Stephen Dimopoulos ပါဝင်သော ဇာတ်ကားများ

ဘရန်ဒန်လန်းဟာ ထူးချွန်တဲ့ ကောလိပ်ဘောလုံးသမားတစ်ယောက် ဖြစ်ခဲ့ပါတယ်။ ဒါပေမဲ့ မတော်တဆမှုတစ်ခုမှာ ရခဲ့တဲ့ ခြေထောက်ဒဏ်ရာကြောင့် ဘောလုံးပြန်ကစားဖို့ မဖြစ်နိုင်တော့ဘူး။ ကွင်းထဲကို ပြန်မဝင်နိုင်တော့ပေမယ့် ဘယ်အသင်းအနိုင်ရမလဲ ခန့်မှန်းတဲ့နေရာမှာတော့ သူ့မှာ အရည်အချင်းရှိနေတယ်။ ဒီလိုနဲ့ လောင်းကစားသမားတွေကို ပွဲရလဒ်ခန့်မှန်းပေးတဲ့ အကြံပေးတစ်ယောက် ဖြစ်လာပါတယ်။ တစ်နေ့မှာ နယူးယော့ခ်က လောင်းကစားလုပ်ငန်းရှင် ဝယ်လ်သာအေဘရမ်စ်က ဘရန်ဒန့်အရည်အချင်းကို သဘောကျပြီး သူ့ဆီမှာ အလုပ်လုပ်ဖို့ ကမ်းလှမ်းလာတယ်။ ဘရန်ဒန်လည်း အဲဒီအလုပ်ကို လက်ခံပြီး ဂျွန်အန်တိုနီဆိုတဲ့ အမည်နဲ့ လောင်းကစားအကြံပေးအဖြစ် စတင်လုပ်ကိုင်ခဲ့ပါတယ်။ Matthew McConaughey နဲ့ Al Pacino တို့ ပါဝင်သရုပ်ဆောင်ထားတဲ့ မှုခင်း၊ အားကစားဒရာမာပါ။

လူသားတွေရဲ့ ဦးနှောက်နဲ့ အာရုံကြောစနစ်ထဲကို မိုက်ခရိုချစ်ပ်လေး ထည့်လိုက်ပြီးတော့ လူသားတွေရဲ့ မွေးဖွားလာတဲ့အချိန်မှစ ဘဝတလျှောက်လုံးကို မှတ်တမ်းတင်ထားနိုင်တဲ့ အချိန်ကာလတစ်ခုမှာ ဒီဇာတ်လမ်းကို တည်ထားပါတယ်။ Implant ထည့်ထားတဲ့ လူသားက သေဆုံးသွားရင်တော့ ကွယ်လွန်သူမိသားစုရဲ့ ခွင့်ပြုချက်နဲ့ ကွယ်လွန်သူရဲ့ ဘဝအတွေ့အကြုံတွေ၊ အပျော်ရွှင်ရဆုံး အချိန်တွေ၊ အမှတ်တရတွေ၊ ဂုဏ်ယူရတဲ့ အခိုက်အတန့်တွေကို ပြန်ယူထားပြီး မိသားစုက သိမ်းထားခွင့် ရှိပါတယ်။ အဲ့လိုမျိုး အမှတ်တရတွေကိုပဲ တည်းဖြတ်ပေးရတဲ့ လူတွေကို Cutter လို့ ခေါ်ပြီးတော့ အဓိကဇာတ်ဆောင် အယ်လန်ဟက်ခ်မန်း (Robin Williams) က အတော်ဆုံးကတ်တာ/ တည်းဖြတ်သူ ဖြစ်ပါတယ်။ အယ်လန်က ငယ်ရွယ်စဉ်အချိန်မှာတုန်းက မတော်တဆမှုတစ်ခုဖြစ်ဖူးတာကြောင့် စိတ်ဒဏ်ရာလည်း ရှိထားသူပါ။ သူ့အနေနဲ့ ချားလ်စ်ဘန်နစ်စတာ ဆိုတဲ့ ရှေ့နေတစ်ယောက် ကွယ်လွန်သွားလို့ သူ့ဘဝရဲ့ အမှတ်တရအချိန်တွေကို တည်းဖြတ်မှုပြုဖို့ ဇနီးဖြစ်သူက သူ့ကို လာရောက်ငှားရမ်းတဲ့အခါ... ဖလက်ချာ (Jim Caviezel) က အဲ့လူရဲ့ ဘဝကို သူက တည်းဖြတ်ချင်ပါတယ်ဆိုပြီး အယ်လန်ဆီက အင်ပလန့်ကို ခိုးယူဖို့ကြိုးစားလာတဲ့အခါ... ဘာတွေ ဆက်ဖြစ်မလဲဆိုတာကို ဆက်လက်ကြည့်ရှုနိုင်ပါတယ်။ ဇာတ်လမ်းအမျိုးအစားကတော့ Thriller/ Sci-fi ဖြစ်ပါတယ်။ အညွှန်းရေးသားသူနဲ့ ဘာသာပြန်သူကတော့ Nway Oo K Zaw ဖြစ်ပါတယ်။ File size…(1.1 GB)/(570 MB) Quality….Webrip 1080p / 720p Format…mp4 Duration….01:47:00 Genre... Drama, Mystery, Science Fiction , Thriller  Subtitle….Myanmar Subtitle (Hardsub) Encoder….Mr. Anderson Translated by Nokz

ဟပ်ပီးဂေးလ်မောဟာ ငယ်ငယ်ကတည်းက ဟောကီအားကစားကို ဝါသနာပါခဲ့သူပါ။ ဘယ်လောက်ပဲ နှစ်သက်နှစ်သက် ဟောကီမှာတော့ သူမျှော်လင့်သလို မဖြစ်လာခဲ့ဘူး။ အဲဒီအစား သူ့ရဲ့အားအင်ကို ဂေါက်ဖ်ကစားရာမှာ အသုံးချဖို့ အကြောင်းဖန်လာပါတယ်။ တစ်ဖက်မှာလည်း အဖွားရဲ့အိမ်က IRS ရဲ့ အကြွေးသိမ်းတာကို ခံထားရတယ်။ ဟပ်ပီးဟာ အဖွား့အိမ်ကို ပြန်ရွေးနိုင်ဖို့ ဂေါက်ဖ်အားကစားကို အားကိုးရတော့မှာပါ။ သူဝါသနာပါတဲ့ ဟောကီနဲ့မတူတဲ့ ဒီအားကစားမှာ ဘယ်လိုအခက်အခဲတွေ ကြုံရမလဲ၊ အဖွား့အိမ်ကိုရော ပြန်ရွေးပေးနိုင်မလားဆိုတာကို အတက်အကျတွေ၊ ဟာသအဖြစ်အပျက်တွေနဲ့ ဆက်ပြထားပါတယ်။ Adam Sandler ပါဝင်ထားတဲ့ ဟာသအားကစားရုပ်ရှင်ပါ။

The Accused (1988) ~ IMDb - 7.1/10, RT - 93%, Meta - 65% ~ "လူတစ်ဦးသည် အခြားသူအား ရာဇဝတ်မှုကျူးလွန်စေရန် ခိုင်းစေလျှင် တိုက်တွန်းလျှင် ခယပြောဆိုလျှင် သို့မဟုတ် တစ်နည်းနည်းဖြင့် ရာဇဝတ်မှုကျူးလွန်ရန် အားပေးအားမြောက်ပြုလျှင် ရာဇဝတ်အားပေးမှုမြောက်သည်" ဒါကတော့ ၁၉၈၄ ခုနှစ် အမေရိကန်မှာပြဋ္ဌာန်းခဲ့တဲ့ ရာဇဝတ်မှုထိန်းချုပ်ရေးဥပဒေရဲ့ ပုဒ်မ ၃၇၃ ပါ။ ဒီရုပ်ရှင်က ၁၉၈၃ ခုနှစ် ဘတ်ဖို့ မန်ဆာချူးဆက်မှာဖြစ်ပွားခဲ့တဲ့ အုပ်စုဖွဲ့ မုဒိမ်းကျင့်မှုအပေါ် တစ်စိတ်တစ်ပိုင်းအခြေခံထားတယ်။ တစ်နှစ်ကွာဟချက်ရှိနေပေမဲ့ သူတို့အနေနဲ့ ဒီဥပဒေကို ကျင့်သုံးခဲ့ပုံပါပဲ။ ဇာတ်လမ်းကတော့ ဆာရာဆိုတဲ့ကောင်မလေးကို ဘားတစ်ခုမှာ လူ ၃ ယောက်က အုပ်စုဖွဲ့မုဒိမ်းကျင့်ခဲ့တယ်။ အဲဒီလူ ၃ ယောက်ကို ညှိနှိုင်းပြီး ရမ်းကားမှုခေါင်းစဉ်နဲ့ နှစ်တိုထောင်ဒဏ်တွေပဲချမှတ်ခဲ့တယ်။ ဒါပေမဲ့ နစ်နာသူဘက်ကကော အစိုးရရှေ့နေဘက်ကပါ အဲဒီပြစ်ဒဏ်ကိုမကျေနပ်ခဲ့ဘူး။ သူတို့အမြင်အရ ဘေးက အားပေးခဲ့တဲ့ လူတွေမှာပါ အပြစ်ရှိတယ်လို့ ယူဆတဲ့အတွက် ပုဒ်မ ၃၇၃ ကိုင်ပြီး တရားစွဲဖို့ကြိုးပမ်းကြတယ်။ ရုပ်ရှင်ကိုကြည့်ရင်တော့ တရားရင်ဆိုင်ကြတာပဲ ဆိုပေမဲ့ ဒီတရားခွင်ဟာ လိင်ပိုင်းဆိုင်ရာ ရာဇဝတ်မှုတွေအပေါ် လူတွေရဲ့အမြင်ကို ပွင့်စေခဲ့တယ်။ မုဒိမ်းမှုအတွက် ဆာရာအနေနဲ့ အရက်သောက်ထားတယ်၊ အတိုင်ရှို့ထားတယ်၊ ဝတ်ဆင်ပုံရိုင်းတယ်။ အဲဒီအချက်တွေကိုကိုင်ပြီး တရားခံတွေဘက်က မိန်းကလေးဟာ မုဒိမ်းကျင့်ခံရဖို့ ဖိတ်ခေါ်နေသလိုဖြစ်ကြောင်း ဖိပြောပြီး မုဒိမ်းတရားခံတွေကို ရမ်းကားမှုနဲ့ပဲ ထောင်သက်တို ချမှတ်စေခဲ့တာပေါ့။ Victim Blaming လုပ်လိုက်တာပါပဲ။ သိပ်ကိုမတရားမှန်းသိသာနေတာကြောင့် ရှေ့နေမာဖီအနေနဲ့ ဘေးက ရပ်ကြည့်အားပေးခဲ့တဲ့လူတွေကိုပါ တရားစွဲဖို့ဖြစ်လာခဲ့တယ်။ ဒီတရားခွင်က အတော်စိတ်ဝင်စားဖို့ကောင်းပါတယ်။ ဒီလို ရာဇဝတ်အားပေးမှုမှာသာ နစ်နာသူဘက်ကနိုင်ရင် မုဒိမ်းမှုအစား ရမ်းကားမှုနဲ့ ထောင်ကျနေတဲ့ တရားခံ ၃ ယောက်ကပါ ထောင်ဒဏ်အပြည့်ကျခံရမယ်။ ဘေးကအားပေးတဲ့လူတွေလည်း ထိုက်သင့်တဲ့ထောင်ဒဏ်ကျခံရမယ်ပေါ့။ ဇာတ်လမ်းအရ ဖြစ်ရပ်မှန်ကို မှီငြမ်းထားတာဖြစ်တာကြောင့် Plot Twist တွေ ပါတယ်ဆိုရုံလောက်ပဲပါပါတယ်။ သူ့ရဲ့ အဓိကရည်ရွယ်ချက်က ပရိသတ်တွေကို ဟာခနဲ ဟင်ခနဲ ဖြစ်စေချင်တာမဟုတ်ဘဲ တရားဥပဒေကို ပိုနားလည်ကြဖို့နဲ့ လိင်ပိုင်းဆိုင်ရာပြစ်မှုတွေကဖြစ်လာတဲ့ နစ်နာသူဘက်က ခံစားချက်တွေကို နားလည်စေဖို့ ရည်ရွယ်ပါတယ်။ တရားဥပဒေရေးရာ ရုပ်ရှင်ဆိုပေမဲ့ ဥပဒေရေးရာ စကားရပ်တွေ ပြွတ်သိပ်သုံးထားတာမဟုတ်ဘဲ ဇာတ်လမ်းကို နောက်ဆုံးတရားခွင်အထိ စိတ်ဝင်စားစရာကောင်းအောင်ဆွဲခေါ်သွားနိုင်ပါတယ်။ အဖော်အချွတ်ပြကွက်တချို့နဲ့ ကြမ်းတမ်းတဲ့ဇာတ်ဝင်ခန်းတွေ ပါဝင်တာကြောင့် ကလေးသူငယ်များကြည့်ရှုရန်မသင့်တော်ပါဘူး။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size - 2.1GB, 975MB Quality - 1080p, 720p IMDb Rating - 7.1/10 Format - mp4 Duration - 1H 51Min Genre - Crime, Drama Subtitle - Myanmar Subtitle (Hardsub) Translated by Min Thant Bo Encoded by Y

Rambo ဆိုတာနဲ့ ခေါင်းမှာ အဝတ်စည်းပြီး M60 ကြီးကိုင်ထားတဲ့ Stallone ပုံကိုပြေးမြင်ကြမှာသေချာပါတယ်။ အဲဒါကြောင့်ဒီကားနဲ့အထူးမိတ်ဆက်ပေးစရာမလိုတော့ဘူးထင်ပါတယ်။ IMDB Rating 7.7 ရရှိထားတဲ့ဇာတ်ကားလေးပါ။ အက်ရှင်ကားပရိတ်သတ်တွေအတွက် အတော်အကြိုက်တွေ့ကြမှာသေချာပါတယ်။ ကြည့်ပြီးသူတွေများမယ်ဆိုပေမယ့် မကြည့်ရသေးတဲ့သူတွေအတွက် ဇာတ်လမ်းအကျဉ်းလေးပြောပါဦးမယ်။ ဗီယက်နမ်စစ်ပြန်တစ်ယောက်ဖြစ်တဲ့ John.J. Rambo ဟာ အိမ်ခြေရာမဲ့လျှောက်သွားနေသူတစ်ယောက်ဖြစ်နေပြီး သူ့ရဲ့တစ်ဦးတည်းသောစစ်ပြန်သူငယ်ချင်းဆီ သွားတဲ့အခါ သေဆုံးသွားကြောင်းကိုကြားလိုက်ရပါတယ်။ လေလွင့်နေရင်း နယ်မြို့လေးတစ်မြို့ကိုရောက်သွားပြီး အဲဒီမြို့က ဒေသခံရဲမှုး နဲ့ရဲတပ်ဖွဲ့ဝင်တွေရဲ့ အာဏာအလွဲသုံးစားလုပ်ပြီး မရှိတဲ့အမှုကိုရှာကြံပြီး တရားစွဲဖို့ကြိုးစားနေပြီး အနိုင့်အထက်လုပ်တာကိုခံရတဲ့အခါ ရဲစခန်းက ထွက်ပြေးခဲ့ပါတယ်။ သူ့အသက်ကိုသတ်ဖို့ကြိုးစားလာတဲ့အထိဖြစ်လာတာကြောင့် ပြန်လည်တုံ့ပြန်ခဲ့ပုံကိုတော့ ဇာတ်ကားမှာကြည့်ပါဗျာ။ File size…(900MB) and (380MB) Quality…BR-Rip 1080p Format…mp4 Duration….01:33:22 Subtitle….Myanmar Subtitle (Hardsub) Translated by d3mon Encoded by Naing Aung Latt