Tim Woodward ပါဝင်သော ဇာတ်ကားများ

Criminal (2016) IMDb Rating (6.3) / Rotten Tomatoes (30%) မင်းသားကြီး Kevin Costner ရဲ့ ဇာတ်ကြမ်းကားပါ။ IMDb (6.3/10) ရရှိထားပါတယ်။ ဓါတ်ပူးမင်းသား Ryan Reynolds ဟာ CIA အေးဂျင့်တစ်ယောက်ပါ။ ကမ္ဘာနဲ့ချီ ဒုက္ခရောက်မယ့် ကိစ္စတစ်ခုမှာ ဝင်ရောက်ကယ်တင်ရင်း မအောင်မြင်ဘဲ ဂန့်သွားပါတယ်။ အဲ့ဒီမပြီးပြတ်သေးတဲ့ကိစ္စကို ဆက်လက်ဆောင်ရွက်ဖို့ သူ့ရဲ့ဦးနှောက်ထဲက မှတ်ဉာဏ်တွေကို လူကြမ်းကြီး Kevin Costner ထဲကို ကော်ပီကူး ရွှေ့ပြောင်းပါတယ်။ အဲ့ဒီထူးဆန်းတဲ့ကိစ္စကြီးအောင်မြင်သွားမလား? ကမ္ဘာနဲ့ချီဒုက္ခရောက်မယ့်ကိစ္စကြီးရော အောင်မြင်သွားမလား? လူကြမ်းကြီးရဲ့နှလုံးသားရော နူးညံ့သွားမလားဆိုတာ ရင်တမမကြည့်ရှုရမှာပါ။ Spoil လုပ်ရရင် လူကြမ်းကြီးရဲ့ နှလုံးသားကတော့မင်းသမီး Gal Gadot (Wonder Woman ) ကြောင့် သေချာပေါက် အရည်ပျော်သွားဖို့ရှိနေပါတယ်...:P ။ File size… (5.3 GB) / (1.6 GB) / (990 MB) Quality…. Blu-Ray 4K HEVC / 1080p HEVC / 720p Format…. mkv/mp4 Genre…. Action,Crime,Science Fiction Duration…. 01:53:44 Subtitle…. Myanmar Subtitle (Hardsub)

Has Fallen ရုပ်ရှင်ကား ၃ ကားရှိပြီး ၃ ကားလုံး ဇာတ်ကောင်တူ ဇာတ်လမ်းဆက်စပ်တာမလို့ တပြိုင်တည်းကြည့်လေမိုက်လေပါပဲ။ CM မှာ ၃ ကားစလုံးကို 4K Quality နဲ့တင်ဆက်ထားပါပြီ....ဒီမှာ https://www.channelmyanmar.to/?s=has+fallen ကြည့်လို့ရပါတယ်။ +++++++++++ London Has Fallen (2016) IMDB: 6.0 / Rotten Tomatoes: 28% Genre: Action/Thriller Has Fallen ရဲ့ ဒုတိယမြောက်ဇာတ်ကားဖြစ်ပြီးတော့ ပထမရုပ်ရှင်က ဇာတ်ကောင်တွေနဲ့ပဲ ဆက်လက်ရိုက်ကူးထားပါတယ်။ London has fallen ရဲ့ဇာတ်လမ်းကတော့...... လက်နက်ရောင်းဝယ်ရေးနဲ့စီးပွားဖြစ်နေတဲ့ အကောင်ကြီးကြီး အကြမ်းဖက်သမားတစ်ယောက်က သူ့မိသားစုသေဆုံးမှုအတွက် ကမ္ဘာ့ခေါင်းဆောင်ကြီးတွေကို လန်ဒန်မှာ အစီအစဉ်တကျ လုပ်ကြံမှုပြုလုပ်ပါတယ်။ တကယ်တော့ အမေရိကန်သမ္မတကို ဦးတည်လုပ်ကြံတာဖြစ်ပြီး သမ္မတအား လုပ်ကြံသတ်ဖြတ်မှုကိုလဲ တစ်ကမ္ဘာလုံးကို တိုက်ရိုက်ထုတ်လွှင့်ပြသဖို့ စီစဉ်ထားတာပါ။ ကဲ မိုက်ခ်နဲ့သူ့သမ္မတတို့ကတော့ ဒုတိယအကြိမ်ထောင်ခြောက်ထဲ ရောက်ရှိလာခဲ့ပြီ...ဘယ်လိုတွေအကြမ်းအရမ်းတွေနဲ့ သမ္မတကိုကယ်တင်ရမလဲဆိုတာ....။ File size…(4.2 GB) / (1.6 GB) / (910 MB) Quality….BluRay 4K HEVC/1080p HEVC / 720p Format…mkv/mp4 Duration….01:39:15 Subtitle….Myanmar Subtitle (Hardsub) Encoder….Ka Naung Translated by Carey Nyein

Legend (2015) IMDb Rating (6.9) / Rotten Tomatoes (60%) Gangster ဇာတ်ရုပ်ကို ပိုင်ပိုင်နိုင်နိုင်သရုပ်ဆောင်နိုင်သူ မင်းသားတွေကို ပြပါဆိုရင် Tom Hardy ကိုလည်းချန်ထားခဲ့လို့ မရဘူးရယ်။ ဒီဇာတ်ကားမှာတော့ ၅၀ပြည့်နှစ်-၆၀ပြည့်နှစ်တွေမှာ လန်ဒန်မြို့ရဲ့ နာမည်ဆိုးနဲ့ကျော်ကြားခဲ့တဲ့ Gangsters တွေဖြစ်တဲ့ ခရေးအမြွှာညီနောင်ရဲ့ နေရာကနေ ပါဝင်သရုပ်ဆောင်ထားတယ်။ Identical twins ဖြစ်တဲ့အတွက် နှစ်ကိုယ်ခွဲသရုပ်ဆောင်ထားတာ ဖြစ်ပါတယ်။ ရော်နယ်ခရေးနဲ့ ရတ်ဂျီနယ်ခရေးဆိုတဲ့ အမြွှာညီအစ်ကိုနှစ်ယောက်အကြား ရွန်လို့ခေါ်တဲ့ ရော်နယ်ကတော့ စိတ်ကစဉ့်ကလျားရောဂါကို ခံစားနေရသူပေါ့။ ဒီတော့ သွေးဆာတတ်တယ်၊ အကြမ်းဖက်တတ်တယ်၊ ထင်တိုင်းကြဲတတ်တယ်။ ရတ်ဂျီကတော့ ပိုက်ဆံကြိုက်တယ်၊ ကလပ်ပိုင်ရှင် ကာစီနိုပိုင်ရှင်ဖြစ်တဲ့အတွက် အဲ့ဂုဏ်ပုဒ်နဲ့ ထိုက်တန်တဲ့ လေးစားမှုကို ရချင်ပါတယ်တဲ့။ အကျဉ်းချုပ်လိုက်ရင်တော့ နှစ်ယောက်လုံးက ဂန်းစတားတွေပါ။ ဒီရုပ်ရှင်ကို ရတ်ဂျီရဲ့ ချစ်ရသူ၊ သူ့ထက် ၁၀ နှစ်ငယ်တဲ့ ဖရန်စစ်ရှေယာ(Emily Browning)က ဇာတ်ကြောင်းကို ပြောပြနေဟန်ရိုက်ကူးထားတယ်။ “ကျွန်မရဲ့ ခန့်ညားလှတဲ့ ရတ်ဂျီ/ ကျွန်မရဲ့ ရတ်ဂျီ/ ကျွန်မရဲ့ခင်ပွန်း” ဒီလိုလေးတွေ သုံးနှုန်းပြီးတော့ ခရေးညီနောင် နာမည်ကျော်ကြားလာပုံကစလို့ သူတို့ရဲ့ အဆုံးသတ်အထိ ဇာတ်ကြောင်းကိုပြောပြသွားတယ်။ ဒီဇာတ်ကားကို အတော်များများက underrated ဖြစ်တယ်လို့လည်း ဆိုကြတယ်။ ဒီတော့ အဲ့ဒါတကယ်ဟုတ်မဟုတ်ကို ကိုယ်တိုင်ခံစားကြည့်ရှုပြီး အကဲဖြတ်ကြည့်ပါဦး (ရုပ်ရှင်အညွှန်းနဲ့ ဘာသာပြန်ကို Nway Oo K Zaw မှ တင်ဆက်ထားပါတယ်။) File size…(7.5 GB) / (2.3 GB )/ (1 GB) Quality…BluRay 4K HEVC/ 1080p HEVC / 720p Format…mkv/mp4 Duration….02:12:00 Subtitle….Myanmar Subtitle (Hardsub) Encoder….Ka Naung Translated by Nway Oo K Zaw

"ဟူဒီးနီ"လို့ပြောလိုက်တာနဲ့ မျက်လှည့်ပညာရပ်နဲ့ မစိမ်းတဲ့သူတွေ တန်းသိကြမှာပါ။ ၂၀ ရာစုရဲ့ အကျော်ကြားဆုံးသော မျက်လှည့်ပညာရှင်ကြီးပဲ ဖြစ်ပါတယ်။ ဒီဘက်ခေတ်မှာ ဒေးဗစ်ကော်ပါဖီးဆိုတာနဲ့ လူတိုင်းတန်းသိသလိုမျိုး သူ့ခေတ်သူ့အခါကလည်း ဟူဒီးနီဆိုတာနဲ့ ဟိုးလေးတကျော်ကျော်ပါပဲ။ ကိုယ်ပိုင်မျက်လှည့်ပြကွက်တွေ တီထွင်ဖန်တီးပြီး အောင်မြင်မှုယူခဲ့တဲ့သူပါ။ သူနာမည်ကြီးရတဲ့အဓိကအကြောင်းရင်းကတော့ အချုပ်မှန်သမျှက လွတ်အောင်လုပ်ပြနိုင်တာကြောင့် ဖြစ်ပါတယ်။ Escape Man လို့ နာမည်ကြီးပါတယ်။ "The Handcuff King" လို့လည်း လူသိများပါတယ်။ လက်ထိပ်ခတ်မယ်၊ ကြိုးတုပ်မယ်၊ သေတ္တာထဲထည့်မယ်၊ လက်ထိပ်ခတ်ပြီး ရေထဲခုန်မယ်၊ သေတ္တာထဲထည့်ပြီး မြစ်ထဲပစ်ချမယ်၊ ဘယ်လိုမျိုးတွေနဲ့ပဲ သူ့ကို တုတ်နှောင်ပြီးထားပေမယ့် သူကတော့ လွတ်အောင်လုပ်ပြနိုင်ပါတယ်။ လက်ထိပ်တွေက ကြိုတင်စီမံထားတဲ့ Fake တွေလို့ ထင်စရာရှိပါတယ်။ အဲဒါကြောင့် ရဲအဖွဲ့ပေါင်းစုံက သူ့ကိုစမ်းသပ်ပါတယ်။ ဘယ်လိုလုပ်ထားတဲ့ လက်ထိပ်နဲ့ပဲခတ်ခတ်၊ သူကတော့ လွတ်တာပါပဲ။ ဒီပြကွက်တွေက ဟူဒီးနီရဲ့ နာမည်ကျော်ပြကွက်တွေပဲ ဖြစ်ပါတယ်။ Now You See Me ထဲက ကောင်မလေး မှန်ရေကန်ထဲ ခုန်ချပြတာတွေဟာ ဟူဒီးနီ စခဲ့တာပါ။ "ကဲ...ကောင်မလေးရဲ့လက်တွေကို ဖြတ်ပြီးပြီ။ ဒီတစ်ခါ ခန္ဓာကိုယ်ကို အလယ်ကနေ နှစ်ခြမ်းပိုင်းပြပါမယ်။ ပိုင်းလိုက်ပါပြီ။ ပရိသတ်ထဲက တစ်ယောက်လောက် ကျွန်တော့်ကို ကူညီနိုင်မလားမသိဘူး။ ဟိတ်..ချာတိတ်၊ ကိုယ့်ကိုလာကူစမ်းပါလားကွာ။" နောင်တစ်ချိန်မှာ ဟူဒီးနီလို့ နာမည်ကျော်ကြားလာမယ့် ချာတိတ်လေးဟာ မြေဝိုင်းမျက်လှည့်ပွဲလို့ခေါ်တဲ့ လမ်းဘေးက မျက်လှည့်ဝိုင်းတစ်ခုမှာ မျက်လှည့်ဆရာကြီးရဲ့ အကူအညီတောင်းခြင်းကို ခံလိုက်ရပါတယ်။ သူလုပ်လိုက်ရတာကတော့ ဘာမှပြောပလောက်တာမဟုတ်ပါဘူး။ ဒါပေမယ့် အဲဒိအဖြစ်အပျက်အပြီးမှာ မျက်လှည့်ပိုးတွေက သူ့ခန္ဓာကိုယ်ထဲကို စိမ့်ဝင်သွားပါပြီ။ သူလည်း မျက်လှည့်ဆရာဖြစ်ချင်လာပါပြီ။ အဲဒိနောက် မျက်လှည့်ပညာတွေသင်ကြားရင်း အတန်အသင့်တတ်ကျွမ်းလာတဲ့အခါ မြေဝိုင်းမျက်လှည့်ပွဲတွေမှာ သူဖျော်ဖြေပါတယ်။ သူ့ရဲ့ချစ်စဖွယ်ရုပ်ရည်လေးနဲ့၊ ကလေးလေးတစ်ယောက်က မျက်လှည့်ပြနေတယ်ဆိုတော့ လူအများစိတ်ဝင်စားကြပြီး သူ့ကို အကြွေစေ့လေးတွေ ထည့်ပေးကြပါတယ်။ သူ မျက်လှည့်ပြရတဲ့ အဓိကအကြောင်းကတော့ စီးပွားရေးချိနဲ့နေတဲ့ သူ့မိသားစုအတွက် သူတတ်နိုင်တဲ့ဘက်က ကူညီချင်လို့ပါပဲ။ နောက်တစ်ချက်ကတော့ မျက်လှည့်ပညာရပ်ကို သူတကယ် စိတ်ဝင်စားလို့ပါ။ ဗီဇက အဲဒိက စပါတယ်ခင်ဗျာ။ "လူကြီးမင်းအပေါင်းတို့၊ ဟောဒီက မစ္စတာဟူဒီးနီမှ သူ့ကိုလက်ထိပ်ခတ်ပြီး သေတ္တာထဲထည့်ထားပေမယ့် လွတ်မြောက်အောင် လုပ်ပြပါလိမ့်မယ်ရှင်။" "လုပ်ဇာတ်ကြီးတွေပါကွာ၊ သေတ္တာထဲက ထွက်ပြမနေပါနဲ့ဦး။ မင်းတကယ်လုပ်နိုင်တယ်ဆိုရင် လက်ထိပ်အစစ်ကနေပဲ လွတ်အောင်လုပ်ပြ။ ရော့...ဒီမှာ" သူ့ကို ထိုပုဂ္ဂိုလ်ကိုယ်တိုင် လက်ထိပ်လာခတ်ပြီး မိနစ်ပိုင်းအတွင်းမှာပင် (လက်ထိပ်ကို လေထဲတွင်မြောက်ပြလျက်) "လူကြီးမင်းက ဒီလိုမျိုး လွတ်အောင်လုပ်ပြခိုင်းတာလားခင်ဗျာ" ဟူဒီးနီဟာ အဲဒိဖြစ်ရပ်နောက်ပိုင်းမှာ တဟုန်ထိုးကျော်ကြားလာပါတယ်။ သာမန်မျက်လှည့်ပညာရှင်အဆင့်ကနေ နာမည်ကျော်ပုဂ္ဂိုလ်တစ်ယောက် ဖြစ်လာပါတော့တယ်။ အဲဒိနောက်ပိုင်း သူထပ်မံတီထွင်ထားတဲ့ ပြကွက်အဆန်းတွေနဲ့ ဟူဒီးနီတစ်ယောက် အထွတ်အထိပ်ကို ရောက်လာတဲ့အခါ....။ နာမည်ကျော်မျက်လှည့်ဆရာကြီး ဟူဒီးနီအကြောင်းကို မှတ်တမ်းတင်ရိုက်ကူးထားတဲ့ Houdini TV Mini Series ပဲ ဖြစ်ပါတယ်။ Part 1 နဲ့ Part 2 ဆိုပြီး နှစ်ပိုင်းထွက်ပါတယ်။ ၂၀ ရာစုရဲ့ ထူးချွန်ပညာရှင်တွေထဲမှာ တစ်ယောက်အပါအဝင်ဖြစ်တဲ့ မျက်လှည့်ဆရာကြီး၊ မျက်လှည့်လောကရဲ့ ရှေ့ဆောင်လမ်းပြကြီးအကြောင်းဆိုတော့ အပိုင်တောင်ဝယ်သိမ်းထားသင့်ပါသေးတယ်။ ဒီဇာတ်ကားမှာ သူ့ရဲ့နာမည်ကျော်ပြကွက်တွေရဲ့ လျှို့ဝှက်ချက်တွေကိုပါ ဖော်ထုတ်ပြသထားပါတယ်။ တော်တော်များများ မျက်လှည့်ကြည့်ဖူးကြမှာပါ။ မျက်လှည့်ဆရာက ပြကွက်တွေပြသတဲ့အခါ ရင်သပ်ရှုမောဖြစ်ရတာ အမှန်ပါ။ ဒါပေမယ့် လျှို့ဝှက်ချက်ကို ဖော်ထုတ်ပြသတဲ့အခါကျတော့ တော်တော်များများက "သြော်...ဒါလေးများ"ဆိုပြီး ဖြစ်သွားကြပါတယ်။ သြော်...ဒါလေးများ ဆိုရင် အစကတည်းက ကိုယ့်ဘာသာကိုယ် လုပ်ပြကြပါလား။ သူများလုပ်ပြတော့မှ သြော်...ဒါလေးများ တဲ့။ ကိုလံဘတ်စ် ကြက်ဥထောင်ပြသလိုပေါ့။ "ဟေ့ကောင်၊ မင်းကြက်ဥထောင်တတ်လား" ဆိုပြီး ထောင်ခိုင်းတယ်။ ဘယ်လိုထောင်ထောင် မရဘူး။ ကိုလံဘတ်စ်က "ပေး၊ ငါထောင်ပြမယ်"ဆိုပြီး ကြက်ဥကို အားနဲ့ ဆောင့်ချလိုက်တော့ အောက်ခြေကွဲကြေပြီး ထောင်သွားပါတယ်။ အဲဒိတော့ ဟိုကောင်က "သြော်...ဒါလေးများ"တဲ့။ အဲဒါဆိုလည်း အစကတည်းက ကိုယ့်ဘာသာကိုယ် ထောင်ပြပါလား လဒရဲ့။ မျက်လှည့်ဆရာဆိုတာ "သြော်...ဒါလေးများ" တွေကိုပဲ လုပ်ပြတာပါ။ ဒါပေမယ့် ဘာမှမဆန်းဘူးလို့ သွားမပြောပါနဲ့။ မဝေဖန်ပါနဲ့။ သူ့လိုမျိုး ကိုယ်စဉ်းစားမိရဲ့လား၊ သူ့လိုမျိုး ကိုယ်တီထွင်နိုင်ရဲ့လားဆိုတာ အရင်တွေးကြည့်ပါ။ ကျွန်တော့်ရဲ့ မမ်ဘာတွေ ဒီဇာတ်ကားကြည့်ပြီး "သြော်...ဒါလေးများ" မဖြစ်ရင် ကျွန်တော်ကျေနပ်ပါပြီ။ "A magician is not really a magician. He is an actor pretending to be a magician." မျက်လှည့်ဆရာဆိုတာ မှော်အစွမ်းပေါက်နေတဲ့ ဝိဇ္ဇာတစ်ယောက်မဟုတ်ပါဘူး။ ဝိဇ္ဇာယောင်ဆောင်ထားတဲ့ သရုပ်ဆောင်တစ်ယောက်ပါ။ ဒီဇာတ်ကားမှာ ဟူဒီးနီရဲ့ ဘဝဖြတ်သန်းမှုအဆင့်ဆင့်ကို တွေ့ကြရမှာပါ။ သူ့အမေကို သူဘယ်လောက်ချစ်တာတွေ၊ သူ့ဇနီးအပေါ် သူဘယ်လောက် တန်ဖိုးထားတာတွေ၊ မျက်လှည့်ဆရာတစ်ယောက်အနေနဲ့ နိုင်ငံအတွက် ဘယ်လိုအမှုထမ်းခဲ့သလဲဆိုတာတွေ၊ ပရလောကနဲ့ သူနဲ့အကြားက စိန်ခေါ်မှုတွေအကြောင်းကို ကြည့်ရှုကြရမှာပါ။ File size…1.7 GB / 800 MB Quality… Blu - Ray 1080p & 720p Format… mp4 Duration….90m @Episode Genre ..... Biography , Drama Subtitle…. Myanmar Subtitle (Hard Sub)

ဟောင်းပေမယ့် ကောင်းနေဆဲ အမေရိကန် လေတပ်၏ အထူးလျှို့ဝှက် တပ်ဖွဲ့ဝင် အဖြစ် စတီဗင်စေဂဲလ်ကို ဂျွန်အဖြစ် မြင်‌တွေ့ရမှာပါ ဂျွန် သည် လျှို့ဝှက်လုပ်ဆောင်ချက်များစွာအပြီးတွင် အဖမ်းခံရပြီး အရည်အသွေးမြင့် စစ်ဆေးမှုခန်းတွင် ထားစောင့်ကြည့်ခံရသည်။ သူ့ခေါင်းမှာ လျှို့ဝှက်သတင်းအချက်အလက်များစွာ ရှိနေသဖြင့် အာဏာပိုင်များက သူ့ကို ထိန်းချုပ်ထားလိုကြသည်။ ထိုအချိန်တွင် အမေရိကန်စစ်တပ်၏ အဆင့်မြင့် စွမ်းအားမြှင့်ထားသော လေယာဉ်တစ်စင်းကို လျှို့ဝှက်အကြမ်းဖက်အဖွဲ့တစ်ခုက ခိုးယူသွားနိုင်ကာ၊ ၎င်းလေယာဉ်တွင် အန္တရာယ်အကြီးမားဆုံး “Rainmaker” ဗုံးကြဲစနစ်ပါဝင်နေသည်။ ဤလေယာဉ်ကို မကောင်းကြံသူများ စွဲယူထားလျှင် ဒေသအနှံ့ အကြီးမားဆုံး ပျက်စီးချို့ယွင်းမှုများ ဖြစ်ပေါ်နိုင်သည်။ ဂျွန်ကို ပြန်လည်သိမ်းယူရန် တာဝန်ပေးကြသည်။ ရန်သူများ၊ လျှို့ဝှက်စစ်‌ဆင်ရေး လှုပ်ရှားမှု ဆိုသည့်အတိုင်း စိတ်လှုပ်ရှားဖွယ် ကြည့်ရှု့ရမှာပါ အဆုံးမှာ ဂျွန်တစ်ယောက် လေယာဉ် ပြန်ရယူနိုင်ပြီး ကမ္ဘာကြီးအား ကယ်ဆယ်နိုင်မလားဆိုတာ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

K-19: The Widowmaker (2002) IMDb Rating (6.7) ဒိတ်ဒိတ်ကြဲမင်းသားကြီးတွေဖြစ်တဲ့ Harrison Ford နဲ့ Liam Neeson တို့ ဦးဆောင်ပါဝင်ထားတဲ့ ဖြစ်ရပ်မှန်ရုပ်ရှင်ကားကြီးဖြစ်ပါတယ်။ ၁၉၆၁ မှာ ဆိုဗီယက်ယူနီယံဟာ အမေရိကန်နဲ့ဉရောပကို စစ်အင်အားပြဖို့နဲ့ အာတိတ်သမုဒ္ဒရာထဲ ဒုံးကျည်စမ်းသပ်ဖို့ဆိုပြီး K-19 ဆိုတဲ့ နျူကလီးယားရေငုပ်သင်္ဘောတစင်းကို ရေချလိုက်ပါတယ်။ ဒါပေမယ့် သင်္ဘောက အဆင်သင့်မဖြစ်သေးဘဲ ပြဿနာတွေ အများကြီးနဲ့ အစောတလျင်စမ်းသပ်စေခဲ့တာဖြစ်ပါတယ်။ K-19 ကို ကပ္ပတိန် ဗော့စထရီကော့ဖ် (Harrison Ford) နဲ့ ဒုကပ္ပတိန် ပိုလီနင် (Liam Neeson) တို့ ဦးစီးဖို့ တာဝန်ပေးခြင်းခံရပါတယ်။ သင်္ဘောဟာ အဆင်သင့်မဖြစ်သေးတာနဲ့အညီ ရေလယ်ကောင်မှာ နျူကလီးယား ဓာတ်ပေါင်းဖိုယိုစိမ့်မှုဖြစ်ပြီး အခန့်မသင့်လို့ ပေါက်ကွဲခဲ့ရင် ကမ္ဘာ့စစ်ပွဲတောင် ဖြစ်သွားနိုင်တဲ့အနေအထားဖြစ်လာပါတော့တယ်။ ဒီလိုအချိန်အခါမှာ ဓာတ်ရောင်ခြည်အကာအကွယ်ဝတ်စုံမရှိတဲ့ကြားက ကပ္ပတိန်နဲ့ သင်္ဘောသားရဲဘော်ရဲဘက်တွေ နျူကလီးယားယိုစိမ့်မှုကြီးကို ဘယ်လို စွန့်စားပြီး ပြင်ဆင်ကြမလဲ ခက်ခဲကြမ်းတမ်းတဲ့ ဆုံးဖြတ်ချက်တွေကို ဗော့စထရီကော့ဖ်နဲ့ ပိုလီနင်တို့ ဘယ်လို စွန့်လွှတ်စွန့်စား ဆုံးဖြတ်သွားကြမလဲဆိုတာ....။ K-19 ဖြစ်ရပ်မှန်ကို ဆိုဗီယက်ဖက်က လုံးဝဖုံးကွယ်ထားခဲ့တာမလို့ အဲ့ဒီတုန်းက ကမ္ဘာကြီးအနေနဲ့ ဒီအကြောင်းတွေကို မသိခဲ့ကြရဘဲ ဆိုဗီယက်ယူနီယံပြိုကွဲတော့မှသာ အံ့ဩဘနန်း သိခဲ့ကြရတာဖြစ်ပါတယ်။ File size…(7 GB) / (3.3 GB )/ (1.2 GB) Quality…BluRay 4K HEVC/ 1080p HEVC / 720p Format…mkv/mp4 Duration….02:18:00 Subtitle….Myanmar Subtitle (Hardsub) Encoder….Ka Naung Translated by Min Khant