Sandrine Bisson ပါဝင်သော ဇာတ်ကားများ

The Furies (2025) IMDb Rating (6.8) The Furies (Les Fluries) ဟာ ရိုလာဒါဘီဆိုတဲ့ အမျိုးသမီးအားကစားနည်းကိုအခြေခံတဲ့ အားကစားဟာသဇာတ်မြူးကားကောင်းတစ်ကားပါ။ အားကစားဆိုရင် မြင်တွေ့နေကျ အမျိုးသားအခြေပြုအားကစားတွေကိုဦးမတည်ပဲ အမျိုးသမီးတွေ၊ အထူးသဖြင့် လူ့အသိုင်းအဝိုင်းရဲ့အပယ်ခံတွေ၊ လူများစုနဲ့ဓာတ်မတည့်သူတွေ Misfits တွေနဲ့ဖွဲ့စည်းထားတဲ့ အသင်းတစ်ခုကိုအခြေခံထားတာဖြစ်လို့စိတ်ခွန်အားရစရာ တစ်ချိန်တည်းမှာပဲကြည်နူးပျော်ရွှင်မှုတွေကိုပါ ခံစားရအောင်တင်ဆက်နိုင်တဲ့ ဇာတ်လမ်းလေးတစ်ခုပါ။ ဇာတ်လမ်းအကျဉ်းအနေနဲ့တော့ ကွီဗက်ပြည်နယ်က မြို့ငယ်လေးတစ်မြို့မှာအခြေခံထားပါတယ်။ ဘ၀မှာအဆင်မပြေမှုတွေနဲ့ရင်ဆိုင်နေရတဲ့ အသက်အရွယ်စုံ၊ နောက်ခံဇာတ်ကြောင်းပေါင်းစုံနဲ့အမျိုးသမီးတစ်စုဟာသူတို့ရဲ့စိတ်ဖိစီးမှုတွေနဲ့ဒေါသတွေကိုဖြေဖျောက်ဖို့ ရိုလာဒါဘီ အသင်းတစ်ခုကိုဖွဲ့စည်းခဲ့ပါတယ်။ အစပိုင်းမှာတော့ငွေမရှိ၊ ဝတ်စုံမရှိ၊ ကစားကွင်းမရှိတဲ့ အခက်အခဲတွေကို ရင်ဆိုင်ရပေမယ့် သူတို့ရဲ့စည်းလုံးမှုနဲ့ဘယ်သူ့ကိုမှ ဂရုမစိုက်ဘူးဆိုတဲ့ စိတ်ဓာတ်ကြောင့် သူတို့ဝန်းကျင်ကလူတွေရဲ့အမြင်တွေကိုပြောင်းပြန်လှန်နိုင်ခဲ့ပုံတွေကို ရှုစားရမှာဖြစ်ပါတယ်။ ဟာသဘက်ယိမ်းပြီး ပေါ့ပေါ့ပါးပါးသွားထားလို့ တကယ်ရယ်ရသလို၊ မိခင်ဘ၀ အမျိုးသမီးအခွင့်အရေး လူမှုရေးဖိအားတွေနဲ့ရင်ဆိုင်ရပုံတွေကို ပညာသားပါပါထည့်သွင်းထားတာကိုခံစားရမှာပါ။ File size… (1.7 GB) / (1 GB) Quality…. WEB-Rip 1080p HEVC / 720p Format…. mkv/mp4 Genre…. Comedy Duration…. 01:48:00 Subtitle…. Myanmar Subtitle (Hardsub)

1995 (2024) IMDb Rating (6.9) 1995 ခုနှစ်ဆိုတဲ့ခုနှစ်က တချို့သောသူတွေအတွက် အမှတ်တရတွေ အောင်မြင်မှုတွေ ကျရှုံးမှုတွေ ဝမ်းနည်းစရာတွေ ဝမ်းသာစရာတွေရှိခဲ့ဖူးတဲ့ နှစ်တစ်နှစ်ဖြစ်နိုင်သလို အဲ့ဒီအချိန်ကာလမှာမမွေးဖွားသေးတဲ့လူတွေလည်းအများကြီးရှိပါတယ်။ ဒါပေမယ့် ရီကာဒိုထရိုဂျီဆိုတဲ့ ကနေဒါ ရုပ်ရှင်ရိုက်ကူးသူတစ်ယောက်အတွက်ကတော့ အဲ့ဒီခုနှစ်က အထက်မှာပြောခဲ့သမျှအရာတွေအားလုံးဖြစ်ခဲ့ပြီး သူ့ဘ၀တစ်ဆစ်ချိုးခဲ့တဲ့ခုနှစ်ဖြစ်ခဲ့ပါတယ်။ အဲ့ဒီအကြောင်းကိုပဲ သူကိုယ်တိုင် ဒါရိုက်တာလုပ် သူကိုယ်တိုင်ဇာတ်ညွှန်းရေးပြီး 1995 ဆိုတဲ့နာမည်နဲ့ပဲ Documentary ပုံစံမျိုးပေမဲ့ လုံး၀ကွဲထွက်နေပြီး စိတ်ဝင်စားစရာကောင်းတဲ့ဇာတ်လမ်းအသွားအလာမျိုးနဲ့တင်ဆက်ပေးခဲ့ပါတယ်။ IMDb မှာလည်း လက်ရှိ Rating 6.9 အထိရရှိထားပြီး သူကိုယ်တိုင်ကလည်းအရည်အချင်းရှိတဲ့ရိုက်ရှင်ရိုက်ကူးရေးသမားတစ်ယောက်ဖြစ်တဲ့အတွက် ကြည့်လို့ကောင်းပြီး ကိုယ့်ဘ၀အတွက် စိတ်ခွန်အားတက်ကြွစရာတစ်ခုခုကိုပေးစွမ်းနိုင်မယ်ဆိုတာကတော့အမှန်ပါပဲ။ ရီကာဒိုထရိုဂျီက ငယ်ငယ်လေးကတည်းက အနုပညာကိုဝါသနာပါခဲ့ပေမဲ့ အနှောင့်အယှက်တွေများပြီး ဝင်ရောက်ဖို့ဆိုတာကလည်းခက်ခဲတဲ့လောကတစ်ခုဖြစ်နေတဲ့အတွက် အသက် ၂၀ ကျော်အထိ သူလိုချင်တဲ့ဘ၀ကိုမရရှိနိုင်ဘဲ သာမန်လူတွေထဲကသာမန်လူတစ်ယောက်အဖြစ် သာမန်အလုပ်လေးပဲလုပ်ပြီး နေခဲ့ရပါတယ်။ ဒါပေမယ့် ပတ္တမြားမှန်ရင်နွံမနစ်ဘူးဆိုတဲ့အတိုင်း အဲ့ဒီခေတ်အခါက ရုပ်ရှင်ရိုက်ကူးသူတွေရဲ့အိပ်မက်လိုဖြစ်နေတဲ့ နာမည်ကြီး The Race ဆိုတဲ့ ရှိုးပွဲကနေ သူ့ကိုအင်တာဗျူးလာဖြေဖို့ဆက်သွယ်လာပါတော့တယ်။ အဲ့ဒီအချိန်မှာတင် ရီကာဒိုရဲ့ဘ၀က စတင်တစ်ဆစ်ချိုးပြောင်းလဲသွားပြီး သူချစ်တဲ့အလုပ်ကို အောင်မြင်အောင်လုပ်နိုင်ဖို့ ဘယ်လိုတွေကြိုးစားခဲ့ရတယ် ဘယ်လိုအခက်အခဲတွေကြုံတွေ့ခဲ့ရတယ်ဆိုတာကို စိတ်ဝင်စားစရာကောင်းကောင်းနဲ့ရှုစားရမဲ့ဇာတ်ကားကောင်းလေးတစ်ကားပဲဖြစ်ပါတယ်။ (အညွှန်းနဲ့ဘာသာပြန်ကတော့ Saw Lay ဖြစ်ပါတယ်။) File size…(1.6 GB) / (760 MB) Quality….WEB-Rip 1080p HEVC / 720p Format…. mkv/mp4 Genre….Comedy Duration….01:59:39 Subtitle….Myanmar Subtitle (Hardsub) Encoder….Double K Translated by Saw Lay

ဆိုင်ကယ်ဂိုဏ်းတစ်ဂိုဏ်းအတွက် အလုပ်လုပ်ပေးနေတဲ့ ကြေးစားလူသတ်သမားတစ်ယောက်ဟာ မြေအောက်လောကထဲက လူတွေကိုသာမက ရဲတွေကိုပါ ဆယ်စုနှစ်များစွာ လှည့်စားနေခဲ့ပါတယ်။ ၂၅ နှစ်ကျော်ကြာမှ လူသတ်မှု ၂၈ မှုအတွက် အဖမ်းခံခဲ့ရတဲ့ သူ့အကြောင်းကို ဖြစ်ရပ်မှန်အခြေခံပြီး ရိုက်ကူးထားတာပါ။ ဇာတ်လမ်းကို သူကိုယ်တိုင် ဖြောင့်ချက်ပေးတဲ့ပုံစံနဲ့ အစအဆုံး ပြောပြသွားပါတယ်။ ငယ်စဉ်က မိခင်ရဲ့ ချစ်ခြင်းမေတ္တာ မရခဲ့သလို ကျောင်းမှာလည်း ဉာဏ်ရည်အမှတ် နိမ့်ခဲ့တဲ့ ကောင်လေးတစ်ယောက်ကနေ အတွေ့အကြုံရင့်တဲ့ သွေးအေးကြေးစားလူသတ်သမား ဖြစ်လာပုံကို ပြန်ပြထားတယ်။ သူကျူးလွန်ခဲ့တဲ့ ပြစ်မှုတွေအကြောင်း ဘယ်လိုထွက်ဆိုမလဲဆိုတာကို သူ့ဖြောင့်ချက်တွေကနေ သိရမှာပါ။