ဘတ်ဖီဟာ ဘဝကို ပေါ့ပေါ့ပါးပါး ပျော်ပျော်ရွှင်ရွှင် ဖြတ်သန်းနေတဲ့ သာမန်အထက်တန်းကျောင်းသူလေးပါ။ သွေးစုပ်ဖုတ်ကောင်တွေ ပြန်လည်ထကြွလာတဲ့အခါမှာတော့ ဘဝအဆက်ဆက် ဖုတ်ကောင်နှိမ်နင်းသူတွေကို လေ့ကျင့်ပေးလာတဲ့ မဲရစ်က သူ့ဆီ ရောက်လာခဲ့တယ်။ သောင်းကျန်းနေတဲ့ ဖုတ်ကောင်တွေကို ရှင်းလင်းဖို့ တာဝန်ကလည်း ဘတ်ဖီပေါ် ရောက်လာပါတော့တယ်။ လွတ်လွတ်လပ်လပ် နေခဲ့တဲ့ ကျောင်းသူဘဝကနေ ဖုတ်ကောင်တွေကို ရင်ဆိုင်နိုင်သူ ဖြစ်လာဖို့ ဘတ်ဖီ အပြင်းအထန် ကြိုးစားရတယ်။ သူနှိမ်နင်းရမယ့်သူက သွေးစုပ်ဖုတ်ကောင်ခေါင်းဆောင် လိုသို့စ်ပါ။ ရုတ်တရက် ပြောင်းလဲသွားတဲ့ဘဝနဲ့အတူ ဒီတာဝန်ကို သူဘယ်လို ထမ်းဆောင်မလဲဆိုတာ အက်ရှင်၊ ဟာသနဲ့ စိတ်ကူးယဉ်အကြောင်းအရာတွေ ရောစပ်ပြီး ရိုက်ထားပါတယ်။ ဒီရုပ်ရှင်ဟာ ၁၉၉၀ ပြည့်လွန်နှစ်တွေက သွေးစုပ်ဖုတ်ကောင်ကားတစ်ကားဖြစ်ပြီး နောက်ပိုင်းအထိ သီးသန့်နှစ်သက်အားပေးသူတွေ ရှိခဲ့တယ်။ ၁၉၉၇ ကနေ ၂၀၀၃ ခုနှစ်အတွင်း ထွက်ရှိခဲ့တဲ့ စီးရီးလည်းရှိပြီး အဲဒီစီးရီးကတော့ ရုပ်ရှင်ထက် ပိုပြီး ကျယ်ကျယ်ပြန့်ပြန့် အောင်မြင်ခဲ့ပါတယ်။
ဇာတ်ကားကြည့်ရန်