Stephanie March ပါဝင်သော ဇာတ်ကားများ

Origin  ( 2023 ) A24ဟာ ကားကောင်းတွေ ဆန်းဆန်းပြားပြားအငွေ့အသက်ရတဲ့ ရုပ်ရှင်တွေအများကြီးထုတ်ပြီး အောင်မြင်မှုကြီးလာခဲ့သလို မနှစ်ကလည်း သူ့ဆီကထုတ်တဲ့ EEAAOနဲ့ အော်စကာတွေ တော်တော်သိမ်းခဲ့ပြီးပါပြီ။ နီယွန်ကတော့ နည်းနည်းပိုထင်ရှားလာတာတော့  A24နောက်မှပေမဲ့ ၂၀၁၉ကတည်းက သူ့ဆီကဖြန့်တဲ့ ပါရာဆိုက်နဲ့  ဒီလိုအောင်မြင်မှုမျိုးရပါပြီ။  ဒီနှစ်လည်း   A24က သူဖြန့်တဲ့  The Zone of Interest နဲ့  အော်စကာရခဲ့သလို နီယွန်ကလည်း  Anatomy of a Fall နဲ့ အော်စကာရခဲ့ပါတယ်။ နှစ်ဘက်စလုံးက နှစ်တိုင်းလိုလို ကောင်းပေ့ဆိုတဲ့ကားတွေချည်း ဖြန့်နေတဲ့ ကုမ္ပဏီတွေချည်းပါပဲ။ အခု  Origin  ( 2023 )ကလည်း နီယွန်ကကားပါပဲ။   Originဟာ တကယ်တမ်းလည်း ဇစ်မြစ်တစ်ခုကို အဖြေရှာသွားတဲ့ ရုပ်ရှင်တစ်ကားပဲ။  ဘာဇစ်မြစ်လဲဆိုရင်တော့ လူမဲတွေ လူမျိုးရေးခွဲခြားခံရခြင်းရဲ့ ဇစ်မြစ်ပေါ့။ ဘယ်လိုစသလဲဆို တော်တော်တော့ရှည်တယ်။ ဒီဇာတ်မှာတော့ လူမဲကောင်လေးတစ်ယောက်ကို လူဖြူရပ်ကွက်ထဲ ခြေသွားရှုပ်လို့အသတ်ခံရတာကနေစတယ်။ ဒီလိုအသတ်ခံရတော့ ဟိုးလေးတကြော်ဖြစ်ပြီး အယ်ဒီတာတစ်ယောက်က စာရေးဆရာမအစ္စဘဲလ်ကို ဒီအကြောင်းရေးဖို့ ပြောရာကနေစတယ်။ အစ္စဘဲလ်က ရေးဖို့လုပ်တော့ အားလုံးက သူ့ကို လူမျိုးရေးခွဲခြားမှုဆိုတဲ့ ခေါင်စဉ်အောက်က ရေးစေချင်ပေမဲ့ အစ္စဘဲလ်ကတော့ ဒီထက်ပိုတဲ့အရာတစ်ခုရှိတယ်လို့ ခံစားမိခဲ့တယ်။ သူကိုယ်တိုင်လည်း အမေးတွေပဲရှိပြီး အဖြေမရှိသေးတဲ့ ဒီပုစ္ဆာကို အဖြေရှာဖို့လုပ်ခဲ့တယ်။ ဒီလူမျိုးရေးခွဲခြားမှုတွေက ဘယ်ကနေစသလဲ။။ ဒီကားထဲက ဇာတ်ကောင်တစ်ဖြစ်လဲ အပြင်က စာရေးဆရာမ အစ္စဘဲလ်ကတော့ ဒီဇစ်မြစ်ကို နာဇီတွေကနေ စပြီးအဖြေရှာထားတယ်။ ဂျူးခြောက်သန်းကို သတ်ခဲ့တဲ့ ဟစ်တလာဟာ ဂျူးတွေကို ရှင်းပစ်ဖို့ စိတ်ကူးကို အမေရိကန်တွေက နေးတစ်အမေရိကန်တွေကို ရှင်းပစ်တာကိုပမာယူပြီး လုပ်ခဲ့တယ်လို့ ပြောဖူးသတဲ့။ ပြောရရင် အမေရိကန်တွေက ဂျာမန်တွေအတွက် ရှေ့ဆောင်လမ်းပြဖြစ်ခဲ့တယ်တဲ့။ ဒါက သူရခဲ့တဲ့အစတစ်ခုပေါ့။ အစ္စဘဲလ်က လူမဲတွေခံနေရတဲ့ မတရားမှုတွေက လူမျိုုးရေးခွဲခြားတယ်ဆိုတဲ့ စကားလုံးနဲ့ မလုံလောက်ဘူးလို့ယုံခဲ့တယ်။ ဒီထက်ပိုတယ်လို့ ယုံခဲ့တယ်။ ဒါပေမဲ့ အဲဒီအရာရဲ့ စကားလုံးကို သူကိုယ်တိုင်လည်း ခံစားမိပေမဲ့ တပ်အပ်မသိခဲ့ဘူး။ ဒီတော့ သူက နာဇီတွေ လူမျိုးသုဉ်းသတ်ဖြတ်ခံရတဲ့ ဂျူးတွေကိုလေ့လာခဲ့တယ်။ လူဖြူချင်း ဘာလို့ သတ်တာလဲ အဖြေရှာခဲ့တယ်။ နောက်  ဒီထက်အများကြီးပိုရှေးကျတဲ့ အိန္ဒိယရဲ့ ဇာတ်ခွဲခြားခြင်းကို ဆက်လေ့လာခဲ့တယ်။ အိန္ဒိယရဲ့ ဇာတ်အဆင့်အတန်းခွဲခြားမှုကတော့ လူမျိုုးတူခြင်းခွဲခြားတာဆိုတော့ ဒါဟာလူမျိုးရေးမဟုတ်ဘူးလို့ သူပိုသေချာလာခဲ့တယ်။ လူတန်းစားခွဲခြားမှု ခေါ် ဇာတ်ခွဲခြားထားတဲ့စနစ်တစ်ခုဆိုတာ သူသေချာလာတယ်။ ဖိနှိပ်မှုသက်သက်ဆိုတာ သူသိလာတယ်။ ဒါတွေအားလုံးကို ဘယ်လိုချိတ်ဆက်ပြီး ဘယ်လိုအထောက်အထားတွေရှာပြီး ကျွန်တော်တို့ကို ခင်းကျင်းပြသမလဲ သမိုင်းအမှန်တွေနဲ့ စိတ်ဝင်စားဖို့ကောင်းအောင် ကြည့်ရလိမ့်မယ်။ ဒီရုပ်ရှင်ကို အစ္စဘဲလ်ဝီလ်ကာဆန်ရဲ့  Caste: The Origins of Our Discontentsစာအုပ်ကနေ အခြေခံထားတယ်။ သူစာအုပ်ကို ရေးစဉ်က သူ့ဘဝအကြောင်းတွေ ဒီစာအုပ်ကိုရေးဖို့ ဘယ်လိုတွန်းအားတွေရခဲ့တယ်ဆိုတာတွေကိုပါ ထင်ဟပ်အောင် ပြထားတယ်။ စာအုပ်ကလည်း ဖြစ်ရပ်မှန်တွေကိုပဲသုံးပြီး ကောက်ချက်ချပြထားသလို ဒီရုပ်ရှင်ထဲက အကြောင်းအရာတွေကလည်း တကယ့်အဖြစ်တွေချည်းပဲ။ လူမျိုးရေးခွဲခြားတယ်ဆိုတာရဲ့ ဇစ်မြစ်ကို ရေဆုံးဖျားဆုံးတူးဆွပြသွားခဲ့တယ်။ ဒီအကြောင်းအရာကို တင်ပြတဲ့ကားတွေ တော်တော်များပေမဲ့ ဒီတစ်ကားကတော့ ဒါသီးသန့်ပြလို့လားမသိ တော်တော်တော့ထိရောက်တယ်လို့ မြင်တယ်။ ဘိုင်အိုဂရပ်ဖီ ဒရာမာကားပေမဲ့ ပျင်းဖို့မကောင်းဘဲ တော်တော်တော့စိတ်ဝင်စားဖို့ကောင်းနေတယ်။ ဖိနှိပ်မှုတွေဆိုတာ ကမ္ဘာမှာ ဒီနေ့ထက်ထိ အားကောင်းတုန်းအရာတွေဆိုတော့ ဒီရုပ်ရှင်ဟာ ကမ္ဘာကြီးကို ကျွန်တော်တို့မြင်တဲ့အမြင်ကို အမြင်သစ်တစ်ခုတိုးပေးနိုင်လိမ့်မယ့်ရုပ်ရှင်ဆိုတော့ တစ်ခါလောက်တော့ ကြည့်ထားကြသင့်တာပါပဲ။ ( ဘာသာပြန်ပြီး အညွှန်းရေးသားထားသူက‌တော့ WiRa Aung ပါ ) File size_(3.7GB)/( 1.6GB) Quality_Blu-Ray 1080p / 720p Format_mp4 Duration_02:21:00 Genre_Drama, History Subtitle_Myanmar Subtitle (Hardsub) Encoder_a hao Translated by WiRa Aung

The Invention of Lying (2009) ~ IMDb - 6.4/10, Rotten Tomatoes - 55% ~ မုသားမရှိတဲ့ကမ္ဘာမှာနေချင်တယ် ဘာညာ စာတိုလေးတွေ ရေးကြ ပြောကြတာတွေ တွေ့ဖူးမယ်ထင်ပါတယ်။ ကိုယ်တိုင်ရော ပြောမိကြဖူးပါသလား။ တကယ်ပဲ အဲဒီလိုကမ္ဘာထဲရောက်သွားရင်ကော ဘယ်လိုနေမယ်ထင်ပါသလဲ။ ဒီဇာတ်ကားထဲမှာတော့ အဲလိုမျိုးကမ္ဘာတစ်ခုထဲက ဇာတ်လမ်းလေးတစ်ပုဒ်အကြောင်း ပြောပြထားတာ ဖြစ်ပါတယ်။ ဇာတ်လမ်းထဲကလူတွေဟာ ခင်ဗျားတို့ ကျွန်တော်တို့လို သာမန်လူတွေပါပဲ။ ကွာခြားမှုတစ်ခုတည်းရှိတာက သူတို့ဟာ မုသားဆိုတဲ့ သဘောတရားကို နားမလည်ကြဘူး၊ သိလည်းမသိ၊ ပြောလည်းမပြောတတ်ကြဘူး။ ဒီတော့ မြှောက်ပင့်ပြီးညာပြောတာမျိုး၊ အားနာလို့လိမ်ပြောတာမျိုး၊ လိုချင်တာရဖို့လိမ်ညာတာမျိုး လုံးဝမရှိပါဘူး။ သူတို့က သူတို့စိတ်ထဲရှိတာကိုပဲ အရှိအတိုင်းပြောတတ်ကြပါတယ်။ အဲလိုဆိုတော့ တစ်ခါတလေမှာ အပြောခံရသူမှာ စပ်ဖျင်းဖျင်းတော့ ဖြစ်တာပေါ့လေ။ မာ့ခ် ဘယ်လီဆင်လို အသက်ကလေးဆယ်ကျော် ပိုက်ဆံကမရှိ လူက ဝပြဲပြဲ ရွက်ကြမ်းရေကျိုရုပ်နဲ့ လူ ဆိုရင် ပိုခံရခက်တာပေါ့။ သူ့ကို အရှုံးသမားလို့ပဲ အားလုံးကခေါ်ကြတာဆိုတော့ကာ... တနေ့မှာတော့ မာ့ခ် တယောက် မရည်ရွယ်ဘဲ မုသားစကားတစ်ခွန်းကို ပါးစပ်ကပြောမိသွားတယ်။ကမ္ဘာ့ပထမဆုံးမုသားကို တီထွင်မိသူပေါ့လေ။ လူတွေကလည်း မုသားဆိုတဲ့ အဓိပ္ပာယ်အစစ်ကို မသိကြသူတွေဆိုတော့ သူပြောသမျှကို အမှန်လို့ပဲလက်ခံပြီး ယုံကြည်ပေးကြတာကို သိလိုက်ရတဲ့အခါ သူဟာ စူပါပါဝါတစ်ခုကို ရလိုက်သလို ဖြစ်သွားပါတော့တယ်။ အဲဒီနောက် သူ ဘာတွေဆက်လုပ်မလဲဆိုတာကိုတော့ ဇာတ်ကားကိုကြည့်ရင်း ဆက်လက်ရှုစားကြပါ။ ဒီကားရဲ့အဓိကသရုပ်ဆောင် အင်္ဂလိပ် ဟာသ သရုပ်ဆောင် Ricky Gervais (ရစ်ကီ ဂျာဗေးဇ်) ကိုတော့ ဒီကပရိသတ်တွေ သိတာနည်းမယ်ထင်ပါတယ်။ Night at the Museum ထဲက ပြတိုက်မှူးကြီးဆိုရင်တော့ should ring a bell ဖြစ်နိုင်ပါလိမ့်မယ်။ ဇာတ်ကားတလျောက်လုံးမှာ သူ့ရဲ့ British English accent ကို ကြားရမှာပါ။ အမေရိကန်တွေစကားပြောပုံနဲ့တော့ မတူလှဘူးပေါ့ခင်ဗျာ။ မင်းသမီး ဂျနီဖာ ဂါနာ (Jennifer Garner) ကိုတော့ သူ့ရဲ့ Elektra ဇာတ်ကားကနေ နောက်ဆုံးထွက် The Adam Project ဇာတ်ကားထိအောင် ကြည့်ဖူးကြသူတွေ သိကြမှာပါ။ ဒီဇာတ်ကားဟာ IMDb rating 6.4 ရရှိထားပါတယ်။ Romance/Comedy လို့ဆိုပေမယ့် ကြည့်ရတဲ့အခါ လူ့သဘာဝနဲ့ ခေတ်စနစ်တွေကို သရော်တဲ့ dark humour ဆန်‌ဆန် ပြကွက်တွေလည်း တွေ့ရပါလိမ့်မယ်။ ကလိထိုးပြီးရယ်ခိုင်းတဲ့အကွက်မျိုးတွေတော့ မပါပါဘူး။ တစိမ့်စိမ့်နဲ့ တွေးပြီး ရယ်ရမယ့် ဇာတ်လမ်းမျိုးပါ။ နှစ်ခြိုက်ကြလိမ့်မယ်လို့ မျှော်လင့်ပါတယ်။ (ဇာတ်ကားနဲ့အညွှန်းကို Thaman Myint မှ ပြန်ဆိုရေးသားထားပါတယ်) Size - 2.5GB, 800MB Quality - Blu-ray 1080p, 720p IMDb Rating - 6.4/10 Format - mp4 Duration - 1H 40Min Genre - Comedy, Fantasy, Romance Subtitle - Myanmar Subtitle (Hardsub) Translated by Thaman Myint Encoded by Y

Mr. & Mrs. Smith (2005) IMDb Rating (6.5) / Rotten Tomatoes (60%) ကားဟောင်းတွေကို Quality update လုပ်ပေးနေရာမှာ ဒီတစ်ခါအလှည့်ကျလာတာကတော့ ဘရတ်ပစ်နဲ့ ဂျိုလီတို့ရဲ့ နာမည်ကြီး Action/Comedy Mr and Mrs Smith ကားလေးပါပဲ။ ဒီဇာတ်ကားက ၂၀၀၅ ခုနှစ်ရဲ့ သတ္တမမြောက် ဝင်ငွေအကောင်းဆုံးဖြစ်ခဲ့ပြီး IMDB 6.5/10 ရရှိခဲ့ပါတယ်။ ဒီဇာတ်ကားနဲ့ပဲ နှစ်ယောက်သား အပြင်မှာတကယ် လက်တွဲခဲ့ကြပြီး အဆုံးသတ်ကတော့ အများသိထားတဲ့အတိုင်းပါပဲ။ မကြည့်ရသေးတဲ့သူတွေအတွက် ဇာတ်လမ်းအကျဉ်းလေးပြောပြရရင် စတွေ့ပြီးလပိုင်းအကြာမှာတင် တစ်ယောက်နဲ့တစ်ယောက် အရူးအမူးဖြစ်ပြီး လက်ထပ်ခဲ့ကြတဲ့ စမစ်တို့ ဇနီးမောင်နှံက လက်ထပ်ပြီးနောက်မှာ စုံတွဲတော်တော်များများ ခံစားခဲ့ရသလို ငြီးငွေ့ ပျင်းရိဖွယ် အိမ်ထောင်ရေးတစ်ခုကို ဖြတ်သန်းခဲ့ရပါတယ်။ အချစ်တွေလျော့လာပြီး တစ်ယောက်ကိုတစ်ယောက် လျှို့ဝှက်ချက်တွေ တစ်ပုံတစ်ပင်နဲ့ အပေါ်ယံဆက်ဆံနေခဲ့ရာက တစ်နေ့မှာတော့ မမျှော်လင့်ထားတဲ့ အဖြစ်တစ်ခုနဲ့ အချင်းချင်းရဲ့ သရုပ်မှန်ကို သိလိုက်ရပါတော့တယ်။ နှစ်ယောက်စလုံးက အဆင့်မြင့် လုပ်ကြံရေးသမားတွေ ဖြစ်နေပြီး ဟန်ဆောင်ဖုံးကွယ်ထားတဲ့ မျက်နှာဖုံးတွေ ကွာကျကာ တစ်ဖက်နဲ့ တစ်ဖက်က ရန်သူတွေဖြစ်နေမှန်း သိလိုက်ရချိန်မှာတော့ သူတို့ရဲ့အေဂျင်စီတွေက သရုပ်မှန်ကို သိသွားတဲ့ တစ်ဖက်လူကို အသီးသီး ရှင်းပစ်ဖို့ အမိန့်ပေးခဲ့ပါတော့တယ်။ အစက ချစ်လို့လက်ထပ်ခဲ့ကြပေမဲ့ တစ်ယောက်နဲ့တစ်ယောက် ငြီးငွေ့လာရင်း ရုတ်တရက် ကိုယ့်အိမ်ထောင်ဖက်ကို ကိုယ့်ရန်သူအဖြစ် သတ်ဖြတ်ရတော့မယ့်အချိန်မှာ သူတို့ရဲ့ အဆင့်မြင့် လုပ်ကြံသတ်ဖြတ်ရေးစွမ်းရည်တွေကို အသုံးချပြီး ပြိုင်ဘက်ကို သုတ်သင်ဖို့ ဘယ်လိုကြိုးစားကြမလဲ။ နောက်ဆုံးမှာရော ဘယ်သူက အနိုင်ရသွားမလဲဆိုတာကိုတော့ ဇာတ်လမ်းထဲမှာပဲ ကြည့်ရှုလိုက်ကြပါဦး။ (ရုပ်ရှင်အညွန်းနဲ့ ဘာသာပြန်ကို Emily မှတင်ဆက်ထားပါတယ်။) Director's Cut Version နဲ့ တင်ဆက်ထားတာမလို့ ရုံတင် Version ထက် ၁၀ မိနစ်ခန့် အပိုပါပါတယ်။ File size…(3 GB )/(1.4 GB) Quality….BluRay Director's Cut Version 1080p HEVC / 720p Format…mkv/mp4 Duration….02:05:33 Subtitle….Myanmar Subtitle (Hardsub) Encoder….Ka Naung Translated by Emily