Seema ပါဝင်သော ဇာတ်ကားများ

Pani 2024 (သရီဆူမှ ဂိုဏ်းခေါင်ဆောင်ကြီးဂီရိ) သရုပ်ဆောင် ပရိုဂျူဆာကြီး Joju George ကိုယ်တိုင် ဒါရိုက်တာလုပ်ရိုက်ကူးထားရုံမက သူကိုယ်တိုင်ပါ ပါဝင်သရုပ်ဆောင်ထားတဲ့ မှုခင်းဇာတ်ကားကောင်းတစ်ကားဖြစ်ပါတယ်။ ဂီရိလိုခေါ်တဲ့ သရီဆူက နာမည်ကြီးဂိုဏ်းတစ်ခုက ဂိုဏ်းခေါင်းဆောင်ကြီးတစ်ယောက်၊ လက်အောက်ငယ်သားတွေအပေါ်မှာ သေချာဂရုစိုက်ပေးတတ်တဲ့ ခေါင်းဆောင်ကြီးဆိုလည်း မမှားပါဘူး။ သူ့မှာ ဇနီးချောလေးတစ်ယောက်လည်းရှိပါသေးတယ်။ ဒီအချိန်မှာ ရဲဌာနဘက်ကနေ သရီဆူမှာရှိတဲ့ ဂိုဏ်းတွေကို ဖြိုဖျက်ဖိုအတွက် လုပ်ဆောင်ဖို အမိန့်တွေ ကျလာပါတော့တယ်။ တိုက်တိုက်ဆိုင်ဆိုင် ဒီလိုအချိန်မှာပဲ ဆိုင်ကယ်ပြင်ဆိုင်တစ်ခုမှာ အလုပ်လုပ်တဲ့ ဒွန်ဆိုတဲ့ ကောင်လေးနဲ့ သူ့သူငယ်ချင်းဟာ လစာရတာနည်းတဲ့အတွက်နဲ့ အလုပ်ကထွက်လာပြီး အလုပ်သစ်ရှာဖို ထွက်လာပါတော့တယ်။ ဂျိုရှီဆိုတဲ့သူကတော့ ဂီရိတိုနဲ့ အပြိုင် လူဆိုးဂိုဏ်းတစ်ခုဆိုပေမယ့် ဂီရိနဲ့မတူညီတာကတော့ သူက မြေတွေကို အာဏာသုံးပြီး အလကားနီးပါး လိုက်လံသိမ်းဆည်းနေတာ ဖြစ်ပါတယ်။ အဲဒီမှာ ဆူရက်ရှ်ဆိုတဲ့သူရဲ့ မြေကို အလကားနီးပါးလိုချင်ရာကနေ ဆူရက်ရှ်က ဂီရိကို အားကိုးတိုင်ပင်ဖို လုပ်တဲ့အချိန် အလုပ်သစ်ရှာဖိုထွက်လာခဲ့တဲ့ လူမိုက်လက်သစ်လေး ဒွန်တိုကို ဆူရက်ရှ်အား သတ်ခိုင်းလိုက်ပါတော့တယ်။ ဒီလူသတ်မှုကနေ စတင်ပြီးတော့ သရီဆူမြိုကြီး လှုပ်ခတ်သွားရာကနေ ဘာတွေဆက်ဖြစ်မလဲ ဆိုတာကို ဆက်လက်ရှုစားပေးကြပါဦး......... (အညွှန်းနဲ့ဘာသာပြန်ကတော့ CM Bollywood Team ပဲ ဖြစ်ပါတယ်) File size… 2.56 GB / 1.22 GB Quality…WEB DL 1080p HEVC/ 720p Format…mkv/ mp4 Duration….2h 23m Subtitle….Myanmar Subtitle (Hard Sub) Encoder….YK Translated by CM Bollywood Team

Rambo မမွေးခင်ကတည်းက သူတို့မိသားစုဟာ ရွာထဲမှာ ကျိန်စာသင့်နေတဲ့မိသားစုလို့ နာမည်ကြီးနေပါတယ်။ ဒီမိသားစုဝင်တွေနဲ့ လက်ထပ်ရင် အိမ်ထောင်ဖက် အသက်ဆုံးရှုံးရတယ်ဆိုတဲ့ အယူအဆကြောင့် ဘယ်သူမှ သူတို့နဲ့ အိမ်ထောင်မပြုချင်ကြဘူး။ ဒါပေမယ့် Rambo ရဲ့အဖေကတော့ ချစ်သူဖြစ်တဲ့ အင်္ဂလိပ်စာဆရာမ Minah Kaif နဲ့ လက်ထပ်လိုက်ပြီး မွေးလာမယ့်ကလေးက မိသားစုဆီ ကံကောင်းခြင်းတွေ ယူဆောင်လာမယ်လို့ ပြောနေခဲ့တယ်။ Rambo မွေးတဲ့နေ့မှာပဲ အဖေက မတော်တဆမှုတစ်ခုနဲ့ ဆုံးပါးသွားပါတယ်။ မိခင်လည်း လေဖြတ်ပြီး သားဖြစ်သူကလွဲလို့ အရာအားလုံးကို မေ့သွားတယ်။ အများက “ဂြိုဟ်ဆိုးကောင်” လို့ ဝိုင်းခေါ်ကြတဲ့ကြားမှာ Rambo ဟာ သိမ်ငယ်နာကျင်မှုတွေနဲ့ ကြီးပြင်းလာခဲ့ရပါတယ်။ သူ့ကြောင့် အမေ့ဆီ ကံဆိုးမှုတွေ ထပ်ရောက်လာမှာစိုးလို့ အမေနဲ့ရွာကို စွန့်ခွာပြီး မြို့မှာ နေ့ရောညပါ အလုပ်ကြိုးစားလုပ်နေခဲ့တယ်။ မြို့မှာ Khatija နဲ့ Kanmani ဆိုတဲ့ မိန်းကလေးနှစ်ယောက်နဲ့ တွေ့လာတဲ့အခါတော့ သူ့ဘဝက ပြောင်းလဲလာပါတယ်။ နှစ်ယောက်စလုံးက သူ့ကို အလွန်ချစ်ကြပြီး တစ်သက်လုံး အပယ်ခံခဲ့ရတဲ့ Rambo အတွက် ဒီလိုချစ်ခြင်းကို တစ်ပြိုင်တည်းရလိုက်တာဟာ ဘဝက အခုမှ အသက်ဝင်လာသလိုပါပဲ။ သူကလည်း နှစ်ယောက်လုံးကို ညီတူညီမျှ ချစ်တယ်လို့ ဆိုနေတော့ ဒီသုံးယောက်ရဲ့ အချစ်ရေးက ဘယ်လိုအဆုံးသတ်သွားမလဲ။

ကတ်ဒူဗာ ကူရီရာချန်ဟာ မဟုတ်မခံစိတ်ရှိပြီး အမှန်တရားဘက်က ရပ်တည်ပေးတတ်သူပါ။ “ကျား” လို့ အဓိပ္ပာယ်ရတဲ့အမည်ကို ပိုင်ဆိုင်ထားတဲ့ သူ့ကို ပါလာမြို့မှာ ကလေးကအစ လူကြီးအဆုံး သူရဲကောင်းတစ်ယောက်လို သိကြပါတယ်။ တစ်နေ့မှာ အကျင့်ပျက်ဖာသာတစ်ဦးကို ပညာပေးဖို့ အကြောင်းဖန်လာရင်း မြို့မှာ တာဝန်ကျနေတဲ့ ရဲအရာရှိ ဂျိုးဆက်ချန်ဒီနဲ့ အချင်းများသွားတယ်။ အဲဒီကစလို့ နှစ်ယောက်ကြား အငြိုးအတေးတွေ ပေါ်လာပါတယ်။ အငြိုးကြီးတဲ့ ဂျိုးဆက်က ကူရီရာချန်ကို ဘယ်လိုလက်စားချေမလဲ၊ ဒီပဋိပက္ခမှာ ဘယ်သူက အနိုင်ရမလဲဆိုတာနဲ့အတူ မတရားမှုတွေအတွက် အမှုမှန်ပေါ်လာနိုင်မလားဆိုတဲ့ မေးခွန်းလည်း ရှိနေတယ်။ Prithviraj Sukumaran နဲ့ Vivek Oberoi တို့ ပါဝင်သရုပ်ဆောင်ထားတဲ့ အက်ရှင်ဇာတ်ကားပါ။

Maara (2021) ဇန်နဝါရီ ၈ ရက်နေ့က ထုတ်လွှင့်ပြသခဲ့တဲ့ တမယ်လ် ဇာတ်ကားကောင်းလေး တစ်ကားနဲ့ မိတ်ဆက်ပေးပါရစေ။ ကြည့်မိရင် ရင်ထဲမှာ မေတ္တာတရားရဲ့ ဆွတ်ပျံ့မှု ကြည်နူးမှု နွေးထွေးမှုတွေကို ခံစာရမှာ အမှန်ပါပဲ။ ကျွန်တော်တို့ပုံပြင်တွေကို ကြားဖူးကြပါတယ်။ နားထောင်ဖူးကြပါတယ်။ ပုံပြင်လေးတစ်ပုဒ်ကနေ တကယ့်ဇာတ်လမ်းလေးတစ်ပုဒ် ဖြစ်လာခဲ့တဲ့အချိန်မှာတော့ .... ပါရူး ဆိုတဲ့ ကလေးမလေးက ငယ်စဉ်ဘဝက ရထားတစ်စီးပေါ်မှာ စစ်သားလေးတစ်ယောက်နဲ့ သူ့ရဲ့ဝိဉာဉ် ငါးကလေး ဆိုတဲ့ ပုံပြင်လေးကို နားထောင်ခဲ့ရဖူးပါတယ်။ ပါရူးတစ်ယောက်က ပုံပြင်တွေကို စိတ်ဝင်စားတဲ့ မိန်းကလေးပါ။ သူ့အိမ်က နေရာချထားပေးဖို့ ပြင်ဆင်ပေမယ့် စိတ်မဝင်စားလို့ အိမ်ကနေ ထွက်လာရင်းနဲ့ ..... မာရာ ဆိုတဲ့ လူတစ်ယောက်ရဲ့ ပန်းချီကားလက်ရာတွေကို တွေ့ပြီး အဲဒီနောက်ကို တကောက်ကောက်လိုက်ရာကနေ တကယ့်ကို ဆွတ်ပျံ့ကြည်နူးဖို့ကောင်းတဲ့ ဇာတ်လမ်းလေးတစ်ပုဒ်ကို ရှာဖွေတွေ့ရှိခဲ့ပါတော့တယ် ..... ဘာဇာတ်လမ်းလေးလဲ ဆိုတာကတော့ ..... IMDb - 7.8/10 ရထားတဲ့ ဇာတ်ကားမို့ အများကြီး ပြောမနေတော့ပါဘူး။ File size… 2.1GB and 1GB Quality….WEB-DL 1080p and 720p Format…mp4 Duration…. 2hr 29min Subtitle….Myanmar Subtitle (Hardsub) Translator ..... August Encoder ..... August

Oh My Kadavule(2020)အညွှန်း IMDb...8.1 အန်နူးဆိုတဲ့ကောင်မလေးဟာ သူ့အဖေပေးစားတဲ့ လူတစ်ယောက်နဲ့လက်ထပ်ရတော့မယ်.. ဒီလူအကြောင်းကို မသိတဲ့အတွက် တစ်ဘဝလုံးပုံအပ်ဖို့ဆိုတော့ မိန်းကလေး ပီပီ မျက်လုံးမှိတ်ပြီး ခေါင်းမညိတ်ရဲရှာဘူး.. ဒါကြောင့် ငယ်သူငယ်ချင်းဖြစ်တဲ့ အာဂျွန်ကို 'ငါတို့လက်ထပ်ကြမလား' ဆိုပြီးမေးလိုက်တယ်..သူစိမ်းတစ်ယောက်ထက်စာရင် အကြောင်းသိသူငယ်ချင်းနဲ့ အိမ်ထောင်ြပုတာက အချစ်မပါလည်း အဆင်ပြေနိုင်မယ်လို့တွေးမိတာကိုး... အာဂျွန်ကလည်း သူငယ်ချင်းမလေးရဲ့အခက်အခဲကိုသိတော့ လက်ထပ်ကြတာပေါ့လို့ ပြောလိုက်တယ်... အဲ့ဒီနောက်မှာတော့ ပြဿနာမျိုးစုံနဲ့အခက်အခဲမျိုးစုံစတွေ့တော့တာပဲ... ဘာတွေဆက်ဖြစ်မလဲဆိုတာကိုတော့ ခံစားကြည့်ကြပါဉီး.... ဇာတ်လမ်းအညွှန်းနဲ့ဘာသာပြန်သူကတော့ Zwel Zan Aung ပဲဖြစ်ပါတယ်...... File Size : (1.13GB) and (460MB) Quality :WEB-DL 720p Format…mp4 Duration…02:31:00 Genre : Comedy Subtitle : Myanmar Subtitle (Hard Sub) Translated by Zwel Zan Aung Encoded by Phyo Pyae

Anbe Sivam(2003) အညွှန်း IMDb...8.7 3 Idiots ထဲကကင်မရာလေးတစ်ကိုင်ကိုင်နဲ့ ဖာဟန်ကိုသိကြတယ်မလား......ဒီကားထဲမှာတော့ အဓိကမင်းသားပေါ့... ကြော်ငြာ ဗီဒီယိုရိုက်သူ အန်ဘာစုရ်တစ်ယောက် အိမ်ထောင်ပြုဖို့အတွက် ချန်နိုင်းကို လေယာဉ်နဲ့ပြန်ဖို့ စီစဉ်ထားပါတယ်။ လေဆိပ်ရောက်ရောက်ချင်းမှာပဲ မြို့ထဲမှာ အကြမ်းဖက်သမားတွေရှိကြောင်း ကြေညာနေတဲ့ သတင်းကို သူတွေ့လိုက်ရတယ်။ ဒီလိုနဲ့ပဲ ထူးဆန်းတဲ့အပြုအမှုနဲ့ ဟိုကြည့်ဒီကြည့်လုပ်နေတဲ့ ရှီဗန်(မ်)ကို တွေ့သွားပြီး အကြမ်းဖက်သမားလို့ သံသယဝင်သွားကာ ရဲနဲ့တိုင်ပါတော့တယ်။ ရဲတွေကလည်း ရှီဗန်(မ်)ကို ဖမ်းဆီးပြီး စစ်ဆေးပါတယ်... အဲ့ဒီနောက်မှာတော့ အလွဲကြီး လွဲမှုတွေဆက်တိုက်ဖြစ်ပါတော့တယ်... ဘာတွေဖြစ်မလဲဆိုတာကိုတော့... ဒီဇာတ်ကားဟာ ကွန်မြူနစ်ဝါဒ၊ ဘုရားမဲ့ဝါဒနဲ့ ပရဟိတလုပ်ငန်းတွေအပြင် Haasanရဲ့ လူသားဆန်တဲ့ အတွေးအမြင်တွေကို ရိုက်ကူးပုံဖော်ထားတဲ့ ဇာတ်ကားတစ်ကားဖြစ်ပြီး တောလိဝုဒ်ပရိတ်သတ်များ လုံးဝ လက်မလွှတ်သင့်ပါကြောင်း ... ဘာသာပြန်သူကတော့ Thaik Sanပဲ ဖြစ်ပါတယ်။ File Size :(2.9GB) (1.2 GB) and (471 MB) Quality : Blu-Ray 720p Format…mp4 Duration…02:40:00 Genre : Adventure ,Comedy , Drama Subtitle : Myanmar Subtitle (Hard Sub) Translated by Thaik San Encoded by Phyo Pyae

Bagavathi aka Bhagavathy (2002) ( ဘာဂါဗာသီ ) ဒီဇာတ်ကားကတော့ တမီးလ်ရုပ်ရှင်ကားပရိသတ်တွေအတွက် အကြိုက်တွေ့စေမယ့် ၂၀၀၂ ခုနှစ်ထွက် IMDb 6.1/10ရထားတဲ့ အက်ရှင်ဇာတ်ကားတစ်ကားပဲဖြစ်ပါတယ်။ ဒီကားဟာ Box Office မှာ ဈေးကွက်အရအောင်မြင်ခဲ့တဲ့အပြင် 2004, 2005 မှာပါ တခြားနာမည်နဲ့ Remake ပြန်ရိုက်ခဲ့ပါသေးတယ်။ မင်းသားကလည်း အိန္ဒိယနိုင်ငံရဲ့ သျှမ်းသျှမ်းတောက် မင်းသားကြီးဗီဂျေးဆိုတော့ အထွေအထူးညွှန်းစရာလိုမယ်မထင်တော့ပါဘူး။ ဇာတ်လမ်းအကျဉ်းကတော့ - လူတိုင်းမှာ နေ့ရက်တွေအတွက် အမှတ်တရတွေရှိကြပါတယ်။ ပျော်စရာနေ့ ဝမ်းနည်းစရာနေ့စသဖြင့်ပေါ့။ ဇွန်လ ၁၅ ရက်နေ့ကတော့ ဘာဂါဗာသီအတွက် မမေ့နိုင်မယ့်ရက်စွဲတွေထဲကတစ်ခုပါ။ အဲဒီနေ့ဟာ သူချစ်ရတဲ့ သူ့ညီလေး ဂူနာရဲ့မွေးနေ့ဖြစ်ပါတယ်။ ဘာဂါဗာသီက သူ့ညီကို ချစ်လွန်း တန်ဖိုးထားလွန်းလို့ သူကိုယ်တိုင် လက်ဖက်ရည်ဆိုင်ဖွင့်ပြီး ခြစ်ခြစ်ကုပ်ကုပ်ကြိုးစားစုဆောင်းကာ သူ့ညီကို ဆေးကျောင်းထားပေးခဲ့တာပါ။ ဂူနာလေး ဆရာဝန်ကြီးဖြစ်လာပြီး သူ့ဘဝမြင့်တက်လာဖို့က သူ့ရဲ့တစ်သက်တာ အိပ်မက်ပဲဖြစ်ပါတယ်။ အဲဒီအိပ်မက်ဟာ ပရီယာလို့ခေါ်တဲ့ မိန်းကလေးတစ်ယောက် ဂူနာ့ဘဝထဲ ဝင်ရောက်လာပြီးတဲ့နောက်မှာ ကွဲကြေ ပျက်စီးသွားပါတော့တယ်။ ဂူနာနဲ့ ပရီယာရဲ့ချစ်ဇာတ်လမ်းကို လက်မခံနိုင်တဲ့ ပရီယာ့ရဲ့အဖေကြောင့် ရှင်ကွဲ ၊ သေကွဲအမျိုးမျိုးတွေ့ကြုံလာရပြီးတဲ့နောက်မှာ ဖြူစင်ဖြောင့်မတ်တဲ့ ချစ်စရာလူရိုးကြီးဘာဂါဗာသီတစ်ယောက်ရဲ့ ပြောင်းလဲသွားပုံတွေကို အဆိုအက ၊ အလွမ်းအဆွေး ၊ အသတ်အပုတ် ဇာတ်လမ်းဇာတ်ကွက်စုံလင်စွာနဲ့ ကြည့်ရှုနိုင်မှာပါပဲဖြစ်ပါတယ်။ ( ဘာသာပြန်နဲ့ အညွန်းကို CM Bollywood Team မှ ရေးသားထားပါတယ် ) File size… 4.1 GB / 2.05 GB Quality…WEB DL 1080p HEVC/ 720p Format…mkv/ mp4 Duration….2h 37m Subtitle….Myanmar Subtitle (Hard Sub) Encoder….YK Translated by CM Bollywood Team