ်။ တစ်နေ့ အယ်လ်ဝုဒ်လို့ခေါ်တဲ့ကျောင်းသားလေးဟာ အထက်တန်းကျောင်းမှာ ထူးချွန်ပြီး နစ်ကယ်အကယ်ဒမီကိုရောက်သွားခဲ့ပါတယ်။ အယ်လ်ဝုဒ်ကျောင်းထဲရောက်သွားတဲ့အခါမှာ ကျောင်းထဲကသူ့လို တခြားသူတွေ ဘယ်လိုဘဝမျိုးရောက်နေလဲဆိုတာကို ဒီဇာတ်ကားထဲမှာမြင်တွေ့ရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (6.1 GB) / (2.1 GB) / (1.8 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Drama Duration….02:20:06 Subtitle….Myanmar Subtitle (Hardsub) Encoder….Benjamin Translated by Mark

The Burial (2023) ~ IMDb - 7.1/10, Rotten Tomatoes - 91% ~ ဒီကားမှာ ကားမရိုက်တာ နည်းနည်းတော့ကြာပြီဖြစ်တဲ့ Tommy Lee Jones ကြီးက စကေးပြန်ပြထားသလို Jamie Foxx လည်းပါပါတယ်။ The Great Debaters တို့ Birds of Prey တို့ Lovecraft Country တို့မှာ သရုပ်ဆောင်စွမ်းပြခဲ့ဖူးတဲ့ Jurnee Smollett လည်းပါပါတယ်။ ဒီထဲလည်း စကေးထပ်ပြပြန်တာပါပဲ။ ဒီကားကို ဖြစ်ရပ်မှန်ဇာတ်လမ်းပေါ် အခြေတည်ထားတယ်။ အော်စကာဝိုင်းလား မတ်တွိုင်းရဲ့စကားလားတော့မသိဘူး။ တစ်ခါတခါ လက်တွေ့ဘဝက ဖစ်ရှင်တွေထက် ပိုဆန်းကြယ်တယ်ဆိုတဲ့ စကားလိုပဲ။ ဒီဖြစ်ရပ်မှန်ကလည်း သောက်ဆန်းကြီးပါပဲ။ ပြောရရင် ဒီကားထဲ တွမ်မီလီဂျုန်းကြီးက သုဘရာဇာလုပ်တာ... သုဘရာဇာလုပ်ငန်းကို ပရော်ဖက်ဆာဒေါက်တာဆိတ်ဖွားလို မျိုးနဲ့ရိုးနဲ့လုပ်လာတာ။ သူမွေးထားတဲ့ များပြားလှတဲ့ သားသမီးမြေးမြစ်တွေကို အမွေပေးဖို့ လုပ်ငန်းခွဲတွေ အများကြီးထောင်ထားတယ်။ သင်္ချိုင်းအာမခံအလုပ်လည်း ထောင်ထားတယ်။ ဒါပေမဲ့ အာမခံငွေတွေ အကုန်ထုတ်သုံးလိုက်မိရာက အာမခံလုပ်ငန်းစစ်ဆေးရေးက သူ့အာမခံလုပ်ငန်းလိုင်စင်ကိုသိမ်းဖို့ဖြစ်လာရာက သူ့နာရေးလုပ်ငန်းတွေထဲက ၃ခုကို နာရေးလုပ်ငန်းတွေအကုန်ဝယ်ချင်နေတဲ့ ဘဲတစ်ပွေကို ရောင်းဖို့ကြံတယ်။ ဟိုဘဲက ဒီဈေးကွက်ကို အပိုင်အုပ်ချင်တာဆိုတော့ တွမ်မီလီဂျုန်းဆီ ဘာမှမကျန်အောင် လုပ်ချင်တယ်။ ဒီတော့ ငွေမချေသေးဘဲ အေးဆေးထိုင်စောင့်နေတယ်။ ဒီတော့ တွမ်မီလီဂျုန်းကြီးက တရားစွဲရဖို့ အကြောင်းဖန်လာရော။ သူငှားတဲ့ရှေ့နေက ဂျေမီဖောက်စ်။ ဒီရှေ့နေကလည်း ငစား။ သက်တမ်း၁၂နှစ်မှာ တစ်မှုမှမရှုံးဖူးဘူး။ ဆန်းလည်းမဆန်းဘူး။ ရှုံးမယ်ထင်ရင် မလိုက်ဘူးလေ။ ပြီးတော့ ထိခိုက်နစ်နာမှု တစ်မျိုးပဲကိုင်တာ။ ဒီအမှုက စာချုပ်ဖောက်ဖျက်မှုလိုလို ဘာလိုလိုဆိုတော့ သူ့လိုင်းတော့ ဟုတ်မနေဘူး။ ဒါပေမဲ့ နားချကောင်းတော့ ဒီအမှုကိုလိုက်ဖို့ အကြောင်းဖန်လာရော။ လက်ဝါးကြီးအုပ်ချင်တဲ့လုပ်ငန်းစုကြီးကို သူတို့အတူတိုက်ခိုက်ကြရော။ တရားရေးကားဆိုပေမဲ့ တရားရေးထက်ပိုသလို ဖြစ်ရပ်မှန်ကို အခြေတည်ထားတယ်ဆိုပေမဲ့ မြင်နေကျ တရားခွင်ကားတွေနဲ့ မတူတာတော့အမှန်ပဲ။ သုဘရာဇာကြီးရယ် ဂျက်လေယာဉ်စီးတဲ့ရှေ့နေကြီးရယ် သင်္ချိုင်းလုပ်ငန်းကို လက်ဝါးကြီးအုပ်ချင်တဲ့ သင်္ချိုင်းဂိုဏ်းချုပ်ဖြစ်ချင်တဲ့လူကြီးရယ် တရားခွင်တက်ပြီး ပြိုင်ကြဆိုင်ကြမှာကို ကြည့်ရမယ့် အရသာရှိတဲ့ ရုပ်ရှင်ကောင်းပါပဲ။ သရုပ်ဆောင်တွေလည်းလန်းသလို ဇာတ်လမ်းလည်းကောင်းသလို အင်တာနေရှင်နယ်မူဗီဒေတာဘေ့စ် ရိတ်တင်လည်း ၇ အထက်ရှိတာမို့ ချေးများတဲ့လူတွေတောင် ကြိုက်လောက်မယ့်ရုပ်ရှင်ပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.35GB, 980MB Quality - 1080p, 720p IMDb Rating - 7.1/10 Format - mp4 Duration - 2H 6Min Genre - Drama Subtitle - Myanmar Subtitle (Hardsub) Translated by WiRa Aung Encoded by Y

တစ်ချိန်က သိပ်ချစ်ခဲ့ကြတဲ့ လင်မယားနှစ်ယောက်ဟာ အချိန်ကြာလာတော့ တစ်ယောက်ကိုတစ်ယောက် ငြီးငွေ့ပြီး အပြစ်မြင်လာကြပါတယ်။ ဇနီးက ခင်ပွန်းကို ပျင်းစရာကောင်းသူလို့ မြင်နေသလို ခင်ပွန်းကလည်း ဇနီးဟာ သူ့ကို အလေးမထားတော့ဘူး၊ မချစ်တော့ဘူးလို့ ခံစားနေရတယ်။ လွတ်လွတ်လပ်လပ်နေတတ်တဲ့ ဇနီးက အိမ်ထောင်မရှိသလို နေထိုင်လာတဲ့အခါ ချစ်နေသေးတဲ့ ခင်ပွန်းမှာ သဝန်တိုစိတ်တွေ ဝင်လာပါတယ်။ ဒီအိမ်ထောင်ရေးက ဇနီးနဲ့ရင်းနှီးတဲ့ မိတ်ဆွေတစ်ယောက် ပျောက်ဆုံးသွားရာက ပိုရှုပ်ထွေးလာတယ်။ ခင်ပွန်းဖြစ်သူက အဲဒီလူကို သူသတ်လိုက်သလိုလို အပေါင်းအသင်းတွေနဲ့ ဇနီးရဲ့မိတ်ဆွေသစ်တွေကြားမှာ ဂုဏ်ယူပြီး လျှောက်ပြောနေတော့ လူတွေက သူ့ကို သံသယဝင်လာကြပါတယ်။ တစ်နေ့ သူတို့အိမ်မှာ ပါတီလုပ်နေချိန် ဇနီးရဲ့မိတ်ဆွေသစ်တစ်ယောက် ရေကူးကန်ထဲမှာ သေဆုံးသွားပြန်တယ်။ Ben Affleck နဲ့ Ana de Armas တို့ အဓိကပါဝင်ထားတဲ့ ဒီသည်းထိတ်ရင်ဖိုဇာတ်ကားမှာ လိင်ပိုင်းဆိုင်ရာနဲ့ ကြမ်းတမ်းတဲ့ ဇာတ်ကွက်တွေ ပါဝင်ပါတယ်။

Synchronic (2019) IMDb Rating - 6.3/10 Rotten Tomatoes 81% November 2020 မှာထွက်ရှိထားတဲ့ Drama, Horror, Sci-Fi ကားလေးကို တင်ဆက်ပေးချင်ပါတယ်။ စတိဗ်နဲ့ ဒန်းနစ်စ်တို့ သူငယ်ချင်းနှစ်ယောက်ဟာ ဆေးဘက်အကူ၀န်ထမ်းတွေပဲဖြစ်ပါတယ်။ တစ်နေ့ သူတို့သွားရောက်ကူညီရတဲ့ နေရာတိုင်းမှာ ဒဏ်ရာရသူတွေ သာမန်မဟုတ်ဘဲ ထူးဆန်းတဲ့ အခြေအနေတွေနဲ့ သေဆုံးသူဆိုရင်လည်း ထူးဆန်းတဲ့ လက္ခဏာတွေနဲ့ သေဆုံးနေတာကို ကြုံလာရ ပါတော့တယ်။ သေသေချာချာစုံစမ်းပြီးတဲ့ နောက်မှာ ဒီလိုဖြစ်ရပ်တွေဟာ synchronic ဆိုတဲ့ ဆေး တစ်မျိုးကြောင့်ဖြစ်တာကို သိရှိလိုက်ရပါတယ်။ ဒီကိစ္စကို လိုက်လံဖြေရှင်းနေရင်းမှ ဒန်းနစ်စ်ရဲ့ သမီးဖြစ်သူကပါ ဒီဆေးသုံးမိပြီး ပျောက်ဆုံးသွားပါ တော့တယ် ......... synchronic ဆိုတဲ့ ဆေးဟာ ဘယ်လိုဆေးမျိုးလဲ ဒီဆေးသုံးတဲ့သူတိုင်း ဘာကြောင့် ဒီလိုတွေဖြစ်ကုန် ကြတာလဲ ဆိုတာကို စိတ်ဝင်တစားနဲ့ကြည့်ရှုရမယ့် ဇာတ်ကားကောင်းလေးပါ။ ဒီဇာတ်ကားမှာ မင်းသား Jamie Dornan နဲ့ Anthony Mackie တို့က ဒန်းနစ်စ်နဲ့ စတိဗ်အဖြစ် သရုပ်ဆောင်ထားပြီး တကယ်ကို စိတ်၀င်စားဖို့ကောင်းတဲ့ ဇာတ်ကားတစ်ကားဖြစ်လို့ လက်မလွှတ်တမ်း ကြည့်ဖို့ တိုက်တွန်းလိုက်ပါရစေ။ (ဒီဇာတ်ကားရဲ့ အညွှန်းကို Yoon Sandi Aung မှရေးသားပေးပြီး ဘာသာပြန်ပေးသူများကတော့ Jerrica, Yoon Sandi Aung တို့ပဲဖြစ်ပါတယ်။) Quality – 1080p, 720p WebRip 5.1CH Duration - 1h 42min Subtitle – Myanmar Hardsub Format – Mp4 Genre :  Drama, Horror, Sci-Fi Source : 1080p.WebRip Translator –  Jerrica, Yoon Sandi Aung Encoder – SWM

IMDb Rating - 6.1/10 #Unicode August 14 ရက်နေ့က Netflix ကနေပြသသွားတဲ့ Action, Crime, Sci-Fi ကားကောင်းလေးကို တင်ပေးချင်ပါတယ်။ ဇာတ်လမ်း အကျဥ်းလေးကိုပြောပြရရင်တော့ . . . နယူးအော်လင်းမြို့ရဲ့ လမ်းတွေပေါ်မှာ ဆေး အသစ်အဆန်းတစ်မျိုးရဲ့ သတင်းက ပျံ့နှံနေပါတယ်။ ထိုဆေးက မူးယစ်စေတဲ့ ဆေးမဟုတ်ဘဲ သောက်လိုက်တဲ့လူကို ၅ မိနစ်ခန့် စူပါစွမ်းအားပေးတဲ့ဆေးပါ။ ကိုယ်က ဘာအစွမ်းရမယ်ဆိုတာကိုတော့ သောက်ပြီးမှပဲ သိရမှာပါ။ တစ်ချို့က ကိုယ်ပျောက်နိုင်တယ်။ တစ်ချို့က သေနတ်ပြီး တယ်။ အဲဒီလိုကွဲပြားတဲ့ အစွမ်းတွေပေးတဲ့ဆေးကို အသုံးချပြီး လူတွေက ပစ်မှုတွေ ကျူးလွန်လာတဲ့အခါမှာတော့ ရဲတွေအနေနဲ့ ဘယ်လိုဖြေရှင်းကြမလဲ။ ဒီဆေးတောင့်တွေ ဘယ်ကရောက် လာတာလဲ။ ဒီဆေးကိုဖန်တီးရတဲ့ ရည်ရွယ်ချက်ကဘာလဲ ဆိုတာကို ဆက်လက်ကြည့်ရှုလိုက်ပါ။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Htet Wai Lwin ပဲဖြစ်ပါတယ်။) Quality –  1080p, 720p WebRip Duration - 1hr 51 min Subtitle – Myanmar Hardsub Format – Mp4 Genre : Action, Crime, Sci-Fi Source : 1080p.WebRip Translator – Htet Wai Lwin Encoder – SWM

Black & Blue (2019) နယူးအော်လန်ရဲ့ ရဲတပ်ဖွဲ့မှ အမျိုးသမီးရဲမေလူသစ်လေး အလီရှာဟာ မူးယစ်တိုက်ဖျက်အဖွဲ့တစ်ဖွဲ့က မူးယစ်ဆေးရောင်းသူတွေကို အသေပစ်သတ်နေတဲ့ ဗီဒီယိုကို သူ့ကိုယ်ပေါ်မှာတပ်ဆင်ထားတဲ့ ကင်မရာမှတစ်ဆင့် ရိုက်ကူးထားမိတယ်... လူသတ်မှုကို ကျူးလွန်တဲ့ လူသတ်သမားဟာ လာဘ်စားမှုကို ကျူးလွန်နေတဲ့ မယ်လွန်းဟုခေါ်သောရဲနှင့် သူတို့အဖွဲ့ဖြစ်တာကိုသိလိုက်ရတော့ သူ့မအသက်ဘေးက လွတ်အောင် သူမကိုကူညီမယ့် သူ့ငယ်သူငယ်ချင်းရဲ့ အစ်ကိုဝမ်းကွဲရဲ့ အကူအညီကို ရခဲ့ပါတယ်... အသတ်ခံရတဲ့ဆေးရောင်းတဲ့ ဇီးရိုးဆိုသူမှာ ကင်းစတန်းအဖွဲ့ခေါင်းဆောင် ဒဲရီးယက်စ်ရဲ့ တူသားတော်သူဖြစ်နေလို့ မယ်လွန်းရဲ့စကားကို နားယောင်ကာ အလီရှာနောက်ကို ဒဲရီးယက်စ်က လိုက် မယ်လွန်းက လိုက်နှင့် အသက်ဘေးကလွတ်အောင် ဘယ်လိုတွေရှောင်တိမ်းကြမလဲ... သူ့ဆီမှာရှိတဲ့အမှန်တရားကိုရိုက်မိထားတဲ့ ကင်မရာကိုရော စခန်းရောက်အောင် ဘယ်လိုပို့ပေးမလဲဆိုတာကို ဇာတ်လမ်းလေးကြည့်ရင်း စီးမျောကြတာပေါ့နော်... လှုပ်လှုပ်ရှားရှား ကြိုက်နှစ်သက်သူတွေအတွက် လက်လွတ်မခံသင့်တဲ့ IMDb 5.9 ရှိတဲ့ ဇာတ်ကားကောင်းလေးဖြစ်ပါတယ်.... File Size : (2 GB)/(1 GB) Quality : Web (1080p 5.1,720p,480p) Running Time : 1h48min Format : Mp4 Genre : Action,Drama,Crime Subtitle : Myanmar Subtitle (Hard Sub) Source : 1080p.web.x264 Translateor : HtooHtooKaJoe Encoder: sithu

"Green Book" ဟာ ၂၀၁၉ ခုနှစ် အော်စကာဆုပေးပွဲမှာ 'အကောင်းဆုံး ဇာတ်ကားဆု (Best Picture)' နှင့် 'အကောင်းဆုံး ဇာတ်ညွှန်းဆု (Best Original Screenplay)' အပါအဝင် ဆုကြီးသုံးဆုကို ဆွတ်ခူးနိုင်ခဲ့တဲ့ အတ္ထုပ္ပတ္တိ၊ ဟာသနှင့် ဒရာမာ (Biography / Comedy-Drama) ရသပေါင်းစပ်ထားတဲ့ ဇာတ်ကားကောင်းတစ်ကား ဖြစ်ပါတယ်။ ဖြစ်ရပ်မှန်ကို အခြေခံထားပြီး လူမျိုးရေးခွဲခြားမှု ပြင်းထန်တဲ့ခေတ်က အမေရိကန်တောင်ပိုင်းဒေသကို နောက်ခံထား ရိုက်ကူးထားတာဖြစ်ပါတယ်။ 1962 ခုနှစ်တွေမှာ အမေရိကန်မှာ လူမည်းဖြစ်ရတာသိပ်တော့မလွယ်လှပါဘူး။ အထူးသဖြင့် အမေရိကားရဲ့ တောင်ဘက် ပြည်နယ်တွေမှာဆိုရင်ပေါ့။ ၁၉၆၂ ခုနှစ် နယူးယောက်မြို့မှာ အီတလီ-အမေရိကန် ကလပ်လုံခြုံရေး ဝန်ထမ်းတစ်ဦးဖြစ်တဲ့ တိုနီ လစ်ပ် ဟာ အလုပ်ပြုတ်နေချိန်မှာ ကမ္ဘာကျော် လူမည်း စန္ဒရားပညာရှင် ဒေါက်တာ ဒွန် ရှာလီ ထံမှာ ကားဆရာအဖြစ် အလုပ်ရခဲ့ပါတယ်။ ဒေါက်တာ ရှာလီဟာ အမေရိကန်တောင်ပိုင်းပြည်နယ်တွေကို လှည့်လည်ဖျော်ဖြေဖို့ စီစဉ်ထားပြီး အဲဒီအချိန်က တောင်ပိုင်းဟာ လူမည်းတွေအပေါ် ခွဲခြားဆက်ဆံမှု အလွန်ဆိုးရွားတဲ့ နေရာဖြစ်ပါတယ်။ ဒါကြောင့် ခရီးစဉ်တစ်လျှောက် လူမည်းတွေ လုံခြုံစွာ တည်းခိုစားသောက်နိုင်တဲ့ နေရာတွေကို ညွှန်ပြထားတဲ့ "Green Book" (အစိမ်းရောင်စာအုပ်) ကို အသုံးပြုပြီး သူတို့နှစ်ဦးရဲ့ ခရီးစဉ်ကို စတင်ခဲ့ကြပါတယ်။ ဒီဇာတ်ကားရဲ့ အသက်ကတော့ မင်းသားနှစ်လက်ရဲ့ သရုပ်ဆောင်မှုပါပဲ။ တိုနီဟာ စကားကြမ်းကြမ်းပြောတတ်၊ အစားအသောက်မက်ပြီး ပညာတတ်မဟုတ်သလို လူမည်းတွေအပေါ် ကြိုတင်ကောက်ချက်ချတတ်သူပါ။ ဒေါက်တာ ရှာလီကတော့ ပညာတတ်၊ အနေအထိုင် ကျော့ရှင်းပြီး စည်းကမ်းကြီးသူ ဖြစ်ပါတယ်။ ဒီလို လုံးဝဆန့်ကျင်ဘက်ဖြစ်နေတဲ့ လူနှစ်ယောက် ခရီးသွားရင်း တစ်ယောက်အကြောင်း တစ်ယောက် နားလည်လာကြတဲ့ ဖြစ်စဉ်ကို သဘာဝကျကျနဲ့ ရယ်မောဖွယ်ရာ တင်ဆက်ထားပါတယ်။ ရေပူနဲ့ ရေအေး ရောသလိုပါပဲ။ နောက်ဆုံးမှာတော့ ရေပူကလည်း မပူတော့သလို ရေအေးကလည်း မအေးတော့ပဲ တယော်ကနဲ့ တယောက်နားလည်သွားတဲ့ သီအိုရီကို ပြထားတာ နှလုံးအေးချမ်းစရာပါ။ လူမျိုးရေးခွဲခြားမှု ဆိုတဲ့ လေးနက်ပြီး အထိခိုက်မခံတဲ့ အကြောင်းအရာကို ဒါရိုက်တာ Peter Farrelly က ဟာသနှောပြီး နှလုံးသားကို နွေးထွေးစေမယ့် ပုံစံမျိုးနဲ့ အကောင်းဆုံး ပုံဖော်သွားပါတယ်။ ဒေါက်တာ ရှာလီဟာ စင်မြင့်ထက်မှာ လူဖြူတွေရဲ့ လက်ခုပ်တီး အားပေးမှုကို ရပေမယ့် စင်အောက်ရောက်တာနဲ့ သာမန်လူမည်းတစ်ယောက်လို အဖိနှိပ်ခံ၊ ခွဲခြားဆက်ဆံခံရပုံတွေကို ကြည့်ရှုသူ ရင်ထဲထိအောင် ရိုက်ပြနိုင်ခဲ့ပါတယ်။ ဒီဇာတ်ကားဟာ ခွဲခြားဆက်ဆံမှုတွေကို ဘယ်လိုချေဖျက်မလဲဆိုတာထက် လူသားအချင်းချင်း မေတ္တာတရား၊ နားလည်ပေးမှုနဲ့ မိတ်ဆွေစစ်ဆိုတာ ဘာလဲဆိုတာကို မီးမောင်းထိုးပြထားပါတယ်။ ကိုယ့်ရဲ့ အတ္တနဲ့ အစွဲတွေကို ဖယ်ချပြီး တစ်ဖက်လူရဲ့ နေရာကနေ ဝင်ရောက်ခံစားပေးတတ်ဖို့ကိုလည်း ပညာပေးထားပါတယ်။ ဇာတ်ကားအဆုံးမှာတော့ ကြည့်ရှုသူတိုင်းရဲ့ ရင်ထဲမှာ ကြည်နူးမှု ကို အသေအချာ ခံစားရစေမှာပါ။ "Green Book" ဟာ ရယ်မောရသလို မျက်ရည်လည်း လည်စေမယ့်၊ တွေးတောဆင်ခြင်စရာတွေလည်း ပေးစွမ်းနိုင်တဲ့ ဇာတ်ကားကောင်း တစ်ကားဖြစ်ပါတယ်။ သရုပ်ဆောင်မှု၊ ဇာတ်ညွှန်း၊ ဇာတ်ဝင်တေးဂီတကအစ အားလုံး ပြီးပြည့်စုံတဲ့အတွက် ရုပ်ရှင်ချစ်သူတိုင်း (အထူးသဖြင့် Feel-good / Road-trip ကားတွေ ကြိုက်တတ်သူတိုင်း) ဘဝမှာ မဖြစ်မနေ ကြည့်ရှုသင့်တဲ့ ရုပ်ရှင်ကားကောင်းတစ်ကားအဖြစ် ညွှန်းဆိုလိုက်ပါတယ်။ File size…    7,2 GB/2.16 GB / 1,1 GB Quality… Blu-ray 4K/1080p / 720p Format… mp4 Duration…. 2h 10m Genre ..... Comedy,Drama , Hstory Subtitle…. Myanmar Subtitle (Hard Sub)

CM ပရိသတ်ကြီးတို့ကို Sci-fi ဇာတ်ကားလေးတစ်ကားနဲ့ မိတ်ဆက်ပေးချင်ပါတယ်။ ရှုပ်ရှုပ်ယှက်ယှက်နဲ့ သိပ္ပံဗဟုသုတ အများကြီးရှိမှ ကြည့်လို့နားလည်မယ့် ဇာတ်ကားမျိုးလည်း မကြည့်ချင်ဘူး Sci-fi အမျိုးအစားလည်း ကြည့်ချင်တယ်ဆိုရင်တော့ ဒီကားလေးက သေချာပေါက် ပရိသတ်ကြီးတို့အကြိုက်ပါ။ ဇာတ်ကားနာမည်လေးက Midnight Special လို့ ခေါ် ပြီးတော့ ၂၀၁၆ ခုနှစ်က ထွက်ရှိခဲ့တဲ့ ဇာတ်ကားလေးပါ။ ဇာတ်လမ်းအကျဉ်းကို ပြောပြရရင်တော့ အယ်တွန်မာယာလို့ခေါ်တဲ့ အသက် ၈ နှစ်အရွယ်ကောင်လေးကို အဖေဖြစ်သူ ရွိုင်တွန်လင်က ပြန်ပေးဆွဲသွားရာကနေ ဇာတ်လမ်းအစပြုပါတယ်။ အဖေအရင်းက ပြန်ပေးဆွဲတယ်ဆိုလို့ မအံ့ဩပါနဲ့။ တကယ်တော့ အယ်တွန်ကို ရန့်ချ်လို့ခေါ်တဲ့ ဘာသာရေးအဖွဲ့အစည်းခေါင်းဆောင်က မွေးစားထားတာပါ။ အယ်တွန်လေးက သူများနဲ့မတူဘဲ စူပါမန်းလို မျက်လုံးကနေ ရောင်ခြည်တွေထွက်တတ်တဲ့ ကလေးဖြစ်နေတာပါ။ ကလေးဟာ နေရောင်ထဲကို ထိလို့မရသလို သူ့အစွမ်းအရှိန်က ပစ္စည်းတွေကို ကွဲကြေပျက်စီးစေပါတယ်။ ဒါပေမဲ့ ရန့်ချ်အဖွဲ့အစည်းကတော့ ဒါဟာ ဘုရားသခင်က ဆက်သွယ်တာဆိုပြီး ယုံကြည်ကြတယ်။ ကလေးရဲ့ နာကျင်မှုတွေကို မမြင်ရက်တော့တဲ့အဆုံးမှာ အဖေဖြစ်သူက ကလေးကိုခေါ်ပြီး ထွက်ပြေးခဲ့တာပါ။ တစ်ချိန်တည်းမှာပဲ အစိုးရဘက်ကလည်း ဒီကလေးကို လက်နက်တစ်ခုလို့သဘောထားပြီး လိုက်လံရှာဖွေခဲ့ပါတယ်။ ဆိုတော့ အယ်တွန်လေးက ဘာလို့အစွမ်းတွေရှိနေတာလဲ၊ သူတို့တွေ ဘယ်ကိုထွက်ပြေးကြမလဲ၊ ထွက်ပြေးတဲ့ လမ်းတစ်လျှောက်မှာရော ဘယ်လိုထူးဆန်းထွေလာ ဖြစ်ရပ်တွေကို ကြုံတွေ့ရမလဲ၊ ဘာသာရေးအဖွဲ့အစည်းနဲ့ အစိုးရအဖွဲ့အစည်းတွေက ဘယ်လိုမျိုးဆက်လုပ်ဆောင်ကြမလဲဆိုတာကိုတော့ ပရိသတ်ကြီးတို့ကိုယ်တိုင် ဒီဇာတ်ကားထဲမှာပဲ ကြည့်ရှုလိုက်ကြပါနော်။ File size…    1.4 GB /  630 MB Quality… BluRay 1080p / 720p Format… mp4 Duration…. 1h 52m Genre ..... Drama/Sci-Fi Subtitle…. Myanmar Subtitle (Hard Sub) Encoder…. Thit San Khant Translated by Elizabeth Khant

ဒီ Free State of Jones ဇာတ်ကားဟာဖြင့်အမေရိကန်ပြည်တွင်းစစ်အတောအတွင်းဖြစ်ပွားခဲတဲ့ ဖြစ်ရပ်မှန်ဇာတ်လမ်းတစ်ခုကိုအခြေခံထားတဲ့ကားကောင်း တစ်ကားပါပဲ။ဒီဇာတ်လမ်းမှာ ဆင်းရဲသားတွေနဲ့လူချမ်းသာတွေရဲ့ တဖြည်းဖြည်းကွာဟလာတဲ့ ဘဝတွေကိုပေါ်လွင်အောင်ပြထားနိုင်တယ်လို့ချီးမွမ်းကြပါတယ်။ ဒီဇာတ်လမ်းမှာNewton Knight ဆိုတဲ့ ဆင်းရဲသားလယ်သမားတစ်ယောက် ဦးဆောင်တဲ့ လွတ်မြောက်လာတဲ့ကျွန်တွေ၊ဆင်းရဲသားတွေရဲ့ တော်လှန်ပုံ ကိုပီပီပြင်ပြင်ပုံဖော်ထားလို့ ကြည့်သင့်တဲ့ကားကောင်းတစ်ကားလို့ပြောရမှာပါ (ဇာတ်လမ်းအညွန်းကိုတော့ Shocking Pink မှရေးသားပေးထားတာဖြစ်ပါတယ်) File Size : 1 GB /500 MB Quality : Blu ray 720P Running Time : 2hr 15 minute Format : Mp4 Genre : Action, Biography, Drama Encoder : Thanhtike Zaw

ဒီဇာတ်ကားရဲ့ ဒါရိုက်တာက Max Landis ဖြစ်ကာ သရုပ်ဆောင်တွေကတော့ Social Network ဇာတ်ကားထဲကမင်းသား Jessie Eisenberg ဖြစ်ကာ မင်းသမီးကတော့ Twilight ဇာတ်ကားတွေနဲ့ နာမည်ကျော်လာသည့် Kristen Stewart တို့ကအဓိကပါဝင်သရုပ်ဆောင်ထားတာပါ။ CIA အေးဂျင်ဟောင်း Mike Howell ဆိုသည့် လူရိုးလူအေးတစ်ယောက်ဟာ West Virginia က Liman ဆိုသည့် မြို့ကလေးမှာနေထိုင်လျက်ရှိတာပါ။ သူရဲ့အလုပ်ကစတိုး ဆိုင်စာရေးဖြစ်ကာ ကာလရှည်တွဲလာခဲ့သည့် ချစ်သူ Phoebe Larson ဆိုသည့်မိန်းကလေးကိုလည်း လပ်ထပ်ခွင့်တောင်းဖို့ ကြံရွယ်နေတာပဲဖြစ်ပါတယ်။ တစ်ချိန်တည်းမှာပဲ CIA ဌာနချုပ် Langley မှာရှိသည့် CIA အေးဂျင်း Victora Lasseter ဆိုသူကလည်းသူမ မအောင်မြင်ခဲ့သည့် Ultra ဆိုသည့်ပရိုဂရမ်က တစ်ဦးတည်းကျန်နေသည့်သူ့ကို သူမရဲ့ပြိုင်ဖက် Adrian Yates ဆိုသူကအစဖျောက်ပစ်ဖို့လုပ်နေတာကိုတွေ့လိုက်ရပါတယ်။ သူမရဲ့ပရိုဂရမ်ကမအောင်မြင်ခဲ့ပေမယ့် Adrian ကတော့သူရဲ့ Tough Guy ဆိုသည့်ပရိုဂရမ်ကအောင်မြင်မှုရထားတာပါ။ Adrian ကသူ့ရဲ့ Tought Guy ကလူတွေကိုစေလွှတ်ကာ Ultra အေဂျင့်လက်ကျန်ကို ရှင်းခိုင်းလိုက်ပါတယ်။ အဲ့ဒိမှာပဲ Lasseter က Mike ကို ဆက်သွယ်ခဲ့ပါတော့တယ်။ Adrian ရဲ့လူတွေက Mike ရဲ့ကားကိုဗုံးထောင်ကာသူ့ကိုလည်းတိုက်ခိုက်လာပါတော့ တယ်။ Mike က ဒီလူတွေကိုရှင်းပစ်လိုက်ကာ သူ့ရည်းစား Phoebe ထံဖုန်းဆက်ပြီးနောက်မှာတော့ သူတို့နှစ်ဦးသားလူသတ်မှုဖြင့်ရဲစခန်းရောက်သွားပါတော့တယ်။ Adrian ကရဲစခန်းကိုလူတွေထပ်မံစေလွှတ်ကာ Mike တို့ကို သတ်ခိုင်းခဲ့ပေမယ့်လွတ်သွားခဲ့ပြန်ပါတယ်။ ဒီနောက်မှာတော့ Mike ရဲ့သူငယ်ချင်းဖြစ်သည့် Rose ရဲ့အိမ်ကိုသွား ရောက်ကာပုန်းနေပါတော့တယ်။ Adrian ကတော့ တစ်မြို့လုံးကိုပိတ့်ဆို့ထားပြီး Rose ရဲ့အိမ်ကိုမေ့ ဆေးဓါတ်ငွေ့လွှတ်ကာတိုက်ခိုက်ရာမှာတော့ Rose တစ်ယောက်သေဆုံးသွားခဲ့ပါတော့တယ်။ Mike ကတော့ Phoebe ရဲ့ကယ်တင်မှုကြောင့် လွတ်မြောက်ခဲ့ရပြန်ပါတယ်။ CIA ရဲ့လုပ်ပုံလုပ်နည်းတွေကို Phoebe တစ်ယောက်သိနေသည့် အတွက်မေးရာမှာတော့ သူမဟာ Mike ကိုထိန်းချုပ်နေရသည့်သူဖြစ်ကြောင်းသိလိုက်ရ ပြီး နောက်မှာတော့ . . . . . . . . . .။ (ရုပ်ရှင်အညွှန်းကို Mr.Black FB Page မှကူးယူဖော်ပြပါသည်။) File size...(800MB) Quality...WEB-Rip 720p Format...mp4 Duration....01:35:33 Subtitle....Myanmar Subtitle (Hardsub) Encoder....Nyeinsaeya Aung