Stuart Matthews ပါဝင်သော ဇာတ်ကားများ

သီချင်းတွေနားထောင်ရင်း ပေါ့ပေါ့ပါးပါးနဲ့ အချစ်ဟာသ (Musical Rom-Com) ဇာတ်ကားလေးတွေကို ခံစားချင်တဲ့ ပရိသတ်ကြီးအတွက် ဒီနေ့တော့ ၈၀ ပြည့်လွန်နှစ်တွေက နာမည်ကြီး Pop သီချင်းတွေနဲ့ အီတလီနိုင်ငံရဲ့ လှပတဲ့ ကမ်းခြေရှုခင်းတွေကို ပေါင်းစပ်ရိုက်ကူးထားတဲ့ "Walking on Sunshine (၂၀၁၄)" ဆိုတဲ့ ဇာတ်ကားလေးကို တင်ဆက်ပေးချင်ပါတယ်။ နာမည်ကြီး Mamma Mia! ဇာတ်ကားစတိုင်လ်မျိုးကို သဘောကျတဲ့သူတွေအတွက် အကြိုက်တွေ့စေမယ့် ဇာတ်ကားလေးပါ။ ဇာတ်လမ်းဟာ အီတလီနိုင်ငံ၊ ပူလီယာ (Puglia) ကမ်းခြေက လှပတဲ့ ရွာလေးတစ်ရွာမှာ စတင်ပါတယ်။ တေလာ ဆိုတဲ့ မိန်းကလေးဟာ သူမရဲ့ အစ်မဖြစ်သူ မက်ဒီရဲ့ မင်္ဂလာဆောင်ကို တက်ရောက်ဖို့ အီတလီကို ရောက်လာပါတယ်။ အစ်မဖြစ်သူ မက်ဒီ ဟာ အီတလီကောင်လေး ရာ့ဖ် ဆိုသူနဲ့ ရုတ်တရက် အချစ်ကျပြီး ချက်ချင်း မင်္ဂလာဆောင်ဖို့ ဆုံးဖြတ်လိုက်တာပါ။ ဒါပေမယ့် မထင်မှတ်ထားတဲ့ လှည့်ကွက်တစ်ခုကတော့ သတို့သားလောင်း ရာ့ဖ် ဟာ လွန်ခဲ့တဲ့ ၃ နှစ်က တေလာ အီတလီကို အလည်လာတုန်းက ဇာတ်လမ်းဖြစ်ခဲ့ဖူးတဲ့ ရည်းစားဟောင်း ဖြစ်နေတာပါပဲ။ တေလာ တစ်ယောက် ရာ့ဖ် အပေါ်မှာ သံယောဇဉ် မပြတ်သေးပေမယ့် ကိုယ့်အစ်မရဲ့ မင်္ဂလာပွဲ မပျက်စီးအောင် ဘယ်လို ဟန်ဆောင်ဖုံးကွယ်မလဲ၊ အစ်မဖြစ်သူကရော ဒီကိစ္စကို သိသွားတဲ့အခါ ဘာတွေ ဆက်ဖြစ်မလဲ ဆိုတာကို ၈၀ ခေတ်က သီချင်းလေးတွေနဲ့ ပျော်ပျော်ပါးပါး ကြည့်ရှုရမှာပါ။ ဒီဇာတ်ကားရဲ့ အသက်ကတော့ သီချင်းတွေပါပဲ။ မက်ဒေါနား (Madonna) ရဲ့ "Holiday"၊ ဝှစ်တနီ ဟူစတန် (Whitney Houston) ရဲ့ "How Will I Know" နဲ့ "Girls Just Wanna Have Fun", "Wake Me Up Before You Go-Go" စတဲ့ ၈၀ ခေတ်က နာမည်ကြီး Pop သီချင်းတွေကို သရုပ်ဆောင်တွေ ကိုယ်တိုင် ပြန်လည်သီဆို ကပြသွားတာဖြစ်လို့ ကြည့်နေရင်းနဲ့ လိုက်ဆိုချင်စိတ်တောင် ပေါက်လာစေမှာပါ။ ဇာတ်လမ်းဇာတ်ကွက် (Plot) ကတော့ အချစ်သုံးပွင့်ဆိုင် ပုံစံမျိုးဖြစ်ပြီး ကြိုတင်ခန့်မှန်းရ လွယ်ကူပါတယ်။ လေးနက်တဲ့ ဒရာမာတွေ၊ ရှုပ်ထွေးတဲ့ လှည့်ကွက်တွေ မပါဝင်ပါဘူး။ ဒါပေမယ့် ဇာတ်ကားရဲ့ ရည်ရွယ်ချက်ကိုယ်တိုင်က ပရိသတ်ကို စိတ်ဖိစီးမှုကင်းကင်းနဲ့ ပျော်ရွှင်စေဖို့ ဖြစ်တဲ့အတွက် အပန်းဖြေကြည့်ရှုဖို့တော့ အကောင်းဆုံးပါပဲ။ File size… 2 GB / 1 GB Quality… Blu-ray 1080p / 720p Format… mp4 Duration…. 1h 37m Genre ..... Musical, Comedy, Romance Subtitle…. Myanmar Subtitle (Hard Sub)

The Imitation Game (2014) The Imitation Game ဟာ IMDb rating 8.0 အပြင် ဆုပေါင်းများစွာရရှိထားပြီး သမိုင်းစာမျက်နှာတွေကြားမှာ ဆယ်စုနှစ်များစွာကြာအောင် ဖုံးကွယ်ခံထားရတဲ့ အမည်မသိသူရဲကောင်းတစ်ဦးရဲ့ ဘဝဇာတ်ကြောင်းကို ရင်နင့်စရာကောင်းအောင် ပုံဖော်ထားတဲ့ဖြစ်ရပ်မှန် ဇာတ်ကားကောင်းတစ်ကားပဲဖြစ်ပါတယ်..... စစ်ပွဲဆိုတာ သေနတ်ချင်းပစ်တာတင် မဟုတ်ဘဲ "ဦးနှောက်ချင်း တိုက်ပွဲ" လည်း ဖြစ်နိုင်တယ်ဆိုတာကို ဒီကားမှာ တွေ့ရပါလိမ့်မယ်။ နာဇီတွေရဲ့ မဖောက်ထွင်းနိုင်တဲ့လျှို့ဝှက်ကုဒ်တွေကိုချိုးဖျက်ဖို့ အလန်တူရင်းနဲ့ သူ့အဖွဲ့ရဲ့ စက္ကန့်နဲ့အမျှ အပြိုင်လုတိုက်ပွဲဝင်ရပုံတွေက သင့်ကို ရင်တထိတ်ထိတ် ဖြစ်နေစေမှာအမှန်ပါပဲ... လူအများစုနဲ့မတူရင် လူရာမသွင်းတတ်တဲ့ လူ့အဖွဲ့အစည်းကြောင့် အလန်တူရင်းတစ်ယောက် ဘယ်လောက်အထိ အထီးကျန်ခဲ့ရသလဲဆိုတာကိုလည်းတွေ့ရမှာပါ.. Benedict Cumberbatch ရဲ့ သရုပ်ဆောင်ချက်တွေကလည်း အလန်တူရင်းရဲ့ ထက်မြက်မှု၊ ခေါင်းမာမှုနဲ့ စိတ်ဒဏ်ရာတွေကို အသက်ဝင်နေစေပြန်ပါတယ်.... နိုင်ငံအတွက်၊ ကမ္ဘာကြီးအတွက် အလုပ်အကျွေးပြုခဲ့တဲ့ သူရဲကောင်းတစ်ယောက်ဟာ သူ့ရဲ့ ဖြစ်တည်မှုကြောင့်ပဲ လူ့လောကရဲ့ ရက်စက်မှုကို ဘယ်လိုခံစားသွားခဲ့ရသလဲဆိုတာကိုလည်းတွေ့ရမှာပဲဖြစ်ပါတယ်.... ကဲ ဆိုတော့....မဖြစ်မနေကြည့်သင့်တဲ့ဇာတ်ကားလေးပါပဲ.... File size…2.09GB / 888MB Quality… BluRay 1080p/ 720p Format…mp4 Duration….1h 54m Genre ….. Psychological Thriller, War, Biography, Drama Subtitle….Myanmar Subtitle (Hard Sub)

After a deadly earthquake destroys his home in Peruvian rainforest, a young bear makes his way to England in search of a new home. The bear, dubbed "Paddington" for the london train station, finds shelter with the family of Henry and Mary Brown. Although Paddington's amazement at urban living soon endears him to the Browns, someone else has her eye on him: Taxidermist Millicent Clyde has designs on the rare bear and his hide. File Size : (850 MB) and (330 MB) Quality : Blu-Ray 720p Running Time : 1hr 35min Format : Mp4 Genre :Animation, Adventure, Comedy Subtitle : Myanmar Subtitle (Hard Sub) Source : 720p.BluRay.x264-SPARKS Translated by Moe Sat Encoded by Thanhtike Zaw

အနုပညာ၊ သမိုင်းနဲ့ ပြဇာတ်ကို ကြိုက်နှစ်သက်သူတွေအတွက် 18 ရာစုနှစ်မှာကျော်ကြားခဲ့တဲ့ ဗြိတိသျှ ပန်းချီဆရာ J. M. W. Turner ရဲ့ ၂၅ နှစ်စာ ဘဝဖြတ်သန်းပုံနဲ့ အလုပ်အကြောင်း ပြန်လည်ရိုက်ကူးပုံဖော်ထားတဲ့ အတ္ထုပ္ပတ္တိရုပ်ရှင်တစ်ပုဒ်ဖြစ်ပါတယ်။ ဒါရိုက်တာ Mike Leigh ရိုက်ကူးထားတာဖြစ်ပြီး ၈၇ ကြိမ်မြောက် အကယ်ဒမီဆုပေးပွဲနဲ့ ၆၈ ကြိမ်မြောက် ဗြိတိသျှအကယ်ဒမီရုပ်ရှင်ဆုပေးပွဲတွေအပြင် များပြားလှတဲ့ ရုပ်ရှင်ဆုပေးပွဲတွေမှာ ဆန်ကာတင်စာရင်းအနေနဲ့ ပါဝင်ပြီး ဆုတွေလည်းရရှိခဲ့ပါတယ်။ ပန်းချီဆရာ J. M. W. Turner အနေနဲ့ သရုပ်ဆောင်ခဲ့တဲ့ သရုပ်ဆောင်မင်းသားကြီး Timothy Spall ဟာလည်း ဒီရုပ်ရှင်နဲ့ ၂၀၁၄ ခုနှစ်ရဲ့ Cannes ရုပ်ရှင်ဆုပေးပွဲမှာ အ ကောင်းဆုံးအမျိုးသားဇာတ်ဆောင်ဆုကို ရရှိခဲ့ပါသေးတယ်။ ပန်းချီဆရာ မစ္စတာ Turner ရဲ့နောက်ဆုံး ၂၅ နှစ်ကြာအသက်မွေးဝမ်းကြောင်းဘဝကို လေ့လာကြည့်ရှုရမှာဖြစ်ပြီး ၊ သူကြုံတွေ့ခဲ့ရတဲ့ ကိုယ်ရေးကိုယ်တာဆုံးရှုံးမှုတွေ၊ လူမှုရေးဖိအားတွေ၊ ပရော်ဖက်ရှင်နယ်စိန်ခေါ်မှုတွေနဲ့ သူ့ဘဝရဲ့ အချစ်ရေးရာ ဆက်ဆံရေးတွေ ဘယ်လိုကိုင်တွယ်ဖြေရှင်းခဲ့သလဲဆိုတာတွေကို မြင်ရမှာပါ။ J. M. W. Turner ဥရောပတခွင်ပတ်ပြီး ဆွဲခဲ့တဲ့ သူ့ရဲ့ အကျော်ကြားဆုံး ပန်းချီကားတွေကိုလည်း စိတ်ဝင်စားစရာ လေ့လာလို့ရပါသေးတယ်၊ Mr. Turner ရုပ်ရှင်ဟာ သာမာန်သူလို ကိုယ်လို ဘဝကို ဖြတ်သန်းခဲ့တဲ့ J. M. W. Turner နဲ့ အကျော်အမော် ပန်းချီဆရာ J. M. W. Turner ဘဝနှစ်ခုကြားက ခြားနားမှုကို ဖမ်းယူထားတာမို့လို့ နာမည်ကျော်လှပါတယ်ဆိုတဲ့ပန်းချီဆရာတွေရဲ့ ကိုးကွယ်ချင်စရာကောင်းလောက်အောင် လှပတဲ့ ပန်းချီကားတွေနောက်ကွယ်မှာ ဖြစ်ရပ်တွေရှိတယ်ဆိုတာကိုမြင်ရဦးမှာပါ။ အမြင်အားဖြင့် ရင်သပ်ရှုမောဖွယ်ကောင်းပြီး စိတ်ခံစားမှု ရသမျိုးစုံအောင်ပေးတဲ့အပြင် ဆုများစွာကို ရရှိကာ ဝေဖန်အားပေးမှုများစွာလည်း ရရှိခဲ့တာမို့လို့ အလှတရားနဲ့ အနုပညာစွမ်းအားကို မြတ်နိုးသူတိုင်း လေ့လာသင့်တဲ့ အတ္ထုပ္ပတ္တိရုပ်ရှင်တစ်ပုဒ်ပါပဲ File size…  1.75 GB /  853 MB Quality… BluRay 1080p / 720p Format… mp4 Duration…. 2h 30m Genre .....  Drama Subtitle…. Myanmar Subtitle (Hard Sub) Encoder…. Thit San Khant Translated by Yumi

IMDb - 6.2/10 Rotten - 47% ၂၀၀၆ ကတည်းက စတင်အောင်မြင်ခဲ့တဲ့ အမေရိကန်ဟာသဇာတ်လမ်းရဲ့ တတိယမြောက် ဇာတ်လမ်းတွဲဖြစ်သလို နောက်ဆုံးဇာတ်လမ်းလည်းဖြစ်တဲ့ ဇာတ်ကားသစ်အကြောင်း ပြောပြချင်ပါတယ်။ ၁၉၃၈ တုန်းက ရှေးဟောင်းသုတေသနပညာရှင်အဖွဲ့ဟာ အဖိုးတန်ရှေးဟောင်းပစ္စည်းတစ်ခုကိုရှာဖွေဖို့ အီဂျစ်ဂူသင်္ချိုင်းတစ်ခုကို တူးဖော်ပါတယ်။ ဂူသင်္ချိုင်းထဲကိုကောင်လေးတစ်ယောက် ပြုတ်ကျရာကနေ သူ့ဖခင်နဲ့ အခြားရှေးဟောင်းသုတေသန ပညာရှင်တွေကို လမ်းကြောင်းရှာပေးနိုင်ခဲ့ပြီး ဖာရိုဘုရင်ရဲ့ ကမ္ပည်းထိုးထားတဲ့ရွှေချပ်ပြားကိုရှာတွေ့ခဲ့ပါတယ်။ အဲဒီနောက်တော့ ရွှေကမ္ပည်းပြားကို နှစ်ပေါင်းများစွာထိန်းသိမ်းထားပါတယ်။ ယနေ့ခေတ် နယူးယောက်မြို့က သဘာဝသမိုင်းပြတိုက်ကြီးမှာ အခမ်းအနားကြီးတစ်ခုလုပ်နေပြီး ဒေါက်တာမက်ပီး တက်ရောက်လာတာကို ပြတိုက်လုံခြုံရေးဖြစ်တဲ့ လာရီဒါလေကတွေ့ပါတယ်။ Night at the  Museum အရင်ဇာတ်ကားတွေအတိုင်းပဲ ပြတိုက်က အရုပ်တွေ အသက်ဝင်ပြီး သူတို့အသက်ရှင်စဉ်ကနေခဲ့တဲ့ ပုံစံအတိုင်းနေရင်း ပြတိုက်ထဲမှာ ဖြစ်ချင်တိုင်းဖြစ်နေပါတယ်။ အီဂျစ်ဂူသင်္ချိုင်းထဲက ရွှေကမ္ပည်းပြားက နယူးယောက်သဘာဝသမိုင်းပြတိုက်ထဲမှာ ထိန်းသိမ်းထားတာဖြစ်ပြီး အဲဒီပစ္စည်း တဖြည်းဖြည်းပျက်စီးလာတာကို ဘယ်သူမှ သတိမထားမိကြပါဘူး။ ကမ္ပည်းပြားကြောင့် အခမ်းအနား က ပရမ်းပတာတွေဖြစ်ပြီး ဧည့်သည်တွေကို တိုက်ခိုက်တာမျိုးတွေဖြစ်ပြီးတဲ့နောက် အရာအားလုံးတည်ငြိမ်သွားပေမယ့် ကမ္ပည်းပြားကြောင့်လို့တော့မသိခဲ့ကြပါဘူး။ တစ်ရက်မှာ လာရီဟာ ပြသနာဖြစ်ရတဲ့အကြောင်းရင်းကို ရှာဖွေရင်း ပထမဆုံး ကမ္ပည်းပြားတွေ့တုန်းကပါသွားတဲ့ ကောင်လေးနဲ့ သူ့အဖေဓာတ်ပုံကို တွေ့ပြီး အဲဒီကောင်လေးဟာ ဆီ ဆဲဖရက်ဒရစ်ဆိုသူ ရွှေကမ္ပည်း ပြားခိုးယူဖို့ကြိုးစားတဲ့ ပြတိုက် လုံခြုံရေးဟောင်းဆိုတာ သိရပါတယ်။ ဆီဆဲဟာ အလုပ်က အနားယူပြီးဖြစ်တာကြောင့် သူနေတဲ့နေရာအထိ လိုက်သွားပြီး ကမ္ပည်းပြားအကြောင်းကို မေးမြန်းရင်း စုံစမ်းဖော်ထုတ်ဖို့ လုပ်ဆောင်ပါတယ်။ လာရီတစ်ယောက် ရွှေကမ္ပည်း ပြားရဲ့ သမိုင်းကြောင်းကို စုံစမ်း ဖော်ထုတ်နိုင်မှာလား။ မှော်ဝင် ကမ္ပည်းပြားကြောင့် ဘယ်လိုအပြောင်းအလဲတွေ ဖြစ်ကုန်မလဲ ဆိုတာ........။ (ရုပ်ရှင်အညွှန်းကို 7Day Daily မှကူးယူဖော်ပြပါသည်။) File size...1.75 GB , 853 MB Quality....Blu-Ray Rip 1080p and 720p Format...mp4 Duration....01:37:48 Subtitle....Myanmar Subtitle (Hardsub) Encoder....Nyeinsaeya Aung

Edge of Tomorrow (2014) 4K ဒီတစ်ခါတော့ Tom Cruise ရဲ့ Sci-Fi Action ဇာတ်ကားကောင်း တစ်ကားကို စာတန်းထိုး Updateနဲ့ အတူ 4K ကြည်တောက်ရှင်း Qualityနဲ့ပါ ပြန်လည်တင်ဆက်ပေးလိုက်ပါတယ်။ ၂၀၁၄ ရဲ့ ဇာတ်ကားကောင်း တွေထဲမှာ တစ်ကားအပါအဝင်ဖြစ်ပြီး ပရိတ်သတ် ကြိုက်နှစ်သက်မယ်လို့ ထင်ပါတယ်။ ဇာတ်လမ်းကတော့ ဥရောပမှာ အမှတ်မထင်ပဲ အာကာသ ထဲက နေ ဂြိုလ်သားတွေရောက်လာတာက စတင်ပါတယ်။ ပြင်သစ်၊ ဂျာမဏီ၊ ချက်၊ အီတလီ၊ပိုလန် စတဲ့ နိုင်ငံတွေ ကျသွားပြီးနောက် အနောက်ဖက်မှာ အင်္ဂလန်နဲ့ အရှေ့ဖက်မှာ ရုရှားတို့ လောက်ပဲ ကျန်တော့ပါတယ်။ ငါးနှစ်အတွင်းမှာ စစ်ပွဲအချို့ ပြန်နိုင်လာသလို၊ ဂြိုလ်သားတွေကို နှိမ်နင်းဖို့ Armor တွေလည်း တီထွင်ခဲ့ပါတယ်။ ဒီလိုနဲ့ East ဖက်က ရုရှား နဲ့ တရုတ်၊ West ဖက်က အမေရိကန်နဲ့ ကျန် Allied တွေက ထိုးစစ်စင်ခဲ့ပြီး၊ နောက်ဆုံး စစ်ပွဲကို ရောက်လာပါတယ်။ ဒီအချိန်မှာ Tom Cruise က စစ်ပွဲမှာ အဓိက ကျတဲ့ General နဲ့ တွေ့ဖို့ လန်ဒန်ကိုရောက်လာခဲ့ပါတယ်။ ဒါပေမယ့် အမှတ်မထင်ပဲ Tom Cruise ကို စစ်ပွဲမှာ ပါဝင်ဖို့ ပြောတဲ့အခါမှာတော့ Tom Cruise က စစ်ပွဲအတွေ့အကြုံ လုံးဝမရှိသလို၊ သူက တစ်ခါမှာလည်း စစ်မတိုက်ဖူးပါဘူး။ ဒါကြောင့် သူက ငြင်းဆန်ပေမယ့် နောက်ဆုံး ရာထူးချခံရပြီး၊ စစ်မှုထမ်းခဲ့ရပါတယ်။ တကယ်တမ်းတိုက်ပွဲမှာ တော့ ဂြိုလ်သားတွေကို လုံးဝမနိုင်ခဲ့ပါဘူး။ ဒါပေမယ့် Tom Cruise က မထင်မှတ်ပဲ သာမန် ဂြိုလ်သားတွေထက် အကောင်ကြီးတဲ့ ဂြိုလ်သားတစ်ကောင်ကို သတ်မိသွားပါတယ်။ အဲဒီအချိန်မှာ အဲ့ဒီ ဂြိုလ်သားရဲ့သွေးက သူ့ကိုယ်ပေါ်ကို လာစင်ပြီးနောက် သူလည်း သေသွားခဲ့ပါတယ်။ ဒီအချိန်မှာပဲ သူက ပထမဆုံး စစ်တပ်ထဲ စရောက်ခဲ့တဲ့ အချိန်ကို ပြန်ရောက်သွားပြီး၊ အဖြစ်အပျက်အားလုံးကိုလည်း မှတ်မိနေပါတယ်။ ဒီလိုနဲ့ သူသေသွားတိုင်း ဒီနေရာကပဲ ပြန်ပြန် စနေခဲ့ရာက၊ စစ်ပွဲထဲမှာ မင်းသမီး Emily Blunt ကို ကယ်တင်လိုက်တဲ့အခါမှာ သူမ ထံကနေ အကြောင်း စုံသိလိုက်ရပါတယ်။ Tom Cruise ဖြစ်နေတာမျိုး တစ်ချိန်က သူမလည်းဖြစ်ခဲ့ဖူးတယ်လို့ Emily Blunt ကပြောပြပါတယ်။ အကြောင်းအရင်းက သူသတ်လိုက်တဲ့ ဂြိုလ်သားက ရှားရှားပါပါးတွေ့ရခဲပြီး တစ်ကောင် တစ်လေသာ ရှိတယ်လို့လည်းဆိုပါတယ်။ ဒီအကောင်ကို Alpha လို့ခေါ်ပြီး၊ ဂြိုလ်သားတွေကို Micmic လို့ခေါ်ပါတယ်။ သူတို့ကို ထိမ်းချုပ်တဲ့ Central Brain ကိုတော့ Omega လို့ခေါ်ပြီး၊ Omega က အချိန်ကို ထိမ်းချုပ်နိုင်စွမ်းရှိပါတယ်။ Alpha တစ်ခါ သေတိုင်းမှာ အဲဒီနေ့ကို ပြန်ပြီး Reset လုပ်လိုက်ပါတယ်။ ဒါပေမယ့် Alpha ရဲ့ Memory ကတော့ ပျက်မသွားပါဘူး။ Tom Cruise က Alpha ကို သတ်လိုက်တုန်းမှာ အမှတ်မထင်ပဲ Alpha ရဲ့ ပါဝါကို ရလိုက်ပါတယ်။ ဒါကြောင့် သူသေတိုင်းမှ နေ့က အသစ် ပြန်ပြန်စတာဖြစ်ပါတယ်။ ဒီနည်းနဲ့ Micmic တွေက ဂြိုလ်တွေကိုလိုက်သိမ်းနေတာဖြစ်ပါတယ်။ ဒါကြောင့်လည်း လူတွေက နောက်ဆုံး Battle ကို အနိုင်မရတာဖြစ်ပါတယ်။ Emily ကလည်း ဒါမျိုးပါဝါရခဲ့ပေမယ့် သူမရဲ့ စွမ်းအားက ပျောက်သွားခဲ့ပါတယ်။ ဘာလို့လည်းဆိုတော့ တစ်ရက်မှာ စစ်ပွဲမှာ သူမက မသေပဲ သွေးထွက်လွန်သွားခဲ့ပြီး၊ ဆေးရုံရောက်သွားပါတယ်။ အဲ့ဒီအခါမှာ သူမ ရဲ့ ပါဝါလည်း ပျောက်သွားတာဖြစ်ပါတယ်။ စွမ်းအားက သွေးထဲမှာ ပဲရှိတာဖြစ်ပါတယ်။ ဒါကြောင့် Tom Cruise အနေနဲ့ Reset လုပ်ချင်ရင် အသေခံရမှာဖြစ်ပါတယ်။ ဒီလိုနဲ့ သူ အကြိမ်ကြိမ် Reset ပြန်လုပ်ပြီး၊ Training တွေလုပ်၊ Omega ရဲ့ နေရာကို ရှာရင်းနဲ့ တစ်နေရာမှာ သူ ကျပ်ရိုက်သွားပါတယ်။ သူက Emily Blunt နဲ့ သံယောဇဉ်ဖြစ်နေပြီး၊ အဲ့ဒီတစ်နေရာမှာ Emily Blunt ကအမြဲသေနေပါတယ်။ သူဘယ်လို့မှ ကယ်လို့မရပါဘူး။ ဒါကြောင့် သူသာ ရှေဆက်သွားပြီး Omega ကို သတ်လိုက်ရင် Emily က ပြန်ရှင်လာတော့မှာမဟုတ်ပါဘူး။ ဇာတ်လမ်းက ဒီထက်အများကြီးပိုကောင်းပြီး၊ စိတ်ဝင်စားဖို့လည်းကောင်းပါတယ်။ ကျွန်တော်တို့ ငယ်ငယ်တုန်းက ဂိမ်းကစားသလိုပါပဲ၊ မနိုင်တဲ့ Stage ကို အကြိမ်ကြိမ်ပြန်ကစားသလိုပါပဲ။ ရန်သူတွေကလညး ဒီနေရာကပဲထွက်ထွက်လာသလို၊ ကိုယ်ကလည်း အကုန်လုံးကို မှတ်မိနေပါတယ်။ တစ်ခုပဲ ရှိတာက ပါဝါပိတ်လိုက်ရင် Check Point က နေပြန်စလို့မရတော့ပါဘူး။ ဂိမ်းထဲမှာက အစကနေ ပြန်ပြီး ဆော့လို့ရပေမယ့် ဒီမှာကတော့ No Reset ပါ။ ဇာတ်ကားကောင်းတစ်ကားပါ။ မင်းသားမင်းသမီးကတော့ ဝါရင်နာမည်ကြီးသရုပ်ဆောင်တွေ ဆိုတော့ ပြောနေစရာတောင်မလိုပါဘူး။ ဇာတ်လမ်း ဇာတ်အိမ်လည်းကောင်းပြီး၊ ဇာတ်ကားတစ်ကားလုံးကောင်းပါတယ်။ ကြည့်ကိုကြည့်သင့်တဲ့ဇာတ်ကားကောင်းတစ်ကားပါ။ No Sex, No Nudity ပါ။ #Sololay (ရုပ်ရှင်မိတ်ဆက် Movie Reviews မှကူးယူဖော်ပြပါသည်....) File Size… (8.5 GB)/ (1.8 GB)/ (853 MB) Quality…WEB-DL 4K / 1080p / 720p Format…mp4 Duration…01:53:00 Genre....Action, Sci-Fi Subtitle…Myanmar Subtitle(Hardsub)

The Machine (2013) ဒီဇာတ်ကားလေးကတော့ Sci-fi Drama ဆန်ဆန် ဇာတ်ကားတစ်ကား ဖြစ်ပြီးတော့ အနာဂတ်မှာ တိုးတက်လာတဲ့ AI နည်းပညာနဲ့ Robots တွေရဲ့ လူတွေနဲ့ ကမ္ဘာကြီးအပေါ် သက်ရောက်မှုတွေကို ရသပေါင်းစုံရအောင် ရိုက်ကူးထားတာဖြစ်ပါတယ်။ သရုပ်ဆောင်တွေအနေနဲ့ကတော့ Toby Stephens, Arrowverse Series တွေမှာ White Canary အဖြစ် ပါဝင်သရုပ်ဆောင်ထားတဲ့ Caity Lotz တို့က အဓိကဇာတ်ဆောင်နေရာတွေကနေ ပါဝင်ထားပါတယ်။ ဇာတ်လမ်းအကျဉ်းကို ပြောပြရမယ်ဆိုရင်တော့ အနာဂတ်ကမ္ဘာမှာ စက်ရုပ်တွေနဲ့ AI တွေဟာ အရမ်းအဆင့်မြင့်လာပါတယ်။ Vincent ဆိုတဲ့ သိပ္ပံပညာရှင်တစ်ယောက်ဟာ လူတွေထက် ပိုအသိဉာဏ်မြင့်တဲ့ စက်ရုပ်တစ်ရုပ်ကို တီထွင်နိုင်သွားပါတယ်။ အဲဒီစက်ရုပ်ကို အစိုးရက လက်နက်အဖြစ် အသုံးပြုချင်ပေမယ့် Vincent မှာ တခြားရည်ရွယ်ချက်တစ်ခု ရှိနေတာကြောင့် ဒီစက်ရုပ်ကို တီထွင်ခဲ့တာဖြစ်ပါတယ်။ အဲဒီစက်ရုပ်ဟာ နောက်ဆုံးမှာ ကိုယ်ပိုင်အသိဉာဏ်ရှိသွားပြီးတော့ လူတွေကို လွန်ဆန်လာပါတယ်။ အဲဒီအခြေအနေကို လူတွေအနေနဲ့ ဘယ်လိုပြန်လည်ထိန်းချုပ်မလဲ၊ Vincent ရဲ့ ရည်ရွယ်ချက်ကရော ဘာလဲ၊ AI နည်းပညာရဲ့ အန္တရာယ်ရှိပုံတွေ၊ AI နည်းပညာအပေါ် လူသားတွေရဲ့ ကြောက်ရွံ့မှုတွေကို စိတ်ဝင်တစား ကြည့်ရှုရမှာဖြစ်ပါတယ်။ Rating အနေနဲ့ IMDb မှာ 6/10, Rotten Tomatoes မှာ 79% ရရှိထားပါတယ်။ (အညွှန်းကို Austin မှ ရေးသားထားပါတယ်) File size…1.36GB / 496MB Quality… BluRay 1080p/ 720p Format…mp4 Duration….1h 32m Genre ….. Action, SciFi, Drama, Thriller Subtitle….Myanmar Subtitle (Hard Sub) Translated by Austin Encoded by AHtet