Tim Ransom ပါဝင်သော ဇာတ်ကားများ

Blonde က နာမည်ကျော်ရုပ်ရှင်မင်းသမီး မယ်ရီလင် မွန်ရိုးရဲ့ဘဝကို အခြေခံထားတဲ့ ဒရာမာဇာတ်ကားပါ။ သူ့ဘဝဖြစ်ရပ်တွေကို အတ္ထုပ္ပတ္တိတစ်ပုဒ်လို အတိအကျ ပြန်တင်ပြထားတာမျိုးထက် အမှန်တကယ်ဖြစ်ရပ်တွေ၊ ကောလာဟလတွေနဲ့ စိတ်ကူးယဉ်ရေးသားထားတာတွေကို ရောစပ်ထားပါတယ်။ မွန်ရိုးဟာ မိဘမဲ့ဂေဟာကနေ အနုပညာလောကထဲ ရောက်လာသူဖြစ်ပြီး အသက် ၁၆ နှစ်မှာ အိမ်ထောင်ကျခဲ့ပါတယ်။ အိမ်ထောင်သုံးဆက်ရှိခဲ့သလို အမေရိကန်သမ္မတ ဂျွန် အက်ဖ် ကနေဒီနဲ့ ပတ်သက်တဲ့ ကောလာဟလတွေအပါအဝင် သူ့ကိုဝန်းရံနေတဲ့ သတင်းတွေကလည်း မနည်းပါဘူး။ အောင်မြင်ကျော်ကြားလာပေမယ့် သူ့ဘဝအစကတော့ မလှပခဲ့ပါဘူး။ ၁၉၅၀ နဲ့ ၁၉၆၀ ကာလတွေမှာ မွန်ရိုးဟာ လိင်ဆွဲဆောင်မှုရှိတဲ့ မင်းသမီးတစ်ယောက်အဖြစ် ထင်ရှားခဲ့ပြီး လူအများရဲ့ အိပ်မက်မင်းသမီး ဖြစ်လာခဲ့တယ်။ သူ့ဂါဝန် လေထဲလွင့်နေတဲ့ပုံကလည်း အလွန်လူသိများခဲ့ပါတယ်။ ဒီဇာတ်ကားမှာ မွန်ရိုးအဖြစ် အန်နာ ဒီအားရ်မက်စ်က သရုပ်ဆောင်ထားပြီး သူ့ကို Knives Out၊ No Time to Die၊ Blade Runner နဲ့ Knock Knock တို့မှာလည်း တွေ့ဖူးကြမှာပါ။ အိပ်ရာခန်းနဲ့ ကိုယ်လုံးတီးမြင်ကွင်းတွေ ပါဝင်တာကြောင့် မိသားစုအတူကြည့်ဖို့တော့ မသင့်တော်ပါဘူး။

ဒီကားကတော့ ၂၀၁၇ခုနှစ်ထွက်Biography/Comedy-Drama ဇာတ်ကားကောင်းလေးဖြစ်ပါတယ်။ ဒီကားလေးဟာ ၁၉၇၃ခုနှစ် အမေရိကန်ပြည်ထောင်စုတွင် ဟိုးလေးတကျော်ဖြစ်ကာ ပြောစမှတ်တွင်ရလောက်တဲ့အထိ ဖြစ်ပွားခဲ့တဲ့ တင်းနစ်ပြိုင်ပွဲအကြောင်းပါပဲ။ ဒီတင်းနစ်ပြိုင်ပွဲဟာ သာမန်ပြိုင်ပွဲတွေနဲ့မတူပါဘူး။ ထိုခေတ်ကာလတွင်း အမျိုးသမီးတင်းနစ်ကစားသမားများဟာ အမျိုးသားများနှင့် တန်းတူရပိုင်ခွင့်တွေ ခံစားခွင့်မရကြပါဘူး။ ဒါကြောင့် ကမ္ဘာ့နံပါတ်တစ် အကောင်းဆုံးအမျိုးသမီးတင်းနစ်ကစားသမားဖြစ်တဲ့ ဘီလီဂျင်းကင်းဟာ အဲဒီအတွက်ကနေဦး တောင်းဆိုဆန္ဒပြခဲ့တဲ့ ပထမဦးဆုံး အမျိုးသမီးအခွင့်အရေးလှုပ်ရှားသူတစ်ယောက်ဖြစ်လာပါတယ်။ အဲဒီကနေစပြီး အမျိုးသမီးများ အမျိုးသားများနှင့်တန်းတူညီမျှအခွင့်အရေးခံစားခွင့်ရှိခြင်း၊ လိင်တူရပိုင်ခွင့်များနှင့် လူ့အခွင့်အရေးဆိုတာတွေ ဆက်လက်ဖြစ်ပေါ်လာတာပဲဖြစ်ပါတယ်။ တစ်ဖက်မှာလည်း ဘီလီဂျင်းကင်းကိုပါရမီဖြည့်ပေးရှာသည့်သူကတော့ ဘော်ဘီရစ်ချ်ဆိုတဲ့ နာမည်ကျော်တင်းနစ်ကစားသမားတစ်ယောက်ပါ။ သူ့ရဲ့ဝါသနာက လောင်းကစားလုပ်ခြင်းပါပဲ။ အခွင့်အရေးတွေကိုချောင်းနေတဲ့ဘော်ဘီတစ်ယောက် ဘီလီကင်းကိုမျက်စိကျသွားပါတော့တယ်။ သူ့ရဲ့အတိတ်ကရွှေရောင်နေ့ရက်တွေကိုပြန်လည်ရယူရင်း လောင်းကစားပါလုပ်လို့ရမည့်အကွက်ကို တွေ့သွားတာပဲဖြစ်ပါတယ်။ ဒီလိုနဲ့ ဘီလီဂျင်းကင်းကိုစိန်ခေါ်ပြီး တင်းနစ်ကစားပွဲပြုလုပ်ကာ အမျိုးသမီးတွေဟာ တန်းတူအခွင့်အရေးရသင့်ကြောင်း သက်သေပြရအောင်ဖန်တီးပါတော့တယ်။ အဲဒီပြိုင်ပွဲဟာ တင်းနစ်အားကစားသမိုင်းတစ်လျှောက်တွင် လူကြည့်အများဆုံးသော ကစားပွဲဖြစ်ခဲ့တာဖြစ်ပြီး ဘီလီဂျင်းကင်းနဲ့ ဘော်ဘီရစ်ချ်တို့ရဲ့ အပြိုင်အဆိုင် စကားနာထိုးမှုတွေ၊ အားပြိုင်မှုတွေဟာ ကစားကွင်းမတိုင်ခင်ကတည်းက ပုဂ္ဂိုလ်ရေးဆိုင်ရာအရရော၊ အခြားသော ရှုပ်ထွေးသည့်တိုက်ပွဲများနှင့် ပြင်းထန်ကာ မြိုင်မြိုင်ဆိုင်ဆိုင်ဖြစ်နေခဲ့ပါတယ်။ နောက်ဆုံးမှာတော့ ဘီလီဂျင်းကင်းအနိုင်ရရှိသွားပြီး အမျိုးသမီးများအတွက် ဦးဆောင်လမ်းပြပေးနိုင်ခဲ့ရုံသာမက အခြားသောလူ့အခွင့်အရေးများအတွက် လမ်းစလည်းဖွင့်ပေးနိုင်ခဲ့တာပဲဖြစ်ပါတယ်။ ဒီပြိုင်ပွဲဟာ လူမှုအဖွဲ့အစည်းတွင်းမှာ နောက်ဆက်တွဲပြောင်းလဲမှုတွေများစွာကိုဆောင်ကျဉ်းပေးခဲ့တဲ့ တကယ့်ဖြစ်ရပ်မှန်ပြိုင်ပွဲကြီးဖြစ်ပြီး ဇာတ်ကားအနေနဲ့လည်း ရသစုံစုံလင်လင်နဲ့ ရိုက်ကူးပြပေးသွားတာဖြစ်တဲ့အတွက် ကြည့်ရှုရတာ စိတ်ကျေနပ်စေမှာပဲဖြစ်ပါတယ်။ File Size : (950 MB) and (350 MB) Quality : Blu-Ray 720p Running Time : 2hr 01min Format : Mp4 Genre :Biography, Comedy, Drama Subtitle : Myanmar Subtitle (Hard Sub) Source : 1080p Blu-Ray x264 SPARKS Translated by Thura Zarni Aung Encoded by Thanhtike Zaw

Courage Under Fire(1996) IMDB.....6.6,,,,,,,Rotten......85 Patrick Sheane Duncan က ဇာတ်ညွှန်းရေးသားပေးခဲ့သည့် Courage Under Fire ဇာတ်ကားကို Director Eward Zwick က ရိုက်ကူးထားပြီး Fox 2000 Picture ၏ ပွဲဦးထွက်ရုပ်ရှင်ကားလည်းဖြစ်သည်။ အမေရိကန်ဒေါ်လာ ၄၆ သန်း အကုန်အကျခံရိုက်ကူးထားသည့် Courage Under fire သည် ဝင်ငွေ သန်း ၁၀၀ ကျော်ပြန်လည်ရရှိခဲ့သည့်ဇာတ်လမ်းလည်းဖြစ်သည်။ ဇာတ်လမ်းအား အီရတ်တို့ကူဝိတ်ကိုကျူးကျော်ထားစဉ်တွင် အီရတ်တပ်များအား အမေရိကန်တပ်များက ဝင်ရောက်မောင်းထုတ်ပေးခဲ့သည့် ပင်လယ်ကွေ့စစ်ပွဲအပေါ် အခြေခံထားသည်။ ဇာတ်လမ်းအကျဉ်းမှာ ဒုတိယဗိုလ်မှူးကြီး နသန်နီရယ် ဆာလင်း (Denzel Washington) သည် အမေရိကန်အမှတ်(၂)တင့်ကားတပ်ရင်း၏ တပ်ရင်းမှူးဖြစ်ပြီး အယ်ဘက်သရာမြို့တွင်တိုက်ခိုက်ခဲ့သည့် ညတိုက်ပွဲတခုတွင် မိမိတပ်အား တပ်ချင်းမှားယွင်းပစ်ခတ်မှုဖြစ်ပွားခဲ့သည်။ အမေရိကန်စစ်တပ်သည် ၎င်းဖြစ်စဉ်အား ဖုံးကွယ်ထားခဲ့ပြီး စစ်ပွဲအပြီးတွင် ဒုမှူးကြီးဆာလင်းအာ း သူရဲကောင်းစွမ်းရည်ဘွဲ့အပ်နှင်းပြီး တိုက်ခိုက်ရေးတာဝန်မှ ရုံးတာဝန်သို့ပြောင်းလဲတာဝန်ထမ်းဆောင်စေခဲ့သည်။ ထိုသို့တာဝန်ထမ်းဆောင်စဉ်အတွင်း ၎င်းပင်လယ်ကွေ့စစ်ပွဲအတွင်းတွင် ရဲရင့်စွာတာဝန်ထမ်းဆောင်ခဲ့သည့် ဟျူဝီရဟတ်ယာဉ်မောင်း ဗိုလ်ကြီးကာရမ်အမ်မာဝဲလ်ဒန် (Meg Ryan)ဆိုသည့်အမျိုးသမီးအား သူရဲကောင်းဘွဲ့ပေးရန် ဖြစ်စဉ်အားစုံစမ်းရန် တာဝန်ပေးအပ်ခံခဲ့ရသည်။စစ်သားကောင်းပီသလွန်းလှသည့် ဆာလင်းအနေဖြင့် သူ၏သူရဲကောင်းဘွဲ့အား သံသယဝင်လျက်ရှိပြီး စွမ်းရည်ဘွဲ့ပေးအပ်မှုအားစိစစ်ရန် တာဝန်ပေးအပ်လာခဲ့ရာ ယခုအကြိမ်တွင် အမှန်အတိုင်းဖြစ်စေလိုသည့် ဆန္ဒလည်းပြင်းပြလျက်ရှိရာ ၎င်းဖြစ်စဉ်အား စိတ်နှစ်ပြီး စုံစမ်းခဲ့သည်။ ကပ္ပတိန်ဝဲလ်ဒန်သည် အရေးပေါ်ကယ်ဆယ်ရေးတပ်ဖွဲ့မှ ဟျူဝီရဟတ်ယာဉ်မောင်းဖြစ်ပြီး အမေရိကန်စစ်တပ်မှ ဘလက်ဟော့ခ်ရဟတ်ယာဉ်တစီးပျက်ကျရာသို့ သွားရောက်ကယ်ဆယ်ရန်တာဝန်ပေးအပ်ခံခဲ့ရသည်။ သူမ၏ယာဉ်တွင် အထူးသူနာပြု အီလာရီယို(Matt Damon)၊ အကူရဟတ်ယာဉ်မောင်း ရေဒီ(Tim Guinee)၊ လက်နက်ကိုင်စစ်သည် အော်လ်တာမိုင်ယာ(Seth Gilliam) နှင့် မန်းဖရစ်ဇ်(Lou Diamond Phillips) တို့လိုက်ပါခဲ့ကြပြီး သူတို့တပ်ဖွဲ့ ပျက်ကျနေသည့် ဘလက်ဟော့ခ်သို့ရောက်သောအခါ မိမိတို့၏စစ်သည်များအား ရန်သူအီရတ်များက မြေပြင်တပ်များနှင့်သာမက T-54 တင့်ကားတစီးနှင့်ပါ ဝိုင်းဝန်းတိုက်ခိုက်လျက်ရှိသည်ကိုတွေ့ရှိရပြီး မိမိမှာလည်း အခြားတိုက်ပွဲနေရာမှထွက်လာရခြင်းဖြစ်ရာ ဒုံးကျည်မပါတော့သဖြင့် ရဟတ်ယာဉ်၏အရံဆီပုံအား ဖြုတ်ချ၍ ရန်သူ့တင့်ကားပေါက်ကွဲအောင် ချေမှုန်းနိုင်ခဲ့သည်။ သို့ရာတွင် သူမ၏ရဟတ်ယာဉ်မှာလည်း ရန်သူ့ပစ်ခတ်မှုကြောင့် ပျက်ကျခဲ့ရပြီး ရန်သူအား တညနှင့်တမနက် ရင်ဆိုင်ခဲ့ရပြီး နောက် ကယ်ဆယ်ရေးယာဉ်များရောက်ရှိလာချိန်တွင် ကပ္ပတိန်မှာ ကျဆုံးသွားပြီဟု သတင်းပို့ခြင်းခံခဲ့ရသည်။ ၎င်းဖြစ်စဉ်အား ဆာလင်းမှ စစ်ဆေးရာ ကပ္ပတိန်ဝဲလ်ဒန်၏စစ်သည်များ နှင့် ပျက်ကျသည့်ဘလက်ဟော့ခ်မှစစ်သည်များ ထွက်ဆိုချက်ပေးရာတွင် ကွဲလွဲချက်များရှေ့နောက်မညီမှုများတွေ့ရှိရသဖြင့် အဆင့်ဆင့်ဆက်လက်စုံစမ်းပုံကို ရိုက်ကူးတင်ဆက်ထားခြင်းဖြစ်သည်။ Courage under fire ဇာတ်ကားသည် စစ်သားတယောက်၏ အနှစ်သာရ ၊ စစ်သားတယောက်၏သန့်စင်သောစိတ်၊ အချင်းချင်းထားရှိသော ရဲဘော်ရဲဘက်စိတ်တို့ကို လှပစွာခြယ်မှုန်းထားပြီး တကယ့်အကြပ်အတည်းတိုက်ပွဲအခြေအနေတွင် သူရဲဘောကြောင်သူနှင့် သူရဲကောင်းဆန်သူ ၊ သူရဲကောင်းဟူသည် တိုက်ပွဲမှာတိုက်ခိုက်ရဲသည့် လက်ရုံရည်စွမ်းရည်သာမက အမှန်ကိုဝန်ခံရဲသည့် နှလုံးရည်ပြည့်ဝခြင်းပါ ရှိရမည့် အကြောင်းတို့ကိုပါ ဖော်ကျူးထားပြီး ဇာတ်လမ်းအား လှည့်ပတ်ဆွဲဆောင်တန်ဆာဆင်ထားမှုများကြောင့် ရင်တမမနှင့်ကြည့်ရှုရမည့် ဇာတ်ကားကောင်းလည်းဖြစ်သည်။ ၁၉၉၆ ခုနှစ်ထုတ်ဇာတ်ကားဖြစ်သော်လည်း ယခုတိုင်ခေတ်မီနေဆဲ အသက်ဝင်နေဆဲဇာတ်လမ်းတပုဒ်လည်းဖြစ်ရာ စစ်ကားကြိုက်သူများသာမက ဒရာမာဇာတ်လမ်းကြိုက်သူများပါ လက်မလွှတ်သင့်သည့် ဇာတ်လမ်းလည်း ဖြစ်သည်။ ဇာတ်ကားရိုက်ကူးရာတွင် ထူးခြားခဲ့သည့်ဖြစ်စဉ်များမှာ (၁) ဇာတ်လမ်းတွင် အသုံးပြုထားသည့် M1A1 Abram တင့်ကားများအား အမေရိကန်စစ်ဘက်မှ မူလကကူညီမည့်အစီအစဉ်ပျက်ပြားသွားပြီးနောက် အင်္ဂလန်၏ Centuions တင့်များကို သံပြားများဖြင့် ပုံစံတူပြန်လည်ဖန်တီးတည်ဆောက်ထားခြင်းဖြစ်သည်။ ၎င်း တင့်ကားများအား ( Craddle to Grave 2) ဇာတ်ကားတွင် လည်း ပြန်လည်အသုံးပြုခဲ့သည်။ (၂.) Matt Damon သည် ဤ ဇာတ်ကား၏ နောက်ပိုင်းဇာတ်ဝင်ခန်းအားရိုက်ကူးရာတွင် ပေါင်ချိန်လျော့ကျသွားသည့် ဆေးသမားအဖြစ်သရုပ်ဆောင်ထားရာ ၎င်းဇာတ်ဝင်ခန်းအတွက် ပေါင်ချိန်(၄၀) အထိ ချပစ်ခဲ့ရာ ကျန်းမာရေးစိုးရိမ်ရသည်အထိဖြစ်ခဲ့ပြီး ဒါရိုက်တာကပါ ဝိတ်မချရန်တားယူရသည်အထိဖြစ်ခဲ့သည်။ ၎င်းအချိန်က matt Damon မှာ နာမည်ကြီးသရုပ်ဆောင်မဟုတ်သေးပါ။ သို့ရာတွင် သူ၏ကြိုးပမ်းမှုကြောင့်ပင် ဒါရိုက်တာစတီဗင်စပီးဘတ်က Private Ryan ဇာတ်ကားတွင် အဓိကဇာတ်ကောင်အဖြစ် သူ့အားယုံကြည်စွာအပ်နှင်းခဲ့ခြင်းဖြစ်သည်။ (၃). Denzel washington သည် ၎င်းဇာတ်ကားတွင် ပြတ်သားရမည့်နေရာတွင် ပြတ်သားလှသကဲ့သို့ မျက်ရည်ဝဲလောက်စရာနေရာများတွင် ကြည့်ရှုသူကိုပါ မျက်ရည်ဝဲလောက်အောင် သရုပ်ဆောင်ကောင်းမွန်လှသည့်အတွက် ဟောလိဝုဒ်အော်စကာ ဆန်ခါတင်စာရင်းဝင်ခဲ့သည်။ ၄. နသန်နီယယ်ဆာလင်း နေရာအတွက် Herrison Ford နှင့် Tom Hanks တို့အား မူလက လျာထားခဲ့သေးသည်။ (၄.) သူရဲကောင်းဘွဲ့အပ်နှင်းသည့် အိမ်ဖြူတော်မှ နှင်းဆီဥယျာဉ်ပုံစံဆက်တင်မှာ မုန်တိုင်းကြောင့် နှစ်ကြိမ်တိုင်တိုင်ပျက်စီးခဲ့ရသည်။ (၅). ၎င်းဇာတ်လမ်းအား ၁၉၅၀ ခုနှစ်ထုတ် Rushomon မှ ဇာတ်ကျောယူထားခြင်းဖြစ်သည်။ (၆). အယ်ဘက်သရာတိုက်ပွဲနေရာအား တက္ကဆက်ပြည်နယ် အယ်ပါဆိုလ်မြို့ပြင်တွင် ရိုက်ကွင်းယူခဲ့ပြီး ၎င်းနေရာသည် ယခုအခါ ကမ္ဘာလှည့်ခရီးသည်များအားဆွဲဆောင်သည့်နေရာတနေရာဖြစ်နေပြီဖြစ်သည်။ (၇). IMBD (6.6) ရရှိထားပြီး Rotten Tomato(85) ရရှိထားပြီး ၎င်းတို့အပါအဝင် အခြား Rating Site ၅၄ ခု၏ review အရ (7.8/10)ရရှိထားသော ဇာတ်ကားလည်းဖြစ်သည်။ ဇာတ်လမ်းအညွှန်းနဲ့ဘာသာပြန်သူကတော့ ကို Chan Myae Thu Aung ဖြစ်ပါတယ်..... File Size…1022MB Quality…BluRay 720p Format…mp4 Duration…01:56:00 Subtitle…Myanmar Subtitle(Hardsub) Encoder…..Phyo Pyae Translated by  Chan Myae Thu Aung

ဒီတစ်ခါမှာတော့ လတ်တလော ဖြစ်ပွားနေတဲ့ Covid 19 လိုမျိုး ဗိုင်းရပ်စ်တစ်မျိုးကြောင့် လူတွေ ဘယ်လိုဒုက္ခရောက်ရလဲဆိုတာကို ရိုက်ကူးပြထားတဲ့ ရုပ်ရှင်တစ်ကားနဲ့ မိတ်ဆက်ပေးချင်ပါတယ် 1995 ခုနှစ်မှာ ထွက်ခဲ့တဲ့ Outbreak ဆိုတဲ့ အမေရိကန်ကားလေးပါ ဒီဇာတ်ကားထဲက ဇာတ်လိုက်ကျော်ဗိုင်းရပ်စ်ကတော့ အာဖရိကမှာ စတင်ပေါ်ပေါက်လာခဲ့တဲ့ Motaba ဗိုင်းရပ်စ်ပါ ဘီလီဖော့ဒ်နဲ့ သူ့အထက်အရာရှိ မက်ကလင်တော့တို့ဟာ အာဖရိကကို ကူညီဖို့ သွားခဲ့ပေမဲ့ ပြင်းထန်လွန်းပီး ကူးစက်မြန်တဲ့ ရောဂါ ဖြစ်နေတဲ့အတွက် မတတ်သာဘဲ စခန်းကို အပျောက်ရှင်းခဲ့လိုက်ကြပါတယ် ဒီဗိုင်းရပ်စ်အတွက် ကုသဆေးကိုတော့ အမေရိကမှာ စမ်းသပ်ထုတ်ဖော်ခဲ့ကြပီး လျှို့ဝှက်လက်နက်တစ်ခုအနေနဲ့ သိမ်းထားခဲ့ကြပါတယ် တစ်နေ့မှာ အာဖရိကမှ မျောက်တစ်ကောင်ကို ဂျင်ဘိုဆိုတဲ့ကောင်လေးက ဖမ်းလာခဲ့မိပါတယ် အဲဒီမျောက်မှာ Motaba virus ပါလာပြီး ဂျင်ဘိုကတစ်ဆင့် ကူးစက်ပါတော့တယ် ဂျင်ဘိုက မျောက်ကို လွှတ်ပေးလိုက်တဲ့အခါ အစရှာမရဖြစ်ပီး ရောဂါဟာ ကယ်လီဖိုးနီးယားက မြို့တစ်မြို့လုံးနီးပါး ကူးစက်ခံခဲ့ရပါတော့တယ် ဒီလိုနဲ့ မြို့ကို ကန့်သတ်စောင့်ကြည့်ရင်း စစ်ဆရာဝန် ဗိုလ်မှူးကြီး ဆမ်ဒန်နီယယ်တို့အဖွဲ့ ကုသနည်းကို ရှာဖွေကြပုံတွေကို ရိုက်ကူးပြထားပါတယ် ကုသနည်းရှာဖွေနေစဉ်အတွင်း ဆရာဝန်တွေကို ကူးစက်သွားလို့ ဆုံးရှုံးရပုံတွေ ကူးစက်ခံလူနာတွေဟာ မိသားစုဝင်တွေနဲ့ ထိတွေ့ခွင့်မရတာ‌ေတွ ရောဂါဒဏ်ကို အလူးအလဲ ခံစားရပုံတွေ သေဆုံးချိန်မှာလည်း လူမသိသူမသိ မီးသဂြိုလ်ပြီး လူ့လောကကို နှုတ်ဆက်သွားကြရပုံတွေဟာ ယခုလက်ရှိအနေအထားနဲ့ အရမ်းကို တိုက်ဆိုင်နေတော့ ဒီလိုအချိန်မျိုးမှာ ကြည့်ရတာ ခံစားသက်ဝင်လို့ကောင်းမယ့် ဒရမ်မာ ကားကောင်း တစ်ကားပါ IMDB rating 6.6 ထိလည်း ရထားပါတယ် နောက်ဆုံးမှာ ကုသဖို့ ဆေးဖော်စပ်တာ အောင်မြင်သွားမလား ကူးစက်ခံမြို့သူမြို့သား‌ေတွဟာ နိုင်ငံအတွက်နဲ့ လူမသိသူမသိ အစဖျောက်ခံရမလားဆိုတာတော့ အသည်းတထိတ်ထိတ်နဲ့ ကြည့်ရှုရမှာဖြစ်လို့ လက်မလွတ်တမ်း ကြည့်ရှုသင့်တဲ့ ဇာတ်ကားလေးပါလို့ ညွှန်းပေးပါရစေ (ဇာတ်လမ်းအညွှန်းနဲ့ဘာသာပြန်သူကတော့ May Tharaphi Lwin ပါ) File Size : (1.99 GB),(900 MB) And (480 MB) Quality : Blu-Ray (1080p 5.1,720p,480p) Running Time : 2hr 07min Format : Mp4 Genre : Action, Drama, Thriller Subtitle : Myanmar Subtitle (Hard Sub) Source : 1080p.BluRay.x264-TiMELORDS Translated by May Tharaphi Lwin Encoded by Thanhtike Zaw