Toby Stephens ပါဝင်သော ဇာတ်ကားများ

Marama (2026) +++++++++ ၁၈၅၉ ခုနှစ်ဝန်းကျင်မှာ မေရီစတီဗင်စ်ဆိုတဲ့ အမျိုးသမီးတစ်ဦးဟာ "သို့ မေရီ... မင်းငါ့တော့ ငါ့ကို မသိပေမဲ့ ငါကတော့ မင်းကို မင်းဘဝတစ်လျှောက်လုံး သိခဲ့တာပါ။ မင်းသိချင်တာတွေ အားလုံးပြောပြမယ်၊ ငါခေါ်တဲ့ နေရာကို လာခဲ့ပါ" ဆိုတဲ့ စာတစ်‌စောင်ကြောင့်နဲ့ ဝေးလံ‌လွန်းတဲ့ ရှိုင်းယားနယ်ဘက်ကို ရက်ပေါင်း ၇၀ ကျော်ကြာ ခရီးဆက်ပြီး ရောက်လာခဲ့တယ်။ သူ့ဘဝရဲ့ ဇာတ်ကြောင်းကို သိချင်လို့ တစ်ကိုယ်တော် ခရီးနှင်လာခဲ့ပေမဲ့ တကယ်တမ်းရောက်တဲ့အခါမှာ စာထဲမှာ ပြောထားသလို တစ်ခုမှ မဖြစ်နိုင်တော့တဲ့ အချိန်ကို ရောက်သွားပြီဆိုတာ သိလိုက်ရတယ်။ ဒါပေမဲ့ သူရောက်သွားတဲ့ အိမ်တော်က နေသန်နီရယ်ကိုးလ်ဆိုတဲ့ သခင်ကြီးဟာ မေရီ့ကို မပြန်ခိုင်းဘဲ သူ့မြေးလေးရဲ့ ဆရာမအဖြစ် ဆက်ပြီးနေစေခဲ့တယ်။ ဒီလိုနဲ့ မေရီဟာ အိမ်တော်ကြီးမှာ အနေကြာ‌လေ သံသယတွေကြီး‌လေ ဖြစ်လာပြီး လျှို့ဝှက်ချက်တွေတော့ ရှိနေပြီဆိုတာကို ရိပ်မိလာခဲ့ပါတော့တယ်။ Gothic Horror မူဗီ ကြိုက်နှစ်သက်သူတွေအတွက် ကြည့်လို့ကောင်းမဲ့ ဇာတ်လမ်းတစ်ပုဒ်ပဲ ဖြစ်ပါတယ်။ File Size… (862MB) / (498MB) Quality… WEB-DL 1080p HEVC / 720p Format…mkv / mp4 Duration…1h 29m Genre ….Drama , Horror , Mystery , Thriller Subtitle….Myanmar Subtitle (Hard Sub)

Giant (2025) IMDb Rating (6.8) / Rotten Tomatoes (61%) နာမည်ကြီး James Bond မင်းသားဟောင်း Pierce Brosnan က နည်းပြ Brendan အဖြစ် ပါဝင်သရုပ်ဆောင်ထားပြီး Naz အဖြစ် Amir El-Masry က သရုပ်ဆောင်ထားပါတယ်။ သူတို့နှစ်ဦးရဲ့ Screen ပေါ်က ဆက်ဆံရေးဟာ ဒီကားရဲ့ အသက်ပါပဲ။ ဇာတ်လမ်းအကျဉ်း ရှက်ဖီးလ် (Sheffield) မြို့က အလုပ်သမားလူတန်းစား ရပ်ကွက်လေးတစ်ခုကနေ စတင်ထားပါတယ်။ အသက် ၇ နှစ်အရွယ် ယီမင်နွယ်ဖွား ကောင်လေး Naz ဟာ နည်းပြကြီး Brendan Ingle ရဲ့ လက်ဝှေ့ရုံကို ခြေချမိရာကနေ သူတို့နှစ်ဦးရဲ့ ထူးခြားတဲ့ ခရီးစဉ်ကြီး စတင်ခဲ့ပါတယ်။ ဒီကားထဲမှာ နည်းပြ Brendan ဟာ Naz ရဲ့ ထူးခြားတဲ့ ပါရမီကို မြင်အောင်ကြည့်နိုင်ခဲ့ပြီး၊ သာမန်လက်ဝှေ့သမားတွေနဲ့မတူဘဲ ကခုန်သလို ထိုးသတ်တဲ့ "Unorthodox Style" ကို ဘယ်လို ပျိုးထောင်ပေးခဲ့တယ်ဆိုတာ တွေ့ရမှာပါ။ လူမျိုးရေးခွဲခြားမှုတွေ၊ အခက်အခဲတွေကြားကနေ ကမ္ဘာ့ချန်ပီယံဖြစ်လာဖို့ သူတို့နှစ်ဦး ရူးရူးသွပ်သွပ် ဘယ်လိုကြိုးစားခဲ့ကြသလဲဆိုတာကို ရင်ခုန်စိတ်လှုပ်ရှားဖွယ် မြင်တွေ့ရမှာ ဖြစ်ပါတယ်။ လက်ဝှေ့သမိုင်းတစ်လျှောက်မှာ အထူးခြားဆုံး၊ အဆန်းပြားဆုံးနဲ့ ပြိုင်ဘက်တွေကို အလှောင်ပြောင်နိုင်ဆုံး Fighter တစ်ယောက်ကို ပြပါဆိုရင် ဗြိတိန်-ယီမင်နွယ်ဖွား Prince Naseem “Naz” Hamed ကို ဘယ်သူမှ မေ့ထားလို့ မရပါဘူး။ ဒီဇာတ်ကားဟာ သာမန်အားကစားကားတစ်ကားထက်ပိုပြီး လူငယ်လေးတစ်ယောက်ရဲ့ အိပ်မက်နဲ့ ခိုင်မာတဲ့ ဆရာတပည့်သံယောဇဉ်ကို အခိုင်အမာ ရိုက်ပြထားတဲ့ Sport/Drama ကားကောင်းတစ်ကားဖြစ်ပါတယ်။ File size… (2.1 GB) / (1 GB) Quality…. WEB-DL 1080p HEVC / 720p Format…. mkv/mp4 Genre…. Drama, Sport Duration…. 01:50:00 Subtitle…. Myanmar Subtitle (Hardsub)

The Morrigan (2026) IMDb Rating (6.8) ဒီတစ်ခါတော့ Irish ဒဏ္ဍာရီလာ စစ်နတ်ဘုရားမတစ်ပါးအကြောင်း ရိုက်ကူးထားတဲ့ Horror ကားသစ်လေး တင်ပေးထားပါတယ်။ ဇာတ်လမ်းကတော့ ရှေးဟောင်းသုတေသနပညာရှင် ဖီအိုနာ (Fiona) ကနေ စရမှာပါ။ သူက အိုင်းရစ်ဒဏ္ဍာရီထဲက စစ်ပွဲနဲ့ ကံကြမ္မာကို ဖန်တီးနိုင်တဲ့ နတ်ဘုရားမ The Morrigan ရဲ့ အုတ်ဂူကို ရှာဖွေဖို့ အိုင်ယာလန်က လူသူဝေးတဲ့ နေရာတစ်ခုဆီ ခရီးထွက်လာခဲ့ပါတယ်။ ဒီခရီးမှာ သူ့ရဲ့ ဆယ်ကျော်သက်သမီး လီလီ (Lily) ကိုပါ ခေါ်လာခဲ့ရတာပေါ့။ လီလီကလည်း အရွယ်ရောက်စ သွေးဆူနေတဲ့အရွယ်ဆိုတော့ အမေဖြစ်သူနဲ့ အဆင်မပြေ၊ စိတ်ကောက်ပြီး ဟိုမရောက်ဒီမရောက် ဖြစ်နေတဲ့အချိန်ပေါ့။ ကံဆိုးချင်တော့ တူးဖော်ရေးလုပ်ရင်း The Morrigan ရဲ့ အုတ်ဂူကို တကယ်ရှာတွေ့သွားပြီး မတော်တဆ ပိတ်ထားတဲ့အရာတွေကို ဖွင့်မိလိုက်တဲ့အခါမှာတော့.... နှစ်ပေါင်းများစွာ ပိတ်လှောင်ခံထားရတဲ့ နတ်ဘုရားမရဲ့ ဝိညာဉ်က လီလီ့ ကိုယ်ထဲကို ဝင်ပူးသွားပါတော့တယ်။ ဒီနတ်ဘုရားမက ရှေးခေတ်ကတည်းက အမျိုးသားတွေရဲ့ ဖိနှိပ်မှုကို ခံခဲ့ရတဲ့ အငြိုးတွေနဲ့ ပြည့်နေတာဆိုတော့... လီလီ့ကိုယ်ကို သုံးပြီး ကျွန်းပေါ်က ယောက်ျားတွေကို တစ်ယောက်ပြီးတစ်ယောက် လက်စားချေ -တ်ဖြတ်ပါတော့တယ်။ မိခင်ဖြစ်သူ ဖီအိုနာအနေနဲ့ သမီးဖြစ်သူကို နတ်ဆိုးလက်ထဲကနေ ဘယ်လို ကယ်ထုတ်မလဲ၊ ဒီသေမင်းတမန် ကျွန်းပေါ်ကနေ အသက်ရှင်လျက် လွတ်မြောက်နိုင်ပါ့မလားဆိုတာကို ရင်တမမနဲ့ ကြည့်ရှုရမယ့် ကားကောင်းလေး ဖြစ်ပါတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (0.98 GB) / (690 MB) Quality…. WEB-Rip 1080p HEVC / 720p Format…. mkv/mp4 Genre…. Horror Duration…. 01:36:50 Subtitle…. Myanmar Subtitle (Hardsub)

မိုးအေးအေးမှာ စောင်လေးကွေးရင်း ကြည့်နိုင်ဖို့အတွက် Horror ကားလေးတစ်ကားနဲ့ cm ပရိသတ်ကြီးကို မိတ်ဆက်ပေးချင်ပါတယ်။ ဒီကားက IMDB မှာ 6.3 အထိ ရထားတာမို့ သိပ်မဆိုးဘူးလို့ ဆိုရမှာပါ။ ဘာသာရေး အယူဝါဒဆိုတာ လူတွေကို မှိုင်းမိအောင် လုပ်ဖို့အတွက် အလွယ်ကူဆုံးပဲ ဆိုတာကို ဒီဇာတ်ကားကြည့်ရင် သိနိုင်ပါတယ်။ အိမ်ထောင်တစ်ခုမှာ လင်ယောကျ်ား လုပ်သမျှအမှန် ဇနီးမယားဆိုတာ ထားရာနေ စေရာသွား အနိုင်ကျင့်သမျှ ခံရမယ့် အိမ်သူထက် မပိုတဲ့ ခေတ်ကာလကို နောက်ခံ ရိုက်ကူးထားတဲ့ ဒီဇာတ်လမ်းအကျဉ်းကတော့ မြို့ပြတွေနဲ့ ဝေးကွာတဲ့ ရွာလေးတစ်ရွာမှာ ဦးစီးအုပ်ချုပ်တဲ့သူက သင်းအုပ်ဆရာ တစ်ယောက် ဖြစ်ပါတယ်။ သူတို့ရွာလေးက ဘယ်သူတွေနဲ့မှ အဆက်စပ်မရှိဘဲ ကိုယ်တိုင်ပဲ သီးသန့် စိုက်ပျိုးမွေးမြူ ရှင်သန်ကြတာဖြစ်ပြီး အားလုံး လေးစားလိုက်နာကြတဲ့ ဖာသာကပဲ စီမံခန့်ခွဲတာ ဖြစ်ပါတယ်။ ဖာသာသမီးဖြစ်သူ မက်ပိုင်ရဲ့ ခင်ပွန်း တောထဲမှာ အသတ်ခံလိုက်ရပြီးနောက် ရွာလူထုကြားထဲမှာ တောထဲက ထူးဆန်းတဲ့ နတ်ဆိုးကောင် အကြောင်း တဖြည်းဖြည်းနဲ့ အပြောများလာခဲ့ပါတယ်။ ဒီနတ်ဆိုးနဲ့ မက်ပိုင်နဲ့ ဘယ်လို ဆက်စပ်မှု ရှိနေလဲ….။ ဖာသာအနေနဲ့ ဒီကိစ္စကို ရှင်းမရရင် သူ့အနေနဲ့ ရပ်ရွာ ဩဇာအာဏာကို ထိခိုက်လာမှာမို့ ဘယ်လိုတွေ ဖြေရှင်းဖို့ ကြိုးစားမလဲဆိုတာကတော့….။ File size… (1.17 GB) / ( 723 MB) Quality… WEB-DL 1080p HEVC /720p Format…mkv / mp4 Duration….1h 20m Genre …..Horror Subtitle….Myanmar Subtitle (Hard Sub) Encoder….Min Wai Translated by Aoi

အခုအချိန် နိုင်ငံတကာအင်တာနက်ဆိုရှယ်မီဒီယာတွေပေါ်မှာ လူပြောအများဆုံး Topic တွေကတော့ Infinity War က Thanos ကြီးအကြောင်း နဲ့ Lost in Space-Series ထဲက Robot ကြီးအကြောင်းပါပဲ။ “Lost in Space”-Series ကတော့ 2018 April လတုန်းက Nextflix က ထုတ်လွှင့်ပြသခဲ့ပြီး အပိုင်း ၁ဝပိုင်း ရှိပြီး IMbD Rating-7.2 ရထားတဲ့ စိတ်ကူးယဉ်သိပ္ပံစီးရီးလေးပဲဖြစ်ပါတယ်။ Lost in Space –Series က ၁၉၆၀-၁၉၆၃ခုနှစ်အထိ သုံးနှစ်တာ ထုတ်လွှင့်ခဲ့တဲ့ Lost in Space Series တွေကို ပြန်လည်ဆန်းသစ်ရိုက်ထားထားတာဖြစ်ပြီး အဓိကဒါရိုက်တာကလည်း Game of throne Series မှာ Blackwater နဲ့ The Watchers on the Wall episodes တွေနဲ့ နာမည်ကြီးခဲ့တဲ့ ဒါရိုက်တာ Niel Marshall ဖြစ်နေတာကြောင့် လူအများစိတ်ဝင်တစားနဲ့ မျှော်လင့်နေခဲ့တဲ့စီးရီးလေးပါ။ အခုထုတ်လွှင့်ပြီးတော့လည်း အောင်မြင်မှုရတာကြောင့် တစ်လအတွင်းမှာ Season-2 ဆက်လက်ရိုက်ကူးဖို့ကိုလည်း အတည်ပြုလိုက်ပါပြီ။ ဇာတ်လမ်းအကျဉ်းလေးကတော့……………… လူသားတွေက အသိဉာဏ်ရှိတဲ့သတ္တဝါတွေဖြစ်တာကြောင့် ကျောက်ခေတ်ကနေစပြီး တဖြည်းဖြည်းနဲ့ တိုးတက်ပြောင်းလဲလာခဲ့အတွက် ခေတ်မှီတိုးတက်လာခဲ့သလို နည်းပညာတွေလည်း တိုးတက်လာခဲ့ပါပြီ။ ဒါပေမယ့် လူဦးရေတိုးတက်လာတဲ့အမျှ ကမ္ဘာမှာ ရာသီဥတုဖောက်ပြန်ပြောင်းလဲမှုတွေ ငတ်မွတ်ခေါင်းပါးမှုတွေ စစ်ပွဲတွေ စတာတွေကြောင့် ကမ္ဘာကြီးဟာတစ်ဖြည်းဖြည်းနဲ့ နေပျော်စရာမကောင်းတော့ပါဘူး။ ဒါကြောင့် ခေတ်သစ်သိပ္ပံပညာရှင်တွေရဲ့ ခြေလှမ်းဟာ စကြာဝဠာထဲက နောက်ထပ် အခြေချနေထိုင်လို့ရမယ့် ဂြိုလ်တွေ ရှာဖွေရေးဖက်ကို ဦးတည်လုပ်ဆောင်လာခဲ့ရင်းနဲ့ ကမ္ဘာနဲ့အလှမ်းဝေးလှတဲ့ စကြာဝဠာတစ်နေရာမှာ လူသားတွေအခြေချနေထိုင်နိုင်တဲ့ ကောင်းကင်ဘုံလို့တောင် တင်စားနိုင်တဲ့ နယ်မြေလေးတစ်ခုတွေ့ရှိလာခဲ့ပါတယ်။ “အယ်လ်ဖာရာစုသစ်”လို့ နာမည်ပေးထားပြီး ဒီဂြိုလ်ဆီကို သင့်တော့်မယ့်လက်ရွေးစင်လူတွေကို “ရီဆောလုဒ်” အာကာသယာဉ်ကြီးနဲ့ ပို့ဆောင်ပြောင်းရွေ့ပေးနေပါတယ်။ အခုဆိုရင် ဒီလိုပို့ဆောင်ပေးနေတာ ၂၄ကြိမ်မြောက်အထိတောင် ရှိလာပါပြီ။ ၂၄ကြိမ်မြောက်ခရီးမှာ ရော်ဘင်ဆန်တို့မိသားစုလည်း ပါလာပါတယ်။ ရော်ဘင်ဆန်တို့မိသားစုဟာ သာမန်မိသားစုလေး မဟုတ်ပါဘူး အဖေဖြစ်တဲ့ ဂျွန်-ရော်ဘင်ဆန်က အာဂဖန်စစ်ပွဲတွေမှာ ဦးဆောင်တိုက်ခိုက်ဖူးတဲ့ စစ်မှုထမ်းတစ်ဦး။ အမေဖြစ်တဲ့ မော်ရင်းန်-ရော်ဘင်ဆန်က ဒုံးပျံသိပ္ပံပညာရှင်တစ်ဦးဖြစ်ပြီး သိပ္ပံပညာနဲ့ ပတ်သတ်ရင်နှ့ံစပ်ကျွမ်းကျင်တဲ့သူပါ။ သမီးကြီးဖြစ်တဲ့ ဂျူဒီ-ရော်ဘင်ဆန်က အသက် ၁၈ နှစ်နဲ့ ဆရာဝန် ဖြစ်လာအောင်တော်သူဖြစ်ပြီး သမီးငယ် ပန်နီ-ရော်ဘင်ဆန်် -ကစာရေးဆရာမဖြစ်ချင်နေတဲ့ စာပေနှံ့စပ်သူဖြစ်သလို သား ဝီလ်-ရော်ဘင်ဆန် ကလည်း သူ့အမေလို သိပ္ပံပညာကျွမ်းကျင်ပြီး စိတ်ထားနူးညံ့တဲ့ကလေးလေးတစ်ဦးပါ.. သူတို့လိုက်ပါလာတဲ့ ရီဆောလုဒ်ယာဉ်ကြီးကို လမ်းခရီးတစ်ဝက်မှာ အတိုက်ခိုက်ခံရတဲ့အခါ အရမ်းကို ကျယ်ပြန့်နက်ရှိုင်းလာတဲ့ အာကာသထဲမှာ ဘယ်လိုများ ခရီးဆက်ကြမလဲဆိုတာကို ဆက်လက်ရှုစားကြည့်လိုက်ပါ။ -ကောင်းမွန်သေသပ်တဲ့ CGI effect တွေနဲ့ အာကာသယာဉ်တွေ စက်ရုပ်တွေ -ဇာတ်ကောင်တစ်ဦးချင်းစီရဲ့ စိတ်ဝင်စားစရာကောင်းလှတဲ့ Charater တွေနဲ့အတူတူ – Famaily Life ကိုလည်းအကောင်းဆုံးပုံဖော်ပြသွားတာကြောင့် ကြည့်ရှူသင့်တဲ့စီးရီးလေးပါ။ ဒီစီးရီးလေးထဲမှာတော့ လူတွေအများစုရဲ့စိတ်ဝင်စားခြင်းကိုခံနေရတဲ့ စက်ရုပ်ကြီးနဲ့ ဝီလ်ရော်ဘင်ဆန်တို့ရဲ့ သူငယ်ချင်းသံယောဇဉ်ကို ဝမ်းနည်းဖွယ် စိတ်လှုပ်ရှားဖွယ်တွေ့မြင်ရမှာပါ…. လူယောက်နဲ့စက်ရုပ်တစ်ရုပ်ဟာ ခံစားချက်ခြင်းမတူကြပါဘူး… ဒါပေမယ့် တူတာတစ်ခုတော့ရှိပါတယ်… အဲဒါကတော့ သူငယ်ချင်းဆိုတဲ့ တွယ်တာတတ်တဲ့သံယောဇဉ်တစ်ခုပါ… ဒါကို ဒီ Lost In Space စီးရီးလေးက လူတိုင်းရဲ့ရင်ထဲထိရောက်အောင် အကောင်းဆုံးဖော်ပြသွားခဲ့ပါတယ်… တစ်ပိုင်းချင်းစီကို စိတ်ဝင်စားမှု့အပြည့်နဲ့ကြည့်ရမှာမို့ ကြည့်မယ်လို့စဉ်းစားနေတဲ့သူများ တွေဝေမနေပါနဲ့…..ကြည့်လိုက်ကြပါ… တစ်ပိုင်းကို ကြာမြင့်ချိန်တစ်နာရီနီးပါးရှိတဲ့ ဒီစီးရီးလေးက သင်တို့ရဲ့ အသက်ရှု့သံ ရင်ခုန်သံတွေကိုအတိုင်းတာတစ်ခုထိရောက်အောင် ထိန်းသိမ်းပေးသွားမှာမို့လို့ပါ…..

(အက်ရှင်ဦးစားပေးစစ်ကားဖြစ်သဖြင့် Blu-Ray 1080p 5.1 CH , Blu-Ray 720p အားUpdate ပေးလိုက်ပါသည်...)) စစ်ကားကောင်းတွေ ငတ်နေကြသူတွေအတွက် ရုရှားနဲ့ အမေရိကန်ဆော်ကြမယ့် 2018 ထွက် Hunter Killer ဆိုတဲ့ ဇာတ်ကားကောင်းတစ်ကား တင်ဆက်ပေးလိုက်ပါတယ်.... Hunter Killer ဆိုတာက အမေရိကန်ရေငုပ်သင်္ဘော အမျိုးအစားတစ်ခုရဲ့နာမည်ဆိုပါတော့... တစ်နေ့ အမေရိကန်ရေငုပ်သင်္ဘောတစ်စီး (တန်ပါဘေး) ဟာ အာတိတ်သမုဒ္ဒရာထဲ ကင်းထောက်နေတုန်း ရုရှား ရေငုပ်သင်္ဘောတစ်စီး ပေါက်ကွဲပျက်စီးသွားတာကြားလိုက်ရပါတယ်... ဘာကြောင့် ဒီလိုဖြစ်သွားသလဲ စုံစမ်းနေတုန်း မရှေးမနှောင်းမှာပဲ သူတို့သင်္ဘော တန်ပါဘေးလည်း ဒုံးကျည်ထိမှန်ပြီး နစ်မြုပ်ခဲ့ရပါတယ် ...အမေရိကန်အစိုးရ နဲ့ ရုရှားအစိုးရလည်း ဘယ်သူက စတင်ပစ်ခတ်တယ်ဆိုတာ မသေချာပေမယ့် နှစ်ဖက်စလုံးမှာအထိအခိုက်ရှိသွားတာဖြစ်တဲ့အတွက် နိုင်ငံရေးတင်းမာမှုတွေ ရှိလာခဲ့ပါတယ်... ဒါကြောင့် အမေရိကန် ရေတပ်ဗိုလ်ချုပ်ကြီးက နစ်မြုပ်သွားတဲ့ တန်ပါဘေးကို ကယ်ဆယ်ဖို့ ကပ္ပတိန် ဂျိုးဂလက်စ် ဦးစီးတဲ့ Hunter killer တစ်စီးလွှတ်ပါတော့တယ်... မြေပြင်မှာ လည်း ရုရှားသမ္မတရဲ့ခြေလှမ်းတွေစောင့်ကြည့်ဖို့ အထူးစစ်သားလေးယောက် ချထားလိုက်ပါတယ်.... ရုရှား အမေရိကန် နိုင်ငံရေးတင်းမာမှုတွေဟာ ဘယ်လောက်ထိကြီးကျယ်ပြီး တတိယကမ္ဘာစစ်ကို ခေါ်ဆောင်သွားနိုင်သလားဆိုတာ ပရိတ်သတ်ကြီးပဲ ရှုစားတော်မူကြပါ ဇာတ်လမ်းအညွှန်းနဲ့ဘာသာပြန်သူကတော့ Zuel Khant Thwinပဲဖြစ်ပါတယ်... File Size : (2.13GB),(982MB)  Quality : Blu-Ray 1080p 5.1 CH, Blu-ray 720P Format…mp4 Duration…02:02:00 Genre : Action, Thriller Subtitle : Myanmar Subtitle (Hard Sub) Translated by Zuel Khant Thwin Encoded by Phyo Pyae

13 Hours: The Secret Soldiers of Benghazi (2016) Imdb rating 7.1/10 ၂၀၁၆ ခုနှစ်​က ထွက်ရှိ​ခဲ့တဲ့​ Transformers ကား​တွေရဲ့ ဒါရိုက်တာ​ Michael Bay ရိုက်​ကူး​ခဲ့တဲ့ ရုပ်ရှင်​ဖြစ်​ပါတယ်။ အမျိုး​အစား​က action / war ဖြစ်​ပြီး ၂၀၁၂ ခုနှစ်​ လစ်​ဗျား​မှာ ဖြစ်​ပွားခဲ့တဲ့ တကယ့်​ဖြစ်ရပ်​မှန်​ကို အခြေခံပြီးရိုက်ကူးထားတဲ့ ဇာတ်ကား​လည်း​ဖြစ်​ပါတယ်။ Michael Bay ရဲ့လက်ရာမလို့ တိုက်ပွဲတွေ ပစ်တာခတ်တာတွေ ဆက်တင်ပိုင်းတွေ အလွန်ပီပြင်ပြီး အပြင်ကအတိုင်း ကြမ်းတယ် တကယ်ရိုက်ပြနိုင်တယ်ဆိုပြီး ချီးကျူးခံခဲ့ရပါတယ်။ John Krasinski က အဓိက​ဇာတ်​ကောင်​ Jack Silver အဖြစ်​သရုပ်ဆောင်​ထား​ပါတယ်။ ဇာတ်လမ်း​အကျဥ်းကတော့ ၂၀၁၂ ခုနှစ်​မှာ ကဒါဖီ ပြုတ်ကျပြီးနောက် လစ်​ဗျား​နိုင်ငံ​ ဘင်ဂါဇီမြို့ဟာ ကမ္ဘာ့​အန္တရာယ်​အရှိဆုံး နေရာ​တွေထဲကတစ်ခုဖြစ်လာပါတယ်။ ဘင်ဂါဇီမြို့မှာ တရား​ဝင်​မဟုတ်​တဲ့ အမေရိကန်​သံတမန်​ရုံး​တစ်ခု​ရှိပြီး အဲဒီ​သံတမန်ရုံး​နဲ့ တစ်မိုင်တောင်မဝေးတဲ့ နေရာ​မှာ Annex လို့ခေါ်​တဲ့ စီအိုင်အေလျှို့ဝှက်စခန်းရှိပါတယ်။ Jack Silver​ ဟာ နေဗီဆီးလ်​တပ်ဖွဲ့​ဝင်​ဟောင်းဖြစ်ပြီး စီအိုင်အေဝန်ထမ်း​တွေရဲ့ လုံခြုံရေး​အတွက်​ ပုဂ္ဂလိက​ လက်​နက်​ကိုင်​ ကန်​ထရိုက်တာအဖြစ် တာဝန်​ထမ်းဆောင်​ပေး​ဖို့​ လစ်ဗျား​ကို ရောက်​ရှိလာပါတယ်။ အဲဒီ​အချိန်​မှာပဲ အမေရိကန်သံအမတ် လစ်ဗျား​ကို ရောက်ရှိလာပြီး ဘင်​ဂါ​ဇီ​မြို့​က သံတမန်​ရုံး​မှာ တည်း​ခိုနေပါတယ်။ 9-11 နှစ်ပတ်လည်နေ့ဆိုပြီး စက်​တင်​ဘာ ၁၁ ရက်နေ့​ညမှာပဲ လစ်ဗျား​စစ်သွေးကြွများက သံတမန်​ရုံး​နဲ့ စီအိုင်အေစခန်းကို အင်​အား​အများ​အပြား​နဲ့ တိုက်​ခိုက်​သိမ်း​ပိုက်​ဖို့​ကြိုးစားရာကနေ Jack Silver​တို့​ရဲ့ ၆ ယောက်ပဲ အဓိကပါရှိတဲ့ လုံခြုံရေး​အဖွဲ့​အနေနဲ့​ အင်အားလုံးဝမမျှတဲ့ကြားက ၁၃ နာရီ​ကြာ ခုခံ​မှုကြီးအတွက် ပြင်ဆင်​ရပါ​တော့တယ်။ Michael Bay​ ရဲ့ထုံးစံအတိုင်း non-stop အက်​ရှင်​ဖြစ်တဲ့အပြင် battle sequences တွေကလည်း လှပသပ်ရပ်တာမို့ စစ်ကားကောင်းကြည့်လိုသူများ ၂ နာရီခွဲကျော်ကြာမြင့်အောင် စိတ်ကြိုက်ထိုင်ကြည့်ရမယ့် ရုပ်ရှင်ကားကြီး​ဖြစ်​ပါတယ်။ (ရုပ်ရှင်အညွှန်းနဲ့ ဘာသာပြန်ကို Wolfenheim မှ တင်ဆက်ထားပါတယ်။) File size…(8.1 GB)/(2.5 GB )/(1.5 GB) Quality….BluRay 4K HEVC/ 1080p / 720p Format…mkv/mp4 Duration….02:24:27 Subtitle….Myanmar Subtitle (Hardsub) Encoder….Ka Naung Translated by Wolfenheim

ချစ်သော CM Fan တွေ အတွက် Game Of Thrones လိုမျိုး ဇတ်လမ်းတွဲကောင်း တစ်ခုနဲ့ မိတ်ဆက်ပေးချင်ပါတယ် ရိုးအီလှအောင် Episode တွေ များမှာမဟုတ်ပါဘူး Season တစ်ခုမှာ Episode 8 ပိုင်း ကနေ 10 ပိုင်း ဝန်းကျင်ပဲ ပါပါတယ် Episode တစ်ခုကို တစ်နာရီကျော် ကြာပါတယ် တစ်ပိုင်းခြင်းစီဟာလဲ ရင်သက်ရှုမောစရာကောင်းလောက်အောင် ကောင်းပါတယ် ဇတ်လမ်းတွဲ နာမည်ကတော့ Black Sails ဖြစ်ပါတယ် Season 4 ခု ထွက်ရှိထားပြီး IMDb 8.3/10 ထိ ရရှိထားတာဖြစ်လို့ ကြည့်ရှုရန် မလွဲသင့်ပါဘူး ဒီဇတ်လမ်းတွဲဟာ ပင်လယ်ဓါးပြ တွေရဲ့ အကြောင်းဖြစ်ပြီး ကျွန်တော်တို့ မသိသေးတဲ့ ပင်လယ်ဓါးပြတွေ ရဲ့ ထုံးတမ်းဓလေ့တွေ ဝေစုခွဲပုံတွေ အရောင်းအဝယ် ဖောက်ကားမှု နဲ့ ခွဲတမ်းချပုံတွေ အပြင် များစွာလှသော စိတ်ဝင်စားစရာတွေ နဲ့ ပြည့်နှပ်နေပါတယ်.... ဇတ်လမ်း အပိုင်းတိုင်းမှာ ကိုယ်လုံးတီး အခန်းတွေ လိင်ဆက်ဆံမှုတွေ အများကြီး ပါဝင်လို့ မိသားစု နှင့် အတူ ကြည့်ရှုရန်တော့ မသင့်တော်ပါဘူး.... ဇတ်လမ်းတွဲကောင်း တစ်ခုဖြစ်လို့ ကြည့်ရှုရန် တင်ဆက်ပေးလိုက်ပါတယ်... File size… 1.2GB/ 600MB Quality… Blu - Ray 1080p / 720p Format… mp4 Duration…. 60m @Episode Genre ..... Action , Drama Subtitle…. Myanmar Subtitle (Hard Sub)

The Machine (2013) ဒီဇာတ်ကားလေးကတော့ Sci-fi Drama ဆန်ဆန် ဇာတ်ကားတစ်ကား ဖြစ်ပြီးတော့ အနာဂတ်မှာ တိုးတက်လာတဲ့ AI နည်းပညာနဲ့ Robots တွေရဲ့ လူတွေနဲ့ ကမ္ဘာကြီးအပေါ် သက်ရောက်မှုတွေကို ရသပေါင်းစုံရအောင် ရိုက်ကူးထားတာဖြစ်ပါတယ်။ သရုပ်ဆောင်တွေအနေနဲ့ကတော့ Toby Stephens, Arrowverse Series တွေမှာ White Canary အဖြစ် ပါဝင်သရုပ်ဆောင်ထားတဲ့ Caity Lotz တို့က အဓိကဇာတ်ဆောင်နေရာတွေကနေ ပါဝင်ထားပါတယ်။ ဇာတ်လမ်းအကျဉ်းကို ပြောပြရမယ်ဆိုရင်တော့ အနာဂတ်ကမ္ဘာမှာ စက်ရုပ်တွေနဲ့ AI တွေဟာ အရမ်းအဆင့်မြင့်လာပါတယ်။ Vincent ဆိုတဲ့ သိပ္ပံပညာရှင်တစ်ယောက်ဟာ လူတွေထက် ပိုအသိဉာဏ်မြင့်တဲ့ စက်ရုပ်တစ်ရုပ်ကို တီထွင်နိုင်သွားပါတယ်။ အဲဒီစက်ရုပ်ကို အစိုးရက လက်နက်အဖြစ် အသုံးပြုချင်ပေမယ့် Vincent မှာ တခြားရည်ရွယ်ချက်တစ်ခု ရှိနေတာကြောင့် ဒီစက်ရုပ်ကို တီထွင်ခဲ့တာဖြစ်ပါတယ်။ အဲဒီစက်ရုပ်ဟာ နောက်ဆုံးမှာ ကိုယ်ပိုင်အသိဉာဏ်ရှိသွားပြီးတော့ လူတွေကို လွန်ဆန်လာပါတယ်။ အဲဒီအခြေအနေကို လူတွေအနေနဲ့ ဘယ်လိုပြန်လည်ထိန်းချုပ်မလဲ၊ Vincent ရဲ့ ရည်ရွယ်ချက်ကရော ဘာလဲ၊ AI နည်းပညာရဲ့ အန္တရာယ်ရှိပုံတွေ၊ AI နည်းပညာအပေါ် လူသားတွေရဲ့ ကြောက်ရွံ့မှုတွေကို စိတ်ဝင်တစား ကြည့်ရှုရမှာဖြစ်ပါတယ်။ Rating အနေနဲ့ IMDb မှာ 6/10, Rotten Tomatoes မှာ 79% ရရှိထားပါတယ်။ (အညွှန်းကို Austin မှ ရေးသားထားပါတယ်) File size…1.36GB / 496MB Quality… BluRay 1080p/ 720p Format…mp4 Duration….1h 32m Genre ….. Action, SciFi, Drama, Thriller Subtitle….Myanmar Subtitle (Hard Sub) Translated by Austin Encoded by AHtet

ဒီဇာတ်ကားလေးကတော့ IMDB - 6.7/ 10 ရရှိထားပြီး တော်လှန်ရေးဆန်ဆန် ရိုက်ကူးထားတဲ့ ဇာတ်ကားကောင်းလေးတစ်ခုပါ။ ဒီဇာတ်ကားလေးဟာ အိန္ဒိယစစ်သားတစ်ဦး၏ အမျိုးသားရေးစိတ်ဓာတ်ကို မီးမောင်းထိုးပြထားပြီး ငုပ်လျှိုး နေတဲ့ သခင်စိတ်ကို တပ်လှန့်စေခဲ့ပါတယ်။ မြန်မာပြန်ရရင် အရုဏ်ဦးချိန် သို့မဟုတ် ပြောင်းလဲသင့်ချိန်လို့လည်း ညွှန်းဆိုလို့ရနိုင်ပါတယ်။ ဇာတ်လမ်းအကျဉ်း ------------- မန်ဂဲလ်ပန်ဒေး ဆိုတဲ့စစ်သားလေးဟာ ြှဗိတိသျှအင်ပါယာ အောက်မှာအမှုထမ်းနေသူပါ။ သူတို့ရဲ့ ကပ္ပတိန်ကတော့ ဝီလီယံ ဂိုဒွန် ဆိုသူပါ။ ပန်ဒေးနဲ့ ဂိုဒွန်ဟာ ဆရာတပည့် ဖြစ်သလို သူငယ်ချင်းကောင်းလည်းဖြစ်ပါတယ်။ တစ်ဦးနဲ့ တစ်ဦး ခင်မင်ရင်းနှီး စွာနဲ့ လူမျိုးရေး မခွဲခြားဘဲ ယုံကြည်လေးစားခဲ့ကြတယ်။ ထို့အပြင် အတိတ်ရဲ့တိုက်ပွဲတစ်ခု၌လည်း ပန်ဒေးဟာ ဂိုဒွန်အသက်ကို ကယ်တင်ခဲ့ဖူးပါတယ်။ ဒီလိုနဲ့ တစ်နေ့မှာတော့ ပန်ဒေး တို့တပ်ဆီ ရိုင်ဖယ်အသစ်တွေနဲ့ ယမ်း အသစ်တွေ ရောက်ရှိ လာခဲ့ပါတယ်။ အဲဒီအခါ အရာရှိတွေက ပန်ဒေးတို့ကို စမ်းသပ်အသုံးပြုဖို့ အမိန့်ပေးပါတယ်။ တကယ်တမ်းတော့ ယမ်းနဲ့ရိုင်ဖယ်ကို အသုံးပြုရာမှာ ယမ်းထုပ်ကို ကိုက်ဖြေပြီးမှ ယမ်းမှုန့်ထည့်ရမည်ဖြစ်သည်။ထိုယမ်းအိတ်များမှာ နွားနဲ့ဝက် ဆီတို့ဖြင့် သတင်းထွက်ပေါ်ခဲ့ပြီး ပန်ဒေးတို့ ဇာတ်မြင့်ဘုန်းကြီးမျိုးနွယ်များအနေဖြင့် နွား ဟူသော အသုံးအနှုန်း နှင့် ကင်းကွာစေချင်ကြသည်။ ဇာတ်ပျက်မှာလည်း စိုးရိမ်ကြပြီး စမ်းသပ်မှုမပြုခဲ့ကြပေ။ စမ်းသပ်မှု ပြုလုပ်ရန် စိုင်းပြင်းနေသော အရာရှိများကမူ ကပ္ပတန် ဂိုဒွန်ကို လိမ်ညာ အမိန့်ပေးစေခဲ့သည်။ ထိုအခါ ဂိုဒွန်ကိုယုံကြည်သော ပန်ဒေးအနေဖြင့် မတွန့်ဆုတ်တော့ဘဲ စတင်စမ်းသပ်ပြခဲ့သည်။ အင်္ဂလိပ်တို့သည် အိန္ဒိယ ပြည်ကို နှစ်တစ်ရာတိုင် သိမ်းပိုက်ထားပြီး ကုမ္ပဏီ များကလည်း အိန္ဒိယ ပြည်သူများအား ဘိန်းစိုက်စေခဲ့သည်။ ဘိန်း များကိုမူ တရုတ်သို့်တင်ပို့သော်လည်း တရုတ်အစိုးရက ကန့်ကွက်သည့်အတွက် တိုက်ပွဲများဖြစ်ပွားခဲ့သည်။အရာရှိများအနေဖြင့် အိန္ဒိယ စစ်သားများကို တိုက်ပွဲ၏ ပေးဆပ်ခံဝိညာဉ်အဖြစ်သဘောထားခဲ့သည်။ တစ်နေ့၌ ဗြိတိသျှအစိုးရ၏ အရာရှိတစ်ဦးရောက်ရှိလာပြီး ဘိန်းရောင်းဝယ် ဖောက်ကားသည့် ကုမ္ပဏီ များကိုအရေးယူခဲ့သည်။ ဘိန်းစိုက်ပေးရသည့်ပြည်သူများကိုလည်း လယ်သိမ်း အရေးယူခဲ့သည်။ထိုနှင့်မပြီး တော်လှန်သော အိန္ဒိယ လယ်သမားများကိုလည်း အိန္ဒိယ စစ်သားများက ပစ်ခတ်စေခဲ့သည်။ ထိုအချင်းအရာများကို မြင်တွေ့ရသော ပန်ဒေးအဖို့ မျိုးချစ်စိတ် အနည်းငယ်ထွန်းပေါက်လာသည်။ များမကြာမီ၌ ပန်ဒေးအဖို့ သတင်းဆိုးတစ်ခုက အရှိုက်ကိုရိုက်ချလိုက်သည်။ ယမ်းထုတ်လုပ်သော ကုမ္ပဏီ က နွားနဲ့ဝက် အကြောင်း ဝန်ခံလိုက်လေရာ -----????? ဒီဇာတ်ကားလေးရဲ့ အသက်ကတော့ ယမ်း အသုံးပြုရခြင်းပါပဲ။ ယမ်းသုံးရာမှ ဇာတ်နိမ့်ဖြစ်သွားသော ပန်ဒေး တစ်ယောက် ဘာတွေဖြစ်လာခဲ့မည်နည်း။ တစ်ဦးနဲ့ တစ်ဦး ယုံကြည်ခင်မင်တဲ့ ဂိုဒွန် နဲ့ ပန်ဒေး တို့ဆက်ဆံရေးက မည်သို့ဖြစ်လာမည်နည်း။ ဇာတ်နိမ့် ဖြစ်သွားသော ပန်ဒေးအဖို့ ဇာတ်နိမ့် ကချေသည်လေး ဟီရာနဲ့ တွေ့ဆုံချစ်မိပုံလေးကရော မည်သို့နည်း။ ယမ်း ကိစ္စကြောင့် အိန္ဒိယ တပ်သားများနှင့် ပန်ဒေးတို့ အမျိုးသားရေးစိတ်ဓာတ်နိုးကြားလာပုံက အိန္ဒိယ လွတ်လပ်ရေးအတွက် မည်သို့ ပြောင်းလဲစေခဲ့မည်နည်း။ အိန္ဒိယ ပြည်သား အနေနဲ့ သခင်စိတ်ပေါက်ဖွားခဲ့သော ပန်ဒေးရဲ့ ဘဝကြမ္မာကရော မည်သို့ဖြစ်လာမည်နည်း။ အစရှိတဲ့ စိတ်ဝင်စားဖွယ်အချက်များက ဇာတ်လမ်းအသွားအလာကို အထောက်အပံံ့ ဖြစ်လာစေခဲ့ပါတယ်။ ဒါ့ပြင် သူငယ်ချင်း မေတ္တာ ၊ အချစ်ရဲ့စွမ်းအား တို့ကို သခင်စိတ် ကျွန်ဘ၀ လွတ်မြောက်တို့ကပါ ပူးပေါင်းတင်ဆက်စေသည့်အခါမှာတော့ ဒီဇာတ်ကားလေးဟာ ကြည်နူးဖွယ် လွမ်းမောဖွယ် နိုးကြားဖွယ် ကောင်းလာခဲ့သည်။ ဒါကြောင့် ပြောင်းလဲချိန်တန်တဲ့ စိတ်ဓာတ်တွေနဲ့ အိန္ဒိယပန်ဒေးရဲ့ ဘဝကိုပါ တစေ့တစောင်းကြည့်ရှုနိုင်ဖို့ ဒီကားလေးကို အားပေးကြပါဦးလို့ ညွှန်းဆိုလိုက်ပါရစေ။ (ဇာတ်ကားအညွန်းရေးသူကတော့ လင်းခယံပဲ ဖြစ်ပါတယ်) File Size         : 1 GB Quality           : Blu ray 720P Running Time : 2 hr 30 minute Format           : Mp4 Genre             : Biography, Drama, History Encoder         : Joker.phs

ဒီ ဇာတ်ကားကတော့ မင်းသား Pierce Brosnan ရဲ့ နောက်ဆုံးဘွန်းဇာတ်ကားဖြစ်ပါတယ်.. Pierce Brosnan ရဲ့ဘွန်းဇာတ်ကောင်ကို ပရိတ်သတ်တော်တော်များများနှစ်သက်ကြောင်းတွေ့ရပါတယ်… ကြင်အင်လက္ခဏာ…တည်ငြိမ်မှု..ဝတ်စားဆင်ယင်မှု..သရုပ်ဆောင်မှုတွေအရ Pierce Brosnan နဲ့ ဘွန်းကို တစ်ထပ်တည်းကိုက်ညီစေတဲ့ ရသကို ပေးစွမ်းနိုင်ခဲ့တာပါ…. နောက်တစ်ချက်က သူ့ရဲ့ဇာတ်ကားတွေမှာ Action ပိုင်း အတော်လေး ပြည့်စုံတာကို တွေ့ရမှာပါ.. ဒီဇာတ်ကားမှာလဲ Action ပိုင်း ကြမ်းလှသလို စက်ပစ္စည်းအသစ်အဆန်းများလည်း အများအပြားတွေ့ရပါတယ်..။ IMDb Rating (6.1/10) ရရှိထားပါတယ်…။ File size…(2.9 GB) and (1.6 GB) Quality….BluRay 1080p and 720p (HEVC Encode) Format…mkv Duration….02:13:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

Space Cowboys (2000) IMDb Rating (6.5) / Rotten Tomatoes (78%) "Space Cowboys" ဇာတ်ကားမှာ အနားယူသွားတဲ့ NASA အဖွဲ့ဟောင်းတစ်ဖွဲ့ကို အာကာသဂြိုလ်တု Ikon ရဲ့ ပြုပြင်ရေးအတွက် တာဝန်ခေါ်ယူလာတဲ့အခါ စွန့်စားခန်းအသစ်တစ်ခု စတင်ခဲ့ပါတယ်။ အဓိကဇာတ်ဆောင်တွေဖြစ်တဲ့ Clint Eastwood, Tommy Lee Jones, Donald Sutherland, James Garner တို့ရဲ့ သရုပ်ဆောင်တာတွေကတော့ ဇာတ်ကားကိုပိုကောင်းမွန်စေပါတယ်။ ဇာတ်လမ်းမှာ Ikon ကတော့ အန္တရာယ်များတဲ့ ရုရှားလက်နက်နဲ့ ပြည့်နေပြီး ကမ္ဘာပေါ်မှာ ထိခိုက်မှုတွေ ဖြစ်စေနိုင်တဲ့အခါ NASA က အာကာသစွန့်စားခန်းလုပ်ဖို့ အဖိုးကြီးတွေကို ပြန်ခေါ်ရပါတော့တယ်။ ဒီအဖွဲ့ဟောင်းဟာ ၄၀ နှစ်ကြာပြီးမှ အလုပ်ပြန်လုပ်ရတာကြောင့် အခက်အခဲတွေနဲ့ ကြုံရပေမယ့် သူတို့ရဲ့ အရင်အတွေ့အကြုံတွေကြောင့် အခက်အခဲကို အေးဆေးကျော်ဖြတ်နိုင်ခဲ့ပါတယ်။ Clint Eastwood ရဲသရုပ်ဆောင်ချက်က အဖွဲ့ခေါင်းဆောင်တစ်ဦးရဲ့ သတ္တိနဲ့ အစွမ်းအစကို ပြသနိုင်ခဲ့တယ် Tommy Lee Jones ရဲ့ ဟာသတွေက ဇာတ်ကားကို အပန်းဖြေစေပါတယ်။ ဇာတ်ကားဟာ အာကာသနည်းပညာနဲ့ လူ့စိတ်ခံစားမှုတို့ကို ပေါင်းစပ်ပြသပြီး သက်ကြီးသူတွေရဲ့ စွန့်စားမှုအသစ်တွေကို ပြထားပါတယ်။ ဟာသ၊ ဒရာမာနဲ့ အာကာသထဲ စွန့်စားခန်းတွေကို ပြတဲ့ ဇာတ်လမ်းတစ်ပုဒ်ဖြစ်ပြီး အာကာသနဲ့ စွန့်စားမှုကို စိတ်ဝင်စားသူတွေအတွက် "Space Cowboys" ဟာ မဖြစ်မနေကြည့်သင့်တဲ့ ဇာတ်ကားတစ်ခုဖြစ်ပါတယ်။ (အညွှန်းနဲ့ဘာသာပြန်ကတော့ Banyar Aung ဖြစ်ပါတယ်။) File size…(2 GB) / (1 GB) Quality….Blu-Ray 1080p HEVC / 720p Format…. mkv/mp4 Genre….Action, Adventure, Thriller Duration….02:11:38 Subtitle….Myanmar Subtitle (Hardsub) Encoder….Benjamin Translated by Banyar Aung