လူစီဟာ ထိုင်ဝမ်နိုင်ငံ တိုင်ပေမြို့မှာ ကျောင်းတက်နေတဲ့ ကျောင်းသူတစ်ယောက်ပါ။ ရည်းစားဖြစ်သူ လိမ်ခေါ်လာရာက ကိုရီးယားလူဆိုးအဖွဲ့တစ်ဖွဲ့ရဲ့ လက်ထဲ ရောက်သွားပါတယ်။ သူ့ရည်းစားက အသတ်ခံလိုက်ရပြီး လူစီကိုတော့ CPH4 လို့ခေါ်တဲ့ စိတ်ကြွဆေးတစ်မျိုး သယ်ပေးဖို့ အကြပ်ကိုင်ကြတယ်။ ဆေးကို သာမန်သယ်ခိုင်းတာမျိုး မဟုတ်ဘဲ လူစီရဲ့ဗိုက်ကိုခွဲပြီး ဆေးအိတ်ကို အထဲမှာ ထည့်ပေးလိုက်တာပါ။ ဒီလို ဆေးအိတ်ထည့်ခံရသူ လေးဦးရှိပြီး မတူတဲ့နေရာတွေဆီ ပို့ဆောင်ပေးရမှာဖြစ်ပါတယ်။ ဒါပေမယ့် လူစီက သူ့ကိုစောင့်ကြပ်နေတဲ့ လူဆိုးတစ်ယောက်နဲ့ ပြဿနာတက်ပြီး ဗိုက်ကို အကန်ခံလိုက်ရပါတယ်။ Scarlett Johansson က အဓိကပါဝင်ထားပြီး Choi Min Sik က လူဆိုးအဖြစ် သရုပ်ဆောင်ထားပါတယ်။ Morgan Freeman ကို ပရော်ဖက်ဆာ နော်မန်အဖြစ်၊ Amr Waked ကို Del Rio အဖြစ် တွေ့ရမှာပါ။ The Fifth Element နဲ့ The Lady တို့ကို ရိုက်ကူးခဲ့တဲ့ ပြင်သစ်ဒါရိုက်တာ Luc Besson ရဲ့ လက်ရာဖြစ်ပြီး မူရင်းဖော်ပြချက်အရ ကုန်ကျစရိတ် ဒေါ်လာသန်း ၄၀ နဲ့ ရိုက်ကူးခဲ့ကာ ဝင်ငွေ ဒေါ်လာသန်း ၁၀၀ ကျော် ရရှိခဲ့ပါတယ်။
ဇာတ်ကားကြည့်ရန်