ဗိုင်းရပ်စ်ကူးစက်မှုတွေ ငြိမ်နေတဲ့ကာလမှာ ရွန်နဲ့ သူ့ချစ်သူ ဘီရန်ကာတို့ဟာ ပိတ်ရက်ကို သူငယ်ချင်းတွေနဲ့အတူ ဖြတ်သန်းဖို့ ခရီးထွက်လာကြပါတယ်။ ရွန်က ဘီရန်ကာကို လက်ထပ်ခွင့်တောင်းဖို့ စီစဉ်ထားတာကြောင့် သူငယ်ချင်းတွေလည်း စုံစုံညီညီ လာကြတယ်။ ဝတ္ထုရေးဆရာဖြစ်တဲ့ ရွန်က သူ့နောက်စာအုပ်အတွက် အကြောင်းအရာတွေ လေ့လာစုဆောင်းနေချိန်လည်း ဖြစ်ပါတယ်။ သူတို့တည်းမယ့် စတော်ဘယ်ရီတည်းခိုရိပ်သာက လှပတဲ့တောအုပ်ထဲမှာရှိပြီး ပိတ်ရက်အပန်းဖြေသူတွေကို ငှားပေးတဲ့နေရာပါ။ ရွန်က ရောက်ရောက်ချင်း လက်ထပ်ခွင့်တောင်းဖို့ စိတ်ကူးထားပေမယ့် တကယ်တမ်းမှာ မတောင်းဖြစ်လိုက်ဘူး။ သူတို့ကို အခန်းဝင်ဖို့ စီစဉ်ပေးတဲ့ အမျိုးသမီးကြီးက အဖွဲ့လိုက်ဓာတ်ပုံ ရိုက်ပေးပြီး ကိုယ်တိုင်လုပ်ထားတဲ့ ဝိုင်တစ်ပုလင်းကို လက်ဆောင်ပေးခဲ့ပါတယ်။ ညနေပိုင်း အားလုံးစုဝေးကြတဲ့အခါ ရွန်က ဒီဒေသနဲ့ ရိပ်သာရဲ့ နောက်ခံပုံပြင်တွေကို ပြောပြတယ်။ သူပြောပြတဲ့အကြောင်းအရ ဒီနေရာဟာ အမေရိကန်လက်အောက် မရောက်ခင် စပိန်နယ်မြေဖြစ်ခဲ့ပြီး စုန်းမတွေ၊ ရိုးရာပွဲတွေနဲ့ အစီအရင်တွေလည်း ရှိခဲ့ဖူးတယ်ဆိုပါတယ်။ အဲဒီအကြောင်းကနေ သူငယ်ချင်းတွေဟာ ကိုယ်စီအကြောက်ဆုံးအရာတွေကို ဖွင့်ပြောမိကြတယ်။ နောက်ဆုံးမှာ လက်ဆောင်ရထားတဲ့ ဝိုင်ကို ဖောက်သောက်ကြပေမယ့် အရသာထူးဆန်းလို့ အကုန်တော့ မသောက်ဖြစ်ခဲ့ကြပါဘူး။ အဲဒီနောက် တီဗီသတင်းမှာ အမျိုးအမည်နဲ့ အရင်းမြစ်မသိရတဲ့ ဗိုင်းရပ်စ်တစ်မျိုး ပျံ့နှံ့နေကြောင်း ကြေညာလာပါတယ်။ ကျန်းမာရေးဌာနက အပြင်မထွက်ကြဖို့ သတိပေးနေလို့ သူတို့လည်း ရိပ်သာထဲမှာပဲ နေကြရတယ်။ ဒီအချိန်မှာ အောက်လမ်းအတတ်က စတင်သက်ရောက်လာပြီး သူငယ်ချင်းတွေ ထင်ယောင်ထင်မှားဖြစ်ကာ ထိတ်လန့်စရာတွေ ကြုံလာကြပါတယ်။ ကိုယ်စီအကြောက်ဆုံးအရာတွေနဲ့ ရင်ဆိုင်နေရတဲ့ သူတို့ဟာ ဒီရိပ်သာရဲ့ အမှန်တရားကို သိလာနိုင်မလား၊ ဒီအဖြစ်ဆိုးကနေ လွတ်မြောက်ဖို့ ဘယ်လိုအဖြေရှာကြမလဲ။
ဇာတ်ကားကြည့်ရန်
