Terrence Stone ပါဝင်သော ဇာတ်ကားများ

Escape from Germany ကတော့ ၂၀၂၄ ခုနှစ်က ရုံတင်ခဲ့တဲ့ အမေရိကန် သမိုင်းဇာတ်ကားဖြစ်ပြီး T.C. Christensen က ရိုက်ကူးထားကာ Terry Bohle Montague ရဲ့ Mine Angels Round About စာအုပ်ကို အခြေခံထားပါတယ်။ ဇာတ်လမ်းအကျဉ်း ၁၉၃၉ ခုနှစ်၊ ဩဂုတ်လမှာ နာဇီဂျာမနီရဲ့နယ်စပ်တွေပိတ်ခါနီး LDS ခရစ်ယာန်သာသနာပြုအဖွဲ့ဝင် အမေရိကန် ၇၉ ဦးဟာ ဂျာမနီမှာပိတ်မိနေပြီး စစ်မဖြစ်ခင် အနီးကနိုင်ငံတွေကိုထွက်ပြေးဖို့ကြိုးပမ်းကြတဲ့အကြောင်း ရိုက်ကူးထားတာဖြစ်ပါတယ်။ ခရစ်ယာန်ဘုရားကျောင်းရဲ့ခေါင်းဆောင် ပရောဖက် Heber J. Grant ရဲ့သတိပေးချက်အရ သာသနာပြုတွေဟာ စစ်စတင်မယ့် ၃ ရက်အလိုမှာ ဂျာမနီကနေ အမြန်ထွက်ခွာဖို့ အမိန့်ရရှိခဲ့ကြပါတယ်။ ရုပ်ရှင်မှာ ပါဝင်သူများစွာက အမှန်တကယ် ထွက်ပြေးခဲ့ကြသူတွေရဲ့သားစဉ်မြေးဆက်တွေဖြစ်ပါတယ်။ ဒေါ်လာ ၁ သန်းအောက်သာ ကုန်ကျစရိတ်နည်းနည်းနဲ့ရိုက်ကူးခဲ့ပြီး ဒေါ်လာ ၂.၆ သန်းအထိ ရုံတင်ဝင်ငွေ ရရှိခဲ့ပါတယ်။ Escape from Germany ရုပ်ရှင်ဟာ ဒုတိယကမ္ဘာစစ်အလွန် လူသိများခဲ့ခြင်းမရှိတဲ့ဖြစ်ရပ်မှန်ကိုအခြေခံပြီး ယုံကြည်မှု၊ စွန့်စားမှုနဲ့အံ့ဖွယ်ကယ်တင်မှုတွေကို ရောင်ပြန်ဟပ်စေတဲ့ဇာတ်ကားဖြစ်ပါတယ်။ File Size… (1.30GB) / (793 MB) Quality… WEB-DL 1080p HEVC /720p Format…mkv / mp4 Duration…1h 37m Genre ….Drama , History , War Subtitle….Myanmar Subtitle (Hard Sub)

Cinderella and the Secret Prince (2018) Genre : Family / Adventure စင်ဒရဲလားဆိုရင် အကုန်လုံးက ရတနာဦးရဲ့ “ကိုကိုက ရွှေမင်းသား ကျွန်မက စင်ဒရဲလား” သီချင်းထဲကလိုပဲ ဖန်ဖိနပ်လေးကျွတ်ကျန်ခဲ့တာကို မင်းသားလေးကလိုက်ရှာ နောက်ဆုံးမှာ ဇာတ်ပေါင်းထုတ် ပြီးပါပြီ ဆိုတဲ့ဇာတ်လမ်းမျိုးကိုပဲ မြင်ယောင်ကြမှာပါ။ အဲ…ခုရုပ်ရှင်လေးကကြတော့ အဲလိုမျိုးမဟုတ်ဘူး။ တမျိုးလေးဆန်းသွားတယ်။ ဆန်းဆို ခေါင်းစဉ်ကိုက ခပ်ဆန်းဆန်းဖြစ်နေပြီကို။ ဘာတွေထူးလဲဆိုတာကတော့ ကိုယ့်ဘာသာပဲ ဆန်းစစ်ကြည့်လိုက်ကြပါ။ ဇာတ်ညွှန်း စင်ဒရဲလားလေးရှိတယ်၊ မိထွေးတော်ရှိတယ်၊ မိထွေးတော်မှာ အလှပဂေးသမီးတော်လေးနှစ်ယောက်ရှိတယ်၊ နန်းတော်ကြီးမှာ ကပွဲလုပ်မယ် စင်ဒရဲလားက သွားချင်တယ်။ ဒါက သမားရိုးကျ စင်ဒရဲလားဇာတ်လမ်း။ ခုလည်းဒီလိုပဲ ဒါပေမဲ့ ထူးခြားသွားတာက ကြွက်သုံးကောင်ပါလာတယ်၊ မင်းသားလေးမှာ စုန်းမ မိခင်ကြီးတစ်ယောက်ရှိတယ်၊ စင်ဒရဲလားလေးကို ဝတ်စုံဖန်ဆင်းပေးမှာကလည်း အလုပ်သင် နတ်သမီးလေး။ဆိုတော့ ဇာတ်လမ်းက တမူကွဲသွားပြန်ရော။ ဘာတွေကွဲသွားလဲခံစားကြည့်ကြပါ။ ဒီရုပ်ရှင်က သားသား၊ မီးမီးတွေကြည့်လို့ရသလို အင်္ဂလိပ်စာလေ့လာသူတွေအနေနဲ့လည်းကြည့်ရှုသင့်တဲ့ရုပ်ရှင်လေးဖြစ်ပါတယ်။ File size… 1.6 GB/ 790 MB Quality… WEB DL 1080p & 720p Format… mp4 Duration…. 1h 30m Genre ..... Family / Adventure Subtitle…. Myanmar Subtitle (Hard Sub)

လောလောလတ်လတ်ထွက်ရှိလာတဲ့ ကာတွန်းကားအသစ်လေး The Son of Bigfoot(2017)ကိုတင်ဆက်ပေးလိုက်ပါတယ်။ 2017မှာထွက်ရှိလာတဲ့ကားတွေထဲ ဒီဇာတ်လမ်းလေးကတော့ ဇာတ်အိမ်ကျယ်ကျယ်နဲ့ ဆွဲဆောင်မှုရှိတဲ့ကားလေးလို့ပြောရမှာပါပဲ။ ဂြိုလ်သားတို့ နဂါးတို့ ခြေထောက်အကြီးကြီး သတ္တဝါတွေဆိုတာ ယုံတမ်းပုံပြင်လို့ အားလုံးကထင်မှတ်ထားကြတာပါ။ အဲ့ဒီအချိန်မှာ မမျှော်လင့်ဘဲ အက်ဒမ်ဆိုတဲ့ကောင်လေးတစ်ယောက်က သူ့အဖေဟာ ဒီလိုသတ္တဝါကြီးဖြစ်နေတယ်ဆိုတာသိလိုက်ရပါတော့တယ်။ ဒီလိုစိတ်ဝင်စားစရာမထင်မှတ်ထားတဲ့ Storyline လေးနဲ့ ဒီကားလေးကတော့ Imdb Rating 6.1% Rotten Tomatoes 88 ရရှိထားတာမို့ ဇာတ်လမ်းကောင်းလေးဆိုတာ အထွေအထူးမညွှန်းတော့ပဲ ကြည့်ရှုခံစားကြည့်ဖို့တိုက်တွန်းလိုက်ရပါတယ်။ (ဘာသာပြန်သူကတော့ အေးမွန်ကျော်ပါ) File Size : (730 MB) and (330 MB) Quality : WEB-DL 720p Running Time : 1hr 32min Format : Mp4 Genre :Animation, Comedy, Family Subtitle : Myanmar Subtitle (Hard Sub) Source : 1080p WEB-DL H264 AC3-EVO[EtHD] Translated by Aye Mon Kyaw Encoded by Thanhtike Zaw

ဒီတစ်ခါမှာတော့ CM ပရိတ်သတ်ကြီးအတွက် တင်ဆက်ပေးမယ့်ကားလေးကတော့ ငယ်ငယ်တုန်းကနေ အခုထိ လူကြိုက်များဆဲဖြစ်တဲ့ Scooby Doo ရဲ့ Live action movie 2 လေးပဲဖြစ်ပါတယ်... ဖရက်၊ ဒက်ဖ်နီ၊ ဗဲလ်မာ၊ ရှက်ဂီနဲ့ စကူဘီတို့က လျှို့ဝှက်ဆန်းကြယ်တဲ့အမှုတွေကို ဖြေရှင်းရင်းနဲ့ နာမည်ကျော် လူသိများလာကြတဲ့ လူငယ်အဖွဲ့လေးတစ်ခုပဲဖြစ်ပါတယ်။ ဒီလိုနဲ့ သူတို့နှိမ်နင်းလာခဲ့သမျှ လူဆိုးတွေရဲ့ ဝတ်စုံတွေကို ပြတိုက်တစ်ခုမှ လှူဒါန်းခင်းကျင်းပြသဖို့ ဖြစ်လာပါတယ်။ ဒါပေမဲ့ ပြတိုက်ဖွင့်ပွဲရက်မှာပဲ ဖရက်တို့ရဲ့ ရန်သူဟောင်းကြီး တာရိုဒက်တိုင်လ်သရဲဟာ ပြန်ပေါ်လာပြီး ဝတ်စုံနှစ်ခုကို မျက်စိရှေ့တင် ခိုးသွားပါတော့တယ်။ နာမည်ကျော်စုံစမ်းရေးအဖွဲ့ဖြစ်တဲ့ ဖရက်တို့ရှေ့မှာပဲ ဖြစ်ပွါးသွားတဲ့အတွက် သတင်းထောက်တွေက ဖရက်တွေရဲ့ အမှုဖြေရှင်းနိုင်စွမ်းကို မေးခွန်းထုတ်လာပါတော့တယ်။ ဖရက်တို့အပေါ် ပြည်သူတွေရဲ့အားပေးမှုကကျဆင်းလာတဲ့အတွက် နာမည်ပြန်ရအောင် တရားခံဖမ်းဖို့ စုံစမ်းနေချိန်မှာပဲ ပြတိုက်ဟာ ဓားပြအတိုက်ခံရပြန်ပါတော့တယ်။ ဒီလိုနဲ့ နာမည်ပျက်ပြီးရင်း ပျက်လာတဲ့ဖရက်တို့အုပ်စုဟာ အရင်လို တရားခံကို တကယ်ပဲဖမ်းဆီးဖော်ထုတ်နိုင်ပါဦးမလား... တရားခံကရော ဘယ်လောက်အတိုင်းအတာအထိ ဆိုးသွမ်းဦးမလဲ... မြို့နေပြည်သူတွေရဲ့ ယုံကြည်မှုကို ပြန်လည်အရယူနိုင်ဖို့ ဖရက်တို့ငါးယောက်ရဲ့ ကြိုးပမ်းမှုတွေ အလွဲတွေကို ရယ်မောရင်း ဆက်လက်ကြည့်ရှုလိုက်ကြပါစို့ File Size :  1.9 GB, 1.1 GB Quality : Blu-Ray 1080p / 720p Running Time : 1hr 33min Format : Mp4 Genre :  Adventure, Comedy, Fantasy Subtitle : Myanmar Subtitle (Hard Sub) Translated by : Benni Encode by : Thit San Khant

ချာလီချက်ပလင်ဆိုတာနဲ့ တစ်ကမ္ဘာလုံးကနေ ဦးထုပ်ဝိုင်း နှုတ်ခမ်းမွှေးနဲ့ တုတ်ကောက်နဲ့ ကို့ရို့ကားယား လမ်းလျှောက်ပြီး စကားပြောမပါပေမဲ့ အသံတိတ်သရုပ်ဆောင်ချက်တွေနဲ့အတူ လူတွေအားလုံးကို ရယ်မောပျော်ရွှင်စေခဲ့တာမို့ ကျွန်တော်တို့ဆီမှာလည်း ကလေးကစ ခွေးအဆုံး သိတဲ့ ကမ္ဘာကျော်တစ်ဦးပါ။ သို့ပေမဲ့ တစ်ကမ္ဘာလုံးကို ရယ်မောစေခဲ့သူကြီးဟာ သူကိုယ်တိုင်ကရော သူ့ဘဝကြီးမှာ ပျော်ရွှင်စွာနဲ့ ဖြတ်သန်းခဲ့ရပါသလား... နောက်ကွယ်မှာ ချာလီချက်ပလင်တစ်ယောက်ဟာ အနုပညာအောင်မြင်မှုတွေအပြင် ကျွန်တော်တို့လို သာမန်လူသိပ်မသိတဲ့ သူ့ အချစ်ရေး အရှုပ်တော်ပုံတွေ နိုင်ငံရေးအရ နှိပ်ကွပ်ခံရတာတွေ ပြန်ဆော်ခဲ့တာတွေ ဟာသမျက်နှာဖုံးအောက်က အထီးကျန်ဆန်မှုတွေနဲ့အတူ ဘဝကြီးကို ဘယ်လိုဖြတ်သန်းခဲ့ရသလဲဆိုတာကို ရသစုံလင်စွာနဲ့ ခံစားရမယ့် အတ္ထုပ္ပတ္တိ ရုပ်ရှင်ကားကြီး ဖြစ်ပါတယ်။ ဒီ Iconic ဖြစ်တဲ့နေရာကြီးကို ဘယ်သူက သရုပ်ဆောင်ပေးထားတာလဲဆိုတော့ကား Iron Man အနေနဲ့ အားလုံးသိထားကြတဲ့ မင်းသားကြီး Robert Downey Jr. က သရုပ်ဆောင်ပီပြင်အောင် လပေါင်းများစွာ လေ့ကျင့်ထားပြီးမှ ရှယ်သရုပ်ဆောင်ပေးထားတာပဲ ဖြစ်ပါတယ်။ အဲဒီနှစ်ရဲ့ Oscar ဆုပေးပွဲမှာလည်း မင်းသားဆု ဆန်ခါတင်ပါခဲ့ပေမဲ့ Anthony Hopkins က The Silence of the Lambs နဲ့ ရသွားလို့သာ လွဲချော်ခဲ့ရတာ ဖြစ်ပါတယ်။ တိုက်ဆိုင်စွာနဲ့ မင်းသားကြီး Anthony Hopkins က ဒီ Chaplin ကားမှာလည်း ချာလီချက်ပလင်ကို အင်တာဗျူးနေတဲ့ အယ်ဒီတာကြီးအဖြစ် ပါဝင်ထားတာပါ။ ဒီ ရုပ်ရှင်ထဲမှာဆိုရင်တော့ လန်ဒန်မြို့ ဆင်းရဲသားရပ်ကွက်ထဲက တစ်ချက်တစ်ချက် စိတ်မနှံ့သလိုဖြစ်သွားတဲ့မိခင်ကနေ မွေးဖွားလာတဲ့ ညီအစ်ကိုနှစ်ယောက်ထဲက တစ်ယောက်အဖြစ်ကနေ အစ်ကို့ရဲ့အပတ်အသက်ကနေမှ အင်္ဂလန်ပြဇာတ်တွေမှာ ဟာသဇာတ်ဆောင်နေရာကနေ အမေရိကားထိ သွားပြီး ဘယ်လိုတွေ ထင်ရှားပေါ်လွင်လာအောင် ကြိုးစားခဲ့ရတယ်ဆိုတာတွေ။ နာမည်ကျော်ဇာတ်ကောင် The Tramp ကို ဘယ်လိုဖန်တီးဖြစ်ခဲ့တာတွေ ကိုယ်ပိုင်စတူဒီယို ဘယ်လိုထောင်ခဲ့တာတွေ အသံတိတ်ရုပ်ရှင်တွေလုပ်နေရင်း စကားပြောရုပ်ရှင်တွေပေါ်လာတဲ့အခါ ဘယ်လိုမျိုး ဖြတ်သန်းခဲ့ရတာတွေ အစုံအလင်ပါတဲ့အပြင် ဆရာသမားက လီယိုနာဒို နေခဲ့တော့လို့ ပြောရမလိုပဲ မိန်းကလေးတွေဆို အသက်မပြည့်သေးတဲ့ အရွယ်ကောင်းလေးတွေနဲ့ ဇာတ်ပေါင်းစုံ ရှုပ်ခဲ့တာတွေရော စစ်ကြီး ၂ ခုကို ဖြတ်သန်းခဲ့ပြီး ကွန်မြူနစ်ဆိုပြီး စွပ်စွဲခံရတာတွေကြောင့် အမေရိကားမှာ အင်္ဂလိပ်သားအနေနဲ့ FBI က နောက်ကနေ ချောင်းမြောင်းနေပြီး ဘယ်လိုတွေ အရေးယူကိုင်တွယ်မယ်ဆိုတာတွေရော ပြည်နှင်ဒဏ်တွေ ဘယ်လိုထိခဲ့တာတွေရောကို ဘဝဇာတ်ခုံ အနိမ့်အမြင့် အတက်အကျ စုံလင်စွာနဲ့ ပုံဖော်ထားတာပါ။‌ နောက်ပြီး ဒီကားထဲမှာ ထူးခြားတာတစ်ခုက ချာလီချက်ပလင်ရဲ့အမေနေရာကို တကယ့်အပြင်က ချာလီရဲ့သမီးဖြစ်သူက ပြန်သရုပ်ဆောင်ပေးထားတာပဲ ဖြစ်ပါတယ်။ ဇာတ်သိမ်းပိုင်း ၁၉၇၂ ခုနှစ် အော်စကာစင်မြင့်ထက်မှာ အသက်ကြီးနေပြီဖြစ်တဲ့ ချာလီချက်ပလင် တစ်ယောက် Honorary Academy Award ကို ၁၂ မိနစ်ကြာ လက်ခုပ်တီးပြီး မျက်ရည်ဝဲကာ လက်ခံရယူတဲ့ မြင်ကွင်းကတော့ ရုပ်ရှင်ချစ်သူတိုင်း မျက်ရည်မဆည်နိုင်အောင် ဖြစ်ရတဲ့ သမိုင်းဝင် အခိုက်အတန့် ဖြစ်မယ်လို့ ယူဆမိရင်း ဒီအညွန်းလေးကို နိဂုံးချုပ်လိုက်ပါရစေဗျာ...။