Simms May ပါဝင်သော ဇာတ်ကားများ

The End of Oak Street (2026) 4K HEVC +++++++++++++ IMDb Rating (6.5) / Rotten Tomatoes (86%) ဒီဇာတ်ကားကတော့ Science Fiction, Survival နဲ့ Adventure အမျိုးအစား ရုပ်ရှင်ဇာတ်ကားကြီးပဲ ဖြစ်ပါတယ်။ It Follows ကို ရိုက်ကူးခဲ့တဲ့ ဒါရိုက်တာ David Robert Mitchell က ရေးသားရိုက်ကူးထားပြီး၊ နာမည်ကျော် ထုတ်လုပ်သူ J.J. Abrams လည်း ပူးတွဲ ထုတ်လုပ်ထားပါတယ်။ အဓိက သရုပ်ဆောင်တွေအဖြစ် မင်းသမီး Anne Hathaway, မင်းသား Ewan McGregor, Maisy Stella နဲ့ Christian Convery တို့က မိသားစုဝင်တွေအဖြစ် ပါဝင်သရုပ်ဆောင်ထားကြပါတယ်။ ဇာတ်လမ်းကတော့ ၁၉၈၂ ခုနှစ် Flowervale မြို့လေးက Oak Street ဆိုတဲ့ ရပ်ကွက်လေးထဲမှာ နေထိုင်ကြတဲ့ Platt မိသားစုဆီကနေ စတင်ပါတယ်။ တစ်နေ့မှာ ထူးဆန်းတဲ့ အာကာသဖြစ်စဉ်ကြီးတစ်ခုကြောင့် သူတို့နေထိုင်ရာ ရပ်ကွက်လေးဟာ အချိန်တွေ နောက်ပြန်ဆုတ်သွားပြီး ဒိုင်နိုဆောခေတ်ကို ရုတ်တရက် ရောက်ရှိသွားပါတော့တယ်။ မထင်မှတ်ထားတဲ့ နေရာစိမ်းကြီးမှာ မိသားစုရေး အဆင်မပြေဖြစ်နေတဲ့ လင်မယားနှစ်ယောက်ရော သားသမီးတွေရော အချင်းချင်း ပူးပေါင်းပြီး ကြောက်မက်ဖွယ် ဒိုင်နိုဆောတွေရဲ့ အန္တရာယ်ကနေ အသက်ရှင်လွတ်မြောက်အောင် ဘယ်လို ကြိုးစားရုန်းကန်ရမလဲ ဆိုတာကို ရင်တမမ ကြည့်ရှုရမှာပါ။ ဒီဇာတ်ကားဟာ Jurassic Park လို ဂန္ထဝင် ဒိုင်နိုဆောကားတွေရဲ့ အငွေ့အသက်တွေကို ရယူထားပြီး ခေတ်ဟောင်း ၈၀ ပြည့်လွန်နှစ်တွေက အရသာမျိုးကို ပြန်လည်ခံစားရအောင် အသက်သွင်းထားတာပါ။ Industrial Light & Magic (ILM) က ဖန်တီးပေးထားတဲ့ အမွေးအတောင်ပါတဲ့ ဒိုင်နိုဆောတွေရဲ့ ရုပ်ထွက်အလန်းစားတွေကို မြင်တွေ့ရမှာ ဖြစ်ပါတယ်။ မိသားစုမေတ္တာကို အဓိကထားပြီး သည်းထိတ်ရင်ဖို စွန့်စားခန်းတွေနဲ့ သေသေချာချာ ပေါင်းစပ်ထားတာကြောင့် သိပ္ပံစွန့်စားခန်း ရုပ်ရှင်ကောင်းတွေကို စောင့်မျှော်နေတဲ့ ပရိသတ်တွေအတွက် အထူးကျေနပ်စေမယ့် ဇာတ်ကားကြီးတစ်ကားပဲ ဖြစ်ပါတယ်။ File Size… (6.65GB)/ (2.04GB) / (1.00GB) Quality… WEB-DL 4K HEVC / 1080p HEVC / 720p Format…mkv / mp4 Duration…1h 40m Genre …Science Fiction, Mystery, Thriller Subtitle….Myanmar Subtitle (Hard Sub)

အမေရိကန်ရက်ပါ/မင်းသား Snoop Dogg ရဲ့ (၂၀၂၄)ခုနှစ်ထွက် ကားသစ်တစ်ကားကို တင်ဆက်ပေးလိုက်ပါတယ်။ သူ့ကားတွေ ကတော့ သိတဲ့အတိုင်း အသုံးခပ်ကြမ်းကြမ်းမို့ မိသားစုတို့ဘာတို့နဲ့ ကြည့်မယ်ဆိုရင် ဆင်ခြင်ပြီးကြည့်ရှုကြပါ။ အခုကားကတော့ Comedy/ Sport genre ဖြစ်ပြီး စိတ်ဝင်စားစရာလည်းကောင်းပါ တယ်။ နာမည်ကျသွားတဲ့ မာနခဲကြယ်ပွင့်ကစားသမားတစ်ယောက် အကြောင်းကို ရိုက်ကူးထားတာပါ။ ဂျေဆင်ဟာ လူငယ်ဘဝတုန်းက Gridiron Football အားကစားမှာ နာမည်ကြီးခဲ့တဲ့ကြယ်ပွင့်ကစားသမားတစ်ယောက်။ အသင်းဖော်ကို ရော၊ နည်းပြကိုရော၊ ပရိတ်သတ်ကိုရော ဘယ်သူ့ကိုမှ ဂရုမစိုက်တတ်တဲ့ သူ့အမူအကျင့်တွေကနေ ပြဿနာတွေဖြစ်လာပြီး အားကစားလောက ကနေ နှစ်၂၀ကင်းကွာသွားတဲ့သူ။ အဆဲအဆိုခံရတာတွေလည်း ဒုနဲ့ဒေး။ ဒါပေမဲ့ သူ့စိတ်ကတော့ သူရွှေထီးဆောင်းခဲ့တဲ့ကာလထဲမှာပဲ ရှိနေဆဲ။ တစ်နေ့ကျ ကားကို ဟယ်လင်ကဲလားလို မောင်းရာကနေ အက်ဆီးဒင့် ဖြစ်ပြီး ရုံးရောက်ဂတ်ရောက်တွေဖြစ်ကုန်တယ်။ တရားရုံးမှာ သူ့အမှုကို ကိုင်ရတဲ့တရားသူကြီးက သူ့ဇာတိမြို့ လောင်းဘိချ်မှာကတည်းကခင်ခဲ့တဲ့ ငတိမ။ သူ့အိမ်နီးချင်းရဲ့ထီမထင် မာနခဲစရိုက်ကိုသိနေတဲ့ တရားသူကြီးက ထောင်ချတဲ့အပြစ်ဒဏ်မပေးဘဲ လောင်းဘိခ်ျမှာ ပရဟိတအလုပ် နာရီ ၃၀၀ပြည့်အောင်လုပ်ရမယ်လို့ အမိန့်ချတယ်။ အဲလိုနဲ့ နာမည်ကျဘောလုံးသမားကြီးဟာ သူ့အိပ်မက်တွေ စအခြေတည်ရာ ဇာတိမြို့လေး‌ကို ပြန်ရောက်လာတယ်။ လိမ္မော်ရောင်သန့်ရှင်းရေးဝတ်စုံလေး ဝတ်ပြီး အာဝုအီးကျုံးဖို့ ဂေါ်ပြားလေးကိုင်ထားရင်းပေါ့။ ဒါ့အပြင် အကြောင်း တိုက်ဆိုင်ပြီး အဲဒီက ကလေးဘောလုံးအသင်းလေးမှာ နည်းပြလုပ်ပေးဖို့ဖြစ် လာတဲ့အခါ....။ ဇာတ်သွားကတော့ အဲလိုပါပဲ။ ဒီလို Plot မျိုးကြိုက်တဲ့သူတွေ ကြည့်ရှုသင့်တဲ့ကားကောင်းလေးဖြစ်ပါကြောင်း။ (ဒီဇာတ်လမ်းရဲ့အညွှန်းကို Ngwe Zin မှရေးသားပေးပြီး၊ ဘာသာပြန်ရေးသား ပေးသူများကတော့ Ngwe Zin, May Thet Khine Soe တို့ ဖြစ်ပါတယ်) File Size..........(1.74 GB) / (830 MB) Quality............WEB-DL 1080p / 720p Duration.........1Hr 36Min Subtitle...........Myanmar Hardsub Format............MP4 Genre..............Comedy, Sport Translator.......Ngwe Zin, May Thet Khine Soe Encoder..........SWM

ဒီရုပ်ရှင်လေးကတော့ Anne with an E လိုမျိုး မြီးကောင်ပေါက်လေးတွေရဲ့ ခံစားချက်နဲ့ ဇာတ်လမ်းလေးတွေကို ချစ်စရာရိုက်ကူးထားတဲ့ Coming of Age အမျိုးအစားပါပဲ။ ဒီနာမည်နဲ့ပဲ မူရင်းဝတ္ထုဟာ 1970 မှာ စာရေးဆရာ Judy Blume ကရေးသားခဲ့ပြီး ၁၉၂၃ နောက်ပိုင်း အကောင်းဆုံး စာအုပ် ၁၀၀ ထဲမှာ အပါအဝင်အဖြစ် တိုင်းမ်မဂ္ဂဇင်းက ၂၀၁၀မှာဖော်ပြခဲ့ပါတယ်။ ကလေးတွေအတွက် အကောင်းဆုံး စာအုပ် ၁၀၀ စာရင်းထဲမှာလည်း အပါအဝင်ပါပဲ။ ဒီဝတ္ထုကိုပဲ ခြေခံပြီး ဒါရိုက်တာ Kelly Fremon Craig က ဇာတ်ညွန်းခွဲ ရိုက်ကူးခဲ့တာပါ။ အဓိကမင်းသမီးလေး မာဂရက် အဖြစ် Ant-Man ရဲ့သမီး ကတ်ဆီ ငယ်ငယ်တုန်းက နေရာက‌နေ ပါဝင်ခဲ့တဲ့ Abby Ryder Fortson က သရုပ်‌ဆောင်ထားသလို မာဂရက်ရဲ့ မိခင်နေရာကတော့ ဒေါက်တာစထရိန့်ရဲ့ အချစ်ဆုံး ခရစ္စတင်းဖြစ်ခဲ့တဲ့ Rachel McAdams ပါ။ မာဂရက်ရဲ့ သူငယ်ချင်း နန်စီကတော့ Stranger Things ထဲက ရဲမှူးကြီးရဲ့ သမီးဖြစ်ခဲ့တဲ့ Elle Graham ပါပဲ။ ~ ဇာတ်လမ်းအကျဉ်း ~ မာဂရက်ဟာ ဂျူးအဖေ ခရစ်ယာန်အမေကနေ မွေးဖွားလာသူဖြစ်ပြီး မိဘတွေက ဘာသာမဲ့အဖြစ်ပဲထားထားပြီး အရွယ်ရောက်လာမှ ကိုယ်ပိုင်ဘာသာရွေးချယ်ခွင့်ပေးထားတာဖြစ်ပါတယ်။ ဒါကြောင့် ဘာသာတရားတွေကို သူ့ဘာသာ လေ့လာဆဲ စဉ်းစားဆဲပါပဲ။ သူတို့မိသားစု နယူးယောက်ကနေ နယူးဂျာဆီကို ပြောင်းလာပြီး ၆ တန်းမှာ ရွယ်တူ သူငယ်ချင်းတွေနဲ့ မိန်းကလေး ယောက်ျားလေးသဘာဝ ချစ်စရာ ဖြစ်ပျက်ပုံလေးတွေကို အခြေခံထားတာပါ။ ရင်သားတွေကြီးလာဖို့၊ ဘရာတွေအကြောင်းပြောဖို့၊ ဓမ္မတာလာတာရဲ့ ထူးဆန်းမှုတွေ၊ ကောင်လေးတွေအကြောင်းတွေ စသဖြင့် ကလေးဘဝကနေ အရွယ်ရောက်လာတဲ့မိန်းကလေးတွေရဲ့ အတွေးတွေနဲ့ စူးစမ်းမှုလေးတွေကို ပြထားတာမို့ မြီးကောင်ပေါက်ရုပ်ရှင်ကောင်းလေးတစ်ခုအဖြစ် ဘာသာပြန်တင်ဆက်ပေးလိုက်ပါတယ်။ (ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်) Size – 1.8GB, 800MB Quality – 1080p, 720p IMDb Rating – 7.8/10 Format – mp4 Duration – 1H 46Min Genre – Comedy, Drama, Family Subtitle – Myanmar Subtitle (Hardsub) Translated by Mr. Anderson Encoded by Y