Sharon Conley ပါဝင်သော ဇာတ်ကားများ

ဒီဇာတ်ကားလေးကတော့ မယ်လန်နီအမ်းစထရောင်းဆိုတဲ့ အမျိုးသမီးရဲ့ဖြစ်ရပ်မှန်ဇာတ်လမ်းကို အဃြေံရိုက်ကူးထားတာပဲ​ဖြစ်ပါတယ် မယ်လန်နီဟာ ငယ်ကယ်လေးကတည်းက ဆံပင်တွေကိုချစ်တတ်တဲ့ ဆံပင်တွေကို လွတ်လွတ်လပ်လပ်ပဲရှိစေချင်တဲ့ကောင်မလေးတစ်ယောက်ပေါ့ သူမအရွယ်ရောက်လာတဲ့အခါ ကယ်ဗင်ဆိုသူနဲ့လက်ထပ်လိုက်ပြီး ပျော်ရွှင်စရာကောင်းတဲ့အိမ်ထောင်ရေးပိုင်ဆိုင်ထားပါတယ် ဒါပေမဲ့ငွေရေးကြေးရေးအတွက် အလုပ်လုပ်မယ်ဆိုပြီး အရင်ဆုံးယောင်းမဖြစ်သူ"ဒီး"ရဲ့ဆံပင်ပြင်ဆိုင်မှာ ခေါင်းဝင်လျှော်ပေးပါတယ် အဲ့မှာစလုပ်ကတည်းက သူမရဲ့လက်တွေဟာ ဆံပင်နဲ့ပက်သက်ပြီးပါရမီပါလာတယ်ဆိုတာသိလိုက်ရပါတယ် နောက်ပိုင်းမှာ အာဖရိကန်စဆိုင်ဆံပင်ကျစ်နည်းသင်တန်းတွေတက်ပြီး ကိုယ်ပိုင်ဆိုင်ဖွင့်ဖို့ကြိုးစားပါတော့တယ် သူမမှာပါရမီပါတဲ့အတွက် ထိုပညာရပ်ကိုလည်းကျွမ်းကျင်စွာတတ်မြောက်သွားခဲ့ပါတယ် ဘာမဆိုအမြဲထောက်ပံ့အားပေးတတ်တဲ့ခင်ပွန်းကလည်း သူ့ဇနီးရဲ့ဆန္ဒအတိုင်း ဆိုင်တစ်ဆိုင်ဖွင့်ပေးခဲ့ပါတယ် ဒါပေမဲ့ အဲ့ဒီမှာပဲပြဿနာတွေအခက်ခဲတွေပေါ်လာပါတော့တယ် အဲ့ဒါကတော့ လိုင်စင်လုပ်ဖို့လိုအပ်တာပါ အဲ့လိုင်စင်တန်ဖိုးကလည်း မတန်တဆကြီးနေပြီး မစ္စစ်စပီပြည်နယ်ရဲ့ဥပဒေက သူမတို့လိုအာဖရိကန်စတိုင်ဆံပင်ကျစ်သူတွေအတွက်ဖိနှိပ်ထားတယ်လို့ခံစားမိတာ​ကြောင့် အာဏာရှိတဲ့ပြည်နယ်ဘုတ်အဖွဲ့နဲ့တရားရင်ဆိုင်ပါတော့တယ်...... ဒီဇာတ်ကားလေးမှာ မယ်လန်နီတစ်ယောက် ဘယ်လိုအခက်အခဲအတားအဆီးပဲရှိရှိ လက်မလျှော့ပဲအကောင်းဆုံးကျော်ဖြတ်ခဲ့တာတွေကိုတွေ့ရမှာပါ တရားရင်ဆိုင်ရင်ရော သူမအနိုင်ရရှိပါ့မလား...... File size…(1.6 GB)/(820 Mb) Quality….Webrip 1080p / 720p Format… mp4 Duration…. 01:39:00 Genre... Drama Subtitle….Myanmar Subtitle (Hardsub) Encoder….Garfield Translated by Rubyjane

"ဆရာဝန်ဆိုတာလည်း လူတိုင်းလိုပဲ လောဘကြီးပြီး တဏှာရူးတာပါပဲ" တဲ့။ ဒီသဘောတရားကိုလက်ကိုင်ထားပြီး မီလီယံဖြစ်သွားခဲ့တဲ့ ဆေးကုမ္ပဏီတွေအကြောင်း ပြသထားတာပါ။ ဆေးကုမ္ပဏီတွေရဲ့အမြတ်ဟာ ဆေးတွေရောင်းရရင် အရမ်းကိုကြီးပါတယ်၊ ဝန်ထမ်းတွေအတွက်ကော်မရှင်ကလည်း အရမ်းကိုများပါတယ်။ ဒီတော့ ဆရာဝန်တွေ သူတို့ဆေးတွေကို ညွှန်းပေးဖို့ စည်းရုံးရပါတယ်။ အပြိုင်တွေများလွန်းတဲ့အခါ ရိုးရိုးစည်းရုံးရမဲ့အစား မက်လုံးပေးတာတွေ လာဘ်ထိုးတာတွေ မြူဆွယ်တာတွေ ပါလာပါတော့တယ်။တကယ်တော့ ဆရာဝန်တွေကို ဆေးညွှန်းပေးဖို့ လာဘ်ထိုးခွင့်မရှိပါဘူး။ လာဘ်ထိုးရင် အရေးယူခံရပါတယ်။ ဒါဆို လာဘ်မထိုးဘဲ ဆေးဝါးမိတ်ဆက်ပွဲတွေမှာ ရှင်းလင်းပြောကြားပေးဖို့ ဖိတ်ပြီး ဉာဏ်ပူဇော်ခပေးလိုက်ရင်ရော။ ဒီလိုပွဲတွေကို ရိုးရိုးမလုပ်ဘဲ ကမ်းခြေတွေ ဟိုတယ်တွေမှာ အစားကောင်းအသောက်ကောင်းတွေ၊ ဆော် ဘဲ အလန်းလေးတွေနဲ့ လုပ်ပေးလိုက်ရင်တော့ လာဘ်ထိုးတာမဟုတ်တော့ဘူးပေါ့။ ဒီနည်းနဲ့ မီလီယံနာဖြစ်လာတဲ့ ဆေးကုမ္ပဏီတစ်ခုရဲ့လက်ချက်ကြောင့် သူတို့ထုတ်တဲ့ ဘိန်းပါတဲ့ဆေးတွေစွဲပြီး ဆေးလွန်ပြီး လူသေမှုတွေအထိ ဖြစ်လာတဲ့အကြောင်းကို ပြသထားတာပါ။ ဒါဟာ အမေရိကန်ရဲ့ ဖြစ်ရပ်မှန် ဆေးဝါးလောက အရှုပ်တော်ပုံအကြောင်းကို ရိုက်ကူးထားတဲ့ ရုပ်ရှင်အသစ်ဖြစ်ပါတယ်။ ခရစ်အီဗန် နဲ့ အမ်မလီဘလန့်တို့ ခေါင်းဆောင်ပါဝင်ထားပါတယ်။ ဘယ်ဖြစ်ရပ်မှန်လဲဆိုတော့ အမေရိကန်ရဲ့ ဘိန်းစွဲကပ်ဘေးလို့ခေါ်တဲ့ Opioid Crisis ကာလ (၁၉၉၉-၂၀၁၆) အတွင်းကို အခြေခံထားတာပါ။ လူပေါင်း ၄၅၀၀၀၀ လောက် ဘိန်းပါတဲ့ဆေးဝါးတွေကြောင့် သေဆုံးခဲ့ရတဲ့ကာလလည်းဖြစ်ပါတယ်။ အဲဒီကာလမှာ လမ်းပေါ်က မူးယစ်ဆေးတွေအပြင် ဘိန်းပါတဲ့ဆေးတွေကို မဆင်မခြင်ညွှန်းခဲ့တဲ့ ဆရာဝန်တွေကြောင့်လည်းဖြစ်ခဲ့တာပါ။ အဲဒီအမှုအခင်းနောက်ပိုင်းမှာ ဆေးဝါးမသမာမှုတွေ အနည်းငယ်လျော့နည်းသွားပေမဲ့ သဘောတရားကတော့ ဒီနေ့ခေတ်အထိ တစ်ကမ္ဘာလုံးမှာ ပြန့်နှံနေတုန်းပါပဲ။ အခုချိန်ထိ ကမ္ဘာအနှံ့က ဆရာဝန်တွေဟာ ဆေးပေးဖို့ ရွေးချယ်တဲ့အခါ ဆေးဘရန်းပေါင်းများစွာထဲက သူတို့လက်စွဲဘရန်းတွေကိုပဲ သီးသီးသန့်သန့်ညွှန်းနေကြတတ်တုန်းပါပဲ။ အချို့ဆရာဝန်တွေဟာ ကျင့်ဝတ်အတိုင်း သင့်တော်တဲ့ ဆေးကိုရွေးပေမဲ့ အချို့ကတော့ အခွင့်အရေးပေးတာများတဲ့ ဈေးပိုကြီးတဲ့ဆေးတွေကိုပဲ လက်စွဲထားပြီး ညွှန်းနေကြတုန်းပါပဲ။ ဆရာဝန်တစ်ယောက်ဟာ Vitamin-C လို အားဆေးလေးကိုတောင် ဘရန်းတစ်ခုတည်းပဲ စွဲစွဲမြဲမြဲညွှန်းပေးရင် အားဆေးကုမ္ပဏီက နောက်ဆုံးပေါ် အိုင်ဖုန်းတွေ ထွက်တိုင်းလက်ဆောင်ပေးတဲ့အထိ စွမ်းပါတယ်။ အခြားဆေးတွေဆိုရင် တွေးကြည့်လို့ရမှာပါ။ ဆေးကုမ္ပဏီဝန်ထမ်းကို ငယ်ငယ်ချောချောလေးတွေ ရွေးခန့်တာကလည်း... (အရည်အချင်းနဲ့ သွက်သက်လက်လက်ရှိလို့ရွေးရင်းတိုက်ဆိုင်သွားတာ ပြောတာပါ)။ ဆိုတော့က ဒီရုပ်ရှင်ကိုတော့ Crime, Drama, Dark Comedy ကောင်းတစ်ခုပါလို့ပဲ ညွှန်းချင်ပါတယ်။ ကြည့်ရင်း တရားပေါက်လာဖို့ တင်ပေးလိုက်ရပါတယ်။ (ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်) Size - 1.95GB, 875MB Quality - 1080p, 720p IMDb Rating - 6.5/10 Format - mp4 Duration - 2H 2Min Genre - Crime, Drama Subtitle - Myanmar Subtitle (Hardsub) Translated by Mr. Anderson Encoded by Y

Candy (2022) Completed Mini Series ~ IMDb - 7.4/10, Rotten Tomatoes - 68% ~ တစ်ခါတလေကျရင်တော့ လူ‌ဘုံလူ့လောကကြီးမှာ အသက်တစ်ရာမနေရပေမဲ့၊ အမှုတစ်ရာပွေရစမြဲပဲလို့ ဆိုရမလိုပါပဲ။ တစ်ချို့အမှုတွေမှာ အပြစ်မရှိဘဲ အပြစ်တွေပုံချခံခဲ့ရတဲ့သူတွေရှိသလို တစ်ချို့ကျပြန်တော့လည်း အပြစ်ရှိလျက် လွတ်ကြပြန်ပါတယ်။ သွေးအေးလူသတ်သမားအချို့ဟာ အကြောင်းပြချက်မဲ့စွာ လူသတ်တတ်ကြသလို တစ်ခါတလေကျရင်တော့ တစ်ချို့လူသတ်သမားတွေဟာ ဘယ်လိုကြောင့်ဘယ်လိုလူသတ်လိုက်မိတာလဲဆိုတာကို သူတို့ကိုယ်သူတို့တောင် နားမလည်မိတတ်ကြတဲ့အထိပါပဲ။ ဒီစီးရီးဟာ ၁၉၈၀ ပြည့်နှစ်က အမေရိကန်နိုင်ငံ တစ်နိုင်ငံလုံး ဟိုလေးတကျော်ကျော်ဖြစ်ခဲ့တဲ့ ဖြစ်ရပ်မှန်လူသတ်မှုတစ်ခုကို ပြန်လည်ရိုက်ကူးထားတဲ့ စီးရီးဖြစ်ပြီး ထိုလူသတ်မှုမှာတော့ အိမ်ရှင်မတစ်ယောက်ဟာ သူ့သမီးရဲ့သူငယ်ချင်းဖြစ်တဲ့ကလေးမလေးရဲ့ မိခင်ဖြစ်သူကို ပုဆိန်တစ်ခုနဲ့ ၄၁ ချက်တိတိအထိ ခုတ်သတ်ခဲ့တာလည်းဖြစ်ပါတယ်။ လူတစ်ယောက်သေဖို့ဆိုရင် ပုဆိန် ၄၊ ၅ ချက်ဟာ လုံလောက်နေပါပြီ။ ၁၀ ချက်ကျော်‌ဆိုရင်တောင် ပိုလွန်းနေပြီပဲဖြစ်ပါတယ်။ ဒါကို ဘယ်လိုစိတ်နဲ့များ အချက်ပေါင်း ၄၁ ချက်ကျော်အထိ ခုတ်သတ်ခဲ့ပါသလဲ။ ထိုအိမ်ထောင်ရှင်အမျိုးသမီးဟာ မည်သို့သောပြစ်ဒဏ်ချမှတ်ခြင်းခံခဲ့ရပါသလဲ၊ အဘယ်အကြောင်းပြချက်ကြောင့် တစ်ခါမှ ခွေးတစ်ကောင် ကြောင်တစ်မြီးကိုတောင် မရိုက်ခဲ့ဖူးသူအမျိုးသမီးဟာ အခြားအိမ်ရှင်မဖြစ်သူကို ပုဆိန်နဲ့ ၄၁ ချက်တိတိခုတ်သတ်ခဲ့သလဲဆိုတာကို ခံစားကြရမှာပဲဖြစ်ပါတယ်။ ဒီစီးရီးကို Hulu ကနေရိုက်ကူးထုတ်လုပ်ထားဖြစ်ပြီးတော့ မေလ ၉ ရက်နေ့ကမှ ထွက်ရှိခဲ့တာဖြစ်ကာ ယခုအခါမှာ IMDb 6.9 ကနေ 7.4 ထိတက်လာပြီဖြစ်တဲ့ စီးရီးကောင်းတစ်ခုဖြစ်ပြီး စီးရီးထဲမှာပါဝင်သရုပ်ဆောင်ထားတဲ့ သရုပ်ဆောင်တွေဟာ ဩချရလောက်အောင်ကို တကယ့်ဖြစ်ရပ်မှန်ကို ပုံဖော်သရုပ်ဆောင်ပေးနိုင်ကြတာပဲဖြစ်ပါတယ်။ အဓိကဇာတ်ကောင် ကန်ဒီမောင့်ဂိုမာရီနေရာကိုတော့ ရုပ်ရှင်ပရိသတ်တွေနဲ့ မစိမ်းလောက်တဲ့ မင်းသမီး Jessica Biel က သရုပ်ဆောင်ထားပြီး သူ့ယောက်ျားဖြစ်တဲ့ အဆိုတော်မင်းသား Justin Timberlake ကလည်း တ‌စ်ထောင့်တစ်နေရာကနေ ပါဝင်ထားပါသေးတယ်။ ဒါကြောင့် အပိုင်း ၅ ပိုင်းသာ ရှိမှာဖြစ်တဲ့ Candy ဆိုတဲ့ မှုခင်း/ဒရာမာစီးရီးကောင်း‌လေးကိုလည်း ခံစားရင်ခုန်ပေးလှည့်ပါဦးခင်ဗျာ။ (ဒီစီးရီးကို အညွှန်းရေးသား ဘာသာပြန်ပေးသူကတော့ San Thu Aung ပဲဖြစ်ပါတယ်။) Size ~ 800MB, 450MB Quality – 1080p, 720p Duration ~ 50min (@Episode) Subtitle – Myanmar Hardsub Format – Mp4 Genre : Biography, Crime, Drama Source : Web-dl.1080p Total Episodes : 5 Translator – San Thu Aung Encoder – Y

Online Shopping တွေကနေ ပစ္စည်းမှာရင် Delivery လာပို့တဲ့သူတွေကို သိကြမှာပါ။ ကမ္ဘာပေါ်မှာ ပစ္စည်း Delivery ပို့တဲ့ အလုပ်လုပ်ပြီး ပိုက်ဆံတွေထားစရာနေရာမရှိအောင် ချမ်းသာသွားတဲ့သူအကြောင်း သိချင်ပါသလား။ ဒါဆိုရင်တော့ ဒီ American Made ဆိုတဲ့ ဖြစ်ရပ်မှန်ဇာတ်ကားက မကြည့်မဖြစ် ကြည့်ရှူ့သင့်တဲ့ ဇာတ်ကားကောင်းတစ်ကားပါ။ 1980 မတိုင်ခင်ကစပြီး အမေရိကန်နိုင်ငံတွင်းကို အမေရိကအလယ်ပိုင်းကနေတဆင့် တရားမဝင်မူးယစ်ဆေးတွေ မှောင်ခိုသွင်းလာကြပါတယ်။ အဲ့ထဲမှာ သမီးဖြစ်သူ ဆောင်းတွင်း အရမ်းချမ်းလို့ ဒေါ်လာ ၂ သန်းကို မီးရှို့ပြီး အနွေးဓာတ်ရအောင်လုပ်ပေးဖူးတယ်ဆိုတဲ့ နာမည်ကျော်မူးယစ်ရာဇာကြီး Pablo Escobar လဲ အပါအဝင်ပါပဲ။ ဒီဇာတ်ကားမှာတော့ ခေါင်းဆောင်မင်းသား Tom Cruise က Barry Seals လို့ခေါ်တဲ့ လေယာဉ်မှူးတစ်ယောက်အနေနဲ့ သရုပ်ဆောင်ထားပါတယ်။ အစပိုင်းမှာ TWA လေကြောင်းလိုင်းရဲ့ လေယာဉ်မှူးကောင်းတစ်ယောက်အနေနဲ့ အလုပ်လုပ်ကိုင်နေရာကနေ သူ့ရဲ့ လေကြောင်းကျွမ်းကျင်မှုကို သတိထားမိလာကြတဲ့အခါ CIA က စတင်ပြီး တရားမဝင်အလုပ်တွေကို ခိုင်းစေလာခဲ့ပါတယ်။ နောက်ပိုင်းမှာ CIA အပြင် Pablo Escobar ရဲ့ မူးယစ်ဂိုဏ်း၊ သူ့မိတ်ဆွေ ရှိတ်ဖာဆီမှ ရုရှားလက်နက်မှောင်ခိုသွင်းလုပ်ငန်းတို့တွင်ပါ ပါဝင်လုပ်ကိုင်လာခဲ့ပြီး သူရဲ့ အဓိကတာဝန်ကတော့ ကိုကင်း၊ AK-47 သေနတ်၊ လူမှောင်ခိုတို့ကို နယ်စပ်စစ်ဆေးရေးနဲ့ လေတပ်က မမြင်အောင် တစ်နိုင်ငံကနေ တစ်နိုင်ငံကို လျှို့ဝှက်ပို့ဆောင်ပေးရတာပါ။ Barry Seals တစ်ယောက် သူဋ္ဌေးဖြစ်အောင် ဘယ်လိုလုပ်ရသလဲ၊ သူ့မှာ သေချာတဲ့အနာဂတ်ရော ရှိရဲ့လား၊ မိတ်ဆွေအပေါင်းအသင်းတွေကရော တကယ်ယုံကြည်ရသလား ဆိုတာတွေကိုတော့ ဇာတ်ကားကြည့်ပြီး ဆက်လက်ခံစားကြပါ။ လက်ရှိ Imdb rating 7.3 ရရှိထားပါပြီး ဝေဖန်မှုကောင်းတွေ ရရှိထားတဲ့ ဇာတ်ကားကောင်းတစ်ကားပါပဲ။ (ဇာတ်လမ်းအညွှန်းနဲ့ဘာသာပြန်သူကတော့ ကိုအာကာဖြိုးပါ) File Size : (900 MB) Quality : Blu-Ray 720p Running Time : 1hr 55min Format : Mp4 Genre :Action, Biography, Comedy Subtitle : Myanmar Subtitle (Hard Sub) Translated by Arkar Phyo Encoded by Thanhtike Zaw

ဒီရုပ်ရှင်လေးထဲမှာတော့ အထက်ကျောင်းမှာ အလှဆုံးမိန်းကလေးတွေထဲက တစ်ယောက်ဖြစ်တဲ့ ဂျိတ်ဘတ်တာဖီးလ်ဆိုတဲ့ကောင်မလေးတစ်ယောက် သူ့အစ်ကိုခရစ်ကိုဆုံးရှုံးပြီးနောက်ပိုင်း အနေအေးလာတဲ့အခါ ကျောင်းမှာသူတစ်ယောက်တည်းလိုမျိုး အဖော်မရှိဖြစ်နေခဲ့ပါတယ်။ သူများတွေ ဂျိတ်ကိုမေ့မေ့ပျောက်‌ပျောက်ဖြစ်နေပေမဲ့ အဲဒီထဲမှာ သူ့ကိုသဘောကျပြီး စောင့်ကြည့်နေတဲ့ ဒေးဗစ်ဆိုတဲ့ အတန်း‌ဖော်ကောင်လေးကတော့ မပါခဲ့ပါဘူး။ ဒေးဗစ်ဟာ တစ်ကောင်ကြွက်၊ ဝပ်ရှော့ဖွင့်ထားတဲ့ အဖေပဲရှိတော့တဲ့ သာမန်လက်လုပ်လက်စား မိသားစုငယ်လေးကဖြစ်ပြီး ဂျိတ်ကတော့ ပညာတတ်လူကုံထံအသိုင်းအဝိုင်းကဖြစ်ပါတယ်။ သားတစ်ယောက်လည်းဆုံးရှုံးထားရတဲ့ သူ့ရဲ့အဖေ ဟူ့ချ်ဘတ်တာဖီးလ်ဟာ အငယ်ဆုံးသမီးလေးဂျိတ်တစ်ယောက် ဒေးဗစ်နဲ့တွေ့တဲ့အခါမှာ ဘယ်လိုမှသဘောမတူနိုင်ဖြစ်ခဲ့ရပါတယ်။ ပညာရေးအရရော အဆင့်အတန်းအရပါကွာခြားလွန်းနေတဲ့ ဒေးဗစ်ကို ဂျိတ်ရဲ့အမေ"အန်း"နဲ့ အစ်ကို"ကိ့သ်"တို့က ကြည်ဖြူကြပေမဲ့ ဟူ့ခ်ျကတော့ လုံးဝလက်မခံနိုင်ခဲ့ပါဘူး။ မိုးအေးအေးနဲ့ကွေးရင်းကြည့်လို့ကောင်းမယ့် ဒီလူငယ် Drama, Romance ကားကောင်းလေးတစ်ကားပါပဲ။ ဟူ့ခ်ျတစ်ယောက် ဒေးဗစ်နဲ့ဂျိတ်ရဲ့ဆက်ဆံရေးကို ဘယ်လိုကြားဝင်နှောင့်ယှက်မလဲ... တကယ်တော့ သူဟာဘယ်လိုလူမျိုးလဲ... မိသားစုအပေါ်တကယ်ရောကောင်းရဲ့လား... ဆိုတာကို စိတ်ဝင်စားဖွယ်ကြည့်ရှုရင်း ဒေးဗစ်နဲ့ ဂျိတ်အချစ်ဇာတ်လမ်းကိုလည်း ရင်တဖိုဖိုနဲ့ စောင်ကိုက်နေရမှာဖြစ်ပါတယ်။ (ဒီဇာတ်ကားနဲ့အညွှန်းကို Jina မှ ပြန်ဆို ရေးသားထားပါတယ်) Size - 2.1GB, 880MB Quality - 1080p, 720p IMDb Rating - 6.2/10 Format - mp4 Duration - 1H 44Min Genre - Drama, Romance Subtitle - Myanmar Subtitle (Hardsub) Translated by Jina Encoded by Y

တစ်ချို့လူတွေက ... ကျွန်တော်တို့ရဲ့ ဘဝတွေထဲကို တိုက်တိုက်ဆိုင်ဆိုင် ဝင်ရောက်လာခဲ့ကြပြီး ကောင်းမွန်တဲ့ အမှတ်တရတွေနဲ့ မတူညီတဲ့ ရှုထောင့်တွေကနေ မြင်ကြည့်တတ်အောင် သင်ပေးခဲ့တယ် အဲဒီလိုလူတွေက အမြဲအမှတ်ရနေပေးဖို့ ထိုက်တန်ပါတယ် အခန်းထဲမှာ ငိုကြွေးနေသည့် ဇနီးဖြစ်သူ Cynthia ရဲ့ အသံကိုနားစွင့်ရင်း James တစ်ယောက် သက်ပြင်းမောတွေ ချမိနေသည်။ သူတို့နှစ်ဦးရဲ့ ဘဝထဲမှာ ကလေးလေးရဖို့ မဖြစ်နိုင်ခဲ့တော့ဘူးတဲ့ ... နေ့လည်က ဆရာဝန် ပြောခဲ့သည့် စကားသံတွေကို ပြန်လည်ကြားယောင်နေမိ၏။ ဝမ်းနည်းကြတာချင်းအတူတူ မိန်းမသားဖြစ်သည့် ဇနီးသည်က ပို၍ဝမ်းနည်းမှာကို သူသိနေခဲ့ရသည်။ Cynthia အပြင်ထွက်လာတော့ ဧည့်ခန်းထဲမှာ အတူထိုင်ရင်း ဇနီးဖြစ်သူ စိတ်အပြောင်းအလဲဖြစ်အောင် James တစ်ယောက် စာရွက်အပိုင်းအစလေးပေါ်မှာ ချရေးလိုက်သည်။ နောက်ဆုံးအကြိမ်အဖြစ် သူ့တို့နှစ်ဦး ဖြစ်စေချင်ခဲ့ကြတဲ့ ကလေးလေးရဲ့ ပုံပန်းသွင်ပြင်နဲ့ ကိုယ်ရည်ကိုယ်သွေးတွေကို ချရေးပြီး မနက်ဖြန်မှာ စိတ်သစ်ကိုယ်သစ်နဲ့ စတင်ကြမည်။ ဇနီးမောင်နှံနှစ်ယောက် ပျော်ပျော်ရွှင်ရွှင် ကလေးလေးကို စိတ်ကူးပုံဖော်ပြီးနောက်မှာတော့ စာရွက်အပိုင်းအစလေးတွေ အားလုံးကို ဘူးထဲမှာထည့်ပြီး ခြံထဲက ဂေါ်ဖီထုပ်ပင်တွေကြားထဲမှာ အတူမြေမြှပ်လိုက်ကြသည်။ နှုတ်ဆက်ပါတယ် ... ဖေဖေတို့ရဲ့ ဘဝထဲကို ဘယ်တော့မှ ရောက်မလာတော့မယ့် ကလေးလေးရေ ..... "ဂျိန်း!!!" မိုးခြိမ်းသံကြောင့် James တစ်ယောက် အိပ်ယာကထပြီး အောက်ကိုဆင်းလာခဲ့သည်။ ဟနေသည့် အိမ်တံခါးကို ပြန်ပိတ်လိုက်ပြီး ရေခဲသေတ္တာဖွင့်ကာ ရေသောက်နေတုန်း အရိပ်ကလေးတရိပ် ဘေးကနေ ဖြတ်ပြေးသွားခဲ့တာကို James တစ်ယောက် သတိမထားလိုက်မိ။ သူ နောက်ထပ်သတိမထားခဲ့မိတာ တစ်ခုကတော့ သည်းကြီးမဲကြီး ရွာနေခဲ့တဲ့ ထိုမိုးဟာ သူတို့ရဲ့ အိမ်ဝန်းကလေးပေါ်ကိုပဲ ကွက်ပြီး ရွာနေခဲ့တာ ဆိုတာပါပဲ။ အိပ်ယာထဲဝင်ပြီး စောင်ခေါင်းမြီးခြုံအိပ်နေသည့် ဇနီးဖြစ်သူကို ဖက်လိုက်စဉ် အခန်းတံခါးကနေ Cynthia က ဝင်လာခဲ့၏။ ချက်ချင်း စောင်ကိုလှပ်ကြည့်လိုက်တော့ အရိပ်ကလေးက သူ့ဘေးကနေ လှစ်ခနဲ ထပြေးသွားခဲ့ကာ အိပ်ယာပေါ်မှာ မြေကြီးတွေသာ ပေကျံနေခဲ့လေသည်။ ဇနီးမောင်နှံနှစ်ယောက် တစ်ခန်းဝင်တစ်ခန်းထွက် လိုက်ရှာကြည့်ရင်း အိမ်ထဲမှာ တစ်ကိုယ်လုံး မြေကြီးတွေနဲ့ ညစ်ပေနေခဲ့သည့် ကလေးလေးတစ်ယောက်ကို တွေ့လိုက်ကြရ၏။ "ဟိုင်း ... သားနာမည် Timothy ပါ" တဲ့ ဘယ်ကမှန်းမသိ ရောက်လာခဲ့တဲ့ Timothy လေးကို ဇနီးဖြစ်သူက ရေချိူးသန့်စင်ပေးနေလေသည်။ James တစ်ယောက် ရဲစခန်းကို ဖုန်းဆက်ရင်း အပြင်ဘက်ကိုကြည့်မိတော့ ဂေါ်ဖီပင်တွေကြားက ခုနက မြေမြှပ်ခဲ့သည့် နေရာမှာ ထူးဆန်းစွာ မြေကြီးတွေ ပုံပျက်နေတာကို တွေ့လိုက်ရ၏။ တစ်ဖက်မှာလည်း Tomothy လေးကို သန့်ရှင်းရေးလုပ်ပေးနေတဲ့ Cynthia တစ်ယောက် ကလေးလေးရဲ့ ခြေထောက်နှစ်ဖက်မှာ ကပ်ပေါက်နေခဲ့တဲ့ ထူးဆန်းတဲ့ သစ်ရွက်လေးတွေကို မြင်လိုက်ရတဲ့အခါမှာတော့ ..... Timothy လေးဟာ James နဲ့ Cynthia Green တို့အတွက် သဘာဝတရားကြီးက ဖန်တီးပေးခဲ့တဲ့ ရင်သွေးလေးပဲလား ? ️"The Odd Life Of Timothy Green" ဟာ Disney ကနေ ထုတ်လုပ်ထားတဲ့ စိတ်ကူးယဉ် မိသားစုဒရာမာ ဇာတ်ကားလေးဖြစ်ပြီး 2012 က ထွက်ရှိခဲ့တာ ဖြစ်ပါတယ်။ မင်းသမီး Jennifer Garner, မင်းသား Joel Edgerton တို့နဲ့အတူ ကလေးသရုပ်ဆောင်လေး CJ Adams တို့က အဓိကပါဝင်ထားပြီး Ahmet Zappa ရဲ့ ဇာတ်လမ်းကို Peter Hedges က ဇာတ်ညွှန်းရေးသားကာ ဒါရိုက်တာအဖြစ် ရိုက်ကူးထားတာပါ။ #MMDB_Reviews #TheOddLifeOfTimothyGreen #KHSN (ဇာတ်လမ်းအညွှန်းကိုတော့ MMDB Facebook Page မှကူးယူဖော်ပြထားတာဖြစ်ပြီ; ဘာသာပြန်သူကတော့  Holy Moly ပါ) File Size : (700 MB) and (350 MB) Quality : 720pBluray Running Time : 1hr 45minutes Format : Mp4 Genre : Comedy, Drama, Family Subtitle : Myanmar Subtitle (Hard Sub) Translated by Holy Moly Encode by Thanhtike Zaw

The Lucky One (2012) IMDb - 6.5/10 ရိုမန်တစ်ဆန်ချင်တဲ့ RS တွေနဲ့ ကြည့်ပြီး အားကျချင်တဲ့ FA တွေအတွက် နာမည်ကြီး Romance ရုပ်ရှင်ကားတစ်ကားကို တင်ဆက်ပေးလိုက်ပါပြီ။ The Lucky One ရုပ်ရှင်ဟာ နာမည်ကျော်အချစ်ဝတ္ထုရေးဆရာကြီး Nicholas Sparks ရဲ့ The Lucky One ဆိုတဲ့ဝတ္ထုကို ပြန်လည်ရိုက်ကူးထားတာဖြစ်ပါတယ်။ ဒီရုပ်ရှင်ဟာ အထူးသဖြင့် လူငယ်မိန်းကလေးများကြားမှာ အတော်လေးရေပန်းစားပြီး တော်တော်များများလဲသိကြတဲ့ ရုပ်ရှင်ကားတစ်ကားဖြစ်ပါတယ်။ ဇာတ်လမ်းအကျဉ်းကိုပြောရမယ်ဆိုရင်တော့ လိုဂန်ဟာ အီရတ်မှာ စစ်မှုထမ်းနေတုန်း မိန်းမချောတစ်ယောက်ရဲ့ဓာတ်ပုံကို ရှာတွေ့ခဲ့ပါတယ်။ စစ်ထဲမှာ သူ့ရဲ့သူငယ်ချင်းတွေ သေဆုံးသွားခဲ့လို့ စိတ်ထိခိုက်နေခဲ့ပြီး စိတ်ကူးတည့်ရာလျှောက်လုပ်ရင်း ဒီဓာတ်ပုံထဲက မိန်းကလေးကို လိုက်ရှာဖို့ကြိုးစားပါတော့တယ်။ ဓာတ်ပုံထဲက ကောင်မလေးကို သူတစ်ခါမှလဲမမြင်ဖူးသလို နာမည်တောင်မသိပါဘူး။ သူ့မှာ ဒီမိန်းကလေးနဲ့ပတ်သက်တာဆိုလို့ ဒီဓာတ်ပုံတစ်ပုံထဲရှိတာပါ။ ဓာတ်ပုံတစ်ပုံကနေ လိုဂန်တစ်ယောက် ကောင်မလေးကိုဘယ်လိုရှာမလဲ၊ ရှာတွေ့ရင်ရော ကောင်မလေးရဲ့အခြေအနေက ဘယ်လိုမျိုးလဲ၊ ဘာအခက်အခဲတွေကြုံတွေ့ရနိုင်မလဲဆိုတာတော့ ဇာတ်လမ်းထဲမှာ ဆက်လက်စီးမျောရင်း ခံစားလိုက်ကြပါ။ နှုတ်ခမ်းနီမလေးတွေရဲ့ အသည်းစွဲ Zac Efron က လိုဂန်အဖြစ်သရုပ်ဆောင်ထားတာဖြစ်ပြီး မင်းသမီးကလဲ အလှအပလေးဖြစ်တာကြောင့်အမျိုးသမီးထုကြီးရော အမျိုးသားထုကြီးပါ လက်မလွှတ်တမ်း ဘူးသင့် အဲလေ ကြည့်သင့်တဲ့ရုပ်ရှင်ကားကောင်းတစ်ကောင်းဖြစ်ပါတယ်။ (ဘာသာပြန်ပေးထားသူကတော့ မမ မေမြတ်သူပါ) File Size : (902 MB) Quality : Blu-Ray 720p Running Time : 1hr 41min Format : Mp4 Genre :Drama, Romance Subtitle : Myanmar Subtitle (Hard Sub) Source : 1080p.BluRay.X264-AMIABLE Translated by May Myat Thu Encoded by Thanhtike Zaw

The Hunger Games (2012) IMDb Rating (7.2) / Rotten Tomatoes (84%) The Hunger Games (2012) Review *** Spoiler Alert *** နာမည်ကျော်သရုပ်ဆောင် Jennifer Lawrence သရုပ်ဆောင်ထားတဲ့ Adventure , Drama , Sci-Fi ဇာတ်ကားတစ်ကားဖြစ်ပါတယ်။ ဒီဇာတ်ကားကတော့ ပရိသတ်တွေနဲ့စိမ်းမယ်မထင်ပါဘူး။ ဇာတ်လမ်းအကျဉ်း : The Hunger Games ရဲ့ဇာတ်လမ်းကတော့ Districts တစ်ခုချင်းစီကနေ တစ်နှစ်ကို အသက် 12-18 ကြား ယောက်ကျားလေး တစ်ယောက်နဲ့ မိန်းကလေးတစ်ယောက်ကိုရွေးချယ်ပါတယ်။ အရွေးချယ်ခံရတဲ့ လူတွေကို Tributes လို့ ခေါ်ပါတယ်။ အဲ့ဒီလိုရွေးချယ်ပြီး Capitol လို့ခေါ်တဲ့ အစိုးရမြို့မှာ နှစ်စဉ်ကျင်းပတဲ့ Hunger Game မှာသွားရောက်ယှဉ်ပြိုင်စေပါတယ်။ Hunger Game မှာပါတဲ့ Tributes တွေအနေနဲ့ တစ်ယောက်နဲ့တစ်ယောက် သေသည်အထိ တိုက်ခိုက်ရပြီး နောက်ဆုံး တစ်ယောက်ပဲကျန်ရပါမယ်။ အဲ့ဒီနောက်ဆုံး ကျန်တဲ့တစ်ယောက်က Hunger Game မှာအနိုင်ရရှိတဲ့လူပဲဖြစ်ပါတယ်။ အဲ့ဒီလိုတစ်ယောက်နဲ့ တစ်ယောက်သတ်နေတာကို အပြင်က လူချမ်းသာတွေနဲ့ အစိုးရအဖွဲ့ဝင်တွေက အားရပါးရ ကြည့်ရှုအားပေးနေကြတာပါ။ ဘာဖြစ်လို့ အဲ့ဒီလို နှစ်စဉ်သတ်ခိုင်းနေတာလဲဆိုရင် အရင်တုန်းက တိုင်းပြည်မှာဆူပူအုံကြွမှုတွေဖြစ်ပြီး အစိုးရကိုပုန်ကန်တယ်။အဲ့ဒီအချိန်မှာ Capitol ပဲကျန်ခဲ့တယ်။ အဲ့ဒါကို Capitol ကအစိုးရက သူတို့ကိုနောက်ထပ် ပုန်ကန်မှုတွေမပြုလုပ်အောင် ၊ သူတို့ပုန်ကန်မှုတွေပြုလုပ်တုန်းက ဘယ်လိုနှိမ်နင်းခဲ့တယ်ဆိုတာတွေပြန်မှတ်မိအောင် ၊ အပြစ်ပေးတဲ့အနေနဲ့ နောက်ထပ် ပုန်ကန်မှုတွေမလုပ်အောင် တစ်နှစ်တစ်ကြိမ် Capitol မှာ Hunger Game ကိုကျင်းပပေးရတာပဲဖြစ်ပါတယ်။ Hunger Game အတွက် လူရွေးတဲ့အခါမှာ Katniss Everdeen (Lawrence) ရဲ့ ညီမလေးက အရွေးခံလိုက်ရတယ်။ ဒါပေမဲ့ သူမက ငယ်သေးလို့ သူမအစား Katniss Everdeen က Volunteer လုပ်မယ်ဆိုပြီး အရွေးချယ်ခံလိုက်ပါတယ်။ နောက်ထပ် ယောက်ကျားလေးတစ်ယောက်ကတော့ Peeta လို့ခေါ်တဲ့ ကောင်လေးတစ်ယောက်ကို ရွေးချယ်သွားပါတယ်။ ဒီလိုနဲ့သူတို့ Hunger Game မှာယှဉ်ပြိုင်ဖို့အတွက် Capitol ကိုရောက်လာတယ်။ သူတို့ နှစ်ယောက်က District 12 ကနေဝင်ရောက်ယှဉ်ပြိုင်ကြမှာပါ။ သူတို့ရဲ့ အဖွဲ့တိုင်းမှာလဲ သူတို့ရဲ့ နည်းပြကိုယ်စီရှိပါတယ်။ Capitol ကလူတွေရဲ့ ဝတ်စားဆင်ယင်မှုတွေကတော့ အရောင်စုံတွေနဲ့ ခပ်ကြောင်ကြောင် အဝတ်အစားတွေနဲ့ပါ။ ဒီလိုနဲ့သူတို့ Hunger Game မှာယှဉ်ပြိုင်ကြပါတယ်။ ယှဉ်ပြိုင်တဲ့အခါမှာ အခြားပြိုင်ဘက်ကတွေက အချင်းချင်း Allies ဖွဲ့ကြပါတယ်။ Katniss ကတော့ ဒါတွေမသိတဲ့အတွက်ကြောင့် တစ်ယောက်ထဲပဲပြိုင်ပြီး သူတို့တွေနဲ့ ဝေးသမျှဝေးအောင် ပြေးပါတယ်။ Katniss ရဲ့ အားသာချက်က မြှားပစ်ကျွမ်းကျင်တာပါ။ဒီလိုနဲ့ Hunger Game ကိုခက်ခက်ခဲခဲယှဉ်ပြိုင်ကြပါတယ်။ Hunger Game က စည်းကမ်းကိုက နောက်ဆုံးတစ်ယောက်ပဲကျန်ရမှာပါ။ ဒါကို Katniss အနေနဲ့ Peeta ပေါင်းပြီး အချစ်ဇာတ်လမ်းအတုတွေဖန်တီးပြီး နှစ်ယောက်လုံးအသက်ရှင်ကျန်ရစ်အောင် လုပ်ပါတယ်။ Hunger Game ကို ကြည့်ရှုနေကြတဲ့ ပရိသတ်တွေကို အထင်ကြီးအောင်လုပ်နိုင်လေ …. အနိုင်ရဖို့အခွင့်လမ်းများလေပါပဲ။ ဒါကိုသိအောင် Katniss တို့ နည်းပြကပြောပြထားတဲ့အတွက်ကြောင့် လူအများအထင်ကြီးအောင် သိပ်ချစ်ကြတဲ့ စုံတွဲအဖြစ်ဟန်ဆောင်ပြီး District 12 အတွက် ၂ ယောက်လုံးအနိုင်ရပြီး အသက်ရှင်ကျန်ရစ်ပြီး အနိုင်ရသွားတာပါ။ Review : The Hunger Games (2012) ကိုကြည့်ရတာ Divergent တို့ .. The Maze Runner တို့နဲ့ ခပ်ဆင်ဆင်တွေပါပဲ။ ဒီဇာတ်ကားထဲမှာ ကြည့်ရတာသိပ်အဆင်မပြေတာကတော့ Capitol ကလူတွေဝတ်တဲ့ အဝတ်အစားတွေနဲ့ ဆံပင်အရောင်တွေ ၊ ဆံပင်ပုံစံတွေပါ။ ခပ်ကြောင်ကြောင် အရောင်တွေနဲ့ . အရောင်စုံတွေသုံးထားတာကတော့ တော်တော်လေးကြည့်ရဆိုးပါတယ်။ ဇာတ်ကားက စိတ်ကူးယဉ်ဆန်တဲ့ဇာတ်ကားတစ်ကားပါ။ စိတ်ကူးယဉ်ဆန်တဲ့ဇာတ်ကားမို့လို့လဲ အဲ့ဒီလိုအရောင်တွေသုံးထားတာဖြစ်မယ်ထင်တယ်။ ဒါပေမဲ့ ဇာတ်ကားက ကြည့်လို့တော့ကောင်းပါတယ်။သူ့ဇာတ်လမ်းနဲ့ သူ့ဇာတ်အိမ်နဲ့ ရိုက်ပြသွားတာလဲကောင်းပါတယ်။ Hunger Game ဇာတ်ကားက Divergent တို့ .. The Maze Runner တို့ကြိုက်တဲ့လူတွေအတွက်တော့ ကြည့်သင့်တဲ့ဇာတ်ကားတစ်ကားပါ။ Hunger Game ရဲ့ Budget ကတော့ $78 Million အသုံးပြုခဲ့ပြီး Box Office ဝင်ငွေကတော့ $694.4 Million ပြန်ဝင်တဲ့အတွက် တော်တော်အောင်မြင်တဲ့ဇာတ်ကားတစ်ကားလို့ပြောလို့ရပါတယ်။ (ရုပ်ရှင်အညွှန်းကို DatShin Page မှ ကူးယူဖော်ပြပါသည်။) The Hunger Games ဇာတ်ကားအားလုံးကို ဒီမှာ https://channelmyanmar.org/?s=the+hunger+games ကြည့်ပါ။ File size…(7.3 GB)/(2.1 GB)/(1.4 GB) Quality…BluRay 4K HEVC/1080p HEVC /720p Format…mkv/mp4 Duration….02:22:30 Subtitle….Myanmar Subtitle (Hardsub) Encoder….Ka Naung Translated by Aye Chan Su

မိဘဖြစ်လာဖို့ ပြင်ဆင်နေကြတဲ့ စုံတွဲငါးတွဲမှာ တစ်တွဲနဲ့တစ်တွဲ အခြေအနေချင်း မတူကြပါဘူး။ ကိုယ်ဝန်ဆောင်တာ၊ ကလေးမွေးတာနဲ့အတူ ကိုယ်ရောစိတ်ပါ ပြောင်းလဲဖို့ လိုလာတဲ့အခါ သူတို့စီစဉ်ထားသမျှကလည်း ထင်သလို ဖြစ်မလာကြတော့ဘူး။ Lose it and weep ရှိုးရဲ့ နည်းပြ ဂျူးလ်စ်ဘက်စ်တာနဲ့ နာမည်ကြီးအကသမား အက်ဗန်ဝက်ဘာတို့က အကပြိုင်ပွဲတစ်ခုမှာ အတူယှဉ်ပြိုင်ကြရင်း မမျှော်လင့်ဘဲ ကိုယ်ဝန်ရလာတာကြောင့် ကလေးအတွက် ပြင်ဆင်နေကြပါတယ်။ ကလေးစာအုပ်တွေရေးတဲ့ ဝင်ဒီနဲ့ ဂယ်ရီကူးပါးတို့ကတော့ ကလေးယူဖို့ နှစ်နဲ့ချီ ကြိုးစားခဲ့ကြသူတွေပါ။ ကလေးချစ်တတ်တဲ့ ဝင်ဒီဟာ နောက်ဆုံးမှာ ကိုယ်ဝန်ရလာပေမယ့် ကိုယ်တိုင်ကြုံရတဲ့အခါ သူထင်ထားသလောက် မလွယ်မှန်း သိလာရတယ်။ ဂယ်ရီ့အဖေ ရမ်ဆီကူးပါးက ပြိုင်ကားမောင်းသမားတစ်ယောက်ဖြစ်ပြီး သားနဲ့ နေရာတကာ လိုက်ပြိုင်နေတတ်သူပါ။ သူ့ရဲ့အသက်ငယ်ငယ်ဇနီး စကိုင်လာက အမွှာကိုယ်ဝန်လွယ်ထားရတော့ ဒီတစ်ခါလည်း သားထက် နှာတစ်ဖျားသာပြီဆိုပြီး ဂုဏ်ယူနေပါတယ်။ ဟော်လီနဲ့ အဲလက်စ်တို့ကျတော့ ကိုယ်ဝန်မဆောင်နိုင်လို့ ကလေးမွေးစားဖို့ ကြိုးစားနေကြတာပါ။ ဟော်လီက ကလေးအရမ်းလိုချင်နေသလောက် အဲလက်စ်ကတော့ မိဘဖြစ်ဖို့ မသေချာသေးဘဲ စိုးရိမ်စိတ်တွေ များနေတယ်။ ရိုစီနဲ့ မာကိုတို့မှာတော့ ကျောင်းသားဘဝကတည်းက မကျေလည်ခဲ့တာတွေ ရှိပါတယ်။ မာကိုက အထက်တန်းကျောင်းတုန်းက ရိုစီရဲ့အချစ်ကို ကစားခဲ့ဖူးပြီး အခုလည်း စီးပွားရေးပြိုင်ဘက်တွေဖြစ်လို့ ရန်စောင်နေကြတုန်းပါ။ မိဘဖြစ်ဖို့ ပြင်ဆင်နေတဲ့ ဒီစုံတွဲတွေရဲ့ဘဝထဲ မထင်မှတ်တာတွေ ဝင်လာတဲ့အခါ အစီအစဉ်တွေလွဲပြီး ကမောက်ကမဖြစ်ကြပုံကို ဟာသနဲ့ ရောနှောတင်ဆက်ထားပါတယ်။

Due Date (2025) IMDb Rating (6.5) / Rotten Tomatoes (39%) ပီတာဟိုင်းမန်းဆိုတဲ့ ဗိသုကာပညာရှင် (Robert Downey Jr.) က သူ့ဇနီးမီးဖွားခါနီး အလုပ်ကိစ္စတစ်ခုနဲ့ အတ္တလန္တာကိုရောက်နေတဲ့အတွက် ကလေးမမွေးခင် လော့စ်အိန်ဂျလိစ်ကို အချိန်မီပြန်ရောက်နိုင်ရေး အတော်လေးစိတ်လှုပ်ရှားနေသူ ဖြစ်တယ်။ ဒီလိုနဲ့ လေဆိပ်ကို ရောက်ရောက်ချင်းပဲ သံသယဝင်စရာကောင်းတဲ့လူတစ်ယောက် (Zach Galifianakis) နဲ့ ဆုံမိတော့တယ်။ သူနဲ့စတွေ့ကတည်းက ပီတာတစ်ယောက် အလွဲလွဲအချော်ချော်တွေ ဖြစ်တာမှ လေကြောင်းရဲက သူ့ကိုရာဘာကျည်နဲ့ ပစ်ပြီး No-fly list ထဲပါ စာရင်းသွင်းခံရတဲ့အထိပဲ။ ဒီတော့ သူ့ခမျာ အမေရိကားရဲ့ အရှေ့ဘက် အတ္တလန္တာကနေ အနောက်ဘက် လော့စ်အိန်ဂျလိစ်အထိ ပြန်ဖို့ နည်းလမ်းရှာရတော့တယ်။ ကားလမ်းကနေ ပြန်ဖို့စီစဉ်ပြန်တော့လည်း သူ့အိတ်တွေက လေယာဉ်ပေါ်ပါသွားတာဖြစ်တဲ့အတွက် အိုင်ဒီမရှိတော့ ကားငှားမရပြန်။ အဲဒီလိုဖြစ်နေချိန် ခုနက သံသယဝင်စရာကောင်းတယ်ဆိုတဲ့ အီသန်က ကားတစ်စီးကိုငှားလာပြီး သူလည်း No-fly list ထဲပါသွားတဲ့အတွက် လော့စ်အိန်ဂျလိစ်ကိုကားနဲ့ပြန်ရမှာ .. သူနဲ့အတူလိုက်ခဲ့ပါလို့ ခေါ်တော့တယ်။ ခရီးစဉ်တလျှောက် အီသန်က ပီတာကို ဘယ်လောက်ထိမွှေမလဲ။ ပီတာရော သူ့မိန်းမ မီးမဖွားခင် လော့စ်အိန်ဂျလိစ်ကို ရောက်အောင်ပြန်နိုင်ပါ့မလား။ Comedy/ Adventure ဇာတ်လမ်းအမျိုးအစားဖြစ်ပြီး ရုံတင်ဝင်ငွေအတော်လေးကောင်းခဲ့တဲ့ ဇာတ်ကားဖြစ်ပါတယ်။ File size… (2 GB) / (930 MB) Quality…. Blu-Ray 1080p HEVC / 720p Format…. mkv/mp4 Genre…. Comedy,Drama Duration…. 01:35:34 Subtitle…. Myanmar Subtitle (Hardsub)

အိမ်ခြေမဲ့ လူမည်းကလေးတစ်ယောက်ဘဝကနေ နာမည်ကျော် အမေရိကန်ဘောလုံးကစားသမား ဖြစ်လာတဲ့ Michael Oher ရဲ့အကြောင်းကို ဖြစ်ရပ်မှန်အခြေခံ ရိုက်ကူးထားပါတယ်။ သူ အဲဒီနေရာကို ရောက်လာဖို့ ဘယ်လောက်ရုန်းကန်ခဲ့ရသလဲဆိုတာကို ဇာတ်လမ်းအဖြစ် တင်ဆက်ထားတာပါ။ ဒီဇာတ်ကားနဲ့ Sandra Bullock ဟာ အော်စကာဆု ရရှိခဲ့ပါတယ်။ ရိုက်ကူးစရိတ် အမေရိကန်ဒေါ်လာ ၂၉ သန်း ကုန်ကျခဲ့ပြီး ရုံတင်ဝင်ငွေ ဒေါ်လာ ၃၀၉.၂ သန်း ရရှိခဲ့ပါတယ်။