အချစ်ကျောင်းသား (၂၀၂၆) "သူငယ်ချင်းဆိုတဲ့ စည်းကို မကျော်ရဘူးလို့ ကိုယ့်ကိုယ်ကိုယ် ကတိပေးထားပေမဲ့... ရင်ခုန်သံက စည်းဖောက်ဖို့ တောင်းဆိုလာတဲ့အခါ..." ကဲ... ပရိသတ်တွေအတွက် ဒီတစ်ခါတော့ အရိုအချို High School Romance ဒရာမာလေး လာပါပြီ။ ထိုင်း BL လောကမှာ နာမည်ကြီးတဲ့ စာရေးဆရာမ JittiRain ရဲ့ နာမည်ကြီးဝတ္ထုကို အသက်သွင်းထားတဲ့ ဇာတ်ကားသစ်လေးပါ။ မင်းသားတွေကတော့ ပရိသတ်တွေရဲ့ အချစ်တော် Tutor (Tutor Koraphat) နဲ့ Yim (Yim Pharinyakorn) တို့က အဓိကပါဝင်ထားတာမို့ စိတ်ဝင်စားစရာပါပဲ။ ဇာတ်လမ်းလေးကတော့ လီအစ်ဆိုတဲ့ ကောင်လေးကနေ စပါတယ်။ သူက စာကို လုံးဝစိတ်မဝင်စားဘဲ ခပ်မိုက်မိုက် အင်ဒီရော့ခ်ဂီတသမားဖြစ်ဖို့ပဲ အိပ်မက်မက်နေတဲ့ ကောင်လေးပေါ့။ သူ့ရဲ့ စာမလုပ်တဲ့အကျင့်ကြောင့် မိခင်ဖြစ်သူက ဒီနှစ်မှ ယောကျ်ားလေးတွေကို ပထမဆုံးအကြိမ် စတင်လက်ခံတဲ့ နိုင်ငံရဲ့ နာမည်ကြီး ကျောင်းတော်ကြီးဆီကို အတင်းပို့လိုက်ပါတော့တယ်။ မိန်းကလေးတွေနဲ့ ပထမဆုံးအကြိမ် အတူတူကျောင်းတက်ရတော့မဲ့ လီအစ်တစ်ယောက် "အချစ်ကြောင့် သူငယ်ချင်းသံယောဇဉ်တွေ မပျက်စီးစေရဘူး" ဆိုပြီး သူ့ကိုယ်သူ တင်းကျပ်တဲ့ စည်းမျဉ်းတစ်ခု ချမှတ်လိုက်ပါတယ်။ ဒါပေမဲ့ ပြဿနာက အဲဒီမှာ စတာပါပဲ။ ကျောင်းရောက်တော့ စာအရမ်းတော်တဲ့ ပတ်တာဆိုတဲ့ ကောင်လေးနဲ့ အခန်းဖော်ဖြစ်သွားပါရော။ အစပိုင်းမှာတော့ ရေနဲ့ဆီလို မတည့်ကြပေမဲ့... တစ်ခန်းတည်း အတူနေရင်း သူတို့နှစ်ယောက် တဖြည်းဖြည်း ရင်းနှီးလာကြတဲ့အခါမှာတော့ လီအစ် ချမှတ်ထားတဲ့ "သူငယ်ချင်းစည်း" ဆိုတာကြီးက စိန်ခေါ်ခံလာရပါတော့တယ်။ ကိုယ့်ကိုယ်ကိုယ် ပေးထားတဲ့ ကတိကို ဖျက်ပြီးပဲ အချစ်ကို ရွေးချယ်မလား... ဒါမှမဟုတ် သူငယ်ချင်းဆိုတဲ့ ခေါင်းစဉ်အောက်မှာပဲ ဆက်နေမလားဆိုတာကို ရင်ခုန်ကြည်နူးဖွယ် ကြည့်ရှုလိုက်ကြရအောင်ပါ။
ဇာတ်ကားကြည့်ရန်