Tawanda Manyimo ပါဝင်သော ဇာတ်ကားများ

Loop Track (2024) IMDb Rating (5.8) / Rotten Tomatoes (100%) အီယန်းက စိတ်ထိခိုက်မှုတွေ၊ ပြိုလဲမှုတွေ ဒဏ်ရာတွေနဲ့ လူသူနဲ့ဝေးရာတောအုပ်တစ်ခုဆီကိုထွက်လာခဲ့ပါတယ်။ သူ့ရည်ရွယ်ချက်က ကမ္ဘာကြီးနဲ့ဝေးရာကိုရှောင်ဖယ်ချင်တဲ့သဘောဖြစ်ပေမယ့် တောအုပ်ထဲအရောက်မှာ သူ့ကိုအတင်းလိုက်မိတ်ဖွဲ့ရင်း ခွာမရဖြစ်သွားတဲ့ နစ်ကီ၊ နောက်ပြီးတော့ တောအုပ်ထဲက တစ်ထောက်နားရာတဲတစ်ခုမှာ ဆုံတဲ့ ညားကာစ လင်မယား အော်စတင်နဲ့ဒင်နီယယ်တို့ကိုပါ တွေ့ဆုံရင်းနှီးမိသွားရင်း အတူခရီးသွားဖို့ဖြစ်လာခဲ့ပါတယ်။ ခရီးစဉ်တစ်လျှောက်လုံး အီယန်းခံစားမိလာတာက တစ်စုံတစ်ယောက် ဒါမှမဟုတ် တစ်စုံတစ်ခုက သူတို့နောက်ကွယ်ကနေ ထပ်ချပ်လိုက်လာပြီး စောင့်ကြည့်နေတယ်ဆိုတဲ့ခံစားချက်ပါပဲ။ တစ်ခါတစ်လေဆိုရင် မည်းမည်းအရိပ်သဏ္ဍာန်တစ်ခုကိုပါတွေ့ရပါသေးတယ်။ သူ့ခရီးသွားဖော်တွေကိုပြောပြပေမယ့် သူတို့က မမြင်မကြားရတဲ့အတွက် အယုံအကြည်မရှိကြတဲ့နောက်မှာတော့ အီယန်းတစ်ယောက် သူ့စိတ်အခြေအနေကိုပြန်ဆန်းစစ်ဖို့ဖြစ်လာပါတော့တယ်။ Loop Track ဟာနယူးဇီလန်နိုင်ငံထုတ် Thriller/Comedy ဇာတ်ကားတစ်ကားဖြစ်ပြီး ၂၀၂၃ ရဲ့ underrated horror တစ်ခုလို့ဆိုနိုင်ပါတယ်။ သူ့ရဲ့စိတ်ကူးဆန်းသစ်မှုနဲ့ storytelling ပုံစံတွေကတကယ်ချီးကျူးစရာကောင်းပြီးထူးခြားကွဲပြားတဲ့ခံစားချက်အသစ်မျိုးရစေမယ့်ဇာတ်ကားတစ်ကားဖြစ်ပါတယ်။ File size… (1.5 GB) / (730 MB) Quality…. WEB-DL 1080p HEVC / 720p Format…. mkv/mp4 Genre…. Adventure, Horror, Sci-Fi, Thriller Duration…. 01:36:08 Subtitle…. Myanmar Subtitle (Hardsub)

ညစ်ပတ်ပြီး ကြမ်းတမ်းတဲ့ ဟာသ အက်ရှင် အမျိုးအစားဖြစ်လို့ မိသားစုနဲ့ အတူမကြည့်သင့်ပါဘူး။ ကောင်းတာတော့ အတော်ကောင်းပါတယ်။ ဟယ်ရီပေါ်တာ မင်းသားက ဒီလိုကားတွေနဲ့ အတော်အကျိုးပေးပုံပါပဲ။ ဒီကားမှာတော့ မိုင်လ် ဆိုတဲ့ ကောင်လေးတစ်ယောက်ပေါ့။ မိုင်လ်ဟာ ကုမ္ပဏီတစ်ခုမှာ ကွန်ပြူတာလေး တစ်လုံးနဲ့ အလုပ်လုပ်ရတဲ့ ကောင်လေး၊ လက်တွေ့ဘဝမှာဘယ်သူမှ အထင်မကြီးသလို၊ ဘာမှလည်း အရာမရောက်တဲ့ ကောင်လေးပါ။ ဒီလိုလူတွေရဲ့ ထုံးစံအတိုင်း အင်တာနက်ပေါ်မှာ ထရိုးလိုလို ဂိလိုလိုနဲ့ ဖောင်းထုပြီး ဖင်နာရှာရင်း ပျော်နေရတဲ့ သူပေါ့။ ဒါပေမယ့် သူဖောင်းထုတာ လူမှားသွားပါတယ်။ လူတွေကိုဖမ်းပြီး လူသတ်ပွဲတွေလုပ်ခိုင်းရင်း တိုက်ရိုက်ထုတ်လွှင့်တဲ့ ကောင်တွေကို သွားပြီး ဖောင်းထုမိတာပါပဲ။ ဟိုက တည်နေရာကိုရှာပြီး အိမ်အထိ လာရိုက်တဲ့ အခါမှ ခြေသလုံးဖက်တောင်းပန်ပေမယ့် မမှီတော့ပါဘူး။ ရလာဒ်ကတော့ လူသတ်ကစားပွဲထဲကို အသွင်းခံရပြီး၊ အတော်ဆုံး ကစားသမားနဲ့ အသက်လု ချရဖို့ ဖြစ်လာတော့တာပါပဲ။ ဒီလိုသောက်ပေါနဲ့ တကယ့် လူသတ်သမားအကြမ်းစားတို့ ပြေးကြလွှားကြ တိုက်ကြရင်း အဲဒီပွဲက အင်တာနက်မှာလူကြည့်အများဆုံးဖြစ်လာပြီး သူလည်း တစ်ရက်ထဲနဲ့ နာမည်ကျော်လာပါတော့တယ်။ ဒီလောက်ဆို ဆက်ကြည့်ချင်မယ်ထင်ပါတယ်၊ ဆက်မပြောပြတော့ဘူးနော်။ စကားလုံးရော ရိုက်ချက်တွေရော ကြမ်းလို့ အိမ်မှာ မိသားစုနဲ့ ကြည့်လို့မသင့်တာ သတိပေးပါရစေ။ File Size : ( 916 MB , 334 MB ) Quality : WEB-DL 720p Running Time : 1 hr 35 min Format : Mp4 Genre : Action , Comedy Subtitle : Myanmar Subtitle (Hard Sub) Translated by Little Neo Encoded by Moe Myint Lwin

မာနာဝမ်ဆိုတဲ့ ရေအောက်သုတေသနအဖွဲ့ဟာ မျိုးစိတ်အသစ်တွေကို ရှာဖွေလေ့လာဖို့ ရေငုပ်ယာဉ်ငယ်တစ်စင်းနဲ့ လေ့လာရေးအဖွဲ့ကို ရေအောက်အနက်ဆုံး ကြမ်းပြင်ဆီ စေလွှတ်လိုက်ပါတယ်။ အဲဒီနေရာဟာ ရှေးကျတဲ့ သတ္တဝါကြီးတွေ ကျက်စားရာဒေသဖြစ်ပြီး ရေငုပ်ယာဉ်က အမျိုးအမည်မသိ သတ္တဝါတချို့ရဲ့ တိုက်ခိုက်မှုကို ခံလိုက်ရတယ်။ အဲဒီနောက် လေ့လာရေးစခန်းနဲ့ အဆက်အသွယ် ပြတ်တောက်သွားပါတယ်။ ယာဉ်ထဲကလူတွေကို ကယ်ဖို့ ရေအောက်ကယ်ဆယ်ရေး ကျွမ်းကျင်သူ ဂျိုးနက်စ်ကို သွားအကူအညီတောင်းကြရတယ်။ ဂျိုးနက်စ်က လူတွေနဲ့ အဆက်အသွယ်ဖြတ်ပြီး ထိုင်းနိုင်ငံမှာ အနားယူနေသူပါ။ အစမှာ ပိုက်ဆံဘယ်လောက်ပေးပေး မလိုက်ဘူးလို့ ငြင်းပေမယ့် အဆက်အသွယ်ပြတ်နေတဲ့ ရေငုပ်ယာဉ်ထဲမှာ သူ့အရင်လက်တွဲဖော်ပါ ပါနေမှန်း သိလိုက်ရတော့ ကယ်ဆယ်ရေးလုပ်ဖို့ လိုက်သွားပါတယ်။ ကမ္ဘာ့အကြီးဆုံး ငါးမန်းမျိုးနွယ်ဖြစ်တဲ့ Megalodon က ရေအောက်လေ့လာရေးစခန်းကို တိုက်ခိုက်တဲ့ ဒီသည်းထိတ်ရင်ဖိုဇာတ်ကားမှာ Jason Statham နဲ့ Li Bingbing တို့ ပါဝင်ထားပါတယ်။ ဂျိုးနက်စ်အနေနဲ့ ပင်လယ်ကြမ်းပြင်မှာ ဒုက္ခရောက်နေသူတွေကို ဘယ်လိုကယ်တင်မလဲ၊ ရေအောက်မှာ မမြင်ရသေးတဲ့ သတ္တဝါကြီးတွေကရော ဘာတွေဖြစ်မလဲဆိုတာကို ဆက်လိုက်ရမှာပါ။

မတ်လထဲမှာ ရုံတင်ပြသခဲ့တဲ့ သိပ္ပံစိတ်ကူးယဉ်ကားသစ်ကို တင်ပေးလိုက်ပါတယ်။ ဂျပန်နာမည်ကြီး Anime ကို ပြန်လည်ရိုက်ကူးထားတဲ့ liv-action ဖြစ်သလို မင်းသမီး စကားလက် ဂျိုဟန်ဆန်လည်းဖြစ်တာမို့ မထွက်ခင်ကတည်းက လူအတော်များများ စိတ်ဝင်စားနေကြပါတယ်။ လက်ရှိမှာတော့ IMDb မှာ 6.8 ရထားပါတယ်။ ဇာတ်လမ်းအကျဉ်းကတော့ အနာဂါတ်ကာလတစ်ခုမှာ လူသားတွေဟာ နည်းပညာတွေ တိုးတက်လာနေပြီး စက် နဲ့ လူသားတွေကြားက စည်းကို ဖြတ်ကျော်သွားခဲ့ပါပြီ။ လူသားတွေကိုယ်ထဲမှာ စက်အစိတ်အပိုင်းတွေအစားထိုးပြီး စွမ်းအင်မျိုးစုံကို မြှင့်တင်နေနိုင်ပါပြီ။ ဒါပေမယ့် မေဂျာဆိုတဲ့ မိန်းကလေးကတော့ ခန္ဓာတစ်ခုလုံးကို ပြုလုပ်ဖန်တီးပြီးတော့မှ လူသားအစစ်ရဲ့ ဦးနှောက်နဲ့ ပေါင်းစပ်ထားတဲ့ ပထမဆုံး မျိုးဆက်အဖြစ် ပေါ်ပေါက်လာခဲ့ပါတယ်။ သူဟာ ဟန်ကာ စက်ရုပ်ကုမ္မဏီရဲ့ အစွမ်းထက်ဆုံး လက်နက်နဲ့ အဆင့်မြင့်ဆုံး နည်းပညာတစ်ခု ဖြစ်လာခဲ့ပါတယ်။ အဲဒီကုမ္မဏီရဲ့ သိပ္ပံပညာရှင်တွေကို လိုက်လံသတ်ဖြတ်နေတဲ့ နည်းပညာအကြမ်းဖက်သမား ကူဇေးကို လိုက်လံဖမ်းဆီးဖို့ ကြိုးစားရင်းနဲ့ မထင်မှတ်တာတွေ ကြုံလာရပါတော့တယ်။ အမှန်နဲ့အမှား၊ လူဆိုးနဲ့ လူကောင်း၊ မှတ်ဉာဏ် နဲ့ အတိတ်စစ်တွေဟာ သူထင်သလို မရိုးရှင်းတာတွေကို သိလာရတဲ့အခါ..... (ဘာသာပြန် သူကတော့ Myoko Yeman ပါ) File size… 4 GB . 1.5 GB , 800 MB Quality… Blu -Ray 4K , 1080p , 720p Format… mp4 Duration…. 1h 47m Genre ..... Action , Sci- fI , Drama Subtitle…. Myanmar Subtitle (Hard Sub)

The Rover (2014) review The Rover ဟာ Western Film ဆန်ဆန် ရိုက်ကူးထားတဲ့ ဩစတြေးလျ ဇာတ်ကားတစ်ကား ဖြစ်ပါတယ်။ ကမ္ဘာ့စီးပွားရေးပျက်ကပ်အပြီး ၁၀ နှစ်အကြာ ဩစတြေးလျရဲ့ လူအရောက်အပေါက်နည်းတဲ့ သဲကန္တာရဆန်ဆန် နေရာတစ်ခုကို အခြေတည်ထားပြီး အဓိကဇာတ်ဆောင်တွေအဖြစ် Guy Pearce နဲ့ Robert Pattinson တို့ ပါဝင်သရုပ်ဆောင်ထားပါတယ်။ ဇာတ်လမ်းအနေနဲ့ ဩစတြေးလျရဲ့ ကြီးမားတဲ့တောဧရိယာတစ်ခုလုံးဟာ စွန့်ပစ်နယ်မြေ ဖြစ်နေပြီး ဥပဒေမဲ့ ရမ်းကားမှုတွေ ကြီးစိုးနေပါတယ်။ လုယက်မှုတစ်ခု မအောင်မြင်တဲ့နောက်မှာတော့ အာချီ၊ ကေလက်ဘ်နဲ့ ဟင်နရီက ထွက်ပြေးခဲ့ပြီး ဟင်နရီ ရဲ့ ညီ ရေး (Robert Pattinson) ကို ဒဏ်ရာကြောင့်သေပြီလို့ ယူဆကာ ထားခဲ့ကြပါတယ်။ ရေးကို ထားခဲ့ရတဲ့အပေါ် အာချီ နဲ့ ဟင်နရီတို့ အချင်းများရာကနေ ၃ ယောက်သားစီးလားတဲ့ ကားက လမ်းကနေ တိမ်းချော်ပြီး အပျက်အစီးပုံထဲကို ဝင်တိုးခဲ့ပါတယ်။ ကားကို ပြန်ဆွဲမထုတ်နိုင်တဲ့နောက် အာချီက လမ်းဘေးက တွေ့တဲ့ကားတစ်စီးကို သော့ဖျက်ပြီး ခိုးယူမောင်းနှင်သွားခဲ့ပါတယ်။ သူမသိတာကတော့ အဆိုပါကားက တစ်ကိုယ်တည်းသမား အဲရစ် (Guy Pearce) ရဲ့ ကားဖြစ်နေတာပါပဲ။ အဲရစ်က သူတို့ရဲ့ကားကို ဆွဲထုတ်နိုင်ခဲ့ပြီးတော့ နောက်ကနေ တောက်လျှောက်လိုက်လာခဲ့ပါတယ်။ အတော်လေးအကြာမှာ ဟင်နရီက အဲရစ်ကို ကားရပ်ပြီး ဆင်းတွေ့ခဲ့ပါတယ်။ အာချီက ထုံးစံအတိုင်း အာဝင်ချောင်တော့ အဲရစ်က လည်ပင်းထညှစ်တာ ခံရပါတယ်။ ဟင်နရီလည်း အဲရစ်ကို သေနတ်ဒင်နဲ့ မိတ်ဆက်ပေးပြီး လမ်းပေါ်မှာ တစ်ရေးသိပ်ခဲ့ပါတယ်။ အဲရစ်လည်း နိုးလာခဲ့ပြီးတော့ သူတို့ရဲ့ထရပ်ကားကြီးနဲ့ပဲ ကားပျောက်ရှာပုံတော်ဖွင့်ပါတော့တယ်။ နေရာ တော်တော်များများကို ဝင်မေးပြီးတဲ့နောက်မှာ ဟင်နရီတို့သေပြီလို့ထင်ကာ ထားခဲ့တဲ့ ရေးနဲ့ တွေ့ခဲ့ပါတယ်။ ရေးကလည်း သူတို့ကားကိုတွေ့တော့ သူ့အစ်ကို ဟင်နရီအကြောင်းကို မေးသလို အဲရစ်ကလည်း ရေးရဲ့အစ်ကို ဘယ်မှာလဲ အတင်းမေးမြန်းခဲ့ပါတယ်။ သေနတ်ဒဏ်ရာနဲ့ ပင်ပန်းမှုဒဏ်ကြောင့် မေ့လဲသွားတဲ့ ရေးကို စတိုးဆိုင်ပိုင်ရှင်အကူအညီနဲ့ ဆရာဝန်တစ်ယောက် ရှိတဲ့ဆီကို ခရီးဆက်ခဲ့ပါတယ်။ ရေးရဲ့ဒဏ်ရာကို ခွဲစိတ်အပြီးမှာတော့ ဟင်နရီ ရှိနိုင်မယ့်နေရာကို ရေးကို သေနတ်နဲ့ချိန်ပြီး မေးပါတော့တယ်။ ရေးက သူကိုယ်တိုင် လိုက်ပို့ပေးမယ်လို့ သိမ်းသွင်းကာ ရည်ရွယ်ချက်မတူတဲ့ လူနှစ်ယောက်ရဲ့ တူညီတဲ့ခရီးစဉ်ကို စတင်ပါတော့တယ်။ သူ့ရဲ့ကားနောက်ကို ရေကုန်ရေခမ်းလိုက်နေတဲ့ အဲရစ်ရဲ့ တကယ့်ရည်ရွယ်ချက်က ဘာလဲ.... ရေးရဲ့ သူ့အစ်ကို ကို တွေ့ချင်စိတ်က သံယောဇဉ်လား လက်စားချေချင်စိတ်လား... တစ်ခရီးတည်းသွားကြမယ့် သူတို့နှစ်ယောက်ကရော ရည်ရွယ်ချက်တွေ ပြည့်မြောက်နိုင်မလား ဆိုတာကတော့ မေးခွန်းထုတ်စရာဖြစ်ပါလာတော့တယ်။ File size… 1.4 GB / 577 MB Quality… BluRay 1080p / 720p Format… mp4 Duration…. 1h 45m Genre ..... Action / Crime / Drama Subtitle…. Myanmar Subtitle (Hard Sub) Encoder…. Thit San Khant Translated by Sai Sumali