Tom Murphy ပါဝင်သော ဇာတ်ကားများ

လန်ဒန်က ဂေးရက်ဘီအသင်းရဲ့ B အဖွဲ့မှာ ကစားတဲ့ မာ့ခ်ဟာ အတွေ့အကြုံ သိပ်မရှိသေးတဲ့ ကစားသမားအသစ်ပါ။ ဝါရန်ကတော့ A အဖွဲ့ရဲ့ ထင်ရှားတဲ့ကစားသမားတစ်ယောက် ဖြစ်တယ်။ ကလပ်ပါတီတစ်ခုမှာ နှစ်ယောက်သား အရက်မူးပြီး ငြိစွန်းသွားရာကနေ သူတို့ကြားက ဆက်ဆံရေး စလာပါတယ်။ နှစ်ယောက်လုံးမှာ တွဲနေသူကိုယ်စီ ရှိတာကို သိပေမယ့် ဒီဆက်ဆံရေးကို မရပ်နိုင်ကြဘူး။ ကိုယ့်လက်တွဲဖော်တွေရဲ့ နောက်ကွယ်မှာသာမက ရက်ဘီအသင်းဝင်တွေပါ မသိအောင် လျှို့ဝှက်တွေ့ဆုံနေကြပါတယ်။ ဒါပေမယ့် အကြောင်းစုံပေါ်သွားပြီး ကစားပွဲကိုပါ ထိခိုက်လာတဲ့အခါ သူတို့နှစ်ယောက် ဘယ်လိုပြန်ဖြေရှင်းကြမလဲ၊ သစ္စာဖောက်ခံရတဲ့ လက်တွဲဖော်တွေကရော ခွင့်လွှတ်နိုင်ကြမလား။

The General (1998) IMDb Rating (7.2) / Rotten Tomatoes (83%) ဇာတ်လမ်းအကျဉ်း ဒီဇာတ်ကားကတော့ အိုင်ယာလန်နိုင်ငံ ဒပ်ဘလင်မြိုရဲ့ နာမည်ကျော် ရာဇဝတ်သားကြီး မာတင် ကာဟေးလ် (Martin Cahill) ရဲ့ ဖြစ်ရပ်မှန်ကို ရိုက်ကူးထားတာပါ။ သူ့ကို လူတွေက "The General" လို လူသိများကြပြီး ရဲတွေ ဖမ်းမမိအောင် အမြဲတမ်း ပါးပါးနပ်နပ်နဲ့ အစီအစဉ်ချပြီး ခိုးမှုကြီးတွေကို ကျူးလွန်ခဲ့ကြသူ ဖြစ်ပါတယ်။ သူဟာ ဘယ်လောက်ပဲ နာမည်ကြီးတဲ့ ရာဇဝတ်သားဖြစ်ပါစေ... သူ့ရဲ့ မိသားစုနဲ့ နောက်လိုက်တွေအပေါ်မှာတော့ အရမ်းကို သစ္စာရှိပြီး စောင့်ရှောက်တတ်သူပါ။ ဒါပေမဲ့ တစ်ဖက်မှာလည်း ရဲတွေက သူ့ကို ဖမ်းဆီးဖို နည်းမျိုးစုံနဲ့ ကြိုးစားလာသလို၊ အိုင်ယာလန်ရဲ့ လက်နက်ကိုင် အဖွဲအစည်းတွေနဲ့ပါ ထိပ်တိုက်တွေ့လာတဲ့အခါမှာတော့... သူတိုရဲ့ ကစားပွဲက ဘယ်လို အဆုံးသတ်သွားမလဲဆိုတာကို ရင်တထိတ်ထိတ်နဲ့ ကြည့်ရှုရမှာ ဖြစ်ပါတယ်။ File size… (1.5 GB) / (840 MB) Quality…. WEB-Rip 1080p HEVC / 720p Format…. mkv/mp4 Genre…. Crime,Drama Duration…. 01:59:04 Subtitle…. Myanmar Subtitle (Hardsub)

လီယံနယ်ဆန် သရုပ်ဆောင်ထားတဲ့ Michael Collins ဟာ အိုင်ယာလန်လွတ်လပ်ရေးအတွက် ကြိုးပမ်းခဲ့သူ ခေါင်းဆောင် မိုက်ကယ်ကောလင်းစ်ရဲ့အကြောင်းကို ရိုက်ကူးထားတဲ့ အတ္ထုပ္ပတ္တိဇာတ်ကားပါ။ ဗြိတိသျှအုပ်ချုပ်မှုအောက်ကနေ လွတ်မြောက်ဖို့ ကြိုးစားကြတဲ့ကာလမှာ သူ့ရဲ့ တော်လှန်ရေးလှုပ်ရှားမှုတွေကို တွေ့ရပါတယ်။ မိုက်ကယ်ကောလင်းစ်ရဲ့ ထူးခြားချက်က ပုန်းအောင်းနေခြင်းမဟုတ်ဘဲ လူမြင်ကွင်းထဲမှာ နေရင်း သူဘယ်သူဆိုတာ မသိအောင် ထိန်းထားနိုင်တာပါ။ သူ့ကို ဆုကြေးထုတ်ထားတဲ့ကြားက ဒပ်ဘလင်မြို့ပေါ်မှာ ဝတ်စုံပြည့်နဲ့ စက်ဘီးကို အေးအေးဆေးဆေး စီးသွားနေတတ်တယ်။ ဗြိတိသျှတွေ စစ်ပြေငြိမ်းရေး ကမ်းလှမ်းတဲ့အချိန်အထိ သူ့အကြောင်း ဖုံးကွယ်ထားနိုင်ခဲ့ပုံကိုလည်း ဖော်ပြထားပါတယ်။ သူ့တော်လှန်ရေးလမ်းစဉ်မှာ ပျောက်ကျားစစ်ကို စတင်အသုံးပြုခဲ့ပုံ၊ အိုင်ယာလန်ကို လွတ်လပ်တဲ့ပြည်နယ်အဖြစ် ဖော်ဆောင်ပြီး ငြိမ်းချမ်းရေးရဖို့ လုပ်ဆောင်ခဲ့ပုံတို့ ပါဝင်ပါတယ်။ အဲဒီနိုင်ငံရေးကြိုးပမ်းမှုတွေရဲ့ နောက်ကွယ်က ရှုပ်ထွေးမှုတွေနဲ့ ပေးဆပ်ရတဲ့ အရင်းအနှီးတွေကိုပါ ပြထားပါတယ်။