Taylor Russell ပါဝင်သော ဇာတ်ကားများ

Hope (2026) IMDb Rating (7.2) *4K ထွက်ဖို့ကြာဦးမှာမို့ ဒီဟာကိုပဲ အရင်ကြည့်ဖို့ ညွှန်းလိုက်ပါတယ်ရှင်* နောက်ဆုံးတော့ အားလုံး စောင့်မျှော်နေခဲ့ရတဲ့ The Wailing ဒါရိုက်တာ Na Hong-Jin ရဲ့ သိပ္ပံစိတ်ကူးယဉ်နဲ့ သည်းထိတ်ရင်ဖို ဇာတ်လမ်းအမျိုးအစားကို ပေါင်းစပ်ဖန်တီးထားတဲ့ ရုံတင်ကားသစ်လေး ထွက်ရှိလို့လာပါပြီ။ မင်းသား Hwang Jung-Min, Zo In-Sung နဲ့ မင်းသမီး Jung Ho-Yeon အစရှိတဲ့ ကိုးရီးယား ထိပ်တန်း မင်းသား၊ မင်းသမီးတွေအပြင် ဟောလိဝုဒ် နာမည်ကျော် အနုပညာရှင်များစွာကပါ ပါဝင်အားဖြည့်ပေးထားပါတယ်။ ဝေးလံခေါင်သီတဲ့ ရွာငယ်လေးတစ်ရွာရဲ့ လမ်းမအလယ်မှာ အစိမ်းလိုက် ကိုက်ဖြဲသတ်ဖြတ်ထားခံရတဲ့ နွားထီးတစ်ကောင်ရဲ့ အလောင်းကို စတင်တွေ့ရှိရာကနေ ဇာတ်လမ်းစထားပါတယ်။ စစ်ကူအင်အားစုကလည်း တောမီးငြှိမ်းသတ်ဖို့ ထွက်သွားကြပြီ။ ဆက်သွယ်ရေးလိုင်းတွေကလည်း ပြတ်တောက်လို့... ရွာထဲမှာ ကျန်ရစ်နေခဲ့သူတွေကလည်း အကုန်လုံး သက်ကြီးရွယ်အိုတွေသာ... ကျား ဒါမှမဟုတ် သတ္တဝါဆိုးတစ်ကောင်ရဲ့ လက်ချက်များလားဆိုပြီး စခန်းမှူး ဂိုဘုမ်းဆော့ (Hwang Jung-Min)၊ အမဲလိုက်မုဆိုး ဂိုဆောင်းဂီ (Zo In-Sung)၊ ရဲမေ အင်ဆောင်းအယ် (Jung Ho-Yeon) တို့က အဆိုပါ သတ္တဝါကြီးကို လိုက်လံဖမ်းဆီးဖို့အတွက် တောထဲ ဝင်သွားကြပါတော့တယ်။ ဒါပေမဲ့ သူတို့ ထင်ထားသလို သာမန် တောရိုင်းတိရစ္ဆာန်ရဲ့ လက်ချက်မဟုတ်ဘဲ တခြားကမ္ဘာက ဂြိုဟ်သားတစ်စုရဲ့ ကျူးကျော်မှုတစ်ခု ဖြစ်နေရာ.. အမဲလိုက်ဖို့ ကြိုးစားရာကနေ မထင်မှတ်ဘဲ သားကောင်နေရာ ရောက်သွားရတဲ့ သူတို့ ၃ ဦးက ရွာငယ်လေးကို ဘယ်လိုမျိုး အသက်နဲ့ရင်းပြီး ကာကွယ်သွားကြမလဲ... မသိနားမလည်မှုနဲ့ ပေါ့ဆမှုတို့ကနေ စတင်ခဲ့တဲ့ အမှားတစ်ခုဟာ စကြဝဠာနဲ့ချီတဲ့ ဘေးဒုက္ခဆိုးကြီးအဖြစ် ဘယ်လို အဆုံးသတ်သွားမလဲဆိုတာကို ရင်တမမနဲ့ ခံစားကြည့်ရှုရမှာပဲ ဖြစ်ပါတယ်။ File Size : 3.79GB/ 1.51GB Quality : AMZN WEB-DL 1080p 5.1CH/ 720p Format : mp4 Duration : 2hr 38m Genre : Action, Thriller, Mystery, Sci-Fi Subtitle : Myanmar Subtitle (Hard Sub)

ဒီတစ်ခေါက် CMကနေတင်ဆက်ပေးသွားမဲ့ဇာတ်ကားလေးကတော့ နာမည်နဲ့တင်ထူးဆန်းနေတဲ့ Mother, Couch ဆိုတဲ့ရုပ်ရှင်ကားပဲ ဖြစ်ပါတယ်။ ဒီဇာတ်ကားဟာ နာမည်ထဲကအတိုင်း အမေနဲ့ဆိုဖာတစ်လုံးကို ဦးတည်ပြီး ဇာတ်အိမ်တည်ထားတာပါ။ အသက် ၈၂ အရွယ် အဘွားကြီးတစ်ယောက်ဟာ Oakbed ဆိုတဲ့ ပရိဘောဂအ‌ဟောင်း ဆိုင်ထဲကိုဝင်ပြီး ဆိုဖာအစိမ်းရောင်ကြီးပေါ်မှာ သွားထိုင်နေပါတယ်။ ခဏထိုင်တာ ကိစ္စမရှိပေမဲ့ အဘွားကြီးကတော့ ဆိုဖာပေါ်မှာ ထိုင်ရာကမထဘဲ အိမ်မပြန်ဘူးငြင်း‌ရာကနေ ပြဿနာက စပါတော့တယ်။ သူ့သားအကြီးဖြစ်တဲ့ ဂရစ်ဖ်ကတော့ ဒီကိစ္စကိုပေါ့ပေါ့ တန်တန်ပဲတွေးပြီး ပရိဘောဂဆိုင်ကကောင်မလေးနဲ့ ပရောပရည်လုပ်လို့ နေပါတယ်။ အဲဒီအချိန်မှာ သားအငယ် ဒေးဗစ်ဟာ သူ့သမီး မွေးနေ့ပွဲကို သွားရမဲ့ကြားကနေ အမေကိုအိမ်ပြန်ပို့ဖို့ရောက်လာခဲ့ကာ စိတ်မကျန်းမာတဲ့ ပုံပေါက်နေတဲ့မိခင်ကို ဆိုဖာကြီးကနေထပြီး အိမ်ပြန်ဖို့ ချော့မော့ပြောပါ တော့တယ်။ ဘယ်လိုပဲကြိုးစားကြိုးစား ဆိုဖာထိုင်ခုံပေါ်ကနေထဖို့စိတ်ကူးလုံးဝမရှိတဲ့ အမေနဲ့ သူ့သားသမီးတွေကြားက ဆက်ဆံရေးကို တစ်စတစ်စပုံဖော်သွားပြီး အဓိကဇာတ်ကောင်ဖြစ်တဲ့ ဒေးဗစ်ရဲ့ စိတ်ရှုပ်ထွေးမှုတွေ၊ မွန်းကြပ်ပေါက်ကွဲ မှုတွေကို ဖြည်းဖြည်းချင်းစီ ချပြသွားတာပါ။ အစတုန်းက ဒီရုပ်ရှင်ကို ရိုးရိုးတန်းတန်း family/drama လို့ပဲထင်ခဲ့ပေမဲ့ တကယ်တမ်းကြည့်ကြည့်လိုက်တော့မှ psychology/drama အမျိုးအစား ဖြစ်နေတာပါ။ ဒေးဗစ်နဲ့သူ့မိသားစုကိုဦးတည်ထားတဲ့ metaphor တွေ၊ တွေးကြည့်မှ သဘောပေါက်နိုင်မဲ့အရာတွေနဲ့ အဓိကဇာတ်ကောင်ရဲ့စိတ်ခံစားချက်တွေနဲ့ trauma တွေအကြောင်း ကောင်းကောင်းကြီးကြည့်ရှုရမဲ့ ရုပ်ရှင်တစ်ကားပဲ ဖြစ်ပါတယ်။ File size…1.18GB / 629MB Quality…WEB-DL 1080p 5.1CH / 720p Format…mp4 Duration….1h 36m Genre ….. Comedy , Drama Subtitle….Myanmar Subtitle (Hard Sub) Encoder….Min Wai Translated by Muse

Bones and All က လူသားစားတဲ့ စုံတွဲတစ်တွဲရဲ့ အချစ်ဇာတ်လမ်းကို လူငယ်ဒရာမာနဲ့ ဟော်ရာ ရောပြီး ရိုက်ထားတဲ့ကားပါ။ ဇာတ်လမ်းထဲမှာ သူတို့ကိုယ်သူတို့ Eater လို့ ခေါ်ကြပါတယ်။ လူငယ်တွေရဲ့ လူ့အသိုင်းအဝိုင်းနဲ့ ဝင်မဆန့်မှု၊ ကိုယ့်ကိုယ်ကိုယ် ထိန်းချုပ်ရမှုနဲ့ ကိုယ့်အကြောင်းကိုယ် ရှာဖွေရမှုတွေကို ဒီလူသားစားစုံတွဲကတစ်ဆင့် နိမိတ်ပုံအဖြစ် ဖော်ပြထားတာပါ။ လူသားစားတဲ့အကြောင်းနဲ့ သွေးထွက်သံယိုအခန်းတွေ ပါဝင်ပါတယ်။ Call Me by Your Name ကို ရိုက်ခဲ့တဲ့ Luca Guadagnino ရဲ့ လက်ရာဖြစ်ပြီး တင်မိုးသီးလည်း ပြန်လည်ပါဝင်ထားပါတယ်။ နာမည်ရခဲ့တဲ့ မူရင်းစာအုပ်ကို အခြေခံထားပြီး ဇာတ်လမ်းအနည်းငယ် ပြောင်းလဲရိုက်ကူးထားတာပါ။ ဇာတ်ပို့အဖြစ်တော့ Bridge of Spies နဲ့ အော်စကာရခဲ့တဲ့ Mark Rylance ပါဝင်ထားပါတယ်။

ဒီကားက Escape Room2019  ရဲ့အဆက်ပေါ့... ပထမကားမှာအောင်မြင်မှုများစွာရခဲ့သလို အခုကားမှာလည်း ပထမကားထက်ပိုသာတဲ့ ဇာတ်ကောင်တွေ ပိုမိုက်လာတဲ့ escape rooms တွေနဲ့ ဇာတ်ကွက်လည်းပိုခိုင်မာ ပိုကောင်းလာပါတယ်။ Setting တွေပိုလန်းလာတယ်....Game ရဲ့ လျှို့ဝက်ချက်တွေပိုမြင့်လာသလို လွှတ်မြောက်ဖို့ ပေးတဲ့ စကားဝှက်တွေက ပိုခက်လာတယ်... ဇာတ်ကောင်အသစ်တွေထည့်ပေးထားပြီး ပိုထိတ်လန့်စရာကောင်းတဲ့ Plotတွေနဲ့ပေါ့. ဆိုတော့ ဇိုဝီနဲ့ ဘင်န်မီလာတို့ ဟာ ပထမ လူသတ်ပွဲကြီးက ကံဉာဏ်ဖေးမမှုတွေကြောင့် လွတ်မြောက်လာတဲ့(၂)ယောက်ပေါ့.. ဒီဇတ်ကားမှာတော့ သူတို့(၂)ယောက်ဟာ ကိစ္စတစ်ခုဖြေရှင်းရင်း မကြုံချင်ဆုံး ပိုအဆင့်မြင့်ပိုရှုပ်ထွေးပြီးပိုမိုရက်စက်ကြမ်းတမ်းလာတဲ့ လှည့်ကွက်တွေကြားမမျှော်လင့်ဘဲ ထပ်ရောက်သွားပါတယ်... သူတို့နဲ့အတူရောက်လာတဲ့သူတွေလည်းရှိပါတယ်..ဒီလူတွေကလည်း ဒီဂိမ်းတွေကိုအတွေ့အကြုံရှိဖူးတဲ့သူတွေ.. မိမိအသက်ရှင်သန်ရေးကို သူတို့ဘယ်လိုရုန်းကန်ကြမလဲ... ဂိမ်းအားလုံးဟာ  သူတို့ထင်ထားတာထက်ပိုခက်ပြီး ပိုကြမ်းလာတဲ့အခါမှာတော့.... ဘန်န်နဲ့ ဇိုဝီတို့တစ်သိုက် ပဟေဠိတွေကိုဖြေရှင်းရင်းလွတ်မြောက်နိုင်မလား ဒါတွေကို လုပ်နေတဲ့သူက ဘယ်သူလဲSurvival အရသာကို အပြည့်အဝခံစားနိုင်မယ့်. ..အသက်ရှူမှားစရာဇာတ်ကွက်တွေနဲ့အတူ ကြည့်ရှုရမှာပါ... File Size :(1.8GB) (960 MB) Quality : WEB-DL1080P5.1CH,720p Format…mp4 Duration…01:28:00 Genre : Adventure, Action ,Horror Subtitle : Myanmar Subtitle (Hard Sub) Translated by Alias & Sai Thurein Lynn Encoded by Phyo Pyae

Words on Bathroom Walls (2020) IMDb Rating - 7.0/10 စိတ်ဆိုတာ သိပ်ထူးဆန်းတဲ့အရာပါ။ စိတ်ရောဂါတွေက ကုလို့ မပျောက်တဲ့ ရောဂါတွေပါပဲ။ ဒါကို ရင်ဆိုင်ကျော်လွှားနိုင်ဖို့ စိတ်နဲ့ပဲ ကျော်ဖြတ်နိုင်မှ ရမှာပါ။ စိတ်ရောဂါကို ကျော်လွှားနိုင်ဖို့ ဆိုတာ လူကြီးရင့်မာကြီးတွေတောင် ကျော်လွှားဖို့ ခက်ခဲတဲ့အချိန်မှာ ဆယ်ကျော်သက်တစ်ယောက်က ဘယ်လိုများ ရင်ဆိုင်ကျော်လွှားနိုင်မှာတဲ့လဲ? စိတ်ရောဂါတစ်ခုကို ထိန်းချုပ်နိုင်ဖို့ ဆိုတာ စိတ်ခွန်အား အရမ်းကောင်းတဲ့လူတွေမှ တတ်နိုင်တာမျိုးပါပဲ။ အချစ်ကြောင့် အရာရာ အကောင်းအတိုင်း ဖြစ်စေမယ် ဆိုတဲ့ စကားတော့ ရှိပါတယ်။ စိတ်ရောဂါကို အချစ် ကြောင့် မေတ္တာတရားကြောင့် အောင်နိုင်တယ် ဆိုတာမျိုးက ဖြစ်နိုင်ပါ့မလား? မေတ္တာတရား ဆိုတာ စိတ်ခံစား ချက်တစ်မျိုးပဲ မဟုတ်လား? ဘာသာတရားနဲ့ရော စိတ်ကို ကုနိုင်ပါ့မလား? စိတ်ကို စိတ်နဲ့ပဲ ကုရင်တော့ ရကောင်း ပါတယ်။ ဒီဇာတ်လမ်းထဲမှာတော့ ဆယ်ကျော်သက် စိတ်ရောဂါသည် အာဒမ် ပက်ထရာဇယ်လီ ရဲ့ စိတ်ရောဂါကို ရင်ဆိုင်ရပုံတွေကို မြင်တွေ့ရမှာပါ။ တစ်ခုလပ် အမေနဲ့ နေရတဲ့ အာဒမ် ရဲ့ စိတ်ရောဂါဟာ ဓာတုဗေဒ ဓာတ်ခွဲခန်းထဲမှာ စပြီး ပေါ်ပေါက်လာပါ တယ်။ သူ့နားမှာ အသံတွေ ကြားရပါတယ်။ အနားမှာ မရှိတဲ့ လူတွေကို သူ မြင်နေရပါတယ်။ သူ့ကိုယ်သူ စိတ်ကစဉ့်ကလျား ရောဂါသည်မှန်း သိလာပေမယ့် ဒီလူတွေနဲ့ ဒီအသံတွေကို သူ မထိန်းချုပ်နိုင်ပါဘူး။ ဆေးသောက်ပြန်တော့လည်း ဆေးရဲ့ဘေး ထွက်ဆိုးကျိုးကြောင့် စားဖိုမှူး ဖြစ်ချင်တဲ့ အာဒမ် အရသာ မခံနိုင်တော့ပါဘူး။ လက်ကလည်း တုန်လာပြန်ပါတယ်။ ဆေးဖြတ် လိုက်ပြန်တော့လည်း အသံတွေကြား မရှိတဲ့လူတွေကို မြင်နေရပြန်ပါတယ်။ အဓိကဇာတ်ဆောင်က သရုပ်ဆောင် ကောင်း လွန်းတော့ ကိုယ်ပါ မွန်းကြပ်လာတာမျိုးပါ။ စိတ်ရောဂါကို စိတ်ဝင်စားတယ်ဆိုရင် ကြည့်ကြည့်ပါ။ ဒါရိုက်တာရဲ့ တင်ပြချက် ကောင်းလွန်းတော့ အာဒမ်နေရာမှာ ကိုယ်ရောက်သွားပြီး ကိုယ်ပါ ရုန်းထွက်လို့ မရတော့တဲ့ အနေအထားမျိုးထိ ဖြစ်ပါတယ်။ အာဒမ် တစ်ယောက် စိတ်ရောဂါကို ဘယ်လို ရင်ဆိုင်ကျော်လွှားမယ်ဆိုတာတော့ ဒီကားလေးမှာကြည့်မြင်နိုင်ပါတယ်။ (ဒီဇာတ်ကားရဲ့ အညွှန်းနဲ့ဘာသာပြန်ရေးသားပေးသူကတော့ August ပဲဖြစ်ပါတယ်။) Quality – 1080p, 720p WebRip 5.1CH Duration - 1h 50min Subtitle – Myanmar Hardsub Format – Mp4 Genre : Drama, Romance Source : 1080p.WebRip Translator – August Encoder – SWM

Waves (2019) IMDb....7.7 အဖေရယ် အမေရယ် သားရယ် သမီးရယ် မိသားစုလေးယောက်ရှိတဲ့အထဲမှာ နပမ်းအားကစားသမားဟောင်းတစ်ယောက်ဖြစ်တဲ့အဖေဖြစ်သူက သူ့ခြေရာနင်းပြီးနပမ်းကစားသမားဖြစ်လာတဲ့သားဖြစ်သူကို အောင်မြင်စေချင်ခဲ့တယ်... အဲဒီအတိုင်းပဲ တွန်းအားလည်း အရမ်းပေးခဲ့တယ်.... သားဖြစ်သူကတော့ မိဘကတစ်ဖက် အားကစားကတစ်ဖက် ချစ်သူကတစ်ဖက် ဖိအားတွေနဲ့ပေါ့.... ဒီဇာတ်ကားလေးက မိသားစုမှာ အဖြစ်များတဲ့ ပြသနာတွေကို ကောင်းကောင်းကြီး ပုံဖော်ထားပြီး ကာရိုက်တာတွေဟာအ‌ရှေ့တိုင်းဆန်တာကိုတွေ့ရမှာဖြစ်တယ်.... IMDb လည်း 7.7 တောင်ရရှိထားတယ်.... ဆုပေါင်း(၁၃)ဆုလည်းရရှိထားပြီး အခြားဆု (၃၆)ဆုအတွက်လည်း ဆန်ကာတင် စာရင်းဝင်ခဲ့သေးတယ်... ဘာကြောင့်ဆုတွေ ဒီလောက်တောင်ရခဲ့သလဲဆိုတာကိုတော့ ကိုယ်တိုင်သာ ခံစားကြည့်ကြပါ... ဇာတ်လမ်းအညွှန်းနဲ့ဘာသာပြန်သူကတော့ MarTizasဖြစ်ပါတယ်... File Size : 2.86GB & 930MB Quality : Blu-Ray 1080p 5.1 CH, Blu-Ray 720p Format…mp4 Duration…02:15:00 Genre : Drama, Romance, Sport Subtitle : Myanmar Subtitle (Hard Sub) Translated by MarTizas Encoded by Phyo Pyae

Escape Room (2019) (4K)(Only On Bioscope App) IMDB : 6.4 Genre : Horror / Sci-Fi Escape Room ကတော့ ၂၀၁၉ ခုနှစ်ထွက် သိပ္ပံစိတ်ကူးယဉ် Psychological Thriller ရုပ်ရှင်တစ်ကားဖြစ်ပါတယ်။ Entertain ဖြစ်ရုံအဆင့်မျိုးမဟုတ်ပဲ ကြည့်ကောင်းတဲ့ ရုပ်ရှင်ဆိုလည်းမမှားပါဘူး။ Rating ကိုကြည့်ပြီး မဆုံးဖြတ်သင့်တဲ့ ရုပ်ရှင်ထဲမှာ ဒီရုပ်ရှင်လည်းပါပါတယ်။ ဇာတ်ညွှန်း မတူညီတဲ့လူ ၆ ယောက်ဟာ ဂိမ်းတစ်ခုကစားဖို့အတွက် အဆောက်အဦးတစ်ခုကို ဖိတ်ခေါ်ခြင်းခံလိုက်ရပါတယ်။ အလွှာပေါင်းစုံက မတူညီတဲ့ လူ ၆ ယောက် သူတို့ကိုယ်တိုင် ဘာအတွက်ရောက်လာလဲဆိုတာ မသိကြပါဘူး။ ဒီကစားနည်းတွေက ဘာကိုဦးတည်လဲဆိုတာလည်းမသိပါဘူး။ သူတို့သိတာတစ်ခုက ကစားနည်းကပေးမယ့် ဆုကြေးငွေက များတယ်ဆိုတာပါပဲ။ အဲဒီထဲမှာ အဆိုပါဂိမ်းတွေနဲ့ ရင်းနှီးတဲ့ ဒန်နီဆိုတဲ့ကောင်လေးတစ်ယောက်လည်းပါလာပါတယ်။ ဒန်နီကတော့ ဒါက သာမန် ကစားနည်းတွေ၊ သူတို့အဖြေမရှာနိုင်ရင် ရှုံးသွားမယ်၊ ပြီးရင် အဖြေကိုလာရှင်းပြမယ် စသည်ဖြင့် ကျန်သူတွေကိုရှင်းပြနေခဲ့ပါတယ်။ ဒါပေမဲ့ သူတို့အားလုံးမသိလိုက်တာက ကစားနည်းတွေက ထင်ထားတာထက်ပိုပြီး ရက်စက်သလို မှားသွားရင် အမှန်ပြင်ပေးမယ့်လူ လုံးဝကိုမရှိခဲ့တာပါပဲ။ ဒီလိုနဲ့ ကစားသမား ၆ ယောက် ရက်စက်တဲ့ ကစားနည်းတွေကို ဘယ်လို ဖြတ်ကျော်သွားမလဲဆိုတာကို ရင်ခုန်စွာနဲ့ ခံစားကြည့်လိုက်ကြပါခင်ဗျာ။ File size…   5 GB / 1.1 GB/ 550 MB Quality… BluRay 4K/ 1080p / 720p Format… mp4 Duration... 1h 40m Genre ..... Horror / Thriller / Sci-Fi Subtitle…. Myanmar Subtitle (Hard Sub)

အခုအချိန် နိုင်ငံတကာအင်တာနက်ဆိုရှယ်မီဒီယာတွေပေါ်မှာ လူပြောအများဆုံး Topic တွေကတော့ Infinity War က Thanos ကြီးအကြောင်း နဲ့ Lost in Space-Series ထဲက Robot ကြီးအကြောင်းပါပဲ။ “Lost in Space”-Series ကတော့ 2018 April လတုန်းက Nextflix က ထုတ်လွှင့်ပြသခဲ့ပြီး အပိုင်း ၁ဝပိုင်း ရှိပြီး IMbD Rating-7.2 ရထားတဲ့ စိတ်ကူးယဉ်သိပ္ပံစီးရီးလေးပဲဖြစ်ပါတယ်။ Lost in Space –Series က ၁၉၆၀-၁၉၆၃ခုနှစ်အထိ သုံးနှစ်တာ ထုတ်လွှင့်ခဲ့တဲ့ Lost in Space Series တွေကို ပြန်လည်ဆန်းသစ်ရိုက်ထားထားတာဖြစ်ပြီး အဓိကဒါရိုက်တာကလည်း Game of throne Series မှာ Blackwater နဲ့ The Watchers on the Wall episodes တွေနဲ့ နာမည်ကြီးခဲ့တဲ့ ဒါရိုက်တာ Niel Marshall ဖြစ်နေတာကြောင့် လူအများစိတ်ဝင်တစားနဲ့ မျှော်လင့်နေခဲ့တဲ့စီးရီးလေးပါ။ အခုထုတ်လွှင့်ပြီးတော့လည်း အောင်မြင်မှုရတာကြောင့် တစ်လအတွင်းမှာ Season-2 ဆက်လက်ရိုက်ကူးဖို့ကိုလည်း အတည်ပြုလိုက်ပါပြီ။ ဇာတ်လမ်းအကျဉ်းလေးကတော့……………… လူသားတွေက အသိဉာဏ်ရှိတဲ့သတ္တဝါတွေဖြစ်တာကြောင့် ကျောက်ခေတ်ကနေစပြီး တဖြည်းဖြည်းနဲ့ တိုးတက်ပြောင်းလဲလာခဲ့အတွက် ခေတ်မှီတိုးတက်လာခဲ့သလို နည်းပညာတွေလည်း တိုးတက်လာခဲ့ပါပြီ။ ဒါပေမယ့် လူဦးရေတိုးတက်လာတဲ့အမျှ ကမ္ဘာမှာ ရာသီဥတုဖောက်ပြန်ပြောင်းလဲမှုတွေ ငတ်မွတ်ခေါင်းပါးမှုတွေ စစ်ပွဲတွေ စတာတွေကြောင့် ကမ္ဘာကြီးဟာတစ်ဖြည်းဖြည်းနဲ့ နေပျော်စရာမကောင်းတော့ပါဘူး။ ဒါကြောင့် ခေတ်သစ်သိပ္ပံပညာရှင်တွေရဲ့ ခြေလှမ်းဟာ စကြာဝဠာထဲက နောက်ထပ် အခြေချနေထိုင်လို့ရမယ့် ဂြိုလ်တွေ ရှာဖွေရေးဖက်ကို ဦးတည်လုပ်ဆောင်လာခဲ့ရင်းနဲ့ ကမ္ဘာနဲ့အလှမ်းဝေးလှတဲ့ စကြာဝဠာတစ်နေရာမှာ လူသားတွေအခြေချနေထိုင်နိုင်တဲ့ ကောင်းကင်ဘုံလို့တောင် တင်စားနိုင်တဲ့ နယ်မြေလေးတစ်ခုတွေ့ရှိလာခဲ့ပါတယ်။ “အယ်လ်ဖာရာစုသစ်”လို့ နာမည်ပေးထားပြီး ဒီဂြိုလ်ဆီကို သင့်တော့်မယ့်လက်ရွေးစင်လူတွေကို “ရီဆောလုဒ်” အာကာသယာဉ်ကြီးနဲ့ ပို့ဆောင်ပြောင်းရွေ့ပေးနေပါတယ်။ အခုဆိုရင် ဒီလိုပို့ဆောင်ပေးနေတာ ၂၄ကြိမ်မြောက်အထိတောင် ရှိလာပါပြီ။ ၂၄ကြိမ်မြောက်ခရီးမှာ ရော်ဘင်ဆန်တို့မိသားစုလည်း ပါလာပါတယ်။ ရော်ဘင်ဆန်တို့မိသားစုဟာ သာမန်မိသားစုလေး မဟုတ်ပါဘူး အဖေဖြစ်တဲ့ ဂျွန်-ရော်ဘင်ဆန်က အာဂဖန်စစ်ပွဲတွေမှာ ဦးဆောင်တိုက်ခိုက်ဖူးတဲ့ စစ်မှုထမ်းတစ်ဦး။ အမေဖြစ်တဲ့ မော်ရင်းန်-ရော်ဘင်ဆန်က ဒုံးပျံသိပ္ပံပညာရှင်တစ်ဦးဖြစ်ပြီး သိပ္ပံပညာနဲ့ ပတ်သတ်ရင်နှ့ံစပ်ကျွမ်းကျင်တဲ့သူပါ။ သမီးကြီးဖြစ်တဲ့ ဂျူဒီ-ရော်ဘင်ဆန်က အသက် ၁၈ နှစ်နဲ့ ဆရာဝန် ဖြစ်လာအောင်တော်သူဖြစ်ပြီး သမီးငယ် ပန်နီ-ရော်ဘင်ဆန်် -ကစာရေးဆရာမဖြစ်ချင်နေတဲ့ စာပေနှံ့စပ်သူဖြစ်သလို သား ဝီလ်-ရော်ဘင်ဆန် ကလည်း သူ့အမေလို သိပ္ပံပညာကျွမ်းကျင်ပြီး စိတ်ထားနူးညံ့တဲ့ကလေးလေးတစ်ဦးပါ.. သူတို့လိုက်ပါလာတဲ့ ရီဆောလုဒ်ယာဉ်ကြီးကို လမ်းခရီးတစ်ဝက်မှာ အတိုက်ခိုက်ခံရတဲ့အခါ အရမ်းကို ကျယ်ပြန့်နက်ရှိုင်းလာတဲ့ အာကာသထဲမှာ ဘယ်လိုများ ခရီးဆက်ကြမလဲဆိုတာကို ဆက်လက်ရှုစားကြည့်လိုက်ပါ။ -ကောင်းမွန်သေသပ်တဲ့ CGI effect တွေနဲ့ အာကာသယာဉ်တွေ စက်ရုပ်တွေ -ဇာတ်ကောင်တစ်ဦးချင်းစီရဲ့ စိတ်ဝင်စားစရာကောင်းလှတဲ့ Charater တွေနဲ့အတူတူ – Famaily Life ကိုလည်းအကောင်းဆုံးပုံဖော်ပြသွားတာကြောင့် ကြည့်ရှူသင့်တဲ့စီးရီးလေးပါ။ ဒီစီးရီးလေးထဲမှာတော့ လူတွေအများစုရဲ့စိတ်ဝင်စားခြင်းကိုခံနေရတဲ့ စက်ရုပ်ကြီးနဲ့ ဝီလ်ရော်ဘင်ဆန်တို့ရဲ့ သူငယ်ချင်းသံယောဇဉ်ကို ဝမ်းနည်းဖွယ် စိတ်လှုပ်ရှားဖွယ်တွေ့မြင်ရမှာပါ…. လူယောက်နဲ့စက်ရုပ်တစ်ရုပ်ဟာ ခံစားချက်ခြင်းမတူကြပါဘူး… ဒါပေမယ့် တူတာတစ်ခုတော့ရှိပါတယ်… အဲဒါကတော့ သူငယ်ချင်းဆိုတဲ့ တွယ်တာတတ်တဲ့သံယောဇဉ်တစ်ခုပါ… ဒါကို ဒီ Lost In Space စီးရီးလေးက လူတိုင်းရဲ့ရင်ထဲထိရောက်အောင် အကောင်းဆုံးဖော်ပြသွားခဲ့ပါတယ်… တစ်ပိုင်းချင်းစီကို စိတ်ဝင်စားမှု့အပြည့်နဲ့ကြည့်ရမှာမို့ ကြည့်မယ်လို့စဉ်းစားနေတဲ့သူများ တွေဝေမနေပါနဲ့…..ကြည့်လိုက်ကြပါ… တစ်ပိုင်းကို ကြာမြင့်ချိန်တစ်နာရီနီးပါးရှိတဲ့ ဒီစီးရီးလေးက သင်တို့ရဲ့ အသက်ရှု့သံ ရင်ခုန်သံတွေကိုအတိုင်းတာတစ်ခုထိရောက်အောင် ထိန်းသိမ်းပေးသွားမှာမို့လို့ပါ…..

Down a Dark Hall (2018) IMDb - 5.1/10 Rotten - 50% Kit Gordy ဟာ ဆယ်ကျော်သက်အရွယ် အထက်တန်းကျောင်းသူလေးတစ်ယောက်။ ကိုးနှစ်သမီးကတည်းက အရမ်းချစ်ရတဲ့အဖေဆုံးပါးသွားခဲ့ပြီးတော့ ဖတဆိုးလေးဖြစ်ခဲ့တာကြောင့် ကြီးလာတဲ့အခါမှာ ခပ်ဆိုးဆိုးခပ်ပေပေမိန်းကလေးတစ်ဦး ဖြစ်လာခဲ့ပါတယ်။ အမေဖြစ်သူဟာ David ဆိုတဲ့လူနဲ့နောက်အိမ်ထောင်ပြုလိုက်တာကြောင့် Kit တစ်ယောက် ပထွေးနဲ့အတူနေဖို့အကြောင်းဖန်လာပါတော့တယ်။ David ဟာလူကောင်းတစ်ယောက်ဖြစ်ပြီးတော့ Kit ကို ကိုယ့်သမီးအရင်းလိုစောင့်ရှောက်ပေးခဲ့ပေမယ့် Kit ရင်ထဲကကွက်လပ်ကြီးကိုတော့ မဖြည့်ဆည်းပေးနိုင်ခဲ့ပါဘူး။ ဒါကြောင့်လည်း Kit ဟာဆိုးသွမ်းပျက်စီးနေတဲ့သူတစ်ဦးဖြစ်လာပါတော့တယ်။ ဘယ်လောက်ဆိုးလိုက်သလဲဆိုရင် မီးရှို့မှုအပါအဝင်နဲ့တခြားအမှုတွေနဲ့ စွဲချက်တင်ခံရတဲ့အထိပါပဲ။ Kit ကတော့ သူလုပ်တာမဟုတ်ဘူးလို့ ငြင်းဆိုခဲ့ပေမယ့်လည်း သက်သေအထောက်အထား ခိုင်ခိုင်လုံလုံမရှိခဲ့တာကြောင့် လက်ရှိတက်ရောက်နေတဲ့ကျောင်းကနေနားပြီး လူငယ်သင်တန်းကျောင်းဆန်ဆန် ကျောင်းတစ်ခုဖြစ်တဲ့ Blackwood အကယ်ဒမီကျောင်းကို ကျောင်းအိပ်ကျောင်းစားအဖြစ်နဲ့ အချိန်တစ်ခုထိ ပြောင်းရွှေ့တက်ရောက်ဖို့အတွက် သဘောတူလိုက်ရပါတော့တယ်။ တကယ့်ဇာတ်လမ်းက ဒီမှာစတာပါပဲ။ Blackwood လို့ခေါ်တဲ့ကျောင်းဟာ ကျောင်းလို့သာခေါ်တွင်ပေမယ့် အဆောက်အဦးက ရှေးဟောင်းအဆောက်အဦးတစ်ခုပဲ ဖြစ်ပါတယ်။ အဆောက်အဦးအတွင်းက ပရိဘောဂအသုံးအဆောင်ပစ္စည်းတွေကလည်း အတော်ကိုရှေးကျပြီး အဆောက်အဦးတစ်ခုလုံးကိုထိန်လင်းနေအောင် ထွန်းပေးနိုင်မယ့် လျှပ်စစ်မီးသီးအလုံအလောက်မရှိတာကြောင့် အနည်းငယ်မှောင်မိုက်နေပြီး ရုတ်တရက်ကြည့်လိုက်ရင် အလွန်ခြောက်ခြားစရာကောင်းလှပါတယ်။ ကျောင်းအုပ်ဆရာမကြီးဖြစ်သူဟာ Madam Duret ဆိုတဲ့ပြင်သစ်မကြီးဖြစ်ပြီးတော့ သူ့လက်အောက်မှာလည်း စာသင်ပြတဲ့ဆရာ၊ဆရာမ သုံးဦးနဲ့ Mrs.Orlonsky လို့ခေါ်တဲ့ အထွေထွေအလုပ်သမ တစ်ဦးပဲရှိပါတယ်။ Kit တစ်ယောက်အဲဒီကျောင်းကိုရောက်ပြီးတဲ့အခါမှာတော့ နောက်ထပ်အံ့အားသင့်စရာတစ်ခုနဲ့ ထပ်ပြီးကြုံရပါတယ်။ အဲဒါကတော့ အဲဒီကျောင်းမှာ ကျောင်းသူဆိုလို့ သူအပါအဝင်မှ ငါးယောက်တည်းရှိနေရခြင်းပါ။ အားလုံးဟာမိန်းကလေးတွေချည်းဖြစ်ပြီးတော့ သူလိုပဲပြစ်မှုကျူးလွန်ထားလို့ကျောင်းပြောင်းရတဲ့သူတွေချည်းပဲဖြစ်ပါတယ်။ Kit ဟာ ဘာကြောင့်ကျောင်းတစ်ကျောင်းမှာ ကျောင်းသူငါးယောက်တည်းရှိရတာလဲလို့ ကျောင်းအုပ်ကြီးကိုမေးခွန်းထုတ်ခဲ့ရာမှာ 'မင်းတို့ဟာပါရမီထူးရှိတဲ့သူဖြစ်တာကြောင့်' လို့ဆိုတဲ့အဖြေတစ်ခုကလွဲပြီး တိတိပပဘာတစ်ခုမှမသိခဲ့ရပါဘူး။ ကျောင်းသူတွေအနေနဲ့လည်း ကိုယ့်အပြစ်ကိုယ်ခံရတာဖြစ်တယ်ဆိုတဲ့အသိနဲ့ ဘာမှစောဒကမတက်တော့ဘဲ ကျောင်းကိုသာအေးအေးချမ်းချမ်းတက်ဖို့ ဆုံးဖြတ်လိုက်ပါတော့တယ်။ ကျောင်းအိပ်ကျောင်းစားဖြစ်တဲ့အတွက်ကြောင့် ကျောင်းသူငါးယောက်ဟာ တစ်ယောက်တစ်ခန်းဆီအပိုင်ရပြီး ကိုယ်ပိုင်အခန်းတွေမှာပဲအိပ်ရပါတယ်။ Kit တစ်ယောက် ညဘက်အိပ်စက်တဲ့အခါမှာ အသံဗလံတွေကြားရပြီး တစ်ယောက်ယောက်ကစိုက်ကြည့်နေသလိုခံစားရတာတွေ ရှိခဲ့ပေမယ့်လည်း စိတ်ထင်တာကြောင့် ဖြစ်မှာပါဆိုပြီးမေ့မေ့ပျောက်ပျောက်ပဲနေခဲ့ပြီး ကျောင်းစာကိုသာဆက်ပြီးသင်ကြားခဲ့ပါတယ်။ အဲဒီကျောင်းမှာအလွန်ထူးဆန်းတာနောက်တစ်ခုရှိပါသေးတယ်။ အဲဒါကတော့ စာသင်တဲ့ကာလဘာမှမကြာသေးပေမယ့် ကျောင်းသူတေရဲ့အရည်အချင်းဟာ ပညာရှင်အဆင့်လောက်ထိရောက်အောင် တဟုန်ထိုးမြင့်တက်သွားတာပါပဲ။ အရင်ကျောင်းမှာ ရိုးရိုးဂဏန်းသင်္ချာတောင် အောင်ဖို့မနည်းဖြေရတဲ့သူက အဆင့်မြင့်သင်္ချာဘာသာရပ်မှာ ဆရာတစ်ဆူလိုဖြစ်နေတာတွေ၊ စန္ဒယားတီးသင်ခါစသူက ဘာမှမကြာသေးဘဲ ဂန္ဓဝင်တေးသွားကြီးတွေကို တီးတတ်နေတာ အစရှိသဖြင့်ပါပဲ။ ကျောင်းသူတွေကတော့ သူတို့ပါရမီပါတာကြောင့်ထင်ခဲ့ပေမယ့် တကယ့်အဖြစ်မှန်ကတော့အဲဒီလိုမဟုတ်ခဲ့ပါဘူး။ တစ်ညမှာ အဖြစ်မှန်အားလုံးပေါ်ပေါက်လာဖို့အကြောင်းဖန်လာခဲ့ပြီး Kit တစ်ယောက် ကျောင်းအုပ်ဆရာမကြီး Madam Duret ရဲ့အကြံအစည်အားလုံးကို သိရှိသွားတဲ့အခါမှာတော့.....။ ဒီဇာတ်ကားက Horror အမျိုးအစားဇာတ်ကားဖြစ်ပေမယ့် ဇာတ်လမ်းအသားပေးပြီးရိုက်ကူးထားတာကြောင့် အရမ်းကြီးတော့ကြောက်ဖို့မကောင်းပါဘူး။ Horro Genre Film တို့ရဲ့ထုံးစံအတိုင်း Rating နည်းပေမယ့် ကြည့်လို့ကောင်းပြီး အချိန်ပေးရကျိုးနပ်စေမယ့်ဇာတ်ကားတစ်ကားပဲဖြစ်ပါတယ်။ Horror ကားကြိုက်ပေမယ့် အခုနောက်ပိုင်းမှာအရမ်းကိုပေါများလာတဲ့ ကြောက်ဖို့ကောင်းရင်ပြီးရော Jump Scare တွေလှိမ့်သုံးထားတဲ့ Horror ရုပ်ရှင်တွေကိုငြီးငွေ့နေတဲ့သူတွေ၊ Mystery ဆန်ဆန်လေးနဲ့ အဆုံးထိကြည့်ချင်အောင်ဆွဲခေါ်သွားတဲ့ ဇာတ်လမ်းမျိုးကိုကြိုက်တဲ့သူတွေအနေနဲ့ကတော့ ဒီဇာတ်ကားကိုလက်မလွှတ်သင့်ပါဘူး။ (ဇာတ်လမ်းအညွှန်း နဲ့ ဘာသာပြန်သူကတော့ Myo Thant Kyaw ပါ) File Size : (750 MB) Quality : AMZN WEB-DL 720p Running Time : 1hr 36min Format : Mp4 Genre : Drama, Fantasy, Horror Subtitle : Myanmar Subtitle (Hard Sub) Source : 720p.AMZN.WEBRip.DDP5.1.x264-NTG Translated by Myo Thant Kyaw Encoded by Thanhtike Zaw

သင်သာနေ့ရက်တရက်တည်းမှာပဲပိတ်မိနေမယ်ဆိုရင်ဘယ်လိုလုပ်မလဲ။ ဘာတွေလုပ်မလဲ။ အဲဒီနေ့ရက်တွေမှာဘာတွေပြင်မလဲ။ ကိုယ့်ဘဝမှာထင်ခဲ့တာတွေလုပ်ခဲ့တာတွေကိုဘယ်လိုဆန်းစစ်မလဲ။ ကိုယ့်ရဲ့တနေ့တာကိုဘယ်လိုအသုံးချမလဲ။ ဆမ်မန်သာကင်းစတန်ဆိုတဲ့ကောင်မလေးဟာအထက်တန်းကျောင်းသူတယောက်ဖြစ်ပြီး ကျောင်းကနာမည်ကြီးကောင်လေးတယောက်နဲ့လည်းချစ်သူတွေပါ။ အနာဂတ်ဟာသူ့အတွက်ဖြောင့်ဖြူးနေသယောင်ရှိနေပေမယ့် ရုတ်တရတ်ပါတီတခုကပြဿနာဖြစ်ပြီးအပြန်ကားမှောက်ကသူသေဆုံးသွားပါတယ်။ ဒါပေမယ့်ထူးဆန်းစွာပဲသူအဲဒီနေ့ကိုပဲပြန်လည်နိုးထလာတယ်။ အဲဒီနေ့မှာပဲအဲဒီဖြစ်စဉ်တွေကိုပြန်လည်ဖြတ်သန်းခဲ့ရပါတယ်။ တရက်လည်းမဟုတ်နှစ်ရက်လည်းမဟုတ်အဲဒီနေ့တနေ့တည်းမှာပဲထပ်ခါထပ်ခါပိတ်မိနေပါတယ်။ အဲဒီလိုနဲ့သူ့ရဲ့အနီးနားကလူတွေအကြောင်းကိုသတိထားမိလာပါတယ်။ သူတို့ရဲ့လျို့ဝှက်ချက်တွေသိလာတယ်။ တကယ့်သရုပ်မှန်တွေသိလာတယ်။ လူ့သဘောသဘာဝကိုနားလည်လာတယ်။ ဘာကလုပ်သင့်ပြီးဘာကမလုပ်သင့်တာကိုသိလာခဲ့တယ်။ ဒါ့အပြင်နေ့တနေ့တည်းရဲ့အစွမ်းကဘယ်လိုခြားနားမှုတွေကိုလုပ်နိုင်တယ်ဆိုတာသိလာပါတယ်။ ဇာတ်လမ်းအဆုံးသတ်လေးဟာပရိတ်သတ်ရင်ကိုဆွဲယူနိုင်မှာပါ။ ဒီဇာတ်ကားလေးကနေတွေးစရာတွေအများကြီးရလာမယ်လို့ထင်ပါတယ်။ ကြည့်ရတာတန်စေမယ့်ကားလေးပါ။ ဆိုတော့ဆမ်မန်သာဆိုတဲ့ကျောင်းသူလေးဘယ်လိုတွေကျော်ဖြတ်မလဲဆိုတာကြည့်လိုက်ရအောင်ဗျာ။ (ဇာတ်လမ်းအညွှန်းနဲ.ဘာသာပြန်သူကတော့ Fridays ပဲဖြစ်ပါတယ်) File Size : 700 MB/250MB Quality : Bluray 720p Running Time : 1hr 38minutes Format : Mp4 Genre : Drama, Mystery Translator : Fridays Encoder :Thanhtike Zaw